6 месяцев на форуме Автор Топ пользователь Все
Награды
6 месяцев на форуме
6 месяцев на форуме
Автор
Автор
Топ пользователь
Топ пользователь
1000 просмотров
1000 просмотров
Көрөөт таптаабытым
  1744
1).
Дьулус армияттан дойдутугар соторутааҕыта кэлбитэ. Бүгүн ыһыах. Хапсаҕайга кытта сылдьар. Билигин финалга киириэхтээх.
— Ити, атахха үчүгэйдик тэбэр уол. Былырыыҥҥы чемпион. Атаххын олох үчүгэйдик кэтэнэ сырыт — быраата Жора сүбэлии турда. Дьулус кэтит сарыннаах, синньигэс бииллээх бүтүннүү иҥиир-былчыҥ, саамай күнүгэр сылдьар уол. Этин-хаанын сылытар хамсаныылары оҥорорун быыһыгар намыыннык кутуллар ырыаны истэр.
— Этиий миэхэ, нарын ырыа,
— Хагдарыйбыт ньургуhунуом.
— Ааспыт сыллар кэрэлэрэ,
— Мин маннайгы тапталым…
Дьулус сцена диэки хайыста. Нарын сэбэрэлээх билбэт кыыһа ыллыы турар. Дьүһүнэ хомоҕойо уолу абылаата. ,,Кэрэ да кыыс. Хайалара буоллаҕай? Инник кыыһы урут көрбөт этэ ээ".
— Чэ, Дьулус эйигин ыҥырдылар дии. Киир.
Илии тутуһуу буолла. Свисток. Анараа уол кимэн киирэн барда. Дьэ кырдьык курбалдьытан сымса уол эбит. Дьулус кыра эрдэҕиттэн тустар. Уол кимиилэрин сыыһа-халты харбата, уҥа-хаҥас садьыйталыы сырытта. Хапсаҕайдыы сылдьарын көрдөҕүнэ уол ыраахтан атахха үчүгэйдик кииртэлиир эбит этэ. Тутуһуохха наада – дии санаан илиититтэн тарта. Утарылаһааччыта илиитин сулбу тардан кэннин диэки тэйиитигэр хонноҕун аннынан умсан атаҕыттан харбаабытынан өрө сүгэн таһаарда. Ыһыы-хаһыы буолла. Дьулус кыайан көмүскэммэт гына ылларбыт уолу аргыый  көхсүнэн сиргэ уурда.
— Уруй, уруй! – хаһыыны кытта кыайыылааҕы илиитин өрө уунууларыгар Дьулус дьон быыһыгар били ыллаабыт кыыс кинини хайгаабыт харахтарынан көрөн турарыгар хараҕа хатанна. Сонно сүрэҕэ ,,мөҕүл" гынна. Итии сүүрээннэр этин устун сүүрдүлэр. Түһүлгэ кырыытыгар тахсан таҥаһын таҥна турда. Быраата Жора үөрбүтэ сүрдээх.
— Кыайыы үөрүүтүгэр кымыстаах шашлык ылан кэлиэм! – дии, дии ларектар диэки сүүрэ турда.
Утуу-субуу табаарыстара кэлэн эҕэрдэлээтилэр.
— Дьэ кылбар кыайыы буолла дии, Дьулус! – Слава илиитин биэрдэ. Дьулус мичик гынна.
— Илиитигэр кыанар, сымса уол эбит дии. Хайаларай, ити?
—Баһылаайкыннар мааны күтүөттэрэ.
Жора илии тутуурдаах тиийэн кэллэ.
—Хайа убай дорообо! Шашлыкта сиэххэ.
Үһүөн олорон аһаан бардылар.
Сценаҕа сахалыы таҥастаах кыргыттар үҥкүүлүү сылдьаллар.
— көрбүтүм эйиигин ыһыахха,
— кымыспыт иһиитин саҕана,
— үөрүүттэн-көтүүттэн долгуйан
— үчүгэй да этэ ыллыахха...
Өйдөөн көрбүтэ били кыыһа эмиэ үҥкүүлүү сылдьар эбит. Иинэҕэс талах курдук имигэс, кэрэ да таһаалаах кыыс… мөтөйбүт түөһэ, үөрэн мичийбит сирэйэ Дьулуһу олус абылаата. Хараҕын араарбакка көрөрүн табаарыһа Слава сразу өйдөөн көрдө.
— Ханаа, Дьулус! Кыыһы хараххынан уматан кэбиһээри гынныҥ дии — Слава саҥатыттан Дьулус ходьох гынна…
— Ээс, оттон…
— Чэ, чэ да. Кыбыстыма! — күлэ-күлэ Слава саҥарар. — Хата билиһиннэрэбин да? Эдьиийигэр ыалдьыттыы кэлэ сылдьар кыыс. Мин билэрбинэн уола суох этэ.
— Эс, суох.
— Чэ, оттон эн бил. Армияҕа хайдах сылдьан кэллиҥ? Ханна сырыттыҥ? — Слава үрүт үөһэ ыйытан барда.
Ол курдук син уһуннук кэпсэтэ олордулар. Кыайыылаахтары награждение кэнниттэн Дьулус дьон быыһынан хааман иһэн били кыыһа баран эрэрин көрө түстэ. Уонна түргэн соҕустук күөйэ хааман кыыс иннигэр тохтоото.
— Ой! – кыыс соһуйан саҥа аллайа түстэ.
— Дорообо, кыысчаан. Билсиэххэ син дуо?
Кыыс сирэйэ кытаран, имэ тэтэрэн барда. Саҥата суох көрсөн турдулар. Онтон кыыс мичик гынан баран, симиктик: — син — диэтэ
— Дьулус диэммин – илиитин кыыска уунна.
— Намыынабын.
— Наскылдьыйар таһаалаах, нарын, намчы Намыына – ситэрэн биэрдэ Дьулус. Намыына күллэ. — Хайа диэки хаамтыҥ, Намыына? Атаарабын да?
— Клубка баран кэлэрдээхпин.
— Чэ, бардыбыт.
Аргыый, суол кытыытынан хаамтылар.
— Эн хантан сылдьаҕын? Урут эйигин көрбөт этим ээ.
— Мэҥэттэн сылдьабын. Эдьиийбэр сайылыы кэлбитим.
— Ээ, сөп. Наһаа кэрэ куоластааххын дии… иһиттэр истэ туруох курдукпун. Хомойуом иһин ситэ истибэккэ хааллым дии. Миэхэ эрэ анаан ыллыаҥ да?
— Ээ, чэ… — кыыс күлэн лыҥкынатта — наһаа билсээт да эйиэхэ анаан ыллаан барбат буоллаҕым дии. А, так ыллыы туран тустар уолу санаабытым. Ол эн эбиккин. Финалга тустаргар ыбылы болейдаабытым дии.
— Ээ, да? Аата үчүгэйиэн! — иккиэн уһуннук күлүстүлэр. — Киэһэ дискотекаҕа кэлэҕин да?
— Эн ыҥыраҕын дуо? — Намыына күллэ.
— Аа, оттон… сөбүлэһэр буоллаххына... мин үөрүөм.
— Ыҥырар буоллаххына — кэлиэм.
— Ээ, бэт дии. Телефонуҥ номерын биэрэҕин?
— Суруй.
Дьулус кыыс этэр сыыппараларын телефонугар киллэрэ оҕуста.
— Дьулуус! Тоойуом, Дьулускун дуу, атыҥҥын дуу... маны дьиэбэр илдьэрбэр көмөлөһүөҥ дуо? — соседката эмээхсин суумкаҕа толору ас атыыласпытын илтэрээри чарапчыланан көрө турар эбит.
— Аа, оттон... илдьэр буоллаҕым дии. Хайыахпыный...
Дьулус кыыстан арахсыан баҕарбата сирэйигэр көстөр. Эмээхсин онно эрэ наадыйбат.
— Ии, оҕом барахсан хаһан аккаастаммытыҥ баарай...
— Чэ, пока Намыына. Көрсүөххэ диэри дии...
— Пока, Дьулус
2).
Киэһэ Дьулус ийэтигэр хойутуу кэлэрин этэн баран олимпийкатын санныгар быраҕан таһырдьа таҕыста. Сайыҥҥы күн биллэ намтаан салгын сөрүүдүйбүт. Уол кыыһы көрсүөхтээҕин санаан үөрэн сүрэҕэ минньигэстик нүөлүйдэ. Сүүрэн иһэн олбуорун үрдүнэн чэпчэкитик ,,тэп" гына ойон ааста. — Аата, аанынан да сылдьыан, бу уол! — ийэтэ мөҥүттэр саҥата аһаҕас түннүгүнэн иһилиннэ. Дьулус мичээрдээн ылла. Ийэтэ барахсан кырдьаахтаабыт. Төһө да мөҕүтүннэр — уолун таптаабыт хараҕынан имэрийэ көрөрүн көхсүнэн сэрэйэр. Намыына олорор дьиэтигэр бэрт түргэнник хааман тиийдэ. Телефонун ылан Намыынаҕа эрийдэ. Билигин Кини саҥарыа диэн санаабытыгар сүрэҕэ күүскэ тэбиэлээтэ.
— Истэбин — бэккэ күүппүт саҥата иһилиннэ.
— Привет… мин кэллим. Тахсаҕын да?
— Билигин тахсыам. Күүтэ түс, сөп…
— Аа, күүтэн бөҕө дии.
Өр күүппэтэ. Чэпчэки атах тыаһа тыбыгырайан иһилиннэ.
— Привет, Дьулус
— Привет, Намыына
Истиҥник мичээрдэһэ көрүстүлэр. — Кэрэ кыыһы кытта сиэттиһиэххэ син да?
— Син — мичик гынна, Намыына
Кц-га тиийбиттэрэ номнуо, дьиримниир уотунан оонньоон музыка күүстээх тыаһа доргуйан олорор эбит. Киһи танцзалга ыы-быччары. Дьулус кыыһы зал ортотун диэки сиэтэн киирдэ. Иккиэн утарыта туран үҥкүүлээн бардылар. Бииртэн биир ырыалар тохтоло суох кутуллан истилэр. Намыына синньигэс, Дьулустан арыычча намыһах кыыс эбит. Үрдүк хобулуктаах туфля кэппитэ буоллар үрдээн көстүө эбит. ,,Аргыый, долгун курдук хамсанан бэйэтигэр наһаа барардык үҥкүүлүүр" — дии санаата Дьулус.
— Я волна, новая волна
— Подо мной, будет вся страна…
Дьулус музыка тыаһыгар сөп түбэһиннэрэн төбөтүн хамсатан үҥкүүлүүр. Илиилэрин ытыһынан утары кыыска ууммутугар Намыына утары уунан ытыстарын сыһыарда уонна оннук илиилэрин араарбакка үҥкүүлээтилэр. Дьулус үөрүүтүттэн хараҕын симэн ылар. ,,Дум, дум" гынар музыка тыаһыгар зал тэҥҥэ хамсанан өрө дьигиһийэн олорор. Кэрэ да кыыс, маннык кыыһы кытта үҥкүүлээбэтэҕэ ырааттаҕа дии. Онтон медляк тыаһаан барда. Дьулус ыйытардыы Намыына диэки көрдө. Кыыс саҥата суох уол санныгар илиитин уурбутугар кыыһы синньигэс биилиттэн аргыый бэйэтигэр сыһыары татта. Уонна музыкаҕа олорсон аргыый хамсаан үҥкүүлээбитинэн бардылар. Кыыс Дьулуһу моонньуттан кууспутугар түөһэ уолга сыһынна. Дьулус наһаа үөрдэ уонна кыыһы нарыннык бэйэтигэр өссө сыһыары кууста. Сирэйин кыыс баттаҕар сыһыаран аргыый моонньуттан уурата. Кыыс умсугутар сыта уолга билиннэ. Син өр үҥкүүлээн иккиэн да тириттилэр.
— Таһырдьа тахсабыт даа, Дьулус? — кыыс уол хараҕын көрөр.
— Тахсыахха.
Таһырдьа сып-сырдык.
— Наһаа дьикти дии. Күн киирбэтэ — Намыына сөҕөн саҥарар.
— Үрүҥ түүннэр диэн бу буолаллар. Биһиэхэ маннык, күн киирбэт түүннэрэ буолаллар. Ол оннугар кыһын күн тахсыбат күннэрэ кэлэллэр. Зато — бастакы күн тахсыытын көрөр наһаа күүтүүлээх, үөрүүлээх буолар. Эһиэхэ оннук буолааччы дуо?
— Күн да? Күнү аҕынахха оннук буолуо… билбэтим…
— Тогда тебе этого не понять — иккиэн тэҥҥэ күлүстүлэр.
— Эй наа! Табахтааххын да? — кэннилэригэр куруубай куолас иһилиннэ. Дьулус эргиллэн көрбүтэ хас да уол тураллар эбит. Намыына куттанан Дьулуска сыһынна.
— Суох доҕор. Табахтаабаппын.
— Ээ, б.я тугу гони гынаҕын?! — ыган кэллилэр.
— Клубка киир дии, Намыына — диэн баран кыыһы бэйэтиттэн тэйитэ аста. Уонна утары хаамта.
— Аргыый доҕор. Көбүөлээн түһэҥҥин. Суоҕу хайыыбын?
— Б.я, эн акаарыгын что-ли, быһыта сынньыллыаххын баҕардыҥ да? — тула тураары гыммыттарын Дьулус тэйэ хаамта. Сүгүнүнэн арахсыбаттыы кэлбиттэрин сэрэйдэ.
— Ээ, бырааттар… мин эһигини тыыппатым, эһиги да — диэн иһэн хараҕын кырыытынан ойоҕоһугар турар уол резко хамсаабытын  кыл мүччүргэнэ көрөн — аһаран биэрээтин кытта сутурук сиирэ-халты дайбаан ааста. Ону кытта тэҥҥэ түүҥҥү күн уотугар Дьулус харытын чаһыта кылбас гынан эрэрэ баара да, утары турар уол кэтэҕэ кэннин диэки дьигис гынаат, турбутунан сууллан түстэ. Онтон иккис уолу искэ тэбэн түһэрдэ.
— Н...я, б.я! — уолаттар Дьулус үрдүгэр саба түһэн кулупаайдаабытынан бардылар. Дьулус кэннинэн тэйэ куота сылдьан биир-биир таба охсуталаан түһэртээтэ.
— Ээ, тохтооҥ-тохтооҥ. Ити биһи убайбыт эбит дии. Дьулус, извини брат. Не признали… — сразу бары тохтоон хааллылар.
— Эппиэт ылан баран — не признали буолумунаҕыт.
— Ээ, бу ыччаттар дии…
— Кыыһы тыыппатаххыт үчүгэй… иначе… — ситэри саҥарбакка эргиллэн бараары гынна.
— Иначе тугуй?! — хадаар саҥа иһиллибитигэр Дьулус эргиллэ биэрдэ.
— иначе было бы иначе…
— Толян бүт эрэ да! Х..и б.я убайга ыстаҥалыыгын?!
Дьулус эргиллэн көрбөккө кыыһыгар барда.
3).
Кыыстаах уол кц-тан тахсан индигир диэки сиэттиһэн хаамтылар. Индигир эбэ туолан, хаатыгар баппакка бычылыйа устан күүгэннирэ сытар. Айылҕа муҥутаан ситэн турар кэмэ буолан талах, дөлүһүөн сыта киһи өйүн туймаардар. Талах чыычаахтара субу аттыларыгар ыллаан чубугураһаллар. — кимнээхпит кэлэн түүннэри хаамыстыгыт? — диэбиттии талахтан талахха көтө-көтө любопытнайдаан өҥөҥнөстүлэр.
Дьулус... эн ити Толя диэн уолу кытта аахсыма сөп...
— Аа, ити кини эйигин күнүүлээн дьаабыламмыт дьүһ
Ответов 5 Написать ответ
  • Сахабын67
    23 февраля  

    — Аа, ити кини эйигин күнүүлээн дьаабыламмыт дьүһүнэ да?
    — Оннук буолуо.
    — Сөп, Намыына-куо. Туох диэн ааҕыстахпыный? Главнайа эн миигин таллаҕыҥ дии... А, он с носом остался... миигин талаҕын да? — Дьулус тохтоон Намыынаны бэйэтин диэки хайыһыннарда уонна хараҕын утары көрөн турда.
    — Таламмын бу хаама сырыттахпыт дии — Намыына Дьулуһу синньигэс биилиттэн кууһан, төбөтүн уол санныгар сыһыарда. Дьулус кыыһы сэрэнэн ыга кууста.
    — Намыына, билэҕин... мин эйигин көрөөт да сөбүлээбитим. Наһаа да кэрэ кыыс ыллыы турар дии санаабытым.
    — Дуо... мин эмиэ... хапсаҕайдыы сылдьар уолу тоҕо эрэ хараҕым таптыы көрбүтэ... Атаххыттан ылларбыккар наһаа улаханнык хаһытаабытым. Даже бэйэм да наһаа соһуйбутум. Санаабар дьон бары мин диэки хайыһа түспүт курдук этилэр — иккиэн күлсэ түстүлэр. — Кыбыстыбыппыаан...
    — Ээ, ол бастакы хапсыһыыга диэ. Сатана уола чуть охторо сыыспыта дии. Кыл мүччү куоппутум. Ол иһин кыыс хаһыыта иһиллибитэ ээ — дии дии күллэ, Дьулус
    — Намыына, билэҕин... мин маннык хаһан да кыыһы кууһа иликпин ээ... как-будто эйигин уруут-уруккуттан билэр курдукпун. А, ведь только сегодня я тебя встретил...
    — Дии... мин эмиэ тоҕо эрэ эйиэхэ наһаа эрэнэбин. Эйигин оннук чугастык ылынным быһылаах. Миигин атаҕастыа суоҕа дии саныыбын.
    — Эрэн, чыычаах... хаһан да үйэбэр хомотуом суоҕа.
    Дьулус кыыһы иэдэһиттэн ытыһынан тутан харахтарын утары көрдө. Көмөр хара харахтардаах... кыра, көнө муннулаах, дьэдьэн курдук бөлтөйбүт уостардаах... уол кыыһы аргыый уоһуттан уураан ылла. Намыына харахтарын симэн турда. Онтон эр ылан Дьулус кыыска өссө уоһунан сыһынна. Намыына эппиэттээн уураһан барда.
    Сайыҥҥы сылаас түүн сарсыарданан дьыбарданан, тымныйан барда.
    — Тоҥнуҥ да, Чыычаах?
    Дьулус олимпийкатын устан кыыска кэтэртэ.
    — Оттон эн? Тоҥмоккун дуо?
    — Ээ, суох. Сылдьа үөрүйэхпин. Эн тоҥноххуна ыалдьыаҥ дии.
    Илии-илиилэриттэн сиэттиһэн кыыстаах-уол дьиэлэрин диэки хаамса турдулар. Кинилэри уруйдаан чыычаахтар үрүт үөһэ чыбыгыраһан саҥа үүммүт күнү, саҥа үүммүт тапталы айхаллаан ыллыы хааллылар.
    4).
    Тыал да тыал, ардах да ардах. Тииттэр тостуох айылаах токуруйаллар.
    — Кырыыһабыт алдьанан покаалаһан далбаатана турар. Көтөрө чугаһаата. Дьиэбит тэстэн аҕай эрэр. Саатар ити да аһай тыаҕа баран дьөлө түһэн хааллаҕай?! Дьиэтигэр олорбот киһи баар дии! — эдьиийэ Варя (кэргэнэ таптаан — Варюша диэн ааттыыр) этинэн умайыктанара иһиллэр. Намыына хоһуттан тахсыбыта зал потолога тэстэн эрэр эбит.
    — Кими эрэ ыҥыран оҥотторбут киһи. Саатар телефон ылбат сиригэр барар буоллаҕа дии. Олох да барбахха ханна эрэ дьахтардыы сытар ини! Дьоннор оттон син кэргэттэрин кытта төһө да бултуу бардаллар кэпсэтэллэр! — эдьиийэ Варя син биир тохтообот.
    — Коляҕа кыыһырымарыый, эдьиий. Таайын кытта үүтээн тута барбыта дии. Коля оннук киһи буолбатах ээ.
    — Иэ, чэ таайа да сымыйаннан миигин кытта сырытта  диэтэҕинэ хоһута суох.
    —Мин ыҥырабын да, Дьулуһу. Кэлэн оҥороро дуу. Кырыыһаны.
    — Иэ, хата эрийэн көр. Оҥоро сырыттаҕына тыал көтүтэн барбат ини? — эдьиийин хараҕа тэбэнэттээхтик умайдылар.
    — Айыы даҕаны — Намыына күлэн ылла — наһаа көппөт ини
    — Аны кырыыһа үрдүттэн адаарыйан аҕай түһүө дии — эдьиийэ иэрийэ-иэрийэ күллэ.
    Дьулус гараһын иһигэр мотоциклын хасыһа сырытта. Эргэрээхтээбит. Саҥаны ылыммыт киһи дии саныыр. Ол сырыттаҕына телефона хомустаан айманна. (Намыына эрийдэҕинэ тыаһыыр рингтона).
    — дорообо, чыычаах.
    — Дьулуус, дорообо. Баһаалыста сололоох буоллаххына көмөлөһүөҥ да?
    — Аа, биллэн турар көмөлөһөн буоллаҕа дии. Звезды достать, человека убить не могу. Помогу, чем смогу. Этиий
    — Ээ, чэ кими өлөттөрдөхпүнүй... (күлэрэ иһиллэр) дьиэбит крышата тэстэн эрэр. Оҥорон биэрэҕин да?
    — Ааһан иһэн буоллаҕа дии.
    — Ээ, бэт дии. Саморез, шуруповерт баар үһү.
    — Сөп, чыычаах. Кэлиэм.
    Түргэн соҕустук илиитин, сирэйин суунан баран таҥаһын уларытынна. Хата Намыынаны көрсөр сылтах көстүбүтүгэр үөрүүнэн тахсан сүүрэ турда.
    Тиийбитэ кырдьык биир профлист босхо баран салыбырыы, тыаһыы-ууһуу турар эбит. Варялаах Намыына күүтэн тураллар.
    — Мэ, Дьулус. Кыратык ииттэрдим. Ити сатана тыаһа-ууһа улахана... өйбүн көтүттэ. Саморезтаргын сиэпкэр уктаҕын дуо?
    — Ээ, бааҥкалыын аҕал
    — Мин тахсыһабын да, Дьулус? — Намыына курткатын үрдүгэр түстэ
    — Эс, суох Намыына. Бэйэм да туттартыыр инибин
    Түргэн соҕустук кирилиэһи өйөннөрөн тахсан профлииһи көннөрөн, саморезтарынан туттартаан кэбистэ.
    — Иэ, оҕом маладьыас. Түргэн-тарҕан киһи оҥоро оҕустаҕыҥ түргэнин. Чэ, киир. Бэрэскилээх чэйдэ ис. Намыына чэйдэтиэ. Мин ыалга бардым. Ити сатаналар кэллэхтэринэ аһатаар сөп дуо... кыыһы илдьэ бардым. Киэһэ биирдэ кэлиэхпит
    Эдьиийэ этэн-тыынан, кыра кыыһын таҥыннара охсон тахсан барда. Намыына икки чааскыга чэй кутан, бэрэскитин микроволновкаҕа сылытан Дьулуһу остуолга ыҥырда.
    — Эдьиийиҥ — красавица, дьаһаллаах тётя... Наһаа минньигэс бэрэски дии. Эдьиийиҥ буһарда дуо?
    — Мин буһарбытым
    —Тыый, олус да үчүгэйдик буһарар эбиккин дии.
    — Эдьиийим үөрэппитэ.
    — Оттон ийэҥ, аҕаҥ ханналарый?
    — Ийэм 6 ыйдаахпар ыалдьан өлбүтэ. Аҕам 5 саастаахпар. Аҕабын — кууһан олорон кэтэхпиттэн сыллыырын эрэ өйдүүбүн... Онтон ийэм бииргэ төрөөбүт балта биһигини иитэ ылбыта. Бэһиэммитин. 20-тин эрэ ааспыт кыыс. Бэйэтэ биир оҕолоох этэ. Ийэбит кэриэтэ этэ. Быйыл өлбүтэ. Күтүөтүм барахсан наһаа үчүгэй киһии. Миигин наар көмүскэһэн тахсар этэ. Буруйу оҥордохпуна. Билигин тулагыга баар. Наар бэйэбин кэпсээн тахсабын да... эн кэпсээриий...
    — Мне нравиться узнавать тебя. Кэпсээн ис. Мин бэрэски сии, сии истиэм.
    — Оттон... с рождения Антонова этим. Онтон иитэ ылбыт эдьиийбинэн Васильева буолбутум. 12 сааспыттан интернакка олорбутум.
    — Тыый! Мин эмиэ интернатчикпын дии! То-то же родные чувства баар эбит дии! Ол да иһин хайдах эрэ сразу балтым курдук көрбүт эбиппин дии.
    — Даа? Кырдьык дии... мин эмиэ эйигин чугас баҕайытык ылыммытым дии. Интернакка олорбуккун билбиппин быһылаах... чэй кутабын да?
    — Кут — чааскытын кыыска уунна. — уонна дальше кэпсээ, чыычаах.
    —  Дальше да... массыынаны 12 сааспыттан ыытабын. Бастаан трактор ыытар этим. Күтүөтүм үөрэр аҕай этэ. Саа игин ылан биэрбитэ. Эдьиийбин кытта куска барар этибит. Школаҕа самый меткий стрелок этим (күлэр). Военрук сөҕөн: такая хрупкая, тонкая и метко стреляешь — диир этэ. Сороҕор аһыыр аспыт да суох буолара. Хлебка туус таммалатан баран сиир этибит. Наһаа минньигэс этээ...— урукку олоҕун санаан Намыына хараастан тохтоон хаалла.
    — Ооо... оттон мин ийэм атаах оҕотобун. Оччоҕо куска илдьэ барыам. Эдьиийиҥ Варя эмиэ ытар да?
    — Аһаа, ытар.
    — Барсаҕын да, кустуу? Мин дурдам капитальнай оҥоһуулаах. Тыал хоппот, оһохтоох. Чэй иһэ, иһэ кустуубун.
    — Дуаа? Барыам. Хаһан барабыт?
    — Аны саас.
    — Пыа... аата ырааппытын...
    — Оттон сайын дии... хайаабыт киһи билигин кустуу сытыай...
    — Ээ, арба даҕаны.
    — Билигин кустуу сыттахпытына — бу дьон иирбиттэр дииллэр ини — иккиэн күлэн бардылар...
    — ,,иирбит'' диэбиккэ дылы... кыра сылдьан, бастаан дурдабын туттарбар убайым Боря баара. Кыра көлүччэ этэ. Ытарга чугас буоллун диэн дурдабын ууга туттаары мастары уурталыы сырыттахпына: — Иннэ иирбит кус түһэр ини... — диир. — Хайдах ол аата? — диибин — Илиигинэн тутан ылаары иччэ айылаах ууга киирдиҥ дуо? — диэн дэлби күлбүппүт.
    — Маамаааа! — диэбитинэн икки уол остуолу көрбүтүнэн сүүрэн киирдилэр...

    0
  • Танюша
    24 февраля  

    Салгыытын баьаалыста суруйун дууу, наьаа учугэй кэпсээн

    0
  • 123
    3 марта  

    ?

    0
  • 456
    4 марта  

    Наһаа үчүгэй кэпсээн,салҕыыта?

    0
  • Сахабын67
    5 марта  

    Баще солото сох сылдьабын. Кэнники баҕар музам киирдэҕинэ игнgrinning face

    0
Ответ на тему: Көрөөт таптаабытым
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания