Уважаемые пользователи, форум с 11 мая 2020 года объединился с другими республиканскими форумами под новым названием "Республика".
По этой ссылке добавлять новые сообщения невозможно. Все прежние темы с обсуждениями останутся доступными для чтения.
Добро пожаловать на объединенный форум "Республика"!
НЬУРБАҔА ХААРБАХ ДЬИЭТТЭН КӨҺӨРҮҮ БЫРАГЫРААМАТА САЛҔАНАН БАРАР
Ула5а  -    783
НЬУРБАҔА ХААРБАХ ДЬИЭТТЭН КӨҺӨРҮҮ БЫРАГЫРААМАТА САЛҔАНАН БАРАР Вчера 20:52 0 Бүгүн, сэтинньи 28 күнүгэр, Ньурбаҕа Кузакова уулуссаҕа “Хаарбах саахалланар туруктаах дьиэттэн көһөрүү” федеральнай бырагыраама иккис түһүмэҕин чэрчитинэн бастакы дьиэ сыбаайатын түһэрии сиэрэ-туома ыытылынна. 2017 сылтан саҕалаан Бүтүн Арассыыйа үрдүнэн дьон-сэргэ олоҕун хаачыстыбатын тупсарарга анаан, “Хаарбах саахалланар туруктаах дьиэттэн көһөрүү” федеральнай бырагыраамаҕа олоҕуран, бастакы барыл түмүктэммитэ. Ньурба куоратыгар уопсайа 8 элбэх кыбартыыралаах дьиэ үлэҕэ киирбитэ, 152 ыал, барыта холбоон 700-чэ киһи, саҥа дьиэлэргэ көһөннөр олорор усулуобуйалара тупсубута. Быйылгыттан саҕалаан 2025 сылга диэри сайдыылаах олоххо туһуламмыт барыл иккис түһүмэҕин чэрчитинэн бүгүн, сэтинньи 28 күнүгэр, Ньурбаҕа Кузакова уулуссаҕа бастакы дьиэ сыбаайатын түһэрии сиэрэ-туома буолла. Сыбаайаны түһэриигэ Ньурба улууһун баһылыга Алексей Иннокентьев, улуус Сүбэтин бэрэссэдээтэлэ Сергей Евсеев, Ньурба куорат баһылыгын бастакы солбуйааччыта Яков Замятин, Ньурба улууһун инвестиционнай тутуу управлениетын салайааччыта Макар Семенов, “Виком” ХЭУо дириэктэрэ Андрей Никифоров кыттыыны ыллылар. Улуус баһылыга Алексей Иннокентьев 24 кыбартыыралаах дьиэҕэ көһүөхтээх дьону эҕэрдэлээн туран, 2020 сылга Ньурба куоратыгар Степан Васильев аатынан уулусса 93, Энергетик 15, Кошевой 15 №-дээх дьиэлэртэн 170 киһи, Маалыкай нэһилиэгэр 18 ыал, барыта холбоон 188 киһини саҥа дьиэлэргэ көһөрүөхтээхтэрин туһунан иһитиннэрдэ. Куонкуруһу кыайбыт “Викон” ХЭО үтүө суобастаахтык үлэлииллэригэр, саҥа кыбартыыраларга көһүөхтээх дьон сылаас, үчүгэй хаачыстыбалаах, ирдэбилгэ эппиэттиир дьиэлэргэ киирэллэригэр баҕа санаатын эттэ. Тутууну ыытыахтаах “Виком” ХЭО дириэктэрэ Андрей Никифоров 2020 сыл сэтинньи ыйыгар болдьоҕор киириэҕэ диэн эрэннэрдэ. *** Ааптар: Антонина СЕМЕНОВА.

Источник: Aartyk.ru
Ответов 2
  • Олохтоох
    1 декабря 2019
     

    Саҕаланнын, саҕаланнын. А то барыта хаарбах дьиэлэр дии почти 100%. Сыантыр вообще эргэ.
    Саҥа дьиэлэри онон-манан кытыыга туталлар дии. Тоҕо сыантырга туппаттар?

    0
  • Ула5а
    1 декабря 2019
     

    Куорат киинэ барыта кэтэх дьиэлэр дии. Сирин сыанатын төлөөһүн , дьиэни бас билээччигэ квартира биэрээьин - тутуу сыанатын балачча үрдэтэр буо. Ол таһынан уота -күөһэ, иигэ- сааҕа , ититиитэ, тутууга көҥүл ылааһына иэдээн дьыала буо. Генплан быһыытынан анаммыт сиргэ тутуу барара түргэн да, барыыстаах да буолар буо.

    0
Обратная связь