2 года на форуме Автор 3 уровня Топ пользователь Все
Награды
2 года на форуме
2 года на форуме
Автор 3 уровня
Автор 3 уровня
Топ пользователь
Топ пользователь
5000 просмотров
5000 просмотров
Армян хараҕын уута
  11429
Армян хараҕын уута
. Бу кэпсээмэр мин эһиэхэ, Новосибирскай куоракка үөрэнэ сылдьан буолбут түгэмитэн кэпсиэм... Дьэ ол курдук биһиги икки саха уолаттара, Новосибирскай куоракка үөрэнэ тиийбиппит. Үөрөхпит эт үүт комбинатын, линиятынан ананар холодинщиктар курстара этэ. Сэбиэскэй былаас кэмигэр үүт собуоттарыгар, улахан амиачнай холодильниктары үлэлэтэр этилэр онно ананан алта ыйдаах курска тиийдибит. Уопсайынан хааччыйар этилэр, ол саҕана. Союз иһиттэн барытыттан кэлэн үөрэнэр быһылаах этилэр. Маҥнай биир ый курдуку уопсайга олорон баран, чааһынай дьиэ куортамнаан онно көһөн тахсыбыппыт. Үөрэхпит сасыарда 8 чаастан, күнүс 2 или 3 чааска дылы буолар этэ. Суббота, Баскыһаньа өрүүр этибит. Ол өрүбүллэрбитигэр Новосибирск куораты кэрийэн, күүлэйдээн тахсарбыт. Биир күн оннук гынан куорат зоопаркатын көрөн баран ол аттыгар баар рынокка ол бу ас ыла киирдибит. Ол сылдьааран бэйэ бэйэбитин кытта сэмэй кэпсэтэ сылдьабын, онтон помидор ылаарыбыт биир саастаах Армян атыыһыта тутарыттан сыанатын ыйыттыбыт, уонна бэйэбит икки ыккардыгар -Ээ бу киһи киэнэ ыарахан эбит - диибин уолбар. Арай Армяным. -Тохтоо...эһиги хантан сылдьаҕыт?.-диэн ыйытта. -Онно туох баарый, хантан да буолун, эйигин тыытар дуо?.-диибин мин. Атыытын эрэ атыылары, кэпсэтэ сатыыр дии санаан. -Эһиги Сахаларгыт дуо?.-диир киһим. -Сахаларбыт...-диэн баран тэйэ хааман истэхпитинэ, киһибит атыылыыр прилавагын эргийэ сүүрэн тахсан инибитигэр хорос кына түһэн баран эттэ. -Уолаттар тохтооҥ... Мин эһиэхэ биири кэпсиэм дуу...Баһаалыста миигин истиҥ...кэлиҥ бу коморкаҕа киирэн мин этэрбин истиҥ...баһаалыста..-ди ди кыракый хос курдуктарыгар ыҥыран киллэрдэ. Биһиги, дьэ тугу эрэ албыннаары кынна дии саныы саныы кирдибит. Иһирдьэ киирэн киһибит стакаанарга чэй кутаталыы охсон биэрдэ уонна арбуз быһан баран инибитигэр ууран бирэн баран - Аһааҥ уолаттар, мин күндүлүүбүн -диир. Онно мин уолбар сибигинэйэбин -До мээнэ чэйи иһимэ эрэ, баҕар утуйар эмп куоппута буолуо, тутуна түс -диэн. Онтон Армян кэпсээн киирэн барда.... -Ити 42 сыллаахха этэ, мин оччолорго сэттэ саастаах этим. Ийэм музыка учуутала этэ, биһиги Армения биир куоратыттан поездка олорон сибиир диэкки айанаабыппыт. Онтон Иркутскай куораттан ол бу түбэһиэх айаннаан Өлүөнэ өрүскэ пароходунан устан Саха сиригэр тиийбипит. Ол кэмҥэ улахан сэрии буола турар кэмэ буолан биһиэхэ ким да наадыйбат этэ, эн хайдах да буол. Ол курдук айаннан Саха сирин биир кыракый дэриэбинэтигэр тиийбиппит. Мин эппитим курдук мин Ийэм музыка учуутала этэ, скрипкаҕа үөрэтэр идэлээҕэ. Ол дэриэбинэҕэ оҕолору скрипкаҕа үөрэтэр курдук бэрэсэдээтэли кытта кэпсэтэн, олохсуйар буолбуппут. Биһигини бэрэсэдээтэл сирдээн илдьэн биир дьиэҕэ аҕалбыта, онно эмээхсинээх оҕонньор олорор этилэр. Бэрэсэдээтэл дьиэҕэ киирэн - Бу музыка учуутала кыыс, оҕотун кытта эһиэхэ олоро кэллилэр. Балары олордоҕут.-диэн бирикээстиир кэриэтэ этэн баран мин ийэбэр эппитэ -Мантан иньэ эһиги бу дьоннору кытта олороҕут, аскытын, маскытын бииргэ булунаҕын, уонна мантан атын дьиэ булар кыаҕым суох-диэн баран тахсан барбыта. Биһиги туран хаалахпыт дии. Онтон оҕоньньор кэлэн -Чэ ааһыҥ оҕолор, хайдах эмэ кынан дукаахтаһан олорор инибит...мин аатым Микиитэ диэммин, ити эмээхсиним Сүөкүлэ онтон эһиги кимнээх диэҥитий?-диэн ыйытар. -Мин Авета, уолчааным Вардан, биһиги Арменияттан свлдьабыт -диир ийэм.
Мин Ийэм музыкаҕа үөрэнэр оҕоло суохтарын иһин, холкуоска үлэһитинэн киирбитэ. Хара сарсардаттан киэһээҥҥэ дылы үлэлиир буоланнар, ийэбин олох көрбөт да этим. Мин утуйа сыттахпына үлэтигэр барар этэ, киэһээтин утуйбутум кэннэ кэлэр этэ. Ол иһин мин оҕонньордоох эмээхсини кытта хаалан, ону маны көмөлөһөр этим. Оннук гынан Микиитэ оҕоньортон балыктыырга үөрэмитим. Илим үтэргэ, быаннан балыгтыырга, быһытыырга. Уонна куобахха тэптиргэ туруорарга. Миикитэни батыһан күнүм хайдах бүппүтүн билбэккэ хаалаачыбын, киэһэтин дьэбитигэр кэлэн балык или куобах буһуор диэри, сылгы кутуругуттан илим хатарга көмөлөһөр этим. Онтон собо миинин иһэн баран, олох сылайбытым бэт буолан охтон утуйан хааларым. Ээ..кырдьык даҕаны собону сииргэ үөрэмиппин кэпсээбэтэхпин дии..собону биир да уҥуоҕун араарбакка сииргэ үөрэмитим ээ мин. Микиитэ миигинээҕэр ыраастык сиигин диэн хайгыыр этэ..Оннооҕор ынах иһин буһарынан сиир этибит...Ол баар этэ үчүгэй тотоойу ас. Атын улуустарга дьоннор хоргуйан өлөллөрүн туһунан кэпсиилэрин истэр этим. Онтон биһиги хаһан да аччыктаабатахпыт диэххэ сөп этэ. Тоҕо диэтэххэ Миикиитэлиин биһиги куруук балвктаан уонна тэптиргэлээн кубах бөҕөтүн аҕала турарбыт. Сүөкүлэ эмээхсин миэхэ куобах тириитинэн имитэн ыстаан уонна соҥ тигэн биэрбитэ. Кыһынын олох тоҥмокко туорааччыбын. Уонна тайах тириитинэн тобукпун сабар уһун сарыы этэрбэс тикпитэ, ону тигэригэр тииһинэн ыстыы олорорун өйдүүбүн. Сүөкүлэни мин Эбээ диэн аатыыр этим онтон Микиитэни Эһээ диирим. Олорбуппут иккис сылыгар быһылаах этэ, Микиитэлиин биир күн балыктаан кэлбиппитигэр Эбээ Сүөкүлэ куһаҕан сонуннаах көрсүбүтэ,кинилэр биир баар суох уоллара өлбүтүн туһунан сурук кэлбитин эппитэ. Мин көрдөхпүнэ эбээм харахтара ытыыр курдук этилэр да саҥа таһааран ытаабытын көрбөтөҕүм. Микиитэ оҕонньор санаата түһэн хас да хонукка саҥата суох сылдьаахтаабыта. Мин кини кэнниттэн саҥата суох батыһа эрэ сылдьыбытым. Ол кэннэ аҕыйах хонон баран...Эбээм Сүөкүлэ утуйа сытан өлөн халаахтаабыт этэ... мин ийэм онно биир күн үлэтиттэн көҥүлэтэн Эбээбитин Сүөкүлэни, салааскаҕа соһон көмө барбыппыт. Микиитэ салаасканы иниттэн соһоро онтон ийэм кэннитэн аньара...мин эбээм хоруобун ойоҕоһунан хааман иһэн макыраччы ытыы испитим...Чугас киһиҥ өлөрүн онно маҥна билбитим..Эбээм муҥнаах буһарар астара, кини үөлбүт соболоро ынырык да миньигэс этилэр..Олорор сирбититтэн чугас соҕус тиийэн, хаары хаһыйан буорга ииҥ хаспыттара. Ол хаһа сырыттахтарына мин эбээбин баҕар туран кэлиэ диэн, илиитин сирэйин имэрийэ имэрийэ -Эбээ..турууй хараххын аһыый -дии дии көрдөс да көрдөс буолбутум. Онтон Миитэрэй кэлэн миэхэ эппитэ -Тойуом.. аны эбээбит хаһан да турбат утуйуутугар утуйда..уолун көрдүү бардаҕа -диэн баран төбөбүттэн сыллаан ылбыта. Мин онно көрбүтүм кырдьаҕас киһи саҥа таһаарбакка ытыырын..харахтарыттан уута сүүрэ турар этэ, онно эһээбин аһынан ыксаамын -Эһээ..ытаама...ытаама..мин баарбын дии..-дии дии Микиитэни кууспутум. Отон биирдэ саас, дьон бары үөрүү көтүү бөҕө буола сылдьалларыттан билбиппт, кайыы буолбутун. Биһиги дойдубутугар барарга бэлэмнэнэн киирэн барбыппыт. Микиитэ балыктаан уонна куобахтаан дьоҥҥо атыылаан биһиэхэ барар хаччы мунньубута. Ол сыл сайын биһи ийэбинээн борохуокка киирбиппит, Микиитэ биһигини атаара эмиэ киирсибитэ, мин эһээбин биһигини кытта барыс дии сатаабытым. Биһиги дойдубут ичигэс уонна элбэх элбэх фрукта бөҕө баар диэн, Микиитэ онно миэхэ эппитэ. -Тоойуом, мин ол ханна эһигитин кытта барсыахпыный..манна эмээхсиним көмүллэ сытарын бэйэҥ билэҕин дии..баҕардар уолум алҕас тыынаах буолаҕына кэлиэ дии, оччоҕо ким кинини көрсөр..суох мин барсыбаппын, бэйэҕит этэҥҥэ айаннааҥ -диэн баран сүүспүтэн сылаан ылбыта... Итини кэпсии олорон сааһыра баран эрэр Армян киһитин харахтарын уута сүүрэ олорор этэ, киһибит биир сири одуулаан көрөн олоро түстэ, онтон улахан баҕайы илиилэринэн харахтарын уутун соттон баран эттэ. -Мин хаһан да ити кэмнэри умнуом суоҕа..Эһээлээх Эбэбинн, санаатахпына хараҕым уута сүүрбүтүнэн барар, мин онтон олох сааппапын. Өлүөм иннигэр Эһээлээх Эбэм уҥуохтарыгар хайаан да бара сылдьар санаалаахпын. Мин санаабар Микиитэ оҕоньору эмээхсинин атыгар көмпүт буолуохтаахтар. Ол олорбут сирбин булларбын Эбээм уҥуоҕун баҕас булабын. -диэн түмүктээтэ. Онтон биһиги аһаабакка олорорбутун көрөн баран аймана түстэ. -Хайа тоҕо аһаабаккыт, аһааҥ..аһааҥ оҕолор -диэн баран -Билигин кэлиэм- тахсан барда. Биһиги манныгы эрэ истиэхпит дии санаабакка олорбут дьон., хайыахпытый аһаан киирэн бардахпыт дии. Сотору соҕус киһибит толору фрукта симилибит суумкалаах киирдэ уонна- Бу эһиэхэ -диэн туттаран кбистэ. -Биһиэхэ бачча элбэххэ хаччыбыт суох ээ...маны төлөһөргө -диибин мин. -Суох..суох..босхо бу диэн кыра буоллаҕа дии, мин сахаларга мантааҕар элбэх иэскэ сылдьар буоллаҕым..-диир киһибит. -Бу рынокка сырыттахытына миэхэ эбэһээт таарыйар буолуҥ...сатаатар саха оҕолоругар үтүөнэн төлөһүөм -диир киһибит. Дьэ итинник буолан турардаах..төһөтүн да иһин үтүө умнулубат эбит дии санаабыппыт. Ханык да омук буолбутун иһин, киһи киһитэ өтөн эрдэҕэ....
Ответов 10 Написать ответ
Ответ на тему: Армян хараҕын уута
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания