7 лет на форуме Автор 3 уровня Топ пользователь Все
Награды
7 лет на форуме
7 лет на форуме
Автор 3 уровня
Автор 3 уровня
Топ пользователь
Топ пользователь
5000 просмотров
5000 просмотров
Хоһооннор
  13851
ххх
Бастакы тапталбын саныыбын
Барахсан эдэркээн да этэ,
Күөх баанчык ыраахтан тэлээрэн
Бу баарыы көстөрө миэхэҕэ.
Элбэх да хаар уулла ол кэмтэн
Бүтэһик уураһыы кэнниттэн,
Билигин даҕаны мин уоспар
Эн уоһуҥ амтана баар курдук.
Хараҕыҥ уулара таммалыы
Хаалбытыҥ кэннибэр сайыһа,
Боруогу атыллаан барбытым
Бүтэһик уураһыы кэнниттэн.

ххх
Бүгүн хоһоон айыахпын
Хайдах эрэ санаам буолбат,
Бүгүн ырыа ыллыахпын
Ыыппат миигин ис турук.

Хаһан эрэ бу күҥҥэ
Суолум туораан барбыта,
Көрсүөх буолбут ыырбыттан
Ыраах куотан хаалбыта.

ххх
Санааларым –
Ситтэрбэтэх ыраларым,
Сылгы үөрэ буоланнар
Сыһыы устун сырыстылар.

Баҕаларым –
Бүтэн биэрбэт сүүрүктэрим,
Бааллаах долгун буоланнар
Байҕал диэки уһуннулар.

Хоһооннорум –
Хотторботох хотойдорум,
Халлаан устун халаатааннар
Харахпыттан сүттүлэр.

Соҕотоҕун –
Туран хааллым тутаһабар,
Ситтэрбэтэх санааларбын
Сыһыы устун сырсаары.

ххх
Эйигин күн аайы көрдүүбүн
сүтэрбит сүрэҕим аҥарын.
Эйигин күн аайы көрдүүбүн
ааһар дьон быыһыттан булаары.
Элбэх да хаар уулунна санныбар
эн тахсан барбытыҥ кэнниттэн.
Элбэх да күн ааста ол күнтэн
бутэһик быраһаай кэнниттэн.
Ол кэмтэн аастаҕа элбэх уу
Өлүөнэ өрүспүт устунан.
Билэбин эн бааргын бу сиргэ
бүтэһик тапталым, эрэлим.
Бу куорат иһигэр ханна эрэ
эн хааман истэҕиҥ оргууйдук.
Билигин эн миигин билбэккин
мин эмиэ билбэппин эйигин.
Баҕардар санааҕар ол иһэн
дьон быыһын одуулу истэҕиҥ.
Билэбин суолларбыт тиксиэ5э
ханна эрэ, бу куорат иһигэр, муннукка.

ххх
Эн ааккын астына ааттыбын,
Эн ааккын долгуйа истэбин!
Оттон эн миэнин ааттыыгыан,
Ардыгар долгуйа истэҕиэн?

Мөссүөнҥүн оҥорон көрөбүн –
Харахпар бу баардыы көстөҕүн!
Онтон эн миигин санааҕар –
Көрөҕүөн оҥорон бу баардык?

ххх
Уостарым уостаргар сыстаннар –
Ууруурбун сөбүлүүр да этим!
Ааспыты эргитэ сатааммын
Аны мин эйиэхэ кэлбэппин

Аны мин эйиэхэ кэлбэппин
Тоҥсуйан киирбэппин эн хоскор,
Аны эн утары тахсаҥҥын
Үөрүүннэн кэтэһэ-күүппэккин.

Суолларбыт арахсан бардылар
Эн арҕаа, мин илин хайыһан,
Хомойуу, хоргутуу, кэлэйии
Арааран атаарда икки аҥыы.

Кэннибин хайыһан көрөбүн
Ааспыты, бүппүтү, оспуту,
Иккистээн эргийбэт ол кэмнэр
Эн эмиэ эргиллэн көрүүй дуу!

ххх
Мэлдьитин мин түүлбэр киирэҕин
Тоҥ уубун уйгурдан кээһэҕин,
Куруутун ол түүлгэ көстөҕүн
Ытыахча хараҕыҥ ууланан.

Санаабар уоскута сатыыбын
Уоскуттан ууруубун-ааттыыбын,
Хараҕыҥ уулара иэдэскэр
Оргууйдук мөлбөйө усталлар.

Уостарыҥ мэрбэйэ ибирдээн
Мин ааппын ыҥырар курдуктар,
Сэрэнэн эйигин кууһабын
Уонна дьэ уһуктан кэлэбин.

Сэгэриэм билигин ханнаҕын,
Хайа сир уутунан аһыыгын?,
Доҕоруом мин уубун аймааҥҥын
Кэлиий - диэн ыҥырар курдуккун.

ххх
Сэгэрим, чыычааҕым, көмүһүм -
Эйигин таптыыбын да5аны,
Эн эрэ миэхэҕэ күндүгүн –
Кэрэттэн-кэрэҕин,чугаскын.

Сыл-хонук аастаҕын аайытын-
Таптыырым күүһүрэр-күөдьүйэр,
Эн нарын дьүһүнүҥ-сэбэрэҥ
Күн-аайы сырдаттын мин хоспун!

ххх
Эн сүтэн хаалбытыҥ миигиттэн
Киэһээҥҥи туманҥа киирэҥҥин,
Атаҕыҥ тыастара сурдурҕаан
Ырааттар-ыраатан сүппүтэ.

Эн ааккын ыҥыра-ааттаһа
Туманҥа балай да көрдөөтүм,
Быыһыгар кыратык тохтооммун
Эппиэккин иһиллии сатаатым.

ххх
Эн-биһи тапталбыт түргэнник -
Кэлбитэ ол курдук барбыта,
Ыарахан тыллары эппэккэ -
Арахсан икки-аҥыы барыахха.

Эн миигин хаһан да санаамаар -
Ыарахан тылынан ахтымаар,
Мин бардым тиэргэнтэн тэйэммин -
Эйиэхэ баҕара сир дьолун!

Биир эмит сиппэрэҥ киэһэҕэ -
Санааргыыр-санньыйар кэмнэргэр,
Сылаас чээй куттунан олорон -
Сылаастык санааҥҥын - манньыйаар.

Оччоҕо баҕардар мин түөспэр -
Эн тыыныҥ биллиэҕэ сылаастык,
Оччоҕо мин билиэм-сэрэйиэм -
Олоххо дьол баарын билбиккин.

ххх
Син сылдьа сатаатым бырадьаак -
Сир кырсын тэбистим добуоччу,
Сылайдым-элэйдим сөп буоллум -
Киллэриий эргиллэн кэллим дии.

Өр кэмҥэ Хаамаайы аатыран -
Хаһыҥҥа хаамтаҕым соҕотох,
Иэримэ дьиэлээхпин билбэккэ –
Тумаҥҥа тулаайах хаамтаҕым.

Эн ааҥҥын тэлэччи арыйан -
“Дорообо” арыаллаах киллэрдиҥ,
Мин ааппын астына ааттааҥҥын -
Сыһынныҥ сылайбыт санныбар.

Үчүгэй даҕаны эргиллэр -
Эйэҕэс тылынан көрсүллэр,
Аны дьэ барбаппын ханна да -
Бу сылаас уйаттан, сыһыантан.

ххх
Синньигэс билгиттэн кууһаммын -
Бэйэбэр сыһыары тутабын,
Обуйук уоскуттан ууруубун -
Уһуннук утаппыт киһилии.

Ахтыбыт даҕаны эбиппин -
Уостарыҥ сылааһын, амтанын,
Тылбынан эн тылгар таарыйан -
Эппэтэх иэйиибин тиэрдэбин.

Хараҕыҥ сабыллан иэдэскэр -
Таммахтар мөлбөйө усталлар,
Уостары эргийэ көтөннөр -
Аны мин иэдэспэр сүүрэллэр.
Ответов 78 Написать ответ
  • Хомустан
    26 июля 2013  

    .

    ххх
    Сэгэрим, доҕорум, тапталым -
    Уһуннук даҕаны көрдөттүҥ,
    Элбэх да хаар уулунна санныбар -
    Бүтэһик көрсүһүү кэнниттэн.

    Аҕыйах хонукка барбытым -
    Аан сабан, сотору төннөөрү,
    Онтукам, уһаабыт да эбит -
    Олохпут үтүөтэ мүлтүйбүт.

    Бастакы кэмнэргэ сүтүктээн -
    Сир-сири сиксиктээн испитим,
    Кэнники эн суолгун булбакка -
    Букатын даҕаны муммутум.

    Алҕаска бу маннык көрсүөм диэн –
    Баттатан даҕаны көрбөтүм,
    Дьылҕа-хаан суолбутун муннукка –
    Аҕалан холбуо диэн билбэтим.

    Сыл-хонук сүүрүктээх уулара –
    Сырайгын кыратык соппуттар,
    Онтон мин чанчыгым маҥхайан –
    Отой да оҕонньор курдукпун.

    ххх
    Утары көрөбүн астына -
    Көрбөтөх ыраатан буолуо дуо,
    Эн эмиэ утары көрөҕүн -
    Үөрүүнэн сыдьаайа хараҕыҥ.

    Көрөбүн мичээрдиир уостаргын -
    Ууруохпун-уулуохпун баҕара,
    Эн эмиэ мин диэки сылаастык -
    Эйэргии көрөҕүн үөрбүттүү.

    “Сэгэрим дорообо!” – диэбитэ -
    Мин хаппыт-хатырбыт уостарым,
    Эн эмиэ уостарыҥ ибирдээн -
    “Дорообо доҕоччуок!” – диэбитиҥ.

    “Аҕынным даҕаны!” – диэбитэ -
    Муунтуйбут-мунчаарбыт мин дууһам,
    “Мин эмиэ!” – диэбитэ үөрүүннэн
    Элэккэй-тулаайах эн дууһаҥ.

    Уостарбын-уостаргар холбуубун –
    Уостубат кутааннан умайа,
    Эн эмиэ уостарыҥ сэгэйэн –
    Уотунан хаарыйдыҥ уостарбын.

    ххх
    Хаһан эрэ мин эйигин -
    Көрбүт курдук эбиппин,
    Баҕар күһүн, баҕар кыһын -
    Баҕар эрдэ сааһыары.

    Өйбөр хаалан хаалбыттар -
    Соһуйбуттуу харахтарыҥ,
    Уонна уулаах отоннуу -
    Кыыспыт кыһыл уостарыҥ.

    Хаһан эрэ мин эйигин -
    Син биир көрбүт эбиппин,
    Баҕар урут кулуупка -
    Танго тыаһыыр кэмигэр.

    Эдэр сылдьан кулуупка -
    Үҥкүү аайы сылдьарым,
    Сим-биир, сим-биир көрбүппүн -
    Ханна эрэ көрбүппүн!

    ххх
    Өйдүүгүөн кулуупка үҥкүүгэ
    Уот баран хараҥа буолбутун,
    Ол онно аттыгар баарым дии
    Өйдүүбүн ол түүнү бу баардыы.

    Хас муннук аайытын чүмэчи
    Уматан сырдата ууртара,
    Худрук баянын таһааран
    Устугас ырыаны тарпыта.

    Ол баян тыаһыгар уйдаран
    Эн-биһи үҥкүүгэ киирбиппит,
    Дьиримниир чүмэчи уотугар
    Уһуннук куустуһан турбуппут.

    Сүрэҕиҥ тэбэрэ сүрэхпэр
    Иһиллэр курдуга там-тамныы,
    Сипсийэр тылларым барыта
    Наадата суохтара ол кэмҥэ.

    Сарсыарда чүмэчи бүтүүтэ
    Худрук баяннаан бүппүтэ,
    Наадалаах тыллары булбакка
    Эйигин сүтэртим ол кэннэ.

    Өйдүүгүөн кулуупка үҥкүүгэ
    Уот баран хараҥа буолбутун,
    Ол онно аттыгар баарым дии
    Тоҕо да эппэккэ хаалтымый.

    ххх
    Сирэйиҥ дьолунан сыдьаайа
    Мин түөспэр утуйа сытаҕын,
    Түһээҥҥин мин диэки сылаастык
    Мичээрдээн мичийэн ылаҕын.

    Хап-хара суһуоҕуҥ сыттыкка
    Ыһыллан киэҥ сири тайаабыт,
    Холкутук тыынарыҥ мин түөспэр
    Сып-сылаас иэйиини иитиэхтиир.

    Сэгэрим кэрэҕин даҕаны
    Утуйа даҕаны сыттаргын,
    Куруутун эрдэлээн уһуктан
    Мөссүөҥҥүн көрөрбүн таптыыбын.

    Сотору сэмээрдик ибирдээн
    Арыллан кэлиэҕэ хараҕыҥ,
    Аттыгар баарбыттан дьоллонон
    Дьолунан туолуоҕа сүрэҕиҥ.

    Сырайыҥ дьолунан сыдьаайа
    Мин түөспэр утуйа сытаҕын,
    Сүрэҕиҥ тэбэрэ сүрэхпэр
    Бу баардыы оргууйдук тэбиэлиир.

    ххх
    Хайа эрэ дьоллоох киһи
    Сыллыыр-ууруур эйигин,
    Кини оннугар буолбут киһи
    Саатар биирдэ, саатар биирдэ!

    Саатар биирдэ эйигинниин
    Хаамар киһи биир тэҥник,
    Күүскэ кууһан тураммын
    Ууруур киһи уоскуттан!

    Эйигинниин буолар иһин,
    Бииргэ тэҥник хаамар иһин,
    Тугу эрэ гыммыт киһи,
    Тугу эрэ эппит киһи!

    Ханнык тылы этэммин,
    Туох үтүөнү оҥорон,
    Эн сүрэххин тутабын,
    Эн дууһаҕын иирдэбин!

    Ол эрээри эрэлбин
    Сүтэрбэппин хаһан да,
    Хаһан эрэ аптаах тылы
    Таайан этиэм эйиэхэ!

    Оччоҕуна эн миэхэ
    Киирэн кэлиэҥ чуумпуга,
    Күүскэ кууһан тураммын
    Ууруом уохтаах уоскуттан!

    ххх
    Ыллыыр ырыабын ,
    Туойар тойукпун,
    Хоһуйар хоһооммун
    Барытын аныыбын
    Эйиэхэ доҕорбор,
    Мин күндү киһибэр.

    Күн тахсан -
    Саҕахха сандааран,
    Күндээрэ тыгыыта
    Саныаҕым эйигин
    Мин күммүн,
    Мин кэрэ киһибин.

    Күнүһүн куйааска,
    Сыралҕан уотуттан,
    Сылайбыт кэмнэрбэр
    Харахпар көстүөҕэ
    Эн хара хараҕыҥ,
    Эн сылаас мичээриҥ.

    Киэһэтин сөрүүҥҥэ,
    Сиик түһэр кэмигэр,
    Үүтээммэр сытаммын
    Эн ааккын ааттааммын
    Этиэҕим сэмээрдик,
    Эппэтэх тылларбын.

    Түүн хойут уоскуйан,
    Утуйа сытаммын,
    Түүл гынан көрүөҕүм
    Эйигин доҕоруом,
    Үөрүүннэн дьолломмут,
    Сып-сырдык сыдьааҥҥын.

    0
    • _анна.
      27 июля 2013  

      уйадытар хоьооннор

      0
    • сэҥээрбит
      28 июля 2013  

      Хомустаҥҥа

      Дьэ ноко кэпсээн эрэ буолбакка аны хоһоонноруҥ да киһини долгутар уйадытар дьикти алыптаах гына суруйар көкөт буолан биэрдиҥ дии дьэ эрэ өссө тугунан соһутар буолаҕын?

      0
      • tumana
        29 июля 2013  

        наьаа учугэй хоьооннор..

        Киьи сурэ5ин долгуттун дии. Аны наар эн айымнньыгын куутууьукпун.

        0
        • Хомустан
          29 июля 2013  

          Дорооболоруҥ! Барыгытыгар барҕа махтал! Бу хоһооннор суруллубуттара ыраатта.

          Манна бары атын топка мунньулла сылдьыбыттара. Олору телефонтан киирэн ааҕалларыгар ыараханын иһин тус-туспа таһаардым. Арба, уонна хаартыскаҕа түһэрэбин. Олору "Дьоһун саас" галереятыттан, эбэтэр "Дьоһун саас түһүлгэ" форумҥа топтартан көрүөххүтүн сөп. Этэҥҥэ буолуҥ!

          0
  • Сахастрелец
    2 августа 2013  

    Атаһым, Хомустаан манна саһа сылдьар эбиккин дуу?)))) Сүтэрбитим ыраатта

    Мин да анараатах мээнэ киирбэт буоллум, Күрүлгэн этэринии тоскаа буолан эрэр, разговоры ни о чем курдук))))

    Хоһоон-ырыа кэһиилээх
    Хомустааҥҥа кэлэммин
    Хонон - өрөөн олорон
    Хоноһолоон аастарбын

    Хотоҕостуу субуллар
    Хоһоонноргун аахтарбын
    Хото - ирэ сэһэргэһэн
    Хомолтобун кэпсиэҕим

    Хара тураах дааҕырҕаан
    Хаһан да хотой буолбат
    Хаһан эрэ өйдүөхтэрэ
    Хаампыт суолун көстүөҕэ

    Хата доҕоор, хоһоонноргун
    Хаартыскаларгын угаттааҥҥын
    Холбоон туран кэпсээннэргин
    Хомуурунньук оҥороор дуу?

    0
    • Соьуйбат
      2 августа 2013  

      Бээт хоьооннор) Суруйан ис

      Аа5абын астына хоьооннун
      Ааспыты эргитэн а5алар
      Аадьуо хоспор киирэммин
      Аахтым мин хаттаан сурукпун

      0
      • Кун куо
        3 августа 2013  

        Наьаа уйан хоьооннор дьи

        Наьаа да уйан хоьооннор Нарын тапталбын санаттылар Истин иэйиини туойаннар Сурэ5им уотун уматтылар

        0
    • Хомустан
      3 августа 2013  

      Барыгытыгар барҕа махтал! Өссө ханна эрэ хоһооннор бааллара. Бириэмэ буллахха киллэриллиэ.

      Охчут доҕоор
      Олох бокуой суох,
      От кыаттарбакка
      Ончу олорпот.

      Оппут отой үүммэтэх,
      Онно-манна биир салаа,
      Ордубутун аһыыкалар
      Оттоон салаан ааспыттар.

      Онтон-мантан мунньаммын,
      Оруобуна түөрт оту
      Охсон-мунньан чөкөтөн
      Олоробун алааспар.
      imageс

      0
      • Хомустан
        3 августа 2013  

        Урукку хоһооннортон.

        ххх
        Соҕотохсуйуу ыт курдук -
        Киэһэ буолла да
        Дууһабын көмүллүүр,
        Ытатар, ынчыктатар.
        Күнүһүн ханна эрэ
        Дууһам түгэҕэр
        Саһа сылдьан -
        Санаабын сойуолуур.
        Арай сарсыарда
        Арыый намырыыр,
        Оччо5уна олоххо
        Эрэлим күүһүрэр.
        ххх
        Миэхэ Ким да, Туох да наадата суох буолла!
        Билэбин аны Итэҕэл, Эрэл, Таптал диэн суох!
        Мин Дууһам, Сүрэҕим, Санаам кураанахтар.
        Көҥдөй Көхсүм, хаамар Хаҕым эрэ хаалла.
        Дууһабын, Сурэхпин, Санаабын сүтэрдим.
        Итэҕэлим, Эрэлим, Тапталым тиэрэ эргийдэ.
        Барыта Кураанахсыйда, Сүттэ, Осто.
        Хаҕым эрэ Тулаайах тумарыкка туран хаалла.
        Ааттаьар, Көрдөһөр, Эккирэтэр санаа суох.
        Муҥатыйан Муннукка ытаабаппын-суламмаппын.
        Куннээҕи Түбүк эрэ түөкэйдиир миигин.
        Соҕотохсуйуу Муҥа солбонуйа сүүрэлэ

        0
        • Хомустан
          3 августа 2013  

          ххх

          ххх
          Санаабар бу көстөр курдуктар
          Кулуупка үҥкүүгэ сылдьарбыт,
          Ол кэмҥэ эрчимнээх да этим,
          Эн эмиэ кыыс оҕо этиҥ дии!

          Биһиги курдуктар ол залга
          Толору этилэр буолбат дуо?
          Барыбыт даҕаны күүтэрбит
          Эргийэр, эрчимнээх үҥкүүнү!

          Музыка тыаһыырын кытары
          Сүүрэрбит утары муннукка,
          Ким хайа иннинэ тиийэммит
          Үҥкүүгэ ыҥыран үөрээри!

          Музыка кутуллар тыаһыгар
          Эргийэр этибит зал устун,
          Тэтэркэй имнэриҥ кытара
          Хараҕыҥ уотунан оонньуура!

          Сороҕор куоттаран кыһыыбар
          Муннугу маныырым соҕотох,
          Эргийэн ааһарыҥ устаҥҥын
          Атынныын вальска куустуһан!

          Бааллара ол кэмҥэ дууһабар
          Күнүүлүүр кэйиэлиир санаалар,
          Сороҕор ол оннук санааны
          Сутурук быһаарар буолара!

          Санаабар бу көстөр курдуктар
          Кулуупка үҥкүүгэ сылдьарбыт,
          Ол кэмҥэ таптыырым даҕаны
          Билигин даҕаны таптыыбын!

          0
  • Kyn o5oto
    4 августа 2013  

    Тыый, ХОМУСТАН отой ынырыктаахай бэрт хоһооннору айар эбиккин дии)))

    Киһи эрэ ааҕа олоруох курдук хоһоонноро)кытаат,салҕыы маннык тэтиминэн айаргын тохтотума)))

    0
    • Хомустан
      4 августа 2013  

      .

      ххх
      Халлаантан бүппэт уу таммалыыр -
      Таммалыыр да буолбатах саккырыыр,
      Сайыммыт бүппүтүн ааспытын -
      Санаарҕаан ардахтаан эрдэҕэ.

      Сир ньуура килэйбит-халыйбыт -
      Бадараан барахсан баллайбыт,
      Сотору кэминэн халлаантан -
      Саҥа хаар кыыдамныы үллүйүө.

      Сайыммыт барахсан кылгаһын -
      Ааспыта түргэнин баҕаһын,
      Бэҕэһээ хаар ууллан эрэрэ -
      Сарсын дьэ хаардыаҕа турдаҕа.

      Ол эрэн билигин даҕаны -
      Бириэмэ баардыҥы дии доҕоор,
      Күһүммүт араҕас өҥүнэн -
      Ойуулуо турдаҕа күөх тыабын.

      Халлаантан бүппэт уу таммалыыр -
      Таммалыыр да буотах саккырыыр,
      Бу ардах көннөрү биир санньыар-
      Сайыммыт өссө да уһаатын.
      image
      ххх
      Күһүҥҥү сиккиэр тыал холустук
      Хатыҥмын хамсата- илгиэлиир,
      Ол аайы сэгэрим иэҕиллэн
      Сууллуохтуу суугунуу имиллэр.
      Саһарбыт сэбирдэх санньыардык
      Бүтэһик ырыатын ыллаата,
      Хатыҥтан арахсан тэлээрдэ
      Сир устун сүүрэлээт тохтоото...
      image
      ххх
      Бэҕэһээ алааспар сырыттым
      Чараҥым сыгынньах көрүстэ,
      Ыраахтан мап-маҥан сотолор
      Кылбаһан бу көстөр буолбуттар.

      Чараҥым суугуна саһаран
      Тыал устун тэлээрэн көппүттэр,
      Хатыҥнар кыыс оҕо кэриэтэ
      Кыбыстан саҥарбат буолбуттар.

      Багдаһан чэлгийэн туртара
      Суугунаан сипсиһэр этилэр,
      Күһүммүт быраабын ылаары
      Хаһыҥнаан, тыалыран хастаабыт.

      Бэҕэһээ алааспар сырыттым
      Чараҥмын көрөммүн санньыардым,
      Сэгэрим суугуна таммалаан
      Курустук көрүстэ сыгынньах.
      image

      0
      • keskileenedim
        5 августа 2013  

        кэрэ кэм кэрдииьин арааран

        кэрэ кэм дэтэн кэрдииьин арааран,
        кэлбитим дуу, кербутум диэн анааран.
        ааспыттан арахтат ахтар куннэрбин
        атыннык ааттанан айылла тустэрбин.
        ол алаас, хонуу, ыллык устунан
        мин эмиэ хаамар, сэьэргиир эбиппин
        ойуулаан суруйбут тылгынан
        онно кыратык далбайан кэлбиппин...

        0
  • Сахастрелец
    7 августа 2013  

    Дьол кустугун кууһаарын!


    Дьахтар дьоллоох кэмнэрэ
    Дьахтар дьоро күннэрэ
    Дьоруо аттыы дьулуруйан
    Доҕолонноон, бүдүрүйэн

    Көстө - көстө сиик буолан
    Симэлийэн саппаҕыран
    Санаа сиппэт ыырдарынан,
    Ситтэриэхчэ ситтэрбэккэ

    Куустарыахча куустарбакка
    Куота - көтө дайаллар ...
    Курус санаа буоланнар
    Кустуктана угуйаллар.

    Эдэр кыысчаан сылдьаҥҥын
    Элбэҕи да иэйэ кэтэспитин
    Эрэллээх, эрчимнээх эр бэрдэ:
    Этиэҕин: Миэхэ эн соҕотоххун!

    Эн миэхэ соҕотоххун күн сиригэр!
    Эймэнитэр, эрэннэрэр кэрэ тыллар,
    Этиллибитэрэ ээ, сүрэххин долгута
    Этиллибиттэрэ сүһүөххүн ууллара...

    Дьахтар дьоллоох кэмнэрэ
    Дьахтар дьоро күннэрэ
    Дьоруо аттааҕар тургэнник
    Дьулуруйан, бугуһуйан
    Ааһаллара абаккатыан...

    Сорох сааһын тухары
    Соҕотохсуйан сорсуйуо,
    Сорох эрин элээмэтэ
    Сордоон, эрэйи көрдөрүө

    Сорох дьоллоох олоҕо
    Соҕотохто, эмискэччи
    Этин эппит күнүттэн
    Эрийэн иинэ хатарыа.

    Эрэйдээхпин дэммэккэ өр,
    Күүстээх дьахтар аатыран
    Кыһалҕаларын биллэрбэккэ
    Сылдьа сатаан сылайыа...

    Араас уустук дьылҕалар
    Араас дьикти Кэрэ Куолар
    Сылдьаллар эбит үөрэ - көтө,
    Санаарҕыылларын биллэрбэккэ,
    Сирдээҕи олохтон санньыаран ...

    Котокулар, Кэрэ Куолар
    Кэтэспиккин кэллэр дуу,
    Күүппут ыра санааларгыт
    Күлүмүрдээн туоллуннар!

    Дьоро сааскыт дьоллонон,
    Дьикти – кэрэ буоллуннар!
    Дьоһун – мааны дьон дэтэн
    Дьол кустугун кууһаарын!

    0
    • keskileenedim
      7 августа 2013  

      хай5абыл

      0
      • Хомустан
        7 августа 2013  

        Саха Охчута, keskileenedim барҕа махтал буоллун! Кус сезона чугаһаан бу уктум.

        Байанай бэлэ5э.
        Үлэбиттэн быыс булан – киирдим киэһэ алааспар,
        Үссэммитэ буолаатын – аастым антах эбэҕэ.
        Сэhээккэбин сөргүтэн – мончууктарбын быраҕан,
        Манаhардыы тэринэн – оҥостоммун олордум.
        Кустуур күөлум муора курдук – күөх халлааным ып-ыраас,
        Арай арҕаа диэкиттэн – үрэр сөрүүн сиккиэр тыал.
        Көтөр-чыычаах саҥата – ылан кээспит эбэбин,
        Күнүм түhэн ырааппыт – арҕаа диэки налыйбыт.
        Оннун булла диэбиттии – хантан кэлтэ биллибэккэ,
        Мончууктарым үрдугэр – үөр моонньо5он баар буолла.
        image
        Чурук-чурук саҥарсан – аймаатылар алааспын,
        Долгуйаммын сурэҕим – тохтуу-тохтуу тэбиэлиир.
        Түhэрэммин ытаары – умса түhэ сытабын,
        Чурук-чурук саҥаран – угуйабын кустарбын.
        Эргийдилэр-эргийдилэр – уонна үрдээн бардылар,
        Чурук-чурук саҥарсан – антах диэки көттүлэр.
        Кэтэстим да кэтэстим – кус курдугу көрбөтүм,
        Арай хатыҥ чараҥмар – кэҕэ кыылым чоргуйар.
        image
        «Олус наhаа долгуйума – Байанайын бэрсиэҕэ,
        Тохтоо кэтэс кэлиэҕэ» – дииргэ дылы миэхэҕэ.
        Утуктааммын хараҕым – сабыллаары сордоото,
        Аччыктааммын куртаҕым – хаhыытыыра элбээтэ,
        Наhаа табах тардаммын – тылым хатта хатарчы,
        Атахтарым тоҥоннор – тииhим тыаhа элбээтэ.
        Күн тахсыыта сарсыарда – саалар тыаhаан бардылар,
        Кынат тыаhа элбээтэ – кус саҥата хойунна.
        Мэҥэ халлаан үрдүттэн – икки умсаах сараhан,
        Эргийбэккэ даҕаны – мончууктарбар түстүлэр.
        image
        Саабын оргууй ыламмын – холбооттооммун кыҥаатым,
        Элбэрээкпин оргууйдук – сыыйа тардан кэбистим.
        Уу чуумпуга эмискэ – тэргэн тыаhа «бар» гынна,
        Өй дуораана охсуллан – долгуhутта алааспын.
        Доруоптарым ыйылаhан – сааттан тахсан бардылар,
        Ыппыт сирбэр супту тиийэн – умсаахтарбын кэйдилэр.
        Көтөрдөрүм эрэйдээхтэр – чыып диэбэккэ бардылар,
        Тиэрэ кэлэн түстүлэр – тэбиэлэнээт өллүлэр
        Үөрүүбүттэн сүрэҕим - тэбиэлиирэ күүһүрдэ,
        Аччыктаабыт куртаҕым – айдаарара тохтоото.
        Тыыбын үөскэ үтэммин – куспун ыла уhуннум,
        Уҥа-ханас эрдэммин – тоҥмуппун да умуннум.

        0
        • сэҥээрбит
          8 августа 2013  

          хомустаҥҥа

          Хомоҕой да тыллардаах,хоһоонноргун ааҕаммын
          Хоруйдуоҕу баҕаран хоһоон тиһэ сатаатым
          хата сатаан хоһуйбат,тылы тылга холбообот
          хомолтолоох буоларын билэн бэркэ кыһыйдым.

          0
        • keskileenedim
          8 августа 2013  

          ити кэннэ

          ити кэннэ туох диэммин
          иьит сууйа турдарбын,
          ол кэриэтэ булт диэммин
          муннукка ытыы тустэрбин.
          хомуна-тэринэ, ас-уел бэринэ
          алгыс тыл этинэ, байанайга билинэ.))))

          0
  • Сахастрелец
    8 августа 2013  

    Я вам пишу чего же более... А.С. Пушкин.


    Туох диэмий? Эйиэхэ суруйан эрэбин ...
    Билигин, хайыыргын эн эрэ билэҕин
    Баҕардар үөҕүөҕүн, сэмэлии саныаҕын
    Баҕардар аһынан айманан ылыаҕын,
    Билэбин, бу кэннэ умнубат буоларгын

    Билбэккэ сылдьарын саныахпар ыарахан
    Биир эмэ түгэҥҥэ көрсүһэр баҕаттан
    Биир кыырпах эрэли итиэхтиир инниттэн
    Биир эмэ тылынан кэпсэтиэ дии санаан
    Бу сордоох суругу эйиэхэ суруйдум ....

    Билэр дьон эйигин соччото суох дииллэрэ
    Бэрдэ суох киһи диэн кэпсииллэр эрээри
    Бэркэ диэн билэбин эн эрэ сэгэриэм
    Бэлэхтиэн миэхэҕэ сирдээҕи тапталы ...
    Буолар да эбит, күннэри – түүннэри
    Баҕарар баҕарыым эн таскар буоларбар
    Баар – суох биэбэйим саҥатын истэрбэр.

    Бу тоҕо мин муҥмар көрүстүн эн миигин
    Билбэтэх, көрбөтөх буолуум мин эйиигин?
    Быһыыта атынныын сиэттиһэн сылдьаммын
    Буолуом мин тапталбар таннарбат таҥара
    Булуоҕум буолуо дии мин дьолу – соргуну?

    Биллим мин, быһыыта үөһээттэн айдаран
    Булсун диэн эппиттэр, айманан - айдааран
    Балай түүн түүллэрбэр киллэрэн эппиттэр:
    - Бу - кини! Айдарыын, аналын, тапталын
    - Бу - кини! Иэйиилээх имэнин, таҕылын...

    Буккуйда дии миигин дьиктилээх эн көрүүн
    Бүппүтүм ол кэннэ, баар буолан сүппүтүм
    Балаама доҕоччуок, мин истин тылларбын
    Бу иннинэ сорсуйан олорбут олоҕум,
    Бэриллибит эбит дии, эйиигин буларбар ...

    Биир үтүө кэрэ күн олохпор киирбиккэр
    Билбитим имэҥи, иитиэхтиир иэйиибин
    Буолуоҕум эйиигин, харыстыыр, арчылыыр
    Билбэппин, эн баҕар атынҥҥа анаарыан
    Баҕардар биир түүҥҥэ таҕылгын таһаараат
    Барыаҕын, сүтүөҕүн соҕотох хаалларан,
    Барытын суох гынан, ытатан – соҥотон.

    Буоллун чэ, син. - биир, синэ - биир
    Бэлэхтиэм эйиэхэ бэйэбин бүтүннүү
    Биэрэрбин биэриэҕим, ыларгын эн ылаар
    Билбэккин мин хайдах кыбыстан, кытаран
    Бу туохха тиийэрбин билбэккэ олорон
    Барытын умнаммын суруйан эрэрбин
    Биэрэбин талбыппар үөл эппин, олохпун!

    0
    • keskileenedim
      8 августа 2013  

      туох диэммин

      иккис тыын кэриэтэ саналыы аахтым мин
      илдьитин буламмын тылбаастыы сатаатым,
      урукку уйэтин умнан кэбистим
      буруйдаах кэриэтэ эппиэттиэх сананным.
      " эн этэр тыыннынан, эн сэмэй бэйэ5ин
      туох диэммин дьууллээн эрдэхпин..."

      0
      • Хомустан
        9 августа 2013  

        ...

        ххх
        Таптыырым эбээт, таптыырым!,
        Оо тоҕо эппэккэ хаалтымый?!
        Эппитим-тыыммытым буоллар дуу!,
        Баҕардар эргиллиэҥ этэ дуу?!...

        ххх
        Эн миигин баалаама доҕорум –
        Эдэрбэр эйиэхэ анааммын,
        Эгэлгэ, эриэккэс тыллары
        Эппэтэх тыымматах эбиппин.

        0
  • Сахастрелец
    9 августа 2013  

    ))))))))))))))))))))))))))))



    Дьабыр дьаҥнаах дьаабал булан
    Дьааһыйыаҕын баҕарталыыр
    Дьэ эрэ, бэркин биллэр диирдии
    ДьаҺайыаҕын санаталыыр
    Дьэбир уоспун дьээбэлиир
    Дьырылаабат буолуон диир
    Дьабадьыгар дьааты кутуом,
    Дьардьамаҕа кубулутуом
    Дьэбиннэрдээх оскуоманан
    Дьөлүтэ үүттүөм, эрэйдиэм.

    Алакабыан, абаккабыан,
    Кыаҕырбытын олуһуон!
    Дьол утаҕын испит кэммэр,
    Кыайаахтаабат инигин!
    Тапталлаахпын хаалларан
    Батыспаппын эйиигин
    Икки сүрэх тэбиитин,
    Баҕа санаа ыратын
    Таптал кэрэ ырыатын
    Тохтоппотох инигин!

    Аанньалларым, айыыларым
    Айбыттарым, оҕом, сиэним
    Атастарым, бар дьонум
    Аһыныман, ааһыныман.
    Алҕас буолуо, сымыйа.
    Ама, хайаан тохтуохпутуй,
    Айан суолун аартыгар?
    Айдарыыбыт билиэҕэ,
    Айылҕабыт таайыаҕа!

    Көмүс күһүн күлүм аллай!
    Күүспүтүгэр күүстэ эп.
    Күлбүтүнэн – үөрбүтүнэн
    Көрсүһүүнү бэлэхтээр.
    Кырыа кыһын кыыдамын,
    Кыраһатын кэһэммин
    Кэрэ сааһы уруйдаан,
    Киириэм син биир биэрэккэ
    Ньургуһуммар сүгүрүйэ...

    0
      • Хомустан
        9 августа 2013  

        Симонов "Жди меня" хоһоонун үтүктүү.

        ххх
        Кэтэс миигин кэтэс,
        Олус күүскэ кэтэс,
        Мин эйиэхэ эргиллиэм
        Ханнык да өлүүнү туораан!
        Бурҕа түстүн, тыал түстүн
        Син биир кэтэс!
        Ардах түстүн, хаар түстүн
        Син биир кэтэс!
        Сэрии буоллун, уот турдун
        Син биир кэтэс!
        Өлбүт, сүппүт диэтиннэр
        Син биир кэтэс!
        Эн таптыырыҥ тухары -
        Мин тыыннаах буолуом!
        Эн күүтэриҥ тухары -
        Мин эйигинниин буолуом!
        Кэтэс миигин, кэтэс,
        Олус күүскэ кэтэс,
        Өлбүт, сүппүт диэтиннэр -
        Син биир кэтэс!

        0
        • Хомустан
          9 августа 2013  

          Бу кыһын "Дьоһун саас түһүлгэҕэ" тылбааска холонон көрбүппүт. Үгүс дьон кыттыбыта.

          Бары да бэркэ тылбаастыыр этилэр. Бу мин биир холонуум. Сатамматаҕа да буоллар.

          Пусть бегут неуклюже
          Пешеходы по лужам,
          А вода - по асфальту рекой.
          И неясно прохожим
          В этот день непогожий,
          Почему я веселый такой.

          Припев:
          Я играю на гармошке
          У прохожих на виду...
          К сожаленью, день рождень
          Только раз в году.

          Прилетит вдруг волшебник
          В голубом вертолете
          И бесплатно покажет кино.
          С днем рожденья поздравит
          И, наверно, оставит
          Мне в подарок пятьсот "эскимо".




          Чалбах устунан ыксалынан
          Сатыы дьоннор сүүрэллэр,
          Онтон уу үрэх буолан устар.
          Ааһар дьоҥҥо өйдөммөт
          Тоҕо маннык силбиккэ
          Мин бүгүн үөрэрим-көтөрүм

          Припев.
          Оонньуубун мин гармошкаҕа
          Көстөр сиргэ олорон…
          Хомойуох иһин төрөөбүт күнүм
          Сылга биирдэ кэлэр.

          Халлаан өҥнөөх бөртүлүөтүнэн
          Аптаах киһи кэлиэҕэ
          Уонна босхо киинэ көрдөрүө.
          Төрөөбүт күммүнэн эҕэрдэлиэ
          Уонна миэхэ хаалларыа
          Бэлэҕин бэс сүүс «эскимо».

          0
  • Сахастрелец
    10 августа 2013  

    Бу хоһоону Люда тылбаастата киллэрбитэ дии, өйдүүр инигин?


    Эмиэ Пушкинтан - люда. 20.12.2012 (10:08)

    Мороз и солнце; день чудесный!
    Еще ты дремлешь, друг прелестный —
    Пора, красавица, проснись:
    Открой сомкнуты негой взоры
    Навстречу северной Авроры,
    Звездою севера явись!
    Вечор, ты помнишь, вьюга злилась,
    На мутном небе мгла носилась;
    Луна, как бледное пятно,
    Сквозь тучи мрачные желтела,
    И ты печальная сидела —
    А нынче... погляди в окно:
    Под голубыми небесами
    Великолепными коврами,
    Блестя на солнце, снег лежит;
    Прозрачный лес один чернеет,
    И ель сквозь иней зеленеет,
    И речка подо льдом блестит.

    Бэртээхэй хоһоон буолан биир тыынынан көннөрүүтэ суох суруйдум. - Сахастрелец 20.12.2012 (12:33)

    Чаҕыл күннээх кэрэ кыһын
    Чэмэлийэн, үөрэн - көтөн
    Чэмэлиинэм, уһуктууй ...
    Чараас сырдык харахтаргын
    Чолбон - хотугу сулуска
    Чоҕулуччу эн хатаа ...

    Киэһээ, өйдүүр инигин,
    Хайдах курдук курус этэй?
    Ыйбыт ытыыр көрүҥнээх
    Итир былыт быыһыттан
    Имик – самык тыгара
    Кэрэчээнэм кэри – куру
    Курутуйа санаарҕаан
    Олорорун баара дии?

    Көрүүй, бүгүн кэрэ ээ
    Кылбачыйа күлүмүрдээн
    Көбүөр курдук тэлгэнэн
    Хаарбыт көҕөрөн көстөрө
    Кыырай халлаан анныгар
    Кыыдаан кыһын кэмигэр
    Көҕөрөллөр дьиктилээхтик
    Халыҥ хаары бүрүнэннэр
    Харыйалар хара тыаҕа
    Көрүүй, доҕоор, сөҕүүй
    Үрүйэчээммит мууһуран
    Үлүйбэккэ үөрбүтүн!

    1
    • Соьуйбат
      18 августа 2013  

      Наар саныыбын

      өйдүүбүн эйиигин сэгэрбин
      8руллэн кэлбит баттаххын
      8русуьэ куустуьа туьэрбит
      өр да, утатан уураьарбыт

      ол олус түргэнник
      оонньуур курдук ааста5ын
      ордон санаабытыгар хаалла5а
      олуста ахта саныыбын

      Эн онно үөскэппитин
      Эйиигинэ суох,биир кун
      Эйэлээхтик ааспата
      Эн баарын,миэнэ эрэ

      0
  • dipot
    18 августа 2013  

    Сайа "Саха сатаабата5а суох",

    диэн быьыылаах этэ, хоьоон тылларын суруйуоххут дуо баьаалыста. Махтал!

    0
  • Сахастрелец
    28 августа 2013  

    Сайа хоһоонун билбэт эбиппин, баалаама.


    Саха сатаабата суох дииллэр
    Саха буолбатах буоллаҕым дуу?
    Сатаабатым баҕас дьэ баһаам
    Сатыырым хата аҕыйах курдук

    Сатаан дьону үөрдэ ыллаабаппын
    Сатаан сүрэҕи уоскута ытаабаппын
    Сатаан бииртэн биири таптаабаппын
    Сатаан байар туһугар албыннаабаппын

    Сатаабаппын, элбэҕи да сатаабаппын
    Сатыахтаахпын да сатыы сатаабаппын
    Саарбахтыыбын, элбэҕи саарбахтыыбын
    Саарбах дьоннуун сатаан сатаспаппын

    Сатаабатым быһыыта, эйигин абылаабатым
    Сатаабатым, быһыыта санааҕын таппатым
    Самаан сайынныы сүрэххин уулларбатым
    Саха сатыахтааҕын сатаабатах буоллаҕым

    Саатар диэни умнубатах буоламмын
    Сатаан даҕаны албыннаабат эбиппин
    Саатар быһыыта сатаабатым кыысчааны
    Сардаана сибэккилии нарын кэрэчээни

    0
    • Эдьиий
      6 сентября 2013  

      Хомустаан

      Дьэ тыл-ес да баар, иэйии киэнэ диринэ, намчыта да баар дьоно эбиккит, бырааттаар. Маннык ыччаттар баалларын тухары саха саха буола туруога.

      0
  • Коля
    14 сентября 2013  

    Сардаана5а анаан..

    Мин кэлиэм, мин тиийиэм
    Эйиэхэ, эйиэхэ..
    Биир уту8 сарсыарда
    Силбиги кэhэммин
    Аргыыйдык, утары
    Сибэкки уунаммын
    Уйэлээх тапталга
    Арылла, бэринэ..

    Мин кэлиэм, мин тиийиэм
    Эйиэхэ, эйиэхэ..
    Биир уту8 киэhэ5э
    Соhуччу, да буоллун
    Аргыыйдык, эн, аан'н'ын
    Тон'суйуом доргуччу..
    Кууту85ум бу куну
    Эрэнэ, кэтэhэ..

    Мин кэлиэм, мин тиийиэм
    Оол, к8ст8р сарыалга..
    Кылбаарар, сандаарар
    Ыраах баар сулуска..
    Кун сирин киhитин
    Ыралыыр иэйиитин
    Эйиэхэ биллэриэм
    Нарыны, истин'и..

    Эн кэлиэн', эн тиийиэн'
    Оол, к8ст8р чаран'н'а
    Мин кууппут санаабар
    Соhуччу, да буоллун!
    Аргыыйдык сиэтэн'н'ин
    Кытарда долгутуон'
    Сипсийэн дьоллуо5ун'
    Нарыннык, истин'ник...

    0
    • кыыс
      14 сентября 2013  

      ханнык сардаана эьитэй

      Ээх мин сатан да суруйьаппын ээ
      миэхэ ким аныай?:-((

      0
      • Cардаана
        14 сентября 2013  

        1

        Коля, энтылларын мин куппун таарыйда, чолбон сулус кэриэтэ мин олохпун сырдатан ыллын

        0
        • Соьуйбат
          15 сентября 2013  

          Сардаана

          Сардаана тылланнын
          Сүрэхпэр эн киирдин
          Соьута к8р8ннүн
          Сөбүлээн бистим мин

          Хайдахда сууйбаккын
          Хара5ын уулларда
          Хаста сыл аастын
          Хам куустара таптаатым

          Туох диэн этэй
          Тиийэн кэллэхпинэ
          Т8тт8рү этиэ диэн
          Томсуйбакка турабын

          Саатар саас баттаан
          Сыалым олох этэ
          Сүрэ5им биир
          Сэрэнэн этиэм этэ

          0
        • куннэй)
          16 сентября 2013  

          коля5а)

          Хоьуйбут хоьоон'н'ун бэйэбэр ылынан аа5а сылдьыам..тапталым аата атын да буоллар)) хайдах эрэ миэхэ анаммыт курдук)) ыры санаа ымыыта гыныам ..ааспат ыарыыны эмтиэм ба5ар( не возражаешь, надеюсь) хоьоон аата хоьоон))) ким ба5ар аа5ар,бэйэтигэр ылынар..

          0
          • Куьунну сиккиэр
            21 сентября 2013  

            ...

            Бу сайын
            Ыьыахха
            Кордум мин эйиигин
            Ыраахтан
            Корсордуу эрэнэ
            Мичээрдии корбуккэр
            Харахпын кистээтим
            Кыбыстан
            Отут биэс хаар
            Хатыылаах хаьыҥа
            Куурдубут уостарбын
            Чугаһаан коруо диэн
            Эдэркээн моссуоммун
            Умнуо диэн
            Харыстаан...

            0
  • Чэмэлиинэ_
    9 октября 2013  

    Тыый, олус бэрт! :)

    Астына көрдүм, аахтым:)

    0
    • Соьуйбат
      10 октября 2013  

      олус бэт,инники хардыы,маннык баран ис

      Хоьоон хойдо турдун
      Уьугуннарар тапталы
      Сырдык күн мичээрэ
      Барыбытын куустун

      0
      • сайыына
        13 октября 2013  

        Хомустаан

        Наьаа да талааннаах эбиккин, кинигэ хомуурунньуга уруьуйдаргынаан тахсыбыта дуо, билинни ой- санаа, тыл-ос сатарыйыытыгар, маннык кэрэни кэрэхсиир, сатаан туойар, норуокка тиэрдэр дьон элбии тураллара буоллаар

        0
        • сайыына
          13 октября 2013  

          Хомустаан

          Ити суруйбут хоьоонноргун эдэр ыччат ортотугар, киэн аранага ватсабынан энин таргатыахха соп дуо?

          0
          • Хомустан
            13 октября 2013  

            Сайыына дорообо! Кинигэ туһунан толкуй суох. Онтон ватсаб туһунан эттэххэ - таһаар ээ.

            Манна да ватсабка да сылдьыбыта биир ини. Этэҥҥэ буол!

            0
            • Хомустан
              9 ноября 2013  

              .

              Сайыҥҥы көтөрдөр үөрдүһэн -
              Соҕуруу көттүлэр субуһан.
              Саһарбыт сэбирдэх санньыардык -
              Лабааттан тэлээрдэ арахсан .
              Тыатааҕы кыстыырдыы оҥостон -
              Арҕаҕар хаптайда-утуйда.
              Сөкүгэ саҕынньах кэтээри –
              Сытынна бороҥуй табысхаан.
              Биллэрдик кылгаата күн уота -
              Сылааспыт күрэннэ соҕуруу .
              Сүөһүлэр маҥыраан-айаатаан -
              Хотоҥҥо хотоһон киирдилэр.
              Силлиэрэ-иһиирдэ хотуттан -
              Сайынын сынньамыт буркуммут.
              Эбэлэр тымныйан-налыйан -
              Тараччы тоҥнулар мууһунан.
              Нырыылаах уолаттар эбэҕэ –
              Балыгы үүрэллэр муҥхаҕа.
              Кыһыммыт кэлбитэ түргэнин -
              Кыс хаарбыт түспүтэ өлгөмүн.
              Оҕуспут тыынара кытаатан -
              Мас тостор тымныыта түһүөҕэ.
              Сотору Саҥа Дьыл кэлиэҕэ -
              Олохпор биир сылы эбиэҕэ.
              Сырайбар сурааһын эбиллиэ -
              Чанчыкпар баттаҕым маҥхайыа.
              Онтон дьэ сандаара-сыдьаайан -
              Саас кэлиэ биһиэхэ эргийэн.
              Сүрэхҕим үөрүүннэн туолуоҕа -
              Күүс буолан киириэҕэ сүһүөхпэр.
              Хаар ууллан харалдьык тахсыыта-
              Ньургуһун тыллыаҕа кырдалга.
              Оччоҕо халлааны кырсынан -
              Хаһыытаан аһыаҕа үөр куба.
              Күөллэрбит муустара устаннар -
              Күөнэхпит тахсыаҕа налыыга.
              Хонууга сибэкки арааһа -
              Күн уотун батыһа үүнүөҕэ.
              Сайыммыт эргийэн кэлиитэ -
              Сир аайы ыһыахпыт ыһыаҕы.
              Хотуурдаах-кыраабыл ыламмыт -
              Алааска хотоһо хаамыахпыт.
              Ойуурга тиит-хатыҥ анныгар -
              Үүнүөҕэ сир аһа өлгөмнүк.
              Хаһыҥнар сарсыарда түһэннэр -
              Күһүммүт эргиллэн кэлиэҕэ.
              Эмиэ дьэ халлааны кырсынан -
              Төттөрү ааһыаҕа үөр куба.

              0
  • Хомустан
    20 апреля 2014  

    .

    Барытын ааҕыан баҕалаахтарга бу тиһигин угабын.
    “Кэпсээннэргэ”:
    http://forum.ykt.ru/viewtopic.jsp?f=154&id=1923439
    “Дьоһун саас түһүлгэҕэ”:
    http://forums.ykt.ru/viewtopic.jsp?id=3049722&f=298
    “Кэпсээннэргэ” баара утары суруллуу. Онон хайдах суруллубутунан, комменнардыын сылдьар.
    Онтон “Дьоһун саас түһүлгэ” форумҥа баар кэлиҥҥи эрэ комменнар, хоһооннордоох, хаартыскалардаах.

    0
  • бэргэн
    21 апреля 2014  

    хомустаан

    бар5а махтал

    0
  • Хомустан
    12 июня 2015  

    .

    Умнубут эбиппин эйигин -
    Эн сыккын, амтамҥын, сылааскын,
    Эн кэрэ мөссүөҥҥүн, мичээргин,
    Эн күлэр саҥаҕын, куоласкын.

    Өр кэмҥэ киэһэтин чуумпуга
    Бу баардыы эргиллэн кэлэрэ -
    Эн сытыҥ, амтаныҥ, сылааһыҥ,
    Мөссүөнүҥ, мичээриҥ, күлэриҥ...

    Кэлиҥҥи кэмнэргэ боруоран
    Өйбүттэн суураллан мэлийбит,
    Ыҥыран, ааттаһан көрдүм да
    Эргийэн кэлбэттии тимирбит.

    Умнубут эбиппин эйигин -
    Сыл-хонук буурҕата буруйан,
    Ханна эрэ тумулга хаалбыттар -
    Эн сытыҥ, амтаныҥ, мичээриҥ...
    *Хомустан*

    0
  • Хомустан
    13 июня 2015  

    .

    Соһуччу барыта эргийдэ -
    Дууһабын долгутта, ытатта,
    Эмискэ күөрэйдэ бу баардыы -
    Эн сытыҥ, амтаныҥ, мичээриҥ!

    Букатын сүппэтэх, саспатах,
    Өйбүттэн суураллан бүппэтэх,
    Үөрүүннэн уоттаата сүрэхпин -
    Эн сытыҥ, амтаныҥ, мичээриҥ!

    Бу баардыы иһиллэн кэллилэр -
    Эн күлүүҥ, эн дьикти куолаһыҥ,
    Хос аана оргууйдук сэгэйэн
    Көһүннэ эн кэрэ сэбэрэҥ!
    *Хомустан*

    1
    • Хомустан
      21 сентября 2015  

      .

      ххх
      Аттыбынан билбэт даамам -
      Духуу сытын арылытан,
      Ааста оргууй сэгэйэн -
      Кыталыктыы кынтайан.

      Кэрэ дьикти мөссүөнэ –
      Мөһүүрэлиир дьүһүнэ,
      Миигин тутан ааста дии –
      Мөҕүл гынна сүрэҕим.

      Обуйуктуур уостара –
      Хара хааһа, хараҕа,
      Хамсаан ылла кыратык –
      Харбаан ааста дууһабын.

      Эдэр кыыстыы сэгэйэн –
      Чэпчэкитик үктэнэн,
      Аттыбынан билбэт даамам
      Ааста харбаан дууһабын.

      Хомустан

      ***
      Сэгэрим саҥатын иһиттим
      Элбэх сыл кэнниттэн бу бүгүн,
      Унньуктаах кэм уутун нөҥүөлээн
      Эн күлүүҥ бу баардыы чугдаарда!

      Саҥабын истэҥҥин үөрбүккүн
      Сэрэйдим доҕоччуок, сэрэйдим,
      Оо эдэр даҕаны этибит,
      Эрэнсэр даҕаны буоларбыт!

      Ахтыбыт даҕаны эбиппин
      Эн күлэр саҥаҕын, мичээргин,
      Суохтаабыт даҕаны эбиппин
      Эн хара хараҕыҥ чаҕылын!

      Эргийбэт ол кэмнэр биһиэхэ
      Саҥалыы саҕалаан көрүөҕү,
      Биирдэ эмит ахтыбыт кэмнэрбэр
      Көҥүллээ - иһиллиэм күлэргин...

      Хомустан

      ***
      Ахтылҕаннаан харахтарым
      Аара суолга көрүстүлэр,
      Үөһээ аллараа көрүөлээн
      Үөрэттилэр быһыылаах.

      Ахтылҕаннаах харахтарым
      Оргууй сырдаан кэллилэр,
      Чыпчылыһа мичилиһэ
      Чаҕылыһан кэллилэр.

      Ахтылҕаннаах харахтар
      Үөрэн көтөн бардылар,
      Сымнаҕастык сылаастык
      Имэрийэ көрдүлэр.

      Ахтылҕаннаах харахтарым
      Уоттаах кыымы ыһыахтаан
      Аттыбынан аастылар,
      Аймаатылар дууһабын.

      *Хомустан*

      ***
      Эйигин таптаабат эбиппин,
      Эйигин суохтаабат буолбуппун,
      Эн кэрэ мөссүөнүҥ үөрдүбэт,
      Эн сытыҥ сүрэхпин иирдибэт.

      Хайа эрэ тумулга хаалбыттар,
      Хараҥа муннукка саспыттар,
      Эйиэхэ тардыһар санаалар,
      Эйигин ымсыырар ымыылар.

      Сүрэхпэр сүүрэлиир сүүрээннэр
      Сүүрүктүү устубат буолбуттар,
      Ханыыга халаатыыр харахтар
      Хайҕаабат-арбаабат буолбуттар.

      Эйигин таптаабат эбиппин
      Эрдэттэн этэбин баалаама,
      Эрэйи көрбөккө эн биһи
      Эргиллэн икки аҥыы суолланыах!

      Хомустан

      ***
      Барыта ааһыаҕа, бүтүөҕэ,
      Санаарҕаан санааҕын аймаама,
      Олохпут айанныыр, дьүккүйэр,
      Өссө да үөрүүбүт үксүөҕэ

      Үтүмэн үөрүүлэр иннигэр
      Үгүстэр доҕоччуок, саарбах суох,
      Ааспыты, бүппүтү аһыйан
      Айманан туһа суох, билэбин.

      Олоҕу саҥаттан сыаналаа,
      Кэмсинии кэп тылын киэр илгэн,
      Оччоҕо барыта эргийиэ
      Эрэлиҥ, тапталыҥ, итэҕэл.

      Хомустан

      ***
      Туох иһин эйигин таптыырбын
      Мин бэйэм даҕаны билбэппин,
      Билэбин эйигин таптыырбын
      Атынын толкуйдуу барбаппын.

      Аһары дьоннортон чорбойор
      Дьүһүнүҥ кылбайан көстүбэт,
      Ол эрэн сүүһүнэн куолартан
      Эйигин талыаҕым өрүүтүн.

      Билбэппин сүрэҕим туох иһин
      Талбытын таптаары доҕоччуок,
      Билэбин эйигин таптыырбын
      Тоҕотун тоокколуу сатаама.

      Хомустан


      ***
      Уоскуйан санааҕын сааһылан,
      Биир тэҥник күрдьүмэ сылаалаах,
      Тохтооҥҥун толкуйда толорун,
      Ол кэннэ кыралаан дьүккүйээр.

      Бэйэлээх Мин диэҥҥин күөмчүлээ,
      Мэһэйдиэ саҥаттан көрүүнү,
      Оччоҕо көстүөҕэ дьэҥкирдик
      Сөбө дуу, сөтөгөй дуу эбитин.

      Эбэтэр этиэҕэ ол санаа,
      Эн сөпкүн сыыспаккын сэргиэҕэ,
      Уоскуйан санааҕын сааһылан,
      Уоскулаҥ төннүөҕэ итэҕэй!

      Хомустан


      ***
      Ыраатта, бырастыы гыммытым,
      Ыраатта,
      Ол кэмтэн ыраатта даҕаны,
      Ыраатта.

      Бастакы кэмнэргэ муммутум
      Туох диэхпин билбэтим даҕаны,
      Ардыгар буруйдуу саныырым
      Кэнниттэн төттөрү хайгыырым.

      Эйиэхэ анааммын ол кэмҥэ,
      Итэҕэй билигин даҕаны,
      Кэп тылы санаабат да этим,
      Төттөрү бэйэбин мөҕөрүм.

      Ол онно бырастыы гыммытым
      Таптыырым бэрдиттэн буоллаҕа,
      Тапталтан биир хаамыы дииллэрэ
      Таптаабат дьон айбыт эбиттэр.

      Хомустан

      0
  • Хомустан
    15 января 2016  

    .

    ххх
    Эн дьолуҥ туһугар
    Бу буокка кутуннум,
    Толору куттаммын
    Туос этэн эрэбин.

    Алгыһы билбэппин
    Баалаабат инигин,
    Боростуой тыллары
    Тыыннаҕым буолуохтун!

    Аан бастаан эйиэхэ
    Дьол-соргу баҕарыым,
    Дьиэҥ иһэ үөрүүннэн
    Толору буолуохтун!

    Бастакы туос кэннэ
    Тураммын тоҥхоттум,
    Иккиспин кутуннум
    Этэрбин салҕаары.

    Доруобай буолаҥҥын
    Дьонноргун үөрдэ тур,
    Дьон-сэргэ эйигин
    Долгуйа көрүстүн!

    Үһүспүн үргүччү
    Кутуннум кылбаччы,
    Этэрим аччаата
    Бүтэһик туос хаалла.

    Тохтобул иннинэ
    Тапталлаах буол диибин,
    Харыстаа тапталгын
    Хараҕыҥ кэриэтэ!

    Дьэ эттим этэрбин
    Үс төгүл тураммын,
    Эппитим туолуохтун
    Дьол-соргу тосхойдун!

    ххх
    Ахтылҕан кууһума эн миигин,
    Сүрэхпин аалыма игииннэн,
    Түүн түүлбэр тууйума дууһабын,
    Күнүһүн санаабын иирдимэ!

    Санаабын атыҥҥа көһөрөн
    Сүрэхпин сынньата сатыыбын,
    Кииримэ, иирдимэ, аймаама,
    Түүн түүлбэр ыгыта тутума!

    Ахтылҕан эн миигин сордоомо,
    Син төннүөм баар эбээт дойдубар,
    Санаабын сойуолаан – бүт эрэ,
    Эргиллиэм, хайаан да эргиллиэм!

    ххх
    Ыҥырыма, угуйума, абылаама,
    Түүлбэр төннөн кэлимэ,
    Оспут бааһы хаҕылаама
    Бартыҥ эбээт аан сабан.

    Түлүк уубар түүл буолан
    Түүнүн миэхэ көстүмэ,
    Таптал сойбут кутаатын
    Төлөн уотун күөртээмэ.

    Умнубутум ол кэмнэри
    Уохтаах уоһуҥ амтанын,
    Кыйдаабытым сүрэхпиттэн
    Көмөр гынан ыспытым.

    Ыҥырыма, угуйума, абылаама,
    Түүлбэр төннөн кэлимэ,
    Таптал сойбут кутаатын
    Көрдөһөбүн күөртээмэ!

    ххх
    Тапталым эн миигин үүрүмэ
    Таһырдьаа аан диэки көрүмэ,
    Туох көммөт буруйу оҥорон
    Тас ааны көрдөрдүҥ, сайдаатыҥ.

    Ыраатан умуннуҥ диэн миэхэ
    Буруйдуур тыллары этимэ,
    Хайа да үөдэнҥэ буолларбын
    Хайаан да саныыбын сылаастык.

    Ол үөдэн быыһыттан эйиэхэ
    Биллэрэр кыах суоҕа, итэҕэй,
    Арай дьэ иччилээх түүллэргэр
    Тапталбын эппэтэх буоллаҕым.

    Доҕоччуок бииргэбит бэрдэ дии
    Туох мэһэй үөдүйдэ бу кэмҥэ,
    Чэ, кэбис кыыһырсан бүтүөххэ
    Иннибит кэрэтин саныахха.

    ххх
    Хаары хото бүрүммүт
    Хатыҥнардаах алааһым
    Кыһын түүнүн аайытын
    Көстөр түүлбэр көөчүктээн.

    Түүлбэр хаары оймооммун
    Чараҥ устун хаамабын,
    Куруук үүтээн ааныгар
    Быстар бүппэт мин түүлүм.

    Сарсыныгар эмиэ хаттаан
    Хаары кэһэн барыаҕым,
    Эмиэ аанҥа быстыа түүлүм
    Сарсыныгар төннөөрү.

    Ходуһабар хаар ууллуута
    Үөрэ-көтө бэдьэйиэм,
    Ааммын киэҥник арыйан
    Киириэм илэ үүтээммэр.

    Онтон оһох оттоммун
    Үүтээн иһин сылытыам,
    Ону кытта тура сүтүө
    Ахтылҕаннаах уһун түүл.

    ххх
    Халандаар бүтэһик лииһигэр
    Оргууйдук айаннаан кэллибит,
    Киэһэлик уон икки туолуута
    Саҥа Дьыл салаллыа биһиэхэ.

    Курааннар тыастара лиҥкинээн
    Бу сылы түмүктүө үөрүүннэн,
    Ол тыастан саҕалаан айаҥҥа
    Турунуо Саҥа сыл оргууйдук.

    Ааспыт сыл хас биирбит олоҕор
    Хаалларда умнубат түгэни,
    Сороххо хомолто, сороххо үөрүүнү,
    Барыбыт санныгар биир хаары.

    Ол эрэн оргууйдук тиийдибит
    Халандаар бүтэһик лииһигэр,
    Үөрүүннэн көрсүөҕүҥ саҥаны,
    Ырыаннан атаарыах ааспыты!

    Кэлэр сыл дьоллоотун дьоммутун,
    Бэйэбин, билбэт да дьоннорбун,
    Быһата доҕоттоор үөрүүннэн
    Быһыаҕыҥ халандаар ол лииһин!

    ххх
    Тиийэн кэллиҥ биһиэхэ
    Киирэн кэллиҥ тиэргэҥҥэ,
    Кэтэспиппит ыраатта
    Киириий, ааһыый ыалдьыппыт!

    Кэтэһэммит кэлтэйдибит
    Күнү, чааһы ааҕабыт,
    Кэлэр кэмҥин билэбит
    Көрсүһээри күүтэбит!

    Эйиэхэҕэ анааммыт
    Остуол тардан турабыт,
    Дьиэбит иһин симээммит
    Дьикти көстүү гынныбыт.

    Ыалдьыттыырыҥ тухары
    Үөрүү-көтүү үксээтин,
    Хааман ааһар кэмнэргэр
    Өрөгөй-талаан үрдээтин!

    Кэтэспиппит кэллиҥ ээ
    Сабыс саҥа Саҥа Дьыл,
    Киирэн аһаа, ыалдьыттаа
    Үүммүт үтүө Саҥа Дьыл!

    ххх
    Сырыттым оскуолам дьиэтигэр
    Элбэх сыл кэнниттэн бу бүгүн,
    Ахтыбыт даҕаны эбиппин
    Эйигин кырдьаҕас оскуолам.
    Сылтан сыл субуһан ааспыттар
    Элбэх да хаар ууллубут ол кэмтэн,
    Ол эрэн бу баардыы көһүннэ
    Оҕо саас эриэккэс кэмнэрэ.

    Оскуолам боруогун атыллаан
    Оҕо саас кэмигэр умустум,
    Санаабар кылааһы арыйан
    Оҕо саас утары көрүстэ.

    Санаабар бу баардыы көһүннэ
    Оҕоннон толору көрүдүөр,
    Кылаастан иһиллэр курдуктар
    Учуутал үөрэтэр саҥата.

    Сырыттым оскуолам дьиэтигэр
    Оҕо саас кэмигэр умсаахтыы,
    Дууһалыын долгуйдум-айманным,
    Санаалыын сырдаатым-чэпчээтим.

    0
  • кэролл
    20 января 2016  

    Браво!

    0
  • Хомустан
    24 января 2016  

    ххх

    Түүл буолан түннүккүн тоҥсуйан
    Түүн киириэм тоҥ уугун аймааммын,
    Бу илэ баар курдук буккуйуом
    Тапталтан тулаайах дууһаҕын.

    Толлойбут уостаргын уурааммын
    Туймаара уҥуоҕуҥ тоҥ уугар,
    Күнүһүн кыбыстар ис санааҥ
    Ол түүлгэр туоланнар баттатыаҥ.

    Сарсыарда им сырдыан иннинэ
    Сүтүөҕүм ол түүлтэн, хоойгуттан,
    Тулаайах тоҥ дууһаҥ бэйэтэ
    Хаалыаҕа хаһыҥнаах тэллэххэр.

    Биирдэ эмит санньыйар кэмнэргэр
    Сатаатар, санааҕар ыҥыраар,
    Оччоҕо түннүккүн тоҥсуйан
    Киириэҕим эн түүлгүн сылыта.

    ххх
    Кэтэһэн түннүккэ турдаҕыҥ
    Аартыгы одуулаан эрдэҕиҥ,
    Сэмээрдик хараҕыҥ уулара
    Иэдэскэр мөлбөйө сүүрдэҕэ.

    Санааҕар долгуйа күүтэргин
    Сэгэриэм - сүрэҕим сэрэйэр,
    Хайаан да эргиллиэм ахтаммын
    Ханнык да моһолу туорааммын.

    Билбэппин ол хаһан буолуоҕун
    Хайа дьыл кэмигэр туолуоҕун,
    Билэбин мин суолум эргийэн
    Хайаан да эйиэхэ тиэрдиэҕин.

    Кэтэһэн түннүккэ турдаҕыҥ
    Аартыгы одуулаан эрдэҕиҥ,
    Тиэргэнҥэр аллаах ат тохтуурун
    Сүрэҕиҥ иһиллээн эрдэҕэ.

    0
  • Хомустан
    24 января 2016  

    ххх

    Түүл буолан түннүккүн тоҥсуйан
    Түүн киириэм тоҥ уугун аймааммын,
    Бу илэ баар курдук буккуйуом
    Тапталтан тулаайах дууһаҕын.

    Толлойбут уостаргын уурааммын
    Туймаара уҥуоҕуҥ тоҥ уугар,
    Күнүһүн кыбыстар ис санааҥ
    Ол түүлгэр туоланнар баттатыаҥ.

    Сарсыарда им сырдыан иннинэ
    Сүтүөҕүм ол түүлтэн, хоойгуттан,
    Тулаайах тоҥ дууһаҥ бэйэтэ
    Хаалыаҕа хаһыҥнаах тэллэххэр.

    Биирдэ эмит санньыйар кэмнэргэр
    Сатаатар, санааҕар ыҥыраар,
    Оччоҕо түннүккүн тоҥсуйан
    Киириэҕим эн түүлгүн сылыта.

    ххх
    Кэтэһэн түннүккэ турдаҕыҥ
    Аартыгы одуулаан эрдэҕиҥ,
    Сэмээрдик хараҕыҥ уулара
    Иэдэскэр мөлбөйө сүүрдэҕэ.

    Санааҕар долгуйа күүтэргин
    Сэгэриэм - сүрэҕим сэрэйэр,
    Хайаан да эргиллиэм ахтаммын
    Ханнык да моһолу туорааммын.

    Билбэппин ол хаһан буолуоҕун
    Хайа дьыл кэмигэр туолуоҕун,
    Билэбин мин суолум эргийэн
    Хайаан да эйиэхэ тиэрдиэҕин.

    Кэтэһэн түннүккэ турдаҕыҥ
    Аартыгы одуулаан эрдэҕиҥ,
    Тиэргэнҥэр аллаах ат тохтуурун
    Сүрэҕиҥ иһиллээн эрдэҕэ.

    0
  • Хомустан
    9 февраля 2016  

    Компьютерга Пеин диэн программаҕа. Атын программалары эмиэ туһанабын.

    0
  • Эр_бэрдэ2
    9 февраля 2016  

    Хомустан туобугар ыллаан-туойан ааһыым дуу.

    Ырыа ыллыам этэ...

    Ырыа ыллыах буолбутум
    Байаан ылан сүкпүтүм,
    Сыана диэки хаампытым
    Тохтуу түһэн турбутум.

    Ытыс тыаһа хабыллар
    Онтон сүрэх долгуйар,
    Олус күүскэ тоҥсуйар
    Өйү-төйү бутуйар.

    Сүүстэн тахса харахтар
    Миигин тэһэ көрөллөр,
    "Ыллаа,ыллаа"- дэһэллэр
    Тугу эрэ ирдииллэр.

    Тылым миэнэ өҕүллэр
    Ырыам миэнэ мэлийэр,
    Кытар гына түһэбин
    Тахсан бара турабын.

    Дьиэбэр тиийэн саһабын
    Ааммын ыга хатыыбын,
    Харах уута ыгыллан
    Иэдэс устун таммалыыр.

    Өрүү миэнэ сатаммат,
    Ырыам тоҕо тахсыбат?..

    Байаан диэки уунабын
    Сэмээр ылан сүгэбин,
    Муннук диэки хайыһан
    Симтим оргууй харахпын.

    Элбэх миэнэ айымньым
    Ырыа буолуох хоһоонум,
    Онтон биири таламмын
    Ыллаан киирэн барабын.

    Үрүҥ-хара тимэхтэр
    Кэпсээн-ипсээн эрэллэр,
    Дорҕоон бэрдин тиһэннэр
    Матыып буолан ситэллэр.

    Хаппыт маһы көҕөрдөн
    Көмүс куолас кутуллар,
    Хатыҥ-чараҥ быыһынан
    Көҥүл көтөн дуорайар.

    Аптаах дойду арыллан
    Ырыам миэнэ ыраатар,
    Онно бары сэргииллэр
    Хабан ылан ыллыыллар.

    Хатыҥ бэстиин куустуһан
    Оргууй вальстаан эрэллэр,
    Саҥа быкпыт ньургуһун
    Лыахтыы дайан сапсынар.

    Манна бары тыыннаахтар
    Отой илэ курдуктар,
    Хоһоон-ырыа абыгар
    Өлбөт-мэҥэ уулаахтар.

    Ырыам миэнэ баранар
    Байаан эмиэ чуумпурар,
    Тула өттүм чуҥкуйар
    Баттык санаа түмүллэр.

    Дьоҥҥо тахсан ыллыахпын
    Ытыс тыаһын истиэхпин,
    Тоҕо миэхэ кыаллыбат,
    Тоҕо миэнэ сатаммат...

    0
    • Хомустан
      19 марта 2016  

      .

      ***
      Ыҥыраар эн миигин бэйэҕэр
      Ыҥыраар доҕоччуок, ыҥыраар,
      Ыҥыраар бэйэҕин уҥуордаан,
      Ыҥыраар дьон сиитин туораанҥын.

      Ыҥыраар сарсыарда эрдэлээн
      Күн уота түннүккэр тыгыыта,
      Ыҥыраар киэһэтин күн киирэн
      Таһырдьа хараҥа буолуута.

      Ыҥыраар хомойбут кэмнэргэр
      Ыар санаа ыгыта кууһуута,
      Ыҥыраар дууһаҕын ытыктыы
      Тыал түһэн ытыйан барыыта.

      Ыҥыраар үөрүүгүн үллэстэ
      Дьоро кэм тосхойор кэмигэр,
      Ыҥыраар көннөрү да күҥҥэ
      Оһоххор чаанньыгын тэбиитэ.

      Хомустан

      ***
      Санаабар эргиллэн көрөбүн
      Оҕо саас эргийбэт кэмнэрин,
      Оччоҕо ыраахтаан-ыраахтан
      Саҥаттаан төннөллөр ол кэмнэр.

      Эргиллэн уһуннук одуулаан,
      Олоотоон көрөбүн ол кэми,
      Ыраахтаан - ыраахтан тырымнаан
      Төннөллөр оҕо саас күннэрэ.

      Бииртэн биир чугаһаан кэлэллэр
      Чуоккайдык харахпар көстөллөр,
      Тырымнаат эмиэ дьэ сүтэллэр
      Хаар саппыт тумулун кэтэҕэр.

      Санаабар эргиллэн көрөбүн
      Оҕо саас эргийбэт кэмнэрин,
      Хайыамый сыл-хонук эргиирэ
      Ырааттар-ыраатар, ситтэрбэт...

      Хомустан

      0
  • Хомустан
    24 марта 2016  

    ***
    Доҕоччуок көтүһүүй миигинниин
    Киэһээҥҥи чуумпуга дьаарбайа,
    Халлаантан сарыалы одуулуу
    Көтүөхпүт наҕыллык дайбанан.

    Доҕоччуок көтүһүүй миигинниин
    Чуумпурбут алааспыт үрдүнэн,
    Туманҥа сууламмыт чараҥмыт
    Суугуна далбаатыа сэмээрдик.

    Доҕоччуок көтүһүүй миигинниин
    Күөх халлаан урсунан тэлээрэн,
    Үөһэттэн, кый үрдүк чыпчаалтан
    Күн киирэн саһарын көрүөхпүт.


    Доҕоччуок көтүһүүй миигинниин
    Куустуһан уһуннук көтүөхпүт,
    Былыкка умсаахтаан ылыахпыт
    Тапталга уйдаран дайыахпыт...

    0
  • Хомустан
    20 апреля 2016  

    ***
    ***
    Эргийиэх вальстаан доҕоччуок
    Эдэр саас кэмнэрин санаһа,
    Эйээрэр музыка тыаһыгар
    Эн-биһи иккиэбит бу залга.

    Хаҥаскын санныбар тайанаар,
    Уҥаҕын ытыспар уларыс,
    Оргууйдук хаҥастан саҕалаан
    Эргийиэх эдэр саас вальсыгар.

    Эргэрбэт музыка тыаһыгар
    Эргийиэх эрчимнээх вальска,
    Эдэр саас ханнаҕын доҕоччуок
    Эрчимнэ эбиһиий эргииргэ.

    Зал иһин эргийэ эргийиэх
    Музыка сыыйыллар тыаһыгар,
    Эдэр саас эргийиэ биһиэхэ
    Эргийсиэ - вальстаан элээриэ.

    Хомустан.

    0
    • Хомустан
      25 июня 2016  

      .

      ***
      Эбэбэр, Арыылаах алааспар
      Саас кэлэн хаар намтаан эрдэҕэ,
      Чараҥым хатыҥа уһуктан
      Тыал хоту далбаатыы дайдаҕа,
      Арыыга, аартыкка, баай тииккэ
      Хара суор сымыыттыы сыттаҕа,
      Хаһыыга үөр туллук мунньустан
      Туртаҥныы-тэлээрэ көттөҕө,
      Айанньыт табысхаан чараҥмар
      Сылайан сынньанан аастаҕа,
      Моҕотой барахсан уһуктан
      Кэриини кэрийэ тэптэҕэ,
      Тиэргэҥҥэ доҕорум куртуйах
      Чөл хаарга хонуктаан аастаҕа,
      Кыстаабыт кутуйах тоҥокко
      Уйдаран мэниктии сүүрдэҕэ,
      Үүтээним сарайын чопчута
      Сир диэки субулла үүннэҕэ,
      Эбэҕэ Баһылай куйуурдаан
      Ойбону буккуйан эрдэҕэ,
      Сотору халлааны кырыйа
      Хаас үөрэ ааһыаҕа хаһыытаан,
      Ол кэмҥэ алааспар киирдэрбин
      Саас сытын ыймахтыы тыыннарбын.

      ххх
      Сотору сылыйан саас кэлэн
      Налыыга хаар уута халыйыа,
      Кырдалга нуоҕайа тэтэриэ
      Бастакы ньургуһун дьөрбөтө.
      Көлүччэм уутугар көҕөн кус
      Түһүөҕэ дьүөгэтин кытары,
      Ол онно кырдьаҕас андаатар
      Уһуннук, кичэйэн суунуоҕа.
      Эбэбэр уу сайбыт сиригэр
      Соболор көбөннөр – ас тахсыа,
      Дьындаҕа үөр бараах түһэннэр
      Бөтүүктүү, охсуһа оонньуоҕа.
      Чараҥҥа, баараҕай хатыҥтан
      Чобуотук чоргуйуо кэҕэ кыыл,
      Кыырайтан сууллаары соһутуо
      Кыракый күүс көтөр үгүрүө.
      Кырдалтан дьурулаан иһиллиэ
      Күөрэгэй чыычааҕым тойуга,
      Сарайга сыбыытаан сылгыычай
      Саҥаттан сөргүтүө уйатын.
      Кэриигэ доҕорум курпааскы
      Бэбээриэ ханыытын ыҥыран,
      Халлааны хайыта хаһыытаан
      Субуллан ааһыаҕа үөр куба.
      Сэлэммит сылгылар үөрдэрэ
      Көҥүлгэ көччүйэ дьаарбайыа,
      Дуоһуйа маҥырыы мэччийиэ
      Хотонтон тахсыбыт сүөһүлэр.
      Оччоҕо мин эмиэ хомунуом
      Кус маныы алааспар тэбиниэм,
      Саас кэлбит ырыатын иһиллээн
      Сүрэҕим үөрүүннэн туолуоҕа.

      ххх
      Эбэбэр, Арыылаах алааспар
      Ходуһам көҕөрөн эрдэҕэ,
      Хонуубар сибэкки арааһа
      Дьэрэкээн ойуутун ыстаҕа.
      Сарсыарда эрдэлээн, тумантан
      Күн тахсан эбэҕэ сууннаҕа,
      Сардаҥа сиик устун ойуолаан
      Дьэргэлгэн кустугун сүүртэҕэ.
      Чараҥым хатыҥа симэнэн
      Долгуйа далбаатыыр буоллаҕа,
      Мутукча сытынан дыргыйан
      Арыы тыам суугуна ситтэҕэ.
      Сыһыыга далбарай ырыата
      Үөһэттэн дьырылыы көттөҕө,
      Сибэкки аайытын лыах мустан
      Дайбаҥныы дайдаҕа тыаллаахха.
      Эмиэ дьэ сэмэнтээл айаатаан
      Алааспын доргутан эрдэҕэ,
      Өтөххө, күлүккэ үөр сылгы
      Дэйбиирэ далбаатыы турдаҕа.
      Киэһэтин күөл ньуурун оймолоон
      Күн киирэн сарыала састаҕа,
      Туманы бүрүнэн үрүҥ түүн
      Сыһыыбар сатыылыы хаамтаҕа.
      Эбэбэр, Арыылаах алааспар
      Сайыным барахсан кэллэҕэ,
      Алааһым уһуктан, киэркэйэн
      Оо тупсан даҕаны турдаҕа!

      ххх
      Дойдубут устунан хотоһон
      Хоҥунна хотторбот холуонна,
      Кыайыыны аҕалбыт буойуттар
      Тыыннаахтыын өлбүттүүн бу бааллар.

      Өлбүттэр, тыыннаахтар кэккэлээн,
      Чиҥ-чиҥник дьиппиэрдик хардыылаан,
      Мөлүйүөн эрээккэ холбоһон
      Биир тэҥҥэ үктээннэр ааһаллар.

      Ааһаллар эдэркээн буойуннар
      Эргиллэн кэлбэтэх эрэллэр,
      Ааһаллар кыайыылаах эргийбит
      Астыйбыт баттахтаах саллааттар.

      Биир өрүс сүүрүгэ буоланнар
      Ааһаллар хотторбот хоһууннар,
      Ээй доҕоор эн эмиэ холбоһууй
      Кыайыыга махтанар хаамыыга!

      0
  • Хомустан
    8 сентября 2016  

    ***
    Эбэҕэ эн хаампыт кытылгар
    Күһүммүт эргийдэ чиҥ-чиҥник,
    Эмиэ дьэ көтөрдөр үөрдэрэ
    Көттүлэр аймана-айдаара.

    Эн биһи көрсүһэр хатыҥмыт
    Тулаайах тураахтыыр кытылга,
    Лабааҕа ыйаабыт былааткын
    Тыал устан көтүтэн барбыта.

    Күһүнүн аайытын бу кэмҥэ
    Кытылга, хатыҥҥа сылдьабын,
    Урукку курдуктук өйөнөн
    Хатыҥым сиккиэрин истэбин.

    Билэбин эн аны хатыҥҥа
    Миигинниин көрсүһэ кэлбэккин,
    Сылаастык мичээрдээн-мичийэн
    "Дорообо доҕоччуок" - диэбэккин.

    Уһуннук хатыҥҥа өйөнөн
    Ол кэми долгуйа саныыбын,
    Оччоҕо санаалыын сырдыыбын,
    Сүөм үрдүүр курдуктуу буолабын.

    Хомустан

    ***
    Күһүнү санатар тымныы тыал
    Кыһыны аҕала сатаама,
    Кэмигэр кэлиэҕэ аргыйан
    Алааспын хаарынан бүрүйэн.

    Күһүнү санатар тымныы тыал
    Хатыҥым суугунун хастаама,
    Өссө да чараҥым күөх эбээт
    Саһаран кэхтэрин күүтэ түс.

    Күһүнү санатар тымныы тыал
    Отторум түстэрин тыытыма,
    Сылгыбын кыстатар хаһааспын
    Хаар, ардах уутугар аһыма.

    Күһүнү санатар тымныы тыал
    Эн уоскуй, уҕарый, тыынна ыл,
    Сайыммыт өссө да баардыҥы
    Өл ыла түһүөхпүт ыксаама.

    Хомустан

    ***
    Көлүччэм уутугар ый түһэн
    Мөһүүрэ суол кутан хаалларбыт,
    Кытылтан кытылга диэритин
    Долгуйар көбүөрү тэлгээбит.

    Дьиримниир-мичиҥниир суолунан
    Уҥуоргу хатыҥнар хаамсаллар,
    Ардыгар үөр сылгы буоланнар
    Туманҥа туртаҥныы сырсаллар.

    Тыалыран ылыыта далбаатаан
    Дэйбиирдээх далбардар курдуктар,
    Чуумпуга халадаай таҥастаах
    Кыргыттар буоланнар усталлар.

    Көлүччэм уутугар ый түһэн
    Дьэргэлгэн ыһыаҕын оонньообут,
    Уҥуоргу хатыҥнар ол онно
    Дьуохардьыт дьоннордуу хаамсыыллар.

    Хомустан.

    ***
    Хоттордум дии саныыр буолума
    Кыайыы да элбэҕэ олоххор,
    Санааҕын самнарар буолума
    Үөрүү да кэлиэҕэ, итэҕэй!

    Хотторбут, охтубут киһини
    Мөлтөх да өһүрэн тэбиэҕэ,
    Кыахтааххын, кыанаргын көрдөрөн
    Охсууттан охтума, самныма!

    Охсууну эн тулуй, охтума
    Барыта ааһыаҕа, оһуоҕа,
    Ойуурдаах куобахтыы эн санан
    Эргиллиэ үтүө күн, Эргиллиэ!

    Хомустан

    ***
    Өйдүүгүөн күһүнҥү нууралга
    Күүлэйдии хаамарбыт куустуһан,
    Суолбутун сулустар дьиримнээн
    Сырдата сыдьаайар этилэр...

    Ол онно күһүнҥү халлаанҥа
    Биир сулус мэлдьитин үөрэрэ,
    Мөлүйүөн сулустан арааран
    Одуулуур буоларбыт кинини...

    Кинини хойутун даҕаны
    Буламмыт одуулуох буоларбыт,
    Ол сулус нөҥүөлээн ыраахтан
    Эҕэрдэ ыытыһыах буоларбыт...

    Олохпут суоллара арахсан
    Ол кэми хаарынан саппыта,
    Ол сулус билигин халлаанҥа
    Көстүбэт буолбута ыраатта...

    Өйдүүгүөн күһүнҥү нууралга
    Күүлэйдии хаамарбыт куустуһан,
    Ол онно күһүнҥү халлаанҥа
    Биир сулус мэлдьитин үөрэрэ...

    Хомустан

    0
  • 0024498п
    1 октября 2016  

    Көтөбүн...

    Көтөбүн олоҕум үрдүнэн,
    Кэрийэ дайабын хас биирдии кэминэн,
    Көрөбүн төрөөбүт көлүччэм быыкайкаан бэйэтин,
    Көҕөрөр мырааннаах Абыйым ньуурдарын.

    Түүлбэр дуу,илэ дуу Көҥүлгэ көтөбүн,
    Түһэбин ардыгар тапталлаах арыыбар,
    Олоҕум ол сырдык кэрчигэр,
    Оһуордаах көбүөрүн үрдүгэр.

    Эргийэ көтөбүн мин арыт,
    Элийэ быһаммын илдьээри,
    Эйэлээх түгэни санаары,
    Эдэрбин ардыгар дэтээри.

    Көтөбүн оҕо саас түүлүгэр,
    Ып -ыраас санаалаах бэйэбэр,
    Оҕо саас мин чугас дьоннорбор,
    Оһуордаах мырааннаах биэрэкпэр.

    Өксүүsmiling face with smiling eyessun behind cloudcloudsun with face.

    Бааргыт дооо?

    Бирибиэттэриҥ,мин саҥа киирэн ааҕа сатыы сылдьабын бу баҕар ким эмит ааҕаарай диэн ыытабын.

    0
    • Хомустан
      1 октября 2016  

      .

      ***
      Туох сонун доҕоччуок, туох сонун,
      Кэпсээриий доҕоччуок кыратык,
      Баҕардар элбэхтик да буоллун,
      Эн кэпсээ, мин истиэм чуумпуран.

      Таһырдьа сандааран кыһыл ый
      Кыыстаах уол суолларын сырдатар,
      Эн кэпсээ туохта эмит, сэһэргээ,
      Аахпытыҥ да буоллун, мин истиэм.

      Баҕардар баҕаҕын да буоллун,
      Эбэтэр ааспыттан кыратык,
      Бу ыйдаах күһүҥҥү киэһэҕэ
      Сэһэргээ доҕоччуок туохта эмит.

      Хомустан

      0
    • Хомустан
      3 ноября 2016  

      .

      ххх
      Алааһым киэһэрэн, чуумпуран
      Үүт туман суорҕанҥа сууланна,
      Хатыҥнаах чараҥым иһийэн
      Суугунун сэмээрдик тараанна.

      Көлүччэм үрдүнэн туолбут ый
      Оргууйдук мөлбөйө уһунна,
      Күлүгэ долгунҥа бигэнэн
      Дьиримнии-мичиҥнии тыргыйда.

      Ходуһам тумана дьайҕаран
      Сиик буолан хонууга сытынна,
      Сэмэйдик сэрэнэн үктэнэн
      Үрүҥ түүн сатыылыы нөрүйдэ.

      Алааһым утуйда, чуумпурда
      Үүт туман суорҕанҥа сууланан,
      Ханна эрэ, отууга, ыт үрдэ
      Уонна эмиэ чуҥкунуу иһийдэ.

      ххх
      Эбэбэр, Арыылаах алааспар
      Сайыным ортолоон эрдэҕэ,
      Ходуһа устунан хотоһон
      Хотуурдаах хоһууннук хаамтаҕа.
      Ойуурга, тиит тыаҕа, кэриигэ
      Сир аһа үүннэҕэ, ситтэҕэ,
      Эбэҕэ быччыкы үөрдүһэн
      Күөл ньуурун долгутан аастаҕа.
      Көлүччэм уутугар көҕөн кус
      Ыччата кынакка турдаҕа,
      Табысхаан оҕото улаатан
      Кэнчээри кэбийэ киирдэҕэ.
      Киэһээҥҥи бороҥуй халлаанҥа
      Түлүрбэх тэйбэҥнии көттөҕө,
      Күн эмиэ сааскылыы санньыйан
      Эбэҕэ сөтүөлээт састаҕа.
      Сотору хаһыҥнар түһэннэр
      Хатыҥым саһархай өҥнөнүө,
      Киэһээнҥи чуумпуну аймааннар
      Кусчуттар саалара сөтөллүө.
      Эбэбэр, Арыылаах алааспар
      Сайыным ортолоон эрдэҕэ,
      Ол дьоннуун хотоһо хаамтарбын
      Салгынын толору тыыннарбын!

      ххх
      Эбэбэр, Арыылаах алааспар
      Кыһыным эргийэн кэллэҕэ,
      Сайынҥы көтөрдөр күрээннэр
      Алааһым иһийэн турдаҕа.
      Ходуһам, чараҥым, тиит арыым
      Хаарынан бүрүллэн сыттаҕа,
      Долгуйар долгуннаах эбэбэр
      Муус туран килэччи күллэҕэ.
      Сылгылар үөрдэрэ хаһыылаан
      Кытылы эргийэ хаамтаҕа,
      Кутуйах хороонун кэрийэн
      Саһылым сыбдыйан аастаҕа.
      Доҕорум куртуйах тиэргэммэр
      Дьүөгэтин кытары хонноҕо,
      Сайынын сыбыытыыр моҕотой
      Утуйан сылдьыбат буоллаҕа.
      Хара суор алааһым үрдүнэн
      Алакыы хаһыытыы көттөҕө,
      Талахпын кэбийэ чараҥмар
      Табысхаан ороҕун тэптэҕэ.
      Эбэбэр, Арыылаах алааспар
      Кыһыным эргийэн кэллэҕэ,
      Ходуһам, чараҥым, тиит арыым
      Кыһынҥы киэргэлин кэттэҕэ!

      0
  • Хомустан
    5 ноября 2016  

    ***
    Хараҥа халлааным киэлитин
    Таас уота суугунуу-сандаардар,
    Сэттэ араас өҥүнэн сардырҕаан
    Сөҕүмэр суһума дьиримниир.

    Күөх, кыһыл, араҕас уотунан
    Араастаан субулла сыыйыллар,
    Ардыгар биир сиргэ буруйан
    Эриллэ, эргийэ тыргыллар.

    Дьүкээбир кутаата сардырҕаан
    Дьүкээбил сээдьэни үҥкүүлүүр,
    Суһума таһырҕыы умайан
    Таастан кыым саҕылла кытыастар.

    Хомустан

    0
  • Хомустан
    14 ноября 2016  

    ***
    Эбэҕэ эн хаампыт кытылгар
    Күһүммүт эргийдэ хаһыҥнаан,
    Эмиэ дьэ хатыҥнар саһаран
    Сэбирдэх көмнөҕүн ыстылар.

    Эн биһи көрсүһэр хатыҥмыт
    Тулаайах тураахтыыр кытылга,
    Аттыгар баай хатыҥ турбута
    Былырыын биир тыалга суулбута.

    Билэбин эн аны хатыҥҥа
    Миигинниин көрсүһэ кэлбэккин,
    Сылаастык мичээрдээн-мичийэн:
    "Дорообо доҕоччуок!" - диэбэккин.

    Олохпут суоллара арахсан
    Ойуттан түспүтэ тапталбыт,
    Хатыҥҥа ыйаабыт былаатыҥ
    Уоттуйан күл буолан көппүтэ.

    Эбэҕэ эн хаампыт кытылгар
    Күһүммүт эргийдэ хаһыҥнаан,
    Эн биһи көрсүһэр хатыҥмыт
    Тулаайах тураахтыыр
    кытылга.

    Хомустан
    image

    image

    image

    0
  • Хомустан
    8 марта 2017  

    Туруоруом сарсыарда эрдэлээн
    Күн тахсар сарыала кыыһыыта,
    Илиҥҥи саҕахтан саҕалаан
    Саһарҕа былыкка тыгыыта.

    Киириэхпит кытылга сиик кэһэн
    Саҥа күн тахсарын одуулуу,
    Астына-дуоһуйа истиэхпит
    Алааспыт уһуктар сиккиэрин.

    Тииттэрбит төбөтүн сырдатан
    Күн тахсан күлүмнүү сыдьаайыа,
    Эбэҕэ умсаахтаан сөтүөлээт
    Алгыстаах айанҥа аттаныа.

    Сардаҥа кыымнара түһүүтэ
    Саҥа күн тойуга дьиэрэйиэ,
    Түүнҥү сиик сыһыыга сандааран
    Дьэрэкээн дьэргэлгэн дьиримниэ.

    Туруоруом сарсыарда эрдэлээн
    Күн тахсар сарыала кыыһыыта,
    Хайаан да уһуктаар биэбэкээм -
    Киириэхпит кытылга сиик кэһэн.

    Хомустан

    0
  • Хомустан
    5 мая 2017  

    ***
    Эйиэхэ дьол булан бэлэхтиэм
    Ханнатын билбэппин да буоллар,
    Булгуччу буламмын бэлэхтиэм
    Эн этиий дьоллоро хайдаҕый?

    Баҕардар оoл көстөр маҕаһыын
    Атыылыыр буолаарай ол дьолу,
    Эбэтэр таҥара былыттан
    Түҥэтэр тэрилэ буолуо дуо?

    Хайа да моһолу туоруоҕум,
    Халлаанҥа хатаастыам хайаннан,
    Хапчаанҥа даҕаны хорҕойдун
    Хайаан да булардыы кыһаллыам.

    Хайдаҕын, ханнатын билбэппин
    Ол эрэн көрдүөҕүм эн эрэн,
    Дьоллорун булгуччу булуоҕум
    Бэлэхтээн үөрдүөҕүм эн кэтэс!

    Хомустан
    ***
    Сыл хонук сүүрээнэ түргэниэн,
    Үрэхтии сүүрүгэ дохсунуон,
    Тумустан тумуска охсуллан
    Айана ааһара алыһыан!

    Харгыска хааттаран турбакка
    Хаамара хардыыта холуһуон,
    Сылааны билбэккэ субуллан
    Сырыыта сыыдамын эбитиэн!

    Сороҕор дьоллонор кэмнэрбэр
    Тохтотон-уһатан биэрдэрбиэн,
    Айманар-алдьанар күннэрбин
    Сууххайдык аһардар буолларбыан!

    Сыл хонук сүүрээнэ түргэниэн,
    Сүүрүктээх үрэхтии дохсунуон,
    Сылааны билбэккэ субуллан
    Сырыыта сыыдамын эбитиэн!

    Хомустан
    ***
    Эн бүгүн атынҥын букатын
    Сырайдыын, туттардыын, саҥалыын,
    Мин эмиэ сүүрүккэ суураллан
    Уруккум буолбатах, билэбин.

    Умнубут чугастыы кэмнэрбит
    Ардыгар эргиллэр санаабар,
    Эйиэхэ даҕаны быыһыгар
    Быгыалаан эрдэҕэ - быыс булан.

    Төһө да кэм аастар, ырааттар,
    Олохпут атылыы суолланнар,
    Баар этэ буолбат дуо - хаардаахха
    Суолларбыт кэккэлии тыргыйта?

    Таптаһар даҕаны этибит,
    Күммүтүн таһаарсар буоларбыт,
    Сатаатар хараххын хамнатан
    Билиниий ол былыт саппытын!

    Эбэтэр тус бэйэм түһээбит -
    Түүлэрбин кэпсээтим дуу - хайдах?,
    Халтаһаҥ ибирдээн хараҕыҥ
    Хамсаата, эн биллиҥ, мин көрдүм!

    Эн бүгүн атынҥын букатын
    Сырайдыын, туттардыын, саҥалыын,
    Ол эрэн эргиллэн эн көрдүҥ -
    Уруккуҥ курдуктук мичийдиҥ!

    Хомустан
    ***
    Эллээхпэр эйигин булбакка
    Элгээни эргийэн ааспыппын,
    Кытылга тураргын көрбөккө
    Кэриини кэрийэ хаампыппын.

    Хахыйах буоланҥын саспыккын
    Хайааммын билиэмий - биэбэкээм,
    Лабааҕын далбаатаан ылбыккын
    Харахтаан таайбакка хаалбыппын.

    Кыыс хатыҥ буоланҥын симэнэн
    Кытылга киэргэнэн тураргын
    Алҕаска көрөммүн аллайдым,
    Сөбүлээн сүрэхпин астардым.

    Сэгэрим хахыйах буоланҥын
    Кытылга саспыккын булбакка,
    Кытыым да кыһыйан көрбөккө
    Кэрииннэн кэдээхтии көппүппүн.

    Хомустан

    ***
    Айаннаан иһэбин суолбунан -
    Бэйэбэр аналлаах ыырбынан,
    Ыллыгым тыргылла-
    субуллан -
    Тайҕаны быыһынан сыыйыллар.

    Аартыкпар көрсөллөр аргыстар-
    Алтыһан аасыһар доҕоттор,
    Ардыгар ытыран хаалаллар -
    Адьырҕа бөрөлөр, ыарыылар.

    Үөрбүтүм-көппүтүм дууһабар -
    Ыллыкпын сырдатар сирдьиттэр,
    Хомойуу, хоргутуу, хомолто -
    Санаабын туһахтыыыр доҕуурдар.

    Сүгэһэр, таһаҕас буолаллар -
    Санныбар ууллубут кыс хаардар,
    Эргиирбэр эрчими эбэллэр -
    Эрэлим, Тапталым, Итэҕэл.

    Айаннаан иһэбин суолбунан -
    Айыыһыт кэмнээбит ыырынан,
    Иннибэр - талахтар, аабылар,
    Алаастар, эбэлэр, толооннор...

    Хомустан


    ***
    Алааһым хатыҥнаах чараҥа
    Кэлэрбин кэтэһэ күүттэҕэ,
    Төннүөхтээх аартыкпын уһуннук
    Олоотуу-одууулуу турдаҕа.

    Саас иһэр сайаҕас сиккиэрин
    Син истэн эрдийэ тыыннаҕэ,
    Хам баттыыр кыс хаары, кырыаны
    Тыал тэбээн сыа хаарга ыстаҕа.

    Унньуктаах кыһынҥы түүннэргэ
    Сайыны түүл гынан көрдөҕө,
    Мэник тыал аастаҕын аайытын
    Далбаатыан баҕаран эрдэҕэ.

    Сайылыыр өтөҕүм хатыҥа
    Чуумпуран-чуҥкуйан турдаҕа,
    Үүтээним ураатын буруотун
    Күннэтэ манаһа-күүттэҕэ.

    Хомустан

    ***
    Сайдам сахам дьоно барахсаттаар!
    Истэҕиэт - саас дьыбардаах сарсыарда сатарыыр саҥатын,
    Тымтар тымныы оҕуһун алаастартан, тыалартан
    Хотугу муораҕа үүрэн, үүрбэлээн сайдыырын?

    Көрдүгүөт - кыырай мэҥэ халлаантан,
    Саас сайаҕас, сайдам бэриэччиттэрэ,
    Кыракый кылбаа маҥан туллуктар
    Кыраһа кырыатын - кылбачыта тэбииллэрин?

    Икки тыҥаҕытынан, таныыларгытын тардырҕатан,
    Ирэн сымнаабычча, сылыйбычча буолбут,
    Көй сааскы, ииримтийбит салгыны
    Итириэххитигэр дылы - ыймахтаатыгыат?

    Сайдам сахам дьоно барахсаттаар!
    Истэҕиэт - алаастарга сайдыыр саҥа, дьыбарга, сатарыыра иһиллэр буолбаат!
    Көрөҕүөт - туллуктар халлаан кырыатын тэбээн, кылабаччытан, эрэллэрэ көстөр буолбаат!
    Тыынаргытыгар - сылаас сааскы көй салгын, сайа охсон, илгийэн эрэрэ биллэр буолбаат!

    Хомустан

    ***
    Туруоруом сарсыарда эрдэлээн
    Күн тахсар сарыала кыыһыыта,
    Илиҥҥи саҕахтан саҕалаан
    Саһарҕа былыкка тыгыыта.

    Киириэхпит кытылга сиик кэһэн
    Саҥа күн тахсарын одуулуу,
    Астына-дуоһуйа истиэхпит
    Алааспыт уһуктар сиккиэрин.

    Тииттэрбит төбөтүн сырдатан
    Күн тахсан күлүмнүү сыдьаайыа,
    Эбэҕэ умсаахтаан сөтүөлээт
    Алгыстаах айанҥа аттаныа.

    Сардаҥа кыымнара түһүүтэ
    Саҥа күн тойуга дьиэрэйиэ,
    Түүнҥү сиик сыһыыга сандааран
    Дьэрэкээн дьэргэлгэн дьиримниэ.

    Туруоруом сарсыарда эрдэлээн
    Күн тахсар сарыала кыыһыыта,
    Хайаан да уһуктаар биэбэкээм -
    Киириэхпит кытылга сиик кэһэн.

    Хомустан

    0
  • Хомустан
    11 июля 2017  

    ***
    Кууһабын уотунан умайан -
    Ахтыбыт, аймаммыт бэйэҕин,
    Көрөбүн эн үөрбүт хараххын -
    Көмүскэҥ күлүмнүүр кутаатын,
    Ууруубун утаппыт бэйэккэм -
    Мичээрдээх минньигэс уоскуттан,
    Истэбин сүрэҕиҥ дьүккүөрүн -
    Ыанньыйбыт түөстэргэр сыстаммын,
    Сыллыыбын мэйиибин туймаардар -
    Тапталга иҥсэрбит эн сыккын,
    Ыймахтыы иһэбин толору -
    Итирдэр кымыстаах имэҥҥин.

    Хомустан

    ***
    Эйиэхэ, эйиэхэ, эйиэхэ
    Эдэркээн саастарым эрэлэр,
    Элбэх да ырабын кэпсиэхпин
    Эргэрэн элээнҥэ хаалбытыттар.

    Ол кэмҥэ охсуллан көрбөтөх,
    Оройбун тэһитэ кэйбэтэх,
    Олохпор, ырабар эн бааргын,
    Оо ааспыт, ырааппыт, хаар саппыт.

    Ырааппыт ырабын, ырыабын,
    Ылбаҕай элэккэй санаабын
    Ыйдаҥа сырдатар ыллыгар
    Ыспакка, эппэккэ хаалбыппын.

    Эйиэхэ, эйиэхэ, эйиэхэ
    Эдэрбэр тыымматах тылларбын,
    Эргэрбит да буоллун, туох буолуой,
    Этиим дуу элбэх сыл нөҥүөлээн.

    Хомустан

    ***
    Биир тымныы күһүнҥү киэһэҕэ
    Ыллыкка утары көрсөммүт,
    Тулаайах дууһалар кыттыһан,
    Кулуһун оттоммут хоммуппут.

    Кутааҕа сыраллан, суулаһан
    Дууһабыт сылыйан ылбыта,
    Кылгастык да буоллар ол түүнҥэ
    Тымырбыт тэбиэлии күүрбүтэ.

    Сарсыарда тус-туспа суолунан
    Эргиллэн көрбөккө барбыппыт,
    Иккиэммит билэрбит ол кэмҥэ
    Кутаабыт сөҕүөхтээх дьылҕатын...

    Махтана саныыбын ол түүнү,
    Кыттыгас кутаабыт сыламын,
    Төннүбэт уот таптал тырымын,
    Дууһабыт сууласпыт сылааһын...

    Хомустан

    ***
    Дорообо Иркутскай куоратым -
    Эдэрбэр тэпсибит бульваарым,
    Дорообо долгуйар Ангара -
    Оһуохай оонньообут Залибым!

    Дорообо Урицкай уулусса -
    Элбэхтик тиэстибит аартыгым,
    Дорообо аатырар ТКаабыт -
    Подвалга остуоллаах пивбаарбыт!

    Дорообо - Баргузин барахсан,
    Художка - эйиэхэ эҕэрдэ,
    Дорообо - бастакы Сэбиэскэй,
    Маркска - махталым улахан!

    Дорообо эдэр саас куората -
    Элбэх сыл кэнниттэн эҕэрдэ,
    Дорҕоонноох дорообо буолуохтун -
    Долгуйар долгуннаах Ангара!

    Хомустан

    0
  • Хомустан
    25 августа  

    ***
    Баччаанҥа диэритин эн ханна
    Миигиттэн саһанҥын сырыттыҥ,
    Эйигин көрдүүрбүн таайбакка
    Нус-бааччы олоҕу олордуҥ?

    Эйигин түүл гынан түһүүрүм,
    Дьүһүнҥүн ойуулаан көрөрүм,
    Куолаһыҥ ардыгар бу баардыы
    Сипсийэн кэлэрэ салгынтан.

    Соҕотох Эйигин көрдөөммүн
    Сир-сиргэ сиэлэрим сиик кэһэн,
    Дьылҕа-хаан суолбутун тиксэриэн
    Билэрим да буоллар - хойутуон!

    Дьэ хомнуо дьылҕабыт ырбайда
    Толору тиистэрин килэтэн,
    Суолбутун көннөрөн, муннукка,
    Утары тиксэрдэ! Оо дьикти!

    Көрөөтүн мин биллим Эйигин,
    Сэгэрбин Эйигин көрдүүрбүн,
    Эйигин, соҕотох Эйигин
    Оҥорон, ойуулаан көрөрбүн.

    Эн эмиэ хараҕыҥ чыпчыҥныы
    Тутуннуҥ көстүбүт сүтүктүү,
    Утары мичийдиҥ мичээрдээн
    Унньуктаах түүллэрбэр көстөрдүү.

    Уһуннук кэрийдим дьон быыһын
    Эйигин, соҕотох Эйигин, булаары,
    Син булуом баар эбит буолбат дуо?
    Оо, аны саһыма - булумньум!

    Хомустан

    ***
    Эн бүгүн атынҥын букатын
    Сырайдыын, туттардыын, саҥалыын,
    Мин эмиэ сүүрүккэ суураллан
    Уруккум буолбатах, билэбин.

    Умнубут чугастыы кэмнэрбит
    Ардыгар эргиллэр санаабар,
    Эйиэхэ даҕаны биирдэ эмит
    Быгыалаан эрдэҕэ быыс булан.

    Төһө да кэм аастар, ырааттар,
    Олохпут атылыы суолланнар,
    Баар этэ буолбат дуо хаардаахха
    Суолларбыт кэккэлии тыргыйта?

    Таптаһар даҕаны буоларбыт,
    Күммүтүн таһаарсар этибит,
    Сатаатар хараххын хамнатан
    Билиниий ол былыт саппытын!

    Эбэтэр тус бэйэм түһээбит –
    Түүлбүттэн кэпсээтим дуу – хайдах?,
    Халтаһаҥ ибирдээн хараҕыҥ
    Хамсаата, эн биллиҥ, мин көрдүм!

    Эн бүгүн атынҥын букатын,
    Мин эмиэ уруккум буолбатах,
    Ол эрэн эн биллиҥ, билинниҥ
    Уруккуҥ курдуктуу мичийдиҥ!

    Хомустан

    ***
    Эн миэхэ куугунуур куйаарга
    Тырымныыр соҕотох сулускун,
    Сарсыарда саҕахха сандаарар
    Санаабын сырдатар сарыалгын.

    Эн миэхэ алааһым дуолугар
    Көччүйэр күөрэгэй чыычааххын,
    Айаным аартыгар айхаллыыр
    Суугунуур суугуннаах хатыҥҥын.

    Эн миэхэ баҕабын толорор
    Бараммат байҕалым баалаҕын,
    Уотунан кытыаста күлүмнүүр
    Кулуһун ыһыллар кыымаҕын.

    Эн миэхэ тамахпын ханнарар
    Чороонноох умайар утаххын,
    Дууһабын долгутар алыптаах
    Дьырылыы дуорайар хомускун.

    Эн миэхэ тиэргэммэр көрсүһэр
    Оһуордаах-мандардаах сэргэҕин,
    Хаахынаан арыллан көрсүһэр
    Халҕаным боруога буолаҕын.

    Эн миэхэ буккуурдаах үйэбэр
    Тирэнэр тутаһам буораҕын,
    Олохпор охтубат оҥкулум
    Сир ийэм кырыһын тууһаҕын.

    Эн миэхэ санаабын үллэстэн
    Сэлэһэр сэһэним кутаҕын,
    Күннэтэ батыһар күлүктүү
    Арахпат, ааһыспат аргыскын.

    Хомустан

    ***
    Билэбин, эн эмиэ билэҕин,
    Хайдахтаах кэрэҕин, нарынҥын,
    Ол эрэн, эн кэрэ дьүһүнүҥ -
    Дууһабын иирпэтин билбэккин.

    Билэбин, эрдэттэн билэрим,
    Эн-биһи суолларбыт тэйиэҕин,
    Атырдьах салаатын курдуктуу
    Аасыһан, арахсан барыаҕын.

    Билэбин, эрэнэ саныыбын,
    Эн таптал дьиҥнээҕин билиэххин,
    Күн тахсар сарыалар сыламнаан
    Үйэлээх тапталгын таайыаххын.

    Билэбин, мэлдьитин билэрим,
    Олоххо тардыһыыҥ күүстээҕин,
    Хайаны, хапчааны уҥуордаан
    Дьол кыыһар кустугун кууһуоххун.

    Билэбин, билигин тахсыахпын,
    Төттөрү эргиллэн киирбэттии,
    Билэбин, эн кэлин өйдүөҕүҥ,
    Дьиҥ таптал кутаата атынын...

    Хомустан

    ***
    Айгыстар эн ааккар, үөрүүлээх түгэнҥэр,
    Дьонноргун мунньанҥын долгуйар киэһэҕэр,
    Дьоро күн тосхойон дьоллонор кытылгар
    Дьоһуннук оҥостон, дьол эрэ баҕаран
    Аал уоппун оттоммун, ас биэрэн айахтаан,
    Сиэр сылгы сиэлинэн кэҥсик сыт таһааран,
    Сүһүөхтээх бэйэккэм тобуктаан тураммын,
    Хоолдьукпун хоҥкутан хомуһун хомунан,
    Эрчимнээх эҕэрдэ эттэҕим буолуохтун,
    Айхаллаах алҕыспын ыыттаҕым буолуохтун!
    Бастатан баҕарыым эйиэхэ дьол-соргу,
    Дьиэҥ иһэ куруутун үөрүүннэн үлүннүн,
    Сандалыҥ эргиирэ соргулаах буолуохтун,
    Муҥхалыыр элээниҥ эдэрэ элбээтин,
    Баай-талым олоҕуҥ барҕара баалланнын,
    Хороҕор муостааҕыҥ хотоно хаҥаатын,
    Сыспайдыыр сиэллээҕиҥ сыһыыны толордун,
    Дьон-сэргэ эйигин дьоһуннук ааттаатын,
    Куруутун киэн тутта, дуоһуйа кэпсээтин!
    Дьаҥ-дьааһах эргииргин аастын дуу кэрииннэн!
    Иҥсэ тыл, дьон хобо хоммотун, иҥпэтин!
    Этэрим дьэ бүттэ, эҕэрдэм аччаата,
    Мэлдьитин эн суолгун сырдатан биэрдиннэр -
    Итэҕэлиҥ, Эрэлиҥ, Тапталыҥ!

    Хомустан

    0
Ответ на тему: Хоһооннор
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания