6 лет на форуме Автор 5 уровня Топ пользователь Все
Награды
6 лет на форуме
6 лет на форуме
Автор 5 уровня
Автор 5 уровня
Топ пользователь
Топ пользователь
5000 просмотров
5000 просмотров
Остуоруйа
  3159
Арай биирдэ, Таал Таал Эмээхсин көлүкэтин мууһугар хаҥкылыы сылдьан, халтарыйан охтон түспүт. Чугаһынан кинини кэлэн туруоруох, көмөлөһүөх айылаах ким да суох эбит. Эмээхсин сытан эрэ муустан ыйыппыт :
- Муус - Муус, бэркин дуо ?
- Муус - Муус бэрдим ханна барыай, - биирдэһэ хоруйдаабыт.
- Муус - Муус бэрт буолларгын, тоҕо Күн - Күн эйигин уууллараар?
- Оччоҕуна Күн - Күн бэрт буоллаҕа .
- Күн - Күн бэркин дуо ?
- Күн - Күн бэрдим ханна барыай, - Күн хоруйдаабыт.
- Күн - Күн бэрт буолларгын , Былыт - Былыт тоҕо эйигин саба бүрүйээр ?
- Ол аата Былыт - Былыт бэрт буоллаҕа .
- Былыт - Былыт бэркин дуо ?
- Былыт - Былыт бэрдим ханна барыай.
- Бэрт буолларгын, тоҕо Тыал - Тыал эйигин үүрэрий ?
- Тыал - Тыал бэрт буо.
- Тыал - Тыал бэркин дуо ?
- Бэрдим ханна барыай.
- Оччотугар Суорба Таас Хайа тоҕо эйигин тохтотоор ?
- Хайа - Хайа бэрт буо.
- Хайа - Хайа бэркин дуо ?
- Хайа - Хайа бэрдим ханна барыай ?
- Бэрт буолларгын Бороҥ Күүдээх тоҕо суптурута сүүрэрий ?
- Ээ, ол Бороҥ Күүдээх баҕайы ньоҕой, чой орой кэрбиирэ эрэ
бэрт буо.
Бу кэмҥэ ойбон хайыҥар мунньуллубут саах быыһыттан Бороҥ Күүдээх оронон тахсыбыт. Саахха ньаҕайдаммыт сырайын салана олорбут.
- Бороҥ Күүдээх, бэркин дуо ?
- һэ, бэрт буолумунабын, - диэн чалыгыраабыт. Онон манан тостуруталаабыт араҕас тиистэрин ордьотон, ол бу диэки олоотообут, килиэр - малаар көрүөлээбит.
- Бороҥ Күүдээх, бэрт буолларгын, тоҕо Сиэгэн Бөҕө эйигин кыйдыырый, тоҕо киниттэн куттанаҕыный ?
- Һэ, киниттэн куттана сылдьыам дуо, - өттүк баттанан, тоҥ мууска чэлкэхтээҕинэн силлээн пал гыннарбыт. - Кэлэн көрдүн эрэ. Кинини баҕас Адаар Муоһун тоһутуом. Һи - һи - һииих, - күлэн кыыкынаабыт. Ордон хаалбыт ойдубут тииһэ орсойон тахсыбыт. Өлүү болдьохтоох күөл кытыытынан Сиэгэн Бөҕө сүүрэн сэгэйэн испит. Маны көрөөт, Бороҥ Күүдээх уҥуоҕа халыр босхо барбыт, харахтара өрө таҥнары ссүүрэлээбит уонна кэннигэр саһарбыт суолу хаалларан, уунан чаккырата чаккырата иннин хоту буута быстарынан ыстаммыт
Ответов 13
  • Һы
    10 марта 2017
     

    Онон ол эмээхсиммитин ким туруорар?...
    Дьэ ханнык эрэ остуоруйа быһыылаах.

    0
  • Дьэллик
    10 марта 2017
     

    Кытыы, эҕэрдэ ! Куорум кур бэйэтэ кубулуйбатах , уруккутунан турар эбит дуу. Арай уруккуттан киирээччилэр лаппа аҕыйаабыт курдуктар, эбэтэр баанньыкка сылдьаллара дуу.

    0
  • Һы
    11 марта 2017
     

    Дьэ ол аата эрэттэр буоллаххыт.

    0
  • лотюлот
    10 декабря 2019
     

    уу тыла ханна баарый

    0
  • Мила1959
    Мила1959
    Людмила
    16 сентября
     

    Арай биирдэ дул5а тебетугэр чекчене олорбут Суорун Омоллоон ханнык остуоруйатыттан

    0
  • хайахсыт
    хайахсыт
    Иван
    Ветеран
    17 сентября
     

    Киһиргээмэ диэн үөрэтэр остуоруйа. Сахалыы таҥара үөрэҕэ "киһиргээмэ" диэн үөрэҕи тутуһар.

    0
  • хайахсыт
    хайахсыт
    Иван
    Ветеран
    18 сентября
     

    Остуоруйа диэн төрүт тылбыт.
    Ос, туор уонна уйа диэн тыллартан хомуллан үөскээбит.
    Ос диэн уларыйбат гына бэлиэтээ диэн өйдөбүллээх. Былыргыта баас оспутун биллэрэр.
    Туор диэн бэлиэтээ диэн буолар.
    Уйа диэн олорор сир аата.
    Бу үтүө өйдөбүллээх тылбытын тыл үөрэхтээхтэрэ уларытан, "устуоруйа" диэн тылы булан сахалар олохторун остуоруйатын буккуйаллар, сахалары суох оҥоро сатыыллар.

    0
  • хайахсыт
    хайахсыт
    Иван
    Ветеран
    19 сентября
     

    Остуоруйа диэн тылбытын тыл үөрэхтээхтэриттэн харыстыыр, көмүскүүр кэммит кэллэ.

    0
  • хайахсыт
    хайахсыт
    Иван
    Ветеран
    20 сентября
     

    Остуоруйа икки өрүттээх өйдөбүллээх:
    1. Олох остуоруйата. Омук олоҕун кэпсээнэ.
    2. Аптаах остуоруйа. Ыра санаа кэпсээҥҥэ киириитэ.
    Омук олоҕо биир остуоруйалаах буолар.

    0
  • хайахсыт
    хайахсыт
    Иван
    Ветеран
    25 сентября
     

    Былыргы олоҕун умнубут омук уларыйан хаалыан сөп. Тыл үөрэхтээхтэрэ "устуоруйа" диэн саҥа тылы буолан сахалары симэлитэр, үрэйэр санаалаахтар.

    0
  • хайахсыт
    хайахсыт
    Иван
    Ветеран
    26 сентября
     

    Сахалар сайдыахтарын баҕараллар. Тыл үөрэхтээхтэрин албыннарыттан, олоҥхо кэмигэр төттөрү тардалларыттан босхолонор кэм буолла.

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь