2 года на форуме Топ пользователь 5000 просмотров Все
Награды
2 года на форуме
2 года на форуме
Топ пользователь
Топ пользователь
5000 просмотров
5000 просмотров
Олохпор буолбут түгэннэр
  45661
Онус кылааска үөрэнэ сылдьан интернакка олоробун. Биирдэ ыйдаҥалаах түүн эмискэччи уһугуннум. Сүрэҕим өлөхсүйбүт, субу хотуолатыах курдук ыгар. Маҥан пододеяльниктаах суорҕаммын бүрүнэн хос иһигэр баар умывальник диэки бардым. Уубар аҥаарыйан баран иһэн көрдөхпүнэ миэхэ утары туох эрэ маҥан иһэр. Мин дьик гынным уонна тохтоон одууластым. Онтум баара утары сиэркилэҕэ бэйэм маҥхайан аҕай турар эбиппин.Дьэ уоскуйан, хотуолаан баран сыттым. Аны иһим ыалдьар. Ол курдук мучумааннанан баран, сарсыарда оскуолабар бардым. Иккис уруок кэнниттэн тулуйбатым, балыыһаҕа кэлэн көрдөрүннүм. "Хроническай" муҥурдаах эбиккин диэн туох эрэ эмин биэрдилэр. Ол онон ааста. Онтон биэс сыл буолан баран маҕаһыыҥҥа астаатак устуһа сырыттахпына эмиэ ыарыйда. Ол аайы тугум ыалдьарын билэбин. Атыыһыттарбар мин бүгүҥҥүнэн устуһан бүтэбин диэн сэрэттим уонна балыыһаҕа бардым. Арай балыыһаҕа эдэр биэлсэр уол баар.Киниэхэ көрдөрбүппүн киһим " көннөрү иһиҥ ыалдьыбыт быһыылаах" диэтэ. Мин "суох. муҥурум" диибин. "Чэ, оччоҕуна Н диэн дэриэбинэҕэ бырааска көрдөрө бар" диэтэ.Аны ол күн коммунистическай субуотунньук буолан биир да техника суох. Хайыахпыный, 5 километрдаах сиргэ сатыы бардым. Син элбэхтик сатыы сылдьыбыт сирим буоллаҕа. Баран истэххэ киһи уҥуохтаах сир баар. Ол сыл итирик тоҥмут кыыһы суордар тоҥсуйан өлөрбүттэр уонна ол кылабыыһаҕа диэри сырсан көппүттэр диэни истибитим. Ол иһин кылабыыһа таһыгар суордар хааҕырөаспыттарыгар иэним кэдэҥнээтэ, саатар маҥан бэргэһэлээхпин, куобах диэн саба түһүөхтэрэ диэн куттал бөҕөтө.
Ответов 667 Написать ответ
  • сибиэтэ
    3 августа 2013  

    бэрткэ суруйан иьэн ханна бардын

    учугэй кэпсээни биир тыынынан аа5арбын себулуубун чэ кытаат бириэмэтэ булун

    0
  • Маайыстыыр
    3 августа 2013  

    Биир дьааһык турарыгар баран

    сынньана олордохпуна, көтөн сабдыҥнастылар. Куттанан хааман салбыҥнаатым. ити бэскэ тиийбит киһи, ити чалбаҕы ааспыт киһи дии-дии хаама сатыыбын.Өр да өр хааман, биир чааһынан тиийэр сирбин түөрт чааһынан хааман балыыһаҕа тиийбитим: үлэ чааһа бүппүт, бырааһым дьиэлээбит. Онно улахан сундуук баарыгар өр олордум да ким да бырааһы ыҥырар санаата суоҕун иһин бырааһым дьиэтигэр саллаҥнаатым. Дьиэлэригэр киирбитим бырааһым эригэр аппатыытын көтөҕөр кып-кыра үрүүмкэҕэ кыһыл арыгы дуу, коньяк дуу куппутун иһэ олорор. Бэйэтэ миигин көрөн мөҥүтүннэ, төттөрү дьиэҕэр бар диэтэ. Эбиитин онтон бэртилиэт ыҥыран көтүтүөхтэрэ диэн талыбыраата.Мин аан таһыгар туох эрэ баарыгар олорунан кэбистим. Кэлэйэммин тугу да саҥарбаппын. Төттөрү хайдах барарбын санаатым. Эрэйим таах хаалыах муҥа буоллаҕа дии санаатым. Көрдөрбөккө эрэ барар санаата суохпун билэн, хоско ыҥыран айахпын атытан көрөөт, дьэ ыксаата. Нэһилиэк баһылыгар, уруккута бэрэссэдээтэлигэр, улуус балыыһатыгар эҥин төлөпүөннэтэлээтэ. Онтон чугастыы эппэрээссийэлиир кыахтаах балыыһаны булла. Нэһилиэк баһылыга ааһан иһэр массыынаны булан олорто. Ол массыынам суоппара аны суол бадараан диэн өрүс аннынан барда уонна сыыр анныгар түһэрэн кэбистэ. Сыырбын түөрт атах буолан харбыалаһан таҕыстым. Дэлби бадараан буолбут илиибин онон-манан сытар хаарынан сууннум. Уонна балыыһалара манан буоллаҕа диэн дьиэлэри быыстарынан бардым. Арай бу иннинэ аҕай муҥура ыалдьан киирбит оскуола оҕото кыыс турарын көрөн кэпсэттим. Иһирдьэ мин саастыылааҕым оҕото ыалдьан сытар эбит этэ. Билэр эдэр дьахтарбын кытта ону-маны кэпсэтэ олордохпуна, хайа манна муҥура ыалдьыбыт киһини ыыттыбыт диэбиттэрэ, баар дуо диэтилэр. Ээ, ол мин диэн турбуппар дьахтарым соһуйан эрэ хаалла, эйигин мунньахха кэлбит дии санаабытым диэтэ. Хирург, кырдьаҕас эр киһи, кэллэ. Тутан-хабан көрөн баран эппэрээссийэлиибит диэтэ.Таҥаспын ньылбы туттулар, халаат биэрдилэр, киһи барыта киирэн дьикти баҕайытык көрөр курдук, били идэһэни өлөрөллөрүн кэтэһэр дьон курдуктар. Дьиксинэн бардым. Тугум да аны ыалдьыбат буолан хаалла, хайдах эрэ ыалга баран хаалыахпын баҕарталаан ыллым, арай таҥаһым суоҕуттан тардылынным. Сууйдулар-тараатылар, бириэйдээтилэр. Эппэрээссийэ остуолугар илиибин-атахпын хам туттаран кэбистилэр. Улахан киһини утуппат эбиттэр, испэр улахан баҕайы испирииһинэн укуоллаан саайдылар, быһах(скальпель ыллылар), испин хайыттылар быһыылаах, туох эрэ сылаас бууппар тоҕунна. Үчүгэй эппэрээсийэ 15 мүнүүтэнэн бүтэр диэбиттэрин иһин чаһыны көрөбүн. 15 мүнүүтэм ааста. Иһим ыарыыта тулуппат буолла. Билэр-билбэт маатырыбын-куутурубун түһэриэх киһи нэһиилэ туттуннум. Барбах "маама" диибин эрэ."Местнэй анестезия" диэннэрэ бүппүт быһыылаах.Аны испин өссө эбии хайыттылар. Очоҕоспун таарыйаллар дуу, хайдах дуу, ыарыым сүрдэннэ. Онтон оо. дьэ, бу сылдьар эбит диэн көхсүм диэкиттэн муҥурбун булан быстылар, тэстэ сыспыт диэтилэр, кып-кыра тугу эрэ хааннааҕы ылан көрдөрдүлэр. Онтон дьэ тиктилэр ээ. Өссө ол олус ыарыыта суоҕа. Хирург оҕонньор көтөҕөн ылан палаатаҕа ороҥҥо илдьэн сытыарда. Түүн утуйар-утуйбат икки ардынан ааста.

    0
  • Маайыстыыр
    3 августа 2013  

    Биир дьааһык турарыгар баран

    сынньана олордохпуна, көтөн сабдыҥнастылар. Куттанан хааман салбыҥнаатым. ити бэскэ тиийбит киһи, ити чалбаҕы ааспыт киһи дии-дии хаама сатыыбын.Өр да өр хааман, биир чааһынан тиийэр сирбин түөрт чааһынан хааман балыыһаҕа тиийбитим: үлэ чааһа бүппүт, бырааһым дьиэлээбит. Онно улахан сундуук баарыгар өр олордум да ким да бырааһы ыҥырар санаата суоҕун иһин бырааһым дьиэтигэр саллаҥнаатым. Дьиэлэригэр киирбитим бырааһым эригэр аппатыытын көтөҕөр кып-кыра үрүүмкэҕэ кыһыл арыгы дуу, коньяк дуу куппутун иһэ олорор. Бэйэтэ миигин көрөн мөҥүтүннэ, төттөрү дьиэҕэр бар диэтэ. Эбиитин онтон бэртилиэт ыҥыран көтүтүөхтэрэ диэн талыбыраата.Мин аан таһыгар туох эрэ баарыгар олорунан кэбистим. Кэлэйэммин тугу да саҥарбаппын. Төттөрү хайдах барарбын санаатым. Эрэйим таах хаалыах муҥа буоллаҕа дии санаатым. Көрдөрбөккө эрэ барар санаата суохпун билэн, хоско ыҥыран айахпын атытан көрөөт, дьэ ыксаата. Нэһилиэк баһылыгар, уруккута бэрэссэдээтэлигэр, улуус балыыһатыгар эҥин төлөпүөннэтэлээтэ. Онтон чугастыы эппэрээссийэлиир кыахтаах балыыһаны булла. Нэһилиэк баһылыга ааһан иһэр массыынаны булан олорто. Ол массыынам суоппара аны суол бадараан диэн өрүс аннынан барда уонна сыыр анныгар түһэрэн кэбистэ. Сыырбын түөрт атах буолан харбыалаһан таҕыстым. Дэлби бадараан буолбут илиибин онон-манан сытар хаарынан сууннум. Уонна балыыһалара манан буоллаҕа диэн дьиэлэри быыстарынан бардым. Арай бу иннинэ аҕай муҥура ыалдьан киирбит оскуола оҕото кыыс турарын көрөн кэпсэттим. Иһирдьэ мин саастыылааҕым оҕото ыалдьан сытар эбит этэ. Билэр эдэр дьахтарбын кытта ону-маны кэпсэтэ олордохпуна, хайа манна муҥура ыалдьыбыт киһини ыыттыбыт диэбиттэрэ, баар дуо диэтилэр. Ээ, ол мин диэн турбуппар дьахтарым соһуйан эрэ хаалла, эйигин мунньахха кэлбит дии санаабытым диэтэ. Хирург, кырдьаҕас эр киһи, кэллэ. Тутан-хабан көрөн баран эппэрээссийэлиибит диэтэ.Таҥаспын ньылбы туттулар, халаат биэрдилэр, киһи барыта киирэн дьикти баҕайытык көрөр курдук, били идэһэни өлөрөллөрүн кэтэһэр дьон курдуктар. Дьиксинэн бардым. Тугум да аны ыалдьыбат буолан хаалла, хайдах эрэ ыалга баран хаалыахпын баҕарталаан ыллым, арай таҥаһым суоҕуттан тардылынным. Сууйдулар-тараатылар, бириэйдээтилэр. Эппэрээссийэ остуолугар илиибин-атахпын хам туттаран кэбистилэр. Улахан киһини утуппат эбиттэр, испэр улахан баҕайы испирииһинэн укуоллаан саайдылар, быһах(скальпель ыллылар), испин хайыттылар быһыылаах, туох эрэ сылаас бууппар тоҕунна. Үчүгэй эппэрээсийэ 15 мүнүүтэнэн бүтэр диэбиттэрин иһин чаһыны көрөбүн. 15 мүнүүтэм ааста. Иһим ыарыыта тулуппат буолла. Билэр-билбэт маатырыбын-куутурубун түһэриэх киһи нэһиилэ туттуннум. Барбах "маама" диибин эрэ."Местнэй анестезия" диэннэрэ бүппүт быһыылаах.Аны испин өссө эбии хайыттылар. Очоҕоспун таарыйаллар дуу, хайдах дуу, ыарыым сүрдэннэ. Онтон оо. дьэ, бу сылдьар эбит диэн көхсүм диэкиттэн муҥурбун булан быстылар, тэстэ сыспыт диэтилэр, кып-кыра тугу эрэ хааннааҕы ылан көрдөрдүлэр. Онтон дьэ тиктилэр ээ. Өссө ол олус ыарыыта суоҕа. Хирург оҕонньор көтөҕөн ылан палаатаҕа ороҥҥо илдьэн сытыарда. Түүн утуйар-утуйбат икки ардынан ааста.

    0
  • Маайыстыыр
    3 августа 2013  

    Сарсыарданы быһа сыттым.

    Күнүс кыра уу иһэртилэр. Тахсан киириэхпин баҕарарбын эппиппэр сиэстэрэ бэйэҥ туран бар диэтэ. Мин нэһиилэ тардыстан ороммор олордум. Мэйиим эргийэр. Өр олорон син мэйиим эргийэрэ тохтоото. Сэрэнэн туран, онтон-мантан тутуһан таһырдьа туалекка баран истэхпинэ горшок булан биэрдилэр. Онтон төннөн киирэн сыттым. Аттыбар биир муҥурун быстарбыт уол оҕо сытар. Өссө анараа түөрт чааһы быһа муҥура иһигэр тэстибитин ыраастаабыт мин саастыы кыыстара сытар. Сирэйэ хап-хара. Ону бэркиһээммин иккис күммэр сиэркилэ булан көрүннүм. Мин да көрүҥүм дьаабы эбит. Сирэйим хап-хара, иэдэстэрим кып-кыһыллар. Аны балыыһам аһыгар топпоппун. Миэхэ ким да ас аҕалбат, атыттарга кэлбит астан бэрсибиттэрин аһыыбын.Оскуолам оҕото илин-кэлин иилиҥкэйдэһэн, син бэһиэлэй олох саҕаланна.Биир сарсыарда хойуутаан уһуктубутум, арай иннибэр ким эрэ мах-маҥан эмэшкэтэ элэҥниир, кэнниттэн маҥан халааттаах сырсар. Биир мин саастыы кыыс укуолтан куттанан ыстаанын да тардыммакка куотан элэгэлдьийбит эбит. Биһиги күлсүү бөҕө. Хаһыат эҥин таһаардыбыт быһыылааҕа. Аны ол оскуолам кыыһын хоһугар "лазердаабыттарыгар" эппэрээсийэтин тигиитэ быһа баран хос тиктилэр. Мин күн-түүн үтүөрэн иһэбин. Өрүс хаайыан иннинэ дьиэҕэ барбыт киһи диэн санаа үөскээтэ. Бырааһым көҥүллүөх курдук буолла. Сотору мунньахсыттар "Урал" массыынанан кэлэллэр үһү диэн буолла.

    0
  • Маайыстыыр
    3 августа 2013  

    Аны кыыһым ол иннинэ мин эппэрээсийэлэммиттэргэ сыптарытар

    эми иһэрдибиттэрин туһунан кэпсээбиттэригэр хайдах буолбуттарын туһунан кэпсээбиттэригэр иһим тотуор диэри күлэн баран, миэхэ иһэрдибэтэхтэрин туһунан дьиктиргээн этэн баран, бу уонча хонук устата "большойдаабатахпын" эппиппин өйдөөн-санаан кэлэн, миигин хаалларар дуу, барарым иһин өһөөн дуу бырааска ону кэпсээн биэрбит. Дьэ, онон клизмалаатылар. Бары мин хайдах курдук туалет диэки элээрэрбин кэтии-маныы сылдьаллар. Киһилэрэ олорор да олорор, ханна да хамсаабат. Иһим ыалдьарын кэтэһэ сатаан баран, аны индийскэй дуу ханнык дуу эми иһэртилэр. Син биир. Кыргыттарбар "эһиэнин курдук буолуо дуо, мин иһим бөҕө ис" диибин. Эмиэ баран үҥүстүлэр. Быраас, хата, атын эми иһэрдимэҥ, аны суолга эрэйдэнэ сылдьыа диэн боппут. Кыргыттарым хосторугар сылыпыс гынан хааллылар, атаарбатылар. Мин массыынаҕа таҕыстым. Аны үөһэ кузовка таһаара сатаатылар. Мин итиччэ үрдүккэ тахсар кыаҕа суох буолан суох диэтим. Эппэрээсийэм хайа барыа диэн сэрэнним да, кыах да суох буоллаҕа. Оннооҕор доруобай сылдьан итиччэ үрдүккэ дьон үтэн таһаардахтарына эрэ тахсарым. Хайыахтарай, икки эдэр дьахтары кытта кабинаҕа симилинним. Ол да кабинаҕа айанныырбар кыратык хайа баран хаан оҕуолаабыт этэ. Аны өрүспүт ырбыылаабыт. Бэтэрээ кытылга хаптаһын быраҕан ветеринары кытта биригэдьиир туораттылар. Уҥуоргу өттүгэр санныларыттан тайаннаран ыйаанан нэһиилэ туораттылар. Дьиэбэр кэлэн дьэ нус-хас буолбутум. Дьон тоҥуй, хаҕыс сыһыанын кыра оҕо эрдэхпиттэн билбит буолан, олох туһугар туруулаһан кыайбытым.

    0
  • Маайыстыыр
    3 августа 2013  

    Чэ, ити муҥур диэн кэпсээним бүттэ. Аны практикаҕа

    диэни саҕалыам. Син аҕыйах да буоллар сэргиир дьонноохпун быһыылаах. Куоракка орто анал үөрэххэ киирдим. Киирээппит кытта күһүн практикаҕа окко үлэлэтэ илин эҥэр биир улууһугар ыыттылар. Биэс кыыс буолан окко көмөҕө ананныбыт. Бастаан оскуола оҕолорун кытта сылдьыбыппыт, онтон олорбут үөрэнэр буоллулар, онон икки оробуочай уолу кытта хааллыбыт. Биир сайылыкка олорор оҕонньордоох эмээхсиҥҥэ олохтоотулар. Биир киэһэ биир уол: "чэ, кыргыттар, бүгүн мантан чугас биир дэриэбинэҕэ таансы буолар, онно бардыбыт",-диэтэ. Биһиги үөрүүнэн сөбүлэстибит. Мин сэрэххэ төннөрбүтүгэр хараҥа буолуо диэн чүмэчи, испиискэ ылынным. Банаар эҥин диэн хантан кэлиэй. Уолбут атын көлүйэн от мунньарга үс буолан олорустубут, икки кыыс биир ыҥыырдаах аты мэҥэстиһэн мииннилэр. Чэ ол курдук хаһан да сылдьыбатах сирбитигэр айаннаатыбыт. Тиийбиппит сыбаайба буолар буолан таансыбыт буолбат буолбут, онон ыалга киирэн олоро түстүбүт. Уолбут билэр уолум сыбаайбалыыр, кыратык сылдьа түһүөм диэтэ. Биһиги кыратык кэтэстибит. Күһүҥҥү хараҥа буолла. Төттөрү айаннаатыбыт.Арай биир сиргэ уолбут: чэ, кыргыттар, түһэ түһүҥ эрэ, мин аллара түһэн күүтүөм диэт, мустарар кылырдыы-кылырдыы сыыры таҥнары түһэ турда. уонна кэтэспэккэ тыаһа сүтэн хаалла. Биһиги аллара түһэн баран киһибитин көрө сатаатыбыт, ыҥыран да көрдүбүт. Мэлигир. Олох билбэт суолбутугар биир аттаах туран хааллыбыт. Өссө кэлэн иһэн уолбут бөрөлөр баалларын туһунан кэпсээбитэ.

    0
  • Маайыстыыр
    4 августа 2013  

    Аттаах кыргыттарбыт

    эмиэ сүтэрэн кэбиспиттэр. Суол омооно хараҥаҕа син көстөр эрээри, аны икки аҥы арахсар сирдэригэр мунаарыы буолла. Син барбахтастыбыт. Онтон биир кыыспыт "тохтуоххайыҥ, мээнэ бардахпытына, олох да ыраатан хаалыахпыт, сарсыарда халлаан сырдаатаҕына син булан тиийэр инибит" диэтэ. Бары сөбүлэстибит. Бу аһаҕас сиргэ оттообуттар, онон оттоох күрүө баар буолуохтаах, онно барыахха диибин. Ким да хамнаабат. Мнн төбөбөр бөрөлөр диэн тыл эргийэр. Уот оттуохха, бөрөлөр онтон куттанар буолуохтаахтар дии санаан уот оттор санаа киирдэ. Чугас оту үргээн, испиискэнэн уот умата сатаатыбыт да тыал сабыта үрэн иһэр. Мин чүмэчини ылларбыппын санаан чүмэчинэн син уматтыбыт.От дуома түргэнник умайан истэ. Кыра ол-бу маһы булан эптибит да бүтэн иһэр. Улахан мас аҕалыахха диири ким да буолуммат. Чэ ити уот түһэринэн сирдэтэн диэн баран бэйэм ойуур диэки баран улахан мастары булан, сыһан-соһон аҕаллым. Уоппут үчүгэйдик умайда, сылааһынан илгийдэ. Ол да үрдүнэн тоҥ да тоҥ буоллубут.Мин уот оттубут сири көһөртөртүм. Уонна уот оннугар аппыт ыҥыырын тэлгэҕин тэлгээн олордубут. Эчи сылааһынан илгийэн үчүгэйин. Кэлин икки кыыс мас хомуйса барыстылар. Ити курдук эмиэ биирдэ уот оттубут сирбитин уларыттыбыт.Халлааммыт сырдаан барда.Суол устун бара турдубут. Арай оттообут сирбитин көрөн үөрүү-көтүү буоллубут. Онтон син билэр сирбит буолан түргэнник хааман сайылыкка тиийдибит. Оҕонньордоох эмээхсин утуйбакка кэтэһэн олороллор эбит. Ол уолбут кэлэн баран "һа-һа. кэһэйдиннэр, сатыы кэлиэхтэрэ" диэбит. Онтон кэлбэтэхпитигэр мөҕүллэн, утуйдаҕа буола сытар этэ.Кыргыттар ол-бу диэн уолу кытаанахтык үөхсүбүттэригэр, эмээхсин "тыый, ити маннааҕы улахан баайдар баар-суох сыдьааннара , наһаа саҥарымаҥ" диэн уоскуппута.Биһиги итии чэй иһээт, ороммутун булбуппут, Сарсыарда тоҕустан үлэлиэхпитигэр диэри үс хас чаас эрэ хаалбыт этэ. Сэбиэскэй кэмҥэ үлэҕэр хойуутууруҥ сатаммат курдуга.Аҕыс чаас ааһыыта туран хос аһаан, суунан-тараанан оттуу барбыппыт. Кыргыттар уолга кыыһырбыттара сүрдээх этэ. Киһибит куттанан атын уол кэлбитигэр ханна эрэ барда. Кыргыттар сааныы бөҕөлөрө. Атын сиргэ көһөн оттуур буоллубут.

    0
    • Настя
      4 августа 2013  

      Маайыстыыр

      Баьаалыста миигин билгэлииэн дуо? Сана интернетка киирэр буоллум телефоннанаммын. Онон бу атын форум да буоллар. Анараатах сатаан киирбэтим. Биьиги кып. кырачаан 2 саастаах о5обут эмискэ ыарыйда. Манна ханна да эмтээбэппит диэтилэр. Наар уколунан эрэ сылдьар.Биьиги эрэлбитин олох сутэрбэппит. Кытайга баран 1 ый эмтэнэн кэллибит. Аны сахалыы отоьуттарга эмтэниэхпитин ба5арабыт. Кими да билбэт эбиппит. Ким иннин кэрбутэ баарай? Сахалыы. ким эмтиирэ буолуой? Ал5ас ыйыппыт буоллахпына бырастыы гын. Мин кыьал5аттан суруйабын манна. Эрэлт итэ5эли кытта Настя. Кэпсээннин кыратык бириэмэлэнним да аа5абын. Киьини сэргэхситэр, аралдьытар учугэй кэпсээн.

      1
  • Маайыстыыр
    4 августа 2013  

    Мин Мэхээлэ Чааскыҥҥа

    Таатта Уолбатыгар бара сылдьыбытым. Оҕоҥ этэҥҥэ буолар ини, туох да куһаҕаны көрбөтүм. Уонна мин билигин Сиэр-туом форумҥа билгэлээһининэн эҥин дьарыгырбаппын. Үөҕэллэрэ сүрэ бэрт. Саатар, барыта көстөн турар, онон кыһалҕалаахтар хара никтэнэн пагербар суруйаллар. Онно эппиэттиибин.

    0
    • Настя
      4 августа 2013  

      Маайыстыырга

      Улахан Махтал. Уэрдубут а5ай. Эйиэхэ сиргэ баар бары учугэйи,кэрэни, ырааьы ба5арабыт. ЭРЭНЭБИТ!!!ИТЭ5ЭЙЭБИТ!!! Биьиги кып кырычаан о5обут хайаан да утуэруэ!!! Улаатан учугэй улэьит киьи буолуо5а!!! Ыал буолуо, бэйэтэ А5А, ЭhЭЭ буолуо!!! Махталы кытта Настя.

      0
  • ...
    4 августа 2013  

    Маайыстыыр салгыы суруйан ис баьаалыста. наьаа интириэьинэй.

    билгэлэтэр дьон манна суруйуман, пагерыгар суруйун баьаалыста.

    0
  • Маайыстыыр
    4 августа 2013  

    Көспүт дьиэбит биир хос өстүөкүлэ

    түннүктэрдээх, чэ, икки утуйар хостоох диэххэ дуу. Онно матараас хаҕыгар от уктан, эбии сиргэ тэлгэтэн, муостатын талах тоһутан харбаан эҥин арыый киһилии гынныбыт. Аана аһаҕас, ол иһин биир суорҕаны үөһэ кирпииччэнэн баттатан сабыыланнаҕа буоллүбут. Биир хоско икки уолбут утуйуохтаахтар этэ да, ол сааныылаах уолбут хоммот. Биирбит да арыт эмиэ суох буолар. Кыргыттар чүмэчинэн кыһыыларын таһаара таарыйа киирии хос түннүгэр ол уол аатын суруйа-суруйа козел, дурак, акаары диэн эбииликтээн суруйдулар аҕай. Биирдэ хараҥаран эрдэҕинэ кэлэн көрөн баран, өстүөкүлэлэри маһынан үлтүрүтэ охсуталаан кэбистэ. Тыас-уус, аймалҕан бөҕө буоллубут. Киһибит баран хаалла. Сарсыныгар өссө үлэлии кэлбэтэ. Ол киэһэ мин таһырдьа сирэйбин суунан хоспор киирэн иһэн оройбор туох эрэ ыарахан кэлэн түспүтүттэн тобуктуу түстүм. Оо, дирээн, били уол аны миигин суруйбут диэн кэлэн оройго оҕуста быһыылаах диэн аахсар санаалаах эргиллэ биэрдим. Пахай, онтум баара, били баттата уурбут кирпииччэбит сабыыны аһарбар үрдүбэр кэлэн түспүт эбит. Дьэ, хантан эрэ тоһоҕо тууран аҕалан суорҕан сабыыбын син иҥиннэрдим ээ. Ити курдук үлэлээн бүтэн эрдэхпитинэ, арай ол уол миигин табаарыһынан ыҥыртаран ылла уонна эн эрэ миэхэ киһилии сыһыаннаспыккар махтанабын диэтэ. Кэлин ол уол кыыһыран, иирсэн баран икки киһини саанан ытан өлөрбүтүн иһин сууттаммыт сураҕын истибиппит. Оччолорго сокуон кытаанаҕа: ытылларга ууруллубут буолуохтаах. Хаайыыга сытан кэмсинии бөҕөтүн кэмсиммит үһү... Оннук уоллуун оттоон турардаахпыт.

    0
  • Маайыстыыр
    5 августа 2013  

    Хомсомуолга киирии.

    Сэттис кылааска үөрэнэ сырыттахпытына, ким Хомсомуолга киирэр баҕалааҕын ыйыттылар. 14 саастарын туола иликтэр суруйбаккыт диэн буолла. Мин үөрэх бүппүтүн кэннэ эрэ 14 сааспын туолар буолан, суруйбатым.Аны пионер буолан бүтэр үһүбүт. Эмиэ туохха да, ханна да сыстыбакка хаалар хомолтолоох курдук. Күһүн атын оскуолаҕа үөрэнэ бардыбыт. Бэйэбит оскуолабыт 7 эрэ кылаастаах этэ. Улахан оскуолаҕа намылыспыт уһун суһуохтаах кыргыттар кутулла түстүбүт, "а", "б" диэн араартаатылар. Миигин маҥнайгы кылаас оҕолоругар баһаатайынан анаатылар. Пионерскай хаалтыспын баанар буолбуппуттан хайдах эрэ астынабын.Хомсомуолга киирэргэр икки мэктиэлиир киһилээх буолуохтааххын диэтилэр. Мин кими да бу диэн үчүгэйдик билсэ иликпин, онон саарамматым даҕаны. Инньэ гынан ахсыска сылдьан Хомсомуол тимир кэккэтин хаҥаппатым.

    0
  • Маайыстыыр
    6 августа 2013  

    Тохсус кылааска

    сырыттахпына хомсомуолга киирэр буоллаххына. үөрэх удаарынньыга буолуохтааххын диэтилэр. Мин, төһө да кыһаллыбытым иннигэр, физкультураҕа үстэн өрөйөөччүм суох. Онон сайабылыанньа суруйбатым. Оҕо барыта хомсомуоллаах. Мин эрэ олох мөлтөх үөрэхтээхтэри, бэрээдэгэ суохтары кытта хааллым. Ол хаалбыттары барыларын ыҥыран кэпсэттилэр. Дириэктэрим мин тоҕо хомсомуолга киирбэппин ыйытта. Мин абааһы баарын итэҕэйэбин ээ диэтим. Онуоха хомуньуус дириэктэр абааһы баарын-суоҕун дакаастыы иликтэр, онон киирэҕин диэтэ. Хантан эрэ мэктиэлиир кыргыттары була оҕустулар. Сайабылыанньа суруйтардылар. Уопсайынан, угаайылар уган кэбистилэр. Мин тоҕо эрэ ол кэмҥэ киириэхпин баҕарбат буолбут этим. Ол хомсомуоллаах табаарыстар туох да үчүгэй майгыларын-сигилилэрин көрдөрбөттөрүттэн ситимнээх быһыылааҕа. Хомсомуол эрээри диэн куттаан тахсалларыттан эбитэ дуу. Совхоз комитетыгар көрүллэ киирэр күммүт буолара биир күн хаалла. Бары маҥан баартыктаах киирэр үһүгүт диэн буолла. Мин онтукпун кэппэтэҕим үйэ буолбут кыыс дьиэбэр 5 км ыраах сиргэ хоно, баартыкпын ыла бардым. Дьэ тиийэн баартыкпын сууйан хоннум. Сарсыарда эрдэ туран өтүүктээн кэттим уонна саҥа суһуктуйан эрэр халлааҥҥа хаар устун хаачырҕаан баран истим. Арай сыа тыаһа бөҕө, дьон саҥалара иһиллэр. Тыый, бачча эрдэ кимнээх куобах күрэтэ сырыттахтарай, аны киһини ытыахтара диэн санаа күлүм гынна. Онтон тыастара сүтэн хаалла.Ол сыл дуу, ол иннинээҕи сыл дуу, учуутал эр дьон куобахтыы сылдьан биир киһилэрин алҕаска эбитэ дуу өлөрөн кэбиспиттэр этэ. Олор тыастара, билигин санаатахпына,тоҕо чуолаан ол күн иһиллэн ааспыта буолла. Чэ, ол курдук дьиктини истэн, 9 чаастан барыахтаах автобуспар кэллим. Устаабы син билэбин, уордьаннары эмиэ. Мин, куолубунан, ортокуттан кэнники соҕус киирээри турдахпына, кэнникилэр урут түһэн киирэн хааллылар.Биир инники киирэн тахсыбыт кыыс биир кыһыл бээһиҥкэлээх чүөчэ ыйыт да ыйыт буолар диэтэ. Бүтэһигинэн киирдим. Онуоха киирбиппэр туохтан эрэ күлсэ олороллор. Билигин тахсыбыт кыргыттар эйиэхэ туох диэтилэр, тугу ыйыталлар диэтилэр диэн ыйыттылар. Мин ол-бу диэки көрдөҕө буолаат, кыһыл бээһиҥкэлээх дьахтары хараҕым кырыытынан кылап гыннара-гыннара "ээ, кыһыл бээһиҥкэлээх чүөчэ ыйыт да ыйыт буолар диэтилэр" диэн чап гыннардым. Бары күлэн тоҕо бардылар. Чэ, сөп буолуо, таҕыс диэтилэр. Кыргыттар саба сырсан кэлэн тоҕо түргэнник таҕыстыҥ диэтилэр. Мин "ээ, биир эрэ боппуруоһу биэрэн баран таһаардылар" диэн баран кэпсээтим. Кинилэр хас ыйытыыга сыыһа хоруйдаабыттарын була-була долгуйуу бөҕөлөрө. Миигиттэн тоҕо ону-маны ыйыппатылар, арааһа, бүтэһик саамай акаарылара киирбит быһыылаах диэтилэр дуу диэн санаа үүйэ тутта. Барыбытын ыҥыран киллэртээтилэр уонна кыһыл киниискэлэрбитин туттартаан кэбистилэр.Ол, дьиҥэр, өс киирбэх оҕолору оскуола кэнниттэн совхозка сүөһү үлэтигэр үлэлэтэ таһаарар ньымалара эбит этэ.

    0
  • Маайыстыыр
    6 августа 2013  

    Дьикти хартыына

    Түөрт кыбартыыралаах учууталлар уопсайдарыгар олоробун. Биһиги кыбартыырабыт күн көрбөт өттүгэр баар. Дириэктэрбит миигин кытта эт саастыы отуччалаах киһи."Кыргыттар. күннээх өттүгэр көһүөххүтүн баҕарбаккыт дуо?" - диэн биирдэ эппитигэр биһиги түргэн үлүгэрдик хомунан көстүбүт.

    0
  • Маайыстыыр
    7 августа 2013  

    Сырдык дьиэҕэ киирэн үөрүү-көтүү

    буоллубут. Туох элбэх маллаах буолуохпутуй, сууйа-сото, тэринэ-бэринэ оҕустубут. Арай биир өҥнөөх хартыына хаалбыт. Быраҕаары гынан баран, истиэнэбитигэр ыйыыр туохпут да суох эбит, Арай бу хартыынабыт анаммыт курдук сөп түбэһэр сирдээх, ээ, чэ турдун диэн баран ыйаан кэбистибит. Ыйаан да буолуо дуо, учууталлар кнопкабыт элбэх буоллаҕа, туттартаан кэбистибит. Хартыынаҕа библияттан ылыллыбыт сюжет ойууламмыт. Оруоһабай өҥнөөх уһун былаачыйалаах хара дьүһүннээх дьахтар биир эр киһи төбөтүн батыйанан (меч) быһан баран, сыгынньах атаҕынан үктээн турар."Юдифь" диэн ааттаах.Ити курдук ааста. Мин биир сыл саабыс дьахтардыын олорор буоллум.Мин кыра хоско, кини киэҥ хоско. Хартыына кини хоһугар ыйанан турар. Арай биирдэ утуйа сыттахпына, наар истиэнэ диэки хайыһан утуйар идэлээх этим, ким эрэ кэлэн: "Тур!Сарсыарда буолла!" - диэтэ. Мин уһукта биэрбитим, халлаан өссө да хараҥа соҕус, дирээн чүөчэтэ, тоҕо киһини эрдэ уһугуннарар, бэйи, уһугуннара оонньобуккун, уубар аҥаарыйдаҕа буолан охсон саайыам ээ дии санаат, илиибин далайбытынан эргиллэ биэрдим. Пахай, ким да суох. Дьахтарбын иһиллээбитим утуйан тыынан сурдургуура иһиллэр. Ити итинэн ааста. Онтон биирдэ дьахтарым ханна эрэ атын дэриэбинэҕэ дьүөгэтигэр хоно барда. Аан хоско аһыыр этибит. Онно оһох турар. Утары били саабыһым хоһо. Арай киэһээҥибин астына соҕотоҕун аһыы олордохпуна, утары хоско хобулук тыаһын курдук иһилиннэ. Ол дьахтарым, кыра уҥуохтааҕа, ол иһин үрдээн көстөөрү буолуо наар үрдүк хобулуктаах атах таҥаһын кэтэрэ. Кини суох, кутуйах тыаһыыр ини диэн олордум, арай хобулугум тыаһа хостон тахсардыы бу тоһугураан кэллэ, мин муостабын көрөн аҕай олоробун. Аан сабыытын хамсаппакка хобулугум бу тоһурҕаан кэллэ! Мин сарылаабытынан остуолтан ойон турдум!!! Тыас сүтэн хаалла. Мин уоскуйдум. Онтон күлэ санаатым. Хата, ол күн 4 кыбартыыра тухары ким да суох эбит этэ. Ол дьахтар туохтаах эрэ быһыылаах, соруйан миигин моһуоктуур дии санаан баран утуйан хаалбытым.Ол хартыынам туһунан өйбөр да оҕустарбат этим.

    0
  • Маайыстыыр
    8 августа 2013  

    Саҥа дьыл саҕана дириэктирим

    киирэ сырытта.Мээнэ ону-маны кэпсэттибит, ачыкы-мааска кырааскалаатыбыт.Онно кини кэпсээтэ. Бу кыбартыыраҕа туох эрэ дьикти хартыына баар үһү. Бу манна олорбут дириэктэрдэр икки киһи өлбүттэр.Өссө биирэ аварияҕа төбө быстыылаах курдук. Биир саҥа барбыт дириэктэр бэйэтэ кыҥнаҕар үһү. Кини өлүөн баҕарбат буолан тута биһигини кытта атастаспыт үһү, кыргыттаргар этимэ диэн буолла. Ити эмиэ итинэн ааста. Күннээҕи түбүк умуннаран иһэринэн маладьыас. Арай биирдэ алтынньы ый саҕаланыыта эмиэ соҕотох хааллым. Субуота күн учуутал кыргыттар чугас баар дьиэлэригэр сус гынан хааллылар. Үксүн да оннук буолара эрээри туох да биллибэтэҕэ ырааппыта. Баскыһыанньаҕа дьэ уубун хана утуйар инибин диэн астына утуйбутум. Арай сарсыарда эрдэ, халлаан саҥа суһуктуйа сырдаан эрдэҕинэ, ким эрэ баттахпын имэрийбитигэр дьик гынан уһукта биэрдим. Бу имэрийииттэн баттаҕым өрө турарга дылы гынна, ким да суоҕун билэр буоллаҕым. Уонна дьахтар куолаһа:"Тукаам, ыалдьаары гыммыккын,"- диэтэ. Онтон хоспуттан тахсар атах тыаһын иһиттим.Унтуулаах атах хаамар тыаһыгар дылы этэ. Ол тухары куттанан кэннибин хайыһан көрбөтүм уонна ол курдук халлаан лаппа сырдыар диэри сыттым. Кырдьык, ол күһүн тымныйан ыарыйдым. Өр эмтэммитим да, сайын да ааспакка өр эрэйдээбитэ.Ол кэнниттэн кыргыттар ол-бу дьахтардаах куһаҕан түүлү түһүүллэрин эҥин хам-түм да буоллар кэпсииллэрэ.Мин чаҕылҕан түспүт маһыттан хас да чыыппааны (тырыыҥканы) ылан кэлбитим уонна ол хартыынаны ким да суоҕар оһоххо симэн, чыыппааммын кириэстии ууран баран уматан кэбиспитим. Ол кэнниттэн туох да атын тыаһы-ууһу истибэтэҕим. Ол дириэктэрбит син ол кэннэ өр олорбута эрээри биэс уонун туолбакка сылдьан эмискэччи ыалдьан кэриэтэ бу орто дойдуттан барбыта...

    0
  • Маайыстыыр
    9 августа 2013  

    Тракторист уол таптала

    Тыа хаһаайыстыбатын техникумун бүтэрэн баран, илин эҥэр биир улууһугар агроном-звеньевойунан үлэлээтим.Оччолорго сип-синньигэспин, химкалаах кылгас баттаҕым эрэ уот курдук умайар, сахсайар.Биир эмээхсиҥҥэ олохтоотулар. Сааскы ыһыыга бурдук таһыытын хонтуруолластым, кууллаах бурдуктары ааҕабын, тиэйтэрэбин. Бөһүөлэк иһигэр-таһыгар өрө-таҥнары хаамыы-сиимии бөҕө. Сааскы күн уотугар дэлби хараардым. Бэл,"кыыс эрээри олус да хараҕын" диэтилэр.Дьиэ тастыы олорор тракторист уол биир киэһэ киирэн:"Киинэҕэ бараҕын дуо?" -диэтэ. Мин кинини кытта барсымаары: "Суох, куһаҕан киинэ үһү," - диэтим. Киһим хап-сабар тахсан барда.Дьиҥэр, үчүгэй киинэ буолан, эрдэттэн бараары бэлэмнэнии бөҕө этим. Киинэ буолбутун кэннэ тиийдим, киинэ иннинэ сурунаал көрдөрөр этилэр, онон хойуутаан тиийэр улахан буолбатах этэ. Саал иһигэр сылыпыс гынным уонна аан таһыгар киинэ бүтэрин саҕана элэс гынарга бэлэм олордум. Киинэ бүтэн эрдэҕинэ, дьиэм диэки буут биэрдим. Хараҥаҕа бадарааны үрдүнэн ойуолаан аҕылаан-мэҥилээн калиткабар кэлбитим, арай уолум оҕуруотум үрдүгэр умса туттан харааран олорор.Арааһа, киинэҕэ сылдьыбакка манаан олорбут быһыылаах. Мин хайдах эрэ сымыйалаабыппыттан сааттым, түргэн үлүгэрдик калиткабын аһан дьиэбэр дьылыс гынан хааллым. Уол оҕуруоттан ыстанан түстэ уонна дьиэтигэр киирдэ.

    0
    • Настя
      10 августа 2013  

      Маайыси

      0
      • Настя
        10 августа 2013  

        Маайыстыыр

        Сал5ыы суруйбуккун кэрэн наьаа уэрдум. Наьаа учугэйдик суруйа5ын. Сэргээн аа5абыт. Айар улэн сайда чэчирии турдун! Куруук кэтэьэбит. Настя.

        0
        • Маайыстыыр
          10 августа 2013  

          Махтал. "Чолбон" сурунаал 2001 с. 3 нүөмэригэр

          "Ачыкы" диэн кэпсээним баар. Ону булан ааҕаргыт дуу.Саҥа дьыл түүнүгэр киинэ курдук түһээбиппин суруйбутум.

          0
  • Маайыстыыр
    10 августа 2013  

    Аҕыйах хонон баран эмиэ

    хойутуу соҕус киинэлээтим.Уолум оҕуруокка кэтэһэн олорор эбит. Ыстанан түстэ да тэҥҥэ хаамсыбытынан барда. Чэ, хайыахпыный, аргыстастаҕым дии.Арай киэҥ бадараан кэллэ.Биир эрэ киһи сыбдыйан барар сирдээх. Мин онон бардым. Уолум олох сэргэстэһэ хаамсар санаанан бадарааны ортотунан барда. Түргэн үлүгэрдик сыбдыгырайан истэхпинэ:"Тохтоо эрэ!"-диэн саҥарбытыгар эргиллибитим тракториһым балерина курдук аҥаар атаҕар ласточка оҥорон турар, аҥаар атаҕар маҥан оонньуската туналыйар. Биир саппыкыта чалбахха оҥойон турар.Илиибин ууннаҕа буолабын, тоҕо эрэ тиийбэт. Биһиги курдук ким эрэ хойутаан иһэрин ыҥырда. Киһитэ өс-саҕа буола-буола кэлэн таһаара хаалла. Мин үөрэ-көтө дайа турдум. Кулуупка соҕотоҕун тиийдим. Биир эрэ миэстэ ордубут эрээтигэр лах гына олоро түстүм. Тракториһым арыый хойутаан табаарыһын кытта киирэн ыраах ханна эрэ олорбуттара.

    0
  • чаки
    10 августа 2013  

    киэьээ суруйаар эрэ

    0
  • Маайыстыыр
    11 августа 2013  

    Дьиэбэр бырыыны-бадарааны үрдүнэн ойуоккалаан кэлбитим

    уолум эмиэ бөтүүк курдук оҕуруокка өрө хороллон олорор.Кэлбиппэр эмиэ ыстанан түстэ. Калиткам аанын бүөлүү турда. Ону-маны кэпсэттэҕэ буолан, оҕуруоту кыйа баран, кини дьиэтин түннүгүн анныгар тохтоотубут. Мин сабыыта суох түннүк нөҥүө дьиэ иһигэр туох буоларын көрө турабын уонна тракторист уолу кытта кэпсэтэбин.
    -Ээ,мм...эн балтыҥ хайдаҕый?
    - Хайдах буолуоҕай? (Ол мин куоракка баар балтыбын тоҕо ыйыттаҕай?) Онтон хара, улахан...
    -Аа...Өссө хайдаҕый?
    -Мм...(Туох айылаах мин балтыбын интэриэһиргээтэҕэй?!Балтым химкаламмытын саныыбын)Куударалаах баттахтаах.
    Уолум хараҕа бу күлтэйэн олорор. Хайдах эрэ кыһыл тымырдара күүрэн көстөллөр. Эчи, көрдөөбүт оҕуска дылы буолан дии санаатым.
    - Оттон мин бырааппын көрүөххүн баҕараҕын дуо?
    - Һы, онтон көрөн турабын дии. (Аны балтыбын ыйытан баран, аны тоҕо быраатын көрдөрөрө сатаатаҕай, хайдах эрэ уол дии).
    - Ол хайдах?
    - Онтон көрөр курдук көрөбүн.
    - Курдары дуо?
    - Курдары буолбакка.(Бу уол арааһа төбөтө ыалдьар дуу, хайдах дуу).
    - Оччоҕо...оччоҕо быраатым хайдаҕый?
    - Онтон...кыра, хара, куударалаах баттахтаах.(Уопсайынан, бу уол акаары быһыылаах, хайдах бииргэ төрөөбүт быраатын түннүк нөҥүө көрөн туран хайдах билиэм суоҕай).
    Уолум уоһа аппайда, сыраана айаҕын иһигэр толору,ону көрөн сиргэнэ санаатым.
    - Оттон билигин хайдаҕый?
    - Ээ, онтон турда(Ити икки ардыгар быраата туга уларыйарын ыйытар буоллаҕай, кырдьык, төбөтө хамсаабыт быһыылаах)
    - Уонна...уонна өссө хайдаҕый?
    - Онтон...ээ... дьаакыр ойуулаах...ээ, ырбаахылаах (хайдах эмэ гынан куоппут киһи. кырдьык, өйүнэн моһуогурбут быһыылаах).
    - Ону... эн хайдах...курдары көрөҕүн?
    - Оннук үлүгэр балай дии саныыгын дуо? Ачыкылаах дии санаан. Көрөр буолан этэр буоллаҕым дии. Ол быраатыҥ уруогун үөрэтэ олорор, эргиллэн көр эрэ.
    Эргиллээтин кытта мин калиткабар ыстанным, аһа баттаат, дьиэм иһигэр биирдэ баар буола түстүм.Аҕыйах хонон баран, таҥас ыйыыр быаларыгар дьаакыр ойуулаах плавки ыйанан турарын көрөн баран, тракторист уол тугу ыйыппытын өйдөөн сирэйим дэлби кытаран хаалла. Кэлин сааһыран баран, быарым быста сыһыар диэри күлбүтүм...

    0
  • Маайыстыыр
    11 августа 2013  

    Биир академическай уоппуска ылан

    кэлбит студент уоллуун уулуссаҕа көрсөн кэпсэтэ-кэпсэтэ аа-дьуо маҕаһыын диэки хаамсан истибит. Куорат туһунан, студеннаабыт кэммин эҥин ахтан астынан долгуйа устан истэхпинэ, арай кэннибитигэр Беларусь трактор бирилэтэн кэллэ да, суол кытыытынан баран иһэр дьоҥҥо, биһиэхэ,ыган кэллэ. Иккиэн бииргэ бардахпытына, сырыһыннаран тэбистэрэрэ чуолкай буолла. Мин суол нөҥүө өттүн диэки куоттум.Иккиэн икки аҥы бурал гына түстүбүт.Кып-кылгас түгэҥҥэ сөпкө толкуйдаабыт эбиппин. Тракторист уол, дьэ санаатын ситэн, бара турда. Ырбайбыт, астыммыт сирэйин көрөн, кыһыыбыттан испин хайа түһэ сыстым.Студеным телеграф остуолбатын нөҥүө түспүт. "Ити атаһым хайдах-хайдах буоларый?"-диэмэхтээтэ. "Ээ, итирик ини," -диэн хардардым. "Мин табаарыспын кытта кэпсэтэр инибин," -диэт, студеным гараж диэки барда.

    0
  • Маайыстыыр
    12 августа 2013  

    Ньургуһуннуу барыахха диэтэ

    тракторист уол өрөбүл күн."Сыал ытыахпыт,"- диэн эбэн эттэ."Чэ, ол-бу буолбат, сарбаҥнаабат буоллаххына,"- диэтим. "Ээ, суох,-" диэн эрэннэрдэ. Иккиэн ньургуһуннуу бардыбыт. Арай биир сиргэ кэллибит, араҕас сибэккилэр үүнэн туралларын ньургуһун да дии санаабатым. Уол төҥкөҥнүү-төҥкөҥнүү ол араҕас сибэккилэри хомуйар, таҥас мөһөөччүккэ уктар. "Хайа, ньургуһуннарыҥ ханна баалларый?( Киһини албыннаан аҕалбыт дии санаан бараары гынным)" -абарбыт куоласпынан саҥарабын. "Онтон бу дии,мэ," - диэт араҕас сибэккилэрин миэхэ уунна. "Пахай, бу ньургуһун буолбатах уонна мин үргээччим суох, мэ, мантыккын ылбаппын," -диэтим. Хап-сабар араҕас ньургуһуну таҥас мөһөөччүгэр угунна, өссө эбии үргээтэ. "Ити туох үлүгэр ньургуһуну хомуйдуҥ?"- диэн ыйыттым. "Эһэм итинэн арамачыыһын эмтэнэр ээ,"-диэтэ. Тайахтаах, хаар маҥан баттахтаах эһэтин уонна эмиэ ньургуһунунан эмтэнэр ийэбин санаатым уонна хайдах эрэ тохтоло суох төҥкөҥнүүр уолу аһынным.Син ону-маны кэпсэттэҕэ буоллубут. Сыал ыттараары дьон бырахпыт бөҕүттэн үс өстүөкүлэ бааҥканы ылан чөҥөчөктөргө уурталаата. Саанан кыҥыырбар көмөлөстөҕө буолла, ол аайы силбиэтэммэккэ кини этэн биэрэрин истэн,чыыбыһы тардыталаатым. Икки бааҥканы хампы ыттым, биири таппатым. Ону бэйэтэ хампы ытта. Онтон үс тиит муҥур чыпчаалларын тосту ытта. Табара сүрдээх.Хайдах эрэ ону сөбүлүү, сөҕө-махтайа санаатым. Аа-дьуо хаамсан дьиэбитигэр кэллибит.

    0
  • Маайыстыыр
    13 августа 2013  

    Кулуупка сотору-сотору

    "танцы-мансы, обнимансы" буолар. Мин арыт билэр кыргыттарбыныын, арыт соҕотоҕун да сылдьабын. Улаханнык билиҥҥинэн "комплекстаабаппын", үҥкүүлээн тибийэн иһэбин. Арыт ЛЭП үлэһиттэрэ сылдьаллар. Бары хайдах эрэ үлэ таҥастаахтар, арай биир эдэр уол ыраас сырдык ырбаахылаах, кырыылаах да буолбатар бүрүүкэлээх, атыттар курдук спортивнайынан сылдьыбат. Ийэтин, аҕатын кытта бииргэ сылдьар эбит. Үҥкүүгэ ыҥырда, билистибит. Нуучча буолан үрдүк уҥуохтаах. Күүстээх илиитигэр таах тута сылдьар, хаһан да вальстаабатах киһини үөһэ дэбдэччи көтөҕө сылдьар, атаҕым сири таарыйар-таарыйбат элээрэр. Сааһынан миигиттэн кыра эбит, саҥа армияттан кэлбит.Күнүс уот тарда сылдьан мин ханна барарбын-кэлэрбин көрөллөр эбит. "Огонек" диэн ааттаабыттар.Химка быһа сиэн кэбиспит баттаҕым ыраахтан көстөн эрдэҕэ. Сарсыарда ити кимниин хонтуораҕа кэллиҥ диэн ыйытыы баар буолла. Ээ, сосед диэн хардардым.Били тракторист уол убайын кытта аргыстаспытым. Ол убайа танцыга эмиэ баар этэ. Тракторист тоҕо эрэ суоҕа. Убайбыт миигин ыҥыран ылла, кэпсэтии баар диэтэ. "Эн ити нууччалары кытта сылдьыма, маннааҕы уолаттар нууччалары кытта сылдьар кыргыттары сөбүлээбэттэр, кырбыахтарын сөп. Ити уолгун эмиэ. Хата, сарсын өрөбүлгэ кустуу барыс, мин уонна икки быраатым буолан чугастааҕы күөлү эргийиэ этибит,"-диэн кэпсэтии буолла. Мин эдэркээн нуучча уолун аһынным, иккиһин үҥкүүгэ ыҥырбытын аккаастаатым, уолум атын кыргыттары ыҥырбата, үөһэ тыынан баран, кулууптан тахсан барда.Атын нуучча киһитэ ыҥырбытыгар эмиэ аккаастаатым.Үҥкүү бүппүтүгэр таһырдьа тахсарбар таһырдьа табахтыы турар этэ. Кэннибиттэн батыһа көрө хаалбыта...

    0
  • Маайыстыыр
    14 августа 2013  

    Сарсыныгар түөрт буолан кустуу

    бардыбыт. Мин кылгас эрэһиинэ саппыкылаахпын, тракторист уол курумулаах. Убайа "чэ, эһиги биһиэхэ утары барыҥ, биһиги манан бардыбыт" диэн эттэ. Хайыахпыный, тугу дьирээлэһэн диэн баран тракторист кэнниттэн хааман бардым. Ханна да кус олороро көстүбэт. Арай биир сиргэ саппыкыбын ааһар уулаах. Уол миигин сүгээри гынар. Мин сөбүлээбэккэ оҕуруокка хатаастан тахсан, оҕуруот маһыттан тутуһан хааман туоруубун. Аны күөлү эргийэн кэллибит да, дьоммут мэлигирдэр. Өссө уол муохха олорор, сытар. Миигин эмиэ олор диир. Биһиэхэ муох мэлдьи инчэҕэй, сииктээх буолааччы. Онон муохха олорор уолу сүөлүргээбиттии одуулаһабын. Ону тулуйбата, туран хаамта. Дьэ кураанах маска олордо, онно олорсон сынньанным.Чугаһаан кууһа сатыыр, илиитин илгибиппэр ытыспын тутан ылан одуулаһар, тардыалаһабын. "Дружба народов" диэннээх. Кини илиитэ миэнигэр холоотоххо ньиэгир киэнин курдук олус хара. Өссө аны куккууктаан киирэн барда. Дьон истиэ диэн тоҕо эрэ дэлби кыбыһынным.Билигин санаатахха,анал бэлиэ эбитэ дуу. Дьэ ол курдук тардыалаһан син дьиэбитигэр кэллибит, акаары дии санаатым. Аны кууһан туран ууруу сатыыр.Хайдах эрэ тулабытыгар дьон чуҥнуу сылдьар курдук, ол иһин улаханнык саҥарбакка эрэ киэр анньа сатыыбын.Хайа эрэ түгэҥҥэ ибис-инчэҕэй уостара уоспар сыстан ыллылар. Олус сиргэнним, ол иһин өһүргэтээри"сатаан уураабат эрээри ууруу сатаама" диэтим.Онуоха мах бэрдэрэн тохтоон хаалла. Мүччү көтөн дьиэбэр киирдим.

    0
  • лена
    15 августа 2013  

    маайыстыырга

    олус интириэһинэй салгыытын күүтэбин

    0
  • Маайыстыыр
    15 августа 2013  

    Сааскы ыһыы үлэтэ саҕаланна.

    Хонтуораҕа киһи-сүөһү бөҕө. Биригэдьиирбит кырасаабысса ойохтоох,лысхаҥнаабыт, өрө тэбэн хаамар эр киһи хара тирии кууркалаах, биир оннук киэпкэлээх ыбыччы көрө-көрө миигин бэркэ туппаҕалыан баҕарар, ону иннибинэн-кэннибинэн тэбиэлэнэн чугаһаппаппын. Кини үөннээҕинэн көрө-көрө "бүгүн илин барар звенону илдьиһэҕин" диир."Мин онно тугум наадатай, үлэлээтэхтэринэ бара сылдьар инибин" диибин. "Ол ыраах сир, баран сирин-уотун көрөн кэл," - диэн бирикээс буолла. Ол тракторист уолга кабинатыгар олортулар. Саҥата-иҥэтэ суох Суола үчүгэй эрээри бытаан баҕайытык айаннаатыбыт.Атын трактордар инники түһэ турдулар.Биригэдьиир мэхээнньиктиин эмиэ барыстылар. Сэбиэскэй кэмҥэ ыһыы хампаанньата саҕаламмытыгар кыттыбыттарын туһунан отчуоттууллара дуу.Чэ, саламта онно баар буолуохтаах быһыылаах. Ол иһигэр мин эмиэ. Чаастан ордук сыннаран тийиэхтээх сирбитигэр тиийэн сүөкэннибит. Уонча эр киһи ортотугар соҕотохпун. Уонна бу звено дьоно хайдах эрэ бары киһи сөбүлүү көрбөт дьонноро.Үксэ арыгыһыт, охсуһуук, олохторугар бүдүрүйбүт дьон. Биригэдьиир тэспэҥнээн кэлэн: "Эн манна хоно хаалаҕын, сарсын сарсыарда сатыы айаннаан тиийиэҕиҥ. Ыраах дойду, бу киэһэ кыайан бөһүөлэккэ тиийбэккин, Итиннэ куулларынан, уолаттар, хосто оҥорон биэрээриҥ,"- диир. "Быраат иннинэ убай боруобалыахтаах этэ да, чэ, быраатым дьоло буоллун," - диэн хайдах эрэ тутта-тутта саҥарда. Эр дьон куотан таҕыстылар. Мин да дьиэ иһиттэн таҕыстым. Биригэдьиир мэхээнньигинээн бардылар. Мэхээнньик миигин ылыахха диир быһыылаах да, биирэ саҥардыбат.Мэхээнньик тракторист уол диэки ыйбыт сөмүйэтин эрэ өйдөөн көрдүм. Бараммын ол уолу илдьэн биэрбэккин дуо диэн ыйыттым. Онтум хараҕын кистии-кистии баһын быһа илгиһиннэ. Мин толкуйдаатым, туох эрэ бөрүкүтэ суох дьыала буолаары гынна, мантан бара оҕустахха сатанар диэн быһаарынным.трактор чааска, бэркэ түргэтээтэҕинэ, 60 км барар, мааҕын биһиги бытааннык кэлбиппит. Чэ, 30 км баар курдук. Чааска 5 км бардахпына, түүн 12-1 чаас саҕана син тиийиэхпин сөп эбит.Бэйи, аһылыктарын бэлэмнэнэ сырыттахтарына,барыахха. Быстах наадаҕа барбыт курдук туттан баран атын сиринэн эргийэн суолбар эргийэн киирдим да түһүнэ турдум. Бастаан сүүрдүм, кэлин бытааран хааман бара турдум. Хата, дьонум илдьэ кэлбит арыгыларын иһэр айдаана буолан дуу кэннибиттэн биллибэтилэр. Хаам да хаам буоллум. Олох тибийэн олоробун. Хата, бытааннык уонна көнө соҕустук айаннаабыт буолан, сиригэр-уотугар мунаарбатым. Трактор тыаһа иһилиннэҕинэ саһар санаалаахпын. Кыыһырбыт-абарбыт санаабар сылайбыппын билбэппин, түргэнник элэгэлдьийэн иһэбин. Күн тиһэх сардаҥатын кытта бөһүөлэк кытыытынааҕы кэрии көһүннэ, ураа эрэ хаһыытаабатым.Эмээхсиним хатанан утуйбутун уһугуннаран киирдим, тоҕо эрэ сөбүлээбэтэхтии көрөр. Олус да ыраах сир буолбатах эбит этэ. Сотору бэттэх буолаҕа кэлбиттэригэр үлэлэрин көрө тиийбиппэр тракторист уол миигин кытта кэпсэтимээри тракторын биир сиргэ вальстыыр курдук кулахачыт да кулахачыт буолбута.Син саатара буолуо.Тапталы таҥнарыы диэн киһи сиргэнэр дьыалата. Мин сиргэ силлээн баран ааһа барбытым. Санаатыгар, арааһа, мин тобуктуу-тобуктуу көрдөһүөхтээҕим буолуо. Арааһа, миигин нуучча уолун кытта үҥкүүлээбитим иһин саакка-суукка киллэрээри гыммыттара табыллыбатаҕа быһыылааҕа. Сайын эрдэ нуучча ыала көһөн хаалбыта, арааһа, уолларын сүгүн сырытыннарбатахтара дуу. Кэлин дойдубар бараары сырыттахпына табаарыһынаан кэлэн кэпсэтэ сатаабытын чугаһаппатаҕым...

    0
  • Маайыстыыр
    17 августа 2013  

    Кутталлаах Куталаахха.

    Кылааһым оҕолорун кытта саас, күһүн походтуу барабыт. Биирдэ Н диэн сиргэ барар буоллубут. Мин сөрүүн түһүүтэ айанныырбын сөбүлүүбүн. Онон оҕолорбун киэһэ 6 чаас саҕана мунньан Н-ҥа хонордуу бардыбыт. 2-3 чаас курдугунан тиийэн, хонор сирбитин көрдөөтүбүт.Сылгыһыттар дьиэлэрин онон-манан өҥөҥнөөбүппүт хатыылаах буолла. Өссө биир киһи кэлэн холдьохто. Онон Куталаахха барар буоллубут. Онно икки дьиэ баар. Бииригэр, саатар, хонор инибит диэн буолла. Биир эргэ дьиэ ойуур кэриитигэр түгэх муннукка турар, биирэ (саҥата)сыһыы ортотун диэки арыылаан киирбит тыа таһыгар турар. Ол сирбитигэр биир чааһынан битигирэһэн тиийдибит. Халлаан биллэ хараҥарда. Таһырдьа кутаа таһыгар икки эр киһи турарыгар биһиги эмискэ барыс гына түстүбүт, ууга-уокка түһэрдибит. Биһигини аһатар, хоннорор айдааныгар түстүлэр.Эргэ дьиэҕэ үүрбэтилэр, бииргэ хоннорор буоллулар. Уолаттары муостаҕа, миигин түөрт кыыспын кытта кэтит тимир ороҥҥо утуттулар. Киирэ-тахса сылдьан бары таһырдьа баар кутааҕа ас кээстибит, иһирдьэ баар оһоҕу эмиэ тумнубатыбыт. Син миигин, атын да улахан дьону кытта онно-манна сылдьыбыт буолан оҕолор сири-уоту аһаталларын умнубаттар. Этиттэрбэт да буолбуттар этэ. Кэтит орон буолан, туоратынан сыттыбыт. Мин син-биир утуйбаппын диэн тимиригэр сыттым, кыргыттар буруһунатыгар сытан утуйан буккураһан хааллылар. Тимир сытарга кытаанаҕа сүрдээх. Утуйбут дьон чуумпурдулар, кыратык тыынан сурдурҕууллара иһиллэр.

    0
  • Маайыстыыр
    20 августа 2013  

    Дьиэ эмиэ да тымныы, эмиэ да итии

    курдук. Тимир орон кытаанаҕа диибин диэн. Эргичиҥнии сыттым.Аны оҕолор уһуктуохтара диэн эмиэ тыаһаабат буола сатыыбын. Арай иһиттэхпинэ эргэ дьиэ диэки туох эрэ бүтэҥи тыас иһилиннэ. "Һы, туох тыаһаатаҕай?"-диэн чөрбөҥөлөөтүм. Аны ол диэкиттэн туох эрэ нүһэр иһэр тыаһа баар курдук. Урут бу дьиэ кэннинээҕи ойуурга тыатааҕы ынаҕы өлөрөн сиэбитин санаан иэним кэдэҥэлээтэ. "Чэ, саалаах эр дьон бааллар,"- диэн бэйэбин уоскутуннум. Тыас аны сип-синньигэс хаппыт лабааны тоһутан тыһырҕатар, эбии туох эрэ окко соһуллан сыыгыныырын курдук тыас баар. Эмиэ да нарын да нарын чуораанчыктар тыаһыылларын курдук. Кэлин санаатахпына, ханнык эрэ сахалыы абааһылаах дуу, иччилээх дуу киинэҕэ үкчү оннук тыаһы тыаһаппыттара. Тыаһым тыһырҕаан бэттэх кэлэн истэ. Аны түннүк барыара ыаһыран хаалла, өһүө туох эрэ ыарахан хам баттаабытыныы дьикти баҕайытык тыаһаата. Атын күтүр,тыатааҕы буолбатах дии санаан, арыый куттаммытым ааһан, ол гынан баран,дьиксинэн сыттым. Аны дьиэ сарайын анныгар бааллан турар ардах хардьалара тыаһаатылар. Тыас кулуһун диэки барда. Дьиэ аана хатыылаах, ааны тартаҕына хаһыытыам диэн бэлэм сыттым. Син добуочча кулуһун таһыгар тугу эрэ тыаһатта, онтон дьиэ диэки кэлэн иһэн тохтоото, онтон төттөрү барда. Дьиэ хос босхолонор курдук хачыгыраата, түннүк нөҥүө сырдаата. Тыас тыһырҕаан эргэ дьиэ диэки баран сүттэ. Мин дьэ "һуу" диэтим...Сарсыныгар төннөн үрэххэ сылдьан баран дьиэбитигэр барбыппыт. Ол сиргэ ыаҕайалаах дьахтар күөлтэн уу баһан кэлэн иһэрин көрбүттэр эбит.

    0
    • Кент
      20 августа 2013  

      Маайыстыыр

      Кэпсээнин иьин Махтал олох тыыммакка да аа5абын, кэтэьэбин)))

      0
  • Маайыстыыр
    20 августа 2013  

    Дьикти түүллэр

    К диэн сиргэ кылааһым оҕолорун кытта кэлэн хонор буоллубут. Сылгыһыттар саҥа дьиэлэрэ эрэ баар. Ол дьиэ кэннигэр улахан тиит турар. Бу тиит лабаалара модьуруу сатаан баран кыайан мас уйбакка сиргэ түһэн тирээбиллэнэн тураллар. Бэйэтэ эмиэ суон мас, киһи кыайан кууспат. Бу маска хаартыскаҕа түспүппүт эрээри, биир да миэхэ хаалаахтаабатах. Биир ханнык эрэ көрбүөччү дьахтар кэлин бу маска үҥэр-сүктэр буолуохтара диэн курдук истибитим. Онон онтон-мантан мас хомуйан оһохпутун оттон, аһатан хонордуу бэлэмнэммиппит. Кылааспар соҕотох кыыстаахпын, онтубун кытта киэҥ соҕус ойоҕос наара ороҥҥо утуйар буоллубут. Ол-бу кыра таҥас баарын тэлгэннибит. Бэйэбит суорҕаннардаахпыт.Уолаттар бары аан утары истиэнэҕэ уонча киһи аа-дьуо батар сиригэр олохторун булан токуруһан сыттылар. Кэпсэтии-ипсэтии, кыра ырыа-тойук буола сыттахтарына, мин дэлби сылайан утуктаан киирэн бардым. Ол гынан утуйан, түһээн бардым. Арай дьиэ курдары били тиити көрөбүн. Тиит таһыгар икки нуучча эдэркээн уолаттара тураллар, чылыгырыайкалаахтар, ушанка бэргэһэлээхтэр. Ону оҕолорго этэбин: "Оҕолоор,айдаарымаҥ, ол тиит таһыгар икки нуучча турар". Онтон эмискэ уһукта биэрдим. Оҕолорум утуйа сыталлар. Арай кыыһым суох. Олус куттанным, киһиэхэ эппэккэ ханна таҕыстаҕай диэн. Онтон өйдөөн көрбүтүм, кыыһым уолаттарын ортолоругар токуллан сытар. Сарсыарда туруортаан баран, кыыспыттан ыйыттым, тоҕо уолаттарга бардыҥ диэн. Онтум мин утуйа сытан улахан баҕайытык тиит таһыгар нууччалар тураллар диэбиппиттэн куттаммыт уонна уолаттарын хоонньуларыгар киирэн утуйбут...Мин санаатахпына, ити нуучча геолог дуу. хаайыылаах дуу уолаттара мунан, ити үрэҕи батан кэлэн иһэн быстаран өлөөхтөөбүттэрэ буолуо...

    0
  • Маайыстыыр
    21 августа 2013  

    Аҕыс харахтаах

    Т диэн сиргэ кэлэн хоно сытабыт. Мин истиэнэ кытыытыгар походнай ороҥҥо сыттым. Атах өттүбэр түннүк баар. Ону көрө сытабын. Кылааһым оҕолоро,алтыстар, миигин сынньаннын, утуйдун диэн айдаарбаттар, кыратык тугу эрэ ботур-итир кэпсэтэллэр. Мин, улаханнык сылайдахпына буоларын курдук, харахпын көрбүтүнэн утуйан хаалбыппын.Арай түһээтэхпинэ, быйыл атын сиргэ көһөн барбыт уолбут школьнай формалаах, ранецтаах киирэн кэллэ. "Эһигини сырсан кэллим,"-диэтэ, остуол тула хаамыталаата, онтон остуол үөһэ ыттан, оҕолорго тугу эрэ саҥаран барда. Арай түннүгүм диэки көрбүтүм - аҕыс харахтаах абааһы көрөн турар.

    0
  • Маайыстыыр
    22 августа 2013  

    Оччону көрөн баран

    Оҕолору буойааччы буоллум. Онтон баттатан мөхсөн уһуктан кэллим. Оҕолорум бары утуйан хаалбыттар. Санаабар, син-биир ким эрэ көрөн турар, били уолум эмиэ хаама сылдьар курдуктар.Таһырдьа тахсыахпын иэним кэдэҥэлиир, туран хаамыахпын оҕолор уһугуннарар санаам суох. Онон били түннүкпүн көрөн баран сытабын.Кэлин истибитим ол уол биһигини ханна эрэ походтуу бардылар диэн санаабыт, өссө түһээн сылдьыспыт. Онтон ол аҕыс харахтаах абааһым курдук хартыынаны Дьокуускайга сахалыы сувенирдары атыылыыр сиргэ көрбүтүм...

    0
  • Маайыстыыр
    22 августа 2013  

    Маҥан былааттаах эмээхсин

    Биирдэ С диэн сиргэ походтуу бардыбыт. Сылгыһыттар олорор саҥа да. эргэ да дьиэлэрэ бааллар. Уолаттар сэриилэһэн оонньоотулар. Арай биир уол эмискэччи төбөтө ыарыйда."Уоккун аһаппытыҥ дуо?"- диэн ыйытыыга суох диэн буолла. "Тыый, оттон бу төрүттэриҥ, хос эбэҥ, эһэҥ олорбут сирдэрэ дии, аһата оҕус", - диэн буолла. Оһоҕун аһатан баран, уолбут үтүөрэн кыырт буолан хаалла, эмиэ сэриилэһэ барда. "Чэ, наһаа айдааран, мэниктээн бүтүҥ, улахаттаргыт дии", - диирбин истибэттэр, уонна хаһан, ханна маннык оонньуу сылдьыахпытый диэн буолар. Эмиэ даҕаны оннук ээ дии саныыбын. Соҕотох кыыспын кытта аһылык бэлэмнээн уолаттарбытын аһаттыбыт, иһиппитин хомуйдубут. Аны бу дьиэ биллэр иччилээҕин истэрбит. Иһити хомуйбатаххына тамныыр үһү диэн. Онон сэрэх соҕуспут, син эрдэ сыттылар. Аны кыыстарын дьээбэлээн ыллаа да ыллаа буоллулар. Тыл бырахсаллар.Кыыһым мин улаҕабар сытан утуйан хаалла. Мин эмиэ утуктаатым. Устунан түһээтим. Ол утуйа сытар дьиэбит ортотугар туран түннүк диэки көрөбүн. Арай биир маҥан былааттаах, тайахтаах, хара сэлиэччиктээх, хара этэрбэстээх, бырдьыгынас ойуулаах маҥан халадаай былаачыйалаах эмээхсин киһи уҥуохтарын диэкиттэн иһэр. Ону көрөн оҕолорго этэбин. Онтон уһукта биэрдим. Били ыллыы сыппыт уолаттарым утуйа сыталлар. Кыыһым аттыбар баар. Бары утуйбуттар. Ким утуруктуур, ким хаһыҥырыыр, ким тарбанар.Түннүк диэки көрүөхпүн баҕарбаппын, халты көрөбүн. Туох да биллибэт курдук. Эмиэ саҥарбытым дуу дии санаабытым эрээри, оҕолортон ыйыппатаҕым уонна кэпсээбэтэҕим. Ол гынан баран, уолаттар эмээхсининэн кими эрэ куттуулларын истибитим.Кэлин походтуу сылдьыбыт атын оҕолортон ким эрэ ол эмээхсини дьиҥнээхтик көрөн куттаммыт үһү.

    0
  • Маайыстыыр
    23 августа 2013  

    Микроавтобуска

    Куораттан дойдубар айаннаан иһэн эмискэччи утуйан хаалбыппын. Арай уһуктубутум автобус дьоно миигин көрөн аҕай олороллор, өссө ким эрэ мобильнигар устар.Биир уол "уһун да хоһоону аахтыҥ дии" диэтэ. "Омуктуу саҥарбатым дуо?" - диэн ыйыттым. Ону суох диэтилэр. Ол аата үөхсүбэтим дуо диэн ыйыппыт быһыым. Сороҕор ынырык баҕайытык үөхсэр, өссө ханнык эрэ омуктуу саҥарар үһүбүн. Ол автобуска олорбут кыргыттар саҥата суох түһэн хаалбыттара, онтон хаалбыт эдэр дьон иннибэр-кэннибэр илэмэ-салама түһэр буолан хаалбыттар этэ. Ол иннинэ аахайбатттар этэ. Дойдубар түһэрбэр көмөлөһүү бөҕөтө, кимнээх көрсүбүттэрин кытта ыйыппыттара.Бэйэм олох билбэппин ээ. Аҕам оҕонньор эмиэ утуйа сытан ону-маны туойара, олоҥхолуура үһү. Онто миэхэ бэриллибит быһыылаах. Ол гынан баран, кини күн аайы кэриэтэ туойара үһү. Мин хаһан эмит, улаханнык сылайдахпына эрэ.

    0
    • Наталия
      24 августа 2013  

      Маайыстыырга

      Наар туохтан эрэ куттанан тахсабын.Наар куьаганы эрэ саныыбын.Холобура, ким эрэ чугас киьим суох буолуо игин диэбит курдук.Итинник санаалары уурэ саьыыбын да син биир кэлэ тураллар.Хайыыбыный?

      0
      • Маайыстыыр
        24 августа 2013  

        Наталия, киһи сүрэҕэ ыалдьар буоллаҕына, үксүн

        итинник саныыр, куттанар. Балыыһаҕа сүрэххин көрдөр.Куһаҕаны киэр кыйдаа, уокка аста кээс.Чаҕылҕан түспүт маһыттан ылан уотта отун, кытыаны, боҕуруоскай отун туһан, баҕар, ыраастаныыга сырыт. Баҕар, киэһэ эҥин киһи уҥуоҕар, куһаҕаннык өлбүт киһи дьиэтин таһынан ааспыт, сылдьыбыт буоллаххына хара күлүктэр батыһаллар. Олор араҕыахтарын наада.

        0
  • Маайыстыыр
    24 августа 2013  

    Харчы айдаана

    Бэһискэ дуу, алтыска дуу үөрэнэ сырыттахпына, улахан убайым 300 солкуобай харчыны хамнас ааҕыста. Улахан харчы, оччотооҕу кэмҥэ. Ол иһин сатаан кистиир, онно-манна ыскайдаабат эрэллээх киһиэхэ миэхэ туттардылар. Мин ылан үчүгэй соҕустук кистиирдии кистээтим.Уонна ханна кистээбиппин төрүкү умнан кэбистим.

    0
  • Маайыстыыр
    24 августа 2013  

    Биир үтүө күн

    убайым харчытын көрдөөтө. Туох эрэ атыылаһыллыахтаах буолла.Мин саныы сатаан кэбистим, ханна уурбут буолуохпун сөбүн барытын хаһыстым.Дьонум кыыһыран бардылар, ык да ык буоллулар. Дьэ, ким эрэ булар сиригэр уурбуппун, уоран ыллахтара, харчыта суох хааллахпыт диэн санаа үүйэ-хаайа тутта. Дэлби ыксаан хааллым, аны ыйыт да ыйыт, мөх да мөх буоллулар.Кыра убайдарым күлүү гыммыт курдук тутталлар.Көрдүү сатаан баран дааммын биэрэн, ороммор кэлэн сыттым. Дьонум бары мөҕө-мөҕө көрдөөтүлэр. Арай ол сыттахпына, сайыҥҥы уоттанар дьиэ өһүөтэ, дүлүҥ, ханна эрэ сытар ынах быата элэҥнээн аастылар. Ол икки ардыгар дьонум бары саҥата суох бардылар, миигин

    0
  • Лили
    24 августа 2013  

    Маайыстыыр наьаа интириэьинэй олохтооххун дьи)

    онтон мин оло5ум наьа обычнай. ол бу событие буолан испэт. бу тугу да ситиспэккэ дойдубар теннен эрэбин. улэ да, таптал да табыллыбат. бу оло5ум интириэьинэйэ суогун уларытыахпын наьа багарабын. бара сатаан кистэлэн ис кыахпын арыйбыт киьи ду дии саныыбын. но бир ойунумсуйар табаарыьым эн обычнай киьигин диэбитэ. олохпор приключение кердеен туунну куорат устунан соготогун да сырыттым. ол эрэри син бир адреналина не хватает. Маайыстыыр бу суруйуубун аахпыт буолларгын тус олохпун керуулэнэн кер эрэ баьалыста. эйигиттэн бэйэгиттэн туох эмит субэ истиэхпин наьа багарабын. кемелес эрэ баьаалыста).

    0
    • Маайыстыыр
      24 августа 2013  

      Киһи бэйэтэ приключение көрдөөбөт

      Олоххор син-биир араас барыта буолар, ону эн билиҥҥи олоххор кыайан сыаналаабат буолуоххун сөп. Эн да олоххор кыралаан ол-бу буолуоҕа. Парашютнай спордунан эҥин дьарыктан ээ, оччо адреналин наада буоллаҕына.Билигин кыргыттары армияҕа ылар буолбуттар дии, онно эмиэ барыаххын сөп.Билигин өссө ордук интэриэһинэй дии. Интернетинэн эҥин билсии диэн. Бу соторутааҕыта биир баай омук киһитэ эриссэн бөҕө көрө сатаата ээ, киһи күлүөх.Манна тиийэн кэлбитэ буоллар улахан аймалҕан тахсара хаалла.Эһиэхэ эдэр дьоҥҥо араас быһылаан элбэх буоллаҕа.Киһилээххэ, Сатаҕа бара сылдьыаххын.

      0
      • Лили
        25 августа 2013  

        Маайыстыыр)

        эн эппиккин толоро сатаабыт киьи, хотя бы 50%. утуе субэн иьин махтанабын. дьоллоох, доруобай буол).

        0
  • Маайыстыыр
    24 августа 2013  

    Ытыы сытар дии санаатылар быһыылаах.

    Бэйэлэрэ түргэн үлүгэрдик көрдөөн бардылар. Эмискэ:"Оо, бу баар эбит!Буллум!"- диэн иккис убайым улаханнык саҥа аллайда. Бары чэпчээбиттии үөһэ тыыннылар.Мин уоскуйан баран сайыҥҥы уоттанар дьиэҕэ тахсан иһэн улахан убайым онтон тугу эрэ ылан хотон диэки барбытын көрөн хааллым. Ороҥҥо сытан көрбүтүм барыта баар этэ: өһүө,дүлүҥ, арай ынах быата суоҕа.Онтон хотоҥҥо тахсыбытым онно сытар этэ. Ол уон иккилээх кыыс оҕоҕо ыйанан өл диэн көстүбүт баҕайыта эбитэ дуу. Салгыы мөхпүттэрэ, булбатахтара буоллар, туох санааҕа тиийиэм биллибэт этэ... Ол 300 солкуобай туһуттан...Билиҥҥинэн 30-50 тыһ. солкуобай эбитэ дуу...

    0
  • Маайыстыыр
    26 августа 2013  

    Халлаантан түспүт 10 солкуобай

    Студенныы сылдьабын.Дьоммуттан туох да көмө суох. Стипендиябар олоробун.Дьиэбэр барар билиэппин ылан, харчым биллэ чарааһаата.Куоракка олорор эдьиийим 10 солкуобайы биэрбитин сарсыарда эрдэ аэропорка таксинан киирээри бараан кэбистим. Саатар, самолекка анньыһыы, үс күн хаайтардым. Сарсыарда эрдэ чаас арыттаан сылдьар автобуһу кэтэһэн киирдим.Суох, самолекка эмиэ киирбэтим. Бронь ылбыт дьон киирэн хааллылар.Эмиэ төннөн кэллим.Улуус кииниттэн дьиэбэр барар теплоходка төлүүр, аһыыр харчым суох. Куоракка эдьиийбэр аһыы кэллим.Иккиһин түөрт оҕолоох эдьиийбиттэн көрдөһөр санаам суох.Онтон таһырдьа тахсан уулуссаҕа ким эрэ бытархай харчыны түһэрбитэ буолаарай диэн ону хомуйар санаалаах бардым. Интернакка олорон начальнай кылааска үөрэнэ сылдьан кыһыны атаарыыга уолаттары кытта элбэх бытархай харчыны хомуйбуппутун, онон кинигэ атыыласпыппын өйдүүбүн.Дьэ, киһи наадыйдаҕына, туох да суох. Бара сатаан таҥараттан көрдөһөр аакка бардым."Оо, Айыы Таҥара, дьиэбэр барарбар көмөлөс, харчыта буллар",-диэн саныы-саныы хаам да хаам буолабын.Ол курдук төҥкөҥнүү, ону-маны кылап-халап көрө сырыттахпына, арай үөһэттэн кытарбыт сэбирдэх тэлээрэн түһэн эрэр. Эс, күһүн буолуо өссө эрдэ дии санаатым уонна ол хантан түһэр диэн сэбирдэҕи көрө тиийдим. Онтум оччотооҕу Ленин мэтириэттээх кыһыл 10-наах солкуобай эбит. Олус үөрдүм эрээри, аны ким эрэ мин сүтэрбитим диэн сүүрэн кэлиэ дии санаатым. Ол-бу диэки көрдүм, ким да суох.Милииссийэҕэ илдьэн биэрэр санаа киирэн баран сүттэ. Доппуруостуохтара-хайыахтара, аны бэйэбин хаайыахтара, харчыга ким да аата суруллубатах, онон ким баҕарар миэнэ диирэ көҥүлэ дии санаатым. Ылан сиэппэр уктан иһэн үөһэ диэки көрдүм. Арай биир үөһээ этээскэ аһаҕас түннүк баар.Онтон түспүт буоллаҕына билигин сүүрэн түһүөхтэрэ дии санаан тура түстүм, онтон эдьиийим аахха баран хоннум, сарсыарда эмиэ автобуһунан аэропорка киирэн дьиэбэр этэҥҥэ тиийбитим...Ити курдук 10-наах солкуобай быыһаабыта .Таҥара көмөлөспүтэ дуу...

    0
    • Симона
      26 августа 2013  

      Маайыстыыр, наьаа учугэйдик суруйа5ын,

      олох эдэр сааспар тенуннум. Пионер, комсомол куурээннээх кэмнэрэ. Портка хаайтарыы, бронь энин. Эн ейдуурун да бэрт эбит.))) Мин эйиэхэ пагерга суруйуом этэ да, сатаабаппын) Регаланыахпын ба5арбат курдукпун. Маайыстыыр, я в сметении. Тугу субэлиэн этэй? Туох куутэр, баьаалыста этиэн эбитэ буолаарай?

      0
      • Маайыстыыр
        26 августа 2013  

        Соччото суох харах көрөр.

        Хара күлүккэ чаһы көстөр. Чуораанчыкта ылан тыаһат. Эбэтэр таҥара дьиэтин куолакала тыаһыырын иһит. Арчыга сатаан ыраастыыр киһиэхэ сырыт. Мээнэ киһиэхэ сылдьыма. Туох айылаах таҥара куолакаллара тыаһаатылар??? Тугу истээри гынным дуу, туох буолаары гынна дуу??? Бу эйиэхэ сыһыана суох...

        0
        • Симона
          27 августа 2013  

          хара кулук чаьыыга кестер

          диэн, ол аата? Мин ыраах тыага баарбын. Танара дьиэтэ суох. А так бэйэм православнай итэ5эли итэ5эйэбин. Эьэм танара дьиэтин улэьитэ эбит. Псалтырь аа5ар, сурэхтиир энин эбит. Бэйэм иконаларга унэбин. А так, ААР АЙЫЫЛАРГА сугуруйэбин. Аал уот иччитигэр айах тутан кердеьебун. Сахалыы тыыннаахпын, о5о эрдэхпиттэн туьээн билэбин. Бэйэм уонна иккис уолум ыарыыбытын ыйытабын. Керен этэ дуо!

          0
          • Маайыстыыр
            27 августа 2013  

            Кэмэ кэллэҕинэ билиэҥ диэн.

            Бэйэҕэр дьахтар баттаҕын, төбөтүн көрдөрдүлэр. Баттаҕа уһун, хара, ону өрүнэн баран кэннигэр эрийэн туттарбыт. Онно туох эрэ кылабачыгас туттарардаах. Онтон лапти курдук көһүннэ уонна суон муҕур очоҕос курдук көстөр, ити уолгар.

            0
            • Симона
              27 августа 2013  

              Маайыстыыр махтал улахан диэн!

              ол аата туох куьа5аны онороору сылдьаллар дуу, или туох дуу? Тугу ессе субэлиэн этэй?

              0
              • Маайыстыыр
                27 августа 2013  

                Оһоххун аһат.

                Дьиэҕин, тэлгэһэҕин боҕуруоскай отунан, кытыанынан ыһаар, уоттан сэрэхтээх буол.

                0
                • симона
                  28 августа 2013  

                  маайыстыыр

                  кэпсээннэргин хаьан ситэрэ5ин? урукку кэми наьаа учугэйдик суруйдун, киинэ журнала, комсомолга икки мэктиэьит. мин олох итинник тугэннэри умнан кэбиьэбин. майгыннаьар еруттээх эбипппит, иккиэн учуутал уерэхтээхпит, чараас эйгэ5э чугаспыт, суруйарга холонобут. Маайыстыыр, барыта этэннэ буолуо дуо? барытыгар махтал,

                  0
  • Маайыстыыр
    28 августа 2013  

    Киһи олоҕо

    бэйэҕиттэн улахан тутулуктаах. Онон үтүөнү, кэрэни санаа, үөрэ-көтө сырыт.Тыыннаах буолар үчүгэй даҕаны диэн ырыа курдук.

    0
  • лена
    27 августа 2013  

    махтал

    түһээн көрөрүн барыта туолар дуо кэпсээнин иһин махтал салгыыта баар ини диэн кэтэһэбин дьоллоох буол

    0
    • мин
      28 августа 2013  

      Маайыстыыр дорообо!

      кэпсээннэргин собулээн аапабын. Миэхэ билгэлиэн дуо? сатаан бэйэбин улэпэ булуммакка сылдьабын дьиэпэ олоробун.

      0
    • мин
      28 августа 2013  

      Маайыстыыр дорообо!

      кэпсээннэргин собулээн аапабын. Миэхэ билгэлиэн дуо? сатаан бэйэбин улэпэ булуммакка сылдьабын дьиэпэ олоробун.

      0
      • Маайыстыыр
        28 августа 2013  

        Дьарыкта бул.

        КУоракка буоллаххына,хаһыат биллэриилэрин аах,Оскуола психологар баран тест толорон көрүөххүн. Таах олорортон туох да тахсыбат. Киһи үлэни булар, үлэ киһини булар.

        0
    • Маайыстыыр
      28 августа 2013  

      Мин түүллэрим маннааҕы олох

      буолбатах. Онон туолар, туолбат диирим сатаммат.

      0
  • Маайыстыыр
    28 августа 2013  

    Эмиэ 10 солкуобай туһунан кэпсээн.

    Дьүөгэбинээн үөрэхпитин бүтэрдибит. Куораттан иккилии улахан чымадааннаах кыргыттар улууспут киинигэр сөмөлүөтүнэн көтөн кэллибит. Аны "Заря" теплоходунан дьиэбитигэр айаннаан тиийиэхтээхпит. Икки күн теплоходка киирэ сатаатыбыт да, тутуурдаах дьон кыайан анньыһан киирбэтибит. Дьүөгэм, сүрдээх бойобуой кыыс:"Бу улуус кииниттэн кыайан барбаппыт, онон ааһар теплоходунан таҥнары барыахха,Б диэн сиргэ хонуохха. онтон сарсын онтон олорсон кэлиэхпит буоллаҕа дии",- диэтэ. "Мин харчым олох аҕыйах хаалла, ол Б-тан дьиэбэр диэри харчым тиийбэт",- диэн эттим. Кыыһым сиэбин тоҥсунна:"Чэ, куттаныма, миэхэ убайым 10 солкуобай биэрбитэ, онон төлөһөр инибит". Булугас өйдөөх дьүөгэбин тумус тутта үөрэммит буолан, биир-биэс тыла суох сөбүлэстим. Иккиэн ааһа барар теплоходка олорустубут уонна Б диэн бөһүөлэккэ түстүбүт. Аны биир да билэр киһибит суох эбит. Хаһыакка сурулларынан биир бастыҥ ыанньыксыт уол аатын билэр эбиппит. Ол уол дьиэтин ыйдаран тиийдибит. Уолбут сайылыкка көспүтэ ырааппыт эбит, дьиэтэ хатыылаах. Онтон 14 оҕолоох Герой-ийэ аатын билэр буолан онно астаран тиийбиппит уп-улахан дьиэ иһигэр биир да ыт охсор киһи суох эбит. Онон уулуссаҕа тахсан соҥуоран турдубут. Арай биир эмээхсин ааһан иһэр. Кини биһигиттэн "Заря" кэлэн ааста дуо диэн ыйытта. Ааспыта ыраатта диэн эппиппитигэр, кимнээх эрэ кэлбэтэхтэр диэн хомойдо. Дьүөгэм: "Биһигини хонноруоххут дуо?"- диэн ыйыта оҕуста. "Ээ, хонуҥ, ханна баран иһэр оҕолоргутуй?"-диэн кэпсэтэ-ипсэтэ эмээхсин дьиэтигэр дьөгдьөрүстүбүт.Дэлби утаппыппыт, бэлэм чэйи ыймахтаан баран сылайбыт дьон быһыытынан утуйардыы сыттыбыт. Мин саҥа сири атыҥыраан кыайан утуйбат идэлээх этим да, сылаам киирэн быккыта суох бардым. Кыыһым эмиэ утуйан хаалла. Сарсыарда эрдэ туран, махтанан хайаан,теплоход кэтэһэр сиргэ бардыбыт. "Хайа, дьэ, харчыҥ баар дуо?"-диэн ыйыттым. Кыыһым мөтөгөр түөһүгэр баар тимэхтээх сиэбин хаһыста, суох эбит диэн буолла,чымадааннарын эҥин бары көрдө. Суох эбит. 10 солкуобайбыт мэлийдэ.Улууспут киинигэр эрэ тиийэр харчылаах эбиппит. Чэ, кимнээх эрэ билэр дьоммут киириэхтэрэ. олортон иэс ылыахпыт диэн буолла. Мин кэҕиҥниибин эрэ. Теплоходпутугар үтүрүспэккэ-анньыспакка холкутук киирдибит. Бүтэһик эрээккэ олохпутун булан олордубут, мин түннүк таһыгар, кини кытыыга. Улуус киинигэр диэри билиэт ыллыбыт. Дьэ уһуннубут.Теплоход тохтоору гудоктаата,контролер дьахтар ааста,кыыһым утуйбута буолан миэхэ өйөннө, дьон түстүлэр, саҥалар киирдилэр. Биһиги билэр дьоммутун көрө сатаатыбыт да, били 10 солкуобай иэстиэх сирэй көстүбэтэ. Хайыыр да кыах суох буолла, эмиэ утуйбут дьон буолан кубулунан олордубут. Икки хас сиргэ дьон түстүлэр-киирдилэр. Биир да киһи билэр сирэйэ суох. Дьэ ыксал буолла, түһэр сирбит чугаһаата. Баран олох аан таһыгар туруохха, тутаары гыннахтарына тохтоотун кытта ыстанан кэбиһиэхпит диэтэ дьүөгэм. Миигин хаалан хаалыа диэн инники аста. Билиэппитин чымадааны туппут илиибитигэр суруга көстүбэтин курдук бобуччу тутуохха диэн сүбэлэстибит. Билиэт бэрэбиэркэлиир дьахтарга таһырдьа икиилии чымадааннаах дьон анньан аҕай таҕыстыбыт. Дьахтарбыт ол үлүгэр таһаҕастаах дьону көрбөккө эрэ бысталаан түһэртээн кэбистэ, биһиги төрөөбүт сирбитигэр үктэммит дьон үөгүлээбиттэрин да иһин төттөрү киирбэт санаалаах сыырбытын өрө сүүрэн таҕыстыбыт. Ураа, дьиэбитигэр кэллибит!!! Кэлин билбитим дьүөгэм олох да 10 солкуобайын умнан убайын аахха остуолга ууран хаалларбыт эбит.

    0
    • настя
      28 августа 2013  

      вопрос

      Миэхэ баьаалыста субэлээ эрэ.Мин дьиэ атыылаьа сатыы сылдьабын.Хайдах эрэ тугум да табыллыбат.85 сылга тутуллубут дьиэни ылаары гынабыт да5аны эппитим курдук то5о эрэ табыллыбат.Ылабыт дуо ол дьиэни суох дуу?Эрдэттэн махтал

      0
      • Маайыстыыр
        29 августа 2013  

        Ас тардыллыбыт остуола көстөр.

        Уонна суох.

        0
        • Лия
          29 августа 2013  

          Маайыстыыр утуе кунунэн!

          мин суруйууларгын форумна киирдим да ёруу аа5абын. сана суруйууларгын кэтэьэбин. бу дьон билгэлэтэрин быьа гыммакка кемелеьергун керен мин эмиэ билгэлэтиэх санаам кэллэ. мин биир ыйытыылаахпын. биир киьини наьаа куускэ таптыыбын. билиэхпин ба5арабын кини миигин эмиэ таптыыр дуо тапталым взаимнай дуо или взаимнай кэлин буолуо дуо диэн ыйытабын. бу киьим мин аналым дуо? инникитин бииргэ буолуохпут дуо? билгэлээн кер баьаалыста.

          0
          • уол
            29 августа 2013  

            маайыстыырга

            маайыстыыр дорообо. мин биир ыйытыылаахпын. мин кыыспын кытта сыдьыбыппыт биир сыл буолла) инникитин хайдах буоларын этиэн дуо?)

            0
        • настя
          29 августа 2013  

          кэпсээннэрин интириэьинэйдэр

          Махал.Ол гынан баран син биир 8йд8мм8т.Покупать или не покупать

          0
        • настя
          29 августа 2013  

          кэпсээннэрин интириэьинэйдэр

          Махал.Ол гынан баран син биир 8йд8мм8т.Покупать или не покупать

          0
          • Маайыстыыр
            30 августа 2013  

            Мин көрөбүн эрэ.

            Билгэһит буолбатахпын. Онон туох да диэн этэр кыаҕым суох. Саҥа саҕалыыр буолан, туох суолталаахтарын билбэппин. Түүлдьүтү көрүөххүтүн сөп.

            0
            • Симона
              30 августа 2013  

              Маайыстыыр, э5эрдэ!

              биир сиргэ баран кэллим, субэ5эр махтал! Бо5уруоскай отк хайдах туттарбын билбэт эбиппин, уонна билигин уунэр дуо? Мин кытыаны буруолатааччыбын. Кэпсээннэр ыанньыксыт колу хаьыаттан эрэ Билэн тиийбиккитин аа5ан куллум.Урут итинник этэ дии. Биьи эмиэ эдэр сылдьан, массыына5а баппакка хаалан, билбэт улууспутугао куьунну харана5а уоттаахтарын иьин, хоноору тиийбит ыалбыт похорона эбит,таьырдьа баар веноктан билбиппит. Онтон, биир ыалга уу иьэрдиэххит дуо- диэн тонсуммуппутун, о5олор, бачча туун Ханна барыаххытый, манна хо
              нун,-диэн наьаа учугэйдик хонон сарсыныгар салгыы ол улууска кийииттээн олорор эдьиийбэр айаннаабытым.Якутскайтан еребулбэр куулэйдии бараары трамвайынан. Суоттуга кэлбит приключениебыт. Ол чечебит аатын да ейдеебеппун.. Барахсан аанньал буолан абыраабыта, билигин да сурэхпэр баар.

              0
              • варвара
                31 августа 2013  

                маайыстыыр

                суруйан иьиий билгэлэтэр дьону атын сиргэ билгэлээ манна кэпсээн форума

                0
                • Маайыстыыр
                  31 августа 2013  

                  Сөпкө этэҕин. Улахан кыһалҕалаах дьон пагербар суруйуҥ.

                  Отонноон сылайан кэлэн, суруйуох да санаа кэлбэт. Ынах ыан баран, утуйан хаалабын.

                  0
              • Маайыстыыр
                31 августа 2013  

                Наһаа ынырык эбит дии.

                Похороналаах ыалга тиийбиккит.

                0
            • Ayal
              13 июля 2014  

              маайыстыыр дорообо

              0
            • Ayal
              13 июля 2014  

              маайыстыыр дорообо

              минут биири ыйытыам ДИИ билгэлээ эрэ баьаалыста))минут биир кыыьы таптыыбын олус куускэ диэн ол эрэн Кини миигин таптаабат быьыылаах то5о буолуой???а так сылдьыбыппыт сыл буолла

              0
  • Маайыстыыр
    31 августа 2013  

    Кыһын. 50 кыраадыс тымныыга

    дьиэбэр атын үлэлиир дэриэбинэбиттэн барар буоллум. Саатар, биир да массыыналаах киһи сөбүлэспэтэ.Аны мин дьиэбэр сылдьан баран, сарсыныгар улуус кииниттэн сөмөлүөтүнэн Дьокуускайга кэтэхтэн үөрэнэ барыахтаахпын.Сарсыарда 5 чаас саҕана туран, үрүсээкпин сүгэн, 20-чэ килэмиэтир ыраах автобус ааһар дэриэбинэтигэр 9-10 чаас диэки тиийдэрбин диэн сатыы бардым. Суол устун хоочугураан, кырыа бөҕө буолан хааман сыбдыгырайан истим. Арай ыраах бөрө улуйда. Иэним кэдэҥэлээтэ да, баран истим. Арай суолбар туйахтар хоочугурастылар, сылгылар от тохтубутун сии сылдьаллар эбит.Холкулар. Арыый сэргэхсийдим.

    0
  • Маайыстыыр
    31 августа 2013  

    Тулабын эргим-ургум көрө-көрө

    хаамарбын кубулуппаппын. Харыйалар кытыылара уоттаах буолан көстөллөрүн дьиктиргии-дьиктиргии,"огни Эльма" диэн саныы-саныы, сулустары аргыс гынан,автобус ааһар дэриэбинэтигэр кэллим.Таһырдьа кыратык дьону кытта тура түһээппин кытта, автобус сырылаан кэллэ. Бары киирэн олордубут. Аны биир дэриэбинэҕэ кэлэн, автобуспут суоппара салгыы барбаппын,суолгут куһаҕан диэн батынан кэбистэ. Аҕыйах киһи хааллыбыт. Үс киһи ыал диэки барда. Мин биир кыыстыын туран хааллыбыт. Чэ, сатыы да барар инибит диэн буолла. Кэлэр дэриэбинэ эмиэ 20 килэмиэтир ыраах. Баран истибит. Биир чаастан ордук хааман баран, арай атахтарым иистэнэр массыына курдук биир сиргэ тэпсэҥэлиир курдуктар, өттүктэрим хамсаабат буолбуттар. Кыыспар кыайан хаампат буоллум,эн бар диибин. Кыыһым соҕотохтуу хаалларыан баҕарбат. Ол курдук чаас аҥаара хаама сатаатыбыт, олох сир өппөппүн. Чэ, маннык буоллаҕына, иккиэн тоҥон өлүөхпүт, эн хаамар киһи тиийэн дьоҥҥо тыллаа диэн тылбар киллэрэн, кыыһым аҕыйах хардыыны миигиттэн тэйэ оҥороотун кытта, икки киһилээх кыра массыына тигинээн кэллэ. Тохтообутугар түргэн үлүгэрдик олорустубут. Өссө мин үөрүөм быатыгар мин дэриэбинэбэр баран иһэр буоллулар, онон дьиэм ааныгар дылы тиийдим. Сарсыныгар куоракка баар дьоммор кэһиилэнэн улуус киинигэр массыына булан киирээт, куоракка көттүм. Саҥа дьыл күнэ буолан, эдьиийим сампааныскайдаах көрүстэ...

    0
    • Наталия
      31 августа 2013  

      Маайыстыырга

      Дорообо! Мин тэтин мас туьунан ыйытыахпын ба5арабын.Ити мас дьиэ таьыгар уунэн тахсара хайдагый?Уонна уопсайынан саха тэгэлигэр учугэй мас ду эбэтэр куьаган мас ду?

      0
      • Симона
        31 августа 2013  

        Дьэ диэ, хата киирбэтэхпит. Таьырдьаттан куттанан

        куотуу беге.Урут, сэбиэскэй кэмнэ дьон-сэргэ эйэ5эьэ, билбэт ыалгар куттаммакка хоно5ун

        0
      • Маайыстыыр
        31 августа 2013  

        Куһаҕан тыын тэтиҥ мастан куттанар.

        Иһиллээн көрдөххө, мэлдьи дыыгыныы турар буолар.Сэбирдэҕэ хамсыы турар буолан эбитэ дуу.

        0
        • Наталия
          1 сентября 2013  

          маайыстыырга

          Миигин керегун? Бу сыл хайдах матвей?

          0
          • наталия
            1 сентября 2013  

            кеннеруу

            Миигин керегун? Бу сыл миэхэ хайдах ааhыай?

            0
            • Маайыстыыр
              1 сентября 2013  

              Үөһээ суруллубуту ааҕыый.

              Ол гынан баран, көрөн кэбистим. Туох эрэ улахан моһол баар. Ону этэҥҥэ туорууһугун.

              0
              • Наталия
                2 сентября 2013  

                Маайыстыырга

                Наар моьоллор(( Оголорум чугас дьоннорум эрэ этэннэ буоллаллар!

                0
              • Наталия
                2 сентября 2013  

                Маайыстыырга

                Наар моьоллор(( Оголорум чугас дьоннорум эрэ этэннэ буоллаллар!

                0
              • Аанчык
                2 сентября 2013  

                Маайыстыыр, баьаалыста

                Миигин керуен дуу. Пагергар суруйуом этэ да серай никтаах киьи онно кыайан суруйбата буолуо ди? Инники оло5ум хайдах буолуой? Махтал! ))))

                0
  • Маайыстыыр
    1 сентября 2013  

    Эмиэ үөрэхпэр бараары сааһыары

    айанныыбын.Били сирбэр эмиэ 20 км хааман киирэн баран, аны автобуһум толору буолан, аҕыйах киһини тэйиччи түһэрээт, элээрэ турда. Мин сатыы трассаҕа таҕыстым. Ол саҕана трассанан улахан массыыналаах нууччалар эрэ сылдьаллар, чааһынай массыына аҕыйах. Аны бары кыһайбыт курдук тобус-толорулар. Син өр куоластыы-куоластыы ыраахха диэри хаамтым. Арай биир улахан массыына тохтоото, мин нөҥүө өттүнэн киирдим. Һуу, дьэ, дьиэм диэки барар инибин. Бу нуучча ол-бу буолар буоллаҕына, киирбит ааммынан элэс гыныам диэн бөҕөхсүйэ санаатым.Бастаан иннибин эрэ көрөн баран олордум. Киһим биир дэриэбинэнэн ааһан иһэн бииргэ айаннаан иһэр дьонун көрсөн массыынаттан таҕыста. Арай суоппарым түннүгүн үөһээтин көрөн баран,хайдах да буолуохпун билбэтим.

    0
    • Натадия
      1 сентября 2013  

      Маайыстыырга

      Наар молодого бааллар Миэхэ.Ээх(((

      0
      • себулээн аа5ааччы
        2 сентября 2013  

        сал5ыытын куутэбин

        Кунду до5оттор, аа5ааччылары мэьэйдээбэккэ баьаалыста ааптарга бэйэтигэр сообщение суруйаргытыгар ессе тегул кердеьебут. Тел аа5арга ветка наьаа тэнийээри гынна, баьаалыста ейдуургутугэр кердеьебут

        0
  • Маайыстыыр
    2 сентября 2013  

    Барыта оччотооҕу черно-белай хаартыскалар.

    Онно биир кыыс уулуссаҕа былаачыйатын арынан турар, туруусуга суох. Өссө онтун улаатыннара-улаатыннара араастаан ыйаабыт.Мин,хайдах да буолуохпун билбэтим. Түһэн хаалыахпын эмиэ сатыы барар айдаана, чэ, маныаха диэри этэҥҥэ кэллибит. Соҕотох эр киһи тугу ыйаан көрбөтөҕөй. Интернакка сырыттахпына, биир уол сыгынньах дьахтар ойуутун сыттыгын анныгар укта сылдьарын воспитателэ туппута. Ааным тутааҕын бэрэбиэркэлээн көрдүм. Үчүгэйдик аһыллар. Суоппарым киирдэ. Салгыы айаннаатыбыт.Икки ардыбытыгар массыына бааҕа баар, онон миигин тутар кыаҕа суох.Рюкзакпын сүгэн олоробун. Син улахан. Суолга түһэрбэр амортизатор буолуо диэн өссө эрэх-турах сананабын,онтубун-мантыбын өлөрбөтөх киһи диэн.Дьэ, киһим кэпсэтэ сатаан киирэн барда, арааһа,дьонуттан туох эрэ ыйыы ылбыт курдук сытыырхайда.

    0
    • 1860
      2 сентября 2013  

      маайыстыыр

      дорообо маайыстыыр сутэрэн баран булан ыллым улахан санаага ыллардым сиэним ата5а ыалдьар улахан ыарыы утуэруэ дуо баьаалыста эппиэттээ эрэ бк киььигит пагер энтн диэи билбэт64594

      0
      • Маайыстыыр
        2 сентября 2013  

        Туоҕуҥ нүөмэрэй? Мин телефоннаабаппын.

        Бастаан регистрацияланаҕын. Оччоҕо хара ааттаах буолаҕын. Онтон мин ааппар сообщение суруйаҕын. Оччоҕо мин хардарабын.Сиэниҥ бэрт эрэйинэн да буоллар үтүөрүөҕэ.

        0
        • 1860
          3 сентября 2013  

          маайыстыыр

          сиэммин билгэлээбиккэр улахан махтал этэннэ эрэ буоллун сыыьа номеры суруйбуппар бырастыы гын

          0
          • 1860
            3 сентября 2013  

            маайыстыыр

            биьиги огобутун сутэрбиппит ыарахан олох билигин инникитэ суох курдукпут онно бэйэм буруйдаахпын маннык сугэьэрдээх хайдах олоруохпунуй кэрэн биэриэн дуо

            0
          • 1860
            3 сентября 2013  

            маайыстыыр

            биьиги огобутун сутэрбиппит ыарахан олох билигин инникитэ суох курдукпут онно бэйэм буруйдаахпын маннык сугэьэрдээх хайдах олоруохпунуй кэрэн биэриэн дуо

            0
  • Маайыстыыр
    2 сентября 2013  

    Арыгы иһэрдэ сатаата, Аккаастанным.

    Аны суолтан туораан таҕыста. Чэй кутан биэрэ сатаата. Мин ааммын аһаат, хаарга ыстанан түстүм. Киһим сыыһа харбаан хаалла. Түргэнник суол устун бара турдум. Тоҕо эрэ эккирэппэтэ. Мин тэйэ түһэн баран, борук-сорук буолан эрэр этэ. Массыына тыаһын иһиттэхпинэ хайдах буоларбын толкуйдаатым. Кыра массыына иһэр тыаһын иһиттэхпинэ суолтан туораабаппын диэн быһаардым. Арай биир кыра массыына ааста, тобус-толорулар, ылбатылар. Онтон иккис, эмиэ киһи төбөтө бөҕө. Ээ, ылбаттар диэн дьүккүй да дьүккүй буоллум.Массыынам ааһа көттө, онтон эмискэ туормастаата уонна төннөн кэллэ. Мин үөрэн сүүрэн тиийдим.Хайдах кыбыллан олорорум буолла диэбитим, хата, бүтүннүү оҕо эбит. Биир саастаах эр киһи сиэннэрин тиэйэн иһэр эбит. Ол киһи бастаан ааһа көтөн баран, ити кэннэ чугас дэриэбинэ суох, биһиги барар сирбит диэки баран иһэр кыыс быһыылаах диэн төннөн кэлэн ылбыт. Аара нуучча бөҕө,хайдах куттаммакка сылдьаҕын диэн ыйытта. Ол киһилиин аарааҥҥа диэри олорсон кэллим, кинилэр өссө ыраах айанныы турбуттара. Бэйэм бөһүөлэгим диэки арай саһаан тиэйэр сыарҕалаах Беларусь трактор элээрэн эрэр эбит. Олорго үөгүлүү-үөгүлүү сүүрдүм, эбиитин суоппарым сигналлаата.Саһаан хатырыгын хаһыйа түһээт, олорунан кэбиспиппин кабинаҕа ыҥырбыттара. Онон дьиэбэр син сөпкө тиийбитим.Ити курдук үрдүк үөрэхтэн матымаары түҥкүр-таҥкыр айаннааһын бөҕөтө буоларым.

    0
    • Любовь
      3 сентября 2013  

      Маайыстыыр, дорообо!

      Эн суруйаргын хаьаана2 ааган астынным. Миигин туох куутэрин кербут- билбит киьи.

      0
  • Маайыстыыр
    4 сентября 2013  

    Киһи олоҕун билгэлээбэппин.

    Киһи олоҕун бэйэтэ оҥостор.

    0
    • мария
      4 сентября 2013  

      кэпсээн

      КЭпсээнин иьин улахан махтал оруобуна мин санаабар майгынныыр тыллаах санаалардаах кэпсээннэр,,хайдах эрэ чэпчээбит курдукпун,салгыы суруйуон дуу.

      0
      • Таайа
        4 сентября 2013  

        Кунду Маайыстыыр,

        Мин огом кэлэгэйэ ааьыа дуо? Олус эрэйдэнэр.Тугунан эмит кемелеьуон дуо?

        0
        • Маайыстыыр
          4 сентября 2013  

          Мин, хомойуох иһин, эмчит буолбатахпын.

          Оҕоҥ кэлэҕэйэ ааһар ини. Айаҕыттан туох эрэ хара тахсан барда.

          0
          • Таайа
            5 сентября 2013  

            Кунду Маайыстыыр,

            Эн эппэтэгин, танара эппитэ буолуохтун. Огом сыыьа онтон сылтаан олус комплекстанар, баттатар, ону санаатын кетеге сатыыбын. Аны да утуе санаагынан бар дьоннор абырыы тур, эйигин уонна эн чугас дьоннун Айыыьыттарын араначчылыы сырыттыннар.
            Махталы кытары Таайа.

            0
  • Маайыстыыр
    5 сентября 2013  

    Түннүкпүн саптарбын сөбүлээбэт этим.

    Таһырдьаттан түүн сырдык түһэрин астынарым. Оҕо эрдэхпинэ станция уота киэһэ 11 чаас саҕана барара, оччолорго түннүкпүт чараас маҥан сиитэс кылгас сабыылааҕа, онон түүҥҥү сырдык син киирэрэ. Оннукка үөрэнэн түннүкпүн саппат этим.Уоппун умуруоран баран сыгынньахтанан утуйан хааларым. Ол саас дьонум үһүө буолан олороллоро. Икки улахан убайдарым уонна ийэм. Мин сааскы каникулга түбэһиннэрэн дипломнайбар бараары дьиэбэр кэлбитим. Кыратык ийэбэр көмөлөһөөт куоракка барыахтаах этим.Кулун тутар ый бүтэһик күннэрэ. Сааскы күн чаҕылыччы тыгара. Ол күн магнитнай буурҕа түһэр диэн этэ. Инвалидка тахсыбыт орто убайбын улуус киинигэр инвалидноһын бигэргэттэрэ ыҥырбыттар этэ. Хайыаҕай, суол көрдөһөн, аһаҕас массыына кузовар тиэллэн айанныыр буолбута. Бараары кылгас тулуубун кэтэ туран хаста да "мин бардым" диэбитэ. Мин иһит сууйа туран ис-испиттэн ньмэрбинэйдээн "барар буоллаххына баран көр ээ" дии сыыспытым, нэһиилэ туттуммутум. Хайдах эрэ убайым сирэйэ-хараҕа турбута сүрдээҕэ, арааһа, букатын барар буолла быһыылаах дии санаабытым. Бу иннинэ быраастар кинини сотору өлүөҕэ эбэтэр параличтыаҕа диэбиттэрэ иһиллэн хаалан ол куттала этэ. Кыыһырдыбат кыһалҕатыгар сылдьарбыт. Онон талбытын саҥарара, оҥороро. Хостон хоско көһө сылдьан утуйара. Хаппырыыһа элбэҕэ.

    0
    • Бугуллай
      5 сентября 2013  

      Айыы санаалаах Маайыстыыр,

      Сэттэ сыл тухары улэгэ киирбэтэх дьиэбитин улэгэ киллэриэхпит диэн харчы хомуйаллар. Икки этээстээх, 16 квартиралаах мас дьиэ. Айыы кыыьа Маайыстыыр, эт эрэ, ону эрэниэххэ син дуо, дьиэм кырдьык быйыл киириэ дуо?
      Э.к. Бугуллай.

      0
      • Маайыстыыр
        5 сентября 2013  

        2014 сылы көрдөрөр.

        0
        • Бугуллай
          6 сентября 2013  

          Айыы санаалаах Маайыстыыр,

          2014 сыл да буоллун, кырдьык киирдин эрэ. Кэтэьэн да биэрдибит. Бу курдук, дьоҥҥо-сэргэҕэ үтүө сурахтаах сырыт.
          Истин эҕэрдэни кытары Бугуллай.

          0
  • Маайыстыыр
    5 сентября 2013  

    Сол курдук барбыта. Сааскы тымныыга

    массыына үрдүгэр сахсыллан киирэн баран хонор ыалыгар өлбүтүн сол киэһэ биллэрбиттэрэ.Улахан убайбын ыҥыран ылан кэпсэппиттэрин кэннэ баата кыһыл суорҕаны туппутунан тахсыбытын көрөөт, орто убайым өлбүтүн сэрэйбитим. Ийэбинээн саҥата суох соҥуоран хаалбыппыт. Бэйэ-бэйэбитин утарыта көрсөр кыаҕа суох тус-туспа хосторбутугар киирэн сыппыппыт. Таҥастаах хомуллубут оронум үрдүгэр дьоммут кэлэллэрин кэтэһэ сытан иһиттэхпинэ арай түннүгүм таһыгар киһи атаҕын тыаһа кэллэ, түннүккэ киһи күлүгэ барыс гынна. Мин улаҕа диэки түстүм. Уонна урут эмиэ бу түннүккэ биир киһи өлүөн иннинэ эмиэ киһи кэлэн барыйан турбутун санаатым... Күһүҥҥү хараҥа түүннэр саҥа саҕаланан эрэр кэмнэрэ этэ. Урукку совхоз кэмигэр от үлэтин үгэнэ. Мин бөһүөлэктэн арыт сатыы, арыт тракторданан сылдьар звеноҕа үлэлиирим. Сарсыарда ынах ыан эҥин баран 9 саҕана үлэбитигэр баран баран киэһэ 7-8 саҕана кэлэрбит. Ынахпын ыан баран киинэҕэ ойорум. Сол киэһэ киинэттэн кэлэн утуйаары ороммор сыппытым.Түннүгүм сабыыта суоҕа.Арай түннүгүм диэки туох эрэ хаамар тыас баарын иһин хараҕым кырыытынан көрбүтүм - икки илиитинэн чиэстэнэн ким эрэ түннүгүнэн дьиэ иһин көрө сатыы турара. Мин тыыммат да буола ыга куттанан, хайа сатанарынан көстүбэт сирбэр улаҕа түспүтүм. Өр турбута, мин барарын кэтэһэ сытан сылаам таайан нухарыйбыт этим. Барар тыаһыттан уһуктан ылбытым. Сарсыныгар оттоон кэлэн иһэн көрдөхпүнэ сиэстэрэ дьахтар сүүрэкэлии сылдьара. Туох буоллаҕай дии саныы-саныы дьиэбэр киирбитим. Дьоммуттан истибитим урут миигин кэргэн ыйыта сатаабыт киһи тракторга дэҥнэммит этэ...Ол киһи өлүөн иннинэ илэ кэлэ сылдьыбыта дуу, дууһата эрдэ кэрийбитэ эбитэ дуу... Чэ, бу киһини билигин хаардаах онон сарсын туран көрөр инибин дии санаан баран килэччи көрөн сыттым.Атах тыаһа барда. Өлбүт убайбын түүн 4 чаас саҕана аҕалбыттара. Тоҥмут киһи тиллэн ирэн кэлиэ диэбит курдук сырыттым. Онтон күнүс тахсан түннүгүм аннын көрдүм. Хаар уулла быһыытыйан хомурахтыйан килэччи тоҥон хаалбыт. Сааскы күн хаарга кылбачыйа оонньуура. Оттон мин хараҕым уута бычалыйан тахсара...

    0
    • Кунду Маайыстыыр
      6 сентября 2013  

      Таайа

      Интернеккэ киирэн эйигин булан аагыахпыттан хайдах эрэ санаам чэпчээбит, хаьаанны эрэ чугас дьуогэбин кытта сутэрсэ сылдьан баран керсуспут курдук сананным. Силигин ситэрэн огобор сыьыаннаах биир проблеманы керен биэрдин. Бу суруйууларгын тумэн, сааьылаан кинигэ оноруох баар эбит. Бука, бэйэн да оннук санаалах буолуон.

      0
      • Маайыстыыр
        6 сентября 2013  

        Пьесаларбын да таһаартара сатыырым

        сатаммат.Уус-уран кэпсээннэрим онон-манан кыбыллан бэчээттэнэллэр. Остуоруйаларым редакцияҕа киирэн баран сүтэн хааллылар. Оҕолорго аналлаах олоҥхолорум эмиэ ыйаннылар. Бу кэпсии үөрэммиччэ эдэр дьон аахтын диэн суруйабын.Кинигэ аахпат эдэр ыччат элбэх.

        0
        • Таайа
          6 сентября 2013  

          Кунду Маайыстыыр,

          оччотугар кэпсээннэргэ илиигин ууруох эбиккин дии. Чопчу согус теманы талан, идэтийэн улэлиир тахсыылаах буолуо этэ. Мин хаьыакка, уопсайынан суруйар эйгэгэ син сыьыаннаахпын, субэлиэхпин сеп.

          0
  • Маайыстыыр
    9 сентября 2013  

    Кыра оҕо сааһым

    Мин дьонум кыра эрдэхпинэ былыргы тутуулаах балаҕаҥҥа олорбуттарын бүдүө-бадыа да буоллар өйдүүбүн. Үгэх тымныы уонна хараҥа этэ.Онно үүт, аһылык уураллара, бэйэтин иһигэр өссө оҥкучахтааҕа. Оччотооҕуга үгэх билиҥҥи холодильник оруолун толороро. Онтон хотон дьиэни кытта бииргэ турара, онно ньирэй, ынах баарыгар киирэ сылдьарым. Өссө бу туалет быһыылааҕа.Көмүлүөк оһоҕу тоҕо эрэ өйдөөбөппүн.Дьиҥэр, уот умайан күүдэпчилэнэ турара харахпар хатанан хаалыа эбит.Мас орон сыҥаһа кытыылаах буолара. Бу кыра оҕо да, улахан да киһи оронтон түһэн хаалбатыгар туһалаах этэ.Аҕам миигин көтөҕө сылдьан тойук туойара, икки кыыһым иккиэн үрдүк үөрэхтэниэхтэрэ, мин ааппын ааттатыахтара, уолаттар диэн хаалар дьон диирэ үһү. Мин икки сааспын туолуохпар диэри ол дьиэҕэ олорбуппут. Бу дьиэ билигин да баар.Онтон миигин бырааппын кытта күрээтинньик иһигэр уган оҕус сыарҕатыгар тиэйэн сайылык сиртэн элбэх киһи олорор дэриэбинэтигэр аҕалбыттар. Ол тиэллэн иһэрбин, күрээтинньик маһыттан тутуһан турарбын саныыбын. Ытыыр быһыылааҕым. Кырдьык, кыра оҕоҕо улахан стресс буолуо.Онтон быыс сабыытыыгар эриллэ оонньуурбут, ити Никулиннаах киинэҕэ Балбес самогон бытыылкатын туппутунан эриллэрин курдук. Үс полкалаах чааскы уурар долбуурбутугар ийэм суоҕар саһан хааларбыт.Саһар сирбит сүрүннээн орон этэ. Бэриинэ быыһыгар киирэн хааларбыт. Ону туппахтаан эрэ булаллара.Кырабыт, синньигэспит бэрт буоллаҕа.Уонна тэллэҕи, суорҕаны сиргэ түһэрэн баран, буруһууналаах ороҥҥо батут курдук өрүтэ ыстана оонньуурбут. Дэриэбинэ таһыгар алдьаммыт комбайн баарыгар иһигэр сыылан оонньуурбут. Биирдэ ол комбайным иһинэн сыылан киирэн бурдук кутар хайаҕаһынан тахсан кэлбитим.Онтум үрдүк баҕайы этэ. Куттанан кыайан ыстаммакка ытаабыппар биир убайым сүгэн түһэрбитэ.Кэлин кэлэн көрбүтүм миэтэрэ аҥаарыттан эрэ үрдүк эбит этэ.Онтон ол сыыла сылдьыбыт сирбэр куоска эрэ батыах курдуга.Биирдэ оонньоон иирэ сылдьан тахсан киирэрбин умнан кэбиспиппин.Туалеппар сүүрэн иһэн оҕуруот быыһынан тахсан иһэн истээх ыстааммын кыайан устубакка ииктээн кэбистим.Уонна дьэ кыаһалыҥнаатым ээ. Ону ийэм мөҕөөрү гыммытын саҥаһым бу оҕону ип-итиигэ истээх кыараҕас кытаанах эрэһиинэлээх ыстааны кэтэрдэҥҥин диэн ийэбин саҥарда, инньэ гынан таһыллыбакка, саҥарыллыбакка хаалбытым. Ийэбин эмиэ мөҕөллөр эбит ээ диэн дьиктиргии санаабытым.Аҕам кыһын Саҥа дьыл саҕана тумуулаан ыалдьыбыт. Мин тоҕо эрэ кинини көрө-көрө ытыыр үһүбүн, көтөхтөрбөт буолбуппун, бииргэ утуйбат үһүбүн. Ол оннугар быраатым урут көтөхтөрбөт бэйэтэ чугаһаабыт. Ону аҕам дьиктиргээбит, бу уол хайдах буолла диэн.Онтон тымыра быстан өлөн хаалбыт. Дьиктитэ диэн, ол кини өлбүтүн туһунан некрологы атын сиргэ үлэлии сылдьан оччотооҕуга саҥа тэриллибит совхоз хаһыатыттан булан аахпытым. Ол суос-соҕотох хаһыат этэ.Оруобуна саҥа дьыл түүнүгэр суох буолта. Мин кини хоруоба орон анныгар турбутун өйбөр хатаан кэбиспиппин, ийэм кэлин хотоҥҥо тахсарыгар мэлдьи кыра остуол үрдүгэр олоппоһунан ыттан тахсан икки атаҕым икки ардыгар чүмэчибин ууран баран ийэм оронун анныгар турар арыы мас дьааһыгын куттана көрөрбүн өйдүүбүн. Ийэм, оччолорго отутун лаппа ааспыт дьахтар, киинэ көрө барара. Мин бырааппын кытта таһырдьа күүлэҕэ ийэм тииҥ истээх сонун бүрүнэн кэтэһэн олорорбут.Биирдэ тулуйбакка кэнниттэн үөмэн батыһан тиийдибит, арай ааммыт тутааҕар кыайан тиийбэт эбиппит. Мин бырааппын үөһэ көтөҕө сатыыбын. Киһим ааны кыайан тарпат. Хата, оннук мучумааннана турдахпытына хойутаабыт улахан киһи кэлэн ааны аста, биһиги тэҥҥэ дьылыс гынныбыт уонна киинэ саалатыгар ыскамыайкалар анныларынан сыылан инники эрээт аннынан киирэн, дьон атаҕын быыһынан киинэ көрдүбүт, онтон устунан инники сыылан тахсан муостаҕа көрө олорон утуйан хааллыбыт. Ону миигин "иирээки Баһылай" диэн ыстырыыстыыр эдэр ыал уолбар сүктэрэн аҕаллылар.Дьиҥэр, уһуктубутум эрээри хаамыахпын сүрэҕэлдьээн утуйдаҕа буолан кубулуммутум.Һэ-һэ.

    0
  • Маайыстыыр
    10 сентября 2013  

    Урут истиэнэҕэ ыйанар араадьыйа баара.

    Сарсыарда алтаттан саҥарара, онтон күнүс тохтоон баран киэһэ алтаттан эмиэ хомус тыаһынан саҕаланара. Мин араадьыйаҕа кимнээх саҥаралларын ыйыттахпына кып-кыра дьоннор саҥараллар дииллэр. Биирдэ суохтарына араадьыйаны олоппос үөһэ олоппос ууран хатаастан тахсан ыллым (урут ол иннинэ хайдах арааран ылалларын көрбүтүм)уонна хасыһан, онтун-мантын сыныйан көрдүм. Боруобаттартан атын туох да суох.Кып-кыра ыллыыр. саҥарар киһилэрим ханна да суохтар. Боруобаты ытыран эҥин көрдүм, быһахтанным.Дьэ ол дьаабылана олордохпуна дьонум киирэн кэллилэр. Кыра убайдарым араадьыйаны алдьаппыт диэтилэр. Ийэбэр үҥүстүлэр. Мин куһаҕан аҕай буоллум.Биир улахан уол ылан көрдө уонна тугу эрэ гынан баран араадьыйаны төттөрү уурда, холбоото. Араадьыйа туох да буолбатаҕын курдук саҥаран чоргуйан барда. Ийэм миигин көрө-көрө күлэн мүчүҥнээтэ. Тоҕо араадьыйаны хаһыстыҥ диэтэ. Мин кып-кыра дьоннор боруобат устун хаама сылдьан ыллыыллар диэбиккит буолбат дуо, ону көрөөрү гыммытым диэтим, ытаан сурдургуурум быыһыгар. Бары күл да күл буоллулар.Ити боруобат устун саҥалара эрэ кэлэр диэн быһаардылар.

    0
  • Маайыстыыр
    10 сентября 2013  

    Ийэм миэхэ курууска атыыласта.

    Чэпчэки баҕайы, сырдык араҕас өҥнөөх. Мантан үүккүн иһиэҥ диэн буолла. Биир күн быраатым маҥан куруускатыгар үүт кутан баран оһох билиитэтигэр сылыта уурдулар. Миэнин тоҕо уурбаккытый диэн айдаан буоллум. Эйиэнэ дьоҥкуо, ууруллубат диэтилэр.Мин өйдөөбөтүм, ол тугуй, дьоҥкуо диэн буоллум.Ханна эрэ тахсыбыттарын кэннэ куруускабын ылан оһоххо уурдум. Арай куруускам ханньары-мунньары тартаран киирэн барда. Мин ыксаан үөгүлээтим, кими эрэ ыҥырдым, куруускам маннык буолла дии-дии сирэйбин эҥин араастаан муччуруҥнатабын-мыччырыҥнатабын.Саҥаһым истэн куруускабын оһохтон ылла. Дьонум кэлбиттэригэр куруускаҥ хайдах буолла диэн ыйытта. Ону мин сирэйбинэн көрдөрдүм, дьонум күлэн уҥа сыталлар. Инньэ гынан мөҕүллүбэтэҕим. Дьоҥкуо (пластмасс) итиигэ, оһоххо уулларын итинник билэн турардаахпын.

    0
  • Маайыстыыр
    11 сентября 2013  

    Оччолорго ыһыах саҕана эрэ саҥа былаачыйа

    тигэн биэрэллэрэ. Саҥаһым миэхэ от күөх сэбирдэх ойуулаах таҥаһынан араастаан мындырдаан үчүгэйкээн былаачыйа тиктэ. Олус сөбүлээн кэтэбин. Аны ньирэйим миигин батыһа сылдьар, түгэн түбэстэр эрэ былаачыйам тэллэҕиттэн ытыран ылан ыстыыр. Улааттаҕына эн ынаҕыҥ буолуо дииллэр.Онон эмиийин тардыалаан көрөбүн.Ньирэйбин кытта тиэргэҥҥэ бииргэ сылдьабыт. Сыттаҕына мин иһигэр сытынан кэбиһэбин. Мин турдум да аны туран кэлэр. Сүүрдэхпинэ сүүрэр.Уҥуоҕунан миигиннээҕэр үрдүк, онон кыайан мииммэппин.Биирдэ былаачыйабын сууйан ыйаабыттарын ньирэйим тэһитэ ыстаан кэбиспит. Аны былаачыйам сууйуллан кылгаан хаалбыт.Инньэ гынан биир эрэ сайыннаах былаачыйа буолбута. Онтубун ийэм харыстаан илдьэ сылдьыбыт этэ.Ону кытта быраатым оруоһабай чүөсэҥкэтин (хаатыҥкатын). Оҕолорун кыра эрдэҕинээҕилэрин саныыра дуу, биһиэхэ санатаары дуу. Ампаарга киирдэхпитинэ дьааһыктан ороон таһааран мэлдьи көрдөрөөччү.

    0
    • ийэ
      11 сентября 2013  

      көрдөһүү

      Маайыстыыр дорообо! Мин уолбун массыына үлтү көппүт. Буруйдаах көстүө дуо. Оҕом доруобуйата көнүө дуо? Махтал.

      0
  • Маайыстыыр
    12 сентября 2013  

    Буруйдаах көстүөҕэ.

    Ортотунан сииктээх, онон-манан маҥаннаах хараҥа кылгас баттахтаах, уһун муруннаах дьахтар көстөр, үөрэх тэрилтэтигэр үлэлиир быһыылаах, бэйэтэ билинэ турар курдук. Оҕоҥ бэрт эрэйинэн да буоллар үтүөрүө дии саныыбын.

    0
  • Маайыстыыр
    12 сентября 2013  

    Ийэм, саҥаһым тапталлара иҥмит былаачыйаларын

    түүнүк буолбутун аҕыйах сыллааҕыта умаппытым...Быраатым биһиккини ийэбит балыыһаҕа киирэн, атын сиргэ аймахтарбытыгар ыыттылар. Онно ларек үлэлиир этэ. Биир кып-кыһыл төгүрүк сирэйдээх эдэр кыыс онно үлэлиир. Биирдэ биһиэхэ харчыта суох баахыла биэрдэ. Ону бырааппынаан астына-астына сиэтибит. Сарсыныгар, абааһы аһаабыт сириттэн арахпат диэбиттии, эмиэ баран тура сатаатыбыт да биэрбэтэ. Хайатын харчыта суох күндүлүөй? Ол иннинэ изюм сиэри бэйэбит бөһүөлэкпитигэр олорор оҕонньордоох эмээхсиҥҥэ куттана-куттана киирэн аан тутааҕын тутан баран турарбыт. Мөхтөхтөрүнэ түргэнник куотаары. Наар ытыспытын толору изюм кутан биэрэллэрэ. Ытыспытын улаатыннара сатаан ол кыараҕаһа буолара.Бэриһиннэрбит да дьоммут ити курдук ахсааннаах этэ эрээри, кыра да оҕо буолларбын барыларын өйдүүбүн.Билиҥҥи оҕо диатезтаах эҥин буолан киһи оннук күндүлүөн туттунар.Ол оннугар илиилэрин уунан умналыы олорор дьоҥҥо кыра да буоллар харчы биэрэн ааһабын...

    0
    • ийэ
      12 сентября 2013  

      Маайыстыырга

      Маайыстыыр дорообо! Бириэмэ булан эппиэттээбиккэр, көмө буолбуккар улахан махтал. УАЗ карета массыына дииллэр да номера игин биллибэт. Өссө төгүл махтал.

      0
      • Катю
        12 сентября 2013  

        Маайыстыырга

        Улахан махтал кэпсээннэргэр. Киьини наьаа интириэьиргэтэр, угуйар кэпсээннэр. Аны да куутуем кэпсээннэргин.

        0
  • Маайыстыыр
    12 сентября 2013  

    Хайдах табахпын бырахпытым туһунан

    Оскуола кэнниттэн фермаҕа үлэлиибин. Бороон көрөбүт.Эбиэт саҕана биир хоско мустан аһыыбыт, бириэмэ ыыта сатаан табахтыыбыт. Мин аан бастаан сэттис кылааска кэннэ ҮСЛ-га сылдьан оҕолору кытта "Наша марка" фильтрдээх табаҕы тардыбытым. Онтон биир да табаҕы оскуолаҕа сылдьан тардыбатаҕым, онтон фермаҕа сылдьан таах олорумаары кыргыттары кытта тардар буолбутум. Саас аны күнүс сүөһүлэрбит таһырдьа сылдьаллар.Ол бириэмэҕэ иллэҥмит. Дьиэбитигэр барыахпытын сүрэҕэлдьиибит, онон уопсай хоско сынньанар сирдээхпит, өссө ороннор бааллар. Арыт сытан эрэ тардабыт. Тугу да кэпсэтэрбит суох курдук. Армияҕа сылдьан буор табахсыт буолбут убайым хайдах табахтыыры көрдөрөр, төгүрүктэри таһаарарга үөрэттэ. Онтон биһиги "Ну,погоди!" киинэ геройа Бөрө элбэх баҕайы табаҕы айаҕар уктан тардарын үтүгүннүбүт. Мин айахпар алта "Беломорканал" баппытын барытын уматтан баран бурҕаҥнаттым ээ! Онтон биир уол буруотун кулгааҕынан таһаарар эбит, ону үтүгүннүбүт. Аҕыйах киһиэхэ сатанна. Онтон дракон курдук дии-дии буруобутун муннубутунан таһаара оонньоотубут. Бу алта кыыс, икки уол дьаабылана сылдьабыт. Онтон аны буруону таһаарбакка тардарга куоталастыбыт. Дьэ, бу ыарахан табахтааһын этэ. Түөһүҥ иһэ аһыйар. Онтон тохтоотубут. Мин тоҕо эрэ күлүөх санаам кэллэ. Ороҥҥо сытан эрэ күл да күл буоллум, олох тохтообоппун. Ол быыһыгар бу туох буоллум, туох да биричиинэтэ суох тоҕо күлэбиний диэн санаалар элэҥнэһэллэр. Акаары буолаары гынным дуу диэн дьиксинним. Бүтэһигэр сэниэм эстэн тохтоотум, устунан аны сөтөлүннүм... Ол кэнниттэн табахтыы иликпин. Арыт табахтыахпын баҕарабын эрээри туттунабын.

    0
  • Маайыстыыр
    13 сентября 2013  

    Иркутскай уобаласка олорор таайдаах этим.

    Ол таайбын сүтэрэн кэбиспиппит. Ийэм үөрэҕэ суох буолан суруйбат этэ. Тастыҥ убайым ыарыһах дьахтары тоҕо ойох ылан олороҕун, миигин кытта барыс диэбититтэн өһүргэнэн суруйбат буолбут быһыылааҕа. Инньэ гынан таайым хайдах олорорун билбэт этибит. Онтон мин алтыс кылааска үөрэнэ сылдьан улуус хаһыатыгар арай ийэм курдук дьүһүннээх киһи хаартыската баарыгар хатанна, оччону көрөн баран ийэбэр үөгүлээтим бу эн курдук киһи баар диэн, онтон аатын көрбүтүм араспаанньата кытта биир буолла. Ону эмиэ комментарийдаатым. Ситэри ыстатыйаны ааҕан барбытым олох да ийэм аата эҥин баар, өссө аадырыһын кытта суруйбуттар.Ону барытын ийэбэр ааҕан биэрдим. Онтон сурустубут. Мин нууччалыы суруйабын, таайым сахалыы ыраас олус учугэй буочарынан суруйара. Убайдарым армияҕа сулууспалыы барбыттарыгар тиийэн көрсөр эбит этэ. Кинилэргэ син сылдьыбыттара. Мин тыыннааҕар көрбөтөҕүм. Арай олох кыра эрдэхпинэ уһун хараҥа сонноох киһи кэлэ сылдьыбытын үдүк-бадык өйдүүбүн.Онтон өлөрүгэр мин түүл түһээбитим. Онно мин кыҥаан-кыҥаан баран саанан биир улахан соҕус тиити тосту ытан түһэрбитим. Онтон фермаҕа эбиэттии олорон күһүҥҥү хаар түһэ турдаҕына эмискэччи ойон турбутум уонна Оо, ким эрэ өллө, суолун хаарынан саптылар диэбитим, онтубуттан бэйэм да соһуйбутум, кыбыстыбытым. Аһыы олорор дьон саҥата суох баран хаалбыттара.Онтон дьиэбэр тиийбитим телеграмма кэлбит этэ. Кыра убайым ол иннинэ кинилэргэ сылдьыбыт киһи түргэнник хомунан Иркутскай уобаласка айаннаабыта уонна аҕыйах хонон баран икки тобус-толору чемоданнаах кэлбитэ. Таайым саҥатык таҥаһын барытын ыыппыттар этэ. Ол уһун хараҥа халлаан күөх сонун кытта.Онтон биирдэ дьүөгэм Иткутскайга барыах диэн хаайда. Ийэбэр таайым уҥуоҕун, дьонун көрөн кэлиэм диэн барыстым. Хаһан да улахан куоракка сылдьыбатах киһи отутун ааспыт дьахтарбын батыһа сырыттым. Гостиницаҕа түһээри гыммыппыт киһи толору, бэрик да биэрэ сатаата да, кытаанахтар. Арай нуучча дьээдьэлэрэ эта дама со мной дии-дии дьахтардаах ааһаллар.Хайыахпытын билбэккэ турдахпытына биир нуучча саастаах дьахтара кэлэн биһиэхэ түһүҥ диэтэ. Кинини батыһан тиийдибит. Биир хайдах эрэ кырдьаҕас оҕонньордоох. Дьахтарым да(кини харчытыттан салынна быһыылаах), мин да тоҕо эрэ тэһииркээтибит, мантан барыахха диэн буолла. Онтон землячкаларым баар уопсайдарыгар барыахха диэн онно бардыбыт. Көрсө кэллибит диэн киирдибит. Биир кыыс орон үрдүгэр дьууппа кырыйа, быста сылдьар. Мин сөбүлээбэтим. Ол иннинэ эдьиийим аахха балтыбынаан (эдьиийим кыыһа) былаачыйа кырыйбыппыт. ону эдьиийим кими сиэри ороҥҥо кырыйдыгыт диэн мөхпүтэ. Онтон орто убайым өлбүтэ. Эһиилигэр мин ороммор биир кыыс таҕас кырыйбытын кэннэ эдьиийим өлбүтүн туһунан сурах кэлбитэ. Мн ону ол кыргыттарга кэпсээн биэрдим. Ону суох, биһиги мэлдьи кырыйабыт да туох да буолбатаҕа дэстилэр. Хомойуох иһин, сонно тута кэриэтэ биир кыыска дьүөгэм кутурҕаннаах сонуну аҕалбыт этэ. ОНтон атын кыыска эмиэ кэлбитин эппэтэҕэ, экзаменын туттаран бүтэрдин диэбитэ.Чэ, оннук гынан зайчиктаан хоммуппут. Сарсыныгар дьүөгэм миигин Слюдянка куоракка илдьэн биэртэ. Бэйэҥ кэлээр диэн баран төннүбүтэ. Мин дьоммор хас да хоннум. Таайым ойоҕо кырдьаҕас эмээхсин(мордовка) кыайан хаампат буолан олороро. Кини баттаҕын тараатым. Онуоха саҥаһым эттэ; "Алешенькам миигин ыллын кинитэ суох олох тэһийбэппин эрэйдэнэбин." Сарсыныгар таайым уҥуоҕар баран ойоҕо туох диэн саҥарбытын барытын эттим.Саҥаһым мин өллөхпүнэ булгуччу кэлээр диэтэ. Мин сөп эрэ диэтим.Таайым уола поезка олордон биэрдэ. Мин Иркутскайга кэллим. Вокзалтан таксилары ыйыталастым. Бары тоҕо эрэ ол институппар илдьэр санаалара суох. "Че, монголка что-ли" дэһэллэр. Нэһиилэ биир киһи сөбүлэһэн барыстым. Ол киһи харчыҥ төһө баарый диэтэ. Мин сиэппэр баары эттим. Киһим этэҥҥэ аҕалла. Хата, вахтаҕа ким да суох буолан ааһа турдум.Чэ, ити курдук төннөн кэлбиппит. Эһиилигэр саас телеграмма кэллэ, таайым ойоҕо өлбүт. Тылбын биэрбит буолан айаннаатым.

    0
    • дайаана
      13 сентября 2013  

      олох

      баьаалыста миэхэ субэлээ бу соторутаагыта кэргэммин сутэрдим дьиэбэр олоруохпун багарабын да табыллыбат курдук

      0
      • Маайыстыыр
        13 сентября 2013  

        Киһи үөһээ тиистэрэ, ортотунан миилэтэ икки аҥы сииктээх

        тиистэр икки ардыларыгар туох эрэ хара баар. биир тиис тостон чөҥөрүйдэ, онтон хос үүннэ. Дьиэ ааныгар, түннүктэргэ туох эрэ хара баар. Дьиэҕин ыраастат.

        0
        • дайаана
          13 сентября 2013  

          олох

          ологум этэннэ болуо дуо

          0
          • дайаана
            13 сентября 2013  

            олох

            ол гынан баран эппижттээмэ даганы. оголордоохпун. барыта этэннэ буолуо диэн эрэнэбин. ол туьугар оголорум тустарыгар куустээх санаа ылынан олоруохтаахпын учугэй туьугар охсуьуохтаахпын. субэн иьин махтал

            0
  • Маайыстыыр
    13 сентября 2013  

    Иркутскайга түөртүүр диэки

    тиийбитим быһыылааҕа. Вокзалга таксинан тиийэн билиэт ылбытым. Туран айанныыгын диэбит курдук билиэт ыллым. Вагоммар киирдим. Соҕотоҕун түннүк таһыгар турдум. Вагоҥҥа эдэр нуучча уолаттара бааллар, итириктэр.Мин соруйан испин таһааран баран, үрдүгэр илиибин ууран турдум, омос көрдөххө улахан хат дьахтар курдукпун, хараҕым халтаһаларын сабыччы түһэрдим, кыыһырбыт көрүҥү ылынным. Отуппун ааспыт киһи син саастаахпын дэнэбин. Кырдьык, били уолаттар чугаһаабатылар. Арай биир эдэр нуучча кыыһа киирдэ, бастаан миигиттэн тэйиччи турда, онуоха ол уолаттар кэлэн эрийсибитинэн бардылар, онтон туох эрэ диэн, арааһа, землягыҥ баар диэн албыннаан илдьэ бара сырыттылар, кыыс сотору үллэ кыыһыран кэллэ, мин аттыбыттан арахпата, өссө олорор сир булан олорто, бэйэтэ аттыбар турда, мин эрдэ тахсарбыттан хомойдо.Онтон мин буккуллан сулумаасы буоллум, түһэр сирим 1,2 диэннээх эбит. Чэ, көрөн баран түһүөм диэн син сөпкө түстүм. Ол дойдуга түргэнник хараҥарар эбит. Вокзалтан барар сырдык сирбин көрбүтүм ханнык эрэ эр дьон тураллар. Ол иһин хараҥа паарка иһинэн бардым. Син урут сылдьыбыт буолан удумаҕалатабын эрээри хараҥаҕа сылдьыбатах буоллаҕым, барыта атын баҕайы курдук. Син уулуссабын буллум. Аа-дьуо кытыытынан баран истэхпинэ, нуучча 16-17-лээх уолаттара иһэллэр. Мин уот баҕанатын кэннигэр түстүм. Уолаттар миигин көрбөккө ааһа турдулар. Дьиэбин булан киирдим. Дьонум соһуйдулар.Саҥаһым эмээхсини ол күн таһаарбыттар эбит. Балта эмээхсин баар, таҥараҕа үҥэр. Таайым кыыһа уолунаан ыалга тахсан хоннулар. Миигин оһох кэннигэр дьыбааҥҥа сытыардылар.Паарканан кэлбиппин сөхтүлэр. Аҕыйах хонуктааҕыта онно биир эр киһини быһаҕынан аспыттар. күүһүлээбиттэр.Кыра куорат буолан, дьоннорун аатын эҥин барытын билэллэр этэ.Чэ утуйдубут. Арай түүн түһээн хоно сытар дьиэм аан хоһун курдары көрөбүн. Онно ааны аһан, уоттаах этэ, өлбүт саҥаһым маҥан былааттаах киирэн кэллэ. Тугу эрэ көрдүүр курдук, кыыыһыран төттөрү-таары хамыталыыр, онтон мин сытар хараҥа хоспун өҥөйөн көрдө.Уонна маннык диэтэ: "Пред богом все равны. Почему дочи нет дома?Почему посуду не убрали?" Уонна тахсан барда. Мин остуолу хомуйбатахтарын ол иннинэ дьиктиргии санаабытым.

    0
  • Маайыстыыр
    14 сентября 2013  

    Сарсыарда турбутум кэннэ

    кийиитим (таайым уолун ойоҕо) арай ыйытта, ити сиэркилэ сабыытын эн ылан бырахпытыҥ дуо диэн. Мин "суох, итинник абыычайы биһиги эмиэ тутуһабыт" диэтим. Кини түһээтэҕинэ эмиэ хотуна эмээхсин киирбит уонна кыыһыран тугу эрэ ботугуруу-ботугуруу төттөрү-таары хаампыт. Уонна ол сабыыны сиргэ ылан бырахпыт. Сарсыарда турбута сиэркилэ сабыыта сиргэ сытара үһү...Мин эмиэ түһээбиппин кэпсээтим. Кыыһа киэһэ миигин кытта диваҥҥа утуйбута.Тоҕус хонугар уҥуоҕар бара сылдьыбыппыт, таайым уҥуоҕун иһигэр көмпүттэр этэ.Таайым хоруоба көстүбүтүн тарыйан кэбиспиттэр үһү. Саҥаһым таайбын олус таптыыр быһыылааҕа, наар "Алешенька" диэн тахсара.Кэлин түһээтэхпинэ поеһынан айаннаан тиийбитим кийиитим хотунун кытта эргэ мас дьиэҕэ олороллор этэ. Онтон кийиитим өлбүтүн туһунан истибитим. Тоҕо эрэ хайдах быһыылаахтык өлбүтүн суруйбатахтара. Онон хайдах өлбүтүн билбэппин. Биэс оҕоломмута, буккаас хааннаах, нууччата баһыйбыт "бааһынайга" майгынныыра. Ийэтэ Бурятияттан кэлэ сылдьара.Таайым уоллаах кыыһа сааһыран баран ийэбэр (аҕаларыгар) олус майгынныыр буолбуттар этэ.Биһиги хааммыт син баһыйар эбит...

    0
    • Агаша
      14 сентября 2013  

      Маайыстыыр

      Маайыстыыр,баhаалыста эппиэттээ,мин до5орум олуон иннинэ кинини массыынанан тэбистэрбит полиция улэhитэ сокуонунан эппиэттээ дуо? или барыта эмиэ таах хаалар дуо? Баhаалыста Маайыстыыр эппиэттээ.

      0
      • туяра
        15 сентября 2013  

        инники

        пагергар хайдах киирэбин

        0
        • Татыйаана
          15 сентября 2013  

          Маайыстыыр

          мин бу билигин ыалдьар ыарыыбыттан этэннэ босхолонуом дуо? То5о эрэ эрэлим сутэн эрэр. Эрдэттэн бар5а махтал.

          0
          • Маайыстыыр
            15 сентября 2013  

            Хаһан да эрэл баар буолуохтаах.

            Дьиэҕэ оҥкучахтаах буоллаххына икки хос сабыылаа. Өр эмтэнииһиккин. Ыарыыҥ элбэҕэ бэрт курдук.Үтүөрэр инигин.Эмп киирэн эмтиирэ көстөр.

            0
            • Маайыстыыр
              27 февраля 2014  

              Аайа

              Мин кыыьым идэтинэн улэ булбакка эрэйдэннэ агай Соторунан юулуо дуо? Махталы кытта эрэнэ хааллым

              0
        • Маайыстыыр
          15 сентября 2013  

          Хара никтэнэн баран, эбэтэр чаттыыллар дии.

          Арааһа, телефонтан киирэллэр.Кырдьаҕас киһи билбэппин, ол чаттарын.

          0
      • Маайыстыыр
        15 сентября 2013  

        Хаһан да туох да хардата суох хаалбат.

        Куһаҕаны да, үтүөнү да оҥорбутуҥ уон төгүл эбиллэн кэлэр.Онон кыра да үтүөнү оҥоро сатыахтааххын. Туох да таах хаалбат. Иэстэһэр эҥин туһунан санаама.Таҥара бэйэтэ иэстэһиэ. Кини суута дьон суутунааҕар ыарахан буолар. Ол иһин мин буруйдаах дьону аһына көрөөччүбүн. Ону билбэттэриттэн бу манныкка түбэстэхтэрин диэн.Тулаайах оҕо, аҥардас хаалбыт киһи хараҕын уута улахан иэстэбиллээх буолар. Дьон үксүн сэнээн ыарахан буруйга тиксэллэр.

        0
  • Маайыстыыр
    15 сентября 2013  

    Мин атыыр оҕустартан олус куттанабын.

    Кыра эрдэхпинэ фермаҕа Батаак оҕус диэн баара. Ол оҕустан куотар үһүбүт. Бэйэм ону өйдөөбөппүн. Ол оҕуһу өргө диэри илдьэ сылдьыбыттара. Туйаҕа совхоз сарайыгар сытарын ылан көрбүппүт. Уоннаах тимир биэдэрэ түгэҕин саҕа этэ. Үйэбэр оннук улахан туйаҕы көрбөтөҕүм.Кэлин фермаҕа үлэлии сырыттахпына, биирдэ күһүн эбиэттээн баран дьиэбититтэн хотоммутугар үс хас буолан баран истибит. Иннибитигэр арай биир улахан баҕайы күрүҥ оҕус турар, биһигини көрөөт ойуур диэки көөһөкүс гынна. Мин тааһынан быраҕа үөрүйэх киһи, убайдарбын кытта өрүскэ наар таас тамнаан куоталаһар этибит,кэлин ол күөгү дьаакырын быраҕарга туһалаах этэ, кыра буору төҥкөс гынан ылаат, оҕуһу бырахтым уонна өссө маннык диэн саҥалаахпын:"Бачча хайа саҕа эрээри биһигиттэн куттанан буут биэрэҕин дуо?" Сарсыныгар ыалга сылдьан баран кэлэн истим, арай ол оҕус суолбар турар эбит. Муоһунан күрдьүөттэнэр, сири табыйан буору бурҕатар. Аа, миигин кэйээри гынна, таах буорунан быраҕаммын, иэстэһээрэ буолуо дии санаатым да, дьэ, куоттум ээ, кэннибэр оҕус тыынара, туйаҕын тыаһа, олох муҥ кыраайбынан түһүнэн биир ыал оҕуруотун анныгар сылыпыс гынан хааллым уонна быыһаммыт киһи быһыытынан аҕылыы-аҕылыы аа-дьуо эргиллэн көрдүм. Пахай, оҕуһум ыраах тохтообут уонна миигин күлүү гыммыт курдук күлтээриччи көрөн аҕай турар эбит... Арааһа, бэйэм "туйаҕым" тыаһа,аҕылыырым сүрэхпин хайыта сыспыт быһыылаах. Чэ, ол да буоллар сэрэххэ ырааҕынан эргийэн дьиэбин буллум.

    0
    • Татыйаана
      15 сентября 2013  

      Маайыстыыр

      эн этэрин курдук кырдьык ыарыым араас органнарбар дьайан эрэр. Эрэл кыымын сахпыккар улахан махтал буоллун.

      0
  • Маайыстыыр
    16 сентября 2013  

    Совхоз саҕана кииннэммит сүөһү өлөрөр сир баара.

    Онно түөрт эр киһи, икки дьахтар буолан таҕыстыбыт. Эр дьоммут өлөрбүт сүөһүлэрин иһин ырытабыт. Эр дьоммут түөртүү сүөһүнү өлөрдөхтөрүнэ биир сүөһү иһин босхо ылаллар. Онон туттуу-хаптыы мааны. Биһиги кинилэри ситээри эмиэ элэгэлдьитии. Бииргэ сылдьар дьахтарым саастаах, түргэн ыраас туттуулаах. Онон кини быысаһы ырытта, мин хара очоҕоһун түргэн үлүгэрдик эмиэ быһыта-орута хайытан ыраастаан иһэбин. Өссө сууйабыт. Инньэ гынан аҕыстыы сүөһү иһин сууйан-тараан туттардыбыт, сүөһү хара иһин бөскөччү ыллыбыт. Тракторынан аҕалан биир сиргэ түһэртээтилэр. Мин испин улахан үрүсээккэ сүгэн баран, дьиэм диэки дьөгдьөрүйэн истим. Арай миэхэ үөгүлүүллэр, далбаатыыллар. Арай кэннибин хайыспытым доҕоор,биир атыыр оҕус кэннибиттэн салгыны сытырҕалыы-сытырҕалыы кэлэн иһэр эбит ээ. Биир ыал олбуоругар ааны аһан биэрбиттэригэр сүүрэн бадьаалаатым. Оҕуһум сүүрэн кэлэн истэҕинэ маһынан үүрдүлэр. Хаһаайкатыгар үөгүлээн эттилэр. Дьахтар кэлэн үүрэн барда. Олбуоругар хаайда. Оҕус хааннааҕынан будулуччу көрө хаалла. Мин дьиэм диэки сыкырыйдым. Сарсыныгар түөртүүр саҕана маҕаһыыҥҥа бараары күүлэм аанын аспытым - оҕуһум бу мэлэйэн, күрдьүөтээн турар, олох сүрэҕим кутталбыттан тохтуу сыста."Маамаа!"- диэн хаһыытаат, күүлэм аанын хап гына сабан кэбистим, өссө хатыырын түһэрдим. Ол миигин быыһыах курдук. Ийэм ыксаан сүүрэн таҕыста уонна таһырдьа тахсан оҕуһу дьиэтигэр үүрдэ, эмиэ олбуоругар хаайтарда. Мин ыксалынан маҕаһыыҥҥа баран кэллим. Дьон бары сөхтүлэр оҕус хайдах булан кэлбитин.Сарсыныгар оҕуһу киһини бурууһаары гынна диэн өлөрө охсубуттар этэ. Оҕус далыттан мин дьиэм олбуора көстүбэт уонна олбуорбут мэлдьи сабыылаах турар этэ ээ...

    0
  • лена
    17 сентября 2013  

    маайыстыырга

    оҕустан ибили күллүм сүөһү өйүүттэн сөхтүм өлбүт сүөһү сытын ылан кэллэҕэ

    0
  • Маайыстыыр
    18 сентября 2013  

    Биир сайын "инбэлииттэр звенолара"

    диэҥҥэ окко үлэлээтим. Мин ынахпын ыыбын, ол иһин ыраах звеноҕа барар кыаҕым суох.Эр дьоннорбут, кырдьык, ыарыһах саастаах эр дьон этилэр. Биир эрэ чөллөөх эр киһи баара. Кини, арааһа, учуутал буолан, сүрүн күүс быһыытынан киирбит быһыылааҕа. Биир шасси тыраахтырдаах этибит. Онтубутунан барабыт-кэлэбит.Сороҕор сатыы сылдьабыт. Уонна оскуола үрдүкү кылааһын кыргыттара, биир эмиэ салайааччы курдук коммунист кыыстаахпыт.

    0
  • Маайыстыыр
    18 сентября 2013  

    Биирдэ кыргыттар бэйэбит туспа барар, мунньар

    буоллубут. "Баһаары ыытаайаҕыт, бэйэҕит чэйгитин өрүнэҕит" эҥин диэн эр дьоммут дьаһалымсыйдылар."Уугутун бытыылкаларга куттан кэлээриҥ, ол ордук буолуо" дэстилэр.Ону бэйэбит эрэ сылдьан бырааһынньыктыахха дэстибит. Эр дьон хараҕын анныгар сылдьар сылаалаах быһыылааҕа.4 дуу, биэс дуу этибит. Кыргыттар бытыылкалаах кэлэн арыгылыахха дии-дии күлүстүлэр. Кырдьык даҕаны дэстибит уонна сарсын сампааныскай бытыылкатыгар быппах, атын бытыылкаларга морс, чэй куттан кэлэргэ диэн быһаардыбыт.Чэ, ким төһө кыайарынан, ол бытыылкаҕа уу куттан кэлиэхтэрэ суоҕа дуу диэтэхтэрэй диэн өһүргэнээччи эҥин буоллубут. Сарсыныгар мин биэс хас бытыылкалаах үрүксээкпин сүгэн үрдүк сыырдаах сири дабайан оттуур сирбэр кэллим.Биир эргэ өтөх баар этэ, онно аһыыбыт, наара ороннорго күнүс сиспитин көннөрөн ылабыт. Икки кыыс эрдэ кэлбиттэр. Бытыылкалара кэчигирэһэн тураллар. Мин кэннибиттэн атын кыргыттар бытыылкаларын тыаһа кылыгыраһан киирдилэр.15-20 бытыылка буолла. Кыратык иһэ түһэн баран оппутун мустубут. Күнүс өтөхпүтүгэр киирэн сампааныскайдарбытын дэлби тэптэрдээтибит. Аһаан чалбааттанныбыт. Топпут киһи сиэринэн от тэлгэхтээх наараларбытыгар "бүөр сыалыы" сыттыбыт. Икки кыыс тахсан кумааҕыга "Ресторан" диэн суруйан баран тас истиэнэҕэ сыһыаран кэбистилэр. Остуолга, муостаҕа бытыылкаларбыт кэчигирээн аҕай тураллар. Биһиги "итирбит" дьон сиэринэн күлүүбүт, саҥабыт баһаам. Арай өтөх таһыгар дьон кэлбит тыаһа иһилиннэ. Били сурукпутун ааҕаллар быһыылаах. Өссө ресторан хастан хаска диэри үлэлиирин суруйбуттар быһыылааҕа. Биһиги дьоммут кэлэн ааҕа тураллар диэн биһиги күлүү-үөрүү, астыныы бөҕөбүт. Кинилэрэ да суох бэркэ оттуу сылдьабыт диэн тиэмэҕэ быһыылаах. Онтон ааммыт аһыллан баран саҥа-иҥэ суох. Мин олус тотон утуктаан сытар этим, нэһиилэ өндөх гынан көрбүтүм - атын соҕус сирэйдэр быган баран соһуйбуттуу төттөрү түстүлэр. Коммунист кыыспыт бэркэ ыксаабыт сирэйдээх ойон турда, батааҕын көннөрүннэ, таһырдьа таҕыста. Мин испэр туох эрэ дии санаатылар дии-дии күлэн бөҕө. Онтон кыайан туттуммакка күлүстүбүт быһыылааҕа. Хомуньууспут бытыылкаларбытын хомуйтарбыта, "арыгылааһын" бобуллубута. Ол сыл биһиги звенобут күрэхтэһиигэ бастаабыта...

    0
  • Маайыстыыр
    18 сентября 2013  

    Ол улуус уполномоченнайын кытта отделение

    тойотторо оттооһун хаамыытын бэрэбиэркэлии сылдьыбыттар этэ. Туох эрэ дии санаатылар...Остуол үөһэ, аллара бытыылка бөҕөтө... Кыргыттар сыталлар...Атаҕы үөһэ-аллара тэбии, алларастаһыы...Оскуолабыт кыргыттара саатан сылыпыс гынааһыннара...Коммунист кыыс долгуйбут сирэйэ...Тойоттор куттаммыт сирэйдэрэ...Ботур-ботур кэпсэтиилэрэ...Быппах көөнньөн баран өрө тэбээһинэ...Мин баттаҕым бүтүннүү от буолан баран нэһиилэ өндөҥнүү сытарым...Дьэ, хартыына этэ!

    0
    • алена
      18 сентября 2013  

      кэргэним суттэ

      Бэгэьээ массыынанан барбыта баччаанна диэри суох табаарыстара эмиэ билбэттэр итинник хаьан да буолбат этэ хайдах буолабын кэпсээннэрин олус да учугэйдэр махтанабын

      0
      • Маайыстыыр
        19 сентября 2013  

        Килиэккэ ойуулаах араҕас ыскаатардаах остуолга

        хара күлүк киһи аһыы олорор, онтон ороҥҥо утуйа сытар атаҕа көстөр.Бырастыыната дуу, туга дуу оруоһабайдыҥы килиэккэ ойуулаах..

        0
        • Сахая
          19 сентября 2013  

          Маайыстыыр

          баьаалыста миигин коруон дуу? Мин маткам суох ону матка сатаан тигэллэр дуо? О5онньорбуттан о5олонуохпун ба5арабын. Инник кыьал5алаахпын, этиэн билгэлиэн дуу баьаалыста.

          0
  • Маайыстыыр
    19 сентября 2013  

    Үйэбэр матка тикпиттэрин истэ

    иликпин. Суррогатнайынан төрүүллэр быһыылаах дии.

    0
  • Маайыстыыр
    19 сентября 2013  

    Үөрэнэ сылдьан уопсайга

    Биирдэ утуйуохча буола сырыттахпытына, ааммытын тоҥсуйдулар, милиисийэ диэн буолла. Саҥа киирэн иһэннэр, ээ, бу буолбатах, штората атын диэн буолла. Аттынааҕы хоһу тоҥсуйдулар, биһиги кыргыттарбыт буолан, биһиги эмиэ өҥөҥнөөтүбүт.Кыбыстан өлө сыстыбыт, икки "зайчик" кыргыттара муостаҕа турууһуктаах эрэ итииргээн түөстэрэ мэтэһэн, атахтара аччаһан сыталлар эбит ээ, эдэр милииссийэ уол тоҕо эрэ өр буолла, төһө эмэ тыллаабыт киһи истиэнэлэригэр атын хартыына баар диэбитин үрдүнэн.Онтон тахсан атын хоско киирдилэр. Уолаттар хосторо буолан дуу, сотору тахсан бардылар. Ол хос кыргыттара сайын итиитэ бэрт буолан бары сыгынньах кэриэтэ утуйар эбиттэр. Хата, биһиэттэрэ ночнушкалаах этилэр.Ол хантан эрэ айаннаан иһэр кыргыттар аанньа утуйбакка сылдьан уопсайга сылаалара киирэн муостаҕа быккыта суох утуйан хаалбыттар этэ...

    0
    • мунчаарбыт..
      19 сентября 2013  

      хайдах буолабын...

      Утуе киьи, Маайыстыыр, дорообо...баьаалыста керуен дуо мин туспунан..биир киьини наар саныыбын...кини миигин суох быьылаах...керсуехпут дуо....бэйэм кэргэннээхпин...мунчаардым...

      0
      • мунчаарбыт
        19 сентября 2013  

        хайдах буолабын

        баьаалыста эппиэттээриий...туох эмит кестер дуу? тугу субэлиэн этэй? бэйэм киниэхэ звоннуохпун багарабын да, суобаьым оонньуур...

        0
        • Маайыстыыр
          20 сентября 2013  

          Мобильник.

          Билайн эрэ көстөр.

          0
          • мунчаарбыт
            20 сентября 2013  

            маайыстыыр

            утуе киэьээ, ол аата? ейдеебетум...эн туох дии санаатын?

            0
            • Маайыстыыр
              20 сентября 2013  

              Кэргэннээх эрээри

              эрийсэ сатыыр дьону сөбүлээбэппин.Иккиттэн биирин быһааран баран киһи кыыһы эрийсэр баҕайыта. А так отношения дальше телефона не пойдут.

              0
              • мунчаарбыт
                20 сентября 2013  

                маайыстыыр

                махтал, утуе санаалаах Маайыстыыр..

                0
                • 852
                  21 сентября 2013  

                  Киhи киhиэхэ сыhыана

                  То5о дьоннор орто дойдуга олох кэлбит курдук 8л8ру умналларый? Киhи ордук дьахтар сааhырда5ына 8й8 хойдор дииллэрэ кырдьык. Хайаан да аат- суол былдьаhыы кэрээнэ суох хобулаhыы сахаларга сылтан-сыл олохпут сайдан истэ5ин аайы уунэ-тэhиинэ суох барда. Тойотторго коррупция, табаарыс, аймах, биир дойдулаах буоллаххына эрэ 8р8 тахсыы. Дойдубутугар буола турар иэдээн дьахтар аймах бэйэтин дьиэ кэргэнин оло5ун кыайа-хото дьаhайбатыттан тахсар... Эн "Маайыстыыр" билин,н,и дьахталлары урдуттэн биир тылынан хайдах сыаналыыгын уонна иэстэбил суут -сокуон 8ттунэн кыаллыбатын бэккэ диэн билэбит ону хайдах ситиhэбит

                  0
  • Маайыстыыр
    21 сентября 2013  

    Арыгыга умньамматах элбэх саастаах да, эдэр да дьахтар

    эт өйүн тута сылдьар буолан нация тыыннаах сылдьар. Эр дьон үксэ арыгыга ылларан чөл өйдөөх аҕыйах. Онтон айылҕа быһыытынан эр киһи өйдөөх. Дьахтар кинини баһыйар кыаҕа айылҕанан бэриллибэтэх. Кини хаанын таһаара сылдьар буолан чөл буолбат, хайа эмэ кэмҥэ мөлтүүр, интуицията бу кэмҥэ көмө буолар. Аныгы кэмҥэ кыргыттар, дьахталлар арыгылыыллара, пиволыыллара элбээтэ. Бу өйдөрүн сиэтэннэр интуициянан эрэ бараннар күүстээх эр киһини көрдөөн атын арыгыга умньамматах омукка "ыйааналлара" элбээтэ. Онно кинилэри буруйдуур сатаммат. Арыгылыыллара да улахан өйтөн тахсыбат. Ким баҕарар өйө "сбой" биэриэн сөп. Онон улаханнык саҥарыма диэн өйдөбүл баар.Суут-сокуон диэн таҥараҕа баар. Кини ыараханнык сууттуур. Онтон мин олус куттанабын, буруйдаахтары арыт аһыныах санаам кэлэр. Кыра да буруй, быстах сэнээн саҥарыы эҥин барыта иэстэнэр.

    0
    • Timirkhan
      21 сентября 2013  

      Баалаама)оҥорбут тумуккэр себулэспэт эбиппин)

      теттерутун кэрэ анардар аьара уерэхтэнэн харчылаах улэнэн улуьуйэн чахчы кенул буолан - ыал оло5ун акылаата ыьылынна(( Саха5а матриархат эргиллиитин иэдээнин са5аланыытыгар эрэ киирдибит((( Өссе дьахтар эр дьонтон тутулуга суох, бэрдимсийэр, даже улуутумсуйар, ба5атын хоту сиэр-туом туппат боппот хаайбат олохтоммута хайдах омугу имири эьиэ биллибэт(( Кэпсээ5э бугунну арыйыы курдук сэрии буолара булгуччулаах буолан эрэр курдук, оччо5о эрэ бороҥ саха муҥнаах сахатын илдьэ хаалаахтыыра дуу(( Ол ещё вопрос(

      0
      • Маайыстыыр
        21 сентября 2013  

        Үөрэхтээһини христианскай дуу, католическай дуу

        итэҕэл сөбүлээбэт.Эн ол киэбин тутуһаҕын. Ыал ыһыллыыта дьахтар үөрэхтэммититтэн буолбатах. Үөрэх дьахтарга өй эбэр. Үөрэхтээх дьахталлар омуктары сырса сылдьаллара буолуо дии санаабаппын. Сырсар да буоллахтарына өйдөөх эр дьону сырсаллара тоҕо баа буолуой? Өйдөөхтөн өйдөөх төрүүр.Эр дьон арыгыга куттарын туттаран өйдөрө ыһыллыбытыгар дьахтар инники күөҥҥэ тахсар, баҕарбытын да баҕарбатаҕын иһин.Сахаҕа арыгыны испэт эр киһи улуу дефицит, эбэтэр толору нацияны тутар эр киһи ахсаана аҕыйах, ол иһин өлүү суолун нэтээгинэн бүөлээбит тэҥэ буолан олордохпут.Эр дьоммут суолбутун сатаан бетонкалаабаттар, таас дьиэ туппаттар, атын омуктар кэлэн туталлар.Ол салайааччы эр дьоммут өйдөрүттэн тахсар үһү дуо? Тойотторбут муста-муста бырааһынньыктыыллар, арыгылыыллар. Онтон туох туһа кэлиэй? Арыгыһыт, табахсыт эр киһи эппиэтинэһэ суох. Ол иһин аҥардас ийэлэр элбии тураллар.Хата, үрдүк хамнастаах буолан сиргэ-буорга тэпсиллибэккэ оҕолорун иитэллэр.Үөрэҕэ суох саха дьахтара саха эр дьонун көрүүтүгэр олох алын кэрдиискэ турар, эрдэрэ кырбыылларын тулуйа-тулуйа сылдьаллар, эбэтэр атын эр дьонтон атаҕастаналлар, күүһүлэнэллэр,бэйэтин сэнэнэр буолар, түмүгэр арыгыһыт, табахсыт буолар, суицид да мээнэ элбиир. Оҕолоро биир оннук сэнэбилгэ сылдьаллар. Түмүгэр эмиэ ийэлэрин курдук дьылҕаналлар.Чөл өйдөөх дьахталлар, эрдэрэ үчүгэй киһи буоллаҕына, син оҕолорун киһи-хара гыналлар.Мусульманнар аан дойдуну баһылаабыттара ырааппыт буолуо этилэр, өскө дьахталларын үөрэхтээбиттэрэ буоллар. Үөрэҕэ суох дьахтар ииппит оҕолоро өйдөрө сайдыыта суох буолан өрө тахсыбакка, кыыл курдук киһини өлөрүүгэ тиийэллэр, Европа дьонуттан сэнэбилгэ сылдьаллар, культуралара намыһах.Биһиги бастакы үөрэхтээх сахаларбыт, кэлиҥҥи сэбиэскэй кэм тойотторо үрдүк культуралаах нуучча дьахталларын ойох ылбыттара, тоҕо эрэ...Ол аата оҕолоро өйдөөх, сайдыылаах буолуохтарын баҕардахтара дии... Онтон биһиги билиҥҥи кэммит өйдөөх үөрэхтээх эр дьонноро аҕыйах. Тоҕо? Арыгыга быһа сиэтэн...Онон дьахталлар ол эр дьону сэнээн дуу, улуутумсуйан дуу саха норуотун эһэн эрэллэр дии санаама...Боруоста дьахтардыы намыһахтык толкуйдуур эр дьон элбэх. Олор эр киһилии толкуйдуур дьахталларга бас бэринэллэр, онтон кыыһыран-кыйаханан дьахталлары матриархакка буруйдууллар.Дьиҥэр саха эр киһитэ өйүнэн өссө үрдүк кэрдиискэ тахсыахтааҕын кыайан өйдөөбөт.Онно туох мэһэй буоларый? Арыгы, өссө төгүл арыгы уонна табах.Өссө эбии наркотик. Армияттан наркоман буолан кэлэр уолаттар бааллар.

        0
      • 555
        14 декабря 2013  

        матриархат

        матриархат дьинэ эр дьон мелте5уттэн тахсар.эр дьон сатаан дьаьайан салайан олорботторуттан вынужленно дьахтар аймах ону толорор.биьи эр дьоммут уксэ аргыны ере тутан сылдьаллар.аргы эрэ барытын быьаарар курдук саныыллар.саза эр дьоно пелтех согустар

        0
  • Маайыстыыр
    21 сентября 2013  

    Иитээччилэрбит түннүк таһыгар

    олорумаҥ диэтилэр. Түннүккүт шторатын саптан баран уоккутун уматтыҥ диэн буолла. Биирдэ аһыы олордохпутуна аттыбытынааҕы хоско өстүөкүлэ үлтүрүйэр тыаһын сэргэ ыһыы-хаһыы буола түстэ. Хас да хос түннүгүн алдьаппыттара, онтон тохтообуттара. Арааһа, биир күн манааннар алдьатааччылары туппуттара быһыылааҕа. Онтон үөрэнэр сиргититтэн уопсайга бииргэ барар буолуҥ диэтилэр. Киэһэ танцы кэнниттэн күргүөмүнэн кэлэ-бара сырыттыбыт. Залог уркалара 4 саха кыыһын ыйаан өлөрбүттэр, Ленин илиитигэр биир кыыһы ыйаабыттарын булбуттар эҥин диэн ынырык сурахтар бааллара, Өктөөп 60 сылыгар 60 кыыһы өлөрүөхпүт дэспиттэр диэн буолла. Бырааһынньык ааспытын кэннэ эрэ дьэ һуу диэтибит.Ыйга киилэ аҥаара арыы, эт ылар талоннаахпыт.Ол да үрдүнэн ыра сатаан аһаабат кыргыттардаахпыт. Аччыктаан куртахтара ыалдьар быһыылаах, наар куртахтарын туһун туттан баран сылдьаллар. Түүннэри эт ылаары уочараттаабыттар диэни истэбит. кЫһын дьоннорбут ыыппыт эттэрин эбинэбит.өссө үчүгэйдик оттоспуппут иһин биирдэ совхоз рабочайдара эттээх баһыылка ыыппыттар этэ.Күҥҥэ 4-5 буолан 1 бухааҥка килиэби сиибит. Саахары эмиэ талонунан ыларбыт син тиийэр. Солянка наар атыылаһан сиир этибит, арыый чэпчэки сыаналааҕа. Саамай чэпчэки сыаналаах "Слива","Кис-кис"кэмпиэттэн киилэ аҥаарын атыылаһан биир ыйга харыстаан сиирбит. Кыах ыал оҕолоро бэйэлэрэ атыылаһан сииллэрэ. Мин субуотаҕа, өрөбүлгэ эдьиийбэр баран тото аһаан кэлэрим.Онтум туһугар үлэлээн тахсарым. Оҕо көрөрүм, ас астыырым, дьиэ хомуйарым. Итириксит күтүөм ахчараҥныы-ахчараҥныы хаһыытыырын төһө да абааһы көрдөрбүн эдьиийим ыҥырара бэрдин иһин сылдьарым.Биирдэ биир кыыс аһылык атыылаһан кэллэ. Арай көрбүппүт тимир кэнсиэрбэлэрэ хомуллан хаалбыттар. Ыйыттахха тугу да саҥарбат. Онтон киэһэлик ытаата. Онтон билбиппит кыыспыт маҕаһыынтан тахсан баран автобус анныгар киирэн биэрбит. Хата, кып-кыра уҥуохтаах буолан тугун да таарыйтарбатах, арай сиэккэлээх кэнсиэрбэлэрэ көлүөһэ анныгар түбэспиттэр. хайдах уопсайыгар кэлбитин да өйдөөбөт этэ. Ол курдук стресскэ киирбит.

    0
    • 852
      22 сентября 2013  

      Ыал ийэтинэн

      Кыыс о5о анала о5о т8р8туу,киhи сиэринэн иитии,эрин сылаас астаах,истин, сыhыаннаах к8рсуу. Орто у8рэх да с8п эбии платно повар кондитер курсугар у8рэнэрэ ордук Билигин элбэх урдуккэ у8рэнэр бутэрээри сылдьар бутэрбит кыргыттары билэбин да таhымнара намыhах 8йд8р8 санаалара танас клуб круиз курорт советскай школа институт университет выпусниктарын базалара урдук этэ 50 -60 билиилээх эмчиттэрбит улэлээн уурайдахтарына иэдээн буолар О5олорбутун барыларын у8рэттэрбэккэ чулууларын хаачыстыба5а у8рэттэриэххэ то5о сатамматый

      0
      • Timirkhan
        22 сентября 2013  

        То-то)

        0
        • Сиккиэр этим
          22 сентября 2013  

          Мин эмиэ

          Саха дьахтары уорэхтээн сыыста дуу диэн саныыр этим. Онтон кордоххо дьахтар уорэммэтэ5э буоллар сахалар социальнай статуспут олох намыьах буолуох эбит. Хас да уйэ антах анньыллыах эбиппит. Билигин 19 уйэ буолбата5ын глобализация, урбанизация, цивилизация то5о анньан киирбитин эр киьи ойдоон коруон наада. Материальнай (техника, технология, дьиэ-уот, иьит-хомуос), духовнай культура (менталитет, религия, экономика, политика) тосту уларыйда. Дьахталлар учуутал (айыл5аттан о5о иитээччи-уорэтээччи), эмчит, харчы аа5ааччы буоларын утарбакка о5олор сана эйгэни баьылыырыгар эр дьон сопко ойдоон, булар талар, тутар-онорор эйгэ (айыл5атыгар чугас) сана технологиятын куускэ баьылаан уолаттарын иитиьиэхтэрин наада эбит, ситиллибит учугэй орутун ыспакка. Атын мусульман омугу утуктубэккэ, ымсыырбакка. Кинилэр атын дьон сирэйдиин-кэтэхтиин, илиилиин-атахтыын, темпераменныын даже толкуйдуурдуун. Тетялара конул биэрдэххэ абытай дьахталлар буолуо, ол да иьин эрдэ итинник дьаьаннахтара.

          0
        • Маайыстыыр
          22 сентября 2013  

          Тимирхан ийэ кутуҥ нуучча кута быһыылаах.

          Ол иһин сахалар сайдыбатыннар, ньүдьү-балай сырыттыннар диэн дьахталларын үөрэхтиэххин баҕарбаккын. Онтуккун кыайан билинэр кыаҕыҥ суох, били "нууччалары кырбыахха" диир Өлүөхүмэ бааһынай уолаттарын курдук.

          0
      • Маайыстыыр
        22 сентября 2013  

        Таһымнара намыһах диэн сөпкө этэҕин.

        Дьахтар өй өттүнэн эр киһитээҕэр намыһах таһымнаах. Өссө ону ситэрэн үөрэттэримээри гынаҕын?.. Хата, биирдиилээн да буоллар эр киһилии быһаччы толкуйдуур дьаһаллаах дьахталлардаах буолан сорох эр дьон олус арыгыга умньамматыбыт диэриий... Кинилэр баар буоланнар оҕо-уруу тэнийэр, дьиэ-уот көрүллэр,норуот сайдар.

        0
  • Маайыстыыр
    22 сентября 2013  

    Бастаан үөрэнэр сылбытыгар үөрэнэр

    сирбитигэр биэлсэрбит хлору ыс да ыс буолар, туалеттары, дьиэлэри. Онтон ыла мин хлорга аллергиялыыбын. Бу куоракка ыарыы элбэх буолан ыһаллар быһыылаах дии саныыр этим. Эһиилигэр олох да наадыйбат этэ. Ол сыл барыбытын комсомольскай пост туруоран харабынайдатан хаан ыллылар. Биир уол хаанын элбэҕи ыланнар уҥан хаалбытын соһон иһэллэрэ харахпар бу баар курдук көстөр. Мин "у меня малокровие" диэбитим үрдүнэн эмиэ ыллылар, "так бывает" диэннээхтэр. Онтон ыла сатаатылар, олох сүүрэн быстыбат, сүрэҕэлдьээн тохтоппуттара. Биһиги үөрэхпит тэрилтэтэ хаан туттарыытыгар бастаабыта. Эһиилигэр эмиэ хаан ылбатахтара. Ол сыл туохха эрэ олус элбэх хаан наада буолбут этэ. Билигин санаатахха ядернай саахал тахсыбыт быһыылааҕа...

    0
    • Агаша
      24 сентября 2013  

      Маайыстыыр

      Мин олохпор онтон туох буолар,олоруохпун да ба5арбаппын,то5о барыта инник буолар? Былааска олорор киhи барытын кыайар,мин санаабар ким да тугу да дакаастыа суо5а. Киhи олбутэ, дьыала суох.

      0
      • Маайыстыыр
        24 сентября 2013  

        Саха ньоҕой, оҕото өссө

        ньоҕой. Олох биирдэ эрэ бэриллэр, хайдах баарынан ылынан олоро сатаныллыахтаах. Куһаҕан үчүгэйдээх, үчүгэй куһаҕаннаах буолааччы. Төһөнөн куттаммакка инниҥ диэки бараҕын да ыарахан чэпчэкитик кыайыллар.Саарбахтыыр, саараҥныыр буоллаххына тугу да ситиспэккин. Туох барыта кыраттан саҕаланар. Дьиэни сууйуу, саҥа былаачыйа -барыта инникигэ хардыы буолар.

        0
        • Агаша
          24 сентября 2013  

          Маайыстыыр

          Махтал эппиэккэр,эн курдук куустээх санаалаа5ым эбитэ буолла,ба5ар миэхэ эмиэ баара буо?

          0
  • Маайыстыыр
    24 сентября 2013  

    Бу кэмнэргэ бүлүүскэ сүүрдүүтэ

    хос аайы ыытыллара. Биһиги хоспутугар Халыма кыыһа сүүрдэр. Мин тутуһааччы буолабын.Биир хоско Үөһээ Дьааҥы кыыһа кинини ыҥыран сүүрдүһэр. Кини оскуолатын директорын ыҥырар идэлээх. Тыыннаах киһини. Онто түргэнник кэлэр. Аны бу киһитин кытта маннык кэпсэтэр.
    - Бүгүн тугу гынныҥ?
    - Эмээхсиммин эриссэн таҕыстым.
    - Билигин тугу гынаҕын?
    - Эмээхсиммин кууһан баран сытабын.
    - Санааҕын ситистиҥ дуу?
    - Ситиһэн бөҕө буоллаҕа дии.
    - Биһиэхэ тугу этэҕин?
    - Эмээшкэҕит сымнаҕас баҕайы.
    - Чэ, дьиэҕэр бар. Утуй.
    Биһиги истэн олорон быарбытын тыыттабыт. Кини бэйэтэ олох күлбэт, мэлдьи ыйытар кыдьыга быһыылааҕа.Ол кыыс уопсайынан күлүүлээх баҕайы этэ. Биирдэ Саҥа дьыл кэннэ самолекка билиэппит хойукку буолан уопсайга хоспутугар соҕотохтуу хааллыбыт. Кини миигин хоһугар ыҥырда. Уонна биһилэх көрүөххэ диэн хаай да хаай буолла. Обручалка биһилэхпит, үрүҥ көмүс луоскабыт да суох. Ол да буоллар кыыһым баҕата сүрдээх. "Чэ, баҕаҥ да баһаам, бу сыапачыканы ыл, ыстакааҥҥа ук, чүмэчитэ умат уонна остуолга бырастыыната тэлгээ, бэйэҥ эмиэ бырастыынаны бүрүн",- диэтим. Бэйэм биир ороҥҥо, утуйар-утуйбат сыттым. Кыыһым сотору-сотору "туох да көстүбэт" диир, ол аайы мин "Олор, олор, көстүөҕэ" диэн хардарабын, испэр төһө өр олорор эбиккин диэн кэтэһэбин, төҥкөйөн көрө сатыы олорорун көрө-көрө испэр күлэ саныыбын. Устунан нухарыйан иһэн көрүдүөргэ ким эрэ бытааннык хаамар тыаһын иһиттим. Аан аһыллыбытын уора көрө сыттым. Көрбүтүм алын курс нуучча кыыһа кыһыл эриэн халаатын кэтэн химка баттаҕа арбайан киирэн эрэр эбит. Кыыһым эргиллэн көрөөтүн кытта нуучча кыыһа хаһыырда, мин кыыһым да хаалсыбата.Мин күлэн уҥа сыстым. Үөһээ Дьааҥым кыыһа уопсай чөчүөккэтэ киирдэ, эчи улаханын дии санаабыт. Онтон нуучча кыыһа маҥан таҥастаах киһи олороруттан уолуйан турдаҕына киһитэ эргиллэ биэрбит!!! Мин күлэрбиттэн уоскуйдулар.Нуучча кыыһа эмиэ соҕотох хаалан хостору кэрийтэлии сылдьыбыт. Кини барбытын кэннэ кыыспын мөхтүм: "Олор, өссө олор, чөчүөккэтээҕэр буолуох көстүөҕэ!" Түргэнник хомунан утуйуу буолла.

    0
  • Маайыстыыр
    25 сентября 2013  

    Үөһээ-Дьааҥы кыыһа "дуо, дии" дииритттэн

    олус күлэр этибит. Биирдэ билиҥҥи Доҕордоһуу болуоссатын диэки баран иһэбит. Арай кыыспыт "уой. көрүҥҥүтүүй дии" бөҕө буола түстэ. Икки нуучча эр киһитэ ааспытыгар кэннилэриттэн сырсан барда. Туох айылааҕы көрө сырыстаҕай дии санаатыбыт. Төннөн кэлэн баран "ээ, пахай" диэннээх. "Ол тугу сырсан бара-бара көрдүҥ?" - диэн ыйыттыбыт. "ээ, ити биир киһитэ дии сэбэ салыбырыы сылдьар дии санааммын үчүгэйдик көрөөрү дии сырсыбытым дии таҥас эбит дии" Хараҕа мөлтөх этэ. Биһиги ахтата хайдыбытын "телеснэй" өҥнөөх тириинэн ундьуччу абырахтаабыт киһини көрөн оччо аахайбатахпыт ээ. Эмиэ итинэн автобуһунан айаннаан истэхпитинэ, автобус дьоно бары нөҥүө өттүгэр түстүлэр, автобус бэл иҥнэс гынна. Туох айылаах буоллулар диэбитим,арай биир сыбыс-сыгынньах эр киһи ырбайыаҕынан ырбайан баран суол ортотунан хааман иһэр эбит. Ким эрэ "акаары сакалааттаһан баран хааман иһэр" , атын "хаартыга таҥаһын барытын матайдаабыта буолуо", үһүс "харчытын сүүйтэрэн баран боруостуур" дииллэр... Киһи барыта ол кыыстан орпотохпут быһыылааҕа, хаһан да сыгынньах киһини көрбөтөххө дылы...

    0
  • Маайыстыыр
    26 сентября 2013  

    Хоспут биир кыыһа бырыһыан ааҕар

    муодаланна. Уол дубленкалаах (оччотооҕу муода) -30%, норка ушанкалаах -20%, джинсылаах- 10%, чаһылаах- 10%, көмүс тиистээх- 10%,
    унтыылаах эбэтэр саҥа модельнай бачыыҥкалаах -10%, дипломаткалаах(кейстээх)- 10%. Дьэ хас бырыһыаннаах уолу көрбүтүн күн аайы ааҕыы. Ээ, па, ол хас эрэ бырыһыаннаах уол диэн буолар. Бииргэ үөрэнэр уолаттарбытыттан арай биир эрэ уол сүүс бырыһыаннаах этэ. Кини куоракка детсадка түүҥҥү харабынайынан үлэлиирэ. Күнүс үөрэнэр, түүн харабынайдыыр. Мин испэр ол уолу "барин" диэн ааттыырым.( Били Үөһээ Дьааҥым кыыһын "Ежик" диэн испэр саныырым.Сирэйэ оруобуна мультик дьуоһун курдук этэ.)Ити Коркунов кэмпиэтин рекламалыылларын курдук таҥнара, уонна кейсыгар күндү утах, шоколад, табах эҥин илдьэ сылдьара. Дьүһүнэ олох боростой этэ. Таҥаһа-саба олох дьикти "шарм" биэрэр этэ. Биир курс кырасаабыссата киниттэн оҕоломмута, тоҕо эрэ уолбут кинини ойох ылбатаҕа. Олох төрүөр диэри сонообут диэн хат буолбутун билбэтэхтэрэ. Кылаабынайа, хоһун кыргыттара күн тура-тура "беременнэй" буолбуттары хайдах билэллэрин кэпсэтии бөҕөлөрө үһү.Ол уоллуун оскуолаҕа эмиэ бииргэ үөрэммит буолан таах буолары-буолбаты кэпсэтэрбит. Биирдэ "Маайыстыыр, где твои золотые косы?" диэбитигэр эрэ оскуолаҕа сылдьан миигин уора-көстө одуулаһарын билбитим. Олус үчүгэйдик уруһуйдуура. Куоракка ыал буолан олорон бу орто дойдуттан эмискэ барбыта...100 бырыһыаннаах уол...

    0
  • Маайыстыыр
    27 сентября 2013  

    Хоспут биир кыыһын аҕата онус кылааска

    үөрэнэ сырыттаҕына куоракка киирэн баран сүтэн хаалбыт. Маҕаһыыҥҥа табаар ыла киирбит киһини өлөрдөхтөрө. Аҕаҥ ханна баарын билэбит дуо бүлүүскэ сүүрдэн диэн кыыспытын тылбытыгар киллэрдибит. Саатар, ханна көмүллэ сытарын билиэҥ буоллаҕа диэтибит. Үөһээ Халыма кыыһа бүлүүскэтин сүүрдэн барда. Мин кутуруксуппун, а.э. тутуһааччы буолабын. Илиибин ыллахпына сүүрбэт буолан хаалар, онон икки киһи туттаҕына сүүрэр. Ааҕар киһибит ол Халыма кыыһа. Дьэ, ол кыыспыт аҕатын ыҥырдыбыт. Тута соҕус кэллэ. Биэс сыллааҕыта суох буолбуккун, туох буолбутай диэн ыйыттыбыт. Онуоха "олбуор таһыгар икки нуучча..." диэн истэҕинэ аҕалаах кыыспыт "тохтотуҥ да тохтотуҥ" диэтэ. Хайыахпытый, тохтоттубут. Киһибит "тура" түһэн баран "барда".Кыыспытын уоскуттубут. Тоҕо билиэххин баҕарбаккын диэн ыйыппыппытыгар "мин аҕам тыыннаах дии сылдьыахпын баҕарабын, кини ханна эрэ атын дойдуга разведчик буола сылдьара буолуо, хаһан эрэ эмискэччи дьиэбитигэр тиийэн кэлиэ диэн мэлдьи саныыбын" диэбитэ...

    0
    • эйээнэ
      27 сентября 2013  

      маайыстыыр

      Салгыы оссо суруйан ис, кэтэhэбин

      0
      • уш
        27 сентября 2013  

        Маайыстыыр баьалыста этиэн дуо

        Иэстэн иэскэ киирэ турабыт кредиппыт болнай, кэргэним онтон наьаа ньиэрбинэйдир кыыьырсабыт этиьэбит арахсарбыт чугаьаата. Ити хабалаттан хаьан тахсабыт

        0
        • уш
          27 сентября 2013  

          эмиэ мин

          Инникибитин коруон дуо? батаалыста

          0
        • Маайыстыыр
          27 сентября 2013  

          Минимум потребностей,

          больше работы и денег диэн бириинсиби тутустаххытына тахсыаххыт. Билиҥҥи дьон ону өйдөөбөттөр.Хаһан да кредит ылымаҥ. Ити харчыта суох киһи хабалаҕа киирэр түгэнэ.Голова должна быть на плечах.Кредит диэн умналааһын. Умнаһыт буолуу - сааттаах дьыала. Онон синэ биир диэн умнаһыттыы барыҥ, тугу да сатаан үлэлээбэт, харчы киллэрбэт буоллаххытына.

          0
    • муммут
      27 сентября 2013  

      маайыстыыр баьаалыста субэлээ

      мин кэргэним миигин таннарбыт. 3кыра о5оллоохпут. Бырастыы гынабын дуу арахсабытым ордук дуу. Кимниин да санаа уллэстэр чугас киьим суох. Туора дьон кереругэр наьаа дьоллоохпун. Таннарбыт киьи наар таннарар дииллэр дии...таптыыбын но наьаа кэлэйдим. Мин эрэ кэргэним инник буолуо диэбэт этим. Олох олоруохпун да ба5арбат буолан эрэбин. Кемелес. Субэлээ. Еще таннарыа дуо?

      0
      • Маайыстыыр
        28 сентября 2013  

        Урукку дьахталлар

        о5олорун туһугар арааһы бары тулуйан олороллор этэ. Ол гынан баран, мин кинилэри дьоллоохтор диир кыаҕым суох. Дьиҥэр, син таптаан таҕыстаҕыҥ дии. Оҕолоргор тапталыҥ эргэр тапталгын баһыйдаҕына эр киһи бэйэтин "лишнэй" курдук сананар. Ол иһин таптал, истиҥ сыһыан көрдүү барар.Онтун атын дьахтартан булан "дьоллонор". Сорох дьахтар эр киһиэхэ "собственноһын" курдук сыһыаннаһар, солуута суох күнүүлүүр, хаппырыыстыыр, бэйэтин көрүммэт, онто да суох миэнэ дии саныыр, онто ордугу булан ылар. Аны сорох дьахтар эригэр "биэрбэт" буолан хаалар, ити түгэҥҥэ инчэҕэй эттээх импотент буолбатах эр киһи туора хаамара биллэн турар. Сорох дьахтар атыны биллибэтинэн таптаан, арыт сексуальнай астыныыны ылбакка эригэр туох да сылтаҕа суох кыыһыр да кыыһыр буолар, тамнааттананар. Оннугу эр киһи эмиэ тулуйбат, атын "үчүгэй майгылаах" дьахтарга көһөр.Онон бэйэҥ эргэр сыһыаныҥ улахан суолталаах. Үгүс эр киһи дьиэмсэх. Астаах-үөллээх, ыраас туттуулаах дьахтартан эр киһи тэйиэн баҕарбат. Бэйэҥ толкудаан көр. Киһи бэйэтин алҕаһын билинэр буоллаҕына эрэ атын киһи алҕаһын бырастыы гынар.Оҕолордоох эрээри, ким кинилэри киһи гыныа дии санаан олох олоруохпун баҕарбат буолабын диэн саҥараҕын. Аньыы... Кэбис, киһи оҕолорун туһугар олоруохтаах, үлэлиэхтээх.

        0
        • муммут
          30 сентября 2013  

          маайыстыыр субэн иьин

          улахан махтал. О5олорум тустарыгар тугу барытын тулуйар эбиппин. Бэйэбин эмиэ уларытар эбиппин. Урут наар кэргэммин эрэ ере тутар этим.

          0
  • Маайыстыыр
    28 сентября 2013  

    Дьэ, кыһыылаах кыргыттар...Биирдэ Гимеин диэки сир кээмэйдии

    бардыбыт. Мин биир кыыстыын кээмэйдээ да кээмэйдээ буолабын, Икки кыыспыт чалбахха сөтүөлүүллэр, загардыыллар. Барытын кээмэйдээн баран уопсайбытыгар кэлэн схематын оҥордубут. Кыргыттар киэннэрэ ыпсыбата. Миэнэ өр чертежтанан сатанна. Бары миигиттэн устан ыллылар. Устуу үлэ буолан ыраас бөҕө. Миэнэ көннөрүүтэ элбэх. Сарсыныгар үлэбитин туттара бардыбыт. Биир кыыс мин урут киирэбин диэн сылыпыс гынан хаалла. Атыттар кини кэнниттэн киирдилэр. Бары биэһи ылан таҕыстылар, миэхэ түөрт сыана турда. Үлэлээн үлэлээн баран таах мэшкэҕэ тэбилиннэҕим дии. Онтон үлэҕэ анааһын буолбутугар биир мин иннибэр турар кыыс мин ханна барыахпын баҕарарбын ыйытта, онтон киирэн мин баҕарар сирбэр суруйтарда, төһө эмэ хоһун кыргыттара атын улууска баралларын үрдүнэн.Инньэ гынан таптыыр уолум баар улууһуттан көрө маппытым. Соҕотох сылдьыах ыйааҕым тартаҕа. Дьэ, кыһыылаах кыргыттар диэтэҕҥ. Онтон ыла тугу баҕарарбын кимиэхэ да кэпсээбэт, атын дьоҥҥо мээнэ үлэлээн биэрбэт буолбутум. Ити кэннэ биирдэ биир уоллуун кэпсэтэ турдум. Уолум барбытын кэннэ аны биир кыыс тиийэн кэллэ уонна ол уол куһаҕанын туһунан кэпсээн бурҕаҥнатта. Сыл аҥаара буолан баран ол кыыс ол уолга ойох таҕыста. Мин туспунан ол уолга тугу кэпсээбитин ыт билэр. Куота сылдьар буолбут этэ.Кэлин билсибэт дьон курдук аасыһарбыт.Дьэ, уодаһыннаах санаалаах да буолар эбиттэр. Хайыахпыный, хаарыан уолу халты харбаатаҕым дии... Билигин бэрт биллэр киһи, учуонай.Онон атын дьон тылын эмиэ итэҕэйбэппин. Бэрт үөрэх буолан турар.

    0
  • Маайыстыыр
    29 сентября 2013  

    Биирдэ Өлүөхумэ буккаас хааннаах нуучча кыыһа

    бүлүүһэ сүүрэрин итэҕэйбэппин диэтэ. Мин чэ күрүлүүр күнүс көрдөрөбүн дуо диэтим. Ол саҕана санаатыбыт да сүүрдэр буола сылдьыбыппыт. Кыыһым бэйэҕит үтэ сылдьаҕыт эҥин диир. Мин көрбөппүн, бэйэҥ суругу ааҕаар, тутус диэтим. Ленини ыҥырыҥ диэн буолла. Лениммит түргэнник кэллэ. Кыыһым нууччалыы ыйытар.Онно туох эрэ диэн хардарар.Бэйэтэ ааҕар. Биһиги саныырбытын этэр диэн аны чымаадыстанан турда.Онтон аны сымыйалыыра буолуо диэтэ. Оччоҕо хаһан өлөрбүтүн ыйытыахха, бэрэбиэркэлиэҥ буоллаҕа диэтим. Миигин 1981 сылга "от раны" өлөҕүн диэтэ. Онтон ол кыыһы бу 2000 сыл кэннэ сылы ааттаабыта, хаһыгар эрэ диэбитэ, "от болезни" диэн.Онтон син итэҕэйдэ быһыылааҕа. Ол сыл муҥурбун быстарбытым. Врач эппэрээссийэлээбэтэҕэ буоллар өлөрүм хааллаҕа.Ол да үрдүнэн эргэ Саҥа дьыл ааһыар диэри өлүөм диэн куттана сылдьыбытым. Саатар, сылга иккитэ куоракка бара сылдьыбытым.Онно дьиэбэр алта иннинэ кэлэ охсорум. Улахан кутталга сылдьыбытым.Арай биирдэ биир препод киэһэ тоҕуска диэри экзамен туппута. Автобуһунан кэлэрбэр киһи куттаныах дьоно олус элбээбит курдук этэ. Остановкаттан сүүрүүнэн дьиэбэр кэлбитим...Һуу, ол сыл син этэҥҥэ ааспыта...Итинник билэр куһаҕан эбит этэ...

    0
    • мин
      30 сентября 2013  

      маайыстыыр этиэн дуо баьаалыста

      биьиги олорбуппут биир сыл болла бу кэлэр ыйга регистрацияланыахтаахпыт но олохпутугар туох да сатаммат курдук биьиги инибитигэр туох косторуй этиэн дуо

      0
      • Маайыстыыр
        30 сентября 2013  

        Бэйэҥ олоҕуҥ бэйэҥ илиигэр.

        Олох араас охсуутун тулуйар буолуохха наада. Өрүскэ маҥан массыына түһэрэ көстөр.Онон өрүс туорааһыныгар сэрэхтээх буолсугут. Олох тулуурдаахтары сөбүлүүр. Хара балаһа ааһыаҕа.

        0
        • мин
          30 сентября 2013  

          ханык чыьылата костюбэт да кэргэним айанан кэлехтээх этэннэ айаннан кэлэр да

          0
          • эбээ
            30 сентября 2013  

            маайыстыырбын

            дьэ буллум.пагер игин диэни сатаабаппын.кэпсээннэрэ,олого олус интэриэьинэй.эйгэ форумтан маайыстыыры аагарбын собулуубун.оссо да суруйан ис

            0
            • Маайыстыыр
              30 сентября 2013  

              Махтал. Аны сырса

              сылдьар ааҕааччыланным дии... Эйгэҕэ хайдах эрэ киһи тэһийбэт, кутум тохтообот. Тоҕо эбитэ буолла.

              0
          • Маайыстыыр
            30 сентября 2013  

            Итинниги ыйытымаҥ, кэлэр киһи

            кэлэр кэмигэр кэлиэҕэ. Бэйэҕитин барыта этэҥҥэ буолуоҕа диэҥ, мээнэ санаабат буолуҥ. Дьоҥҥутугар мэһэйи оҥорумаҥ.

            0
  • Маайыстыыр
    30 сентября 2013  

    Бу бэйэм олохпуттан кэпсээннэри

    Саҥа дьылга эрэ диэри суруйарым буолуо. Онтон атыҥҥа көһүөхтээхпин. Былырыын хоһоон эрэ суруйбутум. Быйыл кэпсээн эрэ суруйдум. Эбээ диэбиккэ дылы, мин биир да эбэбин, эһэбин билбэккэ улааппытым. Бары эрдэ өлөөхтөөтөхтөрө дии. Ийэм оҕо сылдьан тулаайах буолбут, аҕам бэйэтэ эһээ курдук саастаах киһи эбит. Аҕам дьоно, эһэм, эбэм олорбут сирдэригэр ийэм саҥа ыал буолан сырыттаҕына от мустара ыыппыттар. Аҕам тоҕо эрэ бу мин дьонум олобурдара эҥин диэн сэрэппэтэх. Онно от мунньа сырыттаҕына холорук кэлэн эрийбитэ үһү. Ону ийэм билбитим буоллар диэхтиирэ...Арай биирдэ мин оҕолору кытта походтуу сылдьан ол сир таһынан ааһар буоллубут. Биир уолбут сирдьит оруолун толорор. Саас, күөл мууһа сула илик.Аастыбыт. Онтон аны уолбут хайдах эрэ халыйан төттөрү ол сиргэ атын үрдүк сиринэн эргитэн аҕалбыта.Күөл тыбыс-тымныынан аргыйа сытар. Үрдүк сир буолан, былыттар чугас баҕайы санньыһан тураллар. Аҕыйах киһи уҥуоҕа баарыттан киһи көрөн турар курдук. Ол гынан баран хайдах эрэ киһи куттаммат, хата, мэниктиэх, күлүөх-салыах, атаахтыах, үчүгэй буолан көстө сатыах санаам киирэн ылбыта.Астына-астына бу мин сирим диэх курдук ол күөлү көрбүтүм. Онтон син тиийиэхтээх сирбитигэр тиийбиппит. Онтон аны кыстык сирдэригэр

    0
    • Лайна
      30 сентября 2013  

      Маайыстыыр, дорообо!

      Баьаалыста миигин эмиэ коруон дуо? Мин хаьан эрэ кэргэн тахсыам дуо уонна улэ булуом дуо? Тугум да табыллыбат курдуе буолла.

      0
      • маайыстыыр
        30 сентября 2013  

        1 ыйынан эрмээннэ ойох таххсагын хамначчыт болагын

        0
        • Лайна
          1 октября 2013  

          Аата сурун(, дьон кыьал5тын кулуу оностубатар

          атын киьи аатыттан суруйан тугу абырана5ыт?

          0
      • Маайыстыыр
        1 октября 2013  

        Көрдөххө

        кыра баҕайы кыыс свадебнай былаачыйалаах (эльф курдук) баай баҕайы дьиэ иһигэр эргичиҥнии сылдьар. Маллара барыта олус улахаттар, сыттыгар тиийэ.Уонна сценаҕа ыллыы турар хор көстөр, Солистката инники турар.

        0
  • существую
    30 сентября 2013  

    дорообо маайыстыыр

    баьаалыста коруон дуо,урдук уорэх дипломун быйыл ылыам да? Олох бу уорэхтэн ньиэрбэм да бутэн эрэр

    0
  • ус о5олоох ийэ
    30 сентября 2013  

    Маайыстыыр дорообо!

    Баьаалыста этиэц дуо, биьи улахан о5обут, баар-суох со5отох уолчааммыт ДЦП-лаах.Кытайга эмтэнэ барбыта.Инникитин хайдах кере5ун?Хаамыа дуо, ата5ар туруо дуо?биир саастыылаахтарын кытта тэццэ олох устун хардыылыа дуо?

    0
    • уен
      1 октября 2013  

      Дорооболорун! бу кепсенре аан азарпр киирдм дии,,,

      Маайыстыыр, чем все закончилось? где продолжение?

      0
    • Маайыстыыр
      1 октября 2013  

      Еж кутуйах көстөр. Ону туох да диэн

      быһаарар кыаҕым суох. Бастакы оҕо үксүн мөлтөх буолан төрүүр. Уол буоллаҕына. Онон кыыс буолта буоллар ордук буолуо этэ. Үһүс, төрдүс оҕо доруобай буолар диэн ааттыыллар. Ол гынан баран ийэ-аҕа доруобуйатыттан тутулуктаах быһыылаах.

      0
  • Маайыстыыр
    1 октября 2013  

    сыарҕа дьиэҕэ хоммуппут.

    Мин үксүн харахпын көрөн утуйар идэлээхпин. Ол иһин утуйбакка сытар дии саныыллар. Арыт хараҕым хамсаабатыттан шок ыла сыһаллар.Оннук эмиэ утуйан хааллым. Оҕолор биир маҥан куруусканы ылан чугас остуолга оронум таһыгар туруорбуттар. Дьэ ону көрө-көрө, маҥан таҥастаах киһи аттыбар турар диэн эрэйдэнэн аҕай уһугуннум. Онтон эмиэ утуйдум. Аны ол куруускам иһигэр кыргыттар сууйбут биилкэлэрин, луоскаларын укпуттар. Аны хара таҥастаах дьоннору көрөн эрэйдэнэн аҕай уһугуннум, оҕолор тоҕо уһугуннарбаттар диэн мөҕүтүннүм эҥин. Уһуктаат, кыргыттарбар эттим. Ону уһуктаҕас сытар диэбиппит, хараххын көрөн сытар этиҥ ээ дииллэр. Бэйэтэ сылайан оронун сөбүлээбэккэ мөхсө, ынчыктыы сытар диибит ээ диэннээхтэр.Ханна да итинник субуруччу баттаппыппын билбэппин. Дьэ эһэм, эбэм дойдуларыгар итинник сылдьан турабын. Уонна кэлин сылдьыбатаҕым, сылдьар да саарбах буолуо...Оскуолаҕа үөрэнэ сырыттахпына улахан убайым араас арыгыһыттары мунньан арыгылыыр идэлээх этэ. Бэл Леонид Ильич Брежнев төрөөбүт күнүн ылаллара, абаанса кэлиитэ эмиэ бырааһынньык буолара. Биир оннук улахан "бырааһынньык" кэмигэр мин таҥастыын ороммор сытан утуйан хаалбыппын. Арай убайым тардыалыырыттан уһуктан кэлбитим уонна итирэ-итирэ киһини тоҕо уһугуннараҕын диэн кыыһырдым. Убайым улаханнык куттаммыт сирэйдээх этэ. Миигин өлбүт дии санаабыт. Айахпын атан, харахпын килэччи көрөн, илиибин быар куустан баран хамсаабакка сытар үһүбүн. Куһаҕан үчүгэйдээх диэбиккэ дылы онтон ыла дьону мунньан арыгылаабат буолбута. Олох "шок" ылбыт этэ. Ол кинилэр аргылыылларыттан сылтаан истээх соммун кэтэн баран орон анныгар киирэн. дьааһыктарынан, чымадааннарынан хаххаланан утуйан хаалар түгэннэрим эмиэ бааллара. Ийэм үөрэх кэмигэр наар балыыһаҕа сытара...Онтон эр дьону абааһы көрөр буолбутум быһыылааҕа. Итирэ-итирэ ыал аҕалара, учууталлар кыыс оҕоҕо сыстаҥыныы сатыыллара...

    0
    • уен
      1 октября 2013  

      дальше!

      кепсеен иhиий

      0
    • лена
      1 октября 2013  

      Маайыстыыр дорообо

      миигин эмиэ керен кулуй баьалыста мин олохпор тох да табыллыбат аргы батыьа сылдьар бэйэм санаабар кэргэн тахса сатыбын тох да табыллыбат

      0
      • Маайыстыыр
        1 октября 2013  

        Хаһан эрэ атаҕастаабыт ачыкылаах, маҥан баттахтаах,

        маҥан былааттаах эмээхсиниҥ кырыыһа тиийбит быһыылаах.

        0
        • лена
          2 октября 2013  

          Маайыстыыр ити миэнигэр эппиэттээтн да?

          Ону хайдах гынан кеннеребун?атагастаабыппын олох ойдееьеппун

          0
          • Маайыстыыр
            2 октября 2013  

            Кырдьаҕас дьон кыраттан

            өһүргэнэн, хом санаан ону-маны саҥаран кэбиһээччилэр. Эбэтэр "сглаз" оҥорооччулар. Харысхал бэлиэ итинниккэ туһалыыр быһыылаах.

            0
  • кэргэн
    1 октября 2013  

    баьаалыста этиэн дуо

    кэргэним улэ кордоно сылдьар,учугэй улэ булуо ду бу билсии,сибээс уйэтигэр.

    0
  • Маайыстыыр
    1 октября 2013  

    Бэһис дуу, алтыс дуу

    кылааһы бүтэрэн баран сайын өрүстэн тахсыбаппын. Дьүөгэлэрбин кытта сөтүөлээн тахсабын. Биирдэ атын сиргэ сөтүөлүү барыахха диэтилэр. Ол диэки бардыбыт. Син кыратык харбаатах буолабыт. Биир кыыспыт тоҥон кытылга таҕыста. Биһиги эмиэ кытыл диэки харбаан иһэн аны чугаһаатыбыт диэн турар санааланныбыт. Арай уубут дип-дириҥ, нэһиилэ айахпыттан үөһээ сирэйим эрэ быгар.Арай кэннибэр испит кыыс миигиттэн тардыста. Дьаама эбит. Мин тахса сатыыбын, кыыһым ыыппат. Саатар иннин диэки хаампат, тарда турар. Кыыспын соспутунан инним диэки хаама сатыыбын, дьаама кумаҕа төттөрү түһэ турар. Кытылга баар кыыска кэлэн тарт диибин, кэннибэр баар кыыска илиигин араар, тахсан баран эйигин тардыам диирбин истибэт. Кыбыс-кытаанахтык туппут. Босхолоно сатаан баран эбии тимирэн иһэбин, туох баар күүспүн түмэн инним диэки түһүннүм, муннум син быгар, айахпын аспакка хамсан да хамсан буоллум. Кытылга сылдьар кыыспыт кытылга сүүрэ сылдьан ыйа-ыйа күлэр. Син кыыспын соспутунан кытылга таҕыстым. Күлэ турар кыыспын кыһыйан сирэйгэ бэртэлээри гынан баран, арааһа, хайдах эрэ буолбут диэн тохтоотум. Тохтоотум диибин даҕаны оччолорго киһини охсо илигим, онон илиим-атаҕым баайыылаах буоллаҕа.Кэлин истибитим, уолуйбут дьон оннук буолаллар эбит. Кэлин уу түспүтүгэр дириҥ баҕайы дьаама тахсыбыта. Түгэҕэр биир алтан сылабаар сытар этэ.Биһиги эрэйдээхтэр өссө дьаама кытыытын диэки турбут эбиппит. Ортотугар турбуппут буоллар олох төбөбүт көстүө да суох эбит. Кэлин ол дьааманы көмөн кэбиспиттэрэ...

    0
    • уен
      1 октября 2013  

      ессе кепсее

      0
    • уен
      1 октября 2013  

      ессе кепсее

      0
      • Маайыстыыр
        2 октября 2013  

        Оскуоланы бүтэрэрбэр эр дьону

        охсор-тэбэр буолбутум. Дьиэбэр итирик киһи киирэн ньаҕаҥнаатаҕына хаһыытыы түһэн баран күрүүкэнэн тутарым. Биирдэ-иккитэ билбитттэр мин баарбын-суохпун ыйытан эрэ баран киирэр буолбуттара. Хата, утары охсуһа сатаабаттара.Саҕаларыттан тутан баран аан диэки дьөгдьөрүтэрим. Биир киһи утарылаһан күүлэ аанын икки өттүттэн тутан турдаҕына, маҕыйа түһэн баран кэннин көп этигэр тэппиппэр туруйалаан баран хаар күрдьүккэ оройунан түспүтэ. Мин кыайбыт-хоппут киһи быһыытынан өттүк баттанан туран: "Хайа, ханна түөрт атах буола сылдьаҕын?"- диэн ыйытыылаахпын. Киһим "өлөрүөх" буолан саана-саана барбыта. Аны хаһан өлөрө кэлэрин кэтэһэн кутуйах хаамтарыыта буолбута.Кэлбэтэҕэ.Бурдук ыраастыы сырыттахпына биир уол оонньоһон бурдугунан ыспытыгар кыыһыран баран умса садьыйан баран ат курдук миинньэн олорон хоонньугар бурдук куппутум. Онтон ким да чугаһаабатаҕа. Оччотооҕу эр дьон кыыһы, дьахтары кытта охсуһа сатаабаттар этэ... Онон кыыһырдаххына хотун буоларыҥ.

        0
  • Маайыстыыр
    3 октября 2013  

    Ол сөтүөлээн чомполонор кэммитигэр

    биир биһигиттэн аҕа саастаах кыыс биһигинниин сылдьыһара. Олус суон уонна үөрэҕэр мөлтөх буолан оскуолаттан уураппыт кыыстара этэ. Биирдэ биһигини кытта сөтүөлүү киирдэ. Кыайан харбаабат, онон чычааска илиитинэн тайанан устар. Урукку бууттаах, эрэһииҥкэлээх сырдык халлаан күөҕэ турууһуктаах(панталоны дуу, рейтуза дуу) уонна маайкалаах. Маайкатын турууһугун иһигэр уган кэбиспитэ салгыннаан үллэ сылдьар, турууһуга биир оннук, хабах курдук үллэ сылдьаллар. Арай билэр уолаттарбыт сөтүөлүү киирэн иһэллэр. Оо, дьэ, бу хабахтары көрөн күлүөхтэрэ диэн мин ол хабахтар салгыннарын таһаараары баттаа да баттаа буолабын. Кыыһым өссө кыыһырар.Маайкатын киэнин син таһаардым. Онтон аллараа мээчик саҕа хабахтары кыайан таһаарбатым, уолаттар кэлэ оҕустулар. Биһиги кытылга куоттубут, кыыспыт хаалла. Кыбыстар быһыылаах. Ону уолаттар сүгүн көрүүһүлэр дуо, үрдүнэн-аннынан устуу. Кыыспыт сарылыы түһэн баран таҕыста буо!!! Били инчэҕэй таҥаһа бары сыстан хаалбыт.Хата били хабаҕын кыайан таһаарбатаҕым соччо сыстыбатах. Ким эрэ сүүрэн тиийэн сотторун уунна. Кыыспыт эринэ оҕуста. Онтон таҥаһын таҥынна. Оччоттооҕу оҕолор сөтүөлээбит таҥаспыт үрдүгэр былаачыйабытын кэтээт, атахпыт таҥаһын анньынаат, биэдэрэлэрбитин, бөтүөннэрбитин тутан дьиэбитигэр тахсарбыт. Хаһан дьиэҕэ тиийиэххэ диэри таҥаспыт сыыһа кууран хаалара. Уу баспат буоллаххына өрүскэ ыыппаттар. Улаханнык киитэрэйдиир курдук сананарбыт да, оччолорго бодобуос эҥин суоҕар баһаам үлэни толорбуппут. Уум ыараханыттан илиим горилла киэнин курдук уһаан хаалар курдук этэ. Күҥҥэ үстэ сылдьан күннээҕи ууну барытын таһан кэбиһэр эбиппит ээ...

    0
    • мужик50
      3 октября 2013  

      кэпсээннэргин аа5ан баран наһаа диэн сэргэхсийдим,

      үчүгэйдик суруйар эбиккин,эйиэхэ улахан махтал,доруобай буол,уонна өссө кэпсээннэргин күүтэ хаалабын.

      0
    • маайыстыыр
      3 октября 2013  

      тайга:

      мин инники ологум хайдах буолуой

      0
  • Б
    3 октября 2013  

    Маайыстыыр,утуе сарсыарданан.

    Кэпсээннэрин иьин махтал.Кердеьерум диэн маннык.Мин инники ол5ум хайдах буолуой?Эрдэттэн махтанабын.

    0
  • Чэмэлиинэ_
    3 октября 2013  

    салҕыытын күүтэбит :)

    0
    • дария
      4 октября 2013  

      Маайыстыыр дорообо! мин кордоьуом этэ. кэргэним иьэр агай болан эрэр. уонна истэгинэ киннээх багпйы.

      кэнники куттанабын агай. кими да истибэт. хайдах эмэ конноруохпун соп дуо. уонна уьус огобун куутэбин кини туьунан билиэзпин багарабын. агата соччо сыстыбат курдук. махтанабын.

      0