2 года на форуме Топ пользователь 5000 просмотров Все
Награды
2 года на форуме
2 года на форуме
Топ пользователь
Топ пользователь
5000 просмотров
5000 просмотров
Уоруллубут дьол - дьол буолбатах.
  17918
Дорооболорун, син сэнээрэн аагар дьоннор бааллар дуу? Урут эмиэ биир кэпсээн суруйа сылдьыбытым, син дьоннор булан аагаллар этэ, билигин эмиэ холонон керуем дуу дии санаатым.
Уус ууран сахалыы кыайан суруйбаппын, бырастыы гынын, сыыьалардаах да буоллахпына улаханна ууруман 🙌🏻

Бу кэпсээн син туох эмит уерэтэрдээх буолуо диэн эрэнэбин, эдэр кыргыттар, эр дьоннор даганы киирэн ааган тугу эмит бэйэгитигэр септеегу булан таьаараарын.

***
Кун уота туннугунэн киирэн симэн сыппыт харахтарбар оонньоон ылла. Сарсыарда буоллага дуу? Тургэнин... Соторутаагыта эрэ харахпын симпит курдук этим дии? Дьиэ иьэ уу чумпу. Арай заалага ханна эрэ былыргы чаьыы улахан багайытык секуундэлэри ааган тыаьыыр. Хайа бу кыыс ханна барбыт буоллагай?
Ороммуттан туран туннук таьыгар баран тураммын штораны арыйан кердум. Наьаа даганы учугэй кун ууммут этэ... Биир даганы былыта суох сып сырдык халлаан, оттор мастар кыратык тыалтан хамсаан ылаллар игин быьылаах. Наьаа куйаас кун буолбакка серуун согус кун ууммут дуу хайдах дуу... Инник диэн толкуйдуу толкуйдуу таьырдьа тагыстым.
Дэриэбинэ сарсыардатын кытта туох тэннэьиэй? Сана уьуктан эрэр айыл5а, куммут син уеьээ турбут, тыгара сылааьын... Онон манан кэрэчээн дьуьуннээх лыахтар кетен кылабачыйан кестеллер, уьун куех от быыьыгар дьэрэкээн сибэкиллэр урдулэринэн куустээх тыас таьааран тигээйилэр кетен буккулла сылдьаахтыллар, кестубэт да буоллар, син баалларын биллэрэн аьыынкалар тыастара тэлгэьэни биир гына ылан турардаах. Куулэ кирилиэьигэр туран аата бу дьикти кэрэ кестууну кербетегум наьаа даганы ырааппыт эбит дии санаатым...
Урут, ого сылдьан, дэриэбинэгэ аймахтарбар сайылыы диэн куруутун тахсааччыбын. Улаатан баран кэлэрим барарым аччаабыта. Уонна бу, хас эмит сыл буолан баран, биир дьуегэбэр агыйах неделяга куулэйдии диэн аатыраммын кэлбитим...
Бэйэм аатым Нина, оччолорго 21-дээхпин. Урдук уерэххэ уерэнэ сылдьыбытым, ол сайын сессиябын этэннэ сабан, сынньана сылдьаахтыырым керунэ. Куьун дьэ бутэьик курс буолуохтаах этим, диплом игин айдаана... Чэ ол хааллын.
Дьуегэм диэн Таня кыыс, бэйэбиттэн икки сыл улахан, уерэнэ сылдьан уерэгин быраган кэбиспитэ, билигин икки оголоох, бу дэриэбинэгэ кэргэнин дойдутугар кэлэн олорор. Кэргэнэ бу куннэргэ куоракка наадатын ситиьэ киирбитэ, онон бэйэбит эрэ олорор этибит хаьаан кэлиэр диэри. Таня бастакы кыыс оготун Нарыйаананы олус эрдэ тереебутэ. Оскуоланы бутэрээри сылдьан, 17 сааьыгар. Ол кэниттэн уерэххэ киирэн, уерэнэ сылдьан билинни кэргэнин керсен иккис оготун 19 тереебутэ.
Куулэгэ тураммын ейдеен кербутум, 5-тээх Нарыйаана уонна 3-тээх Андрюша теплица кэннигэр кумах куттулубут сиригэр оонньоон буккулла сылдьаллар эбит.
- Нарыйоо, чыычаах, ийэн ханна барбытай? - диэн ыйыталастым.
- Оо, эдьиий турбут!! - диэн баран оголор барахсаттар суурдэн кэллилэр миэхэ. Андрюшаны кетеген ыллым, Нарыйаананы оройуттан сыллаан ыллым. Андрюша барахсан сын сыраан беге буолбут, онтукатыгар кумах сыстан сирэйэ кибис кирдээх.
- О дьэ, свинюшка! Кэлин эрэ, баран бары суунуохха! - диэммин илдьэн оголор сирэйдэрин, илиилэрин сууйдум, уонна чэ бэйэбин керуннум.
- Ийэн ханна бардай диибин ээ, - диэммин иккистээн ыйыттым.
- Маама магаьыынна барбыта. Клара кэлэн тугу эрэ агалбыттар диэн илдьэ баран хаалла. Эдьиий турдагына аьатаарын диэбитэ! - диэн кыыс чобугураан кэбистэ.
- Ньиэчукурук, тугу аьатар уьугунуй ол, - диэммин куллум. - Эьиги хаьаан аьаабыккытый? Киириэххэ эрэ дьиэгэ...
Иннэ гынан оголорбун соспутунан дьиэгэ киирэн сарсыардааны аьылыкпытын аьаатыбыт. Чаьы номуно 10 чааьы ааспыт эбит... Бэгэьээ Танялыын хойуккаанна диэри кэпсэтэн хаалбыппыт, ол иьин утуйан хаалбыппын. Алдьаххай эрдэьит курдук сананар этим даганы бэйэбин, оннук буолбатах эбит.
Оголор телевизор иннигэр баар буола тустулэр, онтон мин иьит сууйан, дьиэ хоймуйан, быыл сото сырыттахпына аан тэлэччи арыллан Таням дьиэ иьигэр биирдэ баар буола тустэ. Икки улахан багайы пакеттардаах.
- Ьуу, нэьиилэ соьон агаллым! Абытай да абытай! Итийэн агай эрэр ээ, таьырдьа! Бу Клара елка киьини сугун олордубакка суурэн кэллэгэ уьу ээ маарын! Товар агаллылар диэннээх, хайыахпыный, суурэн бардагым дии! Хата эн, утуйаанова, турбут эбиккин дуу! - диэн элбэх элбэ5и санаран кэбистэ.
Таня уьун унуохтаах, теье даганы икки оголоогун иьин хатыныр бегете, сырдык согус кыыс. Кугас еннеех баттагын кылгас гына кырыйтаран кэбиспитэ, манан да манан кожалаах, киэн багайы харахтаах, кырасыабай багайы кыыс. Эбиитин саналаах инэлээх буолан киирэн тахсан кыыс огото.
- Хайа бу магаьыыны барытын халаан кэлбиккин даа... - диэн куллум. Заалаттан оголор суурэн кэлэн ийэлэригэр иилистэ тустулэр, "мамаа тугу агаллын" дии диилэр.
- Бэ рэ, эьиги тохтуу туьун! - Таня оголорун кыратык туоратта. Уонна сээкэйин хостоон киирэн барда. - Иччи центрга сылдьыбыт киьи продукталаан да ыллым, мэ рэ бу оголорого кэмпиэттэрин биэр эрэ... Таак, компот баар эбит хата, чэ ону киэьээ сиэхтэрэ... Хлеб, буоларын курдук... Тойоммут табага... Ыараабытын! Куораттан атыылаьан кэлэр ини эбии, мантыкатын начаас бутэриэгэ! Халбаьы ыллым кыратык... - ааттаабыт продуктатын остуолга ууран истэгин аайы мин холодильникка, ыскааптарга угаталаан иьэбин. Оголорго иккилии кэмпиэт туттартаабыппар уерэ кете дальше мультиктарын кере суурэн хааллылар.
- Туох товарын агалбыттарай ол?
- Ээ акаары багайы, барыта мээнэ! А так сана мочалка ыллым, доместос агалбыттар пфф! Эмээхситтэр халаттарын агалбыттар, туох эрэ страшнай багайы кофталар игин, айка тугу да ылбатым! Затооо... Атын туох эрэ баар... - диэн баран пакет тугэ5иттэн икки бутылка вино хостоон таьаарда. - Нэьиилэ тардан ыллым! Бары дьэ саба туспэтилэр ээ! Клара биэьи ылыан бага ынырык, эн огонньорун куораттан агалыа бо диэннээх! Учугэйэ бэт, былдьаьан былдьаьан 2 ыллым э... - дии дии Таня куллэ.
- О дьээ, тугун эмиэ былдьастын... Васян агалыа этэ буоллага дии кердеебутун эбитэ буоллар! - диэтим мин.
- Вася то привезет, никуда не денется. Онтукатын бэйэтэ же суоттуу сылдьыага. Уонна биьигини ыытыа дии саныыгын? Бэйэтэ в первую очередь бассар буоллага дии. Так что это потом! Кэлэрэ да ыраах. Онтон бу бугун биьиэнэ бэйэбит киэнэ! - диэн баран кыыьым ылан ыскаап анныгар кистээн кэбистэ.
- Ээ чэ, тугун эмиэ! Оголорун онтон?
- Ха, все продумано! Мээнэ атыыласпыта буолуо дии саныыгын да? Мамашабытын керустум, Васек маматын. Оголорбун агынным кэлэн керебун да диэбитэ, ону мин миэхэ подругам баар диэн кэбистим.
- Таня! Того иннэ диигин, ол мин хайыыр уьубунуй, кэлэн кердун ээ, аата сурун! - диэммин ис испиттэн соьуйдум. Туох диэн санаабыта буоллар билигин ол чуечэ?!
- Бэ рэ, иьит эрэ! Соруйан диэтэгим дии. Между прочим, мамашабыт акаары буолбатах ээ, бэйэтэ сырыы сылдьыбыт, эс да... Короче, оголору мантан киэьээ илдьэн биэрэбин антах, уонна завтра в обед ин ылабын. Хайдагый? И самое главное, то что она это сама предложила! - диэн Таня сээкэйдэрин дьэ хостоон бутэн уоскуйан олоппоско олордо.
Мин саарбахтыы олордум:
- Хайдах эрэ дии... Туох диэн саныагай?
- Нинка, бут! Багар эн куоракка олорон хас кун аайы свобода буолуо, мин манна кыьыны быьа хаайтаран олордум, биирдэ тыын таьаарыахха сеп буоллага дии! Уонна икки эрэ вино бытта, кэпсэтэн сэлэьэн баран утуйуохпут буоллага дии!
Мин испэр кулэ санаатым. Хаьаан Таня ылан спокойно утуйан хаалбыт уьунуй... Чэ буоллун даганы, мин хаьаайка буолбатах буоллагым дии...

Оннук курдук куммутун атаардыбыт. Оголору кытта сетуелээн кэлбиппит, ол кэниттэн эбиэт кэннэ Андрюшаны утутан баран хаьаан уьуктарын куутэ олорон хаартылаатыбыт, телевизор даганы керен ыллыбыт. Таням настроенията олох учугэй, таах суурэ кете сылдьар. Мин ону кере-кере испэр кулэбин. Кырдьык даганы, кыьыны быьа биир дьиэгэ ханна да барбакка кэлбэккэ олорон кер эрэ... Дессе сурдээгин кеммут дии, урут студенныы сылдьан пятница аайы Таня куулэйин айдаана этэ. Билигин ыал ийэтэ буолан олох куулэйдээбэт ин буолбут. Билигин кэлэн биирдэ эмит спокойно олорон винолуур куьаган уьу дуо? Диэммин бэйэбин уоскутуна олордум. Ол гынан баран сим биир Вася дьонноруттан ин кыбыстыбыта буолабын. Туох дии саныахтарай миигин? Куьаган подругалаах эбит диэхтэрэ суога дуо? Бэйэм инник наар барытын толкуйдуу сылдьар куьаган багайы идэлээх этим, онтукайбыттан сорогор наьаа санааргыырым. Сылдьаллар дии дьоннор спокойно, того мин наар барытын толкуйдаа да толкуйдаа буолуохтаахпыный?!

Киэьээ буолбутун кэннэ Таня оголорун сиэппитинэн аннараа дьонно барбыта. Оголор хата эбээллэххэ хоно бардыбыт, урааа, бегетун туьэрэн уерэ кете бараахтаабыттара. Биирдэ эмит инник бараллар эбит, Танялаах Вася сынньанаары, эбэтэр ханна эрэ куулэйдээри гыннахтарына. Эдэр дьон буоллага дии...
Мин дьоммун атаартаан баран куулэ кирилиэьигэр олордум. Серуун тыал кэлэн баттахпынан оонньуура, куммут дьиэни эргийэн сим биир сылааьын бэлэхтии турара. Мин харахпын симэммин оргууй агайдык мичээрдии олордохпуна, арай эмискэ туох эрэ буолбутун курдук харахпын арыйан олбуор диэки кере тустум.
Сэрэйбитим дуу онно? Билбитим дуу?
Олбуор аттыгар хайа эрэ уол турарын кереммун соьуйдум агай. Уьун унуохтаах, доруобай буолбакка хатыныр согус уол буоларын ейдеен кердум. Миигин керен баран турар эбит... Хайа бу хайдах буолбут буоллагай? Миигин точно билбэт, того инник керен баран турарый? Хайдах эрэ ыксаан хааллым, омуммар кытара да тустум быьылаах. Ойон туран дьиэ иьигэр киирэн хаалаары гыммыппар киьим сана таьаарда:
- Дорооболорун! - диэн баран мичээрдээн ылла.
Теье даганы ыраах турарын иьин, хайдах эрэ барытын ейдеен кере огустум... Эмиэ сырдык уол буолан биэрдэ, кылгас кугас баттахтаах, наьаа хойуута суох сырдык хаастах, уонна уп улахан куехтэни курдук харахтаах... Мичээрдээбитигэр дессе тупсан биэрбит курдуга... Улахан согус муннулаах уонна таллагар кулуулээх багайы кулгаахтаах... Мин наьаа соьуйдум, обычно дьоннору наьаа инник керееччум суога ээ, билигин буоллагына аж тугун барытын ейдеен кербут курдугум.
Санарбытыгар эппиэттэбэккэ дейен хаалан баран турдум.
- Васек баар дуу? - диэтэ.
Мин сатаан сана таьаарбакка те
Ответов 83 Написать ответ
  • Miss_X..009
    11 января 2017  

    Мин сатаан сана таьаарбакка тебебунэн илгистэн ыллым. Киьим эмиэ мичээрдээн ылан баран:
    - Аа, кэлэ илик да куораттан? - диэтэ.
    Хайдах хайдах буолбуппунуй бу, диэн бэйэбин мегутэ турдахпына, уол калитканы арыйан дьиэ диэки хааман иьэр эбит! Ону кереммун наьаа ынырыктык долгуйдум, дьиэ иьигэр киирээри гынан баран, сатаан хамсаабакка биир сиргэ туран хааллым. Наьаа дьикти тугэн этэ... Хаьаан даганы маннык буолааччым суога! Наьаа куех оту тосту уктээбэтэх, уоллуун хаьаан даганы кэпсэппэтэх буолбатах этим! Билигин кэлэн куолайым барыта хатан, куолаьым сутэн хаалан, биир да тылы нэьиилэ кыайан быктарбакка турдум. Уол чугааьан баран уеннээх багайытык мин диэки керен баран турда.
    Нэьиилэ, ыгыллан ыгыллан, иьим тугэгэр:
    - Аьаа... - диэн ыллым.
    - Онтон Таня?
    Харахпын сиртэн арааран, куус уох эбинэн кини сирэйин кердум... Онно бастакыбытын харах харахха керсен ылбыппыт. Харага олох да куех буолбатах эбит, сырдык кугас еннееге, гынан баран хайдах эрэ уоту хаптагына куегунэн умайан ылара... Дирин да дирин харагын иьигэр мин бэйэм куттанан хаалбыт сирэйбин ейдеен кердум... Уонна ол быыыьгар туох эрэ тыаьаабыт курдук, эмискэ куттаммытым, долгуйбутум барыта сутэн хаалла. Дууьалыын чэпчээбиккэ диэри буолбутум, уонна ер хаайтаран турбут салгыммын таьаардым. Тыыммын хаайан турбуппун бэйэм да ейдеебекке хаалбыппын... Сурэгим бу иннинэ хаайтарбыт чыычаах курдук тэппит буоллагына, билигин кэлэн бытааран оннугар туспутэ. Мин эмиэ мичээрдээн ылбытым, уонна:
    - Оголору эбээлэгэр илдьэ барда... - диэммин эппиэттээтим. Куолаьым салыбыраабата даганы, иьим тугэгэр да иьиллибэтэ. Барыта наьаа чэпчэки, уонна буолуохтаагын курдук буолан хаалла.
    - Таня подругатагын да? - диэтэ арай.
    - Аьаа, хантан биллин, - мин кулэн ыллым.
    - Э дьэ, дьоннор аймаммыттара ыраатта... Мин Толя диэммин, наьаа сосед да буолбатарбын, мантан чугас олоробун! - уонна илиитин мин диэки уунна.
    - Нина... - сэрэнэн кини илиитин туттум. Элбэги улэлээбит, мозоль бегелеех уп улахан сып сылаас ытыстаага.
    Сэрэйбитим дуу мин? Бу баар эбит, дьиннээх аналым, бу сиргэ киьи биирдэ эрэ булан ылар тапталым турарын?
    Билбитим дуу, бу киьи киэнэ буолуохтаахпын, ол туьугар тереен уескээн сылдьарбын?
    Ейдеебутум дуу, того бу иннинэ атын уолаттары кытта туох даганы табыллыбатын?
    Бастакы керееьунтэн таптал диэн баарын итэгэйбитим дуу?

    1
  • Miss_X..009
    11 января 2017  

    Оннук кэпсэтэ туран хаалан хаалбыппыт. Толя атын тэйиччи согус баар улууска улэлиир эбит, манна отпускатын кэмигэр дойдутугар сынньана кэлбит. Васяттан арыый сааьынан кыра буолан, наьаа билсибэттэр эбит, ол гынан баран бутэьик кэмнэ улэлэрэ биир эйгэгэ сытар буолан, кэпсэтэллэрэ алтыьаллара элбээбит. Бу сайын быдан догордоспуттар, уонна Вася куоракка баран массыына запчаьын булан атыылаьан агалаыахтаагын барытын кэпсээн биэрдэ.
    Таняны сурдээх кыыс диэн кулэн да ылбыта.
    Мин кэлбитим ус кун буолла диэбитим, сетуелуу сетуелуу сылдьабыт диэн кулбутум, сотору сир аьа бустагына тыа кэрийбит киьи ин диэн эппитим. Ону киьим кулэ кулэ кинини сирдьит буола илдьэ барыахтаахпыт диэн хаайан туран тылбын ылла.
    - Хата Вася кэллэгинэ шашлыктыы ин барбаппыт да? Или балыктыы? От сагалана илигинэ олох айылгага тахса иликпин, дьиэ ис тас улэтэ бутэн абыраабакка турда... - диэтэ арай эмискэ.
    - Мм, билбэтим... Таня ин туох диирэ буоллар...
    - Э дьэ, Таню я беру на себя! Шашлык диэн истэн бу суурэн иьэр буолбатагына мин бу олоххо тугу да билбэппин! - диэн баран эмиэ куллэ.
    - О дьэ, наьаа даганы оннук буолбатар...
    Оннук курдук буолар буолбаты чэпчэки багайытык кэпсэтэ турдубут. Мин бастаан керен баран туох алдьаххайдык долгуйбутум, кыбыстыбытым эбитэ буоллар... диэн санаалар тебебер кетен ааьаллара даганы, ылан кыйдаан кэбиьэрим.
    Кэпсэтэ турдахпытына, арай Таня саната иьиллиннэ.
    - Аючээ, Толик! Успейдаан кэлэ охсубуккун дуу елка, киьи барбытын керен баран?!
    - Привет! Наьаа да оннук буолбаккагын, дьиэлээн испиппэр подруган манна скучайдыы олорор этэ дии!
    Таня кэлэн Толяны санныга саайбыта буолбута.
    - Ким да манна скучайдаабат ээ, в отличие от некоторых! - диэн баран тылын кердерде подругам. - Хата эн тоскатыйа сылдьан ханна кыыс баар эбитий диэн кере сылдьар инигин!
    - Ээс, Таня! Сурэхпин хайытымарыый, инник киьи буолбатахпын билэгин бытта! - диэн Толя икки илиитин уеьээ уунан, бэринэрин биллэрдэ.
    - Чэ чэ, живи пока! - Таня кирилиэскэ олорунан былыргы кофе банкатын хостоон табахтаан киирэн барда.
    Толя сып сап Таня таьыгар олорунан кэбистэ уонна эмиэ табахтаата.
    - Онтон эн? - диэн мин диэки керде.
    - Бээ ыл, ону маны ыйытыма, бэрэдэктээх ого интикэн! - диэн Таня куллэ.
    - Ээ, сэп сэп, алгас...

    - Мээнэ лахсыйа олоруон да, бар туохта эмит агал баар буоллагына! Суох буоллагына досвидос, биьи Нинкалыын мантан киэьээ девичниктыыбыт! - диэн кэбистэ Таня, табахтаан буппуттэрин кэннэ.
    - Ол иьин даганы, маарын Кларкалыын бэккэ суурэн испиккит ээ! - Толя куллэ.
    - Бар чэ, ая, эйиигин кытта кэпсэтэн да диэн.
    - Кэлэбин да онтон? Суох дуу? Багар ессе кими эмит булан агалыам? - Таня диэки уеннээх харагынан керде.
    - Бут, соготох кэлээр, аны оннук маннык диэттэрэ сылдьаайагын киьини! - Таня кыыьырбыта курдук буолла. - Кытаат чэ бар, пока я не передумала, киьи сылайар эйиигиттэн!
    - Одна нога здесь, другая там! - диэн баран тахсан баран хаалла.

    1
  • Miss_X..009
    11 января 2017  

    - О дьэ, Таня, того ынырдын? Бэйэбит эрэ олоруохпут диэбиппит буолбатах да? - диэммин наьаа себулээбэтэхпин биллэрдим.
    - Чэ бут, Толик учугэй уол, ити уеннэнэрбитин истимэ. Кэпсээн бегелеех, с ним не соскучишься!
    - Ага, как будто с тобой соскучишься!
    Таня куллэ:
    - Вот, сиди и радуйся! Уол диэни кытта кэпсэппэтэгин уйэ буолбута буолуо!
    - Наьаа даганы уйэ буолбатар...
    - Знаю я тебя! Арба туох диэн санаатын?
    - Кими? Толяны да?
    - Миигин буолуо да! Кинини буолбакка!
    - Туох диэн саныахпыный... - диэммин умса керен кэбистим.
    - Вот и правильно, наьаа санаама, онтукайын... -
    Эмискэ Таня телефона тыаьаан саайда. - Васек эрийэр!
    Ыаллар тугу кэпсэтэллэрин истимээрибин дьиэ иьигэр киирэн хааллым, уонна диванна олордум.
    Туох туох буолара буоллар?

    Киэьээбитин ол гынан наьаа учугэйдик атаарбыппыт. Толя кырдьык саналаах уол буолан биэрдэ, иккиэн Танялыын куоталаьа куоталаьа буолар буолбаты кэпсии кэпсии куллэрэн да биэрбиттэрэ. Вася кэллэгинэ шашлыктыы барыах буолбуппут, балыктыы да барыах буолбуппут, сир астыы да бииргэ барыах буолан туун ортотун сагана таргаспыппыт. Утуйаары сытан, харахпын симтэхпинэ кини мичээрэ кестен ылара... Кулгаахпар кини куолаьа, кулэрэ чугдааран иьиллэрэ... Ама бу дойдуга кэлэн аналбын булуох тустаах этим даа, диэммин холуочуйбут санаабар санаан ылбытым игин...

    Дьэ ол кэниттэн сагаламмыттара биьиги дьоллоох куннэрбит. Сарсыардаттан олох ойон туран биир сиргэ олорбот этим, кухня туннугуттэн арахпакка наар ол диэки сылдьааччыбын. Багар кини хааман иьэрэ буолуо диэн... Толя кун аайы кэлэр буолбута. Кунус кэлэн массыынатыгар барыбытын тиэйэн баран сетуелуур сиргэ илдьэрэ. Онно дьэ сетуелээн, мэниктээн да биэрэр этибит. Оголортон хаалсыбакка хаьыы ыьыы бегетун туьэрэн, уу абаьааылаах оонньоон, кумахтан замок тутан... Киэьээлик оголору утутан баран куулэгэ чэйдии чэйдии олорооччубут. Онно кэлэн табахтыы табахтыы, чэй иьэ сэлэьэ олорооччубут. Ол быыьыгар хаартылыыбыт, лотолуубут. Сорогор Клара, соседка чуечэ, кэлэн оонньоьооччу, уонна Толя оскуолага уерэнэр быраатын Костяны агалааччы. Кыратык олоро туьэн баран Костя волейболлуу баран хаалааччы, Толя буоллагына биьигини кытта олорон хаалара. Ол кэниттэн икки ус чааьынан Костя дьиэлээн истэгинэ эмиэ биьигини таарыйан ааьан, убайын ылан дьиэлээччилэр. Мин наьаа волейболлуохпун багарар этим, оскуолага сылдьан син мээнэ киирсэр этим, ол иьин биирдэ аатаьан туран Костялыын барсан кэлбитим.
    Барыта кыра оголор буолан бастаан дьиктиргээбиттэрэ, кыргыттара ин себулээбэтэхтэрэ быьылаах, гынан баран кэнники, оонньоон игин баран син бэттэх кэлбиттэрэ. Бутэьигэр бары кулэн-уерэн, сарсын эмиэ оонньуу кэлээр диэн ынырыллан дьиэлээбитим.
    Куннэр оннук биллибэттик ааьан испиттэрэ. Эмиэ даганы наьаа тургэн, эмиэ даганы наьаа бытаан курдуктара. Биир эрэ неделя буолаарыбын, ологум анаарын манна олорбут курдугум.
    Уонна ологум анаарын Толяны билэр курдугум...
    Наьаа элбэги кэпсэппэт этибит, уксун кинилэр Танялыын кэпсэтээччилэр. Мин туораттан керен баран олорооччубун. Кини кыламанын, хааьын, харагын, муннутун, уоьун... Мин диэки эргилиннэгинэ атын сир диэки кербутэ буоларым... Алхас харах харахха керсен ыллахпытына иьим тугэгэр туох эрэ кычыкыланан ылара, сурэгим, бэл, айахпынан тахсан бараары гыммыт курдук тэбэн ылара... Ааьан иьэн хайдах эрэ таарыйбатах киьи, дии саныырым. Ол гынан баран, таарыйсыбатах даганы буоллахпытына, эппинэн хааммынан билэрим... Хаартылыы олорон, уун утары керсен баран олорооччубут. Хаартыларынан сирэйбин саптан баран, харагым эрэ кестер курдук туттан баран олорооччум. Кини харагын иьин кердехпунэ тимирэн хаалыах курдук этим...
    Хас биирди онорбут хамсаныыта, хас биирди санарбыт тыла, барытын ейбер хатааччыбын. Миигин дьээбилээн тахсааччы уонна... Дьээбилээн туох эмит диэн ааттаатагына, кулуу гыннагына кыра ого курдук уерэрим, испэр астынарым...
    Барыта туул биит курдук этэ. Эргиллибэт, сайыьа хаалбыт ого сааспар теннубут курдук этим. Онно баар этэ, истин догор, маннайгы таптал, тугут курдук хара харахтардаах уолчаан... Ол барыта ааспыта, былытынан буруллэн, тургэн урэх долгуннарын кытта батыьан, тыа кэтэгэр суппутэ... Ол эрэн бу билигин, мин иннибэр, барытын санаттан сагалыыр киьи баар буолбатах дуо? Мин эмиэ тыынабын, мин эмиэ уерэбин, суурэбин, кими эрэ куутэбин... Мин эмиэ тыыннаахпын, сурэгим эмиэ тыыннаах эбит! Син кими эрэ кэтэьэр, туохха эрэ эрэнэр, кими эрэ себулуур эбит...
    Оо, кэрэтин, сана уунэн эрэр сыьыан... Этиллибитэх кистэлэн тардыьыы, ыраас нарын иэйии...

    1
  • Miss_X..009
    11 января 2017  

    Инник курдук куннэр ааьан испиттэрэ... Сотору согус буолан баран Вася кэлбитэ. Дьэ онно эмиэ тердуелэьэн онно манна сылдьар буолбуппут.
    Толя массыыналаах буолан багардыбыт даганы ханна багар баран кэлэрбит. От кэмэ чугаьаан, ыксал буолан, киэьээ аайы тахсан куулэйдиир буолбуппут.
    Биир кун шашлыктаан кэлбиппит, иккис кунугэр кырдьык хордьук балыктыы диэн турунан куегу ин оностон бараахтаабыппыт. Туораттан кердеххунэ биьиги олох кэпсэппэт курдук кестербут буолуо даганы...
    "Миэхэ ити шампуру ыытый..." - диир Толя, уонна мин диэки керен ылар. Мин хаьаан баран шампур ылыахпар диэри харага миигин батыьар. Кэлэммин уунабын... Биир еттуттэн ылбакка, тутан турар еттубуттэн ылар, уонна алхас, агыйах секуундэ илиибин таарыйан ылар. Уунан ыстарбыт курдук дьигис гына туьэрим, уонна кистээн мичээрдиибин... Толя ону сэрэйбит курдук миигин керен туран эмиэ мичээрдиир...
    Ону ейдеен керуехтэрэ дуо? Билиэхтэрэ дуо? Биир минута иьигэр биьи икки ардыбытыгар испитигэр уьун да уьун кэпсэтии буолан ааспытын? Хайдах кини таарыйбыт илиибин уерэ уерэ керен ыларбын?
    "Чиэрбэни инник кэтэрдибэттэр ээ..." - диэн баран кэлэн куегубун ылан, крючокка чиэрбэни кэтэрдэн биэрэр. Мин кэниттигэр турабын, ураты кини бэйэтин сытын сыттаан, киэн кехсутугэр сыстан ылыахпын багарарым тугун дьиктитэй... Чугаьаан ылбытыгар, иэдэьигэр ханас еттуттэн кыракый шрам баарын ейдеен керебун. "Бу тугуй?" - диэммиин оргууй агай биир тарбахпынан иэдэьин таарыйан ылабын. "Ого сылдьан проволокага хайа таппытым..." диир.
    Туун утуйаары сытан, кини сибиэьэй салгын курдук, кыратык туох эрэ апельсиновай сыттаагын санаан кэлэрбин хантан билиэхтэрэй? Кини илиилэрин ылан уоспар ыга сыьырыахпын багарарбын хантан таайыахтарай? Кини иэдэьин сымнагаьа, сылааьа тарбахпар хатанан хаалбытын хантан ейдуехтэрэй?

    Сурэхпэр сана тыллан испит сыьыан дьиктитин, кэрэтин... Ама маннык буолуох тустаах этэ дуо? Ама маннык дьоллоох буолуохпун син дуо?

    Дьэрэкээн, ураты, сибэкки угун курдук кыракый, алдьаныах курдук сыьыаммыт улаатан испитэ. Кунтэн кун, чаастан чаас... Хас биирдии хамсаныыбыт, хас биирдии харах харахха керсуубут кэниттэн бу улаатан эстиэх курдуга...
    Эстэр кунэ кэлбитэ...

    1
  • Miss_X..009
    11 января 2017  

    Ол кун сарсыннытыгар Толялаах оттуу алаастарыгар киириэхтээх этилэр. Онон сибээстээн, киэьээ муьуннубут. Биьиэхэ вино ылбыттар этэ, бэйэлэрэ кыратык водка иьэбит диэннэр испиттэрэ. Хайдах эрэ дьикти багайы кун этэ... Эмиэ даганы сылаас, эмиэ даганы эмискэ багайы тыал кетутэн кэлэр. Теье даганы белые ночи буолбутун иьин, халлааммыт былыт беге буолан турара, онон киэьээ син харанарбыта. Биьиги эмиэ куулэгэ олорон, кэпсэтэн ипсэтэн олорбуппут. Эмиэ тыал кэлэн туннугунэн киирбитигэр, мин "ыччуу" диэбиппин кэниттэн Толя кэтэн олорор кофтатын уьулан миэхэ биэрбитэ. Оннук гымммытыгар мин тулуйбаккабын, кини диэки аьагастык керен баран мичээрдээтим.
    "Бэйэн томмоккун дуо?" - диэтим. Киьим "суох" диэн баран ессе кофтатын кеннерен биэрдэ. Арай Таня улахан багайытык: "Ээ арбаа, мин биири кэпсиэхтээх этим дии!" - диэтэ. Кини диэки керен ылбыппар хайдах эрэ дьикти багайытык керен ылбыта. Ама дьэ кэлэн сэрэйдэгэ дуу, диэн санааммын испэр уербут курдук этим. Мантан киэьээ хата кэпсээбит киьи? Ыйыппыт киьи? Миигин туох диэн саныыра буоллар? Эбэтэр мин бэйэм маны барытын айа олоробун дуу?..

    Дьоннорбут холуочуйбут курдук буолбуттара. Мин даганы тебем иьэ туманынан туолбут курдук этэ. Чэ чаас ыраатан эрэр, таргаьыахха диэн буолбута. Мин хайдах эрэ тугу эрэ куутэр курдук этим... Кэпсэтэбит дуо игин диэн ынырбат буоллагай? Сарсын оттуу баран баран хаьаан кэлэрэ биллибэт... Арай мин онуоха диэри баран хааллым? Кыра оголор буолбатахпыт дии, тугу эмит дальше быьаарсыахпыт эбитэ буоллага дии? Киьим эмиэ тугу эрэ этээри гынар уонна эппэт курдук туттан олороохтообута. Бу эрэ иннигэр Васялаах Таня биьини иккиэммитин хаалларааччылар дии... Того билигин кэлэн мэьэйэдэьэ сылдьаллар? Ол иннинэ иккиэн хааллахпытына мээнэх буолар буолбаты кэпсэтэ олорооччубут да буоллар... Билигин кэлэн тугу эрэ быьаарсыахпыт этэ диэн бигэ эрэллээх олорбутум...
    - Чэ рэ ыл, киириэххэ Нинка... Пока Толик, учугэйдик оттоор! - диэн баран Таня мин диэки керде. Мин соьуйан хааллым. Ейдеебут курдук кербутэ дии маарын? Того дьиэгэ киллэрэ сатыырый?
    - Тохтоо... Мин... - диэн истэхпинэ,
    - Киирдибит! - диэн кытаанах багайытык санарда. Толя биьиги диэки керен баран "чэ покаларын" диэн тахсан барда. Вася дьиэгэ киирбитэ ыраппыт этэ.
    - Туох буоллун, Таня эн? - диэтим мин кыыьырбыт куоласпынан. - Тугу да ейдеебетун что ли?
    - Ейдуурбунэн ейдеетум, хойут багайы ейдеммуппуттэн кыьыйабын, киириэххэ чэ... - диэн баран дьиэ иьигэр киирдибит. Дьиэ иьэ хабыс харана буолан биэрдэ. Таня хоьун диэки ааьа турда.
    - Сарсын кэпсэтиэхпит, холуочуйан хааллым... - диэтэ.
    Арай ейденен кэлбитим, Толя кофтатын кэтэн турар эбиппин.
    - Толя кофтатын умнубут! - диэммин таьырдьа суурэн тагыстым. Кэннибиттэн Таня туох эрэ диэн хаьытыы хаалан хаалла.
    Мин таьырдьа суурэн тахсаммын эргичиннээн кердум даганы, кими даганы ейдеен кербетум. Суолга тахсаммын араас диэки керутэлии сатаатым, ким даганы кестубэт. Хайдах эрэ ыксаан хааллым, уонна Толя наар барар суолун диэки суурэ турдум. Кулгаагым кырыытынан иьиттэхпэ Таня таьырдьа туран: "Нинаа" - дии турар курдуга. Акаары кыыс, соседтары барытын уьугуннараары диэммин испэр уехтум. Хата бэйэтэ даганы иннэ диэн санаата быьылаах, уонна хаьытаан буттэ. Мин кыратык испит санаабар, Толяга кофтатын хайаан да биэриэхтээхпин диэн санаа киирэн баран сылдьар этэ. Таня туох айылаах тохтото сатаабытын эмиэ ейдеебетегум... Ол туьунан толкуйдуохпун даганы багарбатагым. Толя сарсын барар, хаьаан кэлэрэ биллибэт, мин киниэхэ хайаан даганы барытын этиэхтээхпин диэн хааман истим. Кини бэйэтэ билэри буолуо, билэр буолуохтаах... Гынан баран сирэйигэр керен этиэхтээхпин...
    Оннук гынан хааман истэхпинэ, арай биир дьиэ таьыттан, саьааннаммыт мас диэкиттэн киьи тахсан кэллэ. Эмискэ соьуйан бараммын, ейдеен кербутум Толя эбит.
    - Хайаа, Нина? - диэн соьуйбут куолаьа иьилиннэ. Арай... Арай мин барытын сыыьа ейдеебут буоллум? Арай кини миэхэ олох да уратытык сыьыаннаспат буоллун? Диэн санаалар эмискэ киирэн ыллыллар даганы, эмиэ урукку курдук харагын кереммун уоскуйдум. Суох, оннук буолбатах... Толя барытн билэр...
    - Бу, кофтагын умнубуккун... Багар сарсын отко бардахха суохтуон дии... - диэтим.
    - Акарычаан, ол иьин суурэн кэллин да... Атын да кофта ылыам этэ буоллага дии, - сымнагас багайытык эппиэттээтэ.
    Саната суох кофтатын устан биэрдим.
    - Томмоккун да дьиэлииргэр?
    - Суох... -диэн баран теттеру хайыьан кэбистим. Манан бутэбит да уонна? Мин киниэхэ суурэн кэлбитим? Оруолу оонньообот эбит? Тура туьэн баран, биир икки хардыы онордум. Билигин тохтоппотогуна аны тохтоппот... Барыта сымыйа эбит, акаары да эбиппин... Кун сарсын же куораттыыбын...

    - Нина... - кулгаахпар тыал сибигинэйбитин курдук иьиллэн ылла. Мин эмискэ эргиллэ биэрдим.
    Сэгэрим сыыьа хомойон хаалбыт сирэйдээх миигин керен агай турар эбит.
    - Нина... Баьаалыста дьиэлээ... - диэтэ арай. Мин соьуйаммын хаьытыы сыыстым. Ис испиттэн кыьыйан туран, харагым уута бу тирээн кэллэ.
    - Итак бардым бытта... - диэн нэьиилэ сибигинэйдим, уонна салгыны эгирийэн ыллым. Ытаама... Дьиэгэр тиийэн баран ытаар, билигин хаамыахпын наада. Барыахпын наада мантан тургэнник!!!

    Нэьиилэ бастакы хардыылары онорон бараммын, тургэтээн истэхпинэ, арай кэннибиттэн суурдэн кэлэн кууьан ылла. Мин соьуйаммын охто сыыстым... Хомоппут аьыытыгар кэлбит харагым уута, аны дьол харагын уута буолан тохтон киирэн бардылар... Барытын сепке ейдеебут эбиппин... Бу киьи дьиннээхти мин аналым, куутэн булан ылбыт сирдээги аанньалым буоларын биллим. Биьиги икки ардыбытыгар уескээбит дьикти сыьыан мээнэгэ уескээбэт. Маннык этиллибэккэ сылдьан, агыйах кун иьигэр ынырык куустээх буолбут сыьыан, ураты сыьыан буолар... Билинни олоххо маннык баарын даганы итэгэйбэт этим. Дууьаларбыт тардыьан, сурэхтэрбит кэпсэтэн, саната суох бэйэ бэйэбитин ейдеьен, дьэ бу кэлэн куустуьан турдахпыт... Бу куннэр иьигэр мин кинини ологум анаарын быьа билэр курдук этим. Киниэхэ бэриниэх тустаах, бу орто туруу дойдуга киниэнэ эрэ буолаары кыыс ого буолан тереен кэлбитим...

    Маннык кууьарын ер даганы кууппутум... Бу тугэн, бутумэ дуу...
    - Ытаама, кун... - диэн сибигинэйэн, бэйэтин диэки хайыьыннырда миигин. Сирэйбин оргууй агайдык сылаас илиитинэн тутан, ер да ер харахпын одуулаан турда. Мин уерэр ытыыр икки ардыгар турабын...
    - Ытаабаппын ээ, дьолбуттан дии... - диэн мичээрдээн ыллым. Кини сэрэнэн сэрэнэн уоьун чугаьатан, сууспуттэн, муннубуттан, иэдэстэрбиттэн сыллаан ылла. Суурэ турар харах уубун сыллаан суох онордо.

    Маннайгы уураьыыбыт харах уутун амтаннаах этэ...
    Ол гынан баран, мин сим биир дьолбуттан кетуехпун кынатым эрэ суох этэ...

    Элбэги санарбакка дьиэм диэки атаарбыта.
    - Телефонун номерын биэриий... Сибээскэ тагыстахпа биллэ сылдьыагым... - диэн номербын кердеен ылбыта. Мин уерэ кете биэрбитим. Кини хайдах эрэ ыксыыр курдуга, уонна туохтан эрэ хомойбут курдуга.
    - Туох буоллун? Туохтан хомойдун?
    - Ээ суох... Чэ, дьиэгэр киир...
    - диэн баран эмиэ сууспуттэн сыллаан ылла.
    - Бугун саамай дьоллоох кун миэхэ! - диэн бараммын калитканы арыйаммын киирдим.
    - Нина... Бырастыы гын... - диэн баран эмискэ тиэрэ хайыьан баран суол устун хаама турда.

    Туох буолбутун ейдеебекке ер да ер турдум таьырдьа. Ол гынан баран чэ син киирэн ороммун булан сыттым. Дьиэ иьэ уу чумпу. Таня куутэ сатаан утуйан хаалбыта буолуо... Чэ сарсын барытын кэпсиэгим, уерэр ини биьиги туспутугар?
    Хас да чаас курдук барытын саныы саныы эргитэ сыттым. Ол быыьыгар уерэн да ылабын, хомойон да ылабын...
    - Толя, Толик... - диэн сыттыкпар сибигинэйэн, мичээрдии мичээрдии, дьоллоох киьи курдук аагынан утуйаахтаабытым...

    1
  • Р
    11 января 2017  

    Наьаа учугэй кэпсээн дии.Баьаалыста салгаа.

    0
  • Нарыйа
    11 января 2017  

    па буттэ дуо инэн сана ааган истэхпинэ

    0
  • я
    11 января 2017  

    Кэргэннээх киhи быhылаах дии.

    0
    • мин
      12 января 2017  

      наьаа учугэй кэпсээн.эдэр сааспын санатта.миэхэ эмиэ инник буолан ааспыта.билбэтэ5им кини кэргэннээ5ин.хантан билиэхпиний?онтон билэн баран ыал дьону араартаабаппын диэн тэйбитим.ол бастакы тапталым оло5ум устата ейбуттэн санаабыттан арахсыбакка сурэ5им тугэ5эр кистэнэн сылдьыбыта.агыйах сыллаагыта бу сиртэн суох буолбутугар дьэ сурэ5им дууьам ыытан санаам босхолонон сылдьабын.таптал диэн баар.харыстаан.биирдэ бэриллэр оло5у учугэйдик олоруохха.

      0
  • Miss_X..009
    12 января 2017  

    Сарсыарда уьуктан кэлэммин бэгэьээ буолбут тугэни санаан кэлэн мичээрдээн ыллым. Барбыттара буолуо дуу алаастарыгар? Тугу гына сылдьара буоллар? Арба... Сибээскэ тагыстахпына биллиэм диэбитэ дии... Антах ол ханна сеть хабар уьунуй?
    Иннэ диэн санааммын хостон тагыстым. Оголор номнуо телевизор иннигэр олорбуттар, кухняга Таня соготох кофе иьэ олорор эбит.
    - Доброе утро! Ыраатта турбуккут да? - диэммин ыйыттым.
    - Син ыраатта... Тууннэри суурэннин сана турдун дуу... - Таня туохха эрэ сурдээгин кыыьырбыт курдук керуннээгэ.
    - Туох буоллун эн, бэгэьээнниттэн быьа? Кыратык баран кэпсэппитим туохтаах уьунуй? Ейдеен кербут курдук этин дии бэгэьээ...
    Таня туран чааккыга чээй кутан мин диэки уунна:
    - Мэ рэ, олор, кэпсэтии баар...
    Мин акаары санаабар буолар буолбаты барытын санаатым. Омуммар Таня Толяны бэйэтэ астыммыт уонна кунулуур игин диэн санаан ыллым... Акаары да эбиппин, билигин кэлэн санаатахха...
    Син олороммун чээй испитэ буоламмын, дьуегэм диэки керутэлээн ылабын. Туох туох диирэ буоллар?
    - Бырастыы гын, эрдэ этиэхтээхпин эппэккэ хаалбыппын. Барыта мин буруйум... Гынан баран ейбер да огустаран кербетегум маннык буолан хаалыага диэн.
    - Таня... - диэн истэхпинэ быьан кэбистэ.
    - Бастаан иьит, ол кэниттэн этэргин этээр. Аан бастаан Толялыын билсибит куннэр этэн иьэн Вася эрийэн аралдьыйан хаалбытым ди... Ол кэниттэн эмиэ хаста даганы этиэх буолан бараммын умна турбутум, уонна санаабар наьаа кэпсэппэт, себулээбэтэх курдук этин дии. Ол да киьи тугу сыбытаа да сыбытаа буолбутай! Ниэрбэм ыалдьар! Арай бэгэьээ ити кофтатын биэрбитигэр, онтон суурэн тахсыбыккар биирдэ ейдеетум, туох акаары быьылааны онорбуппун! Оо дьэ, Нинка, Нинка... Булан булан астыммыт киьин баар дии!
    - Туох буолбутун этэгин дуу соох дуу! - диэммин кыыьырдым.
    - Толя кэргэннээх, оголоох киьи! - диэн Таня ынырык тургэнник хаьытыыр икки ардынан этэн кэбистэ.

    Тулам барыта уу чумпу буолан хаалла. Кулгаагым иьигэр туох эрэ чункунаан киирэн барбыта. Бу агыйах секуундэ аннараа еттугэр, дьолунан туолбут сурэгим барахсан хайа баран хаалбыт курдуга... Туох баар кистэлэн бага санаам, ырааска сырдыкка таласпыт иэйиим, барыта халтайга буоллагай... Акаары, дьолбун буллум диэн санаабыт тугэним, миэнэ миэнин курдук маннык барыта ыьыллан хааллага...
    Тебем иьэ барыта хааьы буолан баран олордум. Дьиктитэ диэн харагым уута олох кэлбэтэ. Ыарыыбыттан арай тыыным хаайтарыах курдук буолбута.
    - Нинка... Наьаа санааргаама... Билсибиккит икки неделя да буола илик дии. Ааьыага... Мин ити киьи иэьин биэриэм ээ! - Таня уоскута сатаабыт сымнагас куолаьынан санарталаан барда.
    Агыйах бириэмэ да билсибиппит буоллар, оруолу оонньуур уьу дуо? Хас ый-сыл буолан баран себулуехтээх этибиний? Мин кинини керсен баран бастакы куммэр тута ейдеебутум, бу киьилиин ологум устун барыах тустаахпын... Кини хайдах аьы себулуурун, ханнык дьуьуну быдан ордорорун, ого сылдьан ыт оготун булан ылан быыьаан аьатан улаатыннарбытын... Тыага соготох сылдьарын, массынага техникага сыьыаннаах улэни улэлиирин, уонна онтукатын себулуурун, оскуолага сылдьан баппат буола сылдьыбытын... Дьон быыьыгар сылдьан кэпсэтэн ипсэтэн, сытыы уол буоларын, 5 сыл аннараа еттугэр илиитин тоьута сылдьыбытын... Иэдэьигэр кыракый шрамнаагын... Багар кимиэхэ эмит агыйах буолуо, ким эрэ ити аата киьини биллин диэн буолбат диэгэ, ол гынан баран хас биирди кини алхас санарбыт, холонон туран кэпсээбит тугэннэрэ, сурэгим иьигэр киирэн хатанан хаалбыттара. Кини аьыныгас, дьонно сэргэгэ куруутун кемелеьер, кыыллары таптыыр, улэттэн толлубат, ийэтин, быраатын ытыьын урдугэр илдьэ сылдьар. Аьагас киьи курдук керуннээгэ буолуо, мээнэ мээнэ ин диэн саныыллары буолуо сорохтор, гынан баран ис иьигэр киирдэххинэ оннук буолбатах... Кини проблемаларын мээнэ дьон истиитигэр таьаарбат, барытын бэйэтэ быьаара сатыыр. Доготторун туьугар тугу багар гыныах тустаах, суурэн кетен ааттаах атас буоларын... Кини, кини, кини...
    Игин араас санаалар тебебер киирэннэр унту буккуллан хааллым. Уонна иччилээги санаран, кэпсээн баран, ологор сурун оруолу оонньуур кэргэнин, эбиитин оготун туьунан биир даганы тылы быктарбатах!!!
    Оо, туох аньыым харам иьин маннык киьини сурэхтэтэн кэбистэгим уьу? Ынырык учугэй диэн санаабыт киьим, туекун албынчык буолан биэрдэгэ... Туога даганы салыбыраан ылбатага буолуо да?! Биир эмитэ кун санааргаан ылбыта буолуо да?!

    Барыта бэйэм буруйум, бэйэм ситэри бачча дэриэбинэ дьонноро барытын билэллэриттэн урдунэн, хайдах ыйыталаспатахпыный! Сымыйыанан, оскуола оготун курдук кыбыста оонньуу кистии сылдьыбытым бу баар! Барыта урукку курдук буолбатах! Биьиги улаапыппыт, ого уруу диэн баар дьыала, ону мин акаары, ааспатах ого санаабар тугу даганы ейдеен ыйыппатахпын! Саатар кини миигин эмиэ себулээбит диэн ейбер огустаран кэбиспиппин, арай олох даганы оннук буолбатах буоллун? Таня курдук кыыс эппит, ону таьынан мин билэ-билэ бэгэьээ кэргэннээх киьиэхэ суурэн тахсыбыппын, диэн санаабыт буоллун кини?! Хантан билиэгэй мин тугу да билбэккэ халлаанна уйдара сылдьыбыппын?!
    Саатын, суутун... Абатыан...
    Туох диэн санаабыта буолуой кини миигин? Чэпчэки саналаах, чараас мэйиилээх, дьиэ кэргэн диэни сыаналаабат кыыс диэн санаабыт буоллун?!

    1
  • ludpetl6
    12 января 2017  

    Салҕыытын долгуйа күүтэбинperson with folded hands

    0
  • Григо
    12 января 2017  

    Бэт баи кэпсээн эбит, биир тыынынан аа5ан кэбистим, салгыыта баар ду буттэ ду? Уопсайынан бэркэ суруйар эбиккин ди Мисс Х, БАР5А МАХТАЛ

    0
  • Miss_X..009
    13 января 2017  

    - Нинка... Истэгин? Умнан кэбис сирэгэьи! Кининэн уол бараннагай!
    Мин умса керен олорон эмискэ Таням диэки кере тустум:
    - Аата, туох буоллагай! Тоже мне, трагедия! Сырытыын, сэттэ да кэргэннэннин, таарыйбат! - диэн куускэ багайытык санаран кэбистим.
    Хомойбут санаам ааьан аны кыыьырар санаам киирбитэ. Бэйэбэр кыыьырарым, Толяга кыыьырарым, мэктиэтигэр Таняга да кыыьырыах курдук этим. Айага сабыллыбат буолааччы дии, аан дойду дьонун туьунан барытын кэпсээччи, уонна бу кэлэн биир киьи туьунан санарбатах уьу да! Иннэ диэбиппин кэниттэн Таня уерэ тустэ:
    - Вот, молодец! Ьуу хата ытыы сонуу олорбоккун дии! А то я испугалась! Сурэхтэтэн кэбиспит буоллагына бу кыыс иэдэйэр дии санаабытым, себулээтин да буттун бытта эн, сэттэ сылы быьа страдайдыы сылдьыан этэ! Сепке этэгин, сэттэ да дьахтарданнын! - диэн санара санара хлеб кырбаан киирэн барда, холодильниктан халбаьыы, суегэй ин таьаартаата.
    Ол быыьыгар мин умса керен баран олоробун. Дейен хаалбыт курдук этим. Дууьабын, сурэхпин, барытын ылан сиргэ буорга быраган кэбиспит курдуга... Того инник гыммыккыный, Толя... Того?!
    - Аьаа чэ мэ, - Таня остуолга олордо. Мин аат эрэ харатыгар аьаан киирэн бардым. - Ээ, инник сылдьан ер буолуохтара суога! Васек кэпсээниттэн иьиттэххэ оскуолага биир учугэй багайы кыыстын ер багайы сылдьыбыттар уьу, ол кэниттэн того эрэ арахсан хаалбыттар. Ол кэниттэн дьэ хантан эрэ ити атын улуус дьахтарын булан ылбыт. Эн этэгин, дойдутугар биирдэ даганы агала сылдьыбатага! Онтон былырыын истибиппит олох даганы оголоммут уонна загсаламмыт диэн. Огото уолбыьылаах... Быйыл илдьэ кэлиэхтээх этэ ээ дьонун манна, уонна бу ус ин неделя аннараа еттугэр ыстанан соготох биир эрэ сумкалаах тиийэн кэлбит. Кларка ин этэринэн, арахсыбыттара дуу, диир. Уаай, Нинкаа арай арахсыбыт буоллун?
    Мин санарбакка олордум. Таня буоллагына уоскуйар санаата суох:
    - Арагыстын да арахсыбатын, эрдэ этиэхтээх этэ боллага дии, саатар биьиэхэ! Сирэгэс! Уонна эйиэхэ инник арахсыбыт киьи наадата суох буолбатах дуо? Алиментщик ин буолуо, наадалах этэ! - диэн кытаанах багайытык санарталаан кэбистэ. - Бугун тугу гынабыт? Сетуелуу барабыт да?
    - Таня, мин хайдах эрэ тебем ыалдьар... Кыратык сыта туьэбин?
    -О дьэ, сытар буоллагын дии онтон... Только ол акаарыны санаама!
    Остуолтан тураммын хос диэки аастым уонна оронно сытынан кэбистим. Мэйиим эргийэр, тулам барыта туманынан буруллэн хаалбыт курдуга... Истиэнэ диэки хайыьан баран сыттым...
    Хайдах гынабын? Хайдах буолабын? Тургэнник куораттыы охсубут киьи... Туох диэн этэммин баран хаалабын? Аны Танябын еьургэтиэм.

    Того маннык буолан хаалбытай? Аматын мин биирдэ киьини себулээбиппэр, того кини оннук буолан биэрдэй? Того мин саатар олохпор биирдэ, багарбыппын кыайан ылбаппыный?
    Бу сыллар тухары элбэх да уолу керсубутум, кэпсэппитим буолуо, ол гынан баран Толяны курдук кими даганы сурэхтэппэтэгим. Таптал диэн тылы этиэхпин багарбатым да иьин, туох эрэ куустээх тардыьыы, ураты сыьыан баар эбит диэн итэгэйэн испитим... Урдук Айыылар бу эн аналын диэн ыыппыт киьилэрэ диэн саныырым... Того саатар биирдэ миэхэ туох даганы табыллыбатый?!
    Тугу эрэ арахсан кэлбит быьылаах ин диир этэ Таня... Ээ, суох, кэбис ол туьунан толкуйдуу да барбаппын. Арагыстын да арахсыбатын, миэхэ итини кини бэйэтэ кэпсээбэтэгэ, сааппат сирэй...
    Онтон арай арахсыбыт буоллун кырдьыктыы? Оччого? Оччого арай барыта табыллыа этэ?
    Бут эрэ! Туох буола сытагыный! Дессе инник албынчык киьилиин хайаары гыммыккыный?
    Иннэ диэммин бэйэбин мегутэ мегутэ сыттым... Ол да буоллар, ейбер сим биир "арай кырдьыктыы арахсыбыт буоллун?" диэн санаалар кетен ааьаллара...

    1
  • Miss_X..009
    13 января 2017  

    Ус куну быьа сыппытым ол дойдуга. Ус куну быьа хагым эрэ сылдьыбыта. Уруккум курдук кулбэт, уербэт, санарбат буолан хаалбытым. Ситэри аьаабакка, куну быьа дьиэ иьигэр олорон тахсар этим... Ыксааммын куораттаабытым. Таням барахсан теье эрэ хомойдо, бэйэтин мегуттэ...

    Дьиэбэр тиийбиппэр дьонум соьуйбуттара агай. Бу кыыс дэлби ыран, сынньаммыт сирэйин суох ди диэннэр... Ол быыьыгар биьигини кытта барсагын даа игин буолбуттара. Ийэлээх агам, 13-тээх бырааппын кытта агыйах хонугунан Турцияга кетуехтээхтэр этэ. Мин аккастанаммын хаалабын диэн туруммутум.
    Хаьаан кинилэр барыахтарыгар диэри син ону маны кэпсээн, сэргэхсийбит киьи курдук буоларым... Туун эрэ сыттыкпар саба туьэн ытыырым. Туун аайы Толяны тууьээн керерум, уонна сарсыардатын хомойон агай уьуктан кэлэрим. Наьаа ынырыктык ахтарым, бу киирэн кэлиэ, уоттаах харагынан мин диэки керуе... Кини куолаьа, кулэрэ... Саатар биир кун ол дьоллоох куннэргэ теннубут киьи баар ини... Куус сэниэ ылан бараммын тэйиэм этэ...
    Оннук неделя курдук ааспыта... Дьонум этэннэ кеппуттэрэ, мин соготох дьиэ хаьаайката буолан хаалбытым.

    Биир кун буоларын курдук ороммор сыттахпына арай телефонум тыаьаан киирэн барда. Ылыам иннинэ ейдеен кербутум, билбэт номерым эбит. Ким буоллагай?
    - Алло...
    Ким да санарбата.
    - Алло, говорите, я вас слушаю...
    Ер согус буолан баран дьэ эппиэт кэллэ:
    - Нина, эн да?
    Бу куолаьы истэммин, ороммуттан охто сыыстым. Эс, кини буолбатах! Хайдах кини буолуой!
    - Мин аа... Кимниний?
    - Билбэтин да? Толябын дии...
    Куолаьын ахтыбыт буоламмын омуммар ытыы сыыстым, уонна ол быыьыгар акаары курдук уерэн ыллым игин...
    - Аа... Номербын хантан ыллын?
    - Ейдеебеккун даа, бэйэн биэрбитин дии?
    - Э арба...
    - Туох солун?
    - Суох.
    Кини санарбата. Мин эмиэ санарбатым. Саатар ессе кыратык куолаьын истэн баран ууруом... Ууруом, уонна хаьаан даганы кини эрийдэгинэ ылыам суога... Бутэьик кэпсэтиибит буоллун... Бутэьик...
    - Туохха эрийдин? - диэтим куус ылынаммын.
    Киьим мух мах баран хаалла быьылаах:
    - Ээ, онтон... Биьи биир алааспытын бутэрбиппит, уонна бу дьиэбэр кэлбитим. Сотору биирбитигэр тахсыахпыт...
    - Мм, поздравляю... - тонуй багайытык эппиэттээтим.
    - Нина, эн миэхэ кыыьыра агай сылдьагын даа? - диэтэ арай.
    - Туохха ол?
    - Таня маарын кэлэн ынырыктык мехпутэ дии... Мин барытын быьаарыам сэп, истэгин?

    Трубканы ылан ууран кэбиьиэхтээх этим! Тугу даганы истиэхпин багарбаппын диэхтээх этим! Ол гынан баран акаары сурэгим истибэтэгэ, куускэ да куускэ тэбэн, Толя тугу кэпсиирин истээри трубканы уурдарбатага.
    - Бастаан этиэх буолбутум ээ... Ол кэниттэн хайдах эрэ Таня эппит дии санаабытым. Уонна мээнэ, по-дружески, кэпсэттэхпитинэ туох даганы куьагана суох буолуо этэ диэн санаабытым. Ол кэниттэн кунтэн кун аастагын аайы... Нина! Мин эмээхсиммин таптаабаппын ээ! Арахсыбыппыт биьиги кинилиин, итэгэй миэхэ баьаалыста! - диэн эмискэ багайы трубкага хаьытаан ылла.
    - Загсанан арахсыбыккыт да? - диэтим мин, куолаьым салыбыраабата даганы, сурдээгин спокойнайдык ыйыттым.
    - Суох, ол гынан баран куьун арахсыахтаахпыт. Кини пока манна сатаан кэлбэт, куьун кэллэгинэ заявление биэриэхтээхпит.
    - Мм, чэ кытаат... Мин манна дьыалалаахпын сэп, барыахпын наада... - харагым уута таммалаабытынан барда. Туох даганы сатаммат... Бу мин кини куолаьын бутэьигин истэбин...
    Билигин уурдахпына бутэбит.
    - Нина! Кэпсэтиэххин багарбаккын да? Уурума трубкагын, баьаалыста!
    - Баран кэргэннэр уонна огогор эрий лучше, чем миэхэ лапса ыйыы олоруохтаагар...
    - Бутууй... Итэгэйбэккин да? Скриншот ыытабын да эмээхсиним туох диэн суруйарын? Оччого итэгэйиэн?
    - Суох, ыытыма хайаама...
    - Нина, мин билэбин эн кыыьыра сылдьаргын... Ол гынан баран... Куьун арагыстахпына туох эмит табыллыа дуу? Онуоха диэри просто по-дружески кэпсэтиэххэрий баьаалыста... Мин бу агыйах кун иьигэр иирэ сыыстым. Ахтыбыппын агай...

    Иьиттим эрэ, истибэтим эрэ, телефону ууран кэбистим уонна маккыраччы ытаан киирэн бардым...

    1
  • Мм
    13 января 2017  

    Улэлии бараары сылдьагын дуо.киэьэ суруйаар баьаалыста.

    0
  • ludpetl6
    13 января 2017  

    урраааclapping hands signкиэһээ ждууу

    0
  • Miss_X..009
    13 января 2017  

    Саҥа күн үүммүтэ. Дөссө биир күн. Тугу аҕаларый миэхэ? Үөрүү кыырпаҕын дуу, хомолто ыараханын дуу? Билбэтим.
    Өр да өр сүрэх – төбө мөккүөрүгэр, сүрэҕим барахсан кыайдаҕа. Билбэтим, тоҕо оннук буолбутун. Билбэтим, туохпунан толкуйдаабыппын. Билбэтим, хайдах дьон иннигэр сылдьарбын... Кыбыстарбын даҕаны, сааттарбын даҕаны, түүннэри сыттыкпар саба түһэн ытыырым даҕаны... Хайыахпыный... Таптыыбын кинини. Таптыыбын...

    Хаһаан даҕаны манныкка түбэһиэм суоҕа, уол бараннаҕый диэн саныырым, куһаҕан кыргыттар эрэ манныкка түбэһэллэр дии саныырым, ханнаный, бэйэм түбэһээхтии сырыттаҕым... Ынырык куһаҕан, киһи кулгааҕын аһытар тылынан ааттанар буоллаҕым... “Көрсүү”... Таптала даҕаны буолбатахпын, анала даҕаны буолбатахпын, кыыһа даҕаны буолбатахпын, кэргэнэ даҕаны буолбатахпын. Көрсүүбүн. Кинилиин куорат устун сиэттиһэн баран сылдьыбаппын, ханнык эмитэ кафеҕа киирэн олорон аһаабаппыт, киинэҕэ сылдьыбаппыт. Интернетка үөрэ-үөрэбин кинилиин түспүт хаартыскабын таһаарбаппын. Бу киһи миэнэ эрэ диэммин атын кыргыттарга күнүүлээбэппин... Мин саҥарар быраабым суох, мин туох эмит диэн көрдөһөр быраабым суох. Киһи буолбатахпын мин. Кыыс буолбатахпын. Көрсүүбүн. Уоран, атын сир диэки көрүтэлии-көрүтэлии хаамабын. Дьон мээнэ сылдьыбат сиринэн хаама сатыыбын. Дьоллоох үөрбүт-көппүт тапталлаахтары көрдөхпүнэ, хараҕым уута таммалыах курдук буолар. Күн аайы телефоммун манаан баран олоробун. Кэлиэ дуу кини бүгүн? Эбэтэр кэлбэт дуу? Бүгүн мин дьоллонобун дуу, эбэтэр кураанах ороммор ытыы сытан хаалаахтыыбын дуу?
    Ким билиэ баарай сүрэҕим ытыырын, дууһам ыарыытын? Ким билиэ баарай, бэйэбин бүтэһик тылларынан үөҕэрбин? Ким билиэ баарай, бу бүтэһик көрсүһүүбүт, кэпсэтиибит дии-дии номерын сотторорум, черный списокка угарым... Ким билиэ баарай, ол кэниттэн ытыы ытыыбын, онтукайбыттан таһаарарым... Сарсын буоллун чэ... биир күн хайдах эрэ кэпсэтиэм. Сарсын кэпсэтэн бүтүөм, диэммин саныырбын...
    Маннык кэпсээннэри иһиттэхпинэ иһим буһара, ис испиттэн ниэрбинэйдиирим, көрсүүлэри бутэһик тылларынан үөҕэрим... Дьоннор үксүн даҕаны оннук гыналлар. Үөҕэллэр, куһаҕаннык саныыллар... Саҥарыман дуу... Мин бэйэм буруйум, бэйэм аньыым-харам, бэйэм бу олохор эппиэттээтим. Куттаныман, миигин сөптөөҕүн Айыы Таҥара накаастаата, аны эһиги үөҕэргит наадата суох...

    1
  • Miss_X..009
    13 января 2017  

    Толя били эрийиэҕиттэн ыла телефонунан кэпсэтэр буолан хааллыбыт... Сотору соҕус буолан баран ватсаптаабыт этэ, игин араас скриншоттары ыыппыт этэ. “Развод”, “забудь о Диме”, “оставь нас в покое” – диэн ис хоһоонноох сурук бөҕөтө баара. Итэҕэйбитим дуу онно? Акаары санаабар, итэҕэйбитим даҕаны буолуо. Дьон мээнэ инник тылынан бырахсыбаттар дии санаабытым... наһаа уонна инник ойон тура-тура албыннаабата ини өрө бара-бара?!
    Гынан баран син биир сотору-сотору кэпсэтэн бүтүөххэ, маннык табыллыбат диэн этэ сатыыр этим даҕаны, киһим олох күһүҥҥэ диэри күүт, барыта үчүгэй буолуоҕа, эрэн миэхэ диэн бөҕөтүн түһэрбитэ. Уопсайынан, бастаан доҕордуу хаалыахха диэн быһаарыммыппыт, уонна доҕордуу курдук кэпсэтиэххэ диэн буолбуппут... Билэрим дуу испэр, биһиги икки ардыбытыгар олох даҕаны доҕордуу буолбакка, атын сыһыаҥ үөскээбитин?
    Икки күнү быһа телефоммуттан түспэтим. Хас мүнүүтэ аайы ватсап, буолар буолбаты барытын кэпсэтэбит Толялыын... Киэһээ буолла даҕаны кини таһырдьа тахсан миэхэ эрийэр, уонна түүн хойуккааҥҥа диэри кэпсэтэбит. Ол быыһыгар күлэн да ылабын, ытаан да ылабын. “Ытаама, күн...” – бастакы уураһар, бүтэһик көрсүһэр күммүтүгэр иннэ диэн турардаах этэ дии... Билигин эмиэ телефон нөҥүө ытаары гыммыппын иһиттэҕинэ: “ытаама, күн” диэччи. Барыта түүл-биит курдук этэ. Санаабар ханна эрэ наар ыксыыр этим. Бу билигин суруйбатахпына аны кэпсэтэн бүтэн хаалыахпыт... Билигин эрийбэтэҕинэ хаһаан даҕаны эрийбэт, диэбит курдук санаалар киирэн ааһаллара. Ол иһин олох өйүм санаам барыта кининэн туолан баран сылдьыбыта. Кинилиин кэпсэтиэхпиттэн син аһаан-сиэн, санаам көтөҕүллэн сылдьарым. Кинилиин кэпсэттэхпинэ барытын умнан туран бэйэбин дьоллоох киһи курдук ааҕынарым... Утуйаары сытан ону-маны санаан ылааччыбын, өр да өр ытааччыбын... кэргэнин, оҕотун санааммын... Суох, кинилэр арахсыа суохтаахтар... Хайдах арахсан хаалыахтарай сүгүн олорбокко даҕаны гынан баран? Кып кырачаан оҕо хайдах аҕата суох хаалыай? Уонна ол кэниттэн миигин хайдах курдук абааһы көрүөхтэрэй...
    Сарсыарда тураммын, Толяттан сообщение кэлбитин көрөммүн туохпун барытын умнан туран эппиэт ыытарым... тоҕо... тоҕо... тоҕо...
    Икки күн буолан баран арай уһуктан турбуппар Толяттан эмиэ сообщение кэлбит этэ. Киирэн ааҕан баран хайдах буолуохпун билбэтим... Үөрэбин дуу, санаарҕыыбын дуу...
    “Аннараа алааска киириэм иннинэ куоракка киирэн ааһыам. Бу сотору айанныыбыт. Көрсөбүт дуо?” – диэн ис хоһоонноох этэ. “Көрсөбүт” диэн тылы көрөммүн санаам дэлби түһэн хаалла... көрсүүлэр хайыахпытый онтон, көрсүһэр эрэ буоллахпыт дии

    1
  • Miss_X..009
    13 января 2017  

    Ол күн тумаҥҥа курдук ааспыта. Олох эппиэттээбэккэ сылдьыбытым. Телефоммун ылан атын хоско быраҕан кэбиспитим, уонна ону-маны оҥорбута буола сырыттым. Дьиэбин хомуйдум, сууйдум, ас астаан көрдүм, аны кэлэн туоҕум даҕаны табыллыбат... Ийэм сөбүлүүр вазатын алдьатаммын, тарбахпын быһаммын, аспын хоруорда сыыһан... Телевизорга буолар буолбат каналлары талкыйа сатаатым даҕаны... ол быыһыгар сотору-сотору балкоҥҥа тахсаммын олоробун, уоскуйа таарыйа халлааны одулуубун. Онтон эппиэт кэлэн түһүө дии санаабытым дуу?
    Иннэ гынан киэһээ сэттэ чаас буола охсубут этэ. Эрдэ утуйан хааларым дуу, диэн саныы олордохпуна, арай эмискэ баҕайы сүрэҕим мөхсөн ылла. Туох даҕаны буоллун! Бу күн мин дьоллоох буолуом!
    Хоско сүүрэн киирбиппэр, телефонум барахсан сытаахтыыр эбит. Көрбүтүм, ынырык элбэх сообщения кэлбит, сэгэрим сыыһа 17-тэ эрийэ сылдьаахтаабыт эбит. Салыбыраабыт илиибинэн нэһиилэ булан эрийдим... Трубка нөҥүө сүрдээх долгуйбут куолаһы истэн бараммын нэһиилэ саҥа таһаардым: “Кэл миэхэ...”


    Билигин кэлэн ыйыппыттара эбитэ буоллар, ол күннэргэ төннүөн этэ дуу, диэн... Мин суох диэм этэ. Быстах дьолум амтана, билигин даҕаны сүрэх ыарыыта буолан ааһа илик. Төһө даҕаны элбэҕи, саҥаны арыйбытым иһин, ыарыым аһыым, аньыым ааһа илик... хаһаан даҕаны ааһыа суоҕа. Ол күҥҥэ маннык буолан хаалыа диэммин билэрим эбитэ буоллар, хаһаан даҕаны киниэхэ эрийэммин “кэл миэхэ” диэм суоҕа этэ...
    Мин даҕаны киһи буолларбын, инчэҕэй эттээх, тэбэр сүрэхтээх буоламмын дьол диэни билээри гыммытым. Уоран даҕаны туран. Гынан баран биири билбэтэхпин: уоруллубт дьол – дьол буолбатах.

    Ити бастакы күнтэн ылата хас дьоллоох диэн санаабыт күннэр ааспыттара буолуой? Хас аптаах түүннэр ааспыттара буолуой?
    Эр киһи диэни эппинэн хааммынан дьэ билбитим. Бу иннинэ туох баарай? Алхас таарыйсыылар, элбэҕэ суох уураһыылар, биир акаары санаабар буолбут түгэн... онон бүттэхпит. Онтон билигин? Кини миэхэ барытын саҥаттан арыйан биэрбитэ. Улахан дьон олохторо маннык буолар эбит дуу диэн...
    Кини кэлэрин мин ыраахтан билэр этим. Харахпын симтэхпинэ бу иннибэр баар курдук көстөрө. Кини хас биирдии хардыыта, хамсаныыта, барыта бэйэтигэр тардара. Минньигэс уостара оргууй агайдык сүүспүттэн саҕалаан уураан киирэн бардахтарына, хайдах даҕаны буоларбын билбэт этим... Киниэнэ эрэ буолохтаахпын, киниэхэ бэриниэхтээхпин эрэ билэрим. Илиитин сылааһа, күүһэ, тардар имэҥэ... Иһим түгэҕиттэн саҕалаан, төбөбөр тиийэ баһаар уотун ыытар этэ. Салгыным тиийбэккэ, нэһиилэ тыын таһаараммын, кулгааҕар сибигинэйэрим: “Толя, Толя...”
    Гынан баран төһө даҕаны уоттах алыптаах түүннэр ааспыт буоллуннар, мин быдан сарсыарданы сөбүлүүр этим. Мин наар бастакы уһуктан кэлэрим. Толя дөссө даҕаны утуйа сытара... Күн сардаҥата түннүк нөҥүө киирэн кини кыламаннарын устун сүүрэрэ... симэн сытар хараҕа, ыһылаан хаалбыт баттаҕа... оргууй аҕайдык тыына сытара... Өр да өр одуулаан сытааччыбын, уонна тарбахпынан биллэр биллибэттик тыытан ылааччыбын. Тулуйбаккабын түргэн түргэнник, сыллаан киирэн барааччыбын.
    Хаһаан эрэ радиоҕа ырыа истибиппин наар ыллаан тахсааччыбын...
    - Кыламаҥҥар күн үҥкүлүүр...
    - Бүт эрэ, кыыс туһунан ырыа бытта, мин ыллыахтаахпын буоллаҕа дии иннэ диэн. Кыламаҥҥар күн үҥкүлүүр, кырасыабай да кыыскын... Ханнык уолан дьолун түстүүр аналыгар сылдьаҕын... – диэн Толя ыллаан киирэн барааччыы.
    - Суох, мин туспунан ырыа буолбатах... эн тускунан... эн кыламаҥҥар күн үҥкүлүүр! – диэн күлэбин.
    Кырдьыктыы, кини уп-уһун хоп-хойуу кыламаныгар сарсыарда аайы күн уҥкүлүүр этэ...

    1
  • Miss_X..009
    13 января 2017  

    Уоруллубут быстах дьолбут амтана минньигэстэн аһыы буолара түргэнин...
    Агыйах хонук буолан баран дойдулаабыта. Күн аайы от айдаана этэ, кэпсэтэрбит аҕыйаабыта диэхпин баҕарабын даҕаны, оннук буолбатах этэ. Киэһээ аайы дьиэтигэр кэлэн аһаан игин баран миэхэ суруйааччы, эрийээччи... Бүгүҥҥү күҥҥэ тугу гыммыппытый, туох солуннаахпытын, уруккуну санаан күлэн үөрэн кэпсэтээччибит. Мин киниттэн тугу даҕаны кистээбэт этим, ханна барбыппын, хаска кэлбиппин барытын этэн биэрэн этиспэккэ сылдьыбыппыт. Кыыһырсарбыт наар бииртэн этэ...
    Кини дьиэ кэргэнин туһунан кэпсэтии бардаҕына дьэ онно кыыһырааччым. Тоҕо кини миэхэ кэргэнин туһунан куһаҕаны кэпсиирэ буолуой? Бэйэтэ булан талан ылбыт кэргэнэ буоллаҕа дии... Кинини даҕаны оннук үйэлээх таптал диэн санаан, эккирэтэн ылла ини. Тоҕо наар көмүскэһэҕин, күнүүлээбэккин дуо диэччи. Тоҕо күнүлүөхпүнүй мин? Сокуоннай кэргэнин?
    Күнтэн күн күһүммүт чугаһаан истэ. Мин эмиэ даҕаны куттанарым, эмиэ даҕаны күүтэрим ол түгэни. Үнтү букккуллан баран сылдьыбытым. Эмиэ даҕаны Толяны мин таптаабытым... Кинилиин эрэ дьоллоох буолабын диэн билэрим... Ол гынан баран... Хайдах? Хайдах мин дьиэ кэргэнин ыһыахпыный? Кырачаан оҕону аҕата суох хаалларыахпыный? Дьон хараҕын уутун нөҥүө дьоллонон сылдьыам да? Олоҕум тухары бэйэбин буруйданаммын кыайан олоруом да?

    1
  • Miss_X..009
    13 января 2017  

    Толям олох күнтэн күн былаана уһаан, кэҥээн киирэн барбыта. Маннык олоруохпут, үлэбин баран кэпсэтиэм, куоракка көһөттөрүөм диэн былааннаммыта. Үөрэхпин бүтэрдэхпинэ ыал буолан олоруохпут диэн киэһээ аайы ойуулаан көрөрө. Мин саҥарбакка эрэбин, хараҕым уутун тоҕо олорооччубун...
    Атырдьах ыйын саҕаланыыта улаханнык этиһэн турардаахпыт...
    Эмиэ куоракка киирбит күнэ этэ. Үчүгэй баҕайытык кэпсэтэ сытааран арай киһим:
    - Хайыыбыный, Нина... арахсабын да? – диэн ыйытта.
    - Ону миигиттэн тоҕо ыйытаҕын? – диэммин кыыһырдым. – Туох диэн эппиэти күүтэҕин миигиттэн? Аһаа араҕыс, дьоҥҥун бырах, миигин ыал олоҕун ыһааччы буолан таһаар диибин да? Бэйэн биир биэс саҥата суох быһаарыны ылыаххыный... күһүн арахсабын диэбитин буолбатах дуо?
    - Онон оннук даҕаны... сим биир кыайан тапсан олоруо суохпут... Хайдах эрэ наадыйбат курдук сылдьаҕын бытта. Мин ону маны былааннаары гыннахпына туох даҕаны диэн эппиэттээбэккин. Арахсабын да диэтэхпинэ эппиэттээбэккин. Уопсайынан, барытын күлүү – элэк курдук көрөҕүн да? Биирдэ даҕаны көрөн туран таптыыбын диэн тылы эппэтэҕин, наар мин эйиэхэ иннэ диэн тахсабын. Үчүгэй үһү дуо?
    - Этимэ ээ онтон! Наадалаах этэ! – диэммин истиэнэ диэки хайыһан кэбистим. – Тугу да өйдөөбөккүн, наар бэйэҕин эрэ санаан тахсаҕын, эйиэхэ эрэ үчүгэй буоллун курдук... мин хайдах курдук эрэйдэнэ сылдьарбын билбэккин...
    - Билэбин ээ, билэбин! Күн аайы хомойбут куоласкыттан, туттаргыттан хаптаргыттан биллэр э! Эн көннөрү этэн кэбиһиий... араҕыс диэтэххинэ арахсыам, эмээхсиммэр күн сарсын эрийэн этиэҕим барытын!
    - Чиэһинэй эппиэти истиэххин баҕараҕын? – диэн сибигинэйдим.
    - Чэ эрэ...
    - Арахсыма.
    - Туох диэтин? – омунугар ойон тура сыыста.
    - Арахсыма диэтим... – диэн бараммын харахпын симтим. – Бүтүөххэ, Толя... Мин эйиэхэ бастааҥҥыттан этэбин иннэ диэммин. Кэпсэтэн бүтүөххэ, бу туох даҕаны үчүгэйгэ тириэрдиэ суоҕа... Мин маннык сатаан олоруом суоҕа. Бэйэм даҕаны нэһиилэ сылдьан дөссө инник проблемалары быһаарар кыаҕым суох...
    - Оччоҕо? Төҥүн диэри гынаҕын дуо? Онтон эн? Онтон эн биһи?! Бу барыта туохха наадалаах этэй оччоҕуна?! – хаһытыыр икки ардынан саҥарталаан киирэн баарда.
    - Ыал олоҕун ыһыахпын баҕарбаппын... хайдах маннык сирэйдээх харахтаах дьоҥҥо көстөбүн уонна?
    - Түмүктээбэт эрээригин туохха саҕалаабыккыный оччоҕуна маны барытын?!
    - Мин саҕалаабытым диэ... барытыгар мин буруйдаах курдук буолан таҕыстым да? Сөп, өйдөөтүм...
    - Оччоҕо тоҕо, быһаар миэхэ! Барыта оонньуу этэ да эйиэхэ?!
    - Толя... хата эйиэхэ оонньуу ини... Миигиттэн күүстээхтик санаарҕыыр киһи суоҕа буолуо... Ити эн сыыһа ыйыттын миигиттэн. Арахсар буоллаххына араҕыс, дьонтон ыйыппаккаҕын аата. Мин бэйэм арахсыаххын баҕарбаппын...
    Толя ойон туран хос иһигэр хааматалаан киирэн барда.
    - Эт онтон миэхэ араҕыс диэн! Эйиигиттэн эрэ сылтаан арахсыахпын баҕарарбын билэҕин дуу суох дуу?!
    Мин эмиэ тураммын таннан киирэн бардым.
    - Инник диир буоллаххына кэпсэтэн бүтүүһүкпүт. Миигиттэн эрэ сылтаан арахсаары гынар буоллаххына арахсыма! Мин эһиги сыһыаҥҥыт сойбута ырааппыт дии санаабытым. Сайын кэлэргэр арахсан кэллим, загсанан эрэ арахсарбыт хаалла диэбитин дии... Аны билигин кэлэн миигиттэн эрэ сылтаан арахсар курдук буолан таҕыста да? Хайаа даҕаны, атын дьоҥҥо эппиэтинэскин уурума. Мин иннэ кыттыһыахпын баҕарбаппын. Эрийэн кэпсээ да, хайаа даҕаны. Бэйэҕит икки ардыгытыгар быһаарсын. Миигин кыттыһыннарыма. Босхолонноххуна билээр, суох буоллаҕа суох! – диэн бараммын тахсан баран хааллым. Киһим тохтоппото даҕаны...
    Таһырдьа тахсыбытым номнуо хараҥарбыт эбит. Сөрүүн тыал түһэн, хомумматах уһун суһуохпун көтүттэ. Телефонум тыаһаабытын ылан “Толя” диэн контагы чернай списокка уган кэбистим уонна оргууй аҕай хааман истим. Сөп буолуо, маннык буолуо суохтаах этэ барыта... умнуоҕа, ханна барыаҕай... Мин даҕаны умнуоҕум... Барыта ааһыаҕа. Үчүгэйэ бэт дии, кини ууттан ыраас тахсаары гыммыт дии, барытыгар миигин буруйдаары гыммыт дии! Эппиэтинэһи бэйэтигэр ылымакка миигинэн тахсаары гыммыт дии бу түгэнтэн. Суох, оннук сатаммат... Бу кыыс иирдэн ылан ыал олоҕун аймаан, алдьатан кэбистэ диэн саата бэт буолбатах дуо? Ол кэниттэн хайдах биһиги бииргэ буолуохпутуй? Дьоннор туох диэн саныахтарай? Ийэлээҕэр хайдах быһааран этээри гыммытай? Хайдах сирэйдээх кэлэн билсиһиннэрээри гыммытай?!

    1
  • Алекса
    13 января 2017  

    Баьаалыста салгаа. Наьаа интереснай кэпсээн)))

    0
  • аазааччы
    14 января 2017  

    салгыы суруйууй

    0
  • Оксана
    14 января 2017  

    Олус бэрт хоһуйуу, тустаахха ыарахан

    0
  • ludpetl6
    15 января 2017  

    Мдааface without mouthсалҕыытын күүтэбинperson with folded hands

    0
  • Miss_X..009
    15 января 2017  

    13 куну быьа кэпсэппэтэхпит. 13 куну быьа санаам дэлби туьэн, аьыыр аьым ас буолбат, утуйар уум уу буолбат диэни дьэ билбитим... Кинитэ суох кыайан табыллыбаппын, барыта наар кинини санатар этэ. Туох эмит буоллагына бээ киэьээ буолла даганы Толябар кэпсиэм диэн санаан ылан баран эмискэ ейденен кэлэн, арба кэпсэппэт этибит дуу диэн санаан... Маны аага олорор киьи уксун билэргит буолуо арахсыы аьыытын, ахтылган ыарыытын...
    Туулбэр эрэ киирэн уердэрэ. Ол гынан баран сарсыарда уьуктан кэллэхпинэ аттыбар суога, суруйбата, эрийбэтэ, барыта санаттан сагаланара...

    Таьырдьа сылаас дуу, ардах туьэрэ дуу, барыта син биир этэ. Тугу даганы ейдеен кербет этим. Дьуегэлэрим аралдьыта сатаан, онно манна ыныра сатыыллара даганы, ханна даганы барбат этим. Дьонум арааьыйнайдаан ыйыталаьа сатаан, туох буоллун диэн, онно эппиэттээбэт этим. Хагым эрэ хаалан сылдьыбыта.
    Хаьаан даганы ологум тухары маннык буолбатагым. Кими даганы маннык суохтаабатагым, кими даганы ахтыбатагым, кими даганы маннык таптаабатагым...

    Биир туун утуйа сыттахпына телефонум эмискэ тыаьаан уьугуннарда. Кербутум билбэт номерым эбит... Ким буоллагай диэн ылымаары гынан баран, сурэгим айманан ылбытыгар ыллым...
    - Привет... - диэн олус учугэйдик билэр куолаьым трубка аннараа еттугэр иьиллиннэ.
    Тыыным хаайтаран, соьуйбуппуттан уум барыта кетен хаалла.
    - Нина... Баьаалыста таьырдьа тахса сылдьагын? Дьиэн таьыгар турабын...
    Тугу гынарбын ситэри ейдеебеккебун, биирдэ ейденен кэлбитим, подьеьым таьыгар турар эбиппин.
    Иннибэр Толя турара. Баттага ыьыллан хаалбыт, харагын анныгар хара кругтардаммыт, мэктиэтигэр ырбыт даганы курдук дьуьуннээгэ... Мин даганы инник курдук дьуьуннээгим буолуо. Харагын иьигэр кереммун эмиэ тимирэн хааллым... Кини харагар аан дойду кэрэтэ барыта кестере... Хайдах кинитэ суох олорбуппунуй бы сыллар тухары? Бу 13 кун иьигэр хайдах сылдьыбытым буолуой?
    Суурдэн тиийэн ыга кууспутум. Умнубут курдук кини сытын, сылааьын, барытын санаттан арыйбыт киьи курдук этим.
    Кини оргууй агайдык тебебуттэн имэрийдэ...
    Ер да ер оннук куустуьан турбуппут, биир биэс тылы санарбакка. Манна туох даганы киьи этэрэ наадата суох. Кини тугу этээри гыммытын барытын билэрим.
    Хас мунуутэ дуу чаас дуу ааспытын билбэппин... Сирэйбин кини туеьугэр сыьыараммын иьиллэр иьиллибэттик олохпор бастыкыбын сибигинэйдим:
    - Мин эйиигин таптыыбын...

    1
  • клавдия
    15 января 2017  

    Таптаспат дьон арахсаллара сөп дии саныыбын,эрдэ сылла. Кэлин иккиэн дьоллорун булуохтара буо

    0
  • ludpetl6
    16 января 2017  

    Сөөп, салҕыыта?

    0
  • шура
    16 января 2017  

    Оо Боже. Олох оспут бааспын хастааьын курдук!!! Мин тапталым эмиэ и нник этэ. Эмиэ уоруйах аатырымаары киниттэн куоппутум. Ытыы ытыы танараттан мин дьолбун ынырарым бэйэм киэнин. Танарам миэхэ бэйэм дьолбун ыыппыта. Ол Баас оспута ол эрэн Суола Баар. Син биир иэйии буолан киирэн кэлэр. Саатар атын олохпор кэрсубут киьии...миэнэ буолан кэллэр...

    0
  • 123
    16 января 2017  

    Салгыытын кэтэһэбит

    0
  • Туйгууна
    16 января 2017  

    Сал5ыытын куутэбит, кытаатан элбэх со5уьу суруйаарok hand sign

    0
  • январь
    17 января 2017  

    все ждем продолжения

    0
  • оо
    17 января 2017  

    Хая суох дии

    0
  • Miss_X..009
    17 января 2017  

    Бырастыы гынын, олох завал буола турарrelieved face Хайаан даганы салгыам.

    0
  • уол
    18 января 2017  

    Дьаабы дьахталлар эбиккит. Таптал буолан..

    0
  • Клавдия
    18 января 2017  

    Уолга
    Онно дьахтар эрэ буруйдаах дуо,уоту аһааччылар эр дьон бэйэҕит ини. Кэргэннээх оҕолоох эрээри сырсар эр бэртэрин билэттиибит ээ,биһи даҕаны онон аҥардас дьахтар аймаҕы хоруотуур сыыһа соҕус дии саныыбын.

    0
  • ludpetl6
    19 января 2017  

    Хайаа, салҕыыта?

    0
  • Анна
    20 января 2017  

    Однолюбтар үксүгэр таптал туһугар көрсүү эбэтэр тапталы тэпсии мөккүөрүгэр түбэһэбит.

    0
  • Пелагея
    20 января 2017  

    Мин сатаан кинини үүрбэтэхим охолоругар,Миэхэ көһөн кэлбитэ.
    Бу сор дьолу кытары.Бу харах уута, эн аттыгар баарыттан үөрүүнү кытта.
    бу хас кун аайы куттал туох эмэ буолан миигиттэн дьонугар баран хаалыа диэн.
    мин билэбин биьиги арахсар кыахпыт суох,ол гынан баран манныгы кимиэхэ да бахарыам суоха этэ.

    0
  • Я
    21 января 2017  

    Кун аайы хаста да киирэн керербун, салгыыта???

    0
  • Катя
    21 января 2017  

    Салгыыта🙏🏻

    0
  • Клавдия
    22 января 2017  

    Хайа,ханна сүттэ бу,салгыыта суох буолаары гынна дуу? Бүтэрэ сатаа эрэээээээ.

    0
  • Лия
    23 января 2017  

    Салгытыыыыын пожалуйста white smiling face

    0
  • Катя
    23 января 2017  

    Наьаа да куутэбит

    0
  • Клавдия
    24 января 2017  

    Күн аайы кэтэһии....

    0
  • Клавдия
    26 января 2017  

    Эмиэ суох

    0
  • Ээ
    27 января 2017  

    Эмиэ суох. Куутэбит ээ. Салгыытын суруйуо этин

    0
  • Алена
    7 февраля 2017  

    хайаа умнан кээспит быьылаах батта( наьаа чучгэйдик са5алаан баран...

    0
  • Аагааччы
    8 февраля 2017  

    Быыс булан суруйан уордээрин эрэ... Долгуйа куутэбит...

    0
  • Клавдия
    12 февраля 2017  

    Суоҕун курдук суох эбит,салҕаммакка хааллаҕа.

    0
  • 💕
    15 февраля 2017  

    Кэтэьэбит а5ай🙏🏼

    0
  • Женя
    4 марта 2017  

    Оттон бүппүт курдук өйдөөтүм дии...
    На бесконечности автор тохтообут...
    Ол аата кэлин син биир бэйэтиттэн букатыннаахтык тэйиппит, сүрэҕиттэн хайа тардан.
    Толя да олоҕу, оҕолорун талан семьятыгар төнүннэҕэ.
    Автор ол бүтэһик, саамай ыарыылаах, ыарахан мүнүүтэлэрин кэпсээн тутулун ыһымаары, бэйэтин харыстанан арыйбатах.
    Төһөлөөх ыар тыл, өс санаа, күнүү уота иккиэннэригэр хонон ааспыта буолуой?
    Ол барыта аастаҕа...

    0
  • Аагааччы
    11 марта 2017  

    Ол да буоллар салгыытын оруу кэтэьэбит...

    0
  • Куутэбит
    12 марта 2017  

    Салгыытын суруйаар дууperson with folded hands Син биир киирэн кэтэьэбит

    0
  • Куоста
    12 марта 2017  

    Уоруллубут дьол дьол буотах

    0
  • Сааскылаана
    30 июня 2017  

    оо, салзыыта суох да, отой сурэзим ыарыйда, ытыы ытыы аахтым.

    0
  • Таастыйбыт сүрэх
    1 июля 2017  

    Ытаама Саас

    0
  • Н
    15 июля 2017  

    Мин олоҕум курдук да, миэнэ өссө курус. Кини кэргэнин, оҕолорун кытта олорор, өссө эбээ, эһээ буоллулар, онтон мин соҕотохпун, кини кэлэн баран, соннук көрсүү аатын сүгэн, олоҕум күөгэйэр күнэ бүтэн эрэр. Ол да буоллар - син биир кинини таптыыбын, ахтабын, күүтэбин. Наһаа да курус буолар эбит...

    0
  • Miss_X..009
    19 июля 2017  

    Бырастыы гынын( киьи бегете кууппут эбит, мин буоллагына кыайан бутэрбэккэ сылдьабын...
    Хайаан да бутэриэм диэн эрэннэрэн баран кыайан тылбар турумаары гынным...
    сал5аан керуем дуу?
    Ведь лучше поздно, чем никогда.

    0
  • Miss_X..009
    19 июля 2017  

    Атырдьах ыйа буолбута.
    Толя сим биир кэлэ-бара сылдьара, туох да5аны буолбата5ын курдук сылдьа сатыырбыт да5аны, испэр билэр этим, маннык кыайан олорбоппун диэн. Наьаа элбэх ыарахан баар эбит маннык сыьыанна, абааьы керер да киьибэр ба5арыам суох этэ... Гынан баран барыта атын эбитэ буоллар, диэн утуйаары сытан санаан ыларым. Арай кинилиин учугэй ба5айытык сырыттыбыт? Дьиннээхтии... Кимтэн да саспакка, кимтэн да куттаммакка... Дьуегэлэрбин кытта билсиьиннэриэм этэ, дьиэ кэргэммин кытта билсиьиннэриэм этэ...А5ам себулуе а5ай этэ кинини, боростуой тыа уола, улэьит, эбиитин техника5а сыьыаннаах... Кини дойдутугар баран уьуен (дессе бырааппын ылыахтара этэ) кустуу игин барыахтара этэ... Биьиги ийэбинээн уонна кини ийэтин кытта сир астыахпыт этэ, уонна киэьээ бары биир остуолга олорон ирэ-хоро кэпсэтиэхпит этэ...
    Ол кэниттэн? Ол кэниттэн учугэйдик бэйэ-бэйэбитин билэн баран, эйэлээх дьиэ кэргэн буолуохпут этэ... "Этэ" эрэ диир кыахтаах буолла5ым дии.
    Уоллаах кыыс уулусса5а хааман иьэллэрин керен баран, наьаа да5аны дьоллоохторгут эьиги, диэн санаан ылааччыбын. Билэллэрэ дуу кинилэр дьоллорун? Мин эмиэ инник сылдьыахпын наьаа да5аны ба5арар этим... Инник эбитэ буоллар мин Толялыын хаьаан да5аны этиьиэ суох этим, наар учугэй ба5айытык иккиэн эйэлээхтик сылдьыа этибит... Хомойуох иьин инник буолар кыа5а суох этэ.
    Эрдэттэн билэр этим маннык буолуо5а диэммин, ол эрэн сим биир сырытта5ым. Кэьэйдэ5им ээ, иэспин ылла5ым ээ. Буоллун. Акаары буолуо суохтаах этим, бастаанныттан ити сыьыаны суох оноруохтаах этим.

    0
  • Miss_X..009
    19 июля 2017  

    Куьун кэлбитигэр сотору-сотору ыйыталаьар буолбутум, "хайа, дьонун хаьаан кэлэллэр?", "туох диигин?", "кэпсэтэ5ит дуу билигин?", "учугэйдик толкуйданнын да?". Толя эппиэттээн иьэрэ... Кэллэхтэринэ баран керсер уьу, уонна дьэ кун сарсын загса5а заявление биэрэллэр уьу... Кини кэпсээнин иьиттэххэ, эмээхсинэ сайын бэйэтэ иннэ диэбит уьу, ол иьин туох да5аны проблема тахсыбат диэн эрэннэрбитэ. Мин куутэрим да5аны, куттанарым да5аны ол тугэнтэн...

    Арай биир кун эбиэт диэки телефонум тыаьаата. Кербутум, Таня эрийэр эбит.
    - Привет! - диэн трубкабын ыллым.
    - Привет, Нина. Хайыы сылдьа5ын?
    - Суох, бу дьиэбэр олоробун, эн туох солуннааххын?
    - Да... Нина, биири ыйытабын? - Таня куолаьа хайдах эрэ кыччаан хаалла.
    - Ыйыт аьаа... - тугу ыйытарын тута сэрэйбит да буолларбын хайдах гыныахпыный.
    - Еьургэнимэ сэп... Ол гынан баран кырдьыгы этиэн дуу баьаалыста... Эн Толялыын билигин да5аны кэпсэтэ5ин да?
    Мин санарбакка олордум. Хайыыбыный? Билинэбин да? Сааты-сууту... Бу аан дойдуга биир да5аны киьи билбэт мин оноро сылдьар буруйбун. Кимиэхэ да5аны кэпсээбэтэ5им, маннык дьаабылана сылдьарбын. Э суох... Эппэт эбиппин, аны баран дэриэбинэни толоруо... Сана "суох, бут эрэ" диэри гыммыппар кыыьым санаран киирэн барда:
    - Эппиэттээмиэххин да сеп, иьит эрэ миигин. Ааспыкка Вася кэлэн Толя куоракка чуечэлэммит быьылаах диэбитигэр мин дивантан суулла сыыспытым.
    - Таня...
    - Тохтоо, иьит! Хайдах эрэ айманан хааллым, мин кыыьым буолбатах ини диэн санаалар киирэн аастылар. Ону мин ону кердербекке то5о иннэ диэтин диэн ыйыталаспытым. Вася этэринэн сотору-сотору куоракка киир да киир, та5ыс да та5ыс буолар уьу Толя. Сугун оттообокко да5аны теттеру таары айаннаа да айаннаа... Неделя курдук аннараа еттугэр ыйыппыт уьу Вася, то5о куораттыыгын диэн, ону Толя кулэн ылбыт уьу. Ону мин аата, ол куоракка барар буолла5ына да5аны чуечэлээх даа диэбиппэр, бэ5эьээ иккиэн массыына оносто сырыттахтарына Толя телефона тыаьаабыт, ону Вася алхас кербутугэр "Кун" диэн тахсан кэлбит уьу.
    - Ким диэтин? - диэн ыйыттым Таняттан... Куолайым барыта хатан хаалбыт курдук буолбута... Ити баар... билэн эрдэхтэрэ ээ дьоннор...
    - Кун диибин, Кун! Ол кэниттэн Толя телефону ылан баран тэйиччи барбытыгар, кыыс куолаьа кыратык иьиллэн ылбыт уьу. Вася уеннээн кэнники туох диэбит уьу, "айка да, эмээхсиннин баччаанна диэри Кун диэн сохраняйдыы сылдьа5ын дуу, миэнэ "Танька не бери" диэн сылдьар диэн кулбут. Онуоха Толя "бут эрэ, атын ээ" диэбит. Оччолоо5у истэн бараммын мин "чэ атын да буоллун ээ, арахсыбыт уьу бытта сура5а" диэбиппэр Вася "эс, хайдах, Толя ийэтэ кийиитин керсееру бэлэмнэнэ сылдьар дии" диэбитэ. Короче, эт миэхэ, эн дуу эн буотах дуу?!

    0
  • Miss_X..009
    19 июля 2017  

    - Мин, Таня... Мин... - иьиллэр иьиллибэттик эттим. Дьэ билигин кини миигин уе5уе, ме5уе ээ дии саныы олордохпуна, трубка ненуе Таня ере тыыммыта иьиллиннэ.
    - Акаары да кыыскын... Туох диэбитэй эйиэхэ? Ара5ыстым диэбитэ да? - оргууй а5айдык хомойбут куолаьынан санарда.
    - Аьаа...
    - Иьит эрэ миигин, Толя билигин манна баар. Сарсын ити эмээхсинин улууьугар баран ылаттаан кэлэр уьу. Бугун сарсыарда ма5аьынна Толя ийэтэ ас бе5етун ыла турар этэ. Ону продавец чуечэ "хайа буу, туох бырааьынньыга буолаары гынна" диэбитигэр, ийэтэ "сиэним кэлэр сарсын, Толик ыла бараары хомуна сылдьар" диэн эппиэттээбитэ. Онон манна бары куустээх айманыы, Толя кистэлэн кэргэнин кереерулэр ба5а бе5е. Ким да5аны арахсыбыттар эбэтэр арахсаары сылдьаллар диэн быктарбат да5аны.
    Мин хайдах эрэ буолан хааллым. Ситэри учугэйдик тугу да5аны ейдеебетум. Маарын эрэ кэпсэпиппит дии Толялыын, кэлэллэрэ дессе да биллибэт диэбитэ...
    - Эс, сарсын да? Миэхэ эппэтэ5э ээ...
    - Бут эрэ, Нина! Ейдеебекке олоро5ун что ли? - Таня кыыьыран эрэрэ биллибитэ.
    - Санаан керууй эн, о5отун ийэтигэр сим биир а5алан кердерер буолла5а дии. Ол кэниттэн кэпсэтиэхтэрэ. Гынан баран то5о миэхэ эппэтэ5ий? - меккуьээри гынным игин, ол быыьыгар толкуйдаан да5аны ыллым. Кырдьыктыы кэлэр буоллахтарына то5о эппэтий миэхэ?
    - Онон туох диэххин ба5ара5ын? Кини кэлэн билигин кердерер, ол кэниттэн сразу арахсаллар диэри гына5ын да?
    - Аьаа... Инник диэбитэ ээ миэхэ, Таня..
    - О дьэ, туох да5аны диэхпин билбэппин. Билигин Толя5а бэйэтигэр тахса сылдьыам ээ! Тугу кэбилэнэ сылдьарый! Эн ыйыппата5ын да5аны буолуо учугэйдик, иэьин ылыам ээ, дессе ол бу буолбут буола буола! Миэхэ ба5ас албыннаан кердун эрэ!
    - Таня! Бут эрэ, кыттыьыма! Бэйэтэ этэр буолла5ына этиэ буолла5а дии! Подруга буоллаххына барыма киниэхэ, кини барытын миэхэ бэйэтэ кэпсиэ5э.
    - В смысле? Бэйэтэ кэпсиэ дии саныыгын да? - Таня кулэн ылла. - Ну, ну, керуехпут.
    - Кэпсиэ5э. Эн билбэккин Толяны...
    - Сэп аьаа, эн билэ5ин диэн саныыгын да? Тыал курдук киьи бытта, биирдэ манна, биирдэ онно. Биир эмит тылыгар итэ5эйэ5ин да?
    - Итэ5эйэбин. Барытыгар итэ5эйэбин...
    - Нина... Мин сотору куоракка киириэм, онно керсуехпут сэп? Барытын учугэйдик кэпсэтиэхпит. Маннык олорон кэпсэтэр туьа суох, ити абааьы уола ейгун учугэйдик кетуппут.
    - Иннэ диэмэриий...
    - Тугу да этиэм суо5а Толя5ар. Керуехпут тугу дальше гынарын, кэпсиир эбит дуу суох дуу...

    0
  • Miss_X..009
    19 июля 2017  

    Кэпсэтэн бутэн баран ер со5ус толкуйдуу олордум. Буттэ, Таня биллэ. Арай Вася5а кэпсээтин? Арай Толя5а баран кыыьырдын? Уонна ити барыта кырдьык буолла5ына, то5о Толя миэхэ маарын кэпсэтэ олордохпутуна туох да5аны диэбэтэ5ий? Чэ буоллун, ба5ар ол кэниттэн быьаарыллыбыта буолуо дии? Киэьээ эрийдэ5инэ кэпсиир ини... Кэпсиэ5э, биьиги бэйэ бэйэбититтэн тугу да5аны кистээбэппит. Кэллэхтэринэ да5аны туохтаа5ый... Барыта быьарыллыа этэ буолла5а дии.
    Инник диэн бэйэбин уоскутуна сатыы олордум, ол гынан сим биир санаам буолбакка ватсаптаатым:
    "Хайа, что делаешь?".
    Ер со5ус буолан баран эппиэтээтэ:
    "Кун, мин пока солом суох дии, массыына оносто сылдьабын, вечером позвоню".
    "Мм, хорошо. Туохха оноьуннун? Алдьанна дуу ханна эрэ бараары гыннын дуу?"
    "Э, для профилактики. Мотор ин барахлит".
    Мин эппиэттээбэтим. То5о эппэтэй? Чэ киэьээ этэр ини...

    Киэьээ 10 чаас буолла. Киьим эрийбэт. 11 буолла. Эмиэ эрийбэт. Утуктаан киирэн бараары гынным... Баччаларга уже кэпсэтэ олорор буолааччыбыт дии...
    12 чааска тулуйбаккабын бэйэм эрийдим, ер со5ус буолан баран биирдэ ылла.
    - Привет!
    - Привет, хайа утуйбакка сыта5ын да? - диэтэ.
    - Суох, онтон эрийиэм диэбитин дии...
    - Бырастыы гын, сылайдым а5ай ээ, куну быьа улэлээн та5ыстым...
    - Аа... улэлээтин дуу массыына оноьуннун ду? - диэтим тулуйбакка.
    - И то, и другое.
    - Мм... уонна туох солуннааххын?
    - Кун, олох утуйа олоробун ээ, сарсын кэпсэтиэхпит сэп? - диэтэ арай Толя. Хаьаан да5аны иннэ диэччитэ суох. Бу иннинэ хас кун аайы хаста да5аны эрийэн, оттоон да кэлбит буоллун, хайдах да5аны сылайбыт буоллун, сим биир бэйэтэ эрийэн кууьунэн кэпсэтээччи. Мин сылайбытын буолуо, баран утуй диэтэхпинэ олох суох да суох диэн олорооччу...
    - Сарсын тугу гына5ын? - санаам буолбакка сим биир ыйыттым. Эт чэ... Эт...
    - Билбэтим ээ... Куруе ин тута барабыт быьылаах алааспытыгар.
    Иьииттим эрэ, истибэтим эрэ, трубкабын ууран кэбистим, уонна ороммор сытынан кэбистим. Кулгаа5ым иьигэр туох эрэ чункунуур курдук буолла. То5о эппэтий? Ама дуо... Эс, суох... Суох... Киьим эрийбитигэр ылбатым. Ватсапка да5аны киирбэтим, уонна потологу одуулуу одуулуу сыттым.

    0
  • Miss_X..009
    19 июля 2017  

    Сарсынны кунугэр одноклассниктарбын кытта керсуьэ походтуу барыахтаах этибит. Оскуоланы бутэрэн баран сыл ахсын керсен, ким туох уларыйыылаах, солуннаах буоларын билээри.
    Сарсыарда эрдэ со5ус туран кербутум, Толя ити туун биирдэ эрэ эрийбит эбит телефону уурбуппун кэннэ, уонна ватсапка: "кыыьырыма, Кун. Сарсын биллиэм" эрэ диэбит... Сурэ5им хам тутан ылаахтаабыта да5аны, аралдьыйа таарыйа походка илдьэ барар аспын игин астанным. Куну быьа телефону манаан олорбот гына, сэргэхсийэ таарыйа о5олорбор баран кэлиэм диэммин...
    Сим биир сотору-сотору телефоммун керен аьардабын. Группа5а одноклассниктарым эрэ суруйсубут буолаллара...
    Эбиэттэн киэьээ 2 однокласснигым массынанан кэлэн дьиэбэттэн ылбыттара, айаннаан иьэн ессе икки кыыьы ылан ааьан, куорат таьыгар тахсыбыппыт.
    Костер уота умайар, тулабар бары уеруу-кетуу... Кимнээх эрэ шашлык оноро сылдьаллар, биир Вова диэн уол гитара5а оонньуу-оонньуу ыллыы олорор, кини аттыгар олоробун мин. Кулуех да уеруех да санаам кэлбэт, о5олорум бастаан ыйыталаьа сатаабыттара, ол кэниттэн чэ уоскуйдулар быьылаах. Баччаанны диэри эрийбэтэ... Мин да5аны есеьен олорон эрийбэтим.
    Дьэ бары аьаан, сиэн, оонньоон бутэн, 14 киьи костер тула муьуннубут. Уонна ол же Вовабыт гитаратын тыаьыгар ырыалары ыллыы олордохпутуна телефонум тыаьаата. Сурэ5им айахпынан тахса бара сыыста... Ыксааммын наьаа ырааппатым дьоммуттан, трубканы кетехтум.
    - Алло!
    - Привет! - диэтэ Толя.
    - Привет! Хайа, ер да ер эрийбэтин дии! - диэтим кыыьырыахча буолламмын.
    - Бырастыы, улэ ынырык элбэх... Даа, кыыьырыма дии?
    - Хайаатын?
    - Мин бу куннэргэ кустуу барарым буолуо, а5ыйах хонук связька кыайан тахсыбатым буолуо...
    - Кустуу даа? - онно билбитим. Барытын билбитим.
    - Хайа онтон, сентябрь буолла дии, куьунну кус сезона кэллэ5э дии... - диэтэ. Мин эппиэттэбэтим. - Кыыьырдын да? Нина? Ханна сылдьа5ын эн? Кимнээх ыллыыларый ити?
    - Куулэйдии сылдьабын, ону тугуй? - диэтим кытаанах ба5айытык.
    - В смысле? Ханна куулэйдээтин? Кимнээ5и кытта сылдьа5ын? - дессе сымыйанан кыьаллыбыта курдук буолан ылла...
    - Ону эйиэхэ тугуй?!
    - Нина, туох буоллун эн бэ5эьэттэн быьа?
    Тыын ыламмын барытын кэпсээри турдахпына арай кэнититтэн куолас иьиллиннэ:
    - Толик, бу турар эбиккин дуу! Ханна суттэй диибин ээ, Димка эйиигин олох сутэрэн кэбистэ... - чуечэ куолаьын истэммин сап-салыбырас буолан хааллым. - Да, мин эйиэхэ эрийэ сылдьыам дии? - Толя ыксаабыт куолаьынан санаран баран трубканы ууран кэбистэ.

    0
  • Miss_X..009
    20 июля 2017  

    Буттэхпит дии манан, буттэхпит... Кини миэхэ тугу да5аны кэпсээбэтэ, кини миигин албыннаата... Дессе эбиитин кустуу барабын, связька тахсыбаппын диэннээх ээ...
    Туох баар ба5а санаам, олоххо тардыьыым, инникигэ эрэлим барыта сутэн симэлийэн хаалла5а. Ама маннык буолар тустаах этэ дуо? Ама маннык бутуехтээх дьоннор сылдьаахтаабыппыт дуо?
    Сана тиллэн эрэр сурэ5им эмиэ хайа барда5а... Аны хаьаан да5аны, кимиэхэ да5аны итэ5эйбэппин, кимиэхэ да5аны инник сыьыаннаспаппын.
    Бу олоххо биирдэ кэлэр быстах дьолум амтана минньигэстэн аьыыга кубулуйара тургэнин...
    Барыта бэйэм буруйбар, барыта бэйэм акаарыбар.
    Ол гынан баран... Оо, сылаас да тыллары этэрэ, элбэ5и да эрэннэрэрэ. Кинини кердехпунэ туохпун барытын умнан кэбиьэрим, ким да5аны туох да5аны диэтин, кинилиин дьоллоох буоларым туьугар барытын тулуйуом этэ.
    Дирин оспот сурэх бааьа, дууьам хаьытыыр ыарыыта буолан хаалла5а.
    Мин тапталым манан елбутэ. Елбутэ...

    0
  • Miss_X..009
    20 июля 2017  

    Биир сыл ынырык уьуннук ааспыта. Ити биир сылы быьа мин олорбото5ум, ха5ым эрэ сылдьар этэ. Кулуу, уеруу, оонньуу диэн суох буолбута. Мин аргыстарым - ырыалар, саба туьэн ытыыр сыттыгым, уонна ыраахха кулумурдуур тымныы сулустар.
    Туманынан буруллубут оло5ум кэмэ, хаьаан бутэн абырыыра эбитэ буоллар?
    Толя биллэ сылдьыбыта. Хаста да5аны атын номердартан эрийэн кэпсэтэ сатаабыта, ону маны туойан, бу арахсан эрэбин, ол арахсан эрэбин... Ер истэ барбакка чёрный списоктаан иьэрим. Биирдэ сааьыары эмиэ эрийбитэ кимтэн эрэ, дьэ онно кэбилэннэ5э уьу...
    "Мин эйиигин эрэ таптыыбын, Кун. Олох ейбуттэн кыайан тахсыбаккын, туун аайы туулбэр кэлэннин миигин ыныра5ын..."
    Албын. Албын. Албын.
    Ол эрийбитин кэнниттэн мин сутэрдии суппутум. Туох баар социальнай сетьтарбын барытын сотторон, номербын уларытан сылдьыбытым. Оннугунан оннук да5аны да... Хас кун аайы саныыбын. Хата кини мин туулбэр киирэн сордуур, сарсыарданан уьуктан кэлэн эмиэ ытыах санаам кэлээрэ. Хайдах тулуйан сылдьыбыппыный?! Хаста суустэ барытын умнан туран киниэхэ эрийэн баран: "кэл миэхэ, эйиигинэ суох саатан олорбот эбиппин..." диэхпин ба5арбытым буолуой? Илиибин саайа саайа, хара5ым уутунан суунаммын, хас тууну атаарбытым буолуой? Мин ыарыыбын, хаьыыбын ким да билбэт этэ, ким да истибэт этэ. Арай чуумпу харана халлаан эрэ билэрэ, мин хайдах курдук эрэйдэммиппин, сордоммуппун.
    Ол гынан баран мин сепке гыммыппын... Ону сурэхпинэн да5аны, ейбунэн да5аны билэбин.
    Таптал таайыллыбатах таабырына, то5о миэхэ бэриллибэтэ5ий? То5о булан ылан инник киьини сурэхтэпиппиний? То5о?!

    0
  • Miss_X..009
    20 июля 2017  

    Ити буолбут тугэн кэннэ, икки сылынан кини арахсыбыта... Ойо5о арахсыахха диэн арахсыбыттар уьу, Таня кэпсииринэн. Арахсыбыттарын кэниттэн соторунан биир кыыьы а5ала сылдьыбыт уьу дойдутугар. Эмиэ миигин курдук керсуу оносто сылдьыбыт кыыьа буолуо дуу?
    Мин ону истэн баран: "Таня, миэхэ баьаалыста ити киьи туьунан аны хаьаан да5аны санатыма" диэбитим.

    Итинэн Толя мин олохпуттан букатын суппутэ диэхпин ба5арабын да5аны, оннук буолбатах...

    0
    • Оттон түмүгэ хайдах этэй?
      22 июля 2017  

      Miss_X..009, ол аата олоххуттан сүппүтэ дуу эбэтэр билигин да көрсөҕүт дуу?

      0
  • .
    21 июля 2017  

    олус хомолтолоох кэпсээн( , биир тыынынан аахтым

    0
  • 17
    27 июля 2017  

    олус интириэьинэй кэпсээн.Гынан баран олох кердерерунэн эр киьи арахсан баран кэлин сааьырда5ына син биир бастакы кэргэнигэр тенне сатыыр акаары да эбиппин диэн теманан, керсуулэрэ быстах сыьыан аатыраллар, но того что было не вернуть поезд ушел жена обратно не примет. Так что цените своих жен и детей. Гормоны гормонами, но семья гораздо важнее. Кыргыттар кэргэннээх дьону иирдимэн чревато будет.

    0
  • Кыыс
    30 ноября 2018  

    Олус учугэйдик суруллубут кэпсээн. Автор дьоллоох буол! Аналгын керсергун ба5арабын!🙌🏻

    0
  • Виктория
    1 декабря 2018  

    Манан буттэ да?(((

    0
  • Магри
    1 декабря 2018  

    Арааһа

    0
  • davtatal
    davtatal
    степан давыдов
    3 декабря 2018  

    Барахсан тыыннаах эрэ буоллун этэннэ эрэ сырыттын.. таптыыр киьин Кун сириттэн букатын барара дьэ Ол баар ыарахан сутук..

    0
  • Кубэйэ
    20 апреля  

    Сорого ханнаный сана ааган иьэн бутьэ да

    0
  • Я
    2 мая  

    Атын дьахтары агалбыт диэбиттэр батта ол аата керсубэтьэр бо, просто она до сих пор таптыыр

    0
  • Я
    2 мая  

    Наьаа ниэрбэ жьээдьискэ вообще , ойох тахсыбытын эбитэ буоллар эйигин эмиэ изменяйдыа эбит

    0
Ответ на тему: Уоруллубут дьол - дьол буолбатах.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания