Биирдэ эрэ
Балыксыт  -    1231
Дьалхааннаах 90 сыллар сэтинньи ый бүтүүтэ, Сахабыт сиригэр кыыдааннаах кырыа кыһыммыт ыкса ылсыбыт кэмнэрэ, киин куораттан чугас сытар улуус биир биллэр көстөр дэриэбинэтигэр, атын күннэртэн туох да уратыта суох сарсыарда саҕаланна, ол эрэн бу күн, дэриэбинэбит барахсан үс ыала турбуттара ыраатта, киирии тахсыы супайданыы, саҥа иҥэ улахан суох да буоллар дьиэлээхтэр долгуйбуттара өтө көстөр дьиэххэ оруннаах, бүгүн уолаттарын уруккунан эттэххэ кыоһыл армияҕа ол эбэтэр Россия армиятын кэккэлэригэр, уол оҕо буолан күөх окко түспүт ытык иэстэрин төлүү барар кэмнэрэ ыга үтэн кэлбит. Ол үс уолаттар быыстарыгар мин баарбын, оо администрация массыыната кэллэ диэбиттэригэр, кырыаран эрэр түннүгүнэн өҥөс гыммытым тиэнтэбэй газик кэлэн турар эбит, саха киһитин быһыытынан улахан омуна, ытабыла суох быраһаайдаһан баран, дэлби үлэҕэ бултка үнтү буккуллубут рюгзакпын сугэн баран тахсан бардым. Төрөөбүт уонна күн бүгүнҥээҥҥэ дылы олорбут алаһа дьиэбиттэн бу ыраата баран иһэр санаам, терасам аана сабыллаатын кытта сүрэхпин бобута тутта, аргыый хааман тиийэн калиткабын аһан эрдэхпинэ кэннибиттэн, -нохоо калитканы ыга сап сылгылар киирэн оту сиэхтэрэ; диэн дядям куолаһа иһиллиннэ, эргиллэн көрбүтүн Бааска сигиэйкэ бэргэһэтэ ханньары баран, аҥаар илиитигэр оһоххо хардаҕастары кууспут уонна куолутунан бөлөмүөрүн туора уобан буруолата турар эбит, сөп сөп диирбин кытта Бааска бөппүрүөскэтин быраҕан баран силлээн чап гыннарбыта тэпсиллэн чигди буолбут хаарга хатана түстэ. Мин массыынаҕа тиийэн киирбитим доҕотторум аат эрэ харата мүчүҥнэһэ мүчүҥнэһэ илии тутан дорооболостулар, сайыҥҥы от үлэтин загаара ааһа илик суоппар ачыкытын тарбаҕын төбөтүнэн өрө анньан баран, барыбытыгар туһаайан -дьэ бары баарбыт, айаннаатахпыт; диэн баран улуус киинин диэки тутан бистэ, биирдэ баран эттэххэ туппакка кини армияҕа барар буоллаҕай. Айаннаан иһэн кэпсэтэбит атаарсыы малааһына хайдах ааспытын, ким кыыс туппутун туппатаҕын, мин мэлдьитин буоларын курдук итирэн охтубуппун, Гришаны убайдара кэлэн сылгылаабыттар онтон Петя биир кыыһы хабырыйан баанньыгар аҕалан иһэн атын уолаттары көрсөн олору кытта барсаахтаабыт, -убайдаргар атааттарар буоллаҕын; диэн саҥа кэнниттэн хайыаҕай, дискотекаттан ааттаан албыннаһан аҕалан испит кыыһын дьиэтигэр атаардаҕа. Өлүөнэ эбэккибит мууһа тура илик буолан улуус кииниттэн самолётунан көтүөхтээх этибит. Киин сиргэ балай да айаннаан, тиийиэхтээх военкомаппытыгар тиийдибит. Иһирдьэ киирбиппит атын бөһүөлэктэртэн эмиэ уолаттар хайыы үйэ кэлбиттэр этэ, биһи саҥа кэлбит дьон быһыытынан симик соҕустук туттан дорооболоһон баран, ханнык ааҥҥа киирэрбитин быһаарса сатыы турдубут, хата ол турдахпытына биир норка бэргэһэлээх, кожа перчаткалаах ортоттон үрдүк уҥуохтаах сытыы соҕусрук көрбүт истибит уол илиитин утары ууммутунан супту хааман кэллэ. - дорооболорун уолаттар хантан кэллигит, ээ сөп ити ааны тоҥсуйун иннэ киирэҕит камисарга; диэтэ. Биһи дьэ ол аанҥа тиийэн таҥас сап көннөрүнэн рюгзакпытын сүкпүтүнэн тоҥсуйбахтаан баран үһүөн кутулла түстүбүт.
Ответов 5 Написать ответ
  • Tansel
    16 августа  

    Салгыыта

    0
  • Балыксыт
    19 августа  

    Үстэ суруйдум түүннэри, телефонум эргэ дэлби глюктаан тахса турар, онтон салхыам.

    0
  • Балыксыт
    20 августа  

    Сопхуос хонтуоратын санатар барыта табах уонна никсик сытынан тумнуллубут дьоҕус кабинетка , уһун остуол утары киирэн кэккэлэһэ турунан кэбистибит, дорооболостубут. 60 киловаттаах лампа нэһиилэ кылайан сырдатар, остуол төбөтүгэр орто сааһы лаппа ааспыт, уоһун үрдүгэр тор курдук хара бытыктаах, астыйбыт хара бараан кудура баттахтаах киһи биһигини үөрэтэрдии кыҥастаһан баран, сөҥ куолаһынан кимнээхпитин туохпутун туоһуласта, дьэ ол кэннэ, хаҥас өттүгэр докумуон кумааҕыларын хасыһа олорор киһихэ, -Василий, тоҕус призывник бары кэллилэр дьыалаларын хомуйан бэлэмнээн капитаҥҥа туртар, бүгүн Дьокуускайга көтөллөр; ити тыллары истэн баран биһиги саҥата суох бэйэ бэйэбитин көрсөн кэбистибит. Эбиэт бириэмэтэ кэлэн остолобуойга баран аһаатыбыт уонна авиапортка бардыбыт. Самолёт диэннэринэн көппүттээҕэр көрө да илик дьон биһиги омун, төлөнүөрүү-көтүү кылгас кэмҥэ армияҕа баран эрэрбитин умнан ыллыбыт. Аҕыйах чааһынан көтөн тэлээрдэн тиийдибит. Дьокуускай пордугар тиийэн автобус кэтэһэр буоллубут, дьэ онно били норка бэргэһэлээх сытыы уолбут Эдик арыгыта ылан иһиэхэйин, сууйуохха сотуохха наада диэн тыллары көтөхпүтүн биһиги дьон мүччү туппатыбыт. Биир уолбут манна чугас маҕаһыын баарын билэр буолан биэрдэ, хаччы быраҕыстыбыт үс сэргэх уолбут ыстаннылар. Өр кэтэһиннэрбэккэ сыалларын ситиспит дьон быһыытынан бөтөрөннөһөн бу тиийэн кэллилэр. Урукку эргэ порт мас ыскамыайкалардаах этэ, онно олорон дьоммут бэлэмнээн биэрбит ыһыктарын тардан биһэн баран капитаммытын кытта, этэҥҥэ баран кэлэрбит туһугар, билсииһии, уонна сахалар тустарыгар уочаратынан көтөхтүбүт. Син балай да олорбохтообуппутун кэннэ автобуспут кэллэ, ортолуу холуочуйуу буолбут этэ. Куорат киэһээҥҥи туманын бүрүнэн Маяк диэки айаннаатыбыт.

    0
  • #
    17 сентября  

    Салгыыта?

    0
  • СБ
    19 сентября  

    Күүтэбит, тугунан бүтэр

    0
Ответ на тему: Биирдэ эрэ
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания