Бүөккэчээн
Кыраһа суруга  -    1887
Бүөккэчээн

Бүөккэчээн бүгүн хотуттан үлэлээн кэллэ. Тута портан доҕоро Оҕонньор Бааска ытыс үрдүгэр түһэрэн уруйдаан-айхаллаан көрүстэ. Тута доҕордуулар «HANTER» паабка көрсүһүүлэрин сууйа бардылар. Кинилэри кытта өссө үөлээннээхтэрэ Ойуун Хаанньа баар, онон кэккэлэрэ кэҥээтэ.
Паабка киэһэ эрдэ буолан киһи аҕыйах. Өр көрсүбэтэх атастыылар дьэ көрсөннөр үөрүү-көтүү бөҕө, барыларын бүгүн хотуттан кэлбит Бүөккэчээн аһатар.
-Дьэ, доо быраат Бүөккэчээн көрсүбэтэх ыраатта, чэ көрсүһүүнэн! – диэт Ойуун биир тыынынан пиибэттэн дириҥ омурт оҥордо, дьиэгинэччи субу олох кыырыах айыылаахтык атастарын диэки сытыытык турулус-эрилис көрөртөөтө. – Ноо, уолаттааар мантан киэһэт оттон дьэ чугастыы тетялыы тахсар буоллахпыт, Зодибыт да чугас – Оҕонньор Бааска халыҥ таастаах ачыкытын нөҥүө чаҕылыччы көрүтэлээтэ. Бары бу этиини сөбүлээтилэр, эгэ-дьэгэ буоллулар.
Ойуун Хаанньа таах олоруохтааҕар кэпсиир:
–Доо, уолатаар, бу саас куска өрүс арыытыгар кустаатым, оруобуна били речпорт утары. Үс күнү быһа адьас тыбыыран да көрбөккө тоҥмокко сырыттым.
-    Тыый хайдах ол?
-    Хайдах хайдах буолуой туормастаар, оттон кур итирик сырытттаҕым дии – Ойуун бэлэһин ата-ата күлэр
-    Дьээрэ онтон салгыы?
-    Салгыы уолаттаар, Итэҕэйиэххит суоҕа ол эрээри иннибэр-кэннибэр сүөдэҥнэһээччилэрим быйыл адьас аттыбар субу илэ сылдьалларын, баалларын биллэрдилэр!
-    Тыый, хайдах ол? – Оҕонньордоох Бүөккэчээн муодарҕаатылар
-    Һоннук! Дьэ баалларын итэҕэйдим. Санаан көрүҥ, Бэстээххэ өрүс арыытын лааҥкытын үлтү солоон барыахпын сүрэҕэлдьээн, көр эрэ утары Дьокуускайдаатым ээ!
-    Эсс, сымыйалаама доҕор! Эн тугу эрэ лапсалыыгын, кус кэмигэр киһи эбэни хайдах да туораабат ээ. Икки өртө киэҥ ырбыы..
-    Мөккүһүмэҥ ама дьон, мин буоллаҕым дии, мин Ойуун Хаанньа, ээх эһи диэн боростуой смертнайдар. Этэбин дии олох турукка киирэн баран ип итирик биирдэ өйдөөбүтүм Эбэ кытылыгар тахсан сытар эбиппин, оол ыраах курдук Дьокуускай речпордун краннара көстөллөр. Биирдэ өйдөөбүтүм 202 микрорайоҥҥа андаатыр бэргэһэлээх, саалаах, тиийэн маҕаһыынтан буокка уонна табаах атыылаһа турар эбиппин. Абааһыларым туораппыттар хата этэҥҥэ. Һа-һа-һаа! – Ойуун күлэн тоҕо барда.
Ону кытта атастыылар бары ньиргиччи күлүстүлэр. Настроение 100% көтөҕүлүннэ! Оуун кэпсээнэ өрүү да итинник кырдьык-сымыйа ыккардынан күүркэтиилээх, эбиилээх-сабыылаах буолааччы.
-    Дуо, Бүөкээс, оттон эн хаһани ыал буолаҕын, биһиэхэ сыа сиэтэҕин? – Оҕонньор Бааска атаһын диэки ачыктын нөҥүө номнуо холуочуйан эрэр ууламмыт-хаардаммыт хараҕынан ыйытардыы көрдө.
-    Ээ мин сааһырдым уолаттаар, номнуо түөрт уон биирим буолла, көрөн туран хайа эдэр кыыс миэхэ тахсыай?
-    Чэ, оччоҕо уолаттаар түүн уон биири манна кэтэһэбит, оттон чааспыт буолуута ох курдук оҥостон Бүөккэчээммитигэр невеста көрдүү тахсабыт да сабаас! Бит-билгэ, түүл-бит бөлүүн үчүгэй этэ, хайаан да байанай тосхойуоҕа, санааҕытын түһэримэҥ уолаттар! – Ойуун быһа-бааччы дьыаланы быһааран кэбистэ.
Ответов 13 Написать ответ
  • Кыраһа суруга
    22 июня  

    Түүн уон биир чаас. Зодиак дискотеката. Иккис этээс. Ностальжи.Үс атастыылар үҥкүүлээн имитии. Ойуун былыр үйэҕэ турукка киирбитэ ырааппыт, олох өрө илбиһирэн, өрө илгистии, кыргыттар иннилэригэр киирэ киирэ эҥин араастаан былаайахтаах кыыра турар курдук өрө-аллараа хамсаныы, тугу эрэ сэрэтэрдии тарбаҕынан чочоҥното-чочоҥното кэнниэн чугурҥнуур, мүчүҥнүүр, ол аайы Оҕонньордоох, Бүөккэччээн быара суох күлэн уҥа сыталлар. Ол аайы Хаанньалар өссө бууса уутугар-хаарыгар киирэ-киирэ оруолугар дириҥник киирэр. Кэмниэ-кэнэҕэс Бүөккэ Оҕонньордуун үҥкүүлээн сылайан столикка тиийэн эбии истилэр. Оҕонньор Бүөккэҕэ оргууй сыҕарыс гынаат кулгааҕар сипсийэр – Доо, миэхэ биир кырдьаҕас баар ээ, маарыын охранаттан кистээн киллэрбитим, өйдүүгүн били паабка биир буокка сакаастаан баран, кэлин, диэн испэтэхпит дии...
    Онон, атастыылар кистээн остуол аннынан кутта кутталар “Байанай” буокка истилэр. Бүөккэчээн төрүт мөлтүүрэ кэллэ. Пиибэ буокка икки саайбыта атаҕа тэлиэс-былаас барда, хараҕа ирим-дьирим барда. Ханна эрэ ыраах музыка ньиргийэр тыаһа сүттэр сүтэн симэлийэ турда, Оҕонньордоох Ойуун сирэйдэрэ киинэ каадырдарын курдук элэҥнээн аастылар.. Сүттэ...
    -    Доо, Бүөккэчээммит мөлтөөрү гыммыт ээ – Оҕонньор Ойууҥҥа сибис гынна. – Оол, остуолга умса түһэн олорор, хайыыбыт?
    -    Бээ, бар нохоо мэһэйдээмэ, көрбөккүн дуо аппар-хомуһуммар биир бытааһаҕы киллэрэ сылдьабын – Ойуун эмиэ сиэх-аһыах айыылаахтык сүр иччилээх баҕайытык атаһын диэки көрдө. Кырдьык даҕаны Ойуун илбистээх үҥкүүтүн сотору сотору биир умсаах кус курдук төлөһүйбүт ол эрээри син өссө кэхтэ илик үтүө сэбэрэтигэр сылдьар кэрэкэ куо иннигэр киирэн толорор эбит. – Акаары ойуун, эҥин араас буолан - Оҕонньор кэлэйбиттии санаат, чыпчырынаат, ачыкытын өрө анньынаат зал устун хааман бара турда.
    -    Молодежь девяностых, вспоминаем молодость, сачстливые студенческие годы! – Тэбэнэттээх ди-джей саҥата чоргуйда. Ону кытта намыын Титаник ырыата зал иһин толордо. Оттон бу кэмҥэ өлөрдүү итирэн остуолга сирэйин умса олороо Бүөккэчээҥҥэ биир уһун, хатыҥыр кыыс кэллэ, санныттан өйөөн туруорда, үҥкүүгэ ыҥырда. Киһи эрэ буоллар оччо үлүгэрдээххэ бүтэһик күүстэрин түмэн барбатах балык миинин курдук көрө-көрө биирдэспит кэрэ кыыстыын бытаан үҥкүүгэ эргийдэ.

    0
  • Кыраһа суруга
    22 июня  

    Ойууннаах Хаанньа бу маны көрөн төрүт айахтарын атан кэбистилэр, сыҥаахтар түстэ. – Хайа, бу артыыспыт өлө итирик да сыттар, чүөчэлэргэ успех бөҕө дии! Олох бэйэлэринэн кэлэн көтөҕөн ылан, өйөөн-убаан үҥкүүлэтэллэр дии! – Оҕонньор ымсыыран силин быһа ыйыыһынна. – Саҥарба! Уолун туһугар саҥата суох үөр! Ол иһин да түүл-бит үчүгэй этэ, арыаллааччыларым уолбутун алҕаабыттара – Ойуун таах туруохтааҕар эмиэ барытын кини быһаарбыт, оҥорбут, барыта кини көстүбэт аҕмөлөһөөччүлэрин көмөтүнэн этэҥҥэ баран иһэрин курдук тутунна. Оҕонньор ачыкытын сотто-сотто ымсыыран көрөрүгэр эрэ тиийээхтээтэ..
    Оттон Бүөккэчээҥҥэ барыта туох эрэ түүл-бит курдук. Кэрэ кыыс, Титаник ырыа, бытаан үҥкүү. Кини арааһа түһүүр... Хаһан эрэ, ханна эрэ көрбүт кыыһын курдук мөссүөн иннигэр элэҥниир... –Хайа, Петя билбэтиҥ дуо? Бу мин Настыбын дии... – Настя, Настя, Настенька, Наака! Бүөккэ итирик мэйиитигэр эмискэ чаҕылҕан курдук уот саайар!
    То5уһуонус сыллар, Сэргэлээх уопсайа, 508 хос, саха тылын учууталыгар үөрэнэр Настя кыыс, каток, муҥха! Ама умнубут үһүө! Хайыы сүүрбэччэ сыл ааспыт дии!
    - Настя бу кырдьык эн дуо?
    Салгыы эмиэ туман…Настя үөрбүт мичээрэ, ханна эрэ түүҥҥү куорат устун айаннаан иһэр такси, квартира, эмиэ Настя, остуолга тугу эрэ кэпсэтэ олороллор, Бүөккэ ытаан сыҥсыйан хараҕыттан уу-хаар баһар. Настя тобугар төбөтүн ууран ытыыр. Биирдэ өйдөммүтэ сарсыарда. Ып-ыраас бэриинэҕэ, ороҥҥо утуйа сытар. Соҕотох. Кухняттан минньигэс буспут собо миинин сыта кэлэр...

    0
  • Урсууна
    22 июня  

    Интэриэьинэй кэпсээн са5аламмыт.thumbs up signthumbs up signthumbs up sign

    0
  • Кыраһа суруга
    22 июня  

    Эмискэ төлөппүөн тыаһа тырылаата.
    – Алло, истэбин
    -    Хайа ноо, уол красава бэҕэһээ ити хайа кыыска снимайданан бардын дуо? – Ойуун куолаһа эҕэлээхтик ыйытар
    -    Ээ, пошшоол, сынньан ойуун
    -    Ноо, бэҕэһээ тахсан иһэн хайдах курдук охраникка прыгайдаабыккын эҥин өйдөөбөккүн дуо? Козел я тебя урою, держись, поймаю эҥин диэн бөҕө этин дии,ама забыл?
    Бүөккэчээн этэ тымныйан ылла. Ама оннук үһүө?
    -Дыа, сиэркилэлэрин эҥин тоҕо түспүтүн дии биһиги тохтотуу бөҕө олох истибэтэҕин – Ойуун тэттэрэн биээн өссө өрө барар.
    - Хайыы, иэдээн – Бүөккэчэн уйатыгар төрүт да уу киирэр. Аны өссө штраф төлүүрдээх хаалбыт.
    -Дыа поздравляю ватсап геройа буолбуккунан! Куорат ватсаба барыта эн бойцовскай поединоккынан туолбут, Зоди охранниктарын кытта один на один – Ойуун олох күлэн быарын тыытта олорор.
    -Эс, мин оннук гынааччым суох ээ. Ити урою эҥин диэн төрүт мин тылым буолбатах, Ньургун оннук тыллаһааччы, оо буолар да эбит..
    -Чэ, покедова герой ватсапа, этэҥҥэ буол, киэһэ көрсүөххэ диэри, абыраххын бэлэмнээр – диэт Ойуун трубкатын талыр гына быраҕан кэбистэ.
    Бүөккэчээн санааҕа ылларда. Тыый иэдээн дии, тугу тугу натвори гыммыппыный? Таах сибиэ сразу дьиэлээбэккэ, ийэм барахсан күүттэҕэ, сүтэрдэҕэ..
    Ону кытта телефон тыаһаата. Экраҥҥа – Мама – диэн сурук таҕыста.
    -Хайаа, Петя ханна бааргыный, мин эйигин бэҕэһээ бэрэскии, алаадьы астаан күүт да күүт
    -Оо, маама дорообо, бырастыы гын оттон бу табаарыспар Ганяҕа хоно сытабын
    -Ханнык Ганяҕа?
    -Оттон били, Сэмэнэптэр уоллара, Ойуун Ойуун Ганя..
    -Ээ, оттон инньэ диэн этиэххиний, мин манна эйигин түүнү быһа сүтэрэн айманыы
    -Бырастыы гын маама дии, сотору тиийиэм\

    Ол иһин да бэҕэһээ самолеттан түһээт төлөппүөнү сэрээттиир диэн суох, тута ити акаарылары кытта арыгылыы ыстаммыта. Үс ыйдаах Булууҥҥа хаайтарбыт аатырбыт тыынын-быарын сайҕата. Оо акаары да эбиппин – Бүөккэчээн дириҥник өрө тыынна.
    Хата телефонун түүн Настя сэрээттээбит эбит, бэйэтэ кэккэлэһэ хоско утуйбут. Чээн, барахсаныым, Настя... Бээ, Настя, Настя, Наака мин хайдах хайдах манна кэлэн хааллым, оо бу сааты-сууту бэҕэһээ ити ойуун этэринэн барыта кырдьык буоллаҕына Настя Зодиакка барытын көрдөҕө, оо бу сааты-суутуу...
    -Бээ телефоммун группаларбын көрүүм эрэ, оо дьэ илиим да барбат, тугу тугу дьаабыламмытым буолла, куһаҕаҥҥа дьон тиллэр, явно кырдьык куорат ватсаба туолбута буолуо...
    Салҕалас илиитинэн группаларын арыйан көрдө. Ханна да туох да суохха дылы. –Һуу, хата этэҥҥэ быһыылаах, Ойуун сатана тугу эрэ эмиэ сиикэйдиир дуу үөдэн...
    -    Пеетяяя, кэлиий чэйдиэххэ – Настя ньурбалыы унаарытар куолаһа кинини ыарахан санаа туймууларыттан араарда.

    0
  • Кыраһа суруга
    22 июня  

    Уол туран төбөтө ыаҕастаах уу курдук дьалкыйа2, аргыый таҥнан, суунан-тараанан кухняҕа таҕыста. Настя үчүгэй баҕайы маҥан футбокалаах, хап-хара баттаҕын соторутааҕыта сууммут, санныгар ыспыт, спортивнай тренировочнай ыстааннаах кинини эйэҕэстик чоҕулуччу көрөн олорор эбит.
    -    Дьэ, Петя көрүстэхпиит, сколько лет сколько зим! Я признаться очень рада. Даже несмотря что ты вчера был такой, ну как сказать слегка сылайаарыскый.. – кыыс истиҥник мичээрдээтэ.
    -    Оо, барахсаным барытын билэн олорор эбит ол эрээри кыыһырбат – Бүөккэчээн санныттан биир ыар таһаҕас түстэ.
    -    П-п-прриввет Настя – долгуйдаҕына өрүү кэлэҕэйдиирэ киирдэ аны – Эн бырастыы гын мин бэҕэһээ Зодига дьаабыламмыппын, мин бэйэм бэйэбиттэн кыбыстабын..
    -    Ол туох Пеетяя? Барыта нормальнай, үчүгэй этэ эн миигин таксига олорсон дьиэбэр атаарыах буолбутун, ол эрэн эн наһаа сылайбыккын көрөн мин эйигин дьиэбэр хонноро хаалларбытым.
    -    Даа? Кырдьык да Настя? Мин тугу да дьаабыламматаҕым? Оттон оччоҕо табаарыстарым тугу кэпсииллэр? Сиэркилэ алдьаппыт, айдаарбыт үһүбүн, өссө охраннигы кытта охсуһа сатаан сааммыт эҥин үһүбүн..
    -    Бүт эрэ Пеетяяя! Акаарычаан! Они же над тобой пошутили, а ты поверил! – Настя ис-иһиттэн лыҥкыначчы күллэ. Оо олус да тупсан көһүннэ бу түгэҥҥэ кини Бүөккэҕэ.
    -    Һуу, хата барыта этэҥҥэ эбит, бэйи Ойуун сэрэн, эн биһи өссө аахсыахпыт – дии санаата сэмээр уол.
    Сарсыарданы быһа Настялаах Бүөккэ остуол тула олорон эрэ бу өр сыллаах арахса, тэйсиһэ сылдьыбыт олохторун туһунан кэпсэттилэр. Настя кэргэн тахса сылдьыбыт, икки оҕолоох, кэргэнэ үлэлиир тэрилтэтин баай саастаах хотунугар баайыгар ымсыыран кинилэри быраҕаттаан баран хаалбыт. Оҕолоро уоллаах кыыһа сайынан кыыс дьонугар Ньурбаҕа сайылыы барбыттарын кэпсээтэ. Оттон Бүөккэчээн тугу кэпсиэй, били сүтэрсиэхтэриттэн ыла өрүү соҕотох сылдьарын кэпсээтэ. Биир да кыыс сүрэҕэр тохтоон уйа туттубатаҕын сэһэргээтэ.
    -    Настя бэрт кыраттан да арахсыбыт эбиппит бу санаатахха – Бүөккэ итии собо миинини сыпсырыйа2 иһэ олорон санаатын этэр. – Мин проводы зимы күнүгэр уон төрдүс уопсайга кэлэн хоско бииргэ олорор кыыскынан Сардаананан эйигин ыйыттарбытым, Настя суох дьонугар хоно барбыт диэбитэ. Ону эйигин итиччэ эрдэттэн обещайдаан баран соруйан суох дэттэрэр, көрсүөн баҕарбат, атын былааннаах сылдьар быһыылаах диэн ол күн уолаттарбын кытта проспекка тиийэн жеско арыгылаабыппыт. Киэһэ аны улууһунан хайдыһан Бүлүү бөлөх ыччатарын кытта охсуһан, милииссийэҕэ түбэспиппит. Биир уол илиитэ тостубут этэ. Онтон үөрэхпэр милицияттан сигнал киирэн үүрүллүбүтүм. Өйдүүгүн, бу олох Фо –ну бүтэрэрим аҕыйах ый хаалбытын кэннэ. Сууттаммыппыт, хата этэҥҥэ син хайдах эрэ свидетель курдук ааһан условнайдаммытым. Ол кэннэ хайыахпыный, сразу армиялаабытым. Эйигин сураһа сатаабытым да ким да тугу да эппэтэҕэ...
    -    Оо, кырдьык даҕаны ситэ быһаарсыбакка хаалбыппыт. Ол көрсүөхтээх күммүт иннигэр кырдьык дьоммор ыалдьыттаабытым, саҥаһым эмискэ муҥура ыалдьан скорайданан балыыһаҕа киирбитэ, мин кыра оҕолору бырааттаах, балтыларбын көрө хаалбытым. Саатар оччолорго туох сотовай эҥин диэн кэлиэй, сэрэтиэҕи, чэ, ааһар аастаҕа.. Петя, эн аһаан ис, ити соккуойуон сойон хаалыа – Настя субу аҕай буспут убаһа эттээх хортуоска соккуойун Бүөккэчээн иннигэр сыҕарытар...

    0
  • Кыраһа суруга
    22 июня  

    -    Һуу, эбиэт буолбут ийэм сүтэрдэҕэ! – Бүөккэччэн соһуйан ньилбэгин охсунна.
    -    Петя, мин эйигин илдьэн биэриэм – Настя массынанан быраҕан биэрэргэ тылланна.
    Таһырдьа күлүмүрдэс өҥнөөх «SURF» массыына хайаакатын кэтэһэн турар эбит. Ыраахтан сигналкатын холбоот Настя массыынатын эстэ. Төһө да хайдах эрэ кыыска олорсор удобнайа суоҕун иһин Бүөккэ барсарыгар тиийдэ.
    -    Мин билигин куорат биир оскуолатыгар завучтуубун Петя, эйиэхэ неоконченнай высшай баар буолуохтаах дии, свидетельствон, ылбытын?
    Кырдьык оччолорго хата армияттан кэлээт дьоно өй уганна ЯГУ ттан баран ситэ бүтэрбэтэх физкультурнай үрдүк үөрэҕин туһунан свидетельство ылбыта. Ол билигин ханна эрэ ыскаап түгэҕэр быылыйа сыттаҕа...
    -    Баар, Настя, ону?...
    - Ээ суох таах ыйыттым көннөрү... Настя тугу эрэ дириҥник толкуйдуурдуу эттэ.
    Бүөккэ дьиэтигэр кэллэ. Номердарын атастастылар.
    -    Дьиэҕэр сынньанан баран эрийээр дии, Петя, күүтүөҕүм, баҕар ханна эмит сынньана айылҕаҕа эҥин барыахпыт сөөп?
    -    Сөп Настя! – иккиэннэрин хараҕар дьол-үөрүү кыымнара чаҕылыһан аастылар.

    0
  • Аагааччы
    22 июня  

    thumbs up sign

    0
  • Кыраһа суруга
    22 июня  

    Бүөккэчээн ийэтинээн олорор. Аҕыйах сыллааҕыта тыаҕа баар дьиэлэрин атыылаан, куоракка ипотеканан биир хостоох таас дьиэҕэ квартира атыыласпыттара. Уол хоту баран охраннигынан үлэлээн кэлэр, үстүү ый буолар. Хоту хамнас үрдүк, онон син ипотекатын сабан иһэр.
    Дьиэтигэр киирэн ийэтин көрсүстэ, куустуһана туран сахалыы сүүстэриттэн сылластылар. Ийэтэ остуол тарта. Маарыйа сааһа сэттэ уон биирэ. Бүөккэчээн киниэхэ икки уолаттарыттан кыралара. Кыра сырыттаҕына уолу Бүөккэчээн диэе эһэтэ оҕонньор ааттаабыта. Онон дойдуларыгар кини Бүөккэчээн соҕотох, атыттар бары Петялар, Бүөккэлэр, Бүөтүрдэр.
    Ийэтинээн икктэн уун-утары көрсөн олорон эрэ чэйдээтилэр. Маарыйа бэҕэһээ буһарбыт алаадьыларын, бэрэскиилэрин арыыга сылытан сырдьыганатта. Дьиэ иһинэр минньигэс бурдук ас сыта дыргыйда.
    -    Петя, эн ити абааһы Сэмнэптэр уолларын кытта наһаа куодараһыан суоҕа этэ, били ким диигиний хос аата, Ойууну кытта, ооно-манна тиэрдиэ. Сэмэнэптэр бары да халбас харата дьон. Аҕата эдэр сылдьан сүрдээх күлүгээн, оруо-маһы ортотунан сылдьар киһи этэ.
    -    Ээ, маама Ойуун Хаанньа диэн бэйэ киһитэ буоллаҕа, арыт үөнэ-күрдьэҕэтэ биллэн турар батарбат. Куһаҕана диэн арыгы эрэ иһэр.
    -    Өрүү кэллэҕин аайы наар арыгылаан тахсаҕын сынньанар кэмҥэр, бэйэҕин да, ммигин кырдьаҕас ийэҕин да эрэйдиигин. Сааатар били табаарыстарын да бааллар ити Ойуунун, Оҕонньорун, өрүү эйигин кучуйа тураллар. Бэйэлэрэ хаһыс ойохторутттан хайыы-үйэ араҕыстыларый, олохторун оҥостор аат диэн суох. Наар оҕо буолан көрүлээн-нарылаан сылдьыахтарын баҕараллар.. Петя –яя, эн эмиэ олоххун оҥостуон этэ дии... Биир эмит үчүгэй кыыһы билсэн, ыал буолан. Маҥнай арыгыгын эмтэтэн көрбөппүт дуо? Суол аһаҕас, Наахаралыах?
    -    Ээ, суох маа, кэбис. Мин оннук эн саныырын курдук дьаарай ылларбыт арыгыһыт буолбатахпын ээ. Бэйэм акаарыбын, ону билинэбин. Мэниктээни иһэбин. Санаам күүһүнэн бэйэм тохтуохпун баҕарабын. Оттон кыыс чааһыгар оттон биир эмит үчүгэй кыыс көстөө ини ама биһи дьолбутугар? - Бүөккэччээн хараҕар кэрэ Ньурба кыыһа Настя кыталыктыы кынталдьыйбыт сырдык мөссүөнэ көстөн кэллэ – Ийээ, мин эйиэхэ тылбын биэрэбин, эһиил эйиэхэ хайаан да сиэн минньигэс сытын биллэриэҕим, сөөп?
    -    Ээ, оннук бөҕө буоллаҕа, оҕом сыыһа – Маарыйа эмээхсин хараҕа мичийэр...

    0
  • Кыраһа суруга
    22 июня  

    Бүөккэчээн эбиэттэн баран дьиэтигэр телевизор көрө сытта. Нвкаҕа быһа эфир Намҥа Олоҥхо ыһыаҕын көрдөрөллөр. – Оо, манна барбыт киһи баар ини – уол саҥа аллайар. Дьон-сэргэ бөҕө тоҕуоруспут, ырыа-тойук, үҥкүү-битии бөҕө. Дьэ бу буоллаҕа дьиҥнээх дьоһун тэрээһин, сынньалаҥ, төрүт сахалыы оһуохай, бар дьону кытта биир тыыҥҥа киирии, сомоҕолоһуу.
    Бүөккэ бэҕэһээҥҥи Ойуун кэрэ куолары абылыыр абааһы, сибиэн икки ардынан илбистээх дьикти-дьиибэ үҥкүүтүн санаан хата күллэ-сонньуйда. – Баҕайы, өссө хомуһуннаах баҕастаах. Маарын эмиэ эрийэ сатаабытын телефонун сбростаан кэбиспитэ. Сырыттын. Хата Оҕонньор ханна тиийдэ буолла?
    Бу кэмҥэ – Ээ һийэ һийтэ-һийиэ һийиэ, Куйуурдуу киирэҥҥин ойбону алларан, балыгы тэптэрэн! – диэн телефонугар звонокка турар Лэгэнтэй ырыата иһийбит чуумпуну аймаата.
    Экраҥҥа – Настя – диэн аат таҕыста. – Тыый, Наака барахсаан, сэгэртэйим сыыһаа..
    -Алло Наака истэбин
    -Петя өссө төгүл привет! Хайа бүгүн туох былаан, тугу дьыалайдаатыҥ?
    - Ээ улахан суох дьиэбэр сытабын, нвк көрөбүн
    - Петя у меня предложение, Олоҥхот ыһыаҕар давай барыахха?
    - Ээ, ырааҕа бэрт дии
    - Оттон мин красавицам Сурфинам баар дии, давай Петя түргэнник хомун, я минут через пятнадцать заеду! Окей?
    - Оо, оо, хайыырым буолла…
    - Никаких возражений, едем Олоҥхо Ыһыаҕа и все! Хата балааккалаах буоллаххына ылаар!
    Дьэ ити, Ньурба Ньурба курдук сытыы кыыс түргэн баҕайытык дьыаланы быһаара оҕуста! Настяны сөҕөрө элбээн иһэр. – Һуу, балаакка, балаакка ээ арба былырыын Оҕонньордуун өрүскэ спининныы бара сылдьыбыппыт дии, Китайкаттан туох эрэ балаакка ылбытым дии, бээ балкоҥҥа көрүөххэ.
    Хата балааккката балкоҥҥа сытар эбит. Уол үөрдэ. Ийэтигэр сэрэттэ доҕотторбунаан Намҥа ыһыахтыы барар буоллум диэн. Ийэтэ эмиэ сэрэхэчийдэ- Эмиэ били Ойууҥҥунаан дуо? – Ээ суох, кэбис маа олох нормальнай испэт-аһаабат доҕоттор – диэн.
    -    Оннук эрэ буоллун. Дьэ киһи ситинник табаарыстарданыахтаах. Кытаатын үчүгэйдие сылдьан кэлээрин..
    Сып-сап Бүөккэ мааны маҥан ырбаахытын булла, бүрүүкэтин, барытын өтүүктэнэ оҕуста. Ветровкатын кэттэ.
    Оруобуна биэс чааска дьиэтин иннигэр Настя айаннаан кэлэн сигналлаата. –Кэллим, таҕыс – диэн эрийдэ.
    Нам трассатын устун күлүмүрдэс «SURF» дьулуруйан айанната турда.

    0
  • Кыраһа суруга
    22 июня  

    Ыһыахха тиийдилэр. Дьон-сэргэ бөҕө тоҕуоруспут. Тыа саҕатыгар тиийэн балаакаларын туруордулар. Дьаарбайа бардылар. Бүөккэ эмис сыалаах үтэһэлээх эти өрөһөлүү атыыласта, эбии өссө уохтаах кымыс ылла. Күлүк сиргэ түһүлгэҕэ киирэн остуол тула олорон аргыый чэйдээтилэр. Салгыы кэнсиэрдэри кэрийдилэр. Саха эстрадатын ырыаһыттара бөҕө кэлбиттэр. Ырыа-тойук бөҕө. Тус-туһунан түһүлгэлэргэ улуустартан элбит ырыаһыттар да хаалсыбаттар. Кырдьаҕас өртө байаанынан доҕуһуоллатан урукку кэмнэр ырыаларын ыллыыллар. Эдэрдэр аныгылыы поп-музыка, рэп.
    -    Арай биир сиргэ эдэр уолаттар тахсаннар урут “Бабочкалаах уолаттар” ырыаларын ылллыы тураллар – Кэрэ кыыс элэккэй мичээрэ, Сэргэлээх мин дьылҕам, мин үөрүүм, Кынаттаах ырыанан эйээрэ, Көй салгын күөнүгэр көппүтүм...
    Бу ырыа уоллаах-кыыс сүрэхтэрин-быардарын ортотунан киирдэ. Оруобуна били сүүрбэчч сыллааҕыта, э Настя төрөөбүт күнүгэр саас, Сахалыы Викторияҕа физкультурник студент уол саха тылын салаатын студенкатыгар Настяҕа бу ырыаны бэлэхтээбитэ дии...
    -    Настя өйдүүгүн, били эһиги хоскутугар 14 –үс уопсайга, 508 хоско бары мустан эн төрөөбүт күҥҥүн ылбыппыт дии, Бүөккэ Настяны кэнниттэн синньигэс биилиттэн кууһан туран сипсийдэ.
    -    Өйдөөн бөҕө доҕор, өйдөөн, ама хайдах умнуомуй, өссө ол киэһэ хойут, эн уолаттартан соҕотох хаалаҥҥын вахтертан орон анныгар саспыккын – Настя истиҥник мичээрдээтэ.
    Иккиэн дьоллоохтук күлүстүлэр.
    Киэһэрдэ. Сөрүүн түстэ. Хатыҥ чараҥ саҕатыгар турар балааккаларыгар төнүннүлэр. Ыһыахтан илдьэ кэлбит өссө эбии атыыласпыт үтэһэлээх эттэрин, кымыстарын, үөлүллүбүт соболорун, шашлыктарын, Бүөккэчээн ийэтэ ис сүрэҕиттэн астаабыт бэрэскиилэрин, алаадьыларын хостоотулар, кыра остуол тартылар.
    Бүөккэчээн икки алаадьыны ылан балаакка кэннигэри үүнэн турар аар хатыҥҥа тиийдэ. – Үрдүк Айыы Аар Тойон, Улуу Эҥсиэли хочотун иччилэрэ, үрүҥ тунах ыһыах ыһар күҥҥэ эһиэхэ сүһүөхтээ х бэйэм сүгүрүйэн туран,хоолдьуктаах бэйэм хоҥкуйан туран көрдөһөбүн, арыылаах алаадьынан айах тутабын. Сүрэҕим сөбүлүүр доҕорбунаан айаммыт аартыгар алгыстаннын, сырдык айыы сыдьаайа олохпутун сырдаттын, кэнчээри кэлэр ыччаппыт кэскиллэннин. Дом, дом, дом! Сөрүүн тыалга сипсийэ суугунуу турар аар хатыҥ анныгар икки саһара буспут алаадьылар хааллылар...
    Сайыҥҥы үрүҥ түүн икки сүтэрсибит таптаһар сүрэхтэр ыгыта куустуһан, айылҕаны кытта биир ситимҥэ, тэтимҥэ киирэн иһийэн, долгуйа сырдаан сыттылар...

    0
  • Нам
    23 июня  

    Олус үчүгэй!

    0
  • Саха уола
    21 июля  

    Олус үчүгэй кэпсээн салҕытын кэттэһэбит

    0
  • Мин
    27 июля  

    Салгыыта хаьан тахсар? Интересно же. Суруйан иьиий

    0
Ответ на тему: Бүөккэчээн
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания