Топ пользователь Все
Награды
Топ пользователь
Топ пользователь
Ийэбэр
  891
∞∞∞

Ийэбэр

Хас күнүм сырдатар сыдьаайын
Көрсөрүм--эн үтүөҥ ийэкээм,
Олоҕум--күндү, баар-суох баайым
Ону эн биэрбитиҥ биэбэкээм...

Түүн үөһэ үрүҥ түү былыттан
Кынаты үүннэрэн санныбар,
Тэбинээт ырам чиҥ кырсыттан
Көтөбүн төрөөбүт Тыымпыбар.

Алыстаах ахтылҕан ыллыга
Хаһан да оспот мин сүрэхпэр,
Дойдукам угуйар кыттыга
Тиэрдэр мин оҕо эрдэхпэр

Онно мин көрөбүн күн ийэбин
Түөһүгэр сыстарга баҕалаах,
Чугаһаан кууһуохпун күбэйбин
Уһуктан кэлэбин...абалаах!

Элбэх хаар уулунна санныбар
Хаһан да өлбөөрбөт тырымыҥ,
Арчыта өрүү баар аттыбар
Ону мин билэргэ дылыбын...

Тыыннааҕым тухары харыстаан
Эн ааккын үрдүктүк тутуоҕум,
Эйиэхэ анааммын хатылаан
Тапталбар билинэ туруоҕум!!!

.................Этигэн Ыра.................
Хампа
Ответов 0
Обратная связь