Мин таптыыр чыычааҕым Ksyshka Sivseva
Ыччат  -    4160
Ksyshka Sivseva (1 чааһа)

Дьол диэн тугуй? Олох? Таптал? Киһи өллөҕүнэ ханна барарый? Атын олох баар дуо? Бу ыйытыктары хаһан эмит бэйэҕитигэр ыйытан көрөөччүгүт дуо? Аҥаардас киэҥ, устата- туората биллибэт, куйаары санаатахпына, дьириҥ толкуйга түһэбин...
Ол курдук олоҕум биир кэрчик кэмин кэпсээн аһараары гынабын, ол маннык этэ: Саас 2013 сыллаахха, биир киэһээ буоларын курдук утуйаары сытан, vk хасыһа сыттым, арай биир Ksyshka Sivseva диэн, картинка авалаах кыыс страницатын хантан эрэ буллум. Киирэн хаартыскаларын арыйбытым, барыта картинка буолан биэрдилэр, тахсаары туран, статуһун аахтым "Я не хочу жить:( простите меня пожалуйста..." диэн эбит. Стенатын арыйбытым, барыта суициднай баҕайы постары таһаартаабыт, барыта хомолтолоох баҕайы ис хоһоонноох суруктары суруйбут. Мин "любам" оонньоон "Привет) прошу прощения, можно вопрос задать?" диэн сообщения суруйан ыыттым. Сотору соҕус аахта, ол эрэн эппиэттээбэтэ. Мин телефоммун сабан баран, хараҕым сылайан сытааран утуйан хаалбыппын. Сарсыарда туран, үөрэхпэр таҕыстым, дипломмар сүүрэ-көтө сылдьар быһыылаах этим, күнүм түргэн үлүгэрдик ааһан, киэһээ эмиэ идэбинэн, утуйаары сытан vk киирдим. Сообщенияларбын көрбүтүм, кыыһым эппиэттээбэтэх эбит, новостиларбын арыйан көрө сытан, санаам буолбата, кыыска киирэн "Добрый вечер, можно познакомиться с вами?" диэн суруйан баран, "ыытабын дуу, суох дуу" диэн толкуйга түстүм, эмиэ да ыытымаары гынан баран "Отправить" диэни баттаан кэбистим. Ааҕыар дылы, туран тииспин суунан, сыгынньахтанан, утуйардыы сыттым. Телефоммун ылан көрбүтүм, эппиэттээбит эбит "Привет, нет не хочу, извините" диэн кэлбит, мин Сахам хаана киирдэ, "Саха ньоҕой, оҕото өссө ньоҕой" дииллэринии бэриммэтим "Ладно, я хотел задать всего лишь один вопрос" диэн суруйдум. Кыыс аахта эрээри эмиэ эппиэттээбэтэ, арай түүн утуйар-утуйбат сыттахпына телефоммар эппиэт кэллэ, хараҥаҕа илиим иминэн харбаан ылан, арыйа баттаатым, харахтарым хараҥаҕа үөрэммит буоланнар бастаан ута, телефонум экраныттан сааттылар, онтон сыыйа-баайа үөрэнэн көрбүтүм "Можно, задавай" диэн кэлбит эбит. Тарбахтарым сүһүөхтэрин тыаһатан баран "Почему вы не хотите жить?" диэн ыйыттым, онуоха кыыһым "Потому что мне плохо, еще вопросы есть?"
Мин "Спасибо за ответ)" диэн суруйдум, испэр "Аккаарыбын дии, тоҕо бааһа сытабыный?" диэн бэйэбин бэйэм сэмэлии сыттым. 
Сарсыныгар күнү-быһа архыыпка олороорон, эмиэ киирэн көрдүм, санаам тоҕо эрэ буолбат, суруйуохпун баҕарабын да, илиим барбат. Тугу да гынарым суох буолан, суруйарга санным "Привет, незнаю почему, но я хочу с вами пообщаться" диэн суруйаат ыыттым, сотору соҕус эппиэт "Привет, сахаҕын да? Сахалыы суруй" диэн кэллэ. Мин күнү-быһа докумуоннары хасыһан, сүнньүм ыалдьыбыт, туран хомунан, рюгзакпын санныбар быраҕаат, уопсайбар бардым. Хоспор киирээт, сыгынньахтанан баран ороммор сууллан түстүм, телефоммун ороот кыыспар "Сахабын аһаа, билсиэххэ син дуу, мин аатым И... диэн" суруйаат ыытан баран утуйуохча буоллум, хайдах эрэ күнүм барыта биир тэҥник, былыттаах хааллаан курдук устарга дылы, бииртэн биир хатылана турар. Кэмниэ кэнэҕэс "Мин аатым Ксюша диэн" диэн кыыһым суруйан ыыппыт эбит. Бу күнтэн ылата, сыыйа-баайа билсэн, ирэ-хоро суруйсар буолан барбыппыт.
Ответов 41 Написать ответ
  • Ыччат
    6 марта 2018  

    Ksyshka Sivseva (2 чааһа)

    Кылгастык бэйэм туһунан сырдатар буоллахха, мин уһун уҥуохтаах (180 см.) хатыҥыр, бааһынайдыҥы соҕус уолбун. Үөрэхпин бүтэрээри диплом айдааныгар, төбөм оройунан умса түһэн, утуйар уум, аһыыр аһым, саныыр санаам барыта ол эрэ этэ. Уоспайга олоробун, дьонум аах, улууска олороллор, сүөһү ииттэн, онтуктарын көрөллөр-харайаллар. Биир баар-суох күҥҥэ көрбүт көмүс балтылаахпын, 5 кл. үөрэнэр. 
    Ксениябын кытта бастаан утаа, быыс булбакка, киэһээ эрэ суруйсааччыбыт. Киһи быһыытынан боростуой, начитаннай, өйдөөх баҕайы кыыс, кэпсэтэргэ тардыылыктаах этэ. Сайын кэлэ охсон, Дипломмар сылдьар буоламмын, билбэккэ да хаалбытым. Биир киэһээ мин эмиэ идэбинэн, ороммор охтоот, кыыспар "Ксюш, телефонунан кэпсэтэр кыахтааххын дуу?)))" диэн ыйыттым, бэйэм долгуйан туох диирин кэтэһэн, иһийэн сыттым. Хоһум иһэ уу чуумпу, арай сүрэҕим эрэ тыаһа, төбөм иһигэр куугунуур. Кыыһым бэчээттиир диэн көстөр, сотору буолаат "Ээ мин кыбыстабын, уолаттары кытта кэпсэтээччим суоҕа)" диэн кэллэ. Мин аккаастаабатаҕыттан үөрэн, телефонун номерын, сэрэнэн сэрэнэн ыйыттым. Бастаан аккаастанан баран, иннин биэрбитэ, мин тел. номерын тутаммын, Үөрүүбүттэн, туран сиэркилэҕэ көрүннүм, арай көрбүтүм, сиэркилэ нөҥүө дьол бөҕө буолбут харахтардаах, үрүҥ тиистэрэ ыпсыбат буолуохтарыгар дылы ырбайбыт уол мичээрдээн аҕай турар эбит. "Билайн" номеры баттыалаан, кыыспар эрийдим, ыҥырда, олох телефоммун кулгаахпар туппутунан, хоһум иһигэр хаамыталаа да хаамыталаа буоллум, дэлби долгуйдум, ол быыһыгар сөтөллөн, куоласпын оҥостобун. Чочумча буолаат, телефон нөҥүө, кыыс синньигэс намыын куолаһа:- Алее.- диэтэ, мин кэлэҕэйим бэргээн:- А-алло.- диэн баран, салҕыы туох диэхпин билбэккэбин туран хааллым. Кыыһым:- Алее И... да? - диэн ыйытта, мин илийэн хаалбыт илиилэрбинэн, шторабын мускуйа турабын:- Аһаа, хайа кэпсэтэр күннээх эбиппит дии.- диэн кыратык аатыгар эрэ күлбүтэ буоллум. Ксюша:- Аа оннук аһаа, а так куолаһын атын баи дии.- диэтэ, мин:- Ол хайдах? Куһаҕан да?- диэн ыйыттым. Кыыс:- Суох, онтон бэйэҥ тас көрүҥҥэр бассыбат баи.- диэн күллэ. 
    - Сотору үөрэниэҥ- диэн долгуйбут куоласпынан хардардым. Ксюшам барахсан саҥардаҕын аайы, дьоллонон, минньигэс куолаһыттан ууллан, сүһүөхпэр түспүтэ. Ол кэпсэппит киэһээбититтэн ыла, күнүн аайы субуоннуур идэлэнэн хаалбытым. Биирдэ үс күн сүтэ сылдьыбытыгар, суохтаан, харааччы иирэ сыыспыттааҕым, Сэгэрим Кисиэнньэм барахсан...

    Бэс ыйын бүтэһик күннэригэр, ГЭК туттаран, Диплом көмүскээн, этэҥҥэ үөрэхпин түмүктээбитим, үлэ ваканциятын көрө сатаабытым эрээри, Ксюшаны көрөр баҕа санаа баһыйан, кини дойдутугар бараары, таласпытым. Биир киэһээ үөрүү-көтүү бөҕө буолан, одногруппниктарбын кытта кыратык рестораннаан баран хатааһылаабыппыт, билигин санаатахха үчүгэй да күннэр ааспыттар эбит... Кыратык испиппит, санаам чэпчээн, дууһам арыллан, аһыы утаҕым мэйиибэр тиийэ охсубут эбит. Уолаттарбын кытта илии тутуһаат, дьоммор киирээри туран, түүн Ксюбар эрийдим:- Алее Ксю привет, хайа утуйа сытаҕын да? Бырастыы гын миигин, түүн эрийбиппэр.
    - Оодьэ, чэ прощаю, бачча түүннэри туохха эрийдиҥ? Мин утуйа сытабын.- диэн сибигинэйдэ. Мин холуочук санаабар, ону өйдүөм дуо, субу субу дууһам, үөрүүтүттэн арахсаары хаайар, төбөбүн имэринэ имэринэ:- Ксю өссө биирдэ бырастыы гын... Мин эн дойдугар үлэлии бараары гынабын, туох дии саныыгын?- диэн оҥосто оҥосто саҥардым. Чыычааҕым соһуйда аҕай:- Ээаа, манна ол туох үлэтин үлэлээри гынаҕын? Кыра дэриэбинэ ээ, туох да үлэтэ суох дойдуу.- игин дии сатаата да, мин саҥардыбатым, наада буоллаҕына хачыгаар да буола барыам игин диэн күллүм, холуочукпар тэптэрэн, өссө элбэҕи саҥараары турдахпына, хата сибээспит быстан абыраабыта. 
    Интернет нөҥүө таптал диэни итэҕэйбэт этим, Ксюшаны көрө да илик буолларбын, сүрэҕим тоҕо эрэ киниэхэ, аҥаардастыы тардыһара. Күнтэн күн аайы кинини таптаан, сордонон аҕай биэрбитим... Ксюшам эрийдэхпинэ кэпсэтэр, бэйэтинэн наһаа сыҥаламмат, спокойнай баҕайы характердаах кыыс, хаһан да таптыырын игин аһаҕастык саҥарааччыта суох, баҕар ол да иһин кини тардыылыктааҕа буолуо дуо? Мин ылыммыт санаабын ситиһэргэ, сэгэрбин көрөөрү кини дойдутугар барарга, кытаанах санааны ылыммытым.

    1
  • Kate
    7 марта 2018  

    С нетерпением ждуsmiling face with smiling eyes

    0
  • Ыччат
    7 марта 2018  

    Ksyshka Sivseva (3 чааһа)

    От ыйын маҥнайгы күннэрэ, мин дуогабарым эрэ хаалла, дьоммор звоннаан кэпсэттим, атын улууска Ксюшам дэриэбинэтигэр барар санаалаахпын игин кэпсээтим. Ийэм сөбүлэспитэ эрээри, уолун ыраах ыытымаары куолаһа титирэстээн:- Дьигинэн ол тоҕо оччо ыраах бара сатаатыҥ? Манна да үлэ баар этэ ээ.- диэн этэн көрдө да, мин буолумматым. Ксюбун көрөр баҕа баһаам күүһэ бэт буоллаҕа. Ксю олорор бөһүөлэгэ биир хоту улуус, кытыы муннугар турар, сибээстэрэ дьаабы да буоллар, сэгэрбэр күн-түүн аайы биллэ турабын, хайдах эрэ кэпсэппэтэхпинэ, куолаһын истибэтэхпинэ, тугум эрэ тиийбэт курдук буолара, "Луомалаан" таах сылдьааран, кыыһыран тымтабын. Биирдэ телефонум минуска баран хаалла, үс күн буолан баран били "Обещаннай төлөбүрүм" холуоһаҕа олордон кэбистэ. Харчы хантан да угар кыаҕа суох буоллум, аһаа диэн биэрбит харчыларын сыыһын, төлөппүөммэр уган, бэйэм аһыыр аһаабат сылдьааччыбын, бэйэҕит да билэргит буолуо, устудьуон аччык олоҕун. Ыксаатым, дьонтон иэстиэхпин, сүрүүргээтим. Бүтэһиккэ кэлэн, биир үлэни булан ыйыталаһан, үлэлиир буоллум, "Чистая вода" диэн 20 лиитирэлээх уулары сарсыардаттан киэһээҥҥи диэри тастыбыт, уон этээстээх дьиэҕэ түбэһэн, сэниэм эстиэр диэри аҕылаһан, кирилиэстэн тутуһа тутуһа син таспытым. Харчы сыыһын. Бэрсибиттэригэр, үөрэн терминалбар тэппитим. Ити курдук быыс-арыт булан, оттон-мастан тутуһан, устудьуон тиһэх күннэрин атаарбыттааҕым. Ыйаах эбитэ дуу, Дьылҕа хаан оҥоһуута эбитэ дуу, Ксюшам дэриэбинэтигэр оскуолаҕа үлэ тахсыбытын, ваканция истиэндэтин ааҕа туран булан ылбытым. Оо онно көрүө этигит, хайдах курдук дьолломмуппун, харахтарым уулара сүүрэн түспүттэрин... 
    Оскуола директорын кытта кэпсэтэн, договорбын оҥотторбутум, дипломмун игин ылан, мин саҕа дьоллоох киһи суох этэ, бу дойдуга. Дьигинэн договоргутун эрдэ баттаарын диэбиттэрэ да, мин хойутаан, кэтэһэн кэтэһэн, баҕалаах үлэбин буллаҕым дии. Ксюшабар ол киэһээ звоннаан эппитим, эрээри кыыһым үөрбүт сибикитэ биллибэтэҕэ. Хайдах эрэ кэпсэтэр буолан барбыта, биирдэ телефонунан кэпсэтэ туран, туохтан эрэ кыыһырбыта аҕай, отой кэпсэтиэн да баҕарбат курдук буолан барбыта. Киһим тосту уларыйан хаалла, арыт ардыгар нэһиилэ иһин түгэҕэр саҥарар буолан барбыта. Мин биирдэ ыйыппытым:- Ксю эн хайдах буоллуҥ? Тугун эрэ ыарыйда дуо? - диэн үрүт үрдүгэр, боппуруос бөҕө кутан кэбиспитим. Кыыһым өөр телефоҥҥа тыынан баран:- Честно эттэхпинэ, мин эн кэлэргин сөбүлээбэппин. Бырастыы гын.- диэн, синньигэс куолаһынан, телефон нөҥүө ытаан сыҥсарыйан барбыта. Мин сүрэҕим айахпынан тахса сыыспыта, тугу эрэ саҥара сатыы турдахпына, телефонун быраҕан кэбиспитэ. Ол киэһээни быһа түлүппүөннүү сатаабытым да, арахсыбыт этэ. Мин били былаан бөҕө буолбут санаам, хаартыннан оҥоһуллубут дьиэ курдук, көрөн турдахпына үрэллэн хаалбытыттан кыһыйан, ыар санааҕа баттатан, күлүк курдук сылдьыбытым. Эрэл кыыма сүппэтэҕэ, син биир звоннуур сатыыр этим күнүн аайы...

    0
  • Ыччат
    7 марта 2018  

    Ksyshka Sivseva (4 чааһа)

    От ыйын 10 күнэ, мин дойдубар оттуу барыахтаахпын, олорбут общагам докумуоннарын туттаран, хоспун оҥорбутум. Кэтэ сылдьыбыт джинсым дуома дэлби дьаллайбыт дуу, бэйэм ырбыппын дуу, курбун уһуллахпына сулбуруйан түһэ сылдьар буолбут. Кыыспын ахтан, аанньа аһаабат да буола сылдьабын, ол эрэн күһүн кини дойдутугар көтөр буоламмын, син эрэх-турах санаа баар. 
    Биири отой өйдөөбөппүн, кыыс бөҕөнү кытта сылдьыбытым эрээри, Ксюша диэн, кимэ биллибэт кыыс аптаан кэбиспитин курдук, отой өйбүн сүүйтэрэн, бэйэм бэйэбиттэн сөҕөөччүбүн. vk страницатын киирэн көр да көр буолабын, барахсаным киирбэтэҕэ ырааппыт, суруйбут суруктарым, ааҕыллыбакка кэчигирэһэн тураахтыыллар. Арыт утуйаары сытан, Ксюбун харахпын симэн, оҥорон көрө көрө, суорхаммын кууспахалыыбын, атын уоллаах эбитэ дуу, оҕолоох эбитэ дуу, эмискэччи баҕайы уларыйбытын таайа сатааччым. Бүгүн дьоммор хоннум, сээкэйбин бэрийэ, дьаарыстаан, таксибын кэтэһэн, 11 чыыһылаҕа дойдубар аттаммытым. 
    Самаан сайыммыт үгэнэ, күммүт чаҕылыччы тыган, таһырдьа итии да күннэр тураллар, күүлэм түннүгүн иһэ күлүмэнинэн туоллулар, дыб-дыыгынас, балтым оҕолору мунньан, күнүн аайы сөтүөлүүр айдаан буола сылдьар. Мин дойдубар, күөххэ үктэммиччэ, сыыйа-баайа Ксюшабын умнуохча буоллум. Аҕам ходуһаларын баран, салгын сии таарыйа кэрийэн кэлбитим. Айылҕам барахсан, силигилии ситэн, күп-күөҕүнэн көрөн турар, алааһым кытыытынан хааман иһэн, илиилэрбинэн хойуутук үүнэн турар оттору таарыйа таарыйа кыйа хаамабын. Тыал барахсан үрдэҕин аайы, күөх отум долгуннуран, муора курдук куталдьыйан, көрүөххэ астык көстүү. Киһи хаамтаҕына, араас эгэлгэ санаалар, бииртэн биир солбуһан, киинэ курдук көрөстөн ааһаллар, ол эрэн биир санаа ордук баһыйар, "Ксюша хайдах сылдьара буолла?" Кинини санаатахпына ис-испиттэн үөрэн, суолум устун сүүрүөх санаам кэлэр. 
    Аҕабынаан Бөтүрүөп таҥаратын кэнниттэн окко киирдибит, эргэ күөх өҥнөөх массыынабыт, сүрэҕэйдээбиттии нэһиилэ барар, суол устун дэлби сахсыллан, нэксийэлээн, оттуур сирбитигэр тиийэн кэллибит. Сээкэйдэрбитин сүөккээн, уоппутун оттон, сирбитин аһаттыбыт, аҕам астыммыт сирэйдээх, эһэкээммитин биир иһити таһааран, айах тутта. Үрүүмкэлэргэ кутан, сиргэ олороорон истибит. Күлүмэн, бырдах арааһа, күммүт үөһэттэн чаҕылыйан үчүгэй да күн үүммүтэ. Ол олорон, аҕам үөннээх харахтарынан көрө көрө:- Хайа биир эмит кыыс баар дуо?- диэн ыйытан, үрүүмкэтин хантатар, "Һуу" диэн өрө һуутаат, хараҕын симэн, килиэбин сыттыыр. Аҕам кыра уҥуохтаах, эт лаҕычах киһи, сирэйин аҥаарыгар, маҥхайан эрэр бытыктара сулардыы үүммүттэр. Мин атахпын биир күлүмэн ыстаабытын, өлөрөн баран:- Ээ пока суох.- диэн хардарабын. Ол олордохпутуна, хара өҥнөөх, сирэйэ маҥаннаах ыппыт, аҕылыы аҕылыы сүүрэн кэлэн, сирэйбин салаата, ханна эрэ кэрискэлэнэн уу бөҕөтүн кэспит, аһыы олордохпутуна туран, түүтүн сахсыйан тэбэннэ ээ, аҕабынаан "Чоот!" Дии түһэн, күлэн ылабыт.

    0
  • ext_vk_184612562qe0bs
    7 марта 2018  

    бу кэпсээн того иккистээн сурулла сылдьарый?

    0
  • Ыччат
    8 марта 2018  

    Ksyshka Sivseva (5 чааһа)

    Биир киэһээ, аҕабынаан оттоон кэлэн, таҥас игин уларыттан баран, Ксюбар эрийдим, арай ыҥырда. Мин үөрэн, түлүппүөммүн туппутунан тиэргэммэр ойдум. Өөр да өөр ыҥыран баран ылла:- Алее- ахтыбыт, суохтаабыт куолаһым иһилиннэ. Мин:- Аллоо хайа Ксюю привет! - өссө саҥараары гыммыппар, кыыһым быһа түһэн:- И... привет, кыратык күүт эрэ.- диэн баран тугу эрэ гынар тыаһа иһиллэр, мин күрүөбэр өйөнөн туран хайдах да буолуохпун буолбаппын, арыычча хачыгыраан баран:- Алее, хайа хантан көһүннүҥ?- диэн кыыс хата туох да буолбатаҕын курдук, спокойно эппиэттэһэр. Мин, бу бүтэһик күннэргэ мунньуллубут санааларым, саҥа гынан биирдэ тоҕо тэбээн кэбистим. Онуоха кыыһым телефона алдьаммытын, ханна эрэ баран кэлбитин игин, ыраас баи куолаһынан кэпсээтэ. Мин астынан, биир түгэҥҥэ саҥата суох олоро түһэн баран, оргууй:- Ксю мин эйиигин сүтэрдим дии... уонна хаһан да маннык сүтүмэ, сөп?- өрө тыына тыына саҥардым, сэгэрим минньигэс баҕайытык кыратык күлэн ылан баран:- Ол тоҕо сүтэрдиҥ? Эн миигин билбэккин бта?
    - Билбэппин эрээри, эйиигин көрүөхпүн наһаа баҕарабын, сатаатар этиий төһө уһуҥҥунуй? Баттаҕын кылгас дуу, уһун дуу? 
    - Элбэҕи билиэҥ, эрдэ сорсуйуоҥ! Так что билэ сатаама.- бэтиэхэлээхтик эттэ. 
    Ити курдук хойукка дылы кэпсэтэн, үттү кумаарга сиэтэн игиннээн, дьиэбэр түүн үөһүгэр биирдэ киирэн сыттым. Санаам барыта Ксюшаҕа иэҕиллэр, өөр да өөр, өрө-таҥнары мөхсө сыттым.
    Мин дьиҥэр, урут кыыс тас көрүҥүн көрөр этим, уолаттарбын кытта ханнык кыыс түөһүн, эмэһэтин ырытыы бөҕө буолар этибит. Сириксэн эҥин этим, бэйэм да наһаа куһаҕана суох ыччаппын. Кыргыттар бэйэлэринэн игин эккирэтээччидэр да, бэйэм тэйитэлээн, чугаһатааччым суох. Ксюшаны биирдэ да харахтаан көрбөккө эрэ, хайдах манныкка тиийбиппин бэйэм да билбэппин... туох эрэ көстүбэт күүс, Ксю биһи иккиэммитин ситимниир курдуга, куолаһын истээт, " бу кыыс миэнэ" диэн бэйэбэр установкаламмытым. 
    Сэгэрбин оттоон бүттүм да, төһө да дэриэбинэм сибээһэ быстар мөлтөҕүн үрдүгэр, почтаҕа харчы уктара уктара кэпсэтэ сырыттыбыт. Бириэмэ түргэн үлүгэрдик ааспыта сүрэ бэт этэ. Биирдэ минуска баран, ийэм төлөппүөнүнэн эрийэн, минуска ыыппыттааҕым игин, сатаатар харчы да уу курдук баранара. Ксюшам биирдэ суохтаан, от кээһэ сырыттахпына эрийэ сылдьыбыт игин этэ, эх... астык да күннэр ааспыттар эбит...
    Күндү ааҕааччыларым, бу мин сюжет айа сатыы сатыы суруйбаппын, кыратык уларытан суруйдум эрээри, сүрүн сюжета- олоххо баар суол. Чахчы мин кинини көрбүтүм, таптаабытым... бу кэпсээҥҥэ кини аатын уларытан Ксюша диэтим, а так сурукка киирбит аата Мария диэн этэ... хомойуох иһин "этэ" эрэ диирбэр тиийэбин:( Кукла Маша диэн ыыстааччылар, тоҕо диэтэххинэ кини инбэлиит кыыс, кылгас бучурхай парик кэтээччи, бэйэтэ тараҕай, ону ааһан сирэйин аҥаара ожоктаах, уҥа илиитэ тоҥоноҕунан суох этэ:( Барахсаным сыыһа, билигин да суруйарбар, харах уута суох суруйбаппын:( ытыыр буолла да дьахтар диэн буолбатах... А так туох баары барытын уларытан суруйдум, бырастыы гыныҥ, эрдэ быһа түһэн сырдаппыппар, сорох дьоннор өйдөөбөккө олороллорун иһин, быһаарыыһыкпын...

    0
  • Ыччат
    8 марта 2018  

    Ksyshka Sivseva (6 чааһа)

    Көмүс күһүммүт барахсан тиийэн кэлэ оҕуста. Мин бултаабыт бултарбын, молокозаводтан сүөгэй кэһиилээх Дьоллоох Дьокуускайбар айаннаабытым. Күһүҥҥү хараҥаҕа, ырыа истэ истэ айанныыр үчүгэйэ сүр, араас санаа, сүүрүктүү устан ааһаллар, сороҕор кыыһым тугу саҥарбытын кытта хат эргитэн, төбөбөр индьиритэн, 14 ч. Айаннаабыппын билбэккэ хаалбытым. Сарсыарда халлаан суһуктуйуута куораппар тигинээн кэллим, таксист уол туттара-хаптара түргэнэ бэт, дьиэбэр малларбын сүөккээт, элэс гынан хаалла. Мин телефоммун ылан Ксюбар эрийэн, этэҥҥэ айаннаабыппын кэпсээтим. Сарсыныгар билет атыыластым, бэйэбэр таҥас бөҕө игин ылынным, киэбирии кытаанаҕа этэ. 
    Аэропортка көтөөрү олорон, этим сааһа арылынна, хайдах эрэ долгуйан дуу, хайдах дуу, муммут ыт оҕотун курдук скамейкаҕа олордум. Бу соторутааҕыта аҕай магистратуралыыбын диэн, айаҕым муҥунан араатардыырым бу баарга дылы, ханнык эрэ 5 ый курдугунан, харахтаан көрбөтөх, хоту дойдуга бараары олорорбуттан, улаханнык соһуйбутум. Биир өттүнэн дэлби куттаммытым, баҕар антах тиийдэхпинэ, били тоҥустар "Мадьам" да диэтэхтэринэ көҥүлэ. Бэйэбин бэйэм уоскутунан, сөмөлүөккэ киирэн, сэгэрбэр көтө турбутум.
    Тиийиэхтээх бөһүөлэкпэр, сөмөлүөтүнэн, ууннан айаннаан, этэҥҥэ кэлбитим. Администрация диэн, эргэрбит дьиэҕэ аҕалан түһэрдилэр, мин суумка бөҕө буолан, иһирдьэ киирбитим, биир эдэрчи киһи кэлэн кэпсэттэ. Бу эҥээр кэлиэхпиттэн, дьоно-сэргэтэ аламаҕай, көрсүө буолан биэрдилэр, хотулуу тардан, кылыһахтаан эрэр курдук, быһыта-ойута тутан саҥараллара, бастаан истэргэ дьикти баҕайы этэ. Миигин биир кырдьаҕас ыалларга олохтоотулар, дьиэ иһигэр киирбитим, панаамалаах, уоһун үрдүгэр чараастык үммүүт бытыктаах, ачыкыы бөҕө буолан, Оҕонньор умса туттан, хаһыат ааҕа олорор эбит. Аан боруогун атыллаан баран:- Дьиэлээхтэр Дорооболоруҥ! - диэн доргуччу саҥардым. Оҕонньор олоппоһуттан өндөйөн, ачыкыытын алараа баттаан баран, харахтарын кыаратан көрөн:- Дорообо, хайа бу киммит кэллэ?- диэн өйдөөбөтөхтүү кыҥастаһар. Мин кэннибиттэн, били киһим киирэн кэлэн баран:- Дорообо Ыстапаан! Бу били учууталбыт кэллэ, били үнүр эппитим дии, кэлиэхтээх диэн, ол кэллэ.- диэн үрүт үрдүгэр мээрилиир. Оҕонньор баккылаах, клетчатай эргэ булууһалаах, тапочкатын анньынан баран утары хааман кэллэ:- Ээ сөп сөп, бу сээкэйдэргин манна уур, уонна аас, сыгынньахтан.- диэн күө-дьаа буолар. Ааҕа олорбут "Кыым" хаһыатын, бокуйбут илиилэринэн эрийэ эрийэ:- Били эмээхсин ханна барда? -диэн тула өттүн көрүтэлиир:- Ким диэҥҥиний тукаам?- диэн, миигин көрөр. Бу оҕонньор акцена атын баҕайы, уонна "Тукаам" диэн тылы туттарыттан дьиктиргии санаатым:- И... диэммин, N Улуустан сылдьабын.- диэн хоруйдуубун, Оҕонньор төбөтүнэн кэҕиҥниир, арааһа эрдэ эппиттэр быһыылаах:- Ээ сөп, биир дойдулааҕым сылдьар эбикиин ди- диэн, остуол кытыытыгар тиийэн, чэйин бэрийэр. Салгыы ханнык дэриэбинэттэн, ханна, тугу үлэлээбитин игин, остуол уҥуор-маҥаар олорон, чэй иһэ иһэ кэпсэппиппит.

    0
  • 💔
    11 марта 2018  

    Салгыытын куутэбитsmiling face with open mouth

    0
  • Лариса
    12 марта 2018  

    Салгыытын куутэбитwhite smiling faceнаьаа интиреьинэйsmiling face with smiling eyesер кэтэьиннэрээйэхт дууcrying face

    0
  • Лариса
    13 марта 2018  

    Хайооо салгыыта...

    0
  • Ыччат
    14 марта 2018  

    Ksyshka Sivseva (7 чааһа)

    Балаҕан ыйын 5 чыыһылата, сарсыарда 11 ч. Диэкки оскуолаларыгар бардым. Көстүүм, маҕан ырбаахы, хаалтыс бөҕө буолан, учууталскай аанын арыйан иһирдьэ киирдим, сиэркилэ иннигэр биир 28 саастаах Анна Гаврильевна диэн, нуучча тылын учуутала, кырааскалана турар эбит. Киирээт дорооболоһон иһирдьэ аастым, кыыс мин диэкки көрөн, хааһын сотто турбут харандааһын, кыра косметичкатыгар укта туран:- Здравствуйте, эн саҥа учуутал этиҥ да?- диэн ыйытта. Мин хаҕыдаҕым тимэхтэрин төлөрүттэ туран:- Аһаа, Аатым ## диэн, Устуоруйа учууталынан кэллим. -диэн хардардым. 
    - Аа сөп, билигин Александр Васильевич кэлиэ.- диэт, журналын туппутунан, таҥаһын көннөстө көннөстө тахсан барда. Мин кыра дьоҕус дьыбаан баарыгар олорунан кэбистим, сотору соҕус буолаат, директор Александр Васильевич, кыра уҥуохтаах, Ойуунускай курдук, баттаҕын биир өттүгэр тарааммыт, хаалтыһын көннөрүнэн киирэн кэллэ. Мин туран илии тутуһаат, директорскайга тахсан кэпсэттибит, төһө чаас, хас ставкаҕа игин үлэлиирбитин, барытын сиһилии быһаарда, көрдөрдө. Оскуолалара кыра, эргэ дьиэ, оҕолор сүүрдэхтэринэ муосталара кыычыгыраан олорор. Үөрэнээччилэрэ аҕыйах, быһатын эттэххинэ 5-11 класстары үөрэтэр буоллум, 5 кылаас салайааччыта буолар чиэскэ тигистим.
    Бастакы күнүм билиһиннэрии курдук ааста, сарсыныгар оҕолорбуттан саҕалаан үөрэппитинэн бардым, кыласспар 7 оҕолоохпун, 4-дэ кыыс 3-э уол, барахсаннарым баанчык, көстүүм бөҕө буолан олороллор ээ. Киирэн оҕолорбун кытта ирэ-хоро кэпсэттим, История диэн уруок бастакытын үөрэтэллэр эбит. Мин туран кылаас иһигэр хаамыталыы сылдьан, былыргы Египед, Греция, Мясопотамия туһунан тугу билэллэрин ыйыталаһан, чинчийэн көрөбүн. Инники партаттан, уоһун чорбото чорбото, улахан баҕайы маҕан баанчыктаах Машам туран:- Египтяниннар диэн, маннык туруусуктаах дьоннор, маннык... туох этээй...- диэн, дьиэ өһүөтүн толкуйдаабыттыы, мичээрдии мичээрдии саныы сатыыр. Ким эрэ:- Пирамида!- диэн үөгүлээбитигэр биирдэ:- Аа Пирамида туталлар.- диэн, кыбыстан тулатын көрүнэр.
    Эҥин арааһы ойуулаан көрдөрө көрдөрө кэпсээтэхтэринэ, киһи эрэ күлүөх санаата кэлэр, сэгэрдэрим сыыһа, оҕолорбун аҕыннахпыан... Арай ол кэпсэтии быыһыгар, өйдөөн көрбүтүм, биир түгэх партаҕа соҕотох, киртийбит бээһинкэлээх, спортивнай өрбөх ыстааннаах, индьирийбит кроссовкалаах уол, төбөтүн илиитигэр өйөнөн, партаҕа бэйэтин бэйэтигэр,тугу эрэ тэтэрээтигэр уруһуйдуу олорор эбит. "Сэттэ эрэ оҕоттон ааспыкка хайдах өйдөөн көрбөтөхпүнүй" дии саныы саныы, уолга хааман кэллим:- Хайа бу манна эмиэ киһи баар эбит дии- дии дии үөрбүтэ буоллум:- Ааппыт ким диэний?- диэн төҥкөйөн ыйыттым. Онуоха уолум иһин түгэҕэр:- Сашабын.- диэн сибигинэйэр. Мин:- Ээ Саша Наумов диээ- диэн өйдөөн кэлэбин. Ону-маны ыйыталаһаары гынан баран тохтоотум, эмискэччи перемена звонога тыаһаата, оҕолор оонньуу онньуу коридорга сырсан хааллылар, уолум Саша ханна да ыксаабата, олоппоһугар олороорон, атаҕынан салгыҥҥа хачыаллата хачыаллата, бэйэтин бэйэтигэр, бүгэн олорон хаалла. Бу курдук мин аан бастакы уруогум 5 класстарга буолла. 
    Былыргы элэйэн хаалбыт Сони Эриксон с903 диэн кнопочнай телефонум, сырыы бөҕөнү сылдьан баран, алдьанаахтаабыта, манна кэлэрбэр. Ол иһин харчыланнахпына сенсорнай телефон ылыныам диэн сылдьабын (ол саҕана саҥа үөдүйэн, тэнийэн эрэр этэ). Ксюбун кытта бүтэһик көтөөрү туран кэпсэппиппинэн сылдьабын, Сюрприз курдук көрсүөм, романтика бөҕө өйбөр, иһим кычыкаланан кэлэр арыт ардыгар. Тоҕо эрэ бэйэтин туһунан кэпсиирин сөбүлээбэт этэ, туох эрэ теманы тардан, аралдьытан кэбиһээччи, ол иһин наһаа орооһооччум суоҕа да буоллар, санаам буолбакка биирдэ эмит быктаран, ыйыталаһа сатааччым. Харахпар бэйэм идиал кыыспын ойуулаан көрөөччүм, өйдөөх, начитаннай, миигиннээҕэр билиитэ-көрүүтэ элбэҕин иһин, баҕар мин куппун туппута буолуо, дии санааччыбын. Биирдэ дьиэлээх хаһаайканы, Балбаараны кытта эбиэттии олорон:- Кисиэнньэ Сивцева диэн кыыһы билэбин бу дэриэбинэҕэ, баҕар билэр буолаайыгын?- диэн, сэрэнэн сэрэнэн ыйыттым, эмээхсин барыанньатын иһиккэ сүөккүү олорон, өйдөөбөтөхтүү көрдө:- Ханнык Кисиэнньэни этэҕиний? Хастаах оҕонуй ол?- диэтэ. Мин:- 22 игин буолуо- диэн "үһү-бадах" курдук кэпсэтэбин:- Отчествота Семеновна диэн быһыылаах этэ.- диэн эмээхсини манаһабын. Балбаара, "Бээрэ" диэн уоһун иһигэр ботугураат:- Ээ ол билиҥҥи оҕолору хантан билэттиэхпиний? Сааһым да ырааттаҕа дии.- диэн, остуолга тайанар. Оһох иннигэр табаахтыы олорбут, Ыстапаан:- Ээ кими этэр быһыылаах, били Сиэдэрэй Сэмэн кыыһын, аата Кисиэнньэ диэн этэ буотта?- диэн оҕонньор мунаахсыйан, кэпсэтиигэ кыттыһар. Эмээхсин:- Ээ чахчы, били инбэлиит кыыһы этэр быһыылаах, аһаа билэн бөҕө.- диэн өй ылбыттыы сапсыйар. Мин сүрэҕим ыалдьан ылла, "инбэлиит" диэн тыл, кулгаахпар хатыылаахтык киирдэ. Өссө ыйытыахча буолан баран, куттанаммын туттуннум. Эмээхсин:- Хайа ол кыыһы хантан биллиҥ?- диэн ыппытыгар, Мин тугу эппиэттиэхпин билбэккэ, ойон туран:- Ээ көннөрү билэр киһим.- диэт, хоспор куотан киирэн хааллым...

    0
  • Ыччат
    14 марта 2018  

    Ksyshka Sivseva (8 чааһа)

    Биир үтүө күн, Балаҕан ыйын 7 чыыһылатыгар, үлэбиттэн эрдэ бүппүччэ, Ксю дьиэтинэн эргийэн барарга соруннум. Халлааным сылаас баҕайы, тыал үрэр, күнүм чаҕылыччы тыган сайыҥҥылыы турар. Хаалтыспын пиджагым иһигэр уган, сиртэн тэйэн, чэпчээн түргэнник тиийэн кэллим. Ксюм дьиэтэ оскуолаттан чугас, хаҥас диэкки бардаххына, рябина, хатыҥ, талах быыһыгар, күлүккэ турар. Мин долгуйан, кыракый түннүктэри одуулаһан турдум, хайыахпын бэйэм да билбэппин. Суолга күл куппуттара, тыал үрбүтүгэр, мааны таҥаспын күл гынан кэбистэ, ыксааммын, баҕар ыт баара буолуо диэммин, калиткаҕа чугаһаан, таҥаспын тэбэнэбин. Эргэ дьиэ түннүктэрэ сабыыннан сабыллан турар, санаабар Ксюм тахсан кэлиэ диэн кэтэһэбин да, туох да биллибэт, арай сэсиэдтэр ыттара миигин үрэн баргыытыыра эрэ иһиллэр. Киирэн кэлиэхпин сүрүүргээн, дьэбэр барбытым. 
    Оскуолабар эдэр учуутал кыргыттар таайтарыылаахтык көрөллөрүн, көхсүбүнэн сэрэйэн билэбин. Биир киэһээ Анна Гаврильевна ыалым аах домашкаларыгар эрийдэ, хаһаайын Ыстапаан Дьөгүөрэбис хоспор сыттахпына үөгүлээн ыҥырда. Төлөппүөнү көтөхтүм:- Өссө биирдэ здравствуйте.
    - Дорообо.
    - бу өрөбүллэргэ оскуоланнан айылҕаҕа тахсаары гынабыт, ону туох дии саныыгыный? 
    - Ээ ону мин билбэппин буо, а так үчүгэй дии, айылҕаҕа тахсар.
    - Чуолкайдаан баран оччоҕуна сарсын биллэриэхпит.
    - Биллэрээрин. Чэ сөп пока.
    - Пока.- диэт Анна Гаврильевна телефонун уурда. Тура түһэн баран, хоспок киирэн сарсыҥҥы былааммын суруйа, олоппоспор олордум. Төбөм ыалдьан, эбиитин дэлби сүрэҕэйдээтим, былааммын суруйан баран аны оҕолорум дьиэтээҕи үлэлэрин көрүөхтээхпин игин. Ксюбун көрө иликпиттэн эбитэ дуу, кэпсэппэтэҕим ырааппыта дуу, тоҕо эрэ, туох эрэ дууһабын аалар курдук, уоппун хатаан, салҕыытын сарсын сарсыарда туран оҥоруом диэммин, ороммор сытан толкуй бөҕөҕө түстүм, ол сытан үргүччү утуйан хаалбыппын. 
    Сарсыныгар үлэлээн бүтэн, киэһээ физкультура учууталын Виктор Александровиһы кытта дьиэлээн истибит. Набережнай уулуссаннан хааман истэхпитинэ, хараҥа муннукка кыргыттар күлсэллэрэ иһиллэр, табаах уота кыламныыр. Чугаһаан, атаһым Бииктэр билэр кыргыттара эбит, тохтоон кэпсэттибит. Саҥа кыргыттары кытта билистим игин, биир Уһун баттахтаах Светабын диэбит кыыс ыйыталаһан бөҕө буолла, мин ол аайы хоруйдаан истим. Бииктэр дьээбэтэ киирэн:- Хайа туох айылаах доппуруостаатын?- диэн, илиитин сиэбигэр уктан туран күлэр. Кыыс мунаахсыйбат:- Баҕар күтүөт буолан хаалан хаалыа дии.- диэн мин диэкки арылыччы көрбүт, киэҥ харахтарынан көрөн, табааҕын буруотун үрэр. Атыттар күлсүү бөҕө буоллулар, мин кыбыстыахча күлбүтэ буолан тулабын көрбүтэ буолабын. Салҕыы кыргыттар киэһээ көрсүөххэ диэн этии киллэрдилэр. Мин Света аттыгар баар буоллум, дьоннорум тэйиччи соҕус күрүөҕэ олорон тугу эрэ кэпсэтэллэр, ол турааран кыыспар харахпынан иҥнэнэбин, туора барыахха диэн төбөбүнэн кэҕиҥниибин. Кыыс өйдөөн, иккиэн туора хаамтыбыт, Света үөрбүт аҕай, баттаҕын көннөстө көннөстө:- Хайа туохха ыҥырдыҥ?- диэн, миигин хантайан көрөн турда. Мин туохтан саҕалыахпын билбэккэ, сүнньүбүн туттан:- Сивцева Ксюшаны билэҕин да? 
    - Билэбин, хайаабытый? Хантан билэҕиний?- диэн кыыс сөхпүттүү, мин сирэйбин манаһар. 
    - Телефонунан кэпсэтэн билэбин, а так ол кыыһы төһө чугастык билэҕиний?
    - Суоох, кэпсэппэт кыыһым, мин балтым подругата, ону хайаары гынаҕыный?
    - Көрсүөхпүн баҕарар этим- диэн, аатыгар эрэ ырбайан, кыыс тугу диирин кэтэһэбин. Света күллэ, саарбахтаабыттыы:- Онтон, билбэтим...- диэн тугу эрэ кистиир курдук туора көрөр. 
    - Мантан киэһээ ханна көрсөбүт, таарыйа Ксюшаны таһаарыаххыт дуо?- диэтим. Кыыһым ырбайан баран:- Ол кыыс киэһээ уулуссаларга тахсыбат кыыс, бу бөһүөлэккэ баара-суоҕа биллибэт, дьиэтигэр олорон тахсар.- диэн илиитин ыга туттан, быар куустар.
    Мин:- Онтон балтыгынан сибээстэһиэҥ дуо? Ксюшаҕа эттин, билэр киһитэ кэлбит диэн, көрсүөн баҕарар үһү диэтин, баҕарар сатаннаҕына илдьэ тахсыаххыт буо.- диэн дьоллонон, туох эрэ табыллан эрэриттэн, ис испиттэн тоҥо турааран, сылыйан кэллим. Кыыһым мунааран баран:- Ээ онтон көрүөхпүт аһаа, хотя сөбүлэһэрэ саарбах буолуо.- диэн, иккиэн дьоммутугар кэллибит. Бииктэрдээх дьээбэлэнэн:- Хайа уже ыал буолаары сүбэлэһэн эрэҕит дуу?- дэстилэр. Мин турса түһэн баран, олорор ыалбар тэбинним.

    0
  • Ыччат
    14 марта 2018  

    Ksyshka Sivseva (9чааһа)

    Дьиэбэр киирэн, таҥаспын устан, сыгынньахтанан баран аһыы оҕустум. Санаабар бириэмэ түргэтээбитин курдук, туохтан эрэ үөрэн, ыксыыбын. Ыстапаан оһох иннигэр, кыра талах олоппоһугар олорон, табахтаан бусхатар, күлүн тэбии тэбии миигин үөннээхтик көрөн:- Хайа нохоо туох буоллуҥ? Хараҕын уота умайан сүрэ бэт дии.- диэн мичик гынар. Долгуйбут омуммар, сиэркилэ иннигэр сирэйбин кыҥастаһабын:- Сотору уон икки иннинэ киириэҕим сөп, кэтэһээйэххитий.- диэн, Оҕонньору көрөн мичээрдиибин. Оҕонньор сэрэйбитэ буолуо эрээри, таска таһаарбата, хараҕын симириҥнэтэн , ытыһынан сирэйин суураланан кэбиһэр. Ыстапаан Дьөгүөрэбис бэйэ дойду киһитэ, биир күөлтэн уулаан улааттахпыт дии, ол иһин киниэхэ чугас, истиҥ сыһыаннаахпын. Былыргы олоҕун кэпсээтэҕинэ туспа остуоруйа буолааччы, урут кадровай булчут, онтон сопхуоска бригадирдаабыт иҥин киһи. Эмээхсинэ Балбаара саҥа үөрэҕин бүтэрбитин кэннэ, партком уурааҕынан биһиги дойдубутугар анаан ыыппыттар эбит, онно үлэлии сылдьан, Ыстапаанныын билсиһэн, таптаһан, Балбаара төрөөбүт дойдутугар, бу бөһүлэккэ кэлэн олохсуйбуттар. Оҕолоро улаатан туспа ыал буолан, уйаларыттан барбыттара ырааппыт. Биирдэ Ыстапаан табахтыы олорон, биһиги дэриэбинэбититтэн ыраах, ньирэй көрөр пиэрмэтэ диэн баара, өрүс үрдүгэр, онно Балбааратын көрөөрү, кыһын ортотугар, уонча буоланнар молокобуос массыына систиэрнэтин, ат курдук миинньэн баралларын кэпсиир. Билигин кэлэн баһын быһа илгистэр "Хайдах тээһиҥкэбитин игин үлэппэтэхпит эбитэ буолла, мин билигин кэлэн сөҕөбүн, оччолорго эдэрбит бэт буолан буолуо" диэн, күлэн аллайар этэ. 
    Мин капюшоннаах халыҥ сибиитирэбин кэтээт, джинсы ыстааммын тардынаат, крассовквбын кэтээт, таһырдьа тахсан, уулуссам устун хаама турдум. Ол баран иһэн кепкабын умнан, төптөрү сүүрэн кэлэн ылбытым игин. Чэ мучумааннанан Бииктэр дьиэтигэр кэлэ охсубутум. 
    Көрүҥмүнэн нууччатыҥы буоламмын, дьонум бары Уруус диэн, аат иҥэрбиттэр, дьигинэн ийэм, аҕам кыра лаҕычах уҥуохтаах, этэргэ дылы дьиҥнээх саха боруодалара "Уу сахалар" ээ, мин кэлэн, хараҕым күөхтүҥү, баттахпын хаһан да уһатааччым суоҕа, эмиэ сырдык соҕус. "Голливудскай улыбкам" элбэх кыыс сүрэҕин долгуппут буолуохтаах. Табаах, аргы диэни төрүт утарабын, спорду өрө тутабын эрээри, дьарыгырааччым суох, чисто для себя диэбит курдук хачайданабын. Саамай сөбүлээн дьарыгым, кинигэ буолар, история, литература, научнай публикация да буоллун, таттаран сүрдээҕин ааҕабын. Ол иһин да талбыт идэм история өттүнэн. 
    Ол курдук, өр соҕус буолан Бииктэрим сонун кэтэ кэтэ тахсан кэллэ, таһырдьа тыалырбыт буолан, кыратык тоҥнум. Иккиэн сулбу хааман, көрсүөхтээх сирбитигэр бардыбыт.

    0
  • Ыччат
    15 марта 2018  

    Ksyshka Sivseva (10 чааһа)

    Хараҥа уулуссаннан хааман, кэлиэхтээх сирбитигэр кэллибит, ким да суох буолан биэрдэ. Мин илиибэр чаһыыбын ылан көрдүм тоҕуһу саҥа ааһан эрэр, иккиэн эмэҕирбит күрүө сэмнэҕэр өйөнөн, кэтэһэн, кэпсэтэ турдубут. Дэриэбинэ дьиэтин уота онон-манан тыгар, ыттар үрэллэр, ханна эрэ тыраахтыр бирилиир. Бииктэрим тура сатаан баран, тугу эрэ ботугуруур, сиэбин хасыһан, дэрэбээшкэ төлөппүөнүн таһааран баттыалыыр, кулгаҕар даҕайан:- Алле Анчык хайа? Ханна бааргытый? Онтон биһиги манна турабыт дии... иккиэбит... чэ ыксаан, тоҥоору гынныбыт. Алле Светалаахха да? Аһаа, билигин тиийиэхпит. Чэ.- диэн төлөппүөнүн арааран баран:- Светалаахха тураллар үһү, чэ барыах.- диэн киһим күрүөттэн түһэр. Син да буоччу хаамтыбыт, сырдык краскалаах, улахан соҕус дьиэ иннигэр кэллибит, киһим төлөппүөнүг ылан эмиэ баттыалаан эрдэҕинэ, дьиэ аанын аһан кыыс бөҕө тахсан кэллэ. Мин этим сааһа уһуктан, чиччигинии түстүм, кэтэ сылдьыбыт капюшоммун түһэринэн, кепкабын көннөһүннүм. Светаны эрэ биллим, хараҥаҕа кыргыттар сирэйдэрэ омооно эрэ көстөр, аргыый аҕай устан, тугу эрэ үөннүрэн, кыыс аймах барахсан күлсүү бөҕө, утары кэллилэр. Бииктэр эдэр, кэтит үчүгэй көрүҥнээх киһи, Анчык диэн кыыһы астынар, үөрбүт сирэйдээх:- Хайа доҕоор, биһигитини үлүтээри гынныгыт ди, туох айылаах өрөй- диэн, ыллаан барыахча унаарытта. Кыргыттар күлсэллэр, Анчык:- Эс сымыйаннан, Сардааналаах дьиэлэрин таһыгар, муннукка кэлээрин диэбитим бта, ханна ханна бара турдугут?- диэн Бииктэри үтүктүбүттүү ыллаан сыыйылыннарда. Мин күлүөхчэ турабын, хайдах эрэ күлүүлээх баҕайытык кэпсэтэллэр. Бииктэр Анчыктыын күлсэ күлсэ мөккүстүлэр, мин ол аайы саҥата суох дыраллан турдаҕым үһү, кумуччу туттан. Света:- Бу # билсэн кэбиһин кыргыттар, # улуустан манна учууталлыы кэлбит.-диэн, аттыбар кэлэн турунан кэбиһэр. Мин ону ити түгэни эрэ кэтэһэн турбуттуу, бэйэм сыбаайба тамадатын курдук, билсэн, саҥаран-иҥэрэн, сатыылаабыт чуумпуну ылан кэбистим. Кэпсэтии бөҕө буолла, ким тугу гынарын, тугу үлэлиирин, кими таптыырын кытта күлсэ күлсэ таарыйан аастыбыт. Бииктэр ол саҕана Анчыктыын саҥа шанстаһа сылдьар кэмэ этэ, иккиэн туора баран хааллылар, миигин сэттэ кыыска быраҕан бараннар. Миигин "саҥаран баран төннөөр" диэбит киһилэрэ буоллаҕа, кэпсээн-ипсээн бөҕө, ол туран кыргыттар кэннилэригэр, күлүк курдук биир кыра соҕус уҥуохтаах, бэйэтэ бэйэтигэр бүгэн, капюшоннаах кыыс, Света балтын Дашаны, илиититтэн ылан, тутуһан турар эбит. Кыыс бөҕө ааттарын эппиттэрэ да биири да өйдөөн хаалбатахпын, ким Дашатын, Сардаанатын бутуйан туран, Ксюша диэни истибэтэҕим. Арба Ксюша диэн, өйбөр чаҕылҕан чаҕылыйбыттыы саныы биэрдим, аралдьыйан сэгэрбин умнан баран турар эбиппин. Капюшоннаах кыыс, туохтан эрэ куттанар курдук, тэйиччи турар миигиттэн, ыйыталаһыахпын санаам буолбат, хайдах эрэ кыбыста быһыытыйдым, саҥара туран, оргууй уот умулларыныы умуллан хааллым. Кыргыттар ыйыталаһаллар да, ханна эрэ ыраах иһиллэргэ дылы, эппиэттээбитэ буола туран, Капюшоннаах кыыска хааман кэллим:- Онтон эн ааккын билбэппин дии, ким диэн этэй? Мин # диэммин.- диэн баастым, уҥа илиибин утары ууннум, бэйэм ис испиттэн оргуйуохча буолан турабын. Чыычааҕым намыын куолаһынан, биллэр биллибэттик:- Ксюбун.- диэн синньигэс куолаһа, минньигэстик иһилиннэ. Мин уунан турбут илиибин, төптөрү ыллым. Бэйэм туох да диэхпин билбэккэ кэтэхпин тарбанаат:- Ээ диэ...- диэн, кыргыттар баалларын иһин саҥам тахсыбата. Уруккуттан билэр киһи курдук, тиийэн ыга кууһан ылаары гыммытым да, табыллыбатаҕа... Сүрэҕим мөхсөн, икки иэдэһим итийэн кэллилэр, тымныы тарбахтарбын, кулгаахпын тутан көрбүт итийбит аҕай. Син онон-манан кэпсэтэ түһэн баран, кыргыттар дьилэригэр тарҕастылар, Бииктэрдээх туора туран, иккиэн кэпсэтэ аҕай тураллар. Мин ханна да барыахпын билбэккэ туран, кыргыттар кэннилэриттэн хааман иһэр Ксюбар:- Ксю... Ксюша, кыратык хаала түһүөҥ дуо?- диэн долгуйбут куоласпынан саҥардым быһыылаах.

    0
  • Ыччат
    15 марта 2018  

    Ksyshka Sivseva (11 чааһа)

    Сэгэрим сыыһа, кыргыттарын кэннилэриттэн саппай уопсан иһэн, тохтоон, эргиллэн көрдө. Мин оргууй хааман, утары тиийэн кэллим, ынарааҥҥы кыргыттар Ксюбун дьээбэлээн, үөннээҕинэн көрө көрө күлэн, бара турдулар. Чычааҕым кэннилэриттэн сайыспыттыы көрөн, хайдах эрэ муммут куоска оҕотун курдук туттан туран хаалла. (Ньиээ барахсаным кэлин кэпсээбитигэр дэлби долгуйбут, куттаммыт үһү). Кыыска утары хааман чугаһаан баран, туох да диирбин билбэккэ, сүрэҕим эппэҥнээн, хааным эргиирэ түргэтээн, киһи тылынан быһаарбат, суругунан суруйбат иэйиитигэр саба куустаран, өрө тыынан турдум. Ксю миигиттэн туора дьалты туттара харахха быраҕыллар этэ, иккиэн саҥата суох, иһийэн турдубут. Мин эр ылан, саҥа айахпын атан, саҥаран истэхпинэ, Ксюм быһа түһэн:- Хайа көрсүһэр күннээх эбиппит ди.- диэн, чычааҕым долгуйбута биллэр аҕай этэ, кыбыстан утары көрбөт, хараҕын куоттаран, атын сири көрөр. Бу мин иннибэр кып-кыра бэйэлээх, капюшоннаах кыыс хайдах курдук турукка киллэрбитин мин сатаан манна суруйар кыаҕым суох, урут оттон дьээбэлээбитэ буолан, элбэх кыыһы эргитээччибин ээ, бу сырыыга оннук буолбата, Ксю атын кыргыттартан туспа туох эрэ уратылаах, майгыта диэхпин эмиэ да кыыс кыыс курдук холку, нарын-намчы, куолаһа диэхпин, эмиэ да ураты куолаһа суохха дылы. Бу кэлиҥҥи бириэмэлэргэ элбэхтэ толкуйдуур буоллум, Ксюшам барахсан күн курдук сырдаан, сандааран кэллэҕинэ, миигиттэн дьоллоох киһи суох буолара, бу орто дойдуга. 
    Мин тоҥо турбутум ааһан, дэлби тиритэн кэллим, кепкабын устан баран:- Бу түгэни мүччү тутумаары, сири сибиири биир гына көтөн, устан, сороҕун хааман, бу эн иннигэр кэлэн турабын.- диэн чыычаахпын имэрийэ көрөбүн, илиититтэн сиэтэн ылыахпын баҕаран, туттунан турдум.Кыыһым дэлби кыбыстан, умса көрдө, долгуйбут куолаһынан:- Ээ наһаа баи игин.- диэн күлбүтэ буолла, хаҥас илиитинэн капюшона сабырыйбытын көннөстөр. Инициативаны ылбычча уол:- Дьиэҕэр хаска киириэхтээххиний? Ыксаабат буоллаххына, ол оскуола таһынан эргийэн барабыт дуо?- диэн кыыспын үөрбүт харахтарбынан манастым. Ксю оскуола диэкки көрөн баран:- Аата ырааппытыын, спасибо, бэйэм да тиийэр инибин.- диэн сэмэйдик аккаастаата. Мин санаабын түһэрбэтим:- Соҕотох бачча киэһээ, хараҥаҕа сэрэхтээх, ыттар игин ытырыахтара.- диэн кыыспын күлэн, хаадьылыыбын. Онуоха Ксюм минньигэстик күлэн ылан баран:- Бүт эрээ, мин маннааҕар буолуох соҕотоҕун сылдьан кэлбитим.- диэн ким эрэ көрүө диэбиттии тулатын көрүнэр. Күһүн кэлэн, романтика салгыҥҥа кытта иҥмит, ый арҕаа диэкки, ойуурдар үрдүлэринэн тыган турар, халлааҥҥа кыырпах сулустар дьиримнээн, сөрүүн тыал оргууй үрэн сирилэтэр. Мин иннибин биэрбэппин:- Чэ буоллун, оччоҕуна манан да барыах.-диэн иннин диэкки Ксюбар ыксалаһа хаамабын. Кыыһым дьиэтэ көстөн турар, мин хайдах эмит гынан, аптаах киэһээни уһаппыт киһи диэн толкуйдуубун, атахтарбын бытааннык соһон хаамабын. Ксюм бастаан атыҥыраан баран, кэлин холкутуйан, кыбыстыбыта арыый ааһан, уруккуну-хойуккуну, санаан, кэпсэтэ кэпсэтэ, түргэн үлүгэрдик дьиэ олбуоругар баар буоллубут. Күүлэтин лампата аһаҕас, тиэргэни сырдатар, мин Ксюм сирэйин көрүөхпүн баҕарабын да, кыра үмүрүйбүт уостара, ыйаастыгас харахтара эрэ көстөр. Олбуорун аанын иннигэр туран, ирэ-хоро кэпсэтэн, чыычаахпын дьиэтигэр киллэрбэккэ син да буоччу тутан турбутум. Кэмниэ кэнэҕэс кыыһым, сүргэтэ көтөҕүллэн, оргууй аанын арыйан, мин диэкки көрөн баран:- Чэ # пока, мин киириэхпин наада, дьонум сүтэрбиттэрэ буолуо.-диэн, минньигэс куолаһынан саҥарда. Мин обургу, сабыллан испит олбуор аанын тутан ылан баран:- Ксю, аны хаһан көрсөбүт уонна? Мин сатаатар телефонум суох ди... этиий хаска, ханна көрсөрбүтүн.- диэн кыыһым туох диирин кэтэһэн, аанын тутан турдум. Ксюшам кыбыстан хаалла, чочумча саҥата суох мичээрдээн баран:- Билбэтим, сарсын мин солом суох, өйүүн игин буолуо.- диэн, үктэлигэр таҕыста. Мин:- Ээс мин сарсын көрбөтөхпүнэ, хайдах буоларбын билбэт буоллаҕым дии.- диэн, кыыспын ууга-уокка уган көрөбүн, маҥан тиистэрбинэн ырбайан кэбиһэбин. Сэгэрим дьиэтин аанын тутааҕын тутан, эргиллэн баран, саҥата суох кыракый уостарын ууннаран, көбүс көнө тиистэрин кэчигирэтээт, таайтарыылаахтык көрөн ылан баран, аанын аһан, иһирдьэ киирэн хаалла... мин эҕэрийбит салгыммын "пуус" таһаараат, дьоллонон, тура түһэн баран, дьиэм диэкки хараҥаҕа хаама турбутум.

    0
  • Ыччат
    15 марта 2018  

    Ksyshka Sivseva (12 чааһа)

    Ксюшкабын кытта сирэй көрсөн кэпсэтэн баран, хараҥаҕа чалбахха түһэн ыла ыла, сүүрэр-хаамар ыккардынан дьиэбэр элээрэн кэллим, киирэн тыаһа суох атаҕым төбөтүнэн үктэнэн хоспор аастым. Ороммун оҥостоот, Сэгэрим тугу саҥарбытын, хайдах көрбүтүн, хараҥаҕа ойуулаан, эргитэн харахпар көрө сыттым, үөрүүбүттэн суорҕаммын ыбылы кууһан, минньигэстик утуйан хаалбыт этим.
    Сарсыарда будильнигым тыаһыттан уһуктан, сып-сап туттан, чээй испитэ буолан баран пальтобун кэтэн, суумкабын санным нөҥүө элитээт, оскуолабар тиэтэйдим. Тиийэн, сыгынньахтанаат 5кл. журналын туппутунан класспар киирдим, оҕолорум мэниктээн ырааппыттар эбит. Киирээт дорооболоһон, остуолбар сулбу хааман кэлэн олорунан, дьириҥник тыына тыына чаһыыбын көрбүтүм биэс мүнүүтэ хойутаабыт эбиппин. Уоскуйа таарыйа оҕолорбун кытта кыратык кэпсэтэн баран, сыыйа-баайа уруокпар көстүм. 5 кл. Оҕолоругар былыргы Рим экономикатын, политикатын, сокуоннарын өйдөтөр олус ыарахан, өйдөөбөттөр да диэхпин сөп. Кыратык остуоруйаны кэпсиир курдук, оҕолорбор ойуулаан көрдөрө көрдөрө сахалыы, "Восстание Спартака", "Триумвират", "Гальская война Юлия Цезаря" "Клеопатра Vll" диэбит курдук кылгастык "үһү, онуоха" диэн тыллары туттан кэпсээтим. Оҕолорум айахтарын атан, сыҥаах баттанан, кулгаах-харах иччитэ буолан, чуумпуран истэн олордулар. Син өйдөөтүлэр эрээри, өйдөрүгэр өссө хатаары, оонньото таарыйа оҕолорбор араас оруоллары түҥэтэлээн, сыанка оонньоттум. Саамай сүрүн оруолу Марк Антонийы, куруук парта түгэҕэр олорор Саша Наумовка биэрдим, Клеопатраны кырасыабай кыыспар Машаҕа, саамай сытыы-хотуу уолбар Костяҕа, Октавиан Август оруолун туттардым, онтон хаалбыт Максимҥа Юлий Цезарь оруола тигистэ, атыттарга ол бу араас оруоллары түҥэтэлээн баран оонньоттум. Сашам дэлби кыбыстан, Клеопатрабытыгар чугаһаабакка бөҕө, онтон дэлби хайҕаан, киһиргэтэн биэрбиппэр, уолум актер хаана киирэн үчүгэй баҕайытык оруолун толордо, бары сүргэлэрэ көтөҕүллэн, тиритии бөҕө буоллулар барахсаннарым. Арай Катям кыыһыран, уостара толлойон аҕай олорор эбит, аттыгар кэлэн:- Хайа Катя туох буоллуҥ? - диэн ыйыттым, онуоха кыыһым сирэйэ дэлби кытарбыт, куттаан хардара охсубата, хараҕын кырыытынан көрөн баран:- Миэхэ аккары баҕайы барыта! Клеопатра мин буолуохтаах этим- диэн мордоччу туттан, быар куустан, кынчарыйан кэбистэ. Мин күлэн ылан бараммын:- Ээ онтон аныгыскыга эмиэ оонньотуом дии, онно сүрүн оруолу эйиэхэ биэриэҕим.- диэн кыыспын уоскутабын. Катям олоро түһэн баран санаата көннө быһыылаах, муннун өрө сыҥан баран, класстан тахсан оҕолорго сүүрдэ. Саша Наумов аргыһыт ийэлээх диэх курдук, куруук элэйэн хаалбыт кроссовкатын анньынан, киртийэн хаалбыт бээһинкэтинэн, уол санаата лаппа көтөҕүллэн, тиритии бөҕө буолан, Марк Антоний буолан бөтөрөҥнүүр, сүүрэн сүгүллэҥниир, барахсаммын көрө көрө, ытыах санаам кэлэр... Оҕо саҕаттан уйаҥ дууһалаах, аһыныгас буоламмын, хараҕым элбэхтэ ууланара. Сашам төрөппүттэрин кытта кэпсэтээри ыҥыран көрбүтүм да кэлбэтэхтэрэ , ол иһин төһө да баҕарбатарбын дьиэлэригэр тиийэ сылдьыбыттааҕым. Звонок тыаһаата, мин оҕолорбуттан рефлекция ыйытабын, ким тугу өйдөөбүттэрин, тугу санаабыттарын игин. Оҕолорум барахсаттар былдьаһа былдьаһа, өрө эйиэккэлии эйиэккэлии кэпсээн бөҕөлөрө, ону кытта мин бэйэм настырыанньаланан, сэрээт ылбычча күммүн этэҥҥэ түмүктээтим. 
    Киэһээ аспын аһаан баран, санаам буолбата, таҥаспын таҥнаат Ксюбар тэбинним. Уулусса устун хааман иһэн, хайдах, тугу гынарбын толкуйдуубун. Киирэн кэллэхпинэ эмиэ туох эрэ диэхтэрэ диэн, атын ньыманы тобулабын. Бэҕэһээҥҥи олбуорбар тиийэн кэллим, эмиэ долгуйуу бөҕө, хата мин дьолбор дьиэлээх хаһаайын дьиэтигэр киирэн иһэр эбит, куоласпын оҥосто түһээт:- Дорооболоруҥ, Ксения баар дуу? - диэн олбуор ааныгар өйөнөбүн. Дьиэлээх киһи соһуйан тиэрэ кэлэн түһэ сыыста:- Бычаххын сиэ!- диэн үөгүлээт, хараҥаҕа туох саҥарда диэбиттии, мин диэкки одуулаһар:- Дорообо, баар. - диэн, кэннин хайыһа хайыһа дьиэтигэр киирдэ, мин киирбитин кэннэ бэйэм бэйэбэр туран сонньуйан ылабын. Сотору буолаат, дьиэ сырдык түннүгэр, Ксюм күлүгэ, сабыы нөҥүө көһүннэ, онтон зал диэкки барда, дьиэлэрин аана тыаһаат, хаһаайын тахсан:- Күсүү суох үһү, ээ Суох суох, ханна эрэ барбыт...- диэн сапсыйан, буккуллан, илиитинэн сирэйин суураланар. Мин хайдах эрэ санаам түстэ, тура түһэн баран:- Ээ сөп, диээ, ол ханна барбытын билбэккин дуо?
    - Суох. Туохха наадыйбыккыный?
    - Ээ көннөрү көрсөн кэпсэтээри.
    - Бачча киэһээ дуо??? Кэпсэтиилээх буоллаххына күнүс кэлэр баҕайыта, халлаан сырдыгар.- диэн, орто уҥуохтаах, биэсуонуттан лаппа тахсыбыт хаһаайын, дьиэтигэр киирбитэ. Мин саҥараары гынан баран туттуннум, олбуор ааныгар өйөнөн өөр да өөр турбутум, санаабар "Ксюм тахсыа" дии саныырым, дьиэ иһигэр баарын билэбин, ол эрэн тоҕо суох дэттэрбитин, таайа сатаабытым да, кыаллыбатаҕа... капюшоммун кэтэн, дьиэм диэкки санаам түһэн, оргууй хаама турбутум...

     

    0
  • Ыччат
    15 марта 2018  

    Ksyshka Sivseva (13 чааһа)

    Көмүс күһүммүт күлүмүрдээн, күн уотугар хатыҥ сэбирдэҕэ саһаран, тыал хотуттан илгийдэҕин аайы салгыҥҥа тэлимнээн, инчэҕэй сиргэ кэлэн сэрэнэн сытынан кэбиһэллэр. От-мас бүтүннүүтэ хагдарыйан, ыраас халлааҥҥа күммүт чаҕылыччы тыган, үчүгэй да күннэр үүннүлэр. Оскуолабытынан айманан-тайманан, суббота күн оҥостон чугастааҕы сыһыыга тэринэн таҕыстыбыт. Оҕолорум барахсаттар үөрүү-көтүү бөҕө буоллулар, ас тэлгэтэн аһаан баран, күрэхтэһии, оонньуу бөҕө буолла, аны санаатахха кэрэ да кэмнэр ааспыттар эбит. Мин үлэбэр аралдьыйан, арыый Ксюбун умнуохча буоллум, киэһэлик походтаан бүтэн кэлэн, Любовь Константиновна уларсыбыт телефонун хаһыстым. Саҥатык соҕус Samsung ханнык моделя эбитэ буолла, кыыһын эргэ телефонун миэхэ телефон ылыныахпар диэри уларсыбыта. Төһө да бытаан интернеттаах да буоллар, эрэйинэн vk киирэн, кыыһым номерын көрдөөн булан ылан эрийдим. (Дьиҥэ наезусть өйбөр билэр этим да, икки кэлиҥҥи чыыһылатын умнан кэбиспит этим) Ксюша телефона ыҥыраат, Сэгэрим сыыһа нарын куолаһа:- Алле.- диэн чоргуйан, сүрэхпин-быарбын сылаанньытта.
    - Алло Ксю привет.
    - Привет.
    - Хайа биллиҥ дуо?
    - Билэн аһаа, хантан телефоннаннын?
    - Ээ на время дьонтон уларсыбытым, эн туох сонун? Хайдаххыный?- диэн, мин телефоммун кулгаахпар тутаммын, хоһум иһигэр төптөрү-таары хаамыталаа да хаамыталаа буолабын.
    - Аа, мин этэҥҥэбин, сонун соох, күн аайы одно и тоже... бу уруһуйдуу олоробун.
    - Ээ туох диэхпиний...- диэн кэтэхпин өрө таҥнары имэринэ имэринэ, долгуйан- Ксюю эн мантан киэһээ туох былааннааххын?- диэн сэрэнэн ыйыттым. 
    - Билбэтим ээ, ол хайаары гынныҥ? 
    - Кыратык көрсүөхпүн, кэпсэтиэхпин баҕарабын.
    - Аа онтон... - кыыһым тохтоон ылар.- тахса сылдьыахха сөп.- диэн толкуйдаабыттыы хоруйдаата. Мин үөрэн сири билбэт буоллум:- Оччоҕуна мин аҕыска эйиэхэ тиийиэм дии?
    - сөп, хорошо.
    - Чэ оччоҕуна көрсүөххэ диэри.- телефоммун араараат, кухняҕа таҕыстым. Итии кофе куттан, истиэнэҕэ ыйанан турар чаһыыбын манаһабын, күүппүт омуммар барара бытааныан. Сэттэ аҥаарга таҥнан, тулуйбакка тахсан бардым, хараҥаҕа лаппа билэр суолбунан Ксюбар баран иһэн, эмиэ арааһы эргитэ саныы иһэбин. Олбуор ааныгар чугаһаат, соседтар күрүөлэригэр тахсан, бириэмэ атаара таарыйа ийэбин кытта кэпсэттим. Арай кэпсэтэн бүтэн, телефоммун таккыйа олорон көрбүтүм, Ксюм олбуорун аанын оргууй арыйан, кып-кыра бэйэтэ былаат тууна баанан, бэрчээткэлээх, уһун сотолоох, хобулуктаах сопожкатынан хааман, чыычааҕым тахсан уулусса диэкки одуулаһар, ким эрэ күүппүттүү туттан, былаатын көннөрүнэр. Мин телефоммун джинсым сиэбигэр уктаат, күрүөттэн чэпчэкитик ойон түстүм, хайдах эрэ уруккаттан билэр баҕайы курдукпун, Ксюшабын. Оргууй сиргэ тохтубут талах сэбирдэхтэрин хачыгырата үктээн, тиийэн кэллим. Ксюшам үөрбүтэ биллэр эрээри, онтун көрдөрбөт буола сатыыр, иккиэн уун утары туран кыратык кэпсэттибит. Мин хайдах эрэ аһаҕас баҕайы сиргэ туран кэпсэтэ турарбытын өйдөөн:- Ксю кыратык дьаарбайан кэлбэппит дуо?- диэн, кыыһым туох диирин кэтэһэбин. Ксюшам туохтан эрэ сэрэнэр курдук, тула өттүн көрүнэн, ким эрэ көрүө диэбиттии кыбыстар быһыылаах:- Ээ суох манна туран кэпсэтиэх.
    - Туохтан кыбыстаҕын, или куттанаҕын дуу?- диэн уун утары көрөбүн, чыычааҕым умса көрөн, санаарҕаабыттыы туттан:- Суох. Просто...- диэн баран тугу эрэ этиэхчэ буолан иһэн тохтоон хаалла. Мин ити ыйыталаһа турааран уҥа илиитэ суоҕун дьэ өйдөөн көрдүм. Этим "дьар" гына түстэ, соһуйан хааллым эрээри көрбөтөҕө буолан, туттунан турдум. Барахсаным уҥа илиитэ тоҥоноҕунан суох эбит, ону бэйэтигэр үчүгэй баҕайытык олорор пальтотун сиэбигэр, салыбырыы, босхо сылдьыбатын диэн сиэҕин уган кэбиспит, онтуката омос көрдөххө сиэбигэр укта сылдьар курдук. Мин турааран кып-кырачаан бэйэбин дэлби аһынан ыксары кууһан ылыахпын баҕарбытым... испэр "Ол иһин даҕаны, оҕом сыыһа туора-дьалты туттар эбит дии" санаан, аккаары курдук илиитэ суох сиэҕин көрөн турдум. Ксюшам ону сэрэйдэ быһыылаах, хаҥас илиитинэн былаатын сыыһын туттан, хайдах эрэ буруйдаах оҕо курдук туттан:- Чэ мин киирииһикпин.- диэн сэгэрим иһиллэр иһиллибэттик саҥаран, мин диэкки көрөн ылан баран дьиэтин диэкки хаамта. Ньиээ оҕом барахсан... мин дэлби ыксаан:- Ксю...- диэт, кып-кырачаан, синньигэс илиилэриттэн сиэтэн ыллым. Кыыһым соһуйан хаалла, тохтоон мин диэкки эргиллэн, утары көрдө. Мин үлтү буккуллан, туох диэхпин билбэккэ:- Кыратык тохтуу түһүөҥ дуо? Баһаалыста кииримэ.- диэн бэйэм да кыбыстан хаалан умса көрдүм. Ксюшам илиибин киэр илгибэтэ, оргууй ыксары хааман кэллэ, мин турааран төбөбүн өндөтөн иккиэн харах харахха көрсөн, саҥата суох турдубут. Оо айыы таҥара, ол мүнүүтэҕэ мин хайдах хайдах буолбутум буолуой? Дууһам арыллан, сирдээҕи дьолу билэн, таптал кутаа уотугар умайа турар эбиппин. Киинэҕэ сыллаһалларын курдук уураан ылаары чугаһаан эрдэхпинэ, эмискэ олбуор аана сабылынна, иккиэн аптаах уубутуттан уһуктан, тула көрүнэ оҕустубут. Көрбүппүт Ксюшам убайа Бааска эбит, биһиги диэкки көрөн, көхсүн этитэн, улахан баҕайы сонноох мас көтөҕө тахсыбыт эбит. Ксю түргэн үлүгэрдик тутан турбут илиитин ньылбы тардан ылан, хайдах эрэ "неловкай" баҕайы бириэмэҕэ киирэн хааллыбыт. Кыыһым эйэҕэстик көрөн ылан баран:- Чэ мин киирдим, пока...- диэн, олбуорун аанын аһан иһирдьэ киирдэ. Минньигэс сыта ханан да суох буолла, мин кураанаҕы кууһан соҕотоҕун туран хааллым. "Субу билигин аайы туох буолла?" диэн бэйэбиттэн ыйытабын, "Оодьэ миэнэ миэнин курдук, тоҕо да кыратык хойутаан тахсыбата" диэн мөҕүттэ саныыбын ол быыһыгар, үрүҥ тиистэрбин көрдөрөн, астынан Ксюм дьиэҕэ киирэрин көрөн турдум. Саһаан диэкки холуун сүгэ, кураанах маһы хайытар тыаһа, саныы турбут санаам ситимин быһан кэбистэ, эргиллэн көрбүтүм Бааска мин диэкки көрөн аҕай турар эбит, мин өй ылан, мух-мах туттан, дьиэбэр хаамтым.

    0
  • Ыччат
    15 марта 2018  

    Ksyshka Sivseva (14 чааһа)

    Таһырдьа хабыс хараҥа, мин телефоммун ороон, фонаригын холбоон сирдэтэн дьиэбин этэҥҥэ буллум, дьиэҕэ капюшоммун уһулан киирэн кэллим, лаампа уотугар хараҕым саатан, төҥкөйөн кроссовкам быатын сүөрэ турдахпына, эмээхсин кэлэн:- Таһырдьа хараҥарда, үлүбээй бэйэҥ соҕотох тахсыма, сэрэхтээх... онно-манна түбэһиэҥ.- диэн, кырдьаҕас эбээбин санатан, Балбаара маҥхайбыт кылгас баттаҕын муос тарааҕынан туттаран, өспөччү көрөн, сэрэтэрдии саҥара турда. Мин тапочкабын анньынаат, ааһан иһэн:- Куттаныма Балбаара, син булан сылдьааччыбын, Ыстапааҥҥа арба этээр эрэ, таһырдьатааҥҥы турар буочуку уутун таспытым- диэн, кэпсэтиини атыҥҥа көһөрө сатыыбын. Балбаара уу-хаар баспыт хараҕынан килэччи көрөн, уостарын ньимиччи туттан, көрөн тура түһэн баран, аргыый дьыбааныгар хаамар, тугу эрэ иһигэр ботугуруур. Биир өттүнэн, бэйэм да хараҥаҕа сылдьан буруйдаах буоларбын билэбин, эмиэ да тахсыбатахпына табыллыбат, Ксюшабын көрөн кэпсэттэхпинэ хайдах эрэ санаам чэпчээбиккэ, дууһам ырааһырбыкка дылы буолар. Ыстапаан ааны аһан таһырдьаттан киирдэ, мин диэкки көрө көрө хоһугар ааста. Мин санаам буолбакка эмээхсиннээх оҕонньорго тиийэн, сэрэхтээх сылдьыам, хараҥаҕа соҕотох тахсыбаппын диэн, кырдьаҕас дьоннор, киэһээ утуйбаккалар миигин манаһалларын иһин мэктиэ тылбын биэрдим. Ыстапаан, эмээхсинин дьыбааҥҥа олороорон сылаастык бэйэтигэр ыксары тардан, кууһан, арыый санаалара чэпчээн, сериалларын көрөллөр. Мин бэлэмнэнэн аһаан баран, хоспор киирэн Ксюбар эрийэбин:- Алле өссө биирдэ дорообо- кыратык күлэн ылабын- Хайа убайын туох да диэбэтэ дуо?- диэн сэрэнэн ыйытабын.
    - Ээ туох диэҕэй, тугу да саҥарбат сылдьар дии.- диэн телефон нөҥүө чыычааҕым долгуйан дьолломмун куолаһа иһиллэр. Кыратык уу чуумпу сатыылаата, иккиэн саҥарбакка тура түстүбүт, онтон кыыһым:- Алле хайа тоҕо саҥарбаккын? Утуйдуҥ дуо?- диэн ыйыталаста. Мин ороммор сыттым, кыратык сибигинэйэр быластаан:- Ксюш...
    - Тугоой?
    - Мин эйиигинниин билсиэхпиттэн ыла олоҕум тосту уларыйда... Хаһанда маннык буолааччыта суох, Таҥараҕа махтаныам этэ эйиигин булан, көрсүһүннэрбитигэр.- диэн, ыанньыйбыт санаабын этэбин. Кыыһым чочумча булан баран:- Мин эмиэ махтаныам этэ, эйиигинниин билсиспиппэр...- диэн Сэгэрим нарын куолаһынан саҥарда, мин истибиппин итэҕэйбэккэ, ороммуттан өндөйөн:- Чахчы дуо?- диэн ыйыппыппын бэйэм да билбэккэ хааллым. 
    - Мһмм... Мин олоҕум эмиэ кэлиҥҥи бириэмэҕэ олус уларыйда... - Ксюшам сэмэйдик эппиэттиир. Мин астынан:- Ксю...- диэн истэхпинэ сибээһим быстан хаалла, мин бастаан соһуйан, кыһыйан маатырыл бөҕө буола буолабын, иккистээн эрийбиппэр "У вас недостаточно средств" диэн таҕыста. Айахпын атан, баланспын көрбүтүм минуска дьириҥник олорбут эбиппин. Мөҕүттэ мөҕүттэбин туран тииспин суунан сиэркилэҕэ көрүнэбин, "Миэнэ миэнин курдук саамай тыҥааһыннаах бириэмэҕэ, обещаннайым минуска тэбэн кэбистэҕиэн" дии санаан, сиэркилэни охсуохпун баҕарталаан кэлэбин. Хайыыр да кыаҕым суох буолан, ороммун оҥостон сытааран элбэҕи эргитэн, анааран көрө, хойукка дылы утуйбакка сыппытым.

    0
  • Ыччат
    15 марта 2018  

    Ksyshka Sivseva (15 чааһа)

    Балаҕан ыйын эргэтэ, мин Ксюшабын кытта иккитэ уоран кэриэтэ көрсө сылдьыбыппыт. Таптал диэн баар эбит, киһи утуйар уута көтөн, саныыр санаата сайҕанан, аһыыр аһын амтана кытта сүтэр, омуннаан эттэххинэ. Дьыл ааһара түргэниэн, мин саныыр санаам диэн, Ксюбун кытта бииргэ олорон, бур бур буруо таһааран, эйэлээхтик, дьоллоохтук олоруом диэн ыралаахпын. Ксюшам миигин кытта кэпсэтэн, таптал тиэмэтэ кэллэ да кэпсэтиэн баҕарбат курдук буолан хаалара, отой улахан көрдөһүүннээн диэбит курдук эппиэттиир идэлэммитэ. Чыычаахпын өйдүүбүн ээ, ол эрэн киниэхэ уоскулаҥ тылы булан, санаатын көтөҕүөхпүн олуһун баҕарабын да, үлэм быыһыгар, дьоммуттан күрээн кэриэтэ сылдьар буоламмын, баҕарбын баҕабын кыайан толорбокко, этиэхтээхпин эппэккэ сылдьабын. 
    Ол курдук Алтынньы ый бастакы күнүгэр биһиэхэ манна хаар бөҕө үллүктээтэ, кырыа кыһыммыт тиийэн кэллэ. Мин халыҥнык таҥнан, киэһээ сэсиэдтэрбитигэр таҕыстым диэн баран Ксюбар тэбинним. "Ксюшабар барабын" диэн буолла да, куһаҕан ат дьиэтигэр ыстанарын курдук түһэрэн кэбиһээччим. Атахтарым чэпчээн бэйэлэрэ хаамар курдуктар, Ксюм олбуорун аанын доҕор оҥостон бүттүм быһыылаах. Кыра дэриэбинэҕэ суон сурах тарҕанан эрэр үһү "Саҥа учуутал, инбэлиит кыыһы мэйиитин эргитэн, тэллэх оҥостоору гынар" диэн ис хоһоонноох, бэрдэ суох хоп-сип. Кыыһым дьонугар ити күүркэтиллибит сурах кулгаахтарыгар тиийбитэ буолуо диэн санаатахпына сүрэҕим ыалдьар. Ксюм олбуоругар кэлэн, идэбинэн сэсиэттэр күрүөлэригэр олорон кэтэстим. Кыыс өр күүттэрээччитэ суох, аанын аһан тахсан, Ксюм хаар бөҕө түһэ турарын көрөн, астынан үктэлигэр тура түһэн баран миэхэ кэллэ, чыычааҕым дьолломмут аҕай, кэллэ кэлээт кууһан ылла, мин соһуйан хаалан, иҥиирдэрим тарпыкка дылы буоллулар, чыычаахпын оргууй сылаастык кууһан сирэйин одуулаһабын. Таһырдьа хараҥара илик, хаар бөҕө үллүктээн, сказкаҕа кэпсэнэр курдук түгэн үөскээтэ, кыыһым хараҕа килэбэчийбит:- Астык баҕайы дии, тулабыт барыта мах-маҥаан.- диэн сэгэрим кыра оҕолуу үөрбүт аҕай, онтон өйдөнөн, кууспут илиитин оргууй ылан, кыбыстан кэннинэн тэйдэ. Хаҥас илиитинэн хаары ылан көрөр, ытыһыгар олордон үрэ үрэ минньигэстик кычыкаланан күлэр. Мин күрүөҕэ өйөнөн турааран, киинэ курдук бытаардан көрө турабын, иккиэн наһаа да дьоллоох этибит ол киэһээ. Оргууй хаары хочугуратан кыыспар чугаһаан:- Ксю...- диэн саҕабын көннөрө көннөрө таптал иэйиитигэр саба куустаран, хайдах курдук таптыырбын, кинитэ суох сатаммаппын этээрибин, долгуйуу бөҕө эмиэ. Кыыһым мэник харахтарынан:- Эмиэ Ксю диэтэ, тугуй?- диэн утары хааман кэлэн баран, хоонньубар хаар укта, күлэн кэбиһэ кэбиһэ кэннинэн хаамар. "Ыччуу!" диэт, хоонньубар киирбит хаары сахсыйан тэбиибин, сиртэн хаар ылаат кыыспын эккирэтэбин. Кыра оҕолор курдук хаарынан ысыһан, сүүрэкэлээн дэлби мэниктээтибит. Аҕылыы аҕылыы биир кэмҥэ, кыыспын кууспутунан хаарга кэлэн түстүбүт, сытан эрэ ыксары тардан чыычаахпын тымныы иэдэһиттэн, сылаастык уураан ыллым, кыыһым күлэ сытааран соһуйан, икки ыйаастыгас харахтара миигин утары көрдүлэр, түгэн үскээбитигэр мин долгуйан:- Ксюша мин эйиигин олус күүскэ таптыыбын...- диэн утары көрөн сыттым. Кыыһым үөрбүтэ, мэниктээбитэ ханан да суох буолан хаалла, харахтара ууланан кэллилэр:- Мин эмиэ...- диэн, туттуна сатыы сатыы харахтарын уутун, үтүлүгүн устан, соттумахтыыр, барахсаным сыыһа. Иэдэстэрэ итийэн, кытаран хаалбыттар, иккиэммититтэн итии чаан бурхачыйар. Мин таҥаһым илийэн, дэлби тиритэн туран, кыыспын илиититтэн тардан туруоран, таҥаһын тэбээтим. Били уҥа сиэҕэ босхо барбыт, иһигэр хаар бөҕө киирбитин, кыыһым умса туттан, бэйэтэ тэбэннэ. Саҥа-иҥэ диэн иккиэммитигэр суох, чыычаахпын илиититтэн сиэтэн, ампаар диэкки хаамтыбыт. Уоскуйан туох да буолбатаҕын курдук кэпсэттибит, Ксюшам дэлби серьезнай баҕайы буолан хаалбыт, туох эрэ санаатыгар ылларан, саҥата-иҥэтэ лаппа аччаата. Мин дьиктиргээбиттии, эргэрбит ампаар истиэнэтин көхсүбүнэн өйөөн туран:- Хайа Ксю хайдах буоллун?- диэн харахтарын көрө сатыыбын, синньигэс биилиттэн ылан бэйэбэр тардабын. Ксюшам утары туран тугу да хардарбат, хараҕын умса көрөн тура түһэн баран миигин ыксары кууһан, төбөтүн мин түөспэр сыһыаран, иккиэн саҥата суох, хаардаах киэһээ, эргэрбит ампаар сарайын анныгар өөр да өөр куустуһан турбуппут.

     

    0
  • Ыччат
    15 марта 2018  

    Ksyshka Sivseva (16 чааһа)

    Алтынньы ый саҕаланыыта, мин этэҥҥэ үлэлии сылдьабын, Ксюм суоҕа эбитэ буоллар, бу дойдуга тэһийэм суох этим да, сэгэрим мин олохпор киэргэл кэриэтэ кэлэн, мин дьоллонон, хотугу тыаллаах кыраайга үлэ-хамнас бөҕө буолан сырыттым. Дьоллонноххуна дьыл кылгыыр дииллэрэ кырдьык эбит, мин бэҕэһээ аҕай кэлбит курдукпун, Ксюшабар аҕыйах ый ынараа өттүгэр суруйан эрэрим да номнуо сыл аҥаара ааһа охсубут эбит. Күнүм бииртэн биир солбуллан ааһан иһэллэр, мин Ксюбар кэлэ-бара сырыттым. 
    Биир үтүө күн эмиэ үлэм кэнниттэн, идэбинэн Ксюбунан эргийэн дьиэлээтим. Буоларын курдук иккиэн куустуһуу бөҕө буолан көрсөрбүт, ол эрэн уос уоска даҕайсан сыллаһа иликпит. Кыыспар бүгүн тугу үлэлээбиппин, оскуола оҕолоро уруогум бириэмэтигэр охсуһан турбуттарын араартаабыппын игин кэпсии кэпсии иккиэн сиэттиһэн ойуур саҕатыгар хаамтыбыт. Ксю дьиэтин кэннинээҕи ойуурга мэлдьи көрсүһэрбит, онно хайдах эрэ уоскулаҥ, ким да көрбөт-манаабат, ыллык устун талахтар быыстарынан хаамааччыбыт. Ол хааман иһэн Ксюшам тоҕо эрэ тохтоон, биир сиргэ турунан кэбистэ, мин хааман иһэн, кыыһым илиититтэн иҥнэн тохтоон кыыспар эргилинним, Сэгэрим тугу эрэ этээри турара билиннэ, саҥата суох мин харахтарбын манаһар. Мин утары хааман кэлэн, Ксюбун үөһэттэн көрөн:- Хайа туох буоллуҥ? - диэн кыыспын ыга куустум. Кыыһым миигин хантайан көрөн, өөр да өөр бэлэмнэммит быһыылаах этээри:- Эн миигин чахчы таптыыгын дуо?- диэн саарбахтаабыттыы ыйытта, онтон харахтарын куоттаран, мин тугу диирбин истээри кэтэһэн турда. (Маачахата сөбүлээбэтэх эбит, "Туһанан баран быраҕыаҕа, онно киирэн биэримэ, кини эдэр онтон эн инбэлииккин, бэйэҕэр тэҥнээх уолу көр, интин сотору соҕус буолан баран атын кырасаабыссаларга иирэн, эйиигин хааларыаҕа!" игин диэн дэлби саҥарбыт үһү, чыычаахпын... кэлин кэпсээбитэ) Төһөтүн да иһин кини кыыс буоллаҕа, "Кыыс Таптаары уонна таптатаары төрүүр" дииллэринии кини да тыынар тыыннаах, тэбэр сүрэхтээх, убаҕас хааннаах буоллаҕа... Хайа кыыс таптыан, таптатыан баҕарбат үһүө? мин көхсүбүнэн сэрэйдим ким эрэ туох эрэ диэн тыл быктарбыт быһыылаах диэн, саҥата суох өөр дьириҥник тыынан баран:- Ксю мин эйиигин таптаабатым буоллар тоҕо бу Уһук хоту, түһээн да баттаппатах дойдубар тиксиэхпиний, эрдэттэн эппитим дии тиийиэҕим диэн, өйдүүгүн? - диэн Ксюбун кып-кырачаан санныттан кууһан ыллым, кэтэҕиттэн сэрэнэн ылан кэтит түөспэр сыһыаран баран- Ксюша мин эйиигин олус күүскэ таптыыбын, дьоннор туох да диэтиннэр, билэбин эн биһиги иккиэн алта ый эрэ ынараа өттүгэр билсиспиппитин, ол эрэн эн миэхэ итэҕэйиэх тустааххын, мин ханна да ыксаабаппын, этэҥҥэ буоллахпытына ыал буолан, иккиэн олохпутун холбоон, дьоллоохтук олоруохпут диэн эрэнэбин.- диэн этээт, "тугу тугу туойдубунуй?" дии санаан, бэйэм бэйэбиттэн хата кыбыстан турдум. Ксюшам барахсан онтон да санаата түһэн, мин тылларбын истэн, лаппа чэпчээтэ, үрүҥ тиистэрин көрдөрөн:- Билбэтим тоҕото эбитэ буоллар, ол эрэн мин эйиэхэ итэҕэйэбин... Саамай куттанарым диэн, эн атын кыыһы таптаан баран хаалыаҥ дии... - кыыһым саҥата суох, аҥаар илиитинэн биилбиттэн кууһан, соммун кытаахтаан турда. Мин төҥкөйөн кыыспын сүүһүттэн уураан ылан баран:- Кэбис, ону-маны санаама, мин эйиигин эрэ таптыам, олоҕум тухары...- диэн, кыыһым хараҕыттан сүүрэн түспүт, илийбит иэдэһин оргууй илиибинэн сотобун. Ыйар тарбахыпын токурутан, Ксюшам умса туттан турарын көрөн, сыҥааҕын төрдүттэн өрө тирээн таһааран сымнаҕас уоһуттан бытааннык, наҕыллык уоспунан уураан, муннубутунан даҕайсан иккиэн күлэн ылан игин, ол киэһээ бастакыбытын уураспыппыт. Сэгэрим өйө көтөн, уостара ибигирээн, икки ыйааччы көрбүт харахтара уоттанан:- Мин эйиигин олус күүскэ таптыыбын...- диэн, кулгаахпар сипсийэн, минньигэс куолаһа бу билигин да баарга дылы, арыт ардыгар түүлбэр кытта киирээччи. Оо абаккам! Бириэмэни иккистээн эргитэллэрэ буоллар, Ксюбун аан маҥнай уураспыт киэһээбэр төннүөм этэ да... бириэмэ хомойуох иһин иккистээн төннүбэт... Олох биирдэ эрэ бэриллэр эбит, бу орто туруу-бараан дойдуга.

    0
  • Ыччат
    15 марта 2018  

    Ksyshka Sivseva (17 чааһа)

    Сэтинньи ый 16 күнэ суббота, биһиги Ксюшкалыын сылдьарбытын дэриэбинэ олохтоохторо бары билэллэр. Ксюм дьол бөҕө буолан, урукку курдук саҥата суох хаамара, санаарҕыыра ханан да суох, иккиэн сиэттиһэн онно-манна баран кэлэбит, куруук бииргэ сылдьабыт. 
    Бу күн мин спортзалбар эрчиллэн, киэһэлик дьиэбэр баран иһэн, кыыспар таарыйан ааһыахтаахпын. Бэҕэһээ телефоннаан тоҕо эрэ дьиктитик үөрэн, "Дьиэбэр киэһээ алтаҕа кэлээр" диэн дьоллоно турар этэ, мин дьиктиргээн "Ол алтаҕа туох буолла?" диэн ыйыппыппар, кыыһым "Кэллэххинэ билиэҥ буо" диэн күлэрэ. Чыычааҕым урукку Ксюша буолбатах билигин, отой уларыйан, үөрэрэ элбээн, эбии тупсубукка дылы буолбут. Мин кэлиэх буолан, эрчиллэ сылдьан ол санаатыгар сырыттым. Төрөөбүт күнэ диэхпин киниэнэ атын чыыһыла, бырааһынньык игин суохха дылы, раздевалкаттан малбын хомунан, мастеркабын кэтэн, таҥнан, бороҥуйга кыыспар тэбинним. Таһырдьа тыал бөҕө түспүт, хаары тибэн кэбиспит, охто сыыһа сыыһа Ксюм олбуоругар кэлэн баран звоннаатым:- Алло привет чыычаах, туох диэхпиниий... бу дьиэҥ таһыгар кэллим.- диэн олбуор аттыгар кэтэһэн турдум. Санаабар дэлби кычыкаланан, долгуйан кэлэбин. Кыыһым куртка кэтэн таҕыста, сүүрэн кэлэн ыгыччы куустустубут. Ксюм санаата дэлби көтөҕүллэн:- Чэ туруохпут дуо? Киириэххэ.- диэн мин илиибиттэн сиэтэн дьиэтигэр баран истэҕинэ, мин соһуйан:- Оу туох буолла? Хайыы киирдибит?- диэн мунааран, туормастаан ыйытабын. Дьиэтигэр киирэ илигим, ол иһин хайдах эрэ кыбыстан кииримээри гынабын. Ксю саҥарар бокуой биэрбэтэ:- Чэ киириэххэ, эн биһиккини иһирдьэ кэтэһэн олороллор.- диэн, соһон Дьиэ халҕанын тэлэ баттаат, иһирдьэ тоһугураһан киирдибит. Дьиэ иһэ минньигэс сытынан тунуйбут, сылаас салгын саба биэрдэ. Мин капюшоммун түһэрэн, бэргэһэбин уһулан тугу диэхпин билбэккэ турдум. Кыыһым ойоҕоско кэйэн:- Хайа туруоҥ дуо, сыгынньахтанан ааһыахха.- диэн, мин курткам сомуогун сүөрэр. Иккиэн сиэттиспитинэн кухняга киирбиппитигэр, остуол хотойорунан ас бөҕө тардыллыбыт, тула дьиэлээх хаһаайын, эмээхсинэ, убайа Бааска уонна балта олороллор эбит. Мин үлүйэ сыыспыт кытарбыт иэдэстэрбин ытыспынан ньухханан, киирэн харах иччитэ буолан турдум. Кыыһым миигин кууһан ылан баран:- Билсэн кэбиһиҥ, бу баар мин оҕом.- диэн сүргэтэ көтөҕүллэн, дьонун кэрийэ көрөттүр. Мин көхсүбүн этитэн:- Дорооболоруҥ, мин аатым # ыраах Бүлүү бөлөх эҥээриттэн кэлбиппин эттим.- олоппос ылан остуолга ыксары олоруннум, Ксюша аттыбар олорон ирэ-хоро, аһыы аһыы кэпсэппитинэн бардыбыт. Бастаан утаа доппуруоска олорор курдук туттан, илиибин холбуу тутан олордум, дьиэлээхтэр бары көрөн баран олороллоруттан саҥам кыайан тахсыбакка, кулгааҕым итийэн, тиритэн олордохпуна кыыһым остуол аннынан илиибиттэн сиэппитигэр арыый холкутаабытым. Киэһээҥҥи диэри арааһы сэлэһэн, мин дьиэбэр бараары гыммыппын кыыһым ыытымаары хаайар. Иккиэн дьыбааҥҥа олорон телевизор көрбүтэ буоллубут. Мин чаһыыбын көрө көрө ыксыыбын, чыычааҕым төбөтүн түөспэр ууран:- Бүгүн манна хоммоккун дуо? Сарсын өрөбүл дии...- диэн, утары харахпын көрөр. Мин дэлби ыгылыйан кэллим:- Дьонум аах кэтэспиттэрэ буолуо... дьоммор этиэхпин наада.- диэн көлөһөммүн соттобун. Дьигинэн эрдэ эппитэ буоллар көстүүм, хаалтыс бөҕө буолан кэлиэм этэ буоллаҕа, ону соһуччу "сюрприз" курдук оҥороору Сэгэрим сыыһа ас бөҕө астаабыт, дьиэтин иһэ итии баҕайы этэ, иккиэн сөрүүккүү таарыйа таһырдьа таҕыстыбыт. Дьоммор баран кэлэн, таҥаспын уларыттан рюкзакпын игин хаалларан баран кыыспар хоно бардым. Төптөрү кэлэн, дьиэлээхтэри кытта остуолга олорон эмиэ икки чааһы быһа айахпыт өһүллэн, күлэ күлэ кэпсэппиппит. Ксюшам ол киэһээ дьоллонон, күҥҥэ тиийэ үрдээн, сырдыгынан сыдьаайа олорбута. Түүн хараҥаҕа Ксюшабын кытта орон оҥостон, иккиэн сыттыбыт. 
    Суорҕан иһинэн, кыыспын оргууй кууһан, мииньигэс сыттаах баттаҕын тарбахпынан тарыыбын. Ол сытан:- Ксюша биири ыйытабын?
    - Ыйытыый.
    - Бу уҥа илиигин хайдах гыммыккыный? 
    - Ээ... уокка умайбыта.
    - Оо ол хайдах???
    - Урут мин ийэлээх, аҕалаах этим... Аҕыйах ыйдаахпар дьонум иһэн-аһаан, оһохторун көрбөккөлөр түүн үөһүгэр дьиэлэрэ умайбыт. Биир миигиттэн биир сыл аҕа быраатым уонна ийэлээх аҕам уокка былдьанан суох буолбуттара...- кыыһым куолаһа кэһиэҕирэн, хараҕа ууланан кэлэр.- миигин дьоннор быыһаабыттар, уонна бу аҕам бииргэ төрөөбүт убайыгар иитиллэн кэллим...- диэн дьириҥник өрө тыынар. Мин истибиппин итэҕэйбэккэбин, соһуйан кыратык сыта түстүм, онтон оргууй:- Ксю оччоҕо бу дьиннээх Ийэҥ, Аҕаҥ буолбатахтар да?- иккистээн тоһоҕолоон ыйытабын.
    - Аһаа...
    Мин саҥарар кыаҕа суох буолан, кыыспын аһынан күүскэ да күүскэ кууһан уураан ылабын. Мин Ксюну төрүөҕүттэн инбэлиит дии санаабытым да, оннук буолбатах эбит. Этэ-сиинэ оһон хаалбыт баастардаах, уҥа илиитэ суох, эбиитин баттаҕа суох буолан парик кэтэр, онтутуттан сылтаан кыыс дэлби кыбыстан, үөрэх диэҥҥэ үөрэнэ барбакка, дьоҥҥо улаханнык көстүбэккэ, чыычааҕым дьиэтигэр бүгэн сылдьаахтаабыт. Дьиҥэр уокка умайбатаҕа буоллар "Мисс" диэннэригэр кыттар кыахтааҕа... Мин ити боппуруоһу салҕыы ыйыппатаҕым, онто да суох кыыһым баттык санаалаах. 
    Сарсыарда уһуктан, кыыһым минньигэстик утуйа сытарын уһугуннарбакка, сэрэнэн туран таҥнан, чыычааҕым хоһун кэрийэ көрөбүн. Остуолугар уруһуйдаабыт уруһуйдара, хаартыска кэриэтэ уруһуйданан сыталлар, мин дэлби сөхтүм, ылан биир биир арыйан көрөбүн. Оҕо сылдьан оонньообут оонньуурдара, үчүгэй баҕайытык сааһыланан ууруллубуттар, биир улахан ыскаап кинигэннэн туолбуттар. Историяттан саҕалаан Астрономияҕа тиийэ энциклопедиялар кэчигирээн, таас нөҥүө кичээҥитик тураллар. Хос иһэ уурбут-туппут курдук, барыта орун-оннугар, ып-ыраас. Мин кыыспын билбэккэ да сылдьыбыппын, дэгиттэр талаан бөҕө саһан сылдьар эбит, сэгэрбэр. Оргууй утуйа сытар күммүн, нарын иэдэстэриттэн сыллаан, тыаһа суох тахсан барбытым.

    0
  • 123
    15 марта 2018  

    Олус бэрт кэпсээн, салгыытын кэтэһэбит

    0
  • Ыччат
    16 марта 2018  

    Ksyshka Sivseva (18 чааһа)

    Сэтинньи ыйы туораан, Ахсынньы ый ахсым ат курдук элэҥнээн ааһа оҕуста. Оскуола саҥа дьыла бу тирээн кэллэ. Кылааһым оҕолорун кытта кылааспытын киэргэтэн, син үһүс бочуоттаах миэстэҕэ тигистибит. Харыйа сыта дыргыйан, оскуола залын ылан кэбиспит, гренляндалар уоттара оонньоон, Саҥа дьыл барахсан түргэнник да тигинээн кэллэҕиҥ. Күммүт-дьылбыт муҥутуур уһугар тиийэн, кылгаан, күн саҕахха сырдаан иһэн төптөрү киирэн, хараҥарбытынан барар. Ахсынньы ый амырыын тымныылара түстүлэр, хоту дойду кыһына тыйыс, тыаллаах хаксаахтаах. Ксюшабын кытта бииргэ буолбуппут, иккиэн бэйэ бэйэни кытта өйдөһөн, өйөһөн, Ксюшам дьиэтигэр иллээхтик эн мин дэһэн олоробут. Саҥа дьыл сүпсүлгэнэ, сүүрүү-көтүү, туох эрэ аптаах аптаах түгэни эрэйэр. Оскуолам киэнэ бүтээт, аны нэһилиэк киэнэ буолла. Кулууп дьиэтигэр, 31 киэһээ 2013 сыл Киэһээ сэттэ чааска саҕаланар диэн тахсыбыт биллэриигэ, Ксюшам барымаары бөҕө, сөбүлээбэт этэ ол бу араас концертары, үҥкүүлэри. 
    Киэһээ буолла, мин харыйа курдук ыгыччы киэргэнэн, кыыспын кытта кэнсиэр көрө клубка бардыбыт. Оскуолалар ааттарыттан тахсан сыанаҕа ыллаатым игин кыбыста кыбыстабын, киһи бөҕө үмүөрүспүттэр, кыра кулуубу толору симиллии. Настырыааньабыт көтөҕүллэн, иккиэн куустуһан дьиэбитигэр кэлэн, саҥа үүммүт 2014 сылбытын көрүстүбүт. Таһырдьа тахсан оҕом биһиккиэн үлүйэ үлүйэ да буолларбыт салют ыттыбыт. Халлааммыт сырдаан, тыас-уус бөҕө, ыһыы-хаһыы онно-манна дуораһыйар. Мин хараҥа халлааҥҥа биир биир уһуутуу уһуутуу тахсан, дэлби тэбэр уоттары көрөн туран, кыыспын эргиллэн көрөбүн, Ксюша чоҕулуччу көрбүт харахтарыгар салют уоттара килэбичийэн көстөллөр, икки баайыы үтүлүктэрин үөһээ уунан:- Саҥа дьылынааан! - диэн хаһыытыыр. Онтон мин диэкки көрөн, минньигэстик мичээрдээн ыксары хааман кэлэн уураан ылаары гынар да тиийбэт, ол иһин мин кыччаан биэрэбин, онуоха кыыһым мооньубуттан кууһан ылан уураан ылар. Путин эҕэрдэтин тыла бүтэ илик, биһиги бары дьиэҕэ хочугураан киирэн "Ыччуу" дэһэбит. Ас бөҕө толору хааланан баран, кулууппутугар дискотекалыы бардыбыт чыычаахпынаан. Бу иннинэ Ксюм биирдэ да сылдьа илигэ. Зал иһигэр үҥкүү-битии бөҕө буола турар эбит, иккиэн иһирдьэ киирэн бастаан утаа батарыайаны өйөөн турдубут куустуһан, онтон киирэн, Ксюм одноклассниктарыгар киирэн үҥкүүлээтибит. Син ортолуу үҥкүүлээн истэхпитинэ бытаан ырыа колонкалартан кутулунна. Ким барар барар, хаалара хаалан, куустуһан оргууй аҕайдых хамсанан үҥкүүлүүллэр. Кыыһым сылайан, скамейкаларга олоро барда, мин кэнниттэн барыахча буолан истэхпинэ, илии тардан ылла, көрбүтүм Ксю одноклассницата Танюша эбит. Кыыс атаҕын төбөтүгэр туран, кулгаахпар чугаһаан:- Үҥкүүлүөххэ.- диир саҥатын иһиттим. Мин бара турбут Ксюбун одуулаһабын, киһим ханна эрэ тахсан барбыт эбит. Кыыска аккаастыыр аньыыта-харата бэт диэн бэркиһээн, сөбүлэһэн, иккиэн куустуһан эмиэ бытааннык хамсанан үҥкүүлээтибит. Танюша студентка, үөрэҕиттэн дойдутугар кэлэн каникуллуу сылдьар эбит, тас көрүҥүнэн кырасаабысса дьэ. Кыыс кууһан турааран:- Наһаа үчүгэйдик ыллыыр эбиккин дии.- диэн хайҕыыр. Ол быыһыгар хантан сылдьарбын, тугу гынарбын ыйыталҥаһар. Мин үҥкүүлүү туран тулабын эргичиҥнээн сэгэрбин көрө сатыыбын, хаһан ырыа бүтэрин кэтэһэбин. Бытаан музыка этэҥҥэ түмүктэннэ, кыыһым ыыппакаа була сатыы сатыы кэпсэтэ сатыыр курдук, ол турдахпытына Хоту дойду хоһууттара элиэтээн кэллилэр, биир кепкалаах, шарфик эриммит уол саннынан үтэн ааста, мин охто сыыстым эрээри наадыйбатаҕа буоллум, туох эрэ буолаары гынна диэн сэрэйэн, сүрэҕим түргэнник тэбиэлээн, долгуйан кэллим. Мин үппүтүм курдук киһим туттан, төптөрү өйдөөбөтөхтүү хааман кэлэн:- Ээ уол! Үчүгэйгин быһыылаах ээ? Кэл, тахса сылдьыахха эрэ- диэн аҥаар илиитинэн санныбар быраҕан кууспутун, илиибинэн туора анньаат:- Хаана да тахсыбаппын, этэрдээх буоллаххына манна эт- диэн, охсуһарга бэлэмнэнэн сутурукпун тутуннум. Киһим ырбайан:- Өссө диээ... - диэн чугааһан баран саҥата суох харах харахха көрсөн турдубут. Ол турдахпытына туораттан биир уол саайан чаҕылыннарда, муостаҕа охтоот туран истэхпинэ тэбиэлээн киирэн бардылар. Мин илиибинэн көмүскэнэ сатыы сылдьан биир киһилэрин атахтаан суулларан түһэрээт оххуолаабытынан бардым. Айдаан бөҕө буолла, киһи бөҕө кэлэн тохтото сатыыллар да, кыаллыбат, хараҥаҕа хастарын өссө көрбөккө хаалбытым. Мин муннум хаана тоҕо барбыт, хараҕым баһыллыбыт, кыһыйан, ньиэрбинэйдээн харса суох оххуһары кытта охсуһан истим. Нэһиилэ араартаатылар, айдааран үүртэлээн таһаардылар уолаттары, миигин атын хоско илдьэн, хаар баһан аҕалан харахпар туттардылар. Хантан эрэ Ксюшам ыксаабыт аҕай, хараҕын уутун сотто сотто, чыычааҕым кэлэн кууспахалыыр, дэлби айманан хаалбыт этэ, ол олорон күммүн уоскуттум, хайдах эрэ бэйэм куттаныахча буоллум. 
    Ити курдук охсуһуулаах, мин саҥа дьылбын көрсүбүтүм, Ксю этэринэн охсуспут уол, Таня бывшай уола эбит, онно күнүүлээн дьаабыламмыттарын кэпсээбитэ. 
    Саҥа дьылбыт ааһан, Таня кыыс миэхэ хаста да эрийэ сылдьыбыта, бырастыы көрдөһөр этэ, ол оннук устунан телефон нөҥүө Whatsapp диэннэригэр суруйсан барбыппыт.

    0
  • Ыччат
    16 марта 2018  

    Ksyshka Sivseva (19 чааһа)

    Айдааннаах саҥа дьылбыт ааһан, Ороһооспо күн үүннэ. Таһырдьа дьыбар бөҕө түспүт, мин сэгэрбин кытта иккиэн ороммутугар сытааран, кыыһым ноутбугар киинэ көрө сыттыбыт. Ксюбун кэнниттэн сылаастык кууһан, кыыспын кэтэҕиттэн сырылаччы сыллан кыра оҕо курдук оонньоһо сыттыбыт, арай сыттыгым анныгар мин телефонум вибрациялыыр, тохтоон сыттыкпын көтөхпүппэр, төлөппүөнүм "тоҕо ылан испэккин?" диэбиттии өрө хаһыытыы түстэ, биһиги иккиэн күлэн, телефоммун ылбытым <К. Танюша> диэн таҕыста. Мин соһуйан кыыспыттан кистээри гыммытым кыыһым көрөн олорор эбит, ол иһин аргыый телефоммун ыллым:- Алле.
    - Алло # привет.
    - Аа привет.- диэн мин иэним кэдэҥэлээн, буһан кэллим, аа-дьуо ороммуттан туран истэхпинэ, Ксюм тардан ылла:- Ханна бардыҥ? Манна кэпсэт.- диэн кытаанахтык көрдө. Мин ыксаатым, ханна да барыахпын билбэккэ телефоммун биир кулгаахпар туппута буолан:- Хайа туохха эрийдиҥ?- диэн, Ксюбун көрө көрө, ырбайбыта буолабын. Сатаатар телефонум громкайга турар курдук улахан баҕайытык иһиллэ турар, ол иһин саҥатын аччатаары кнопкатын баттыалаан эрдэхпинэ, кыыһым илиибин, кып-кырачаан илиилэринэн хам тутта. Телефон нөҥүө Танюша куолаһа:- Онтон эрийээр диэбитиҥ бытта.- диэн чобугураата.- мин отой буорайдым, уолуйан хайдах да буолуохпун билбэккэ:- Ээ диэ... Ээ... Таня чэ сөп бүттүбүт эрэ.- диэт тулуйбаккабын телефоммун арааран кэбистим. Бэйэм итии ууну омурдубут курдукпун, кыбыстан сиргэ тимирэн хаалыахпын сир кытаанах буолан биэрдэ... чочумча орон кытыытыгар олоро түһэн баран кыыһым диэкки көрдүм, Ксюшам умса туттан, санаарҕаабыттыы биир сири көрөн, хараҕа ууланан, мин диэкки көрбөккө саҥата суох олорор эбит. Хоспут иһэ уу чуумпу сатыылаата. Мин өрө тыынан, эр ылан кыыспар чугаһаан кууһаары илиибин ууммуппун, кыыһым илиибиттэн ылан туора садьыйда, ыйаастыгас харахтарыттан ып-ыраас сүүмэх таммахтар түһүөҕэр ууран олорбут сыттыгар таммалаатылар, аргыый чараас уостарын ибигирэтэн:- Мин өйдөөтүм... акаары да эбиппин... - саҥараат туттуна сатыы сатыы нарын ытыһын төрдүнэн, харахтарын соттумахтыыр.- Таня үчүгэй кыыс... миэхэ холоотоххо кини уһун суһуохтаах, икки илиилээх кыраһыабай кыыс... мин туох да диэбэппин, баҕар кини эн аналыҥ буолуо дии, барар буоллаххына бар, мин туппаппын... миигин акаары, тугуй да өйдөөбөт кыыс дии саныыгын быһыылаах...- диэн улаханнык абаран кыайан утары көрбөккө саҥарда. Мин:- Ээ Ксю, эн сыыһа өйдөөтүҥ ээ, мин бары...- диэн саҥаран истэхпинэ, кыыһым быһа түһэн:- Ааспыкка. Таниккалыын үҥкүүлээбиккитигэр мин төһөлөөх санаарҕаан хомойбутум буолуой? Барытын испэр тута сатыыбын ээ.- диэн чыычааҕым сыыһа кыайан кыатаммата, ытаан сыҥсарыйан барда. Мин дэлби ыгылыйан кэллим, салҕалас буолбут илиилэрбинэн кыыспын кууһан ыллым, дэлби ааттаһан, уоскута сатыыбын. Ксюшам арыый тыын ылан баран:- Ол эрэн мин эйиигин күүскэ да күүскэ таптыыбын эбээт! Тоҕо эн өйдөөбөккүнүй? Тоҕо миэнэ наар манныгый???- диэн , барахсаным дэлби кэлэйэн, хомойон, төбөтүн түөспэр өйөөн, иэҕэрийэ иэҕэрийэ ытаан барда. Мин дэлби уйадыйан уйабар уу киирдэ, икки күмүскэлэрим ууннан туолан, кыыспар:- Чэ уоскуй чычаах, мин эйиигин таптыыбын ээ... Баһаалыста бүтүүй.- диэн көрдөстүм, дэлби ааттаһан, сыллаан ылабын. Сэгэрим сыыһа кэтэн олорбут футболкабын хараҕын уутунан дэлби илитэн, сэниэтэ суохтук сыҕарыйан, сыттыгын кууһан, кумуччу туттан истиэнэ диэкки хайыһан сытта. Мин мөҕүллүбүт оҕо курдук туттан, кыыспар ыксары чугаһаан кууһаары гынан баран тохтоон бэйэм бэйэбин мөҕүттэн, буруйдана олордум, харахтарым уулара иэдэһим устунан сүүрэн түстүлэр. Дьигинэн мин Танюшаны кытта таптаспатаҕым, эрищибэтэҕим ээ, буруйум диэн үҥкүүлээбит уонна сообщенияҕа эппиэттээбитим эрэ. Ааспыкка мас хайыта турдахпына звоннаабытыгар, солото суох буоламмын "Кэлин эрийээр" диэбитим, ону кыыһым "хаһан ол?" Диэн ыйыппытыгар "билбэтим сололоннохпуна" диэт араарбытым. Бэйэм да акаары тоҕо да кэпсэтэ турбуппунуй??? Ньиэрбинэйдээн кэлэн, Танюшаны тел. Сотторон, хара испиэһэккэ анньан кэбистим. Ол түүн чыычаахпыттан ытыы сыыһа сыыһа ааттаһыы бөҕө буолан хоммутум, Мин чыычааҕым, мин күҥҥэ көрбүт көмүһүм миигин бырастыы гыммыта, ол эрэн иһигэр оспот баас буолан хаалбыта буолуо... 
    Мин мэктиэ тылбын биэрэн, Аан дойдуннан андаҕайан туран кыыспын үөрдээри хамнаһым сыыһынан бэлэх атыылаһан, буруйбун боруостаабытым. Чыычааҕым эмиэ уруккутун курдук үөрэн, кыра оҕолуу мичээрдээн, дьол бөҕө буолбута, мин сирдээҕи тапталым.

    0
  • Саас
    17 марта 2018  

    Салгыытын кэтэьэбиитsmiling face with heart-shaped eyessmiling face with heart-shaped eyes

    0
  • Ыччат
    17 марта 2018  

    Ksyshka Sivseva (20 чааһа)

    Тохсунньу тоһуттар тымныыларын туораан, Олунньу ыйбытыгар үктэннибит. Үлэ күөстүү оргуйар, мин оҕолорбун илдьэ улуус киинигэр олимпиадаҕа кыттан игин кэлбиппит. Сарсыарда барарбар Ксюм барахсан туран аһатан, бэрийэн, хаалтыспын уон араас ньыманнан баайан, үлэбэр атаарар. Киэһээ үлэлээн кэллэхпитинэ, минньигэс ас остуолга тардыллыбыт буолар. Ксюшам дьиэҕэ таах бүгэн сыппат, барыны барытын оҥорор, ол быыһыгар дьиэтин сууйан-сотор, оннооҕор киһи сөҕүөн, мас киллэрбит буолааччы. Ксюшам сүрдээх асчыт, уруһуйдьут, ырыаһыт, иистэнньэҥ бары талаан барыта баар, ол эрэн кини дьонноох сиргэ тахсарын сөбүлээбэт этэ. Биирдэ күнүс эбиэттээн баран дьыбааҥҥа тэлэбиисэр көрө олорон көрбүтүм, чыычааҕым залга хаҥас илиитинэн савок тутан, уҥа быһаҕас илиитинэн мииньик угун санныгар олуйан, дьиэ харбыы сылдьарын көрөн, дэлби аһынным, кыыһым мин көрөн олорорбун көрөн, туохта буолбатаҕын курдук мичээрдээн, ырбайыаҕына ырбайан, хараҕын куоттаран умса көрөр. Мин туран кыыспыттан миинньик ылан сиппийээри гыммыппын биэрбэтэҕэ. Туттара-хаптара түргэн, сымса, илиим суох диэбэккэ үөрүйэх баҕайытык туттан, барыны барытын гынар. Олунньу ый саҕаланыытыгар мин төрөөбүт күнүм буолла, сүүрбэ икки сааспын томточчу туолбуппун да умнан, залга тиритэ-хорута волейболлаан киэһээ дьиэбэр кэлбитим, Сэгэрим саҥаһын кытта ас бөҕө астыы сылдьар эбит. Киирэн сыгынньахтана туран "Арба бүгүн төрөөбүт күнүм этэ батта" диэн тэһэ кэйдэрэн, тапочкабын анньынан оһох иннигэр бэрэскии астыы турар чыычаахпын кэнниттэн кууһан ылан, кэтэҕиттэн сахалыы муннубунан сырылаччы сыллаан ылабын. Кыыһым тымныы илиилэрбин тутан баран:- Ыччуу, илиигин үлүппүккүн дии, манна иттэ түһэн баран, илиигин суун, сотору аһыахпыт.- диэн, бииккэтинэн бэскэйбит бэрэскиилэрин эргитэлээн биэрэр. 
    Киэһээ хойукка дылы аһаан-сиэн, эҕэрдэ бөҕө истэн олордохпуна, кыыһым туран, "Төрөөбүт күндү күҥҥүнэн, эйиэхэ эҕэрдэ, үйэлэр тухары, эн эрэ дьоллоохтук олор." диэн И. Егоров ырыатын ыраас нарын куолаһынан ыллаан, эйэҕэстик көрөн эҕэрдэлээтэ. Мин истэн олорон, хаар курдук ууллан тохто сыыстым, сиигирбит харахтарбын туора соттон кыыспын бэйэбэр тардан, ньилбэкпэр олордон уурастыбыт. Ксю сотору соҕус буолаат, туран хоһугар барда, мин умса түһэн салаппыт сиэн эрдэхпинэ, кэннибиттэн Барахсаным харахпын бүөлээн:- Хараххын сим эрэ, мин эттэхпинэ биирдэ аһаар сөп- диэн тугу эрэ остуолга уурар. Харахпын аспытым сыаналаах баҕайы ноутбук хоруопкаҕа суулаан, бантиктаан бэлэхтээбитэ, иһигэр өссө "История государства российского" диэн Н.М. Карамзин хас да томнаах сборнигын укпут этэ. Хантан ылбыта эбитэ буолла, билиҥҥээҥи диэри билбэппит хантан булбутун. Эппэтэҕэ хантан тугу ылбытын, мин дэлби үөрэн Ксюбун салгыҥҥа көтөҕөн, астыныы бөҕө буолбуппут ол киэһээ... 
    Биирдэ түүн иккиэн куустуһан утуйаары сытан, кыыһым:- # ...- оргууй сибигинэйэр.
    - Тугуй чычаах?
    - Эн баарын үчүгэйиин... ол эрэн мин мэлдьи куттанабын...
    - Туохтан? 
    - Эйиигин сүтэриэхпин куттанабын, атын кыыска баран хааллаххына мин хаалан түптээх олоҕу олорбот буоллаҕым дии... Барар да буоллаххына миигин өлөрөн баран биирдэ бараар.
    - Тыый туох диэн тылланнаххыный? Куттаныма мин эйиигин хаһан да хаалларыам суоҕа, кэбис, ону-маны санаама.- диэн долгуйан кэлэбин. Кыыһым чочумча хараҥаҕа саҥата суох сытан баран:- Эн суоҕун эбитэ буоллар, мин манна түөрт эркиҥҥэ хаайтаран, хаһан да таптал диэни билбэккэ, түүн аайы ытыы ытыы олоруом этэ... Биири кэпсиибин да?
    - Дьээрэ, кэпсээриий.
    - Урут миигин оскуолаҕа да, детсадка да наар туоратан тахсаллара. Мин бары оҕолор курдук сүүрэн-көтөн оонньуохпун баҕар этим да, тоҕо эрэ сатаммат этэ. Хойут улаатан баран наһаа санааҕа ылларар этим, ама мин куруук соҕотох олорон, оҕо диэни билбэккэ, таптал диэҥҥэ умсугуйбакка, дьол диэни амсайбакка, кырдьан өлөн хаалабын дуо диэн. Наар түүн аайы ытыыр этим, биирдэ сытааран дэлби таҥараҕа харах уулаах үҥпүтүм аҕай, онтон үс хонон баран эн суруйбутуҥ дии. Ону наар саныыбын, таҥара баар эбит диэн... Мин курдук кыыһы ама ким көрбүт үһү диэн итэҕэйбэт этим... Мин эйиигин таптыыбын, олус күүскэ...- диэн сипсийээт, мин дараҕар санныбар төбөтүн ууран, соҕотох илиитинэн кууһан ылар. Мин бэйэм да билбэппин, Ксюга бааһа бааһа суруйбуппун, ыйаах диэн оннук эбит, туох эрэ көстүбэт күүс иккиэммитин ситимнээбитин итэҕэйэбин, тоҕо диэтэх мин биир кыыс аайы уһук хоту кэлэбин диэн түүлбэр да баттатан көрбөт этим. Урут кыыс уһун долгуннурар суһуохтара, кылбайар бууттара, мөтөҕөр түөстэрэ мин сүрэхпин долгутар буоллахтарына, билигин Ксюшам эрэ сүрэхпин-быарбын сылаанньытар, дууһабын уоскутар. Бу соторутаахха аҕай, уол оҕото соноҕос эбит буоллахпына, билигин айааһаммыт ат курдукпун, Ксюм көстүбэт күүстэринэн тэһииммин тутар курдук. "Дьол хараҕа суох" дииллэринии, Ксюшам биһиги иккиэн, дьоллоохтук да олорбуппут эбит, ол ааспыт сылларга...

     

    0
  • Лариса
    17 марта 2018  

    Салгыылаах дуоsmiling face with smiling eyes

    0
  • Ыччат
    18 марта 2018  

    Ksyshka Sivseva (21 чааһа)

    Кулун тутар ыйы уҥуордаан, Муус устар тохсус күнэ үүнэн кэллэ. Бу күн, Ксюбун кытта аан бастаан суруйсубут датам буолар. Бу күҥҥэ мин сүүрэн-көтөн эрдэттэн бэлэмнэнии бөҕө бэлэмнэнэн, илиитин уонна сүрэҕин ыйытар, кэрэ бэлиэ күммүн мүччү тутумаары сакаас бөҕө сакаастаан, Чыычаахпын дьоллуурга дьулуспутум. Сарсыарда ойон туран, чыычаахпын баттаҕыттан имэрийээт, сүүһүттэн сыллаат аһаабакка эрэ бэлэмнээбит малларбын ыла ойдум. Уруогум үксэ үһүс, төрдүс уроктарынан буолар буоланнар успейдаатым, үргүччү үлэлии бардым. Ол күн тыын быһаҕаһынан сүүрүү диэн онно этэ, эрдэ устубут видеоларбын табаарыһым үчүгэй баҕайытык таҥан биэрбитэ, ону кэпсэтии быһыытынан подругатыгар Дашаҕа биэрбитим. Видеобар Ксюлуун үөрэммит оҕолорун булан уһуллан, Саҥаһа, балтын, убайын, подругалара Дашалаах Ирена, уонна да өссө элбэх дьону муһан, чыычаахпын бүгүҥҥү кэрэ бэлиэ күнүнэн итиитик-истинник эҕэрдэлээбиппит, 15 мүнүүтэлээх видео хомуллан, киэргэтиллэн, Даша кыыспын ыҥыран көрдөрүөхтээх. Этиллибитин курдук киэһээ кэлээт, таҥаспын да улартыбакка дьоннорбор бардым. Сотору соҕус Даша звоннаан Ксюну дьиэтигэр аҕалбытын биллэрдэ, мин ол бириэмэҕэ түргэн үлүгэрдик дьоннорбун кытта ас таһан, бэлэхтэрбин хомуйан, отой сыбаайба буоларын курдук хамнаныы бөҕө. Даша видео көрдөрөр кэмигэр биһиги успейдаан остуолу киэргэтэн, ыалдьыттары көрсөн, туох да улахан мероприятия буолбута. Сотору соҕус буолаат, Даша ийэтэ звоннаан "бардылар" диэтэ, мин баттахпын тараанан, көстүүммүн кэтэн, баанчыкпын көннөстөн, кыһыл көмүс биһилэхпин туппутунан кыыспын аан айаҕар туран кэтэстим. Зал иһэ киһи бөҕө мустубут, аймахтара, дьүөгэлэрэ, оннооҕор учууталлара кытта кэлитэлээбиттэрэ. Күүлэ аана тыаһаата, таһырдьа Дашалаах Ксю күлсэр саҥалара иһиллэр, мин долгуйан куоласпын оҥостон, аан аһыллыбытын кэннэ Ксюбар утары оргууй хааман кэлэн, сөһүргэстээн олорон, киинэҕэ курдук илиититтэн ылан үөрэппит тылларбын буккулла сыыһа сыыһа эттим быһыылаах "Эн биһиги иккиэн, бу сиргэ олохпутун холбоон, алаһа дьиэни сөргүтэн, уруу-удьуору уһатан, аймахтарбытын хаҥатан, дьоллоох олоҕу түстүүр үйэбит тиийэн кэллэ, тапталлаах доҕорум Ксения Семеновна миэхэ кэргэн буолуоҥ дуо?" диэн кыыспар кыһыл көмүс биһилэхпин уунабын. Ксюшам дэлби сирэйэ кытаран кэллэ, кыбыһынна быһыылаах саҥаран иһэн тохтоон килэйэ охсубут харахтарын, ыйар тарбаҕынан туора хаһыйаат:- Аа..- диэн саҥараары гыннаҕын аайы ытыах санаата кэлэн, туттунан тулуйа сатыыр. Үөһээ өрө тыынан, уоскуйа түһэн баран :- Буолабын...- диэт ытаан сыҥсарыйда. Дьоннор бары саҥата суох тыыннарын хаайан туран баран, Ксюм саҥарбытыгар ытыстарын тыаһа өрө хабылла түстэ. Үөрүү-көтүү бөҕө буолла, мин ытыы турар Сэгэрбин көтөҕөн ылан сыллаа да сыллаа буолабын, сиргэ түһэрэн били биһилэхпин, синньигэскээн тарбаҕар сэрэнэн кэтэртим. Ол киэһээ Ксюшам дьоллонон, икки ыйаастыгар харахтара сүтэн хаалыар дылы үөрэн, харах уулаах, бэлиэ күммүтүн бэлиэтээбиппит. 
    Ксюшам ол күнтэн ыла күн курдук күлүмүрдээн, бэйэтигэр бигэ эрэллээхтик туттар-хаптар буолбута. Этиһии диэн төрдүттэн суоҕа, чыычаахпын хараҕым харатын курдук харыстыыр этим, онто да суох оҕолуу ыраас уйаҥ дууһалаах Ксюм барахсаны. Ити курдук иккиэн илиилэрбититтэн ылсан, ыам ыйы Парадтаан, бырааһынньыктаан үчүгэйдик да атаарбыппыт. Сайын Ньукуолун күн, табаарыстарбытын кытта тымныы баҕайы күҥҥэ, айылҕаҕа тахсан шашлыктаан киирбиппит. Күн-дьыл сүүрүктүү устан ааһара, хатыламмат хартыына буолан өйбөр хааланан иһэрэ кэрэтиэн.

    0
  • Ыччат
    19 марта 2018  

    Ksyshka Sivseva (22 чааһа)

    Бэс ыйын саҕаланыыта, мин 11 кылаастарым оҕолорун ЕГЭ-ҕэ бэлэмнээн, туттарар күннэрэ кэллэ, оҕолорбунааҕар ордук мин долгуйабын быһыылаах 5 оҕобун барыларыгар мээрилээн мэнэрийэн эрэ барбатым, оннук-маннык шпаргалка игин тутта сылдьаайаҕыт диэн, санаатаҕым аайы лабысхалыыбын. Хата оҕолорум бары үчүгэйдик туттаран үөрүү бөҕө буолан кэлбиттэрэ, аны түмүктэрин кэтэһии бөҕөтө. 
    Сайын отпускабын ылан, Ксюбун илдьэ куоракка көтүөхтээхпит, этэҥҥэ буоллахпытына дойдубар таһааран, дьоннорбун кытта билиһиннэриэхтээхпин. Ксюша барымаары бөҕө буолбута, барахсаным сыыһа...
    Бэс ыйын ортотугар оҕолорум ЕГЭ-рэ билиннэ, бары үрдүк балы ылан үөрүү бөҕө буолбуппут, мин үлэм түмүгэ көстүбүтүттэн сүрдээҕин үөрэн, хайҕанан игиннээн. 
    От ыйын саҥатыгар мин кыыспын ааттаһан, куораттыыр буоллубут. Чыычааҕым ырааппатах киһи диэх курдук, түүнү быһа долгуйан кыайан утуйбатаҕа. Сарсыныгар айаннаабыппыт, сөмөлүөккэ киирэн көтөрбүтүгэр, кыыһым сидиэнньэҕэ олорон үрүҥ тиистэрин килэтэн харахтарын быһа симэн, мин илиибин хам тутан күлүү бөҕө буолбута. Мин :- Хайа хайдах буоллуун?- диэн күлэ күлэ кыыспыттан ыйытабын, сэгэрим:- Ии наһаа үчүгэй дии, иһим ынырыктык кычыкаланна дии.- диэн астынан мин санныбар төбөтүн уурар. Көтөн иһэн, кыыһым самолет түннүгүттэн арахпат, тугу эрэ көрдөрөн бөҕө буолар. Ити курдук айаннаан, Дьоллоох Дьокуускай куораппытыгар, Туймаада киэҥ туонатыгар этэҥҥэ кэлбиппит. Кыыһым элбэх сирдээх сиргэ сылдьыбатаҕа биллэр, мин илиибин сиэтэ сылдьар, дьоннор көрөллөрүттэн кыбыстар этэ. Мин дьоммор тиийэн, иккиэн хонон баран сарсыныгар куораты көрө, күүлэйдии барбыппыт, ол таарыйа кыыспар таҥас көрдүбүт. Ксюшам хайдах эрэ дьүһүнэ уларыйан хаалбыт курдук, дьикти баҕайы этэ, бастаан куоракка кэлбитигэр инник буолуо дии санаабытым. Кэннин хайыһан көрүн да көрүн, туох эрэ санаатыгар ылларан, сорох тылларбын да истээччитэ суох ардыгар. 
    Биирдэ кэлээри сылдьан түүн утуйа сытан баттатан бөҕө буолан уһуктан, аҕылаан миигин уһугуннарбыта. Түүн хоту сир халлаана хараҥарбат, түннүк сырдыгар кыыһым куттанан миигин сылаастык кууһан, сыта түһэн баран:- Дьикти баҕайы түүлү түһээтим дии, өлбүт эбээбин, Ийэлээх Аҕабын, уонна убайбын...
    - Уоскуй Ксюша, дэлби тириппиккин дии.- диэн мин бэйэм куттаныах санаам кэллэ. Ксю тыынарын быыһыгар:- #.
    - Тугуй Чычаах?
    - Ынараа дойдуга олох баара буолуо дуо?
    - Билбит суох... Ол дойдуттан эргиллибит да суох ини.
    - Мин өллөхпүнэ наһаа ытаайаҕын дии...- диэн кыыһым түннүгү одуулаһа сытааран эмискэччи инник диэтэ. Мин сүрэҕим икки аҥыы хайа бара сыыста, куттанан:- Ону-маны саҥарыма эрэ. Эн өлүөн билигин да ыраах, кырдьан баран иккиэн бииргэ ынараа дойдуга барыахпыт.- диэн кыыспын буойдум. Ксюшам мин куттаммыппын көрөн, аһынна быһыылаах:- Ээ барыта үчүгэй буолуо- диэн сүүспүттэн ууран ылан баран, суорҕанын тардынан, миигин кууһан утуйда, мин уоскуйбут курдук буоллум эрээри, санаам буолбата, куттаммытым ааспакка уһуктан хаалан утуйбакка элбэҕи эргитэ саныы сыппытым. 
    Куораппыт килбэйэр киинигэр, кыыспар былааччыйа ылан, ип-итии күҥҥэ Оржаникидзе болуоссат фонтаныгар оҕолор мэниктииллэрин көрөн, дуоһуйа дьаарбайбыппыт. Киэһээ дьиэлээри оптуобус остановкатыгар 3 нүөмэрдээх оптуобуһу кэтэһэн, суумка бөҕө буолан турдубут. арай кэннибитигэр биэс эдэр ыччаттар лаппа холуочук олороллор, кулгааҕым кырыытынан иһиттэхпинэ Ксюбун "Аббээ көрүҥҥүтүүй уолаттар, бу кыыс илиитэ суох дии" диэн кэпсэтэллэр. Мин кыыспын сиэтэн туран оргуйан кэллим, кыыспын көрбүтүм, кыбыстан нэһиилэ турар эбит, тулуйбатым... эргиллэ биэрээт биир пиибэ банкатын тутан олорбут уолу охсон түһэрдим, иккис уол соһуйан туран истэҕинэ тэбэн сардырҕаттым. Үс хаалбыт уолаттар мин үрдүбэр саба түстүлэр, маат-куут бөҕө, куота сылдьан оххуолуубун да биир киһилэрэ таҥастаан баран сылдьар, хаарыан мастеркабын тоҕо таттаран кэбистим, ханна эрэ Ксюм ытыы ытыы ааттаһара иһиллэн ааста, кырдьаҕас оҕонньор баара да, орооспотоҕо. Ол сылдьан мин ииримтийэн хааллым, хааннааҕынан көрөн мас ылан баран охсуолуу сатаатым да кыаллыбата, охтороот тэбиэлээтилэр, биир киһилэрэ маспын былдьаан ылаат онон охсуолаата. Хата хантан эрэ ааһан испит уолаттар сүүрэн кэлэн көмөлөөн, сырса сылдьан кырбаталаатылар. Биир рюгзактаах, кепкатын таҥнары кэппит уол кэлэн миигин сиртэн тардан туруорда:- Хайа быраат үчүгэйгин да? - диэн көхсүм буорун тэбиир. Остонуопкаҕа биир киһилэрэ дөйөн, хайдах сыппыта да оннук сытан хаалбыта, мин өрүһүйбүт уолаттарбын махтанан, илии тутуһан, алдьаммыт мастеркабын көннөрүнэн, ытыы турар Ксюбун куустум. Сэгэрим ыксаабыт аҕай этэ, хата этэҥҥэ туох да буолбатаҕым, арай кэтэхпэр шишка ойон тахсыбыт этэ. Автобуспут кэлбитигэр киирэн иккиэн дьиэлээбиппит.

    0
  • Ыччат
    19 марта 2018  

    Ksyshka Sivseva (23 чааһа)

    От ыйын 8 күнэ, мин Ксюлуун ааспыттааҥҥы охсуһуу кэнниттэн онно-манна быкпакка, аймахтарбытыгар сыттыбыт. Дьонум Сэгэрбин олуһун сөбүлээтилэр, эбээм кыыспар ууруна сылдьыбыт Сахалыы охсуулаах кыһыл көмүс ытарҕатын бэлэхтээбитэ, имэрийэ көрөн баран:- Бу малбын эдэр киһиэхэ эйиэхэ бэлэх гынан хаалларабын, мин кулгааҕым эминньэхтэрэ чарааһааннар, сымнааннар, ыйааһыннаах ытарҕабын уйбат буолбуттара ыраатта.- диэн биэрээри гыммытын, кыыһым бастаан утаа ылымаары буолбутун, күүспүтүнэн кэриэтэ туран биэрбиппит. Уйадыйбыт Ксюм сири билбэт буолуор диэри үөрбүтэ аҕай, сирэйэ киирэн эрэр күн курдук кытаран, парик баттаҕын кулгааҕын кэннигэр илдьэн иҥиннэрэн, умса көрөн турбута. Мин баар суохпун соҕотох илиититтэн ылан:- Мин оҕом барыта көмүс буоллаа, ытарҕабыт, биһилэхпит кытарда, аны цепочкабыт эрэ хаалла.- диэн кыыспын хаадьылаан иэдэһиттэн сыллыыбын. Ксюша миигин утары көрөн, ырбайан:- Ээ бүтүүй наһаа киһини көмүс гынаары гынныҥ дии, бүтүүй баһаалыста...- диэн кыыһым туохтан эрэ санаарҕаабыттыы туора хайыста. Мин дьиктиргээн, кыыспыттан:- Хайа хайдах буоллуҥ?- диэн өйдөөбөтөхтүү ыйыттым. Кыыһым тугу эрэ этээри хайыһан баран:- Ээ суох'...- диэн баран илиитин мин илиибиттэн арааран хоско киирдэ. Ксюшам, мин чыычааҕым, мин көмүһүм, аны санаатахпына эрдэ күн сириттэн барарын билбит эбит... Харахха быраҕыллар этэ, саҥата аччаан, наар санаарҕаабыттыы хомойон, биир сири одуулаан олорор буолааччы, Туох буоллуҥ? Диэн ыйыттахпына наар миигин алы гынаары сымыйаннан мичээрдээбитэ буолан баран "Үчүгэйбин ээ, мин наһаа дьоллоохпун" диэн сыллаан-уураан баран, мин харахтарбын утары тонулуппакка одуулаһааччы. 
    Сарсыныгар мин олохпор хаһан да оспот баас, хара мэҥ буолан хаалбыт күнүм үүммүтэ... Ксюлуун мин дойдубар бараары мал атыылаһа барбыппыт куоратынан. Ол күн тоҕо эрэ Ксюм настроения бөҕө буолан бүтэһиктээх күн олорор курдук наһаа дьоллоох этэ, мин тугу эрэ биттэнэр диэммин сэрэйэн, куттанан нэһиилэ хаама сырыттым. Туох эрэ буолаары турарын эрдэттэн билэр курдукпун, ол эрэн Ксюбар көрдөрүмээри испэр хаайа сатыыбын. Биир кэмҥэ Ксюша мичээрдээн:- Хайа сэгэриэм хайдах буоллуҥ? - онтон хардара да иликпинэ, тугу эрэ сэрэйбиттии- Куттаныма... Мин эйиигин таптыыбын.- диэн аҥаар илиитинэн кууһан ылан, түөспэр сыстан тура түстүбүт. Мин дэлби хайдах эрэ буолан хааллым, ыксааммын, долгуйбут куоласпынан:- Ксю чэ дьиэлиэх, хаалбыт сээкэйдэри киминэн эрэ ылларыахпыт.- диэн кыыспын илиититтэн тартым. Барахсаным сөбүлэһэн дьиэлээтибит, кыра суолу туораары светафор уотун кэтэһэн турдубут. Сотору соҕус буолаат, күөх өҥнөөх уот сандаарбытыгар кыыһым сумочкатын тутан суолу туоруурдуу хаамта, мин кэнниттэн атыллаары гыммытым, биир киһи туфлям быатын үктээн кэбистэ, тохтообуппар киһим- Ой извинии.- диэн үктээн турбут атаҕын ылла, ол турдахпытына эмискэччи хантан кэлбитэ биллибэккэ түргэн үлүгэрдик хара өҥнөөх "Двухсотай крузак" туормас бөҕө буолан Ксюм барахсаны түҥнэри көттө. Кыыһым ыһылла ыһылла суол кытыытыгар төкүнүйдэ, массыына кыайан уруулун туппакка, остуолбаны баран кэттэ. Мин көрбүппүн итэҕэйбэккэ сиргэ сыстан хаалан турдум, онтон нэһиилэ өй ылан кыыспар, босхо баран хаалбыт атахтарбынан сүүрдүм, тиийэн өйө суох Ксюшабын, баар суох Көмүспүн, салҕалас буолбут илиилэрбинэн төбөтүн өндөтөн, атахпар ууран тыыммын хаайтара хаайтара ытаан бөҕө буоллум, саҥара сатыыбын да, саҥа кыайан тахсыбата... тулабытыгар дьон бөҕө үмүөрүһэн, бары түлүппүөн тутан, кэпсэтэллэр быһыылаах этэ. Чыычааҕым төбөтө босхо барбыт, айаҕыттан хаан бөҕө тахсан, хараҕын симэн мин бууппар сыппыта. Тугу да гынар кыаҕым суох, массыына диэкки көрбүтүм, кырдьаҕас аҕамсыйа барбыт киһи, хаалтыс пиджак кэтэн ааны арыйан, итирэн мээнэннэн көрөн, сүүһүн тутта тутта тахсан кэллэ, тэмтээкэйдээн ылан, "туох буолла" диэбиттии тулатын көрөн, аргыый бардюрга олорунан кэбистэ. Мин туман быыһынан көрөр курдукпун, кулгааҕым бүөлэнэн, халлааным хараҥаран, дөйбүт киһи курдук сылдьабын. ГАИ кэлэн тугу эрэ ыйыта сатыыр, ол быыһыгар скорай кэлэн Сэгэрбин ылан бардылар. Дьон сыыйа-баайа тарҕаһан, мин хатан хаалбыт хааннаах илиибинэн Чыычааҕым ыһыллыбыт малларын, аҥаар сандалейката хаалбытын хомуһабын, ханна эрэ ыраах көтөн хаалбыт паригын булан аҕалан биэрдилэр. Асфальт суол устун Ксюшкам хаана хаалан хаалла, мин түүл-бит диэммин уһуктаары харахпын симэн баран, аһабын да, уһуктубатаҕым...

    0
  • Сөбүлээбэтим
    21 марта 2018  

    Хайдаэрэ кэпсээн, омуннаах баҕайы

    0
  • Ыччат
    21 марта 2018  

    Ksyshka Sivseva (24 чааһа)

    Киэһээ биэс саҕана быһыылаах этэ, мин таҥараҕа туох баар элэ-была тылбын уоһум иһигэр сипсийэ сипсийэбин дьоммун кытары балыаһаҕа тиийбиппит. Ксюм куоракка биир да дьоно суох этэ. Быраас киһини көрсөн ыйыталастыбыт, маҕан халааттаах киһи:- Вы ищите Сивцева Ксению Семеновну? - туох эрэ кумаахытын көрөн баран - 1991 года рождения?- диэн ачыкытын өрө анньынан, кэрийэ көрүтэлиир. Биһиги аймана түстүбүт, быраас уоскутан баран Ксения олоҕун туһугар охсуһа сылдьалларын эттэ, кэтэһэн күүстээх санаабытын түмэн уоскуйарбытын сүбэлээтэ, кыыс эпэрээссийэҕэ сытар, уҥуох бөҕө тостуулардааҕын, ис уоргана разрывтардааҕын ыйда. Мин Балыаһа иһигэр хаамыталаа да хаамыталаа, уу бөҕө ис да ис буолабын, ытаан да ылабын ол быыһыгар. Киэһээ тоҕус саҕана биир быраас хомойбуттуу туттан аттыбытыгар турунан кэбистэ, мин туох буолбутун биллим...
    Сивцева Ксения Семеновна, Сивцевтар дьиэ кэргэннэригэр иккис оҕоннон 1991 сыллаахха, алтынньы ый 5 чыыһылатыгар күн сирин көрбүтэ. Кыһын 1992 сыллаахха, тохсунньу ый 15 чыыһылатыгар дьиэлэрэ умайан, кыыһы быыһааннар, абаҕатыгар Петр Ильичка иитиллибитэ. Кыыс кыра эрдэҕиттэн барыны барытын билэ сатыырынан, өйүнэн, аһыныгас дууһатынан, аймах билэ дьонун үөрдэн улааппыта... Хомойуох иһин, күн сырдыга киниэхэ кыратык да тыган, дьол кыымын бэлэхтээн, кылгас олоҕу кэрчиктээн бэрсэн, Сэгэрим сыыһа от ыйын 9 күнүгэр хомолтолоохтук бу сиртэн өлөн туораабыта...
    Ксюшабын төрөөбүт буоругар таһааран кистээбиппит, Айылҕабыт чэмэлийэн, көҕөрөн сандааран үчүгэй баҕайы күн турбута, Саҥаспыт былаатын устан баран:- Оо оҕом туох да санаата суох барбыт, халлааммыт ыраас үчүгэй баҕайы күннээх, Үтүө дьоннор халлааны алдьаппакка, ардаҕы түһэрбэккэ суолларын саптан бараллар дииллэр дии.- хараҕын уутун соттуммахтыыр. Хоруобугар утуйа сытар киһи курдук туттан туохтан барытыттан сынньаммыт көрүҥнээҕэ, барахсаным сыыһа быдан дьылларга быраһаай, сырдык мөссүөнүҥ өрүү биһиги сүрэхпитигэр хатанан, хаһан да умнуохпут суоҕа Ксюшкабытын.
    Олох диэн уустук, киһи олоҕо бүгүн баар, сарсын суох. Хомойуох иһин ким инникини тымтыктаан көрбүтэ баарай? Ыйаах диэн барыбытыгар сурулла сылдьар суол буоллаҕа ди, ким да төлкөттөн төлөрүйбэт, ыйаахтан ырааппат, дьылҕаттан дьүккүрүйбэт эбит. Кэлин бэйэбин буруйданан, кэлиэн баҕарбат киһини аҕалан, суорума суоллаатым диэн сэмэлэнэрим. Мин бачыынкам быатын үктээбэтэхтэрэ эбитэ буоллар, иккиэн барыа этибит ол дойдуга. Хайдах да барыны барытын толкуйдку сатаан кэбистим, чыычааҕым өлүөхтээҕин өлбүт диэн түмүккэ кэлбитим. Арай хаалбыт буоллубут... Арай дьиэлээбэккэ малларбытын ыла барбыт буолуубут... оччоҕуна? Киһи хомойуох, историяҕа "Арай" диэн тыл суох, буолбут аата буолбут, историктар этэллэринэн "В истории нет сослогательных наклонений" онон хайыахпыный? 
    Кыыспын ахтан, суохтаан эмп бөҕө иһэ иһэбин утуйар этим, киһи итэйиэн суоҕун курдук барыта... Буруйдаах суоппар ол күн бырааһынньыктаан баран, лаппа холуочук уруулга олорон, дьиэтигэр баран иһэн Ксюшабын суох оҥорбута, бастаан "кыыс бэйэтэ киирэн биэрбитэ" диэн сирэйэ-хараҕа суох мөккүспүтүн, видеорегистратор уһулбутун көрдөрбүттэригэр, биирдэ буруйун билинэн, күөх уокка успейдыам диэн гаһын үктээбитин билиммитэ. Суут уурааҕынан харчыннан моральный ущерб төлүүр уонна сууттанар диэн буолбута. Улахан тойон буолан силиэстийэ уһаан-кэҥээн, бүтэһигэр отой да условнайга көһөрбүттэрэ, ыстараап харчытын төлөөн бүтэрбит этэ. Дьэ кыһыы! Мин Ксюм олоҕо харчыга тэҥнээх курдук буолан тахсыбыта, Туох да сирэйэ-хараҕа суох быһыы-майгы, билиҥҥи суут диэхтээн, харчы барахсан тугу быһаарбатаҕа баарай, аныгы үйэҕэ? Фрэнсис Бэкон эппитэ билигин да оннук "Законы подобны паутине: мелкие насекомые в ней запутываются, большие- никогда".
    Мин чыычааҕым хоһугар соҕотоҕун хонобун, хараҥаҕа кыыспын кытта кэпсэтэн, эппэтэх санааларбын этээччибин. Дьиэбит иччитэхсийбит курдук буолан хаалбыт, санаабытыгар Ксюбут үөрэн киирэн кэлиэ диэммит, дууһабыт түгэҕэр кэтэһэ саныырбыт да Ксюбун уһун унньуктаах уутугар утуйбута, кини уонна хаһан да бу дьиэтигэр киирбэт... Ахтан хайа охсор аҥарым эрэ хаалан, ыар санааҕа баттатан , кыайан үлэлээбэккэ төптөрү дойдубар төннөн кэлбитим. Ксюшам уруһуйдаабыт уруһуйдарын истиэнэбэр рамкалаан ыйаабытым, хаартыскаларын мунньан таһаартаран, альбом оҥорон уурбутум. Бу ааспыт сайын Ксюм биир сылыгар дэлби аргылаан, ытаан-соҥоон дьоммун утуппатаҕым. Билигин син үчүгэйбин, Ksyshka Sivseva страницатыгар киирэн сотору сотру көрөөччүм, элбэҕи санааччым. Статуһугар сэгэрим "Спасибо тебе милый, за то что подарил мне счастье и любовь) теперь я не боюсь ничего! И даже смерть не разлучить нас с тобой... твоя Ксюшка" диэн 1:35 ааһыыта, сэгэрим тиһэх суругун суруйан таһаарбыт этэ. Мин билигин кэлэн эппит тылларын барытын өйдөөтүм... Ксюшабын аны көрсүөм дуо? Чыычааҕым аватыгар иккиэн дьоллонон, куустуһан турар хаартыскабыт, туруорбут этэ, мин Ксюшам, мин сирдээҕим тапталым Ксюшкам...

     

    0
  • Ыччат
    21 марта 2018  

    Ksyshka Sivseva (Түмүккэ)

    Сарсыарда нэһиилэ туран, сирэй-харах суунан ийэм бэлэмнээбит остуолугар олордум. Ийэм саҥата суох килиэп кырбыыр, аҕам хотонугар тахсыбыт, балтым үөрэҕэр ойбут. Ийэм барахсан мин санаарҕаан олорорбун көрөн:- Аргыгын тохтотуох буолбутун сыл буолла дии... Бөлүүн эмиэ туох буолан киһини куттаатыҥ?- диэн чэй куттан мин саҥарарбын кэтэһэн олордо. Мин төбөбүн туттан, остуолга умса көрөн баран, бөлүүн Илэ эбитэ дуу, түүлбэр эбитэ дуу, чыычааҕым кэлэн сүүспүттэн сыллаабытын кэпсээтим. Ийэм чэйин иһээри көтөҕөн иһэн төптөрү сэрэнэн уурда, саҥата суох өрө тыынан баран, туран баттахпыттан имэрийэн, сыллаан ылан баран:- Оҕом сыыһа, барыах барбыт, утуйа сытар киһи уутун аймаама... билигин кэлэн аргыннан бэлэскин сайҕанан, хараҕын уутунан кыыскын төнүннэрбэккин ээ, киһи чэпчэкитик атаарыахтаах, ытааҥҥын киниэхэ куһаҕаны оҥороҕун... Бэйэҕин буруйданыма, олох аата олох, салҕыы олоруохха наада. Сарсын аргыгын эмтэтэ барыахпыт, бүгүн үчүгэйдик суунаар.- диэн ийэм барахсан залыгар киирбитэ. Мин туран, түннүккэ кэлэн, ыраах иэнэ биллибэт халлааны одуулаһан, кэлэр олохпун санаан, өөр да туран хаалбытым, түннүгүм анныгар...

    1
    • Кыыс
      15 февраля  

      Ыччат, ааҕан баран олус диэн уйадыйдым,долгуйдумdisappointed but relieved facetired facesleepy faceбаһаалыста дьоллоох эрэ буолperson with folded handsperson with folded handsperson with folded hands

      0
  • Ийэ
    10 апреля 2018  

    Ийэн субэтин ылын...киьи буол. Ксюшан оло5ун сал5аа.. Этэннэ буол..

    0
  • Дьулус
    18 сентября 2018  

    Сообщение (до 10000 символов)Наьаа учугэй кэпсээн дии санаагын туьэримэ арыгыны иьимэ олоххун оноьун оголонон кыыс огогор Ксюша аатын биэр, дьоллоохтук олор.

    0
  • Zima
    26 сентября 2018  

    Санаагын туьэримэ бары учугэйи✊🏻

    0
  • Дед
    16 февраля  

    Билигин олоххун толкуйдаан, учугэй киьи буолла ини диэн эрэнэ эрэ хаалабыт...

    0
  • N
    6 марта  

    Наьаа учугэйдик суруйбуккун,аьынным агай иккиэннитинloudly crying face олох диэн ыараханын, эйигин ессе да тапталгын керсуен, дьоллоох буолуон диэн эрэнэбин... куьаганна умса туспэккэ сырдыкка эрэ талаьаргар багарабын...

    0
  • N
    6 марта  

    Бэьис чааскар "атак барытын уларытан суруйдум" диэбиккин, ону ейдеебетум🤔 аатын уларыппыккын, ессе тугу..

    0
Ответ на тему: Мин таптыыр чыычааҕым Ksyshka Sivseva
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания