6 месяцев на форуме Автор 4 уровня Топ пользователь Все
Награды
6 месяцев на форуме
6 месяцев на форуме
Автор 4 уровня
Автор 4 уровня
Топ пользователь
Топ пользователь
1000 просмотров
1000 просмотров
Тыл үөрэхтээхтэрэ сэти үөскэттилэр
  659
ТЫЛ ҮӨРЭХТЭЭХТЭРЭ СЭТИ ҮӨСКЭТТИЛЭР

Саха дьоно былыр-былыргыттан куһаҕаны оҥорор быһыылартан сэт үөскээн тахсарын билэллэр. Ол иһин өй-санаа, таҥара үөрэҕин тутуһаннар сэти үөскэппэккэ кыһаналлар.
Киһи өйө-санаата аһара барар уратылаах. Ону бэлиэтээн ыра санаа диэн баар буолбут. Элбэхтик ыра санааҕа оҕустара сылдьыы киһилии быһыыны оҥорууга тириэрдибэт. Ол иһин өй-санаа, таҥара үөрэхтэрэ киһини харыстаан өйө-санаата аһара барарын тохтото, хааччахтыы сатыыллар.
Элбэх сыыһалардаах, албын “айыы үөрэҕэ” саха дьонун өйдөрүн-санааларын “айыы үчүгэй” диэн сымыйанан этэн, оннук үөрэтэн киһи быһыытын аһара барааччылар элбииллэригэр тириэртэ.
Эдэрдэр өйдөрө-санаалара хайа диэки салаллыытыттан быһааран тыл үөрэхтээхтэрэ оҥорбут “айыыларын үөрэҕэ” дьоҥҥо оҥорор куһаҕаннарын арааран билэр кыах баар буолла.
Тыл үөрэхтээхтэрэ, суруйааччылар уонна учуонайдар дьону албыннаан, була сатаан оҥорбут “айыыларын үөрэҕин” сыыһаларын, албыннарын биһиги арыйан “Чолбон” сурунаалга 2006 сыллаахха суруйбуппут. (1,70).
“Айыы үөрэҕэ”, “айыы үчүгэй” диэн этэр үөрэх дьон айыыны, ол аата уратыны, урут билбэттэрин, оҥорботторун оҥоро сатыыр санааларын аһара ыытар, улаатыннарар. Аһара барбыт өйдөөх-санаалаах киһи ону-маны, ол-буну, була сатаан оҥоро сатыыра табыллыбаккалар, сатаммаккалар куһаҕаны элбэтэн кэбиһэллэрэ сэти үөскэтэр.
Элбэх сыыһалардаах “айыы үөрэҕэ” саха дьонун өйдөрүгэр-санааларыгар оҥорбут куһаҕан өттүгэр халыйыылара манныктар:
1. Эдэр уолаттар айыыны оҥорор санаалара улааппытыттан ханнык эрэ айыыны, киһи билбэт, оҥорбот быһыытын оҥоро сатааннар сыыһа-халты туттуналлара, буруйу оҥороллоро элбээн хаайыыга түбэһэллэрэ үксээтэ.
2. Өлбүт киһи өйө-санаата туспа баран Үөһээ дойдуга айыы буолан тахсар. Айыылар Үөһээ дойдуга олохтоохтор. Бу айыылар ыҥырар, угуйар күүстэриттэн оҕолор айыы буола сатыыллара улаатан бэйэлэригэр тиийинэллэрэ элбээтэ.
3. Уһуннук үөрэтэр оскуоланы эдэр дьахталлар үөрэнэн бүтэрэллэр. Улаатан эрэр кыргыттар айыыны, уратыны оҥорор санаалара элбээбититтэн, ханнык эрэ кыайар айыыларын оҥороро сатааннар кыыстарын харыстаабаттара үөскээтэ. Эр дьон буор куттарын буккуйаннар күүстээх, кыахтаах уолаттар төрөөбөт буоллулар.
4. Эдэрдэр айыыны, уратыны, дьон билбэттэрин оҥоро сатыыр санаалара улаатан табаах тардаллара, арыгы иһэллэрэ, наркотиктары боруобалыыллара өссө элбээтэ. Биирдэ эмэ боруобалыы оонньуу сылдьаннар наркотикка ыллара охсубуттарын билбэттэриттэн эдэр наркоманнар эбиллэн иһэллэр.
5. Ыал кэлэр көлүөнэлэри үөскэтэр, иитэр, үөрэтэр аналлаах. Айыыны, уратыны оҥорор санаалара үксээбититтэн, солумсахтара улааппытыттан, эр уонна ойох сыһыаннарын сөптөөхтүк сыаналаабаттарыттан эдэр ыаллар арахсыылара элбээн иһэр.
6. Тыл үөрэхтээхтэрэ саха төрөппүттэрин быһаччы албыннаан оҕо ийэ кута хантан эрэ халлаантан түһэр диэн сымыйанан этэллэриттэн төрөппүттэр оҕо иитиитигэр аанньа кыһаммат буола сылдьаллар.
7. Солумсах санаа улаатыыта дьон атынтан-атыҥҥа көтүөккэлээн иһиилэрин элбэтэн уонна чэпчэки үлэни көрдүү сатыылларыттан, уһуннук үлэлэнэр үлэлэр кыайан үлэлэммэт буолуулара үөскээтэ. Тыа сириттэн эдэрдэр барыылара элбээн иһэр.
8. Бу сыыһа үөрэх дьайыытыттан дьон айыыны оҥоро сатыыр санаалара улаатан массыынанан айаннаан иһэн уратыны, дьон оҥорботторун оҥороору суол быраабылаларын тутуспаттарыттан уонна түргэнник айанныылларыттан абаарыйалар тахса тураллар.
9. “Айыы үчүгэй” диэн этии дьон айыыны оҥоро сатыыр санааларын улаатыннарарыттан уратыны, дьон билбэттэрин, оҥорботторун, ол аата айыыны бары оҥоро сатыыллара үөскээн сайынна. Антисептиги иһии диэн киһи оҥорбот быһыытын оҥоруу, олус улахан айыы буолар. Дьон антисептиги иһэн кэбиспиттэрэ олус улахан содулланан элбэх өлүү-сүтүү таҕыста, ону бүтүн Россия барыта биллэ.
Өй-санаа үөрэҕэр “айыы үөрэҕин” куһаҕан дьайыытыттан маннык халыйыы үөскээбититтэн дьон оҥорор быһыылара куһаҕан өттүгэр халыйыыта үөскээтэ. Бу өй-санаа халыйыыта сэти үөскэппитин дьон бары билэллэрэ эрэйиллэр.
Сэт үөскээһинэ саха омугу эстиигэ тириэрдиэн сөбүттэн эрдэттэн сэрэнэн элбэх сыыһалардаах, сахалары албынныыр “айыы үөрэҕин” тохтоттоххо табыллар буолла.
Онон саха дьонун өйдөрүгэр-санааларыгар сэти үөскэппит “айыы үөрэҕин тохтотор кэм кэллэ.
Туһаныллыбыт литература.
1. “Чолбон” сурунаал. 8 / 2006.
Автор Каженкин И.И. тел. 89659960900.
Ответов 15
  • хайахсыт
    хайахсыт
    Иван
    Ветеран
    13 сентября
     

    Айыы диэн "үчүгэй" тыл буолбатах. Биир эрэ өрүтэ үчүгэй, атыттара бары куһаҕаҥҥа тириэрдэллэр. Тыл үөрэхтээхтэрэ бу айыы диэн тыл бары суолталарын билбэттэриттэн сэти үөскэттилэр. Сэт үөскээһинэ диэн иэстэбил кэлиитэ буолар.

    0
  • Ogus
    13 сентября
     

    ТЫЛ ҮӨРЭХТЭЭХТЭРЭ диэ
    Били
    БУРУЙ ЭРЭ БАРЫТА МОТТОЙОҔО диэбит курдук буоллаххынный???

    smiling face with open mouth and cold sweat


    https://forum.ykt.ru/viewtopic.jsp?id=4671571

    0
  • Ogus
    13 сентября
     

    Бу
    ИИРЭЭНтэн
    тугу булан өйдүөххэ сөбүй???

    https://forum.ykt.ru/viewtopic.jsp?id=4675662

    0
  • Ogus
    13 сентября
     

    СЭТ диэ

    "Каждые 40 секунд
    в мире происходит очередное самоубийство.
    Каждые 12 минут один житель России уходит
    добровольно из жизни."

    0
  • milky_way
    13 сентября
     

    Сыбыссымыйанан ону маны🤣🤣🤣

    0
  • хайахсыт
    хайахсыт
    Иван
    Ветеран
    14 сентября
     

    Таҥара үөрэҕэ көрсүө, сэмэй буол диэн үөрэҕэ омукка сайдыыны аҕалар. Омугу үлэ эрэ сайыннарар. Онтон көрсүө, сэмэй киһи үлэни кыайар.
    Ол-бу ырыа-тойук, тылга тииһии омук сайдыытыгар туһата кыра. Атыттар үтүктэр сатабыллаах үлэлэрэ омук сайдыытын үөскэтэр.

    0
    • Ogus
      14 сентября
       

      хайахсыт,

      СЫМЫЙАннан ону-маны суруйума

      РЕЛИГИОЗНАЙ ДОЙДУЛАРга
      СЭРИИ
      АЙДААН
      ӨЛӨРСҮҮ-ӨСТӨҺҮҮ элбэх.

      0
      • Ogus
        14 сентября
         

        Самоубийства в Российской Федерации являются важной социальной проблемой национального масштаба.
        Уровень самоубийств в стране
        остаётся одним из самых высоких.

        0
        • Ogus
          14 сентября
           

          Самая РЕЛИГИОЗНАЯ СТРАНА В ЕВРОПЕ

          В Польше
          выросло число самоубийств
          среди молодёжи

          0
  • хайахсыт
    хайахсыт
    Иван
    Ветеран
    15 сентября
     

    "Киһини санаата салайар" диэн сахалар этэллэр. Санаа төһө да кыратын, умнуллан хааларын иһин сорохторо умнуллубакка, хос-хос хатыланан үгэһи үөскэтэн кэбиһэллэр. Ол иһин үчүгэй үгэстэрдээх киһи олоҕун киһи быһыылаахтык олорор кыахтанар.

    0
  • хайахсыт
    хайахсыт
    Иван
    Ветеран
    16 сентября
     

    Омук этин-сиинин бааһынайдар сайыннараллар. Төһө элбэх бааһынайдар сахаларга холбоһоллор да сахалар сайдан иһэллэр.
    Сайдыыны ситиһэн иһэр омук саҥарар тыла уларыйар. Ол иһин омук төрүт тылларын ордук кыһанан харыстаныллыахтаах.

    0
  • хайахсыт
    хайахсыт
    Иван
    Ветеран
    17 сентября
     

    Эдэр оҕолору "айыы үчүгэй" диэн сыыһа үөрэтииттэн ол-бу, буолар-буолбат айыыны оҥоро сатааннар куһаҕан быһыыны элбэтэллэр. Массыына абаарыйалара эбиллэн иһэллэрэ суоппардар айыыны оҥоро сатыыллара, суол быраабылатын тутуспаттара элбээһиниттэн тутулуктаах.

    0
  • хайахсыт
    хайахсыт
    Иван
    Ветеран
    18 сентября
     

    Тыл үөрэхтээхтэрин сыыһаларын, сымыйаларын билиэххэ сөп буолла.
    Өй-санаа, итэҕэл үөрэҕэ диэн олох үөрэҕэ буолар. Ханнык да сымыйата, албына суох буолара табыллар.

    0
  • хайахсыт
    хайахсыт
    Иван
    Ветеран
    20 сентября
     

    Сэт диэн иэстэбил үөскээһинэ буолар. Тыл үөрэхтээхтэрэ ол-бу араас, дорҕоонноро сөп түбэспэт тыллары оҥороннор оҕолор сахалыы саҥаралларын быраҕалларыгар тириэртилэр.

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь