Сарсын эмиэ саҥа күн үүнүө
Кыраһа суруга  -    1122
Сарсын эмиэ саҥа күн үүнүө

Түүн. Барыта тула чуумпурда. Күннээҕи түбүк хаптайда. Дьулус утуйаары сытан ааспыт олоҕун санаата...
Киһи олоҕо араас кэрчиктэртэн турар. Сыыһыы-табыы, дьону хомотуу, дьону үөрдүү. Дьулус да олоҕор араас элбэх сыыһаны, үтүө быһыыны да оҥорон кэллэ.
Сүүрбэ үс сааһыгар кэргэннэммитэ. Таптыыр этэ дуо кэргэнин? Билигин кэлэн этэр буоллахха туох да диир кыаҕа суох. Арай оччолорго уопсай маасса күүлэйдиир, бардары кэрийэр, пиибэлиир кыргыттартан атын курдуга Аля... Мээнэ онно-манна сылдьыбата, аймахтарыгар олороро. Нууччалыы иитиилээх саха кыыһа, ыал соҕотох оҕото, соҕуруу улууска улааппыт. Куоракка эдьиийигэр кэлэн олороро.
Дьулус оччолорго тэрилтэҕэ суоппардыыра, үлэтиттэн дьоҕус да буоллар бэйэтэ бас билэр хостооҕо. Онон син бэйэтин хоп курдук сананара. Аҕыйах ый билсээт холбосппуттара. Үс сыл оҕоломмотохторо. Онтон кэлин Аля дьахтар өртүнэн күүскэ эмтэнэн сыры-сыллата уолаах-кыыс оҕоломмуттара.
Барыта эмиэ да үчүгэй курдуга тас өртүттэн көрдөххө. Ол эрээри Аля ыал соҕотох оҕото, нууччалыы иитиилээҕэ таайара. Бииргэ төрөөбүттэр, аймах диэни, уол өртүттэн төрүт билиммэтэ, дьиэҕэ-уокка сырытыннарбат этэ. Тыйыс, кытаанах, бэйэмсэх соҕус майгылааҕа. Оттон Дьулус тоҕо эрэ кыра эрдэҕиттэн наар санаатыгар дьиҥ нарын саха кыыһын ыраланан көрөрө Көрсүө-сэмэй, аймаҕымсах, сымнаҕас майгылаах. Аляны оннук дии санаабыта, атын буолан тахсыбыта.
Ол курдук син инчэҕэй тирбэҕэ быстыбатынан уонтан тахса сыл олорон кэлбиттэрэ. Дьиэ-уот, даача, массыына үрдүк үөрэх, үчүгэй үлэ барыта баар буолбута. Ол эрээри, арыт ардыгар киэһэ дьиэҕэ икккиэн тус туһунана бэйэлэрин эйгэлэригэр сылдьаллара. Аля өрүү инстаграммы көрөн өссө баай талым олоххо ымсыырара, онон сулуйдаан Дьулуска итинник муораҕа сылдьыахпын баҕарабын, маннык сыаналаах мебель, маннык крутой ремонт оҥотторуохпун баҕарабын диирэ. Оттон Дьулус туһунан бэйэтин эйгэтигэр ватсапп бөлөхтөрүгэр уолаттарын кытары булт-алт, балык туһунан кэпсэтэрэ. Өрөбүллэргэ ханна бултуу-балыктыы барыахтарын болдьоһоллоро, былаанныыллара..
Ньургуйаананы көрсүөр диэри... Кинилэр таксига билсибиттэрэ. Сороҕор киэһэ иллэҥ кэмигэр кыра бензин-ас харчыта оҥостоору Дьулус Индрайвердыыра. Ол сылдьан биир киэһэ биир адрестан кыра оҕолоох кыыһы Сэргэлээх дачаларыгар илпитэ. Кыыс аара суолга кэргэнэ иһэн баран кэлэн айдаарбытын, этиспиттэрин, онтон сылтаан дьүөгэтигэр дачаҕа куотан эрэрин кэпсээбитэ. Кыыс кэпсээниттэн өйдөөбүтүнэн ол киһи таах көлөөк күн аайы арыгылыыр киһи курдук өйдөөбүтэ, кыыһы аһыммыта.
Телефоннарын атастаспыттара, күн аайы суруйсар буолбуттара. Ньургуйаана оҕо балыыһатыгар быраас эбит. Кэргэнэ тугу да үлэлээбэт, таксист, сотору сотору иһэр, дьиэҕэ туох да туһата суох киһи диэн кыыс кэпсээбитэ. Сыһыаннара күнтэн күн дириҥээн барыта ыраатан барбыта.
Сотору буолаат, Ньургуйаана суукка арахсарга заявление биэрбитэ. Иһээччи эрэ туох баар элэ-была тылын этэн, ааттаһан-көрдөһө сатаабытын ойоҕо кытаанах этэ. Соннук ытаан-соҥоон ол киһи малын-салын хомунан хоту дойдулаабыта. Ол сураҕынан имниин сүппүтэ.
Аны эн араҕыс, я уже свободна - диэн Ньургуйаана Дьулуска усулуобуйа туруорбута. – Меня не устраивает второстепенная роль любовницы. Выбирай или семья или я. Или олох бүтэрдии бүтэбит. Эн мин олохпор мэһэйдэспэккин, мин саҥаттан олохпун оҥостобун. Благо, поклонниктарым элбэхтэр, стоит только пальцем поманить – диэн кыыс мас-таас курдук Дьулуска эппитэ.
Дьулус Аляҕа этэн, айдаан бөҕөнөн арахсан Ньургуйаанаҕа көспүтэ. Ньургуйаана бастаан үөрбүтэ киһитэ киниэхэ букатын көһөн кэлбитигэр. Онтон кэлин, Аля эрин алимеҥҥа биэрбитэ, туох баар дьиэ-уот, элбэх сыл тухары мунньуллубут имущество барыта дьахтарга хаалбыта. Дьэ манна Ньургуйаана абаран турбута. – Киһи да бөҕөтөҕүн саатар дьахтаргыттан туох да дьиэ-уот тутан хаалбатын, мин дьиэлээхпин- уоттаахпын, эн тугун да суох!
Дьулус соһуйбута. Ол эрээри буолар буоллаҕа. Аляҕа син биир төннүбэт. Олоҕун уларытаары араҕыстаҕа. Таптыыбын дии саныыр Ньургуйаанатынаан өр бииргэ олорботохторо. Биирэ наар сирэй-харах анньара элбэҕэ бэрт этэ, мин дьиэбэр олороҕун, туга да суох кэллин, алиментщиккын. Онно эбии өссө оҕолорун уоллаах кыыһын кытта көрсөрүн олох сөбүлээбэтэ.
Кэлин тиһэҕэр Ньургуйааналыын арахсыбыттара. Дьулус барытын бэйэтэ саҥаттан саҕалыырга санаммыта. Хос куортамнаабыта. Квартира иһигэр өссө хас да хос куортамнанара. Оо онно араас дьон кэлэн олорон бараллара. Хас да түүн итирик ыччаттар арыгылаан утуппатахтара. Тахсан буойуон быстахха былдьаныан баҕарбатаҕа. Табаарыһыгар тиийэн хоммута. Уол киҥэ-нара улаханнык холлубута. Кэлин тулуйа сатаан баран, синэ биир диэн баран тахсан буойуталаабыта. Ыччаттар, эдэр студеннар син киһи эрэ буоллар тохтообуттара, боруок көрдөөн кырбаабатахтара. Арааһы барытын ааспыта.
        Олох диэн араас. Хаһан эрэ бииргэ үлэлиир коллегата кырдьаҕас нуучча суоппара оҕонньор Михалыч эппитин курдук – Жизнь она как зебра или тельняшка, есть белые полосы и темные. Важно все претерпеть.
    Билиҥҥитэ Дьулус олоҕо орун оннун булла. Кини билигин «Алмазы Анабара» тэрилтэҕэ улахан “Белаз” массыынаҕа суоппарынан үлэлиир. Номнуо төрдүс сыла. Дойдутугар тыаҕа тахсан саҥаттан дьиэ-уот тутунна, саҥа массыына ылынна, кыра сылгы үөрдээх. Оҕо эрдэҕиттэн ыраламмыт баҕа санаатын толорон, дьиҥнээх сэмэй саха кыыһын көрсөн ыал буолла, кэргэнэ үтүө, оҕолору сырдыкка угуйар идэлээх – учуутал, сытыары сымнаҕас майгылаах, көрсүө-элэккэй, кинилэр дьиэлэригэр ыалдьыттарга-аймахтарга аан өрүү аһаҕас. Куораттан оҕолоро тахсан аҕаларыгар ыалдьыттаан хонон-өрөөн бараллар. Онтон ордук уонна туох үчүгэй кэлиэй ? Дьулус бүгүн дьоллоох. Күһүөрү Айтатынаан оҕо кэтэһэллэр. Барыта этэҥҥэ, үчүгэй. Сарсын эмиэ саҥа күн үүнүө.
Ответов 2 Написать ответ
Ответ на тему: Сарсын эмиэ саҥа күн үүнүө
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания