1 год на форуме Автор 3 уровня Топ пользователь Все
Награды
1 год на форуме
1 год на форуме
Автор 3 уровня
Автор 3 уровня
Топ пользователь
Топ пользователь
1000 просмотров
1000 просмотров
Криминальные разборки в Якутии 1848 год.
  1088
Силиэстийэ түмүгэ. Ыам ыйын 20 күнэ 1848 сыл.

Кулун тутар 21 күнүгэр Талах алааһыгар, Сунтаар улууһугар,1848с. Икки аттаах дьоннор, 27 саастаах Николай Бястинов, хос аата Бэстээ, Марха улууһуттан төрүттээх, дьадьаҥы уол уонна 32 саастаах, дьадьаҥы, хаайыылаах, урут сылгы уоран 5 сыл хаайыыга олоро сылдьыбыт, Григорий Мармыров, олонхоһуттарбыт диэн, дьоннору албыннаан Василий Егоров балаҕаныгар, тэлгэһэтигэр чугаһаабыттар. Кинилэри Баһылай орто уола Феодот Егоров уонна кини доҕоро Макар Никонов көрсүбүттэр. Мармыров бэйэтин улуу олонхоһутабын диэн, бу дьиэ тойонун кытары кэпсэтиэхпин баҕарабын диэбит, ону Феодот балаҕаҥҥа баран, аҕатын ыҥырбыт.
Өлөөс Баһылай дьиэтиттэн тахсаат, тэлгэһэтин таһыгар, күрүө нөҥүө турар икки уолаттарга чугаһаан истэҕинэ, Мармыров таҥаһыгар кистээбит, биирдэ ытар кремневай саатын хостоот, Баһылайы тирээт ытан түһэрэр. Бястинов ити кэмҥэ, тирии куруттан, кистээбит урукку бистэлиэтин тута биэрээт, утары күрүөҕэ өйөнөн турбут Макар Никоновы, сырайга ытан саайбыт. Макар сырайга буулча тутан, сиргэ охтон түспүт, онтон Баһылай уҥа тыҥатыгар курдары табыллан, чачайа-чачайа эмэһэтинэн сиргэ олору биэрбит. Илиитинэн табыллыбыт түөһүн тута-тута дьиэтин диэкки сыыла сатаабыт.
Василий өссө тыыннаах дуу, диэннэр Бястинов быһаҕын хостоот, күрүө нөҥүө ойбут, онтон Мармыров сиэрдийэ аллараа чөхчөс гынан баран, мушкетын иитэн барбыт.
Ити кэмҥэ Феодот саа тыаһын истээт, аҕатын оронун, тэллэҕэр бэйэтин саатын харбыалаан, түргэнник иитэ биэрээт, Бястинов аҕатыгар, күрүө нөҥүө ыстанан, быһахтаах чугаһаан истэҕинэ, түннүк курдары, ыппыт.
Буулдьа Бястинов хаҥас буутугар түбэспит, киһибит хаһыытаабытынан, сууллан баран, төттөрү күрээбит. Мармыров өссө биирдэ түннүк диэкки ытан баран, Бястиновы саба тутан, сылгытыгар соспут, уонна иккиэн ааттарын миинньэн ойуурга куота турбуттар.
Бү күннээҕи түмүгэ, 25 саастаах Макар Никонов төбөҕө табыллан өлбүт, онтон Василий Егоров түөскэ тыҥатын быһа курдары ыттаран, тыыннаах хаалбыт, ол гынан баран ыараханнык бааһырбыт. Сарсыныгар Василий икки уолаттара Алексей уонна Андрей тыаҕа бултаан, дьиэлэригэр кэлбиттэр уонна маннык түбэлтэ буолбутун истэннэр, өлөрүөхсүттэри сырсарга туруммуттар. Охтубут Макар убайдара Константин, Александр уонна Дмитрий иэстэһии аакка киирэннэр, Егоровтары батыһаллар. Суолга Егоровтар ыраах аймахтара Сергей уонна Николай Акимовтар, кинилэри кэтэһэн, этэрээттэригэр киирэллэр. Төһө да өр, сиэхситтэри көрдүү сатаабыттар да, булбатахтар.
Муус устар 12 күнүгэр 1848с. Николай Бястинов уонна Григорий Мармыров Сунтаар-Марха улуустар кыраныыссатыгар, жандармаларга тутуллубуттар. Николай Бястинов бааһыран, онто бэргээн, доппуруоска буруйун барытын билиммит, онтон Григорий Мармыров тугу да саҥарбатах. Бястинов жандармаларга барытын кэпсээн, силиэстийэҕэ бэрт көмөнү оҥорбут.
Муус устар 26 күнүгэр Эвклид Иванов диэн 35 саастаах уол жандармаларга тутуллубут. Кини биир улуус, биллэр баай атыыһыт Роман Широков сылгыларын көрөр бөлөх баһылыга эбит.
Эвклид силиэстийэ кэпсииринэн, урукку хаартыһыт Мархаҕа олорор, доҕорун Мармыровы кытары кэпсэтэн, 5 солкуобайга уонна 2 сылгыга, Василий Егоровы сакаастаабыт. Бу дьыалаҕа Мармыров, Бястинову кучуйбут.
Роман Широков баай бу өлөрүүгэ кыттыгастааҕын, сатаан дакаастаабатахтар.
Ыам ыйын 29 күнүгэр Николай Бястинов, Макар Никоновы өлөрбүтүн билиммитин иһин, уонна силиэстийэҕэ көмөлөспүтүн иһин, 8 сыл хаайыыга барбыт. Григорий Мармыров 18 сылга хаайыллыбыт. Онтон Эвклид Иванов, бу биир киһи өлөрүүгэ уонна биир киһи эчэйиигэ, сыһыаннааҕын иһин, Дьокуускайга хаайыллыбыт. 1849с. буруйдаах угловнигынан аатыран ыйанан өлбүт.

От ыйын 7 күнүгэр 1848с. Эвклид кыра быраата Михаил Иванов, таҥара оскуолатыгар баран иһэн, түөскэ сааннан ытыллыбыт уонна 7 быһаҕынан көхсүҕэ охсуллубут. Силиэстийэ манна Макар Никонов убайдарын буруйдаабыт.

салгыытын таһаарабын да?
Ответов 3 Написать ответ
  • Ал
    18 августа  

    Бэрт бэрт наьа р таьаар

    0
  • Николай
    21 августа  

    Того сурэй, таьааран ис

    0
  • Delgado
    Delgado
    мурай атамбаев
    26 августа  

    1 сыл аннараа өттүгэр.

    Бу түбэлтэ 1848с. буолбут дииллэр, дьэ кытаанах сир былдьаһыктаах, киһи өлүктээх ыарахан кэмнэр.
    Кыталык диэн ыраас, маһа дулҕата суох, киэҥ баҕайы алаас эбит. Манна урут уруккуттан Хадаҕардар аҕа уустара оттуур сирдэрэ биллэр. Хадаҕар оҕонньортон тарҕаммыт дииллэр. Кини үс уола, үс саҥа ууһу үөскэппиттэр, Чалар Хадагардаев крещения ылынан 1750 с. Трофим Акимов буолбут. Онтон орто уола Дьэкэрэй 1756с. крещение ылынан Николай Григорьев буолбут, кыра уола Сиэрмэс, Василий Егоров диэн ааты иҥэрбиттэр. Бу Өлөөс Баһылай хос эһээтэ.
    1838с. соҕотох убайа Сэмэн Дьөгүөрэп ыалдьан өлбүт. Кини 2 уолаттара кыра сылдьан, өр олорботохтор. Биир эрэ кыыстаах буолан, кини аата Матрена Егорова, ити Кыталык алааһа, уонна Семен сирин иэс харчытын кытары, быраатыгар түбэспит. Иннэ гынан Өлөөс Баһылай бэйэтин алааһын сирин Талаҕын рентатын төлөөбөккө сылдьан, аны өлбүт убайын иэһин кытары судаарыстыбаҕа иэстэммит. Матренаны уонна соҕотохсуйбут убайын ойоҕун Марианна эмээхсини, Баһылай бэйэтин дьиэтигэр ылыммыт.
    Өлөөс Баһылай бэйэтэ ойохтоох, ойоҕо Наталья Егорова диэн, үс уоллаах Өндөрөй, Феодот уонна Өлөксөй, ону кытары биир кыыс оҕолоох Ксения диэн. Ити сылларга Ксения ойох тахсан, Ураевтарга атын алааска киийиит быһыытынан көспүт. Кэргэнэ Куоста Ураев, орто сэниэ ыаллартан төрүттээх. Баһылай улахан уола Өндөрөй, кэргэн кэпсэтэн, чугастыы, аҕатын дьиэтин аттыгар, балаҕан тутан, ойоҕун кытары Аанчыктыын олорбуттар. Биир уоллаах, Миитэрэй диэн.

    1842с. Өлөөс Баһылай (Василий Егоров), сатаан сирин сыанатын төлөөбөккө, Кыталык алааһын 6 сылга биир биллэр баай, кыанар ыалга арендаҕа биэрбит эбит.
    Бэйэтэ өссө биир кыра алаастаах, Талах диэн төрүччү Дьөгүөрэптэр сирдэрэ. Сылгыта, сүөһүтэ аҕыйах буолан, бу Талах алааһа да, барыларын сиэн, аһатан олордотолообут.

    Ол кыанар ыал баһылыга Балаҕар баай диэн хос аатаах, улууһугар ытыктанар, атыыһытынан биллэр кырдьаҕас. Толору аата Роман Трофимович Широков. Бэллэй баай улахан уола. Арамаан аҕатын курдук, атыыһыттар 3 гилдийэтигэр киирэр уонна сылгыннан, сүөһүннэн улуус иһигэр эргинэн, дьарыктанан, онон аһаан сиэн олорбут.

    6 сыл ааспытын кэннэ бу сир аһары отунан баайын иһин, хойуу баҕайытык үүнэриттэн, биир сайыҥҥа мантан аҥаардас 5 улахан от тахсарын иһин, Балаҕар баай маны таах төттөрү биэриэн баҕарбатах. Алаас арендата бүппүтүн кэннэ, бу киһи харчыҕа тоһута сатаабыт.
    Күһүн 1847с. Арамаан баай, Өлөөс Баһылайы дьиэтигэр ыҥыран ылан, чэйдэтэн, аһатан, Кыталык алааһын туһунан кэпсэппиттэр. Кыанар баай, бу сири атыылаа дии сатаабыт, оннооҕор ити кыра кыыһын Кээчэни (Агафья Широкова), Өлөөс Баһылай орто уолугар Өлөксөйгө (Алексей Егоров) ойох биэрэ сатаабыт. Киһибит суох да суох дии олорбут. Онтон кыыһыран Балаҕар баай, Өлөөһү дьиэтиттэн үүрэн ыыппыт.

    Балаҕар баай бу кэннэ, хайдах маннык баай сири былдьыахха сөбүй диэн өйдөбүлгэ, өр да толкуйдаабыт. Кини санаатынан, Өлөөс 6 сылга Кыталык алааһын арендаҕа биэрэн баран, бу сир сыанатын улахан аҥарын судаарыстыбаҕа төлөөбүт эбит, ол гынан баран, Кыталык алаас төлөбүрэ 15 сыл, бүтэһик кэмэ 1850с. бүтэр. Ити сирин 1850 сылга дылы төлөөбөтөҕүнэ, судаарыстыба, Өлөөстөн сир сокуонунан былдьыыр кыахтаах уонна төттөрү атыыга таһаарар. Онон туһанан, Балаҕар баай Кыталыгы төттөрү атыылаһар кыахтаах.
    Ити сир рентатын сатаан төлөөбөтүн диэн, сылгыларын көрөр дьоннор тойотторун Эвклид Уйбануобу ыҥыран ылан, сорудах биэрэр.
    Тохсунньуга кыһын 1848с. үс биллибэт уолаттар, түүн тыйыс тымныыга, Талах алааска үөмэн кэлэннэр, Өлөөс хотонун умата сатыыллар да, сатамматах. Ыттар үрэннэр, дьоннорун уһугуннарбыттар.
    Сити кэннэ, биллибэт киһи ойууртан манаан туран, Олунньу бүтэһигэр Өлөксөй сүөһүлэрин, аттарын уулата баран истэҕинэ, Кэриэ диэн ыанар ынаҕын сааннан ытан охторбуттар.
    Үһүс сырыыга, Баһылай уолаттарын кытары сүөһүлэрин уулатар буолбутугар, онно эмиэ ойууртан, аны Өндөрөй сылгытын ытан саайбыттар да, буулдьа сыыһа көппүт. Ону көрөннөр, хантан ыппыттарын истэннэр, Баһылай Феодоту, харабылга хаалларан баран, үһүөн ойуур диэкки ыстанан, ытааччыны эккирэппиттэр.

    0
Ответ на тему: Криминальные разборки в Якутии 1848 год.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания