Анараа дойду дьоно.
Сындыыс сулус  -    16843
Түүн ортото Саргы түүлүттэн куттанан,оронугар олоро биэрдэ:
-Маамаа-аа-а,-дии-дии ытаан то5о барда.
Ийэтэ уутугар аҥаарыйа сырыттар да,сүүрэн кэлэн,түөрт эрэ саастаах о5отун көтө5өн ылла.
-Сыллыай,эмиэ түүһээтиҥ дуо? Чэ куттаныма,маама бу баар дии.
-Түүл буолбатах ээ,ити турар дии мааны таҥастаах киһи,-кыыс ийэтигэр көтөхтөрө сылдьан аан диэки ыйар.
Ийэтэ ону истэн,бэйэтэ да куттана-куттана аан диэки чугаһаан кэлэр уонна илиитинэн салгыны уҥа-хаҥас далбаатыы-далбаатыы:
-Бу көр тукаам, ким да5аны суох.Эн куттаныма,оччо5уна ким да кэлиэ суо5а.
Саргы икки хара5ын быһа симэн,ийэтин ыга кууһан кэбиһэр.Онтон оргууй а5ай аҥар хара5ын аһан көрбүтэ,түүлүгэр киирбит дьон,кырдьык сүтэн хаалбыттар.
-Чэ сыллыай,хоонньоһон утуйуохха,-ийэтэ бэйэтэ да5аны олус куттанан,о5отун хоонньугар уктан сытар.
Сотору со5ус кыыс барахсан утуйан букунайан хаалаахтыыр.Онтон ийэтэ уута көтөн хаалан ону-маны эргитэ саныыр.Кини куттана сылдьар буолбута оруннаах.Арыгыһыт эрэ ба5айы,хас итирэн кэллэ5ин аайы кырбаан сордуура.О5отун да аһыммат дьиикэй киһи.Биирдэ эмиэ кырбаары сутуругун суулуу тутан ,утары хааман эрдэ5инэ,Саргы барахсан ийэтин көмүскэһээри икки ардыларыгар киирэн биэрбитин,а5ата буолуохсут илиитин таһынан киэр садьыйбыта, эһиллэн тиийэн остуол муннугар сүүһүн дьөлө түһэн кэбиспитэ.Онтуката бу сааһын-үйэтин тухары чэр буолан хаалла5а.Ба5айы хата хаайыыга киирэн абыраата5а,онуоха-маныаха диэри сынньатта5а.Абааһы киһититтэн эрдэ-сыылла арахсан хаалбаккабын,о5обун сүрэх бааһа гынна5ым.Онтон да5аны куттас буолан хаалан,ону-маны түүһээн,түүн аайы аанньа утуйбат буолаахтаата5а.О5ом улаатта5ына бэйэбит да5аны хайдах эмэ олорор инибит.Ийэтэ ытамньыйа-ытамньыйа кыыһын чэрдээх сүүһүттэн сыллаан ылла.
Ол эрээри ийэтэ Саргы улаатарыгар тиийбэтэ5э...А5ата буолуохсут өссө ордук кыыллыйан,ыттыйан,хаайыыттан босхолонон, тиийэн кэлбитэ. Төһө да арахсыбыттарын үрдүнэн,барар-кэлэр сирэ суох буолан кинилэри буулаабыта,күүһүнэн кэриэтэ дьиэлэригэр киирэн олорбута.Күн аайы арыгылыырын кубулуппата5а.Биир күн Саргы,түүн аанньа утуйбакка,утуктуу-утуктуу үөрэнэ олордо5уна оскуола дириэктэрэ кабинетыгар ыҥыран киллэрбитэ,Хайдах саҥалаан этин билбэккэ мух-мах буолан ылбыта,онтон:
-Захарова,а5ан буолуохсут ийэ5ин үлтү кырбаан өлөрөн кэбиспит.Аны дьиэ5эр барбатын буолуо,биһиги эйиэхэ анаан интернакка миэстэ булан биэрдибит.Бу күнтэн ыла интернакка олоро5ун.Билигин воспитатель кэлэн илдьэ барыа5а.Сөпсөһөр инигин? Оскуола дириэктэрэ ити курдук быһа-бааччы этэн-тыынан кэбиспитэ.
-Сөп,-Саргы ытаабата5а,хара5ын уута да ыгыллан тахсыбата5а.Кини оло5о табыллыа суохтаа5ын,дьонтон-сэргэттэн куруук ата5астана сылдьыахтаа5ын,онноо5ор тулаайах хаалыахтаа5ын о5о эрдэ5иттэн, бэйэтэ да5аны өйдөөбөтүнэн,хайдах эрэ билэ сылдьара.
Воспитатель кэлэн Саргыны интернат диэки илдьэ бара турбута...
Ответов 64 Написать ответ
  • Сындыыс сулус
    30 июня 2015  

    Анараа дойду дьоно.

    Сыл-хонук ааһан испитэ, Саргы хороччу улааттар да,кимниин да5аны до5ордоспото5о,бэйэтэ-бэйэтигэр сылдьарын ордороро.Атын кыргыттар уолаттары кытта суруйсар,сорохтор аһа5астык до5ордоһор буолан барбыттара.Арай Саргыны биир да уол көрбөтө,хата ол оннугар күлүү-элэк оҥостоллоро.Бэйэтин көрүнэ сатаабат,кырааскаланар,косметикаланар диэни билбэт,уларыттар таҥаһа кэмчи,суо5ун да кэриэтэ кыыһы хайа уол көрүөй.Онтон уонна,дьонтон итэ5эһэ суох сууннар-тарааннар да5аны,иҥэн хаалбыт дьикти куһа5ан сыттаах буолара.Онон "Вонючка" диэн хос аат иҥэн хаалбыта.
    Биирдэ түүн,куруук буоларын курдук,ону-маны түүһээн, аанньа утуйбакка,күнүс оронугар сытан утуйан хаалаахтаабыта.Ол сытта5ына интернат о5олоро дьээбэлээн ата5ын тарбахтарын икки ардыларыгар кумаа5ы бөҕө кыбытан баран уматан кэбиспиттэрэ.Дьэ,уонна хайдах өрө тэбиэлэнэ-тэбиэлэнэ ойон турарын кэтэспиттэрэ.Суох,Саргы аһара кытаанахтык утуйа сытар буолан уһукта охсон биэрбэтэ5э.Ата5ын быһа сиэн,матарааһа умайан эрдэ5инэ уолаттар ыксаан, таҥас саба быра5ан, умулларбыттарын эрэ кэннэ уһуктан кэлбитэ. "Айаа-уо" дии-дии уот быһа сиэбит ата5ын туттаахтаабыта.Дьэ онно уоллуун-кыыстыын,туох эрэ үчүгэйи көрбүт дьон курдук, бары быардарын тарбана-тарбана күлсэн то5о барбыттара.Саргы кинилэр күлэллэригэр кыһаммакка, өр ба5айы хамсаабакка,ата5ын туттан олорбута,ыарыыта сүрэ бэрт этэ,ол да буоллар биир да5аны таммах хара5ыттан ыгыллан тахсыбата5а.Өссө биир чэр,аны ата5ар баар буолбута.
    Саргы ханнык эрэ атын эйгэ5э киирэн хаалбыт курдук,бэйэтэ-бэйэтигэр сырыттар да5аны,хаһан да со5отохпун дии санаммат этэ.Кини кыра о5о эрдэ5иттэн көрөр кутталлаах түүлүгэр үөрэнэн хаалбыта.Онно баар дьону кытта ыкса бодоруспута,до5ордоспута да диэххэ сөп.Сорох ардыгар дьиҥ илэ кэриэтэ кэпсэтэрэ,түүн ортото оронуттан туран кэлэн,тэҥҥэ оонньоһоро,мэниктэһэрэ.Инньэ гынан биир хоско олорор кыргыттарын дэлби куттуура.Кыргыттар тулуйа сатаан баран,түбэһиэхчэ онон-манан быра5аттаатахтарына,бэйэтэ да5аны уһуктан кэлэн соһуйара.
    Бу түүлүгэр тыллара тахсан салыбырыы сылдьар,моонньуларыгар ыга тардыллыбыт быалаах,түөстэригэр ыарахан тааһы ыга кэлгиммит,истэрэ үллэн,бүтүннүү көҕөрөн хаалбыт,сүүстэрин ортотугар хайа5астаах дьон кэмэ суох элбэхтэрэ.Олор ортолоругар биир мааны бэйэлээхтик таҥныбыт,тыыннаах киһилии сэргэх сирэйдээх-харахтаах эдэр киһи баара.Бу уол Саргыны сиэтэ сылдьара,көрөрө-истэрэ,харайара.Сорох ардыгар тыыннаах киһи көрүҥүн сүтэрбиттэрэ быдаҥнаабыт до5отторо наһаалаары гыннахтарына буойталыыра.Оччо5уна ол дьон тылын истэн ньакыс гына түһэллэрэ.Ол эрээри,дьиҥ оло5ор курдук,манна кинини ким да5аны ата5астаабат.Бу дьикти дьону кытта тэбис-тэҥҥэ оонньоон-көрүлээн,үөрэр-көтөр буолбута.Биир хоско олорор кыргыттара,Саргы түүн туран хаама сылдьан күлэн алларастыырын истэ-истэ өссө ордук абааһы көрбүттэрэ,үөҕэллэрэ,ата5астыыллара үксээбитэ.
    Оннук ата5астана-ата5астана аат харата үөрэнэн сордонон,Саргы оскуолатын нэһиилэ бүтэрбитэ. Уонна салгыы үөрэнэн,туох эмэ идэ ылаары Дьокуускай диэки айаннаабыта...

    0
  • якут
    30 июня 2015  

    ессе биир интэриэьинэй кэпсээн суруллан эрэр

    0
  • АйталинАня
    АйталинАня
    Айталина
    30 июня 2015  

    куутэбин,интириэьинэй базайы

    0
  • ☆★☆
    30 июня 2015  

    дальше...

    0
  • olga
    30 июня 2015  

    кэтэһэбин салгыытын

    0
  • Сындыыс сулус
    30 июня 2015  

    Анараа дойду дьоно.

    Саргы үрдүк үөрэххэ олох таласпат.Кини билиитинэн онно киирэн үөрэнэр кыа5а суох уонна ким кинини үбүлээн үөрэттэриэй.Онон быһа бааччы орто анал үөрэххэ дьыалатын туттаран кэбиспитэ,хата повар буоллахпына куруук тот сылдьыам дии санаахтаабыта.Маҥнай куоракка кэлэн баран,хонор ыала суох буолан онно-манна хоно сылдьыбыта,аанньа утуйбакка эрэйдэммитэ а5ай.Онтон хата,түһэр сирэ суох,тулаайах о5о диэн уопсайга хос биэрэн абыраабыттара,ол оннугар уопсай өрөмүөнүгэр босхо хамначчыт буолбута.Бу сылдьан өйдөөбүтэ,интернат о5ото буолан,туох да үлэни сатаабат эбит этэ.Онтон сылтаан эмиэ мө5үллэрэ,ата5астанара,күн тура-тура үө5үллэрэ уруккутун курдук сал5анан барбыта.
    От-мас хагдарыйан,ардахтыы-ардахтыы тоҥорон күһүн тиийэн кэлбитэ,үөрэх кэмэ саҥаламмыта.Куһа5ан сыттаах,дьикти түүллээх,бэйэтин көрүммэт,өйүнэн тиийиммэт курдук кыыс сура5а биир гына тилэри тар5анан олорор уопсайдарын толоро охсубута.Саргы барахсан урукку оло5о эбии бэргээн сал5аммыта."Вонючка" диэн хос аата иккистээн арахпат гына иҥпитэ.Эмиэ кимниин да5аны до5ордоспокко бэйэтэ-бэйэтигэр сылдьаахтаабыта.Бииргэ олорор,Саргыга холоотоххо быдан мааны,кыргыттарыгар сөп буола-буола уолаттар күүлэйдии кэлэллэрэ.Оччо5уна кыргыттар Саргыны "бу түүн ханна эрэ атын сиргэ баран хон" диэн модьуйар кэриэтэ көрдөспүтэ буолаллара.Саргы утарыласпата "таах да5аны аймахтарбар хоно бараары сылдьыбытым" диэн сымыйалыыра.
    Ол курдук биир субуота күн кыргыттара уолаттар кэлэллэригэр бэлэмнэнэн,хартыынаттан түспүт кырасаабыссалар бэтэрээлэринэн,кырааскаланан,духууланан оҥосто сылдьыбыттара.Саргы кыргыттар оҥостоллорун бэркэ бэркиһээн көрө олордо5уна,Жанна уоһун помадатын көннөрүнэ-көннөрүнэ:
    -Хайа-а,Саргычок хаһан дьоҥҥор бара5ын? Уолаттар кэлэллэрэ чугаһаата дии,-диэн албыннаспыта буолбута.
    -Уой кырдьык да5аны,хойутаары гыммыппын,чэ кыргыттар мин бардым,-Саргы халтан сонун кэтэн хостон тахсыбыта.Ааны сабан иһэн иһиттэ5инэ Жанна саҥата:
    -Туярка,ити Саргы оронун духигынан ыстаран биэр эрэ,фыы блин воняет,-бары күлсэн то5о барбыттара.
    Саргы эрэйдээх ханна баар дьонугар бараахтыай,билэрдии оргууй а5ай парка диэки хаама турбута.Онно тиийэн,куруук сиэн ба5арар мороженнайын,харчытын сыыһын аа5а-аа5а атыыласпыта уонна аны ким эрэ былдьаан ылыа диэбиттии дьон суох сирин диэки, мастар быыстарынан ыраата барбыта.Киһи уҥуо5ар тиийэн кэлбитэ,онтон этэ тардан төптөрү хаампыта.Тута сылдьар мороженнайа ууллаары ыксатан,биир сири булан олорбута уонна дьэ мороженнайын минньигэс ба5айытык салаан ылбыта.Түүн да уһун, оргууй а5ай ыксаабакка сиэм,чэ ба5ар уулунна5ына уулуннун диэн салапаан мөһөөччүгэр уган кэбиспитэ.Онтон сыыйа-баайы олорон эрэ нухарыйан барбыта,ал5ас мөһөөччүгүн ыһыктан кэбиспитэ.Онтон соһуйан "һук" диэбитинэн уһуктан кэлбитэ да,морженнайын харбыалаһан сир диэки көрө түспүтэ.Кылабачыйыар диэри ыраастаммыт хап-хара бачыыҥкалаах,кырыыланыар диэри өтүүктэммит ып-ыраас бүрүүкэлээх,муус маҥан ырбаахылаах,пиджагын устан аҥар илиитигэр тута сылдьар,үллэ сылдьар былчыҥнардаах,көбүс-көнө уҥуохтаах,хоп-хойуу батта5ын өрө тарааммыт,сырдык хааннаах уол мороженнайдаах мөһөөччүгүн сиргэ тиэрдибэккэ хабан ылан баран,мичээрдээн көбүс-көнө тиийсэрэ килбэһэн кинини утары көрөн турар эбит.Саргы, эмискэ кини иннигэр баар буолан хаалбыт уолу,алларааттан үөһээ,онтон үөһээттэн аллараа халтарытан аҥала курдук көрөн турбута.Уол мичээрдиирин кубулуппакка:
    -Мороженнайгын чуут сиргэ түһэрэ сыыстын.Мин аатым Дьол,онтон эн аатын ким диэний?
    -Саргыбын,-Саргы мөһөөччүгүн көҥөммүттүү харбаан ылбыта.
    -Мороженнайын ууллан эрэр,сии о5ус.
    Саргы кырдьык да5аны диэбиттии ойутан таһааран сиэн барбыта.Онтон,тонолуппакка көрөн, мичээрдии турар уол диэки хайыһан,кыбыстан кытаран ылбыта.Бэйэм эрэ сии турар эбиппин дуу,дии санаан ылбыта:
    -Эйиэхэ кыратык ордоробун даа?
    -Олус үчүгэй буолуо этэ,мин эмиэ мороженнайы сөбүлүүбүн а5ай.
    Саргы бэрт кыраны хаалларан,уолга мөһөөччүктүү ба5астыы туттаран кэбиспитэ.Мааны уол атыттар курдук киниттэн сиргэммэтэ5э,ууллан эрэр мороженнайы мөһөөччүктэн таһаарбакка эрэ салаан барбыта.Уоһа,иэдэһэ,мунна бүтүннүү мороженнайга биһиллибитэ.Ону көрөн Саргы бу олоххо хаһан да5аны күлбэтэ5ин күлбүтэ:
    -Мэ,-диэн сиэбиттэн таһааран кумаланан хаалбыт эргэ платогун уолга ууммута.Дьол ылан сирэйин туора-маары соттубута уонна утары көрсөн туран олох да уруккуттан билсэр дьон курдук кыбыстыбакка күлсэн то5о барбыттара.
    Ол түүнү быһа кыра о5олуу мэниктээбиттэрэ,хачыаллаан хатааһылаабыттара,бэс мастар быыстарынан сырса буола оонньообуттара.Сарсыарда буолбутун билбэккэ да хаалбыттара.Дьол Саргыны илиититтэн тутан ылбыта,бэйэтигэр ыкса тардыбыта уонна:
    -Мин барар кэмим кэллэ,аны хаһан көрсүөхпүтүй?
    -Билбэппин.
    -Аныгы сырыыга иллэҥ буоллаххына манна кэлээр.
    -Сөп,-Саргы хайдах эрэ хомойбут курдук буолан ылбыта уонна ыраатыар диэри кэннин хайыһан көрбөккө баран испитэ.Онтон тохтоон мичээрдээн ылбыта уонна кэннин хайыспыта Дьол атааран,далбаатыы турара.Ол курдук мичээрдээбитинэн хоһугар киирэн кэлэн,оронугар умса түһэн сытынан кэбиспитэ.Кыргыттара кинини көрөн ыла-ыла,сибигинэһэ-сибигинэhэ кистээн күлсүбүттэрэ.

    0
  • Сындыыс сулус
    1 июля 2015  

    Анараа дойду дьоно.

    Саргы ол күнү быһа үөрүүтүттэн кынаттаммыт курдук, көтө-дайа сылдьыбыта.Бэл диэтэр дьон истэригэр хаһан да5аны ыллаабат бэйэтэ ботугураан ыллаан да ылбыта.Ону истэннэр кыргыттара күлүү гыналлара эбии үксээбитэ:
    -Бу кыыспыт уолламмыт дуу,дьоммор бардым дии-дии ханнык эрэ уолу кытта хоонньоһон кэлэр дуу.
    -Уол амтанын билбит быһыылаах,дьэ эрэ кэпсээ эрэ,-дии-дии ыкпыттара-хаайбыттара.
    Уонна истибэтигэр:
    -Кинини кытта хайа уол хоонньоһуой.Фуу, хоонньоһуохтаа5ар сытыттан сиргэнэн чугаһаабат да буоллахтара,-дии-дии күлсүбүттэрэ.
    Саргы үө5үллэ,ата5астана үөрэнэн хаалбыт буолан онно соччо кыһаллыбата5а.Арай күнү быһа Дьолу саныы сылдьыбыта.Итиччэ үчүгэй уол,кыыс баранан, то5о миигин булла5ай? Соруйан ким эрэ эмиэ күлүү-элэк оҥостоору угаайылыы сылдьар дуу? Чэ, миэхэ синэ биир,күлүү гынан тугу туһаналлар үһү,син-биир күн аайы күлүүгэ-элэккэ сылдьабын.Ол эрээри наһаа да үтүө санаалаах,элэккэй ба5айы,үчүгэй да уол.Ама миигин кытта кини дьон-сэргэ ортотугар сиргэммэккэ,кыбыстыбакка сылдьыа дуо?
    Киэһэ кыргыттара сылайбыттара бэрт буолан сытаат да утуйан хаалбыттара.Саргы да5аны түүнү быһа мэниктээн,кыргыттарынаа5ар итэ5эһэ суох сылайаахтаабыта.Хара5а сабыллан утуйан иһэн,эмискэ тугу эрэ өйдөөн кэлэн,онтон соһуйан оронугар олоро биэрбитэ.Чугас сытар Жанна ситэ уһуктубакка эрэ:
    -Закалебала,эмиэ түүһээн эрэр,-диэт үөрэнэн хаалбычча,тапочкатын харбаан ылан,уутугар аҥаарыйа сылдьан быра5ан кыыраппыта.
    Суох бу сырыыга Саргы түүлүттэн соһуйан буолбакка, түүлүн өйдүү биэрэн олоро түспүтэ.Бу сыллар тухары,кыра о5о эрдэ5иттэн, кини Дьолу түүлүгэр көрөр эбит.Таҥаһа мааныта,сирэйин-хара5ын олоруута үүт-үкчү кини! Түүлэ илэ буолан тахсыбытын дэлби сөхпүтэ,дьиктиргээбитэ.Ол эрээри кимиэхэ да кэпсиэм суо5а дии санаахтаабыта.
    Ити күнтэн ыла Саргы үөрэнэн бүттэ да паарка5а барар буолбута.Сорох ардыгар "мороженнай ыллахпына ба5ар ыраахтан көрөн, тиийэн кэлиэ"дии санаахтаан бэрт кырыымчык харчылаах да буоллар,бэйэтэ бэйэтиттэн көҥөнө-көҥөнө мороженнай ылан,урукку сиригэр кэтэһэн олоро сатыыра.Суох,Дьол ууга тааһы бырахпыттыы сүтэн хаалбыта.Саргы санаа5а ылларбыта,куруук кинини эрэ саныы сылдьар буолбута.Ол курдук биир күн үөрэнэ олорон,санаата кый ыраах тиийэн хаалбыта.Учуутал кэпсиирин олох да истибэккэ кулгаа5ын таһынан ыыта олорбута.Онтон иннигэр олорор уол:
    -Проснись Вонючка,-дии-дии тардыалаабытыгар уһуктан кэлэргэ дылы гыммыта.Учуутала кыыһыран кытара а5ай олорор эбит:
    -Телефоҥҥун араар эрэ.Эбэтэр мин уруокпун аанньа ахтыбат буоллаххына тахсан бара тур,-дии-дии остуолун тоҥсуйбута.
    Саргы кырдьык-хордьук телефонун араараары ылан көрбүтэ СМС кэлэн сандаара сытар эбит.Ылан аахпыта:"Түннүгүнэн көр,мин эйигин күүтэн турабын" диэн буолан биэрбитэ.Саргы түннүк диэки хайыспыта,онно суол кытыытыгар Дьол икки илиитинэн далбаатыы турара.Саргы хара5а сырдаан, мичээрдээбитин бэйэтэ да5аны өйдөөбөккө хаалбыта.Учуутал өссө ордук буорайбыта,хаһыытаан то5о барбыта:
    -Захарова,та5ыс кылаастан,өссө ымайбыт буола-буола,-укааскатынан аан диэки ыйан кэбиспитэ.
    Саргыга ол эрэ наада курдук,сып-сап хомунаат тахсан бара турбута.
    -Кыыспыт түннүгүнэн ыстана сыыста буолбаат,-диэн о5олор кэнниттэн күлсэ хаалбыттара.
    Таһырдьа сүүрэн тахсыбытыгар,Дьол утары хааман кэлэн кууһан ылбыта:
    -Мин эйигин наһаа а5ынным.
    -Мин эмиэ,-Саргы уол кэтит түөһүгэр төбөтүн ууран атаахтыах санаата киирбитэ.
    -Мин эйигин күн аайы кэриэтэ паарка5а тиийэн күүтэ сатаабытым.
    -Ону билэбин,бырастыы гын сатаан кэлэр кыа5ым суох этэ.Ону мин бүгүн боруостуом,хаһан да5аны сылдьыбатах дойдугар сырытыннарыам.
    Уоллаах кыыс сиэттиһэн сүүрэ турбуттара...

    0
  • Сындыыс сулус
    1 июля 2015  

    Анараа дойду дьоно.

    Салгыытын иллэҥ буоллахпына суруйуом.

    0
  • Эльвира
    1 июля 2015  

    Кэпсээ салгыытын

    0
  • Сындыыс сулус
    1 июля 2015  

    Анараа дойду дьоно.

    Сарсыҥҥы күнүгэр Саргы уутун ханан, эрдэ ба5айы уһуктан кэлбитэ.Бэ5эһээ Дьолу кытта бииргэ атаарбыт күнүн санаан мичээрдии сыппыта.Кини оло5ор маннык кэрэ күн хаһан да5аны буола илигэ.Учуутал уруогуттан үүрэн таһаарбыта,о5олор күлүү гынан күлсэ хаалбыттара диэхтээн.Бу курдук түбэлтэлэр күн аайы буолаллар.Онтон..,Дьол кинини тэҥнээ5ин курдук сиэтэ сылдьан күүлэйдэппитэ,хаһан да5аны харахтаан көрбөтөх сирдэринэн сырытыннарбыта,олох түүл-бит курдук наһаа да5аны үчүгэй этэ.Бэйэ эрэ,ама ити сылдьыбыт сирим бу Орто дойдуга баара буолуо дуо? Диэн Саргы саарбахтаан барбыта.Бастаан үөрэнэр сириттэн тахсыбытын кэннэ,Дьол кинини кууһан ылан, абылаан кэбиһэргэ дылы гыммыта.Мэйиитэ эргийэн эрэр курдуга,онтон тулалыыр эйгэтэ уларыйан,чыҥха атын буолан хаалбыта.Бүтүннүү чэпчээн,бу эрэйдээх оло5уттан тэйэн,Дьолу кытта сиэттиһэн,ханна эрэ ыраах-ыраах кыырайа көтөн тахсан эрэрэ.Онноо5ор хаар сып-сылааска,көбүөр тэҥэ сымна5аска дылыта.Сүүнэ улахан хагдарыйбыт хатыҥ анныгар куустуһан турдахтарына,ханна эрэ ыраах уоллаах кыыс дьэрэкээн куоластарынан ыллыыллара дуораһыйан иһиллэрэ.Бу ырыа тыллара бүүс-бүтүннүү кинилэргэ ананар курдуга.Дьол Саргыны синньигэс биилиттэн кууһан,бэйэтигэр ыга тардыбыта уонна:
    -Кэмниэ кэнэ5эс мин эйигин буллум,-диэбитэ уонна уоһуттан уураан ылбыта.
    Саргы остуоруйа дойдутугар тиийбит курдук санана сылдьар бэйэтэ,өссө ордук туймаарбыта.Хара5ын быһа симэн уолу моонньуттан кууспута:
    -Мин эйигин уруккуттан билэр курдукпун дии.
    -Суох Саргы,эн миигин өссө да билэ иликкин,онтон мин эйигин уруккуттан билэбин,-Дьол Саргыны дьэдьэннии тэтэрэн хаалбыт иэдэһиттэн,ыга кууһан туран, уураан ылбыта.
    -Дьол,эн эмиэ истэ5ин даа,ханна эрэ ыраах наһаа үчүгэй ырыа дьиэрэйэр дии.
    -Ити мин до5отторум ыллыыллар,ити ырыаны мин уонна эн эрэ истэбит.Атын дьон истэр кыахтара суох.
    -Онтон до5отторун ханна баалларый? Мин кинилэри көрбөппүн дии.
    -Куттаммат буоллаххына хаһан эрэ кинилэри кытта билиһиннэриэм.
    -То5о мин кинилэртэн куттаныахтаахпыный? Мин кимтэн да5аны куттаммаппын ээ...
    -Саргычок,чэ төннүөххэ,бүгүн эн элбэ5и биллин,-Дьол Саргыны илиититтэн сиэтэн уопсайыгар диэри атааран а5албыта уонна өссө биирдэ сыллаан ылбыта.Покалаһан баран,саҥа түспүт хаары хачыгыраччы тэпсэн бара турбута.Саргы барахсан бу Орто дойдуга кыыс о5о буолан төрөөбүт дьолун саҥа билэн,сүрэ5э биир кэм долгуйа тэбиэлээн,ыраас салгыны түөһүгэр толору э5эрийэн,өрө тыына турбута.
    -Захарова итиннэ тугу гына тура5ын? Ааны хатаан эрэбин,киирэ о5ус,-диэн баахта5а олорор эмээхсин аантан өҥөйөн туран,хаһыытаан дэлби баран,имэҥнээх санаатын үрэйэн кэбиспитэ.Саргы хоһугар киирбитигэр бииргэ олорор кыргыттара куруук буоларын курдук,күлүү-элэк гынан барбыттара.Ол эрээри кини сүрэ5э урут билбэтэх дьикти сылаас иэйиинэн туолбута,кыргыттар саҥаларыгар олох да кыһаммата5а.
    Дьол кинини кууһан ылан сыллаабытын олох итэ5эйбэтэ5э.Аматын да иһин,итинник үчүгэй уолан хайдах миигин сыллыа5ай,түүл ини диэн саныы-саныы хара5ын симэн,дьикти сылаас иэйиигэ куустаран салгыы утуйан хаалбыта.

    0
    • ыччат
      1 июля 2015  

      Интэриэспин олус тартын. Кыратык мистика игн согус)) Ситэри суруйаргын кэтэьэбин!))

      0
  • Сындыыс сулус
    1 июля 2015  

    Анараа дойду дьоно.

    Ити күнтэн ыла Дьол сотору-сотору Саргыга кэлэр буолбута.Ол эрээри хаһан да5аны уопсайыгар киирбэт этэ.Саргы,Дьол кэлэн таһырдьа күүтэн турарын,бэйэтэ да билбэтинэн,хайдах эрэ сэрэйэр буолбута.Өр күүттэрбэккэ тахсан кэлэрэ.Оччо5уна куустуһан баран,күннээ5и кыһал5аларын олох умнан,куорат устун күүлэйдииллэрэ,иккиэн сөбүлүүр мороженнайдарын дуоһуйа сииллэрэ.Быһатын эттэххэ кинилэр икки ардыларыгар таптал кыыма умайбыта.Ордук Саргы ахтар-саныыр этэ,до5оро кэлэрин күн аайы хоһун түннүгүттэн арахпакка күүтэрэ.Кэлбэтэх күннэригэр оронугар умса түһэн,сыттыгын ыбылы кууһан,хаһан да5аны хара5ын уута тахсыбатах бэйэтэ,кимиэхэ да көрдөрбөккө ытаан муҥнанара.
    Биир күн эмиэ үөрэнэн бүтэн,до5оро кэлэрин кэтэһэ а5ай олорбута.Кэмниэ кэнэ5эс илиититтэн ыыппакка олорор телефона илибирээн ылбыта.Сып-сап көрө охсубута "Тапталлаа5ым,эйигин а5ынным а5ай,тахса5ын дуо? " диэн СМС эбит.Саргы ойон туран таҥныбыта уонна таһырдьа ыстаммыта,телефона остуолга сытан хаалбыта.Бииргэ олорор кыргыттара кэнниттэн күлэ-күлэ "туох бэйэлээх кавалера буолла5ай" дэһэ-дэһэ,көрө охсоору түннүгү былдьаспыттара.Суох,Саргы собус-со5ото5ун тиэтэйэ хааман ыраата турбута.Онтон остуолга сытар телефонун ылан хаһыспыттара,туох да оруннаах суругу булан ылбатахтара.Кыыс сүрэ5ин итиччэ үлүгэр долгутуох айылаах уол суруйбутун көрбөтөхтөрө да5аны.Инньэ гынан "кыыспыт артыыстыыр эбит" дэспиттэрэ.
    Ол эрээри Саргы уопсайыттан ойон тахсаат,көбүс-көнө уҥуохтаах,үллэҥнии сылдьар былчыҥнардаах, этиэхтэн кыраһыабай,мааны таҥастаах уол моонньугар хатааста түһэн,ахтыл5анын таһааран сылласпытын-уураспытын,онтон илии-илиилэриттэн ылсан тиэтэйэ-саарайа хаама турбуттарын,бу тэһэ5эс харахтаах кыргыттар хантан көрүөхтэрэ баарай.
    -Саргы мин бүгүн эйигин до5отторбун кытта билиһиннэриэм.Эрдэттэн сэрэтэбин,куттаммат эрэ буоллаххына.
    -Сөп,Дьол, олох куттаныам суо5а,эрэннэрэбин.
    -Чэ оччо5уна бардыбыт,-Дьол ыга кууспута,Саргы эмиэ абылаппыт курдук мэйиитэ эргийэн ылбыта,тула өттө барыта уларыйан,санаата чэпчээн хаалбыта.
    Уоллаах кыыс сиэттиһэн дайар кэриэтэ сүүрэ турбуттара.Куорат атын дьиэлэриттэн туох да уратыта суох биир чааһынай дьиэ иннигэр кэлэн тохтообуттара.
    -Бу мин дьиэм,аны эн билэ5ин ханна олорорбун,хаһан ба5ар кэлэ сылдьыаххын син,-Дьол олбуор аанын аһан кыыһы урут киллэрбитэ.Онтон дьиэ аанын аһан киирэн эрдэхтэринэ,кимнээх эрэ:
    -Кэллилэр,кэллилэр,-дэһэ-дэһэ кыбыстыбыт курдук,түгэх хос диэки сырсыбыттара.
    -Уолаттар,кыргыттар,чэ тахсын.Бу биһиги до5орбут Саргы,билсэн кэбиһин.
    Бастаан гитараларын туора сүкпүт уоллаах кыыс сиэттиспитинэн тахсан кэлбиттэрэ.Кинилэри илэ көрөөт Саргы хара5а быччайан,сыҥаа5а аллараа түһэн хаалбыта.Кинилэр моонньуларыгар ыга тардыллыбыт быалаах сылдьаллара,тыллара уһаан хаалан айахтарыттан быгыалыыра.Онтон түөстэригэр ыарахан тааһыы кэлгиммит,көҕөрөн хаалбыт үллэ сылдьар истээх диэн,чэчэгэйдэригэр,сүүстэригэр хайа5астаах диэн, онтон да атын,киһи көрөн этэ тардыах дьоно биир-биир тахсан билсибиттэрэ.Бары билсибиттэрин эрэ кэннэ,Саргы уолуйбута бэрт буолан,биир тылы быктарбакка Дьол диэки бүтүннүү хайыһан,туохха,ханна түбэспитин өйдүү илигин биллэрэн,айа5ын аппытынан,биир тылы ыһыктыбакка,ыйытардыы утары көрөн турбута.
    -Саргы,бу эн о5о эрдэнээ5и түүллэрин буолбатах,бу илэ,-Дьол кэлэн Саргыны кууһан ылбыта,-Кинилэр бары бэйэлэригэр тиийинэн өлбүт дьон.Атын дойду дьоно.Ол эрээри ханна да5аны барар сирдэрэ суох буолан,бу Орто дойдуга илэ сылдьаллар.
    -Онтон то5о мин эрэ кинилэри көрөбүнүй,атын дьон то5о көрбөттөрүй?
    -Эн айыл5аттан бэриллибит ураты дьо5урдааххын.Кинилэри илэ көрөр киһи а5ыйах.Ол эрээри кинилэр бу Орто дойдуга баалларын араастаан биллэрэллэр ээ.Бу Никита уонна Майя ыллаан дьиэрэттэхтэринэ ырыалара салгыны хайа сотон Орто дойдуга тиийэ иһиллээччи.Көннөрү да дьон кулгаа5ар тиийэр.Онтон бу Артур,-Дьол,ыарахан тааһы түөһүгэр кэлгинэ сылдьар көҕөрөн хаалбыт киһи диэки ыйбыта,-Орто дойдуга баар ыарахан да5аны ыйааһыннаах маллары хайа ба5арар сы5арытар,көтө5өр кыахтаах.Инньэ гынан дьону куттааччы,соһутааччы.Онтон бу...,-диэн эрдэ5инэ:
    -Онтон Дьол,эн,эн тыыннаах киһи инигин?..
    -Хомойуох иһин мин кинилэртэн биирдэстэрэбин,-Дьол төбөтүн умса туттан кэбиспитэ.
    -Эн дьиҥнээх киһи көрүҥнээххин дии.
    -Мин улуу ойуун сиэнэбин,оннук айдарыылаахпын.Талбыппынан дьүһүн кубулунуохпун син,хайа ба5ар дойдуга көҥүл сылдьар кыахтаахпын.Эн эмиэ уда5ан сиэнэ5ин,көннөрү дьон көрбөтүн көрөр,сатыыр кыахтааххын.Биһиги күүспүтүн төһө ба5ар туhаныаххын сөп,ыҥырыан эрэ кэрэх.
    Саргы Дьол кэпсиирин истэ туран хара5ыттан уу ыгыллан тахсыбыта:
    -Ити эн кэпсиирин миэхэ5э олох наадата суох,миэхэ киhилии таптал эрэ наада этэ, истиҥ до5ордоох эрэ буолуохпун ба5арабын,-диэн ытыы-ытыы тахсан бара турбута.

    0
  • ☆★☆
    2 июля 2015  

    айкааа суруйан иьиий

    0
  • Балаайа
    2 июля 2015  

    Махтал,наһаа үчүгэй кэпсээн саҕаламмыт,кытаат айар үлэҥ аартыктаах аартыга арыллан истин

    0
  • АйталинАня
    АйталинАня
    Айталина
    2 июля 2015  

    куутэбин салгыытын

    0
  • ))
    2 июля 2015  

    салгыыта))

    0
  • ))))
    3 июля 2015  

    Сал5ыыта??

    0
  • Сындыыс сулус
    3 июля 2015  

    Анараа дойду дьоно.

    Саргы ытаан сыҥсыйа-сыҥсыйа хоһугар киирэн кэлбитэ.Ону эрэ кэтэһэн олорбут курдук кыргыттара:
    -Уо-уо-уо кавалер бросил да? Конец любви,-дии-дии күлүү гыммыттара.
    -Ну ты большая актриса,ханнык да5аны уолун суох бытта,сымыйаннан ытаама эрэ-диэн Жанна, эргэйэн элэйэн хаалбыт телефону уп-уһун тыҥырахтаах тарбахтарынан эргитэ-эргитэ ыган кэлбитэ.
    -А5ал телефоммун,-Саргы харбыалаһа сатаабытын,Жанна орон үрдүгэр ойон тахсан,телефоннаах илиитин өрө уунан кэбиспитэ.Саргы тардыалаһа-тардыалаһа ыстаҥалыы сатыы сырытта5ына,Туйаара диэки быра5ан кыыраппыта.Туйаара сыыһа тутан кэбиһэн телефон сиргэ баран түспүтэ. Циферблатын тааһа хайа ыстанан туох да көстүбэт буолан хаалбыта.Ол да буоллар Саргы ылан сиэбигэр уктан кэбиспитэ уонна эмиэ оронугар умса түһэн сыппыта.
    -Ой телефон сломался,чур я не виновата,-Туйаара ытыһын охсуммута.
    -Ээ чэ,эта черно-белая "деревяшка" наверное копейки стоит. Тапталлаа5а бэлэхтиэ буо,-кыргыттар иккиэн күлсүбүттэрэ.
    Ол киэһэ Саргы эрэйдээх хара5ын уута бараныар диэри ытаабыта.Оло5о ыарахан буолуохтаа5ын кыра о5о эрдэ5иттэн биллэр да5аны,маннык буолуо дии санаабата5а.Саатар кини таптала киһиттэн ураты.Хаһан эрэ бэйэтигэр тиийинэн өлөн хаалбыт киһини илэ таптыы сырытта5а.Ол иһин кыргыттара күлүү гынан эрдэхтэрэ.Дьол кэлэн түннүгүн анныгар далбаатыы турара бу бүтэй эттээх кыргыттар харахтарыгар олох да5аны көстүбэт буолла5а.То5о мин оло5ум дьонтон уратыный,түүл-бит курдугуй? Саргы дьиҥ оло5ун,түүлүн кытта үлтү булкуйан,бэйэтэ да5аны сатаан арааран өйдөөбөккө, түүнү быһа утуйбакка эргитэ саныы сыппыта.
    Онтон ыла хас да күн ааспыта,Саргы оло5ун кылгастык да буоллар,күн курдук сырдатан,сэргэхситэн ааспыт Дьол тааһы ууга бырахпыттыы сүтэн-симэлийэн хаалбыта.Түүлүгэр да5аны көстүбэт буолбута.Саҥа дьыл бырааһынньыга чугаһаан кэлбитэ.Кыргыттар бэлэмнэнэн саҥа таҥас-сап ылынан,ма5аһыыннары кэрийэллэрэ үксээбитэ.Киэһэ аайы атыыласпыт таҥастарын кэтэн,сиэркилэ иннигэр эргийэллэрэ-курбачыйаллара,бэйэ-бэйэлэрин хай5аһан,соро5ор ордук санаһан биир кэм тыллара кытарара.Ол быыһыгар Саргыны сытыы тылларынан үө5эн,хаарыйан ааһалларын олох тохтоппотохторо.Саргы эрэйдээх хантан кэлбит харчытынан ыарахан сыаналаах, саҥа таҥас ылыныай.Ол эрээри кини да5аны кыыс буолла5а,саатар бырааһынньыкка киэргэниэн ба5арара ханна барыай.
    Биир күн биллэриинэн булан,бэрт а5ыйахтык кэтиллибит,саҥатык көрүҥнээх былаачыйаны чэпчэки сыана5а атыылаһан,Саҥа дьылга кэтиэм диэн үөрэн-көтөн,сиҥнэн хаалбыт дьиэлэрдээх Сайсары биир кыара5ас уулуссатын устун хааман испитэ.Ону-маны саныы-саныы,түннүктэрэ тас өттүттэн ыбылы сабыллыбыт дьиэни ааһан иһэн эмискэ тохтуу түспүтэ."Хайыа,бу дьиэ дии,Дьол миигин манна а5албыта дии.Онно үчүгэй со5ус туруктаах курдуга,онтукам баара быра5ыллыбыта быдаҥнаабыт эбит дуу." Саргы төннөн кэлэн,то5о эрэ олох куттаммакка,олбуор аанын аһан,дьиэ5э чугаһаан кэлбитэ.Тобугар диэри тоҥ хаары кэһэн,дьиэни эргийэ сылдьан чуҥнаабыта.Дьон баар сибикитэ биллибэтэ5э.Оргууй ааны аһан дьиэ5э киирэн кэлбитэ.Дьиэ иһэ,ким эрэ соторутаа5ыта хомуйбутун курдук,чөкө буолан биэрбитэ,барыта орун-оннугар.Арай оттуллубата5а ырааппыт буолан тыбыс-тымныы.Сэрэнэн-сэрэнэн хос аанын сэгэтэн көрбүтэ матараастаах тимир орон,аттыгар кыракый туумба,истиэнэни кыйа таҥас ыйыыр ыскаап баара.Саргы Дьолу саныы-саныы, ороҥҥо кэлэн олорбута.Кини билигин да5аны Дьолу олус ахтар,ахтар эрэ буолбатах ис сүрэ5иттэн таптыыр.Ол курдук дэлби тоҥуор диэри өр да өр олорбута.Онтон, тумба үрдүгэр сытар кумаа5ыны ылбытын,бэйэтэ да өйдөөккө хаалбыта.Ол кумаа5ыга көнө ба5айы буочарынан суруллубут этэ:"Таптал олус күүстээх,таптал кэминэн да5аны,ыраа5ынан да5аны,тугунан да5аны хааччахтаммат..." Саргы бу кумаа5ыны суулуу тутан,сиэбигэр уктубута уонна дьиэттэн тахсан барбыта.
    Уопсайыгар кэлэн,хоһугар киирбитэ бииргэ үөрэнэр о5олоро бары мустан олороллор эбит.Киирээтин кытта:
    -Наконец-то Вонючкабыт кэллэ.
    Староста боччумнаах ба5айытык туттубута буола сатыы-сатыы:
    -Позор Вонючка,атын группалар бары кыһыҥҥы экзаменнарын ситиһиилээхтик туттарбыттар.Арай биһиги группабытыттан эн эрэ проваллаабыккын.Короче...үөрэххиттэн үүрүлүннүн.
    -Онно отчислен диэҥҥэ аҥардас эн эрэ аатын ыйанан турар.
    -Чэ бардын,группабытын позори гына сылдьыбатын...
    -Наконец-то,-игин диэн атын о5олор хос сыҥаах буолбуттара.
    Саргы атыыласпыт былаачыйатын ыһыктан кэбиспитэ.Ол курдук дөйөн тураахтаабыта...

    0
  • ashnyi_burtseva
    3 июля 2015  

    Сал5ыытын куутэбин:)

    0
  • Сындыыс сулус
    3 июля 2015  

    Анараа дойду дьоно.

    Сарсын Саҥа дьыл.О5олор үөрүүлэрэ-көтүүлэрэ сүрдээх.Эрдэттэн астарын атыылаһан астаналлар,бэйэ-бэйэлэригэр бэлэх бэрсээри бэлэмнэнэллэр.Онтон уонна каникул кэмигэр, ийэлэригэр-а5аларыгар атаахтыы,дьиэлэригэр барыахтара турда5а.Арай Саргы ханна да барар сирэ суох.Саатар уопсай комендана ,таҥаскын-сапкын туттар, миэстэ5ин босхолоо,диэн күн аайы ыксатан сордуур буолбута.Ону таһынан бииргэ олорор кыргыттара а5ала сатыы-сатыы мэһэйдэтэллэрэ үксээбитэ.
    -Биһиги Саҥа дьылы группанан бары манна,бу хоско көрсөбүт,эн онуоха диэри вообще суох буолуохтааххын,-Жанна айа5а кытара олороро.
    -Биир да5аны копейканы кыттыспатах эрээри,бэлэми аһаары гына5ын что ли,-диэн Туйаара,онтон да атын кыргыттар хос сыҥаах буолаллара.
    Саргы эрэйдээх,барытын өйдүүрэ,ол эрээри барар-кэлэр сирэ суох буолан,туох эрэ элбэх маллаах киһи курдук,сырыы аайы сыыйа-баайы,бу тахсан барыахтыы, хомуммута буолара.
    Ол курдук таҥаһын барытын хомунан,сарсын Саҥа дьыл үүнэр күнүгэр хоһуттан тахсан бараары бэлэм олорбута.Алдьанан,тааһа хайа баран,туһаттан тахсыбыт телефонун,быра5ан кэбиһиэн кэлэйэн,туумбатын түгэ5эр уган кэбиспитэ.Хомунан бүппүтүн көрөннөр кыргыттара арыый да уоскуйарга дылы гыммыттара.Саҥа дьыл иннинээ5и түбүктээх күн түмүктэнэн,бэрт хойутуу ороннорун буланнар, дьэ сыппыттара.Кыргыттар утуйан ырааппыттара.Арай Саргы ханна барарын толкуйдаан тобула сатыы оронугар эргичиҥнии сыппыта.Ол сытта5ына туумбатын иһигэр сытар,алдьаммыт телефона биир кэм быыстала суох илибирээн барбыта.Эмиэ түүһээн эрэбин быһыылаах дии санаан Саргы туран көрө да сатаабата5а.Онтон гитаранан до5уһуоллатан,уоллаах кыыс ырыалара бэрт чуолкайдык иһиллэн кэлбитэ.Жанна уутугар аҥаарыйа сылдьан,оронун анныттан тапочкатын булан ылан,быра5ан кыыраппыта:
    -Заклебала,араар эрэ музыка5ын...,-диэн иһэн,көрбүтүн итэ5эйбэккэ, оронугар олоро биэрбитэ,Туйаара эмиэ хара5ын быччатан,туран кэлбитэ.Ол курдук таалан хаалбыттара.Алдьанан хаалбыт телефон умайан сандаара-сандаара,бэйэтэ көтөн кэлэн Саргы ууммут илиитигэр кэлэн түспүтэ.Ыарахан тааһы түөһүгэр ыга кэлгиммит Артур телефону Саргыга туттаран баран:
    -Эйиэхэ сурук кэллэ,хайаан да5аны аах,-диэн мичээрдээбитэ.Аан аттыгар Никиталаах Майя кэрэ куоластарынан ыллыы тураллара.Онтон бары "эн биһиги до5орбут буола5ын" диэн тахсан барбыттара.
    Саргы телефонун циферблата бытарыйыар диэри алдьаммыт да буоллар, "Таптыыбын эйигин,эрэнэ күүтэбин,эн до5орун,Дьол" диэн сурук бэрт чуолкайдык көстүбүтэ.Саргы телефонун ыга кууһан,хабыс-хараҥа5а бэйэтэ бэйэтигэр мичээрдии сыппыта.Кыргыттара дьиктиргээн ыйыталаһа сатаабыттарыгар тугу да5аны хоруйдаабата5а.
    -Э-эй, Вонючка,что это было?
    -Истэ5ин дуо,то5о саҥарбаккын? Кажется,телефонун оҥотторбут быһыылаах.
    -Но все равно,телефоны сами по себе не летают же?
    -Ты тоже видела,странно дии? Диэн бэркэ дьиктиргээн кэпсэппиттэрэ.
    Саргы туох да диэн хоруйдаабата5а.Арай,"Эһиги мин тапталбын хаһан да5аны көрүөххүт,өйдүөххүт суо5а.Кини тыыннаах,мин сүрэхпэр баар" диэн санаан аһарбыта.
    Билигин Саргы ханна барарын чуолкай билбитэ,кини да5аны дьонтон итэ5эһэ суох до5оттордоох эбит.Ыарахан кэмигэр умнубакка көмө5ө кэллэхтэрэ.

    0
  • Сындыыс сулус
    3 июля 2015  

    Анараа дойду дьоно.

    Саргы ханна да5аны ыксыыра суох буолан,утуйан букуната сытта5ына,кыргыттара сахсыйан,түҥнэри-таҥнары тардыалаан уһугуннарбыттара.
    -Күн оройо буолла,утуйа сытыан дуо тур.
    Саргы мичээрдээбитинэн туран кэлбитэ,бүгүн киниэхэ эмиэ бырааһынньык.Кини ханна да ыксаабат.Кыргыттара хаһан барарын кэтэһэн күнү быһа мөхпүттэрэ-үөхпүттэрэ эрээри, үөрэ сылдьарын кубулуппата5а.Тиһэ5эр тиийэн,бырааһынньыктыыр астарын барытын бэлэмнээн бүтэн,остуолларын тардан,бары группаннан театырга бараары туран:
    -Кэлэрбитигэр сытын да5аны суох буолуохтаах,-диэн бүтэһиктээхтик сэрэтэн тахсан барбыттара.
    Со5ото5ун хаалан баран,Саргы сиэркилэ иннигэр мөссүөнүн көрүнэн чочумча олоро түспүтэ.Онтон кыргыттарын косметичкаларын ылан иннигэр уурунан кэбиспитэ.Бу тэриллэринэн хаһан да5аны туттубатах бэйэтэ,бэрт сатабыллаахтык хааһын үргэммитэ,онтон кыламаннарын өрө эринэн,батта5ын оҥостон,киэргэнэн барбыта.Тиһэ5эр тональнай креминэн сүүһүгэр баар чэрэ көстүбэт буолуор диэри соттон,өссө ордук тупсарынан пуудараланан кэбиспитэ.Чап-чараас хара дьүһүннээх колготкатын ылан кэппитэ,саҥа атыыласпыт былаачыйатын эргитэн-урбатан көрбүтэ уонна кэтэн кэбиспитэ.Ийэтиттэн хаалбыт,бэрт а5ыйахтык кэтиллибит норка са5ынньа5ын ,чымадааныттан ылан кэппитэ.Төһө да түүтэ кыратык кытардар,размера арыый да улахан буоллар,быһыытын олус тупсарбыта.Кыһыҥҥы саппыкыта суох буолан,үрдүк хобулуктаах чараас саппыкытын кэппитэ.Сытын тупсарынан духууламмыта.Сиэркилэ иннигэр кини буолбатах,олох атын кыыс турара.Ол курдук итэ5эйбэтэхтии мөссүөнүн көрүнэ турда5ына,группатын о5олоро саккыраһан,күлэн-үөрэн,хоско кутулла түспүттэрэ.Сорох-сорхтор билбэккэ:
    -Тыый бу хайа кырасаабыссаный,-дэспиттэрэ.Онтон Саргы эбитин билэн айахха бэрдэрэн тура түһэн баран,күлүү гыналларын умнубатахтара:
    -Туох ааттаах киэргэннин,кыыскын алдьаттара баран эрэ5ин что ли?
    -Хантан эрэ таҥас уорбут дуу,кини ба5ас хантан харчыланан атыыласпыт үһү...
    -Ой,дикарка,мин духибынан ыстарыммыт дии,-Туйаара айа5а кытара түспүтэ.
    -Уонна мин косметикам батта,-Жанна хаалсыбата5а.
    Саргы онно олох кыһаммата5а,тахсан баран иһэн:
    -Чэ о5олоор быраһаайдарын,хаһан эрэ хайаан да5аны көрсөр кэммит кэлиэ5э,-Саргы мичээрдээбитинэн тахсан бара турбута.
    О5олор кэнниттэн араас быдьыр тылларынан үө5э хаалбыттара.Саргы тулуйбата5а,тохтуу биэрбитэ уонна ботугураан "Артур мин эйигин ыҥырабын..." диэтин кытта,хос иһигэр толору астаах остуол өрө көтө5үллэн тахсыбыта да,түөрт ата5ын тосту түһэн кэбиспитэ.Хос иһэ эмискэ соһуйбут,куттаммыт хаһыыларынан туолбута.Саргы мичээрдээбитинэн,чап-чараас таҥастаах,бэргэһэтэ да суох Сайсары диэки хаама турбута.Уулусса5а ааһан иһэр уолаттар ымсыырбыттыы, мааны кыыһы эргиллэн, сүнньүлэрэ эриллиэр диэри, кэннилэрин хайыһа-хайыһа көрөллөрө.Ону ол диэбэккэ Саргы Дьол дьиэтигэр тиийэн кэлбитэ.Дьиэ5э киирэн иһэн тимэхтэммэккэ сылдьар са5ынньа5ын санныттан түһэрэн кэбиспитэ уонна ороҥҥо кэлэн сыппыта.Ол курдук сытан эрэ утуйан хаалбыта.Суох, кини олох да тоҥмото5о,тохсунньу дьыбар тымныытын билбэтэ5э да5аны.
    Чаһы уон иккини охсубута,таһырдьа салют ытан субуруппуттара,уулуссалар үөрүүнэн-көтүүнэн туола түспүттэрэ.Сотору кини Дьоло тиийэн кэлбитэ,ыга да ыга кууспута.Ол курдук ыга кууспутунан Анараа дойдуга илдьэ бара турбута.Онно Саргы хайаан да5аны дьоллоох буолуо...

    0
  • Сындыыс сулус
    3 июля 2015  

    Анараа дойду дьоно.

    Күндү аа5ааччыларым,манан кэпсээним бүттэ.Аныгы кэпсээннэрбэр көрсүөххэ диэри.

    0
  • Фанатка форума
    3 июля 2015  

    Вообще без слов. Плакать или радоваться? ))((

    0
  • Saranik
    3 июля 2015  

    Сууммутун да иһин сүппэт туох сыта баар буолуон сөбүй? Мин ону өйдөөбөтүм

    0
  • еруу
    3 июля 2015  

    курус кэпсээн ол да буоллар учугэй

    0
  • Айыы кыыьа
    4 июля 2015  

    Оо дьээ,саатар мин да кинилэр аттыларыгар баар буолбатахпыттан кыьыйдым,куруук аран,аччылыы туруом этэ дии.Хаарыан оголор,хаарыан эдэр саас.Махтал кэпсээнин иьин.Бэрт багайы ,сэргэх,ураты айымньы эбит.

    0
  • кундэлиинэ
    Кундэлиинэ
    Сардаана Саввинова
    4 июля 2015  

    (((((((

    0
  • Twins2123
    Twins2123
    Алексей Бютяев
    4 июля 2015  

    Үчүгэй да кэпсээн,маладьыас!!!!

    0
  • ыччат
    4 июля 2015  

    Махтал) му***** буола-буола аахтым. Бэрт да бэрт))) Бары учугэйи!)

    0
  • якут
    4 июля 2015  

    учугэй гынан баран тургэн багайытык бутэн хаалла 2 чааьа диэн баара буоллар

    0
  • наташа
    5 июля 2015  

    махтал кэпсээнин иьин:-)))))

    0
    • я
      5 июля 2015  

      Иккис чааһа наада,анараа кыргыттар дьылҕалара хайдах буолбута буолла, саатар биир аһынар киһи көстүбэтэх дуу ити Саргыны

      0
    • я
      5 июля 2015  

      Иккис чааһа наада,анараа кыргыттар дьылҕалара хайдах буолбута буолла, саатар биир аһынар киһи көстүбэтэх дуу ити Саргыны

      0
  • Лебедь
    7 июля 2015  

    Киьи дууьатыгар киирэр кэпсээн. ессе инник кдк кэпсээннээ кэпсээриий

    0
  • хост
    7 июля 2015  

    Бэт баи кэпсээн,өссө да суруйу тур

    0
  • туллук
    7 июля 2015  

    Олох ытыы ытыы аахтым , харыан кыыс Саргыhushed facecrying face

    0
  • еруу
    8 июля 2015  

    аранас сулус сындыыс сулус биир киьи дуу дии санаатым

    0
  • Сындыыс сулус
    11 июля 2015  

    Кэпсээммин сэҥээрэн аахпыт дьоҥҥо бар5а махтал.

    Сөпкө таайбыккын.Сындыыс сулус,Араҥас сулус,Чолбон,Сулус уола онтон да атын халлаан сулустарынан ньыыктаах мин буолабын.
    Кэпсээннэрим барыта абааһылардаах-иччилэрдээх,табыллыбатах таптал,олох туһунан буолаллар.Ол иһин абааһылары албыннаан, кураана5ы харбатан,ньыыкпын уларыта сылдьабын.

    0
  • Кылыс
    12 июля 2015  

    ьуу,биир тиьэ5эр тиийбит кэпсээн баар эбит ду

    0
    • я
      12 июля 2015  

      салгыытын суруйаҕыт дуо? холобур ити Саргыны инниккэ тиэрдибит дьон дьылҕата,саатар түүллэригэр киирэн иэстэһэрэ диэбит курдук.Атаҕастаабыт дьону, киһи хомойор туох да буруйа суох оҕону инниккэ тиэрдэллэрэ

      0
    • я
      12 июля 2015  

      салгыытын суруйаҕыт дуо? холобур ити Саргыны инниккэ тиэрдибит дьон дьылҕата,саатар түүллэригэр киирэн иэстэһэрэ диэбит курдук.Атаҕастаабыт дьону, киһи хомойор туох да буруйа суох оҕону инниккэ тиэрдэллэрэ

      0
  • якут
    13 июля 2015  

    ДИИ да суруйарын буоллар

    0
  • Сындыыс сулус
    13 июля 2015  

    Саргы Анараа дойдуга ДЬОЛУН булбута.

    Кини билигин дьоллоох.Онтон дьоллоох киһи иэстэһэ оонньуу сылдьара соччото суох дии саныыбын.Онон кэпсээн логическай түмүктээх,сал5анара сатаммат курдук.Атын кэпсээннэрбин булан аа5ын...

    0
  • мария
    14 июля 2015  

    Сулус уола эн диэclapping hands signkissing face with closed eyeskissing face with closed eyeskissing face with closed eyes

    0
  • Александр
    24 июля 2015  

    Сындыыс бэрт кэпсээн. Бэркэ суруйа5ын. Киьиэхэ тиийимтиэ. Киьи киьиэхэ сыьыана бэркэ костубут.

    0
  • shketok89
    27 июля 2015  

    бэт2👏🏻

    0
  • Сааскылаана
    2 августа 2015  

    учугэй кэпсээн ол эрээри Саргы барахсан Дьолго маарынныыр уолу дьин олоххо корсубутэ буоллар учугэй да буолуо этэ...

    0
  • Һэрбэкэ
    3 августа 2015  

    thumbs up signcrying facedisappointed facedisappointed faceclapping hands signclapping hands signclapping hands sign оһуобай кэпсээн thumbs up signthumbs up signthumbs up signthumbs up signthumbs up sign

    0
  • Прокопьевна
    4 августа 2015  

    Биирдэ эмит киирэн сиппит хоппут кэпсээннэри аагар учугэйин.Мин санаабар Итинник барбыт оголордоох дьон санаалара арыый чэпчиэ дуу дии саныыбын .Анараа дойдуга олох баарын курдук суруйбуккун.

    0
  • катя
    26 августа 2015  

    учугэй багайы кэпсээн,только кылгаьа куьаган

    0
  • лизавета
    21 мая 2017  

    Мин оҕом эмиэ онно баара буолуо диэн,эмиэСаргы курдук кыыһы көрсөн дьоллоохтук сылдьара буолуо диэн испэр сэмээр үөрэбин эрэ.

    0
  • в
    21 мая 2017  

    прапаганда кддк

    0
  • Тускун
    9 июня 2017  

    Олох ытыы сыыстым наһаа үчүгэй кэпсээн,инникитин өссө суруйа тур дьолу баҕарабын

    0
  • Саргылана Захарова
    13 июня 2017  

    Мин уолум аннараа дойдуга бэйэтин тиинэн барбыта подросток сааьыгар, туульбэр эмиэ аннараа дойдуга хайдах сылдьарын ер буола буола тууьуубун, ити кэпсээни аазан баран, кырдьык аннараа дойду баар диэн саныыбын

    0
    • Человек
      5 апреля  

      Саргылана Захарова, Аатын фамилиян ровна кэпсээн курдук эбит

      0
  • Владислав
    28 июля 2017  

    Урукку кэмнэрбэр теннерум буоллар элбэх соччото суох быьыыламмыт сыыьаларбын кеннертуем этэ. Киьини санаа5а ылларар кэпсээн.

    0
  • iren
    2 сентября 2017  

    Одьэ на4аа учуей кэпсээн ди

    0
  • Омук :-
    19 сентября 2017  

    Санаа бэт, Саргыны аьанным, мин таас сурэх

    0
  • Кыыс
    5 апреля  

    На одном дыхании аахтым)) Махтал кэпсээннитигэр) Ини аа5ан баран санаа5а ыллардым.... Мин эмиэ туулбэр игин араас керсубэтэх дьоммун туьээччим.. Биир уолу туьээбиппин ойдоон хаалбытым.... Миигин олорбуттэрэ игин диэн кэпсээбитэ, хаьан хайдах барытын

    0
Ответ на тему: Анараа дойду дьоно.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания