Лара кыыс дьыл5ата (Дьиӊ олохтон кэпсээн)
Симбиоз  -    10481
Мэӊэ улууһун Бастыӊа уонна Сиэр Атыыр диэн ини - бии алаастар икки ардыларыгар эһиги Биэкинэлэргит, оттон биһиги Куоллараларбыт диэн хос-хос ааттанан үөскээбит, тэриллибит түгэх дэриэбинэ. Дэриэбинэ Куоллара диэн Суола үрэх синньигэсчээн салаатыттан ууланан аһыыра. Кини Саха сирин бүк, саһан сытар дэриэбинэлэриттэн туох да дьикти, оннук үлүгэрдээх уратыта суо5а. Син - биир оборчо бадараанынан ыбылы туолбут чаллыр5ас тыастаах кыара5ас уулуссалардаа5а, үлэһит, сымна5ас майгыннаах дьоннордоо5о, сүрэ5э суох, чанчарык, бытынан, кылахынан туолбут "нэһилиэнньэлэрдээх" да ыаллар үгүстэрэ. Арай үксүлэриттэн улахан уратыта диэн, былыргы үйэ5э тутуллубут багдайбыт нууччалыы таӊара дьиэлээ5э эбитэ дуу...
1979 сыл. Олунньутаа5ы тымныы күн арыый сэниэлээхтик уһаан, үөрбүтүнэн - көппүтүнэн тэйиччи дьурааланан көстөр туманнаах са5ахтан аа - дьуо тэмтэйэн быган тахсыбыта. Кини бастаан барыларыттан саамай үрдүктүк ньолойон хаара хастаммыт, кубараччы хаппыт ньолбуһах таӊара дьиэтин хара куупалын тыкпыта. Онтон аргыый а5ай сы5арыйан, аллара диэки түстэр - түһэн, үрүӊ бэргэһэни кыӊнары кэппит дэриэбинэ эргэ бөлөх дьиэлэрин эргиччи сырдаппыта. Ону да5аһан, ханна эрэ киһиргэс, эрдэһит ыттар үрэн баргыстылар, сопхуос тыраахтырдара тарыластылар, дьиэлэр турбаларыттан ыксаабыт унаар буруолар, куоталаспыттыы киэӊ куйаар диэки харбыаластылар. Быһата, дэриэбинэ барахсан түүӊӊү уһун уутуттан уһугунна диэн кэбиһиэххэриӊ.
- Хотуой, тур, оскуола5а барар кэмиӊ буолла, - кэһиэхтээх итирик саӊаттан соһуйан, уоллуу кырыллыбыт кылгас баттахтаах кыракый Лара кыыс күөдэл курдук ыһыллыбыт тимир ороӊӊо, чараас суор5анын туора хаһыйан олоро биэрдэ. Чугас истиэнэ5э сыста саайыллыбыт уотун кунуопкатын харбыалаһан, дьиэтин иһин сырдата о5уста. Төкүнүк хап - хара хара5ынан куттаммыттыы тулатын ылап - халап көрөөт, дьиэ салгына тымныынан хаарыйарыттан ыксаан, тобуктанан хаалбыт кирдээх рейтуза ыстаанын булан, таӊнан букунуйаахтаата.
Ответов 41 Написать ответ
  • troyn_network
    30 ноября 2015  

    Сал5ыытын баьаалыста суруй

    0
  • Симбиоз
    30 ноября 2015  

    Сал5ыыта:Лара кып - кыара5ас ыһылла5ас дьиэтин иһигэр ийэтэ суо5а этэ да, бу кутталлаах саӊа кыыс кырачаан мэйиитигэр ааспыт күһүӊӊүттэн хатанан хаалаахтаабыт. Быһаччы эттэххэ, бала5ан ыйын бастакы күнүттэн пиэрибэй кылааска киириэ5иттэн эбитэ дуу. Түүнү быһа итирик дьон ньамалаһыытыттан утуйбатах о5о, сарсыарданан саӊардыы нухарыйан эрдэ5инэ, ийэтэ буолуохсут батта5ыттан баччыктаан уһугуннаран турардаах. Этэргэ дылы, били, дьону ууларыттан уйгуурдан туруортуур тырылыыр да чаһы наадата суох курдук.
    Бүгүн эмиэ кини дьиэтин таһыгар боруоран турар алта кылаастаах кыраммыт оскуолатыгар тахсыахтаах. Үөрэнэ. Аа5а - суоттуу."Онно" кини барыан сүрэ5э отой ба5арбат. Онно ... киӊнээх, о5ото да, эрэ да суох кырдьан - сорсуйан эрэр учуутал дьахтар, охсор - тэбэр, ата5астыыр, орой мэник о5олор, "онно" кинини кытары ким да кэпсэппэт, оонньообот. Хомолтолоох, куһа5ан да5аны. О5олортон эрэ мара таӊастаахтара кини, о5олортон эрэ үөрэ5эр мөлтөх кини, эбиитин олох саӊата суох, муннугу, хайа5аһы кэйиэлии сылдьар муӊкук ба5айы кыыс буолаахтаата5а. Бука, ити барыта төрөппүттэриттэн сылтаан буолуо, а5ата суох, ханна барбытын дуу, сүппүтүн дуу кини билбэт, ыйыталаспат да5аны. Оттон ийэтэ, саһыл ферматын остуораһа, дэриэбинэ биллэр - көстөр иһээччитэ этэ.
    Кыыс тымныынан хаарыйар муоста устун сыбдыйан, иһитинэн томточчу туолбут остуол баһыгар кэлэн, тугу эмэ сиэтэрбин диэн ону - маны тутан өӊөӊнөөн көрдө да ... Ити кэмӊэ таһырдьа бүтэӊи тыас тилигирээт, тоӊ аан арылла биэрээтин кытары, хас да киһи кырыаны кытары куустуһан, арыгы сытынан тунуйан иһирдьэ кутуллан киирдилэр, олор быыстарыгар ийэтин хара бэргэһэлээх төбөтө лэкээрэр. Лара кыыс кыбыстан иһирдьэ куотта.
    - Хайа, бу о5олор өссө да оскуолаларыгар бара иликтэр эбит дуу, - ийэтин ньалыгыраабыт холуочук саӊата иһиллэ о5уста. Саһыл ферматыттан бүгүн эмиэ "кып" гынан а5албыт, кытаран көстөр ырыган тоӊ эт кырбастарын, иһит быыһынан остуолга таӊнары тутаат:
    - Лаара, хотуой, тугу сиэри остуолу тиӊсириӊнии сылдьа5ын, убайдарын турбуттара дуо?
    Иһирдьэ таӊас быыс кэннигэр, киниттэн а5ыйах эрэ сыл а5а үс убайдара өссө да утуйа сыталлар этэ, муннуларын тыаһа буккуруура.

    0
  • Симбиоз
    30 ноября 2015  

    Сал5ыыта:Суох, утуйа сыталлар.
    - Бар, уһугуннартаа.
    Кыыс эрэйдээх кумуччу туттаат, соӊуорбутунан таӊас быыстаах хос диэки хайыһаахтаата. Бу курдук кинилэргэ, о5олорго, саӊа хобдох күннэрэ эмиэ ыарыылаахтык са5аламмыта.
    Бу кэннэ сыллар - хонуктар биллибэккэ түргэнник элэӊнээбиттэрэ. Лара кыыс ийэтэ итирик сылдьан соһуччу тоӊон өлөн, ыкса турар атын улууска көһөн, аймахтарыгар олохсуйан, уон кылаастаах оскуоланы бүтэрбитэ. Билигин кини улаатан, ситэн - хотон тупсан, олус кыраһыабай кавказ омук кыыһыныы кубулуйбута да5аны, оло5ун ыараханыттан эбитэ дуу, эбэтэр наар уолаттар ортолоругар улааппыт буолан дуу, наһаа тыйыс, сорох туора киһини бэйэтиттэн тэйитэр туох эрэ туспа күлүк курдук киниэхэ баара. Ахтыл5аннаах төрөөбүт сиригэр төннөн кэлэн, парыхмаахарынан үлэ5э киирбитэ. Бу манна кыра кылаастарга үөрэммит сылларын кини саныан да, кэпсэтиэн да ба5арбата, сүрдээ5ин кыбыстара уонна хоргутара. Били сабыс - саӊа арааһынай өӊнөрдөөх тэтэрээтин, кылааһын о5олоро ата5астаан хайыта тыыппыттарын ама умнуо дуо. Оло5ор собус - со5отох хаалбытыттан мэлдьи кыһыйа, быыппаста сылдьар учуутала, токур тарба5ынан ыарыылаахтык оройго охсорун. Төһө да ааспытын иһин... дууһатыгар ыарахан этэ.
    1989 сыл. Күүтүүлээх ыһыах күннэрэ дьэ са5аламмыттара. Куоллара уонна Биэкинэ үрэх күүстээх, бө5ө ыччаттара, күрэс былдьаһан күрэхтэһэн күөн көрсүбүттэрэ, ырыаһыттара тойук туойбуттара, сарсыарданан бары илии - илиилэриттэн тутуһан, аламай күнү көрсө киэӊ түһүлгэ оӊорон наһаа эйэлээхтик оһуокай тылын эппиттэрэ. Эргиччи күп - күөх, күн да күн, самаан сайын кийиит кыыс курдук саамай тупсан турар кэрэ кэмэ этэ.
    Бастыӊа алаас кырыытыгар үүммүт ара5ас дьураалардаах бөлкөй талах быыһынан сырдык таӊастаах икки эдэр киһи аргыый сэргэстэһэ хаамсан иһэллэр. Саһан туран бу аанньаллары өйдөөн көрдөххө, үп - үрүӊ былааччыйалаах, моонньугар былааттаах дьылыгыраабыт көнө уӊуохтаах хатыӊыр кыыс, күлэ - күлэ ону - маны кэпсиир быһыылаа5а. Кэпсиирин быыһыгар мэнигилээн буолуо, нарын - нарыннык көтө - дайа хамсанан до5орун сибэкки дьөрбөтүнэн тамнааттыыр. Биирдэстэрэ үөһээттэн сэбирдэхтии тэлибирээн түһэр, арааһынай дьүһүннээх таптал бэлэхтэрин, илиитинэн сэмээр туора хаһыйталыыр, ол быыһыгар соро5ун хабан ыла - ыла түөһүн сиэбигэр уктар уонна күлэн лаһыгыратар.
    Бу Ларалаах Андрей этилэр.

    [Сообщение редактировалось]
    0
  • troyn_network
    30 ноября 2015  

    Сериал курдук эбит Бэрт суруйан ис.

    0
  • Симбиоз
    30 ноября 2015  

    Сал5ыыта:Уол төрөөбүт дойдутугар сынньана, кыыһын кытары көрсө кэлбит биир умнуллубат кэтэһиилээх кэмэ этэ. Арай хомолтолоо5о диэн, до5оро Андрей аны икки хонугунан үлэтигэр Намӊа барыахтаа5а.
    Күн тахсыыта ыам бырда5а саба түһэрин аахсыбакка, Куоллара үрэх сыырынньы кытылыгар икки хара күлүктэр хаамсан киирбиттэрэ. Кинилэр хаһан да арахсыа суохтук куустуһан турбуттара. Онно икки сүрэх тэбэн тохтуурун кэмигэр, кыракый үрэх үтүрүйсэн чалымныыр тыаһыгар, маннык тыллар сибигинэһэн иһиллэллэрэ. Лара эйиигин таптыыбын да5аны!... Мин эмиэ Андрей! Мин хаһан да5аны тапталбын түһэн биэриэм суо5а, эрэн, күһүн уоппускабын ыллахпына холбоһон ыал буолуохпут!... Мин ыраас тапталбын эйиэхэ эрэ анаан, харыстаан илдьэ сылдьыа5ым!... Сөп, сөп өйдөөтүм!... Анда5айабын!... Мин эмиэ анда5айабын!

    0
  • Симбиоз
    30 ноября 2015  

    Сал5ыыта:Бу анда5айсыылаах кистэлэӊ сипсиһиини, үрэх уӊуортан биир ыйаастыгас харахтаах, уһуктаах муруннаах, чулбугур сирэйдээх, саһыл курдук сирэйдээх сырдык уол саһан олорон уоруйахтыы истибитэ уонна хатырбыт сымыһа5ын быһа ытыраат, иӊсэлээхтик кыбдьыгыраан ылбыта.
    - Дьэ, хайабыт буолар! Итиччэ үчүгэй кырасыабай кыыһы бастаан мин иннин ылыахтаахпын, эн сордоох үлэ5эр бара сатаа.
    Күһүөрү сайын кыыс, бу төрөөбүт дэриэбинэтиттэн олох көһөн барардыы оӊостубута. Уолугар Андрейга сурук суруйбута. "Эн миигин мантан букатыннаахтык илдьэ бар диэн". Биричиинэтэ биллэр этэ, уолаттар атыыр5аан, кыыһын ылаары сүгүн сырытыннарбаттара. Онно - манна тоһуйа, хаайа сатыыллара. Олортон били чулбугур сарыннаах саһыл уол олох наардыыра, холуочуйан кэлэ - кэлэ күүлэйдии барыахха диэн модьуйара. Кини хаста да сирэйгэ таһыйыллан уулусса анньыллыбыта да, тохтуох быһыыта суо5а. Соро5ор Лара хараӊа5а, со5ото5ун таһырдьа да кыайан тахсыбат түгэннэрдээ5э...
    Бу кэмӊэ Лара5а, күүтүүлээх күндү сурук почтанан тигинээн кэлбитэ. Андрейтан. Атырдьах ыйын бүтэһик күнүгэр, эйиигин ыла тиийиэ5им бэлэм олороор диэбит этэ. Кыыс үөрүүтүттэн олох көтө - дайа сылдьара. Халандаарын кыракый илиистэрин, биир - биир хайыта тардан суох оӊортуура. Күн - хонук илистиилээхтик аастар - ааһан, уол кэлэрэ тиийэн кэлбитэ.

    0
  • Симбиоз
    30 ноября 2015  

    Сал5ыыта:Лара барахсан таӊаһын - сабын хомуммута, чугас дьонунаан быраһаайдаспыта. Сарсын мантан букатыннаахтык барыахтаа5а...
    Арай ол күн соһуччу, чугас дьүөгэтэ миэхэ баһаалыста кэлэ сырыт диэн илдьит ыыппыт этэ (ба5ар, ол соруйан оӊоһуу буолуо). Ол абаккалаах, иэдээннээх тымныы киэһэ, кини, били дьүөгэтиттэн хойутаан, дьиэтигэр ыксалынан кэлэн истэ5инэ, кэлээскэлээх кыһыл матассыыкыл иннин күөйэ тохтообута. Күлүгээттэр үстэр этэ. Күлсэн ымаӊнаспыттара. Кыыһы хаһыытаппытынан сутуруктарынан охсон дөйүтэн түһэрээт, матассыыкыл кэлээскэтигэр симпиттэрэ уонна тэйиччи турар алаас диэки быылы бур5ачытан тэптэрэ турбуттара. Онно... онно быра5ыллыбыт бөх өтөххө, хайыы - үйэ5э тыын киллэринэн өйдөнө охсубут өсөһөн чирээхтэһэ сылдьар кыыһы часкыппытынан соһон киллэрэн, күлсэн алларастаһа - алларастаһа айа5ар күүстэринэн арыгы куппуттара уонна кыыс эрэйдээ5и таӊаһын - сабын ньылбырыта тыытаат, түүнү быһа дьаабылаабыттара, сордообуттара. Эдэркээн кыыс чэгиэн маӊан этин үлтү тэпсэн, тэстэр тэллэх оӊостубуттара, уочаратынан былдьаһа - тараһа та5ылларын таһаарбыттара. Тыытыллыбатах ыраас таптал, уйан таптал хаанынан, харах уутунан таммалаан өтөх кирдээх буоругар көмүллүбүтэ.

    [Сообщение редактировалось]
    0
  • Симбиоз
    30 ноября 2015  

    Сал5ыыта:Сарсыарданан икки уол ба5алара туолан, тар5аһар аакка барбыттара. Арай били саһыл сирэйдээх уол, өссө да санаата астыммакка, кыыс сордоо5у аны дьиэтигэр көтө5өн илдьибитэ. Онно хаайылла сытан, өссө ынырык дьиикэйдик батта5ыттан соһулла сылдьан кырбана - кырбана сидьиӊник күүһүлэммитэ:" Эн миэхэ үйэн тухары тэстэр тэллэ5им буолуохтааххын сөп дуо? "- диэн уордаах ньаа5ынас саӊа, дьиэ хараарбыт истиэнэтин өтөн тахсан уулусса быыллаах салгыныгар симэлийэ сүппүттэ. Бу кэннэ били уол дьэ туох баар кыһыыбын барытын ситтим дии санаат, кыыһы тыа са5атыгар илдьэн быра5ан кэбиспитэ.
    Үлтү кырбаммыт, күүһүлэммит, кумаарга - үөӊӊэ дэлби сиэппит, иилистэ арбайбыт баттахтаах, номнуо кырдьыбыт киһилии кэхтэ дьүһүннэммит Лара кыыс эмискэ өйдөнө биэрбитэ. Тулатыгар саӊа суһуктуйбут халлаан сөрүүн салгыныттан ураты киниэхэ көмөлөһүөх, илиитин уунуох туох да, ким да суох быһыылаа5а. Бастаан ханна ааттаах кэлэн сытабыный дии санаата. Илиитин, ата5ын хамсатан көрбүтэ да... барыта күп - күөх олох таарыттарбат амырыын ыарыыта этэ, иһин түгэ5э уотунан аһыйан ыалдьа сытар этэ. Ол да буоллар аргыый а5ай көһүйэн хаалбыт атахтарын хамсатан, илибирии - илибирии тобуктаата, илиитэ, синньигэс биилэ биллэр - биллибэттик титирэстииллэрэ. Аттыгар ыкса турар хаппыт бөдөӊ чөӊөчөххө аһыннаттарбын диэбиттии бүк түһэн ытаан купчугур санна ыгдаӊнаан барда: " Андрейым, до5орум эн миигин бырастыы гын, тапталбын таӊнардым, аны кэлэн олох олорон да диэн, мин бүттүм быһыылаах. Быраһаай! Анда5арбын харыстаабатым! Бүгүн эн кэлэ5ин, онтон мин... Хайыах ба5айыбыный, кимиэхэ этэн көмүскэттэрэбин, убайдарбар бараммын үӊсэбин дуу".
    Киниэхэ о5отук акаары өйүгэр, эбэтэр оччотоо5у оло5унан сэдиптээн кыбыстан эбитэ дуу, то5о эрэ милиисийэ5э тыллыахха диэн санаа олох киирбэтэ5э. Лара нэһиилэ оттон - мастан тутуһан, өйөнөн, алтахтаан хааман дэриэбинэ диэки бараахтаабыта. Халыӊ хаххатыгар дьиэтигэр тиийэн күүлэтин кирилиэһигэр олорон, таӊара куупалын үрдүнэн кытаран көстөр кураанах баата былыты көрөн өр да өр соӊуоран олордо. Кини аны дьоллоох, киһилии оло5у хаһан да олорботун өйдөөбүтэ. Бүппүтэ барыта, эдэр сааһа, инники кэрэ ырата, кэскилэ, до5орунаан күһүн сыбаайбалыыра, үөрэрэ - көтөрө... Үчүгэй да этэ ыһыахха били Андрейыныын сиэттиһэ хаамсыбыттара, ону санаат, саӊа таһааран маккыраччы ытаабыта.

    [Сообщение редактировалось]
    0
  • Симбиоз
    30 ноября 2015  

    Сал5ыыта:Бу кэмӊэ дьиэ иһиттэн улахан убайа тахсан кэлбитэ, орто холуочук этэ. Балта иэйэн туран ытыырын, таӊаһа - саба илдьирийбитин, кырбаммытын, дьүһүнүттэн көрөөт да барытын өйдөөбүтэ.
    - Хайа, Лара, туох буоллун? Ким тыытта?
    Кыыс умса туттан сыӊсырыӊныы олорон, көмүскэһэр киһи көстүбүтүттэн арыый уоскуйан обургу со5устук саӊаран ботугураахтаата:
    - Ааттарын билэтэлээбэппин, көрөн эрэ, кыһыл өӊнөөх кэлээскэлээх матассыыкыллаахтар этэ.
    Убайа сордоох биир сири тобулу көрөн тураат, сэрэхэчийбит куолаһынан:
    - Матассыыкылларын ветровига күөх этэ дуо?- диэтэ.
    - Оннук күөх быһыылаа5а, ыытааччыта били чулбугур муннулаах сырдык уол.
    Убайа буолуохсут кимнээ5ин тута сэрэйбитэ да5аны, ол дэриэбинэни сутуруктарыгар хам тутан олорор сидьиӊнэри кытары аахсар кыа5а суох этэ. Ба5ар, кинилэртэн олуһун куттанара эбитэ буолуо. Киниэхэ билигин балтынаа5ар буолуох ордук төбө абыра5а наада быһыылаа5а, ол иһин Лара5а эргиллэн милиисийэ5э баран үӊүс диэт, ыксаабыттыы тэйэ хаампы. Кыыс манна дьэ өйдөөбүтэ, үс убайдара кинини хайдах да кыайан көмүскэһэр кыахтара суо5ун, күүстэринэн да5аны, санааларынан да мөлтөхтөрүн.

    0
  • Симбиоз
    30 ноября 2015  

    Сал5ыыта;Абаккалаа5ын да5аны.
    Бу олорон уутугар аӊаарыйан дуу, түӊ - таӊ баран ылбыта, иннигэр тоӊон өлбүт күп - күөх сирэйдэммит ийэтэ ибигирии турара. Кини маннык диэн бабыгыраан саӊарара:
    - Тоойуом Кылаара, дьиэ5эр киирэӊӊин утуйан хаалаахтаа, ол кэннэ киэһэ били уолу халдьаайыга мин аттыбар ыӊыраар, онно барыта быһаарыллыа5а, - диэт, симэлийэн хаалбыта.
    Лара эмискэ киһи илгиэлээн тардыалыырыттан соһуйан, оронугар уһукта биэрдэ (хаһан кэлэн сыппыта буолла, өйдөөбөт), көрбүтэ, кэтэһиилээх уола Андрей, улахан убайынаан кинини өӊөйөн тураллара. Андрей барытын билбит, истибит этэ, ол иһин Лара5а олох ымманыйбата5а, хаһан да билбэтэх, таптаабатах киһитинии көрөн, дьиппиэрэн, ата5астаммыттыы туттан турара. Кини, арааhа, кыыһы бэйэтин буруйдуур быһыылаа5а, анда5арын кэһэн, соруйан холуочук уолаттарга киирэн биэрбит, бииргэ арыгы иһиспит диэн.
    - Андрей, мин буруйум суох, миигин кинилэр күүстэринэн... миигин эн бырастыы гыныаӊ дуо? - диэт ытаан сыӊсыйан барда. Сирэйэ онон - манан кө5өртөлөөбүт, арбаллыбыт баттахтаах кыыс быһа охсуллубут сэӊийэтинэн, харах уутунуун холбоһон хааннаах сүмэһин сүүрэрин Андрей аһыммыттыы буолбакка, сиргэммиттии көрөн турара. Ону бу барахсан таайыгас сүрэ5инэн өтө билбитэ. Бүттэ! Таптал аны суох! Кини сымыйа! Албын! Уол киниэхэ эппиэттээбэккэ хара5ын соруйан куоттаран, хайдыбыт өстүөкүлэлээх кыракый боруӊуй түннүк диэки хайыспыта. Номнуо киэһэ буолан эрэрэ. Ону Лара эмиэ көрбүтэ уонна били ийэтин бабыгыраабыт саӊатын өйдүү биэрбитэ. Билигин кини аттыгар чугас до5оро ким да хаалбата5а, кини туһугар туруулаһар да киһи суо5а.

    0
  • аахпытым
    30 ноября 2015  

    Бу кэпсээн бэчээккэ тахсыбыта дии, эн суруйбутун дуо?
    Бу кэпсээн кыысын дьннээхтии
    билэр этим:(

    0
  • мария
    1 декабря 2015  

    дальше

    0
  • мария
    1 декабря 2015  

    дальше

    0
  • Симбиоз
    1 декабря 2015  

    Сал5ыыта:Оччо5уна буолла5ына хаан - хааӊӊа бэйэм иэстэһиэм, Лара5а былыргы өбүгүлэрин кавказ омуктарын тыйыс хаана уһуктубута. Ууламмыт хара5а остуол үрдүгэр со5отохсуйан сытар эргэ килиэп быһа5ар хатаммыта.
    - Андрей, мин эйиигиттэн бүтэһикпин көрдөһөбүн, ону толоруоӊ дуо? - кыыс аргыый а5ай ыйыппыта.
    - Ол тугу?
    - Били сиэхситтэртэн саамай сиэмэхтэрин Ыйаастыгас хара5ы, мин ийэм таһыгар кылабыыһа5а хайдах эрэ албыннаан а5ал эрэ, ол кэннэ миигин Майа5а илдьэн хааллараар сөп дуо? - бу наллаан этиллибит бытаан тылы, аттыгар турааччы икки киһи дьиктиргии истибиттэрэ да, то5о эрэ таска таһаарбатахтара. Андрей кыратык тохтуу түһээт:
    - Ол хаһан?
    - Бу киэһэ!
    - Сөп!
    Түүн буолан эрэрэ, дэриэбинэ утуйда быһыылаах. Тыас - уус мэлийдэ. Арай киһи уӊуохтаах халдьаайыга Лара кыыс ийэтин уӊуо5ар тугу эрэ гынан букунайар, тибилийэр, арааһа, а5ыраада иһин ыраастыыр дуу, веноктары эмиэ көннөрбүтэ буолар. Киниэхэ бүгүн оло5ун бүтэһик түмүгэ күүтүллүбэтэх өттүттэн тиийэн кэлбитэ. Ол сылдьан, матассыыкыл тыаһын истэн, кэтэһэн, субу - субу тохтоон, олоотоон ылар уонна тулатын сэрэхэчийбиттии сыныйан одуулуур. Чугас Күрдьэх диэн муокастык ааттаммыт, соторутаа5ыта үөскээбит оӊоһуу күөл уута сурааһын буолан долгулдьуйара, онно андаатар түөкүн устан ньолойоро. "Оо, абаккабын! Туох да улахан кыһал5ата суох харамай ити сырытта5а, оттон бу мин киһини, син - биир ити харамай курдук кыылы өлөрөөрү манаһа турабын... То5о мин оло5ум табыллыбатаный, убайдарым киэннэрэ эмиэ. Төрөппүттэрбит арыгыһыт буолан дуо? Ийэбит дьиӊинэн төһө да истэр, өйдөө5өр наһаа үчүгэй этэ дии, көтө5өн олорон сыллыыра, атаахтатара, бэл, биирдэ о5олор тэтэрээппин хайыта тыыппыттарыгар, ону айдаара, көмүскэһэ, саамай мааны таӊаһын кэтэн, оскуола5а тиийэн турардаах". Киниэхэ, Лара5а, өссө да о5отук, акаары мэйиитигэр арааһынай иирбэ - таарба санаалар устан киирэллэрэ. Кыыс үлэтин бүтэрээт, ийэтин хаартыскалаах уӊуо5ар утары сөһүргэстээн олорон, аны обургу со5устук саӊаран муӊатыйан барда. Кини хайдах эрэ өйүнэн буккуллан эрэр курдуга. "Ийээ, миигин бырастыы гын, мин оло5ум эйиэнин курдук эмиэ сатаммата дии, дьоннор ата5астыыллар, бэл, ол андаатар кыыл миигиннээ5эр быдан дьоллоох буолуохтаах, мин андаатар эбитим буоллар Намчы алаас туора күөлүгэр олохсуйан, элбэх да элбэх о5олонуом этэ."

    0
  • Симбиоз
    1 декабря 2015  

    Сал5ыыта:Бу кэмӊэ тыа быыһынан соһуччу матассыыкыл уота тыкпыта...
    Уоллаах кыыс иккиэн тэйиччи со5ус утарыта көрсөн тураллар ыйаастыгас харахтаах бэдик сэнээбиттии саӊаран сыыбыргыыра иһиллэрэ.
    - Баара - суо5а эн эбиккин дуу, өссө мин хайалара саптараары түүннэри ыӊырда5ай диибин ээ. Эйигин бүгүн "дьаһайар" бакаа санаата суохпун, сирэйин - хара5ын көннө5үнэ биирдэ. Ол, хата, *** эргэр бар, онно эйигин манаан мас кэннигэр сахсына хаалбыта,- дии - дии күлэн ырбаӊалаата.
    - Буруйгун билинэн миигиттэн көрдөһө5үн дуо, суолас? Эбэтэр сарсын милиисийэ5э киирэн тыллыыбын, - Лара аа - дьуо саӊара - саӊара, албыннаан уолга чугаһаан кэллэ, уӊа илиитин кууркатын тас сиэбигэр укта сылдьара. Онно - быһах. Уол сордоох куотан хаалбакка, өлөр быатыгар кыыс киитэрэйдээбитигэр кыһаммата да5аны.
    - Милиисийэлээх ба5астаах, бэйэӊ сытан биэрбитин буотта, өссө биһигинниин арыгы иһиспитиӊ, онно саах курдук итирэн хаалбытыӊ. Ол кэннэ бэйэӊ сирэйгин - хараххын ханна то5ута түспүккүн мин хантан билиэхпиний? Өссө ону - маны, киһи уӊуо5ар ыӊыра - ыӊыра саӊара сылдьыбыккын, хата, иккиэӊӊитин манна үлтүрүтэ сынньабын дуу...
    Лара ньиэрбэтэ тулуйбата, бабыгырыы түһээт, титирэстээбитинэн, иннигэр киэбирэ - өӊнөнө турар улахамсык саһыл уолу искэ быһа5ынан анньан саайда уонна илиитин араарбакка туран уол далла5ар кулгаа5ар сыстаат, ынырыктык сипсийдэ:
    - Миигин хайдах баттахпыттан соһо сылдьан күүһүлээбиккитин өйдүүгүн дуо, ***? *****, мэ бу баар, өссө үйэн тухары миэхэ тэллэх буола5ын диэбит буола - буола5ын, бар, билигин таӊараттан көрдөс, - ол кэннэ уол хапсыгыр иһин өссө эбии кырыктык тэлитэ булкуйаат, хааннаах быһа5ын наада да буолбакка ньылбы тардан таһаарда уонна мэндээрэн турар Күрдьэх күөл диэки илгэн кэбистэ.

    [Сообщение редактировалось]
    0
  • Симбиоз
    1 декабря 2015  

    Сал5ыыта: Ыар буруйу оӊорбут быһах тимир биитэ салгыӊӊа кылахачыйа - кылахачыйа, күөл куталаах хомуһун быыһыгар элээрэн тиийэн ууга чом гынан хаалла.Саһыл уол эрэйдээх мыык да диэбэккэ токуруйбутунан, иһин туттубутунан кыӊнары баран, кыыс иннигэр аргыый сууллан түстэ. Кини уота өһөн эрэр ыйаастыгас хара5а Лараны халты көтөн, кыыс ийэтин сонньуйбут хаартыскатыгар туһаайыллыбыт этэ. Тугу эрэ саӊаран куолайынан бурдургуу сатаабыта да... кыаллыбата5а. Бу кэннэ дьэ, Лара кыыс көмнөх кырыска тобуктуу түһээт, хара5а былчайан тахсыар дылы дэлби кураана5ынан ө5үйдэ. Туох баар кыһыытын, абатын, өһүн барытын иһиттэн хостоон таһааран уоскуйбут Лара кыыс, чиккэс гынаат, ойон турбута уонна тэйиччи кинилэртэн саһан олорор Андрей диэки хайыспыта. Тула куочайан турар киһи уӊуохтара дьиикэй быһыы буолбутугар туоһу буолан, өссө дьиппиэрэн, харааран биэрдилэр. Ханна эрэ тэйиччи хаххан күтүр күлэн күһүгүрүүрэ иһилиннэ. Сотору буолаат, матассыыкыл тыаһа бирилии түстэ да, Майа диэки икки киһи мэӊэстиилээх буулдьалыы иһиирэ турда.
    Сарсыарданан Бэстээх биэрэгэр ыбылы бадараан буолбут ыксаабыт матассыыкыл куугунатан кэлээт, түһүү эргииригэр тохтуу биэрбитэ. Уол кэннигэр мэӊэстэн олорбут кыыс олбохтон ойон түспүтэ уонна ыытааччы уолу кууһан туран ытамньыйбыт куолаһынан саӊаран сыӊсырыйара:
    - Андрей, бырастыы! Бу хараӊа дьыала5а эн туох да кыттыгаһыӊ суох, ону өйдөө! Эн биһи дьоллоох олохпутун, тапталбытын туора соппут суолас оӊорбут буруйугар эппиэттээтэ. Мин олох кэмсиммэппин, суобаһым да ыалдьыбат, чэ бар, дьоллоох буол мин умнубат бастакы кэрэ киһим, - диэт, кини уолу сүүһүттэн сыллаан ылбыта. Уол тугу да саӊарбакка, матассыыкылын собуоттаат, кэтэһэн турар паром диэки элээрбитэ.Лара улуу эбэ кытылыгар бүк түһэн олорон, өрүс сүрүн үөһүгэр тиийэн эрэр до5орун олордубут уу суудунатын өр да өр көрөн олорбута. " Быраһаай, до5оруом! Мин бастакы уонна бүтэһик тапталым, эн биһи аны хаһан да көрсүөхпүт суо5а!" - диэн Лара эрэйдээх уоһун иһигэр ботугураахтаабыта.
    Быһа5ынан анньыллыбыт саһыл уол миэстэтигэр тута өлбөтөх этэ. Кини хайа эрэ кыа5ынан, сатабылынан балыыһа5а тиийбитэ. Уол ыарахан туруктаа5ын көрөөт, быраастар барахсаттар тута киинтэн суһал көмө бөртүлүөтүн ыӊырбыттара. Дэриэбинэ бакаа чуумпу этэ, эбиэт са5ана бөртүлүөт кэлэн түспүтүгэр эрэ сонур5аабыт дьоннор дьиибэргээн дьиэттэн - дьиэлэригэр суксуруһан биэрбиттэрэ. "Быһа5ынан анньыбыттар эдэр уолу... оо тугун ынырыктарай билиӊӊи ыччаттар... ким уола үһүнүй.." эӊин диэн саӊалар баларга иһиллэллэрэ. Участковай милиисийэ уолтан ким быһа5ынан анньыбытын ыйыта сатаабыта да... эчэйээччи бастаан кимин эппэтэ5э, биллэн туран, кыбыстыбыт буолуохтаах. Кэлин Майа5а тиийэн хаана баран өлөөрү сытан, дьэ барытын арыйбыта. "Хайдах кыыһы үс буолан кыыллыы күүһүлээбиттэрин, ону ол кыыс киниттэн иэстэспитин... Бүтэһигэр кыыска оӊорбут ыар буруйун билинэн, Лараны тыытымаӊ, мин бэйэм сыыһалаахпын,"- диэт, өлөн хаалаахтаабыта.
    Мантан дьэ са5аламмыта, биир сыллаах силиэстийэлээх улахан иэдээннээх айдаан. Били икки атын күүһүлээччини, бэйэлэрэ да айдааны истэн сүрэхтэрэ салыбырыы сырытта5ына, тараччы тутан ыланнар, хаайталаан кэбиспиттэрэ. Лараны то5о эрэ тыыппаккалар, босхо сырытыннарбыттара. Бу сылдьан, кыыс биир Майа уолун кытары билсибитэ, соторунан кинилэр холбоһон ыал буолбуттара. Кыыска ааспыт таптала хаттаан эргиллибит курдуга. Кэтэһиилээх сууту хойут биирдэ оӊорбуттара. Икки күүһүлээччи өр сыллаах күлүүс хаайыытыгар киирбиттэрэ, оттон кыыһы условнай сроктаах хаалларбыттара. Ба5ар, бу кэмӊэ Лара бириэмэннэй буолан эбитэ дуу. Айдааннаах суут кэнниттэн дьон киниэхэ араастык сыһыаннаспыта, сорох кэпсэтэр, сорох суох, үксүлэрэ кэнниттэн хобугунаһа хаалаллара.
    1991 сыллаахха Лара бастакы о5отун төрөппүтэ уонна а5ыйах сыл буолаат, кэргэниттэн айдааннаахтык арахсыбыта. Бу сылдьан олох ыараханын тулуйбакка, аһыы ута5ы амсайар адьынаттаммыта. 2003 сыллаахха албын, быстах киһиэхэ түбэһэн, иккиһин о5оломмута. Аттыгар кинини өйүүр чугас до5оро суох хаалбыт кыыс күн - түүн олох кирдээх дьэбэрэтигэр түстэр - түһэн барбыта. Ол эрэйдэнэ тэлиэс - балаас сылдьан, 2008 сыллаахха грузовой массыына5а киирэн биэрэн, соһуччу суох буолбута. Саатар, түӊнэри көппүт массыына суоппара тута көмө оӊорбокко, Лара кыыс тыына кыһыылаахтык быстаахтаабыта.
    Лара уӊуо5ун биһи до5ор кыыспынаан өр да өр көрдөөн нэһиилэ булбуппут. А5ыйах устуука веноктаах а5ыраада, көрүүтэ - харайыыта суох буолан, хайыы - үйэ5э эргэрэн эрэрэ. Илдьэ кэлбит сибэккибит дьөрбөтүн кини иннигэр уурбуппут уонна иккиэн соӊуоран турдубут. Мин иннибэр биһигини кытары эт саастыы, курус харахтаах эдэркээн кыыс саһарбыт хаартыската туналыйан турара. Кини бу күлүгүн түһэригэр тугу санаабыта буолуой, ону билигин сэрэйэр күчүмэ5эй со5ус буолуо. Ба5ар о5отун, эрин, урукку тапталын Андрейы, ба5ардар олох да тугу да санаабата5а буолуо. Биһиги иккиэн а5ыраада кырыытыгар чуумпуран олорон, өйбүт - мэйиибит бииргэ түмүллэн, киһи дьиктиргиэх биири санаабыппыт. Субу эрбэһин быыстаах томтойон турар ииӊӊэ кыыс эдэр сааһыгар соһумардык киирбитигэр ким буруйдаа5ый? Аан бастаан түӊнэри көппүт суобаһа суох суоппары ааттыахтара. Оннук буолбатах, мин санаабар, кини кыһал5алаах оло5о эрдэ сарбыллыытыгар бу кэпсээӊӊэ кылгастык хапсан ылбыт дьон бары буруйдаахтар, өссө төгүл этиэм этэ - улахан буруйдаахтар.

    [Сообщение редактировалось]
    0
  • Симбиоз
    1 декабря 2015  

    Түмүгэ:Бу кэпсээни кинилэр аа5ыахтара эбэтэр хайаатар да истиэхтэрэ дии саныыбын уонна, биллэн туран, өһүргэниэхтэрэ. Оттон күүһүлээччилэри эттэххэ, кинилэр дьиӊинэн түөртэр эбитэ үһү, кыыс инньэ диэн этэ сатаабытын, кырдьыктаах сууппут хара5а то5о эрэ ыраа5ы арыйа көрбөккө бааллан хаалбыт. Ол биир киһилэрин до5отторо буолуохсуттар куттанан, кимин этэн биэрбэтэхтэр. Чэ туох буолуой, ол хара санаалаах эппиэттиир кэмэ син - биир кэлиэ5э, бу дойдуга куһа5аны оӊорбутуӊ иэстэбилэ суох син - биир хаалбат, олох суруллубатах сокуона буолар.
    Сыллар - хонуктар, хаардар - ардахтар быыстала суох кэлэннэр ааһыахтара, кыыс томтойбут уӊуо5а уонна киниэхэ ууруллубут роза дьөрбөлөрө симэлийэ сүтүөхтэрэ, оттон бу кумаа5ыга тиһиллибит тыллар саха омук сахалыы саӊата баарын тухары үйэлэргэ сылдьыа5а. Бу кыракый кэпсээни до5орум көрдөһүүтүнэн ытыс буор оннугар үчүгэй оло5у олорботох Лара кыыс сырдык кэриэһигэр суруйан хаалларабын.

    [Сообщение редактировалось]
    0
  • troyn_network
    1 декабря 2015  

    Чуоккай кэпсээн:)

    0
  • 123456
    1 декабря 2015  

    барахсан, дьининэн Клара диэн. биьиэхэ кийиит буола сылдьыбыта...

    0
    • Соһуйбут
      1 декабря 2015  

      БУ КЭПСЭЭН Долун диэнэ ди. Тоҕо атын аатынан таһаараҕыт?
      Хопто хаһыыта кинигэтигэр баар..
      Ватмавы Да кэрийэ сылдьар болохтаах

      0
  • оо
    1 декабря 2015  

    :(((

    0
  • Саҥа ааҕааччы
    2 декабря 2015  

    Мин ааҕа илик кэпсээним. Салҕыытын күүтэбин. person with folded hands

    0
  • УолбаУола
    2 декабря 2015  

    СалҕыытаСалҕыыта

    0
  • Ледяной Джек
    2 декабря 2015  

    Бу Федоров Егор-Долун кэпсээнэ,Симбиоз аныгыс сырыыга,авторын ыйан турааран ыытыаза диэн эрэниэзи базарыллар:). Кэпсээн дьинэ иннин диэкки баар ээ,Егор "Хопто хаьыыта"диэн кэпсээнин кытары биир туопка сылльар:). Аазар дьонно субэм,иннин диэки интэриэьинэй кэпсээн элбэх,сурэзэлльээбэккэ кердеен аазын:).

    0
  • Ледяной Джек
    2 декабря 2015  

    Салзыыта суох,бутэр итинник:).

    0
  • Карел
    2 декабря 2015  

    Симбиоз кэпсээн сороҕун ыыппатаххын. Ол иһин итэҕэс курдук. Лара кыыс хайдах өлөрө иҥин сох ди...
    Бу Бүтэйдээхтэр тустарынан быһыылааҕа

    0
  • Симбиоз
    2 декабря 2015  

    Ледяной Джек миэхэ ватсаабка ыыппыттарын манна форумҥа киллэрбитим.Хомойуох иһин автор ыйыллыбатах этэ.
    Федоров Егор-Долун кэпсээнэ буоларын мин эйиигиттэн уонна Соьуйбут киьиттэн биллим.

    0
  • Jj
    15 декабря 2015  

    Бутэйдээхтэр тустарынан аьа

    0
  • Марияс
    19 декабря 2015  

    Иэдээн иэдээн

    0
  • СуорУола
    19 декабря 2015  

    Лаара кыыс

    Долун кэпсээнэ, дьиҥ буолбут диэн кинигэтигэр сурулла сылдьар.

    0
  • Прокопьевна
    20 декабря 2015  

    Махтал кэпсээн укпуккар .Олоххо араас буолар .Харах уулаах кэпсээн .Эрэйдээх Ого да сылдьан эрэйи корор улаатан да баран.Дьон хара санаатын кор , олбутэ ордук .Бутэhик буруйдамматах киhи оготугар тиийиэ буоллага

    0
  • Сэҥээрбит
    21 декабря 2015  

    Бүтэйдээхтэргэ позор!
    Ити насильниктаргыт бааллар да?
    Босхолонон Таҕыстахтпра ди

    0
  • нуу
    22 декабря 2015  

    Наьаа учугэи кэпсээни укпуккун махтал..

    0
  • Проходила мимо
    28 декабря 2015  

    Кэпсээн уьу доо!дьин буолбут диэн ди((((

    0
  • Оннук
    28 декабря 2015  

    Бу кэпсээн дэммэтэ буолуо.. кэпсээн диэн вымышленнай!
    ОТТОН БУ КРИМИНАЛЬНАЯ ХРОНИКА..

    0
  • Вера
    21 марта  

    Кыыьыатагастаан,ологуналдьатансор суоллаабытдьонсаатвркиьилииөлөөхтөөбөтөогото тулаайах хаалла дьоннаьаадасурдээхда буолаллар эбит барыта аргыттан

    0
  • Raguk
    24 марта  

    Бу кэпсээҥҥэ суруллубут Андрей уол былырыын өлбүтэ быһыылааҕа..

    0
  • Кэрэхсээнэ
    12 мая  

    Андрей таптыыр кыыьа иэдээннэ тубэспитин корон аьынан да комолоьуохтээх этэ , олох молтох киьи эбит быраган бара турбут пахай!

    0
  • Сулус
    8 октября  

    Андрей мөлтөх киһи эбит таптыыр кыыһын көмүскэспэтэх куттас атын эбитэ буоллар кыыһын харыстаан илдьэ барыахтаах этэ иэстэһэр кыаҕа суох да буоллаҕына Лара кыыһы харыстыахтаах этэ итинниккэ тиэрдибэккэ

    0
Ответ на тему: Лара кыыс дьыл5ата (Дьиӊ олохтон кэпсээн)
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания