Уважаемые пользователи, форум с 11 мая 2020 года объединился с другими республиканскими форумами под новым названием "Республика".
По этой ссылке добавлять новые сообщения невозможно. Все прежние темы с обсуждениями останутся доступными для чтения.
Добро пожаловать на объединенный форум "Республика"!
Геологтар кэбилээһиннэрэ тоҕо ?
Арыйаан Пестерев  -    1208
Дорооболорун !

Биhиги дойдубут олохтоохторо то5о бэйэбит сирбитин-уоппутун бас билбэппитий. То5о сир барыта РФ бас билиитигэр киирэрий ?
Мин ба5ар политикаттан ыраах, тэйиччи киhи тугу эрэ ал5аhыырым буолуо, ол эрэн Саха Сирэ Россия "субъега" буоларын быhыытынан бэйэтин сирин туспа бас билэр буолуохтаах буоллаҕа буолуо. То5о былаастарбыт барытын атыыга ыыталларый? Бэйэлэрин кытта атыыллыыллар ди.
Чурапчы олохтоохторо бары билэргит буолуо улуускутугар биир да промышленнай объект суох. Онтон Чурапчы да Таатта да улуустарын олохтоохторо үөрсэрбит, биһиги улуустар саамай ыраас айылҕалаах, сирдээх уоттаах дьоннорбут дэһэрбит. Онтукабыт ханна баар ?
Былырыыҥҥаттан ыла суох буолла. Былырыын эмискэ техникалаах дьон кэлэн просека бөҕөтүн солоон барбыттара. Онтон ыла мин тус бэйэм дьиксинэн барбытым. Быйыл сылгыларбын көрдүү сылдьан Бахсы Туйма үрэҕинэн кэлэн Сылаҥ Түөйэтинэн киирэммин Болтоҥо алаастарын таарыйан Кытаанах Наммаратын нөҥүөлээн Арыылаах алаастарынан дойдубар Тааттаҕа түспүтүм. Ол сылдьан сэрэйбит сэрэх, геологтар просекалара эбит. Кытаанах алаастарын бүтүннүү курдаттаабыттар. Колочка бөҕө аспыттар, провод бөҕө ыыппыттар. Ол сылдьан көрбүтүм Кытаанах алааһыгар тураллара, базалара быһылаах, техника, киһи бөҕө. Тиийэн ыйыталастым, кимнээхтэрин туохтарын. Улахан аҥардара тоҥ нууччалар, аҕыйах Саха баар. Биир да киһи сүгүн эппиэттээн абыраабата, эһиги олохтоохтор билиэ суохтааххыт диэннээхтэр. Хайыахпыный туруом дуо бардаҕым дии. Онтон бу бүгүн сурах кэллэ: Түөйэ улуу алааһыгар "Майа Баалыга" ол дьоммут бырааһынньык бөҕөлөр үһү диэн. Дьэ бу тугуй ?
Туох эрэ сир баайын буллулар дуо ?
Чурапчылар умуннугут дуо төрүккүтүн Улуу Кудаҥсаны ? Тоҕо ытык алааскытын, тыаҕытын, сиргитин-уоккутун көмүскэспэккит ?
Аны соторутааҕыта өссө биир сурах кэлэн соһуппута: Чурапчы Сыланыгар нефть булбуттар диэн. Бу иэдээн буолбатах дуо ?
Сир баайыттан сылтаан төһөлөөх айылҕа алдьанарын билэргит дуу суоҕа дуу ?
Мин тус бэйэм билэбин. Мин аҕам Мирнэйтэн этэ, оччолорго кини төрүүрүгэр Мирный диэн улуус суоҕа Садын улууһа дэнэрэ. Мин да онно төрөөбүтүм. Ийэм Алдан тоҥус кыыһа этэ. Мирнэйгэ айылҕаны алдьаппыттарын кэннэ биһи Алдаҥҥа ийэм дойдутугар кэлбиппит. Онно да сүгүн олорботохпут, уран булалларыгар мин баарым, өйдүүбүн. Бүтүн нэһилиэги көһөрбүттэрэ. Ыарахан санаалар ол кэмнээҕи. Онтон кэргэн ыламмын эмээхсиним дойдутугар Тааттаҕа кэлэн олохсуйбутум быйыл 45 сыла буолла. Оҕолорум, сиэннэрим Чурапчынан Тааттанан олохсуйдулар. Инньэ гынан икки улуус миэхэ быдан чугастар.
Ол иһин урукку геологтар содулларын билэр буоламмын, бу бүтүн Саха Сирин үрдүнэн тыытыыллыбакка хайдах баарынан турар кэрэ айылҕалаах улуустарбытын тоҕо көмүскэспэппит ?
Эмиэ Мирнай ду Алдан дуу курдук буоллахтарына бүттэхпит ол.



Семен Эйегасов.
Ответов 11
  • Ньукулай
    5 января 2020
     

    Россия теритториятыгар хостонор сир баайа барыта россия государствотын киэнэ буоллар
    Чааһынай участак сирэ уон эрэ сантымыатыр сир араҥата участактаах киһи киэнэ буолар
    Дьиэн анныгар нефть буллахтарына ол государство баайа эн онно туох да быраабын суох

    0
  • Ньукулай
    5 января 2020
     

    Саха сиригэр хостонор баайтан правительствобыт рента эрэ диэни ылар сир арендатын, эбэтэр акционер буолуон сөп хостуур компания акцияларын атыылаһан холобура алроса курдук

    Хомойуох иһин манна хостуур компаниялар саха сиригэр регистрациялара суох онтон эмиэ элбэх налог куотар, хампаанньа ханна регистрциялаах сиригэр нолуок төлүүр

    Бу барыта тоҕо иннигэ биһиги депутаттарбыт мөлтөхтөрүттэн

    0
  • Ньукулай
    5 января 2020
     

    Ил түмэн диэн туох туһата суох эмэһэ эрэ сылытар тэрилтэ

    0
  • Айылҕа
    7 января 2020
     

    Сөпкө этэҕин, итиннэ хоруй көрдүөххэ наада, тоҕо тугу кистииллэр?

    0
  • 222
    7 января 2020
     

    Хаччылаах буоллун да Россияга ханна багар тиийэн сир баайын кердее. Хайа эрэ Ньукулай оттуур сирэ диэн иннибэккин

    0
  • Ньукулай
    8 января 2020
     

    222, россияҕа эрэ оннук
    Атын дойдуларга законнара кытаанах

    0
  • Мария
    9 января 2020
     

    Биьиги биир кв м сири бас билбэппин. Барыта судаарыстыба сирэ.

    0
  • Тоһоҕолоох тоҕо
    9 января 2020
     

    Эс онтон Шиестар эппиэттээтилэр дии, биһиэхэ сахаларга кырдьык бары равнодушнай моя хата с краю дьонмут. Саатар нэһилиэнньэ билэрин курдук маннык оннук диэхтэрин,ыбылы кистэлэҥ дуу?

    0
  • Тыа уола
    9 января 2020
     

    Республикабыт салслтата, депутаттар дьарыктаныахтаахтар. Кырдьык, билигин хас илин эҥэр улуус нэһилиэктэрин аайы ити просекалар "үөскээн" эрэллэр. Үлэлиир дьон туох да буруйдара суох, ханна ыыталлар да онно тиийэллэр буоллаҕа. Айылҕаҕа хоромньу олус улахан буолара саарбахтаммат. Ирбэт тоҥмутун ойуурдарбыт, тыаларбыт тутан харыстаан турдахтара, ону ити кэрдэн кэбиһэн аата суох айдааҥҥа иэдээҥҥэ тиийэрбит буолуо

    0
  • Сайа5ас
    14 января 2020
     

    ким эрэ тугу эрэ оҥоруохтааҕын кэтэһэн олорор буоллахпытына талбыттарынан дьаабылыыллара биллэр буоллаҕа дии. Бэйэбит инициативалаан иһиэхтээхпит. Холобур кыраны ылан көрөр буоллахха оннооҕор самолекка багаж туһунан. Нуучча баар сиригэр багаж туталлар, онтон хоту улуустарга пассажирдар барахсаттар барытын бэйэлэрин санныларыгар соһоллор. Тоҕо? Айдаарбаппыт. Нууччалар кыраҕа даҕаны айдаан бөҕөтө тардаллар. Кыыһыра түстүлэр эрэ Путиҥҥа суруйаллар. Онтон биһиги, ээ ол депутаттарбытыгар, тойотторбутугар эрэнээхтиибит да ол дьоммут турууласпат буолбуттара ыраатта. Онон норуот күүһэ - көмүөл күүһэ диэни умнубакка билиҥҥэттэн санааны этиниэххэ наада, бүтэр бүппүтүн кэннэ буолбакка.

    0
  • @
    18 января 2020
     

    Биир эмэ салайар сохус киьи баар да чурапчыга миитин оноруох баар этэ оччохо туох эрэ тахсыа этэ боо манна суруйан туьата суох урдук сололоохторго суруй

    0
Обратная связь